ليه اكون مرتبط وفجاءة اتساب ؟!خلينا نتفق الأول ان مفيش حد بيبعد عن حد بيحبة الإ في حالة واحدة .. انة محبش اصلا ..
_ اية دة يعني ممكن حد يدخل علاقة وميكونش بيحب ؟!= اه طبعا بل ويتجوز وهو مش بيحب .._ طب لية ؟!
١_لو اتجوز غصب عنه ..٢_ لو عايز يتجوز وخلاص .. وقابل شخص ما وحبة بعد الجواز٣_ لو لسة خارج من علاقة وعايز يملى فراغ وقتة ويعمل موڤ اون بعلاقة جديدة ..٤_ علشان يغيظ الشخص السابق في حياتة ..٥_ مصلحة
_ اية كل دة .. يعني معقول شخص يجي حياتي ويحاول معايا بكل الطرق يلفت نظري .. واوافق ويحسسني اني احسن حد في الدنيا بعدين يمشي ؟!
= اه بيحصل طبعا ..
_ ليه ؟!= اسبابها عنده بس الأغلب أنتقام .. لأن الشخص اللي جاي حياتك وحاول معاك كتير علشان يلفت نظرك وبعدين بدأ أهمال هو مكنش عايزك علشان حب هو كان داخل (Game) هو داخل يقضي فراغ وقتة ..
٢_ جايز عايز ينتقم من الشخص السابق فبيحاول يظهرلة انة قدر ياخد خطوة الموڤ اون وحب جديد.. ويشتغل علي نقطة الغيرة
٣_ او انة بينتقم علشان انجرح ومش عارف ياخد حقة من الشخص السابق فبيحاول ينتقم من اي حد ويوجعة ويحس انة محبوب ومرغوب ومطلوب بس هو اللي مش عايز ورافض .. والنوع دة بالذات بتلاقية بيتلذذ في اذيتك تلاقية ( يسيبك ويتجاهلك / يعاملك ببرود / يكون اون لاين وميردش عليك / ينقص منك دايما / يحسسك إنك عبئ علية / يخليك تشك في نفسك / يحسسك ان محدش هيحبك غيرة وقده وزية ) .. والعلامة المميزة للشخص دة اكتر اول ما تستسلم وتبدأ تبعد ويحس إنك خلاص هتعمل موڤ اون يبدأ يعمل أي حاجة لفت نظر ليك .. يدخل ستوريهاتك .. يظهرلك في اي مكان .. يحاول يخليك تغير ولو ملقيش اي نتيجة من افعاله هيدخل يكلمك ويحاول انة يصلح مش عشان بيحبك لا ( علشان عايز شغفك بية مينطفيش) وذكي جدا بالطريقة دي لأنة في قاعدة في علم النفس الأسود بتقول ( لو عايز تعلق شخص ما بيك .. عاملة كويس جدا حسسة انة مفيش منه علي وش الأرض .. ومرة واحدة اقلب وعاملة يشكل قاسي .. وارجع تاني كون لطيف معاه )هتخلية يفقد شعورة بالأمان إلا معاك انت بس علشان السعادة دى مش بيحصل عليها الا عن طريقك .. وبكدا تكون قدرت ( تصنع شخص مدمن بيك عاطفيا ) بسبب التقلبات المزاجية اللي بتسببهالة .. ضخ كمية ادرينالين كبيرة ( كلام حب ومشاعر ) وارجع اسحبهم مرة واحدة خلية فينخفض الأدرينالين ( يحس بألم ومشاعر حزن ) .. وارجع اديلة تاني جرعة ادرينالين وهكذا ..
يحصل للشخص ارتجاف .. عدم امان .. عدم توازن .. ودة طبعا بعد ما ( الشخصية السامة ) افقدتة الثقة في نفسة و خلته يحس إن الأمان بس بيكون من خلاله هو .. والمشاعر اللي بيتمناها .. ويفضل راسخ في علاقة انة مش هيلاقي حد يحبة زية او يقبل بية .. وبحس انة قليل لذلك يفضل في دايرة انة ( يا إما يفضل واقف في مكان يتفرج علي الشخص السام وهو بيعيش حياتة مع غيرة / يا إما بفضل يتذلل لية ويظهرلة في كل مكان علشان يرجعلة )
والحلين دول بيعلوا جدا الدوبامين والادرينالين عند الشخصية السامة .. ويحس بوجودة ويصّر علي انة يفضل مع الضحية الجديدة مش حبآ لا تجديد لحد الضحية الجديدة كمان ما يضمن بقائها وهيفضل يعيد نفس التفاصيل اللي عملها معاك .. هيحسرك الغريبة إنك بتكره الشريك الجديد لية ومش بتكرهه هو ..
_ لكن هيتوقف في حالة واحدة !!
حالة إنك بدلت الكراسي ..بمعني
هو متأكد من إنك حزين علية ومش عارف تتخطي ومازلت بتراقبة ودة بيظهر في حزنك او اخبارك السيئة اللي بتوصلة عن طريق دايرة الاصدقاء المشتركة او البوستات الحزينة او حتي لاستوري او انك بتتصل بية وبتحاول ترجعة او بيشوفك في حالة مزرية ومش زي الأول .. ف كل دة بيطمنة ..
لو شافك تقبلت عدم وجودة بل ومش فارق معاك ( حتي لو بتحترق من جواك ) وشايفك عايش حياتك .. وبتنزل شغلك وبتخرج وبتتصور .. ومشغول بشكل فعلي في حياتك وبتبني وبتحاول تتخطي ولا بتراقب ولا بتدخل استوريهات ولا بتحاول تحتك بية هو اللي هيرجع .. ولو رجع ( ووجعته انت برفضك ) هيتربط بيك وهيفضل يحاول زيك بالظبط .. لو حسستة بعدم القيمة اللي كنت بتعملهاله زمان .. لو شفتة زية زي اي حد غيرة .. لو منعت عتاب .. وعشت حياتك انت حقيقي وانشغلت فيها دي اكبر صفعة لية .. اما يشوفك مرتاح وسعيد سواء دخل حياتك شخص جديد او لا هيحس أنة فقد حاجة كبيرة وعظيمة كانت في يوم من الأيام ملكة .. ( بالظبط زي ما حصل في فيلم السلم والتعبان .. أما هاني سلامة قالها مش هكمل ومش عارف احب حاسس اني بزق في حيط .. ورجع يكلم غيرها ويخرج معاهم .. كان منتظر انها ترجع تبكي وتتذلل لية زي ما عملت وهي فعلا معاه .. لكن اول ما قررت تملى حياتها شغل وخروج وسفر وعاشت لنفسها رجع يبكي علشان ترجعلة وهددها واتخانق غيرة عليها اما شافها مع غيره )
** لذلك متحاولش تقنع نفسك إن اللي سابك ( حبك اصلا ) لأنة لو حبك مكنش مشي .. مكنش رجع لشخص قديم في حياتة او راح لجديد .. لو بيحبك كان فضل ماسك ايديك وبيطمنك انكم لبعض ومش هيسيبك .. لو بيحبك كان هيحارب علشانك مش هيحاربك ..
متصدقوش ( الاستوريهات الحزينة / البوستات الحزينة ) بعد ما بيسيبك دي علشان يطمعك انة لسة بيفكر فيك بس الظروف مع انة هو اللي سايبك اصلا
(( مفيش حد هيبقي جعان .. وقصادة الأكل اللي كان بيقول انة بيحبة ومياكلش إلا لو بطل يحبة .. وبقي فية لية بديل ))