تنازلي عن الدرجتين اللي هيبوظو شخصيته دول !
قم بتسجيل الدخول للقيام بالتعليق
تسجيل الدخولبناقص ال ١٠ من ١٠ اللي بتخلي مفيش وقت للكلام والحب والتربية ! مش حاسس بيكي انك مضغوطة ولا بيروح المشاوير المهمه مع بباه ويتعرف عالدنيا .. مسألش عن جدته لما تعبت وعقبال ما جه يوم الخميس كانت 😞 !
مفيش وقت يغسل طبقه ويروق سريره ويقرأ سورة بتدبّر .. معقولة ميعرفش ايه اللي مدايق أخته !
مستهونة بالتفاصيل دي ! طب مش عارفة سِحْر النقاش وقت لمتكو عالسفرة .. وحكاوي وحضن آخر اليوم ❤️
مركزة فطريق واحد بس مش شايفة غيرُه ! طيب يا ستي مبروك .. هيبقي دكتور .. دكتور وأناني ومهزوز وعلاقته بربنا نص كم .. لا هو مالي عين مراته ولا هو راضيكي ! ولا متصالح مع نفسه !
ارضي بال ٨ من ١٠ وهو لما يبقى شاب متوازن هيعرف يختار الحاجة اللي يلاقي فيها نفسه ويجيب فيها ١٠ من ١٠ ونجمة كمان ❤️
أذكّر نفسي وإياكم .. بلاش نجري ورا أكذوبة الفل مارك .. تقفيل كل الامتحانات غالبا يتوازى مع تقفيل الدماغ !
الدماغ اللي محتاجة تتنفس وتفهم وتتخيل وتبدع .. مش تتحشي ! محتاجة تنتقي وتحلل اللي بتقراه .. تبقى قادرة عالتمييز والنقد .. جريئة وبتسأل ليه ده حصل وازاي ..
متنسيش إن التفكير عبادة ( لعلهم يتفكرون .. لعلهم يفقهون .. أفلا يعقلون .. أفلا يتدبرون .. )
وكل اللي فات ده محتاج وقت وحب وروقان ❤️
#كلمة_ممكن_تفرق