التلعثم عند الاطفال او التأتأه عند الاطفال واسبابها وعلاجها وكيفيه التعامل مع الطفل الذى يعانى منها
قم بتسجيل الدخول للقيام بالتعليق
تسجيل الدخولالتلعثم هو طريقه لاايراديه عند الطفل يخرج فيها الكلام بطريقه متردده او التأتأه زى مثلا ع ع ع ايز أكل وهكذا وده نتيجه حاجات كتير الطفل بيتعرض ليها
هنعرف فى هذا المقال ليه الطفل بيحصل معاه كده
اسباب التلعثم عند الطفل او التأتأه
اول حاجه بتخلى الطفل عنده تلعثم او مش عارف ينطق الكلام بشكل صحيح هو ان الطفل بيتعرض للعنف اما بالضرب او بالصراخ او استمرار جلوسه على الالات الالكترونيه والهواتف المحموله لفتره كبيره ودى بتخليه يستغنى عن العالم المحيط ليه
او انه يتعلم اللغه من الاسره بيحبس عنده الابداع والتفكير وبيبتدى يتلقى خبراته اللغويه من هذه الوسايل الالكترونيه مما يجعله غير قادر على النطق بشكل صحيح او ممارسه اللغه بشكل افضل
ايضا استخدام الطفل لهذا النوع من الوسايل الالكترونيه زى الهواتف او الاى باد وغيره يجعل عنده تشتت فى الانتباه وقله فى التركيز بسبب فيديوهات الكرتون و الحركه الكرتونيه السريعه والموسيقى غير الهادئه مما يجعل عقولهم مشوشه ومزدحمه ومليئه بالطاقه والحماس الذى بامكانه ان يظهر على سلوكيات الطفل واصابتهم بفرط الحركه والتوحد وغيره من مشاكل التخاطب التى تستلزم وجود متخصصين
هناك مقوله اجنبيه تقول انه يجب علينا تكرار النصيحه (الامر او الطلب) ٦٠ مره وفى المره ٦١ يمكنك ان تصرخ
معنى ذلك ان لابد ان يكون لديك الصبر الكافى فى معامله طفلك فهو غير مدرك ما تحاول نصحه
مثلا كفى لعب بالكره يا احمد
وهو لايجيب
فتكررها مره اخرى
كفى لعب بالكره ولايجيب عليك ان اتكون حليم صبور مع اطفالك ليس ابدا ضرورى ان تستخدم العنف فى تربيه اطفالك ولو بالصوت العالى والصراخ فله تاثير سلبى جدا على نفسيتهم وسلوكياتهم
فما بالك لو استخدمت العنف بالضرب فانها كارثه كبرى فى حق الاطفال
بهذه الطريقه يمكنك انت تمسح شخصيتهم وتجعلهم اطفال مهزوزين وضعاف الشخصيه ليس لديهم راى فى اى شئ
تابعين لغيرهم ينساقوا وراء اى وجه نظر
علاج التلعثم
علاج التلعثم اولا نبعد عن اسلوب العنف فى التربيه سواء ضرب او اننا نزعق ونصرخ فى وجه الاطفال
ثانيا نخصص عدد ساعات معينه للتليفزيون او الوسائل الالكترونيه زى الهاتف المحمول او الايباد او غيره من هذه الوسائل الترفيهيه التى طالما اعتادنا عليها فى كل امور حياتنا
نملئ وقت فراغهم باشياء مفيده زى الرسم او الذهاب مع الابوين خارج المنزل لاى غرض كان او الذهاب للنادى او محاوله خلق اى اجواء يظهر فيها الطفل ابداعاته
علينا ان نكتشف اطفالنا ونبحث معهم عن الهوايات التى تناسبهم
نجرب مثلا نخليه يرسم جايز يطلع منه فنان
او نخليه يلعب فى نادى ويدرب على اى لعبه جايز يحبها ونطلع منه لاعب او نعلمه مهاره ونطلع منه مبدع
ولادنا كنز نحاول نستثمر فيهم وننمى قدراتهم ومواهبهم ونديهم وقتنا
نحسس اولادنا بالحب والدفا والاحتواء وربنا يرزق كل اب وام بر اولادهم وصلاح احوالهم
رابعا وده اهم حاجه نعرض اطفالنا على متخصصين تخاطب يساعدونا فى علاج التلعثم
الخاتمه
ممكن نخصص يوم فى الشهر ترفيهى للولاد نقضيه معاهم هيفرق جدا فى نفسيتهم
اتمنى من كل اب وام يحرصوا على تربيه اولادهم تربيه سليمه وان يدعوا لهم فى كل صلاه ان يرزقهم بر ابويهم وان يجعلهم صالحين ومعافين تناولنا فى هذا المقال عن اسباب التلعثم وعلاجه وادعو الله ان يرزقنا صالح الاحوال والامه الاسلاميه جميعا