أخطاء يقع فيها المصريون الجدد في أمريكا أول 6 شهور وكيف تتجنبها...

الهجرة إلى أمريكا حلم عند كثير من المصريين لكن الواقع مختلف عن التوقعات...

أول شهور في بلد جديدة بتكون مليانة حماس لكن في نفس الوقت مليانة قرارات مهمة ممكن تأثر على حياتك سنين قدام ..كتير من المصريين الجدد في أمريكا بيقعوا في أخطاء بسيطة في البداية لكنها بتكلفهم فلوس وفرص واستقرار مستقبلا في المقال ده هنعرف أهم الأخطاء اللي بتحصل في أول 6 شهور وإزاي تتجنبها عشان تبدأ حياتك هناك بشكل أذكى وأسهل ..

 الخطأ الأول: اختيار السكن بسرعة..

أول ما توصل بتكون مستعجل على الإستقرار واول خطوات الإستقرار هو السكن فبتقبل بأي شقة أو غرفة المشكلة إن بعض المناطق غالية بدون سبب  أو العقد بيكون فيه شروط صعبة.. الصح إنك تقارن بين أكتر من مكان تشوف المواصلات الأقرب من العمل وفواتير الكهرباء والإنترنت قبل ما تمضي أي عقد طويل...

 الخطأ الثاني: تجاهل الضرائب ..

في أمريكا أي دخل تقريبًا لازم يتسجّل الوضع مختلف تماما عن مصر بعض المصريين يشتغلوا شغل مؤقت ويفكروا إن الموضوع بسيط لكن عدم فهم نظام الضرائب من البداية ممكن يسبب مشاكل مستقبلا وحتكون مطالب بضرائب عليك سدادها  الأفضل إنك تسأل محاسب أو تستخدم منصات تقوم بتشريح الضرائب للمقيمين الجدد..

 الخطأ الثالث: عدم بناء التاريخ الائتماني

من غير تاريخ ائتماني قوي  صعب تشتري عربية أو تأجر شقة كويسة  الحل بسيط: افتح حساب بنكي خُد كريدت كارد صغيرة واستخدمها بحكمة وادفع في المعاد مع الوقت سوف تبني ثقة مالية باسمك

الخطأ الرابع: الاعتماد على شغل مؤقت فقط

كتير يبدأوا بأي شغل وخلاص ويفضلوا فيه سنين الشغل المؤقت مهم في البداية لكن الأهم إنك تطوّر مهارة: لغة كمبيوتر مهنةعشان تفتح لنفسك مجالات أوسع بأجور أعلى.. أمريكا تكافئ اللي يطوّر نفسه مش اللي يقف مكانه دون تطوير..

 الخطأ الخامس: الثقة في أي وسيط..

في السكن اوشراء سيارات او تخليص أوراق فيه ناس تستغل الجديد أي حاجة فيها فلوس: اقرأ العقد بعناية اسأل متخصص او مقيم قديم وما تدفعش مقدم كبير من غير ضمان لو حاجة شكلها سهل زيادة عن اللزوم غالبًا فيها مشكلة..او نصب..

الخطأ السادس: إهمال التأمين الصحي..

زيارة طبيب واحدة ممكن تكلف آلاف الدولارات بعض المصريين يستسهلوا الموضوع لكن التأمين الصحي ضرورة مش رفاهية حتى لو خطة بسيطة هتحميك من مفاجآت قاسية

 الخطأ السابع: العزلة

 لابد من بناء علاقات متينة مع الأخرين من أبناء الجالية والجيران وهناك العديد من المؤسسات التي تساعدك في هذا الخصوص كالمساجد والمراكز العربية وحتساعدك تلاقي شغل وتستفيد من تجارب سابقة ونصائح الوحدة والعزلة يخلوك تتعب بسرعة خصوصا في الغربة..

خلاصة القول

أمريكا فرصة كبيرة لكن النجاح فيها مش بالحظ إنما بالتخطيط المسبق والقرارات الصح لو تجنبت الأخطاء دي من أول 6 شهور هتوفر على نفسك وقت وفلوس وتبني حياة مستقرة أسرع خليك دايمًا بتسأل تتعلّم وتتحرك بذكاء ومع الوقت هتلاقي نفسك مش بس عايش لكن ناجح كمان...

والله الموفق والرازق...