المقدمة
طبعا هتكلم في المقالة دي عن المراحل الي بنمر بيها في التفكير بخسارة الوزن وهتكلم عن الخطوات والنصائح الي ممكن تساعدنا في خسارة الوزن بشكل بسيط يساعد على خسارة الوزنواكتساب صحة جيدة
المراحل الي بنمر بيها عند التفكير في خسارة الوزن
المرحلة الاولى
اكتشاف الخطر الي احنا فية
طبعا كلنا بنبداء يومنا الي هوا بداية الساعة ٤ العصر او الناس الي هتقولي لا بنصحا بدري لاني عندنا شغل هقلهم اه بتصحى ٧ الصبح تمام مش هنختلف صديقنا الي بدأ يومة الساعة ٧ الصبح
بياخد بعضة ويقوم يلبس وينزل الشارع ويروح شغلة ويسلم على الناس ويقعد شوية وبعد كدا يروح هوا واصحابة يتفقو الي هوا الوقت اساسا خدهم وبدأو يتفقو هياكلو اي الكلام دا كان على الساعة ١٢ او ١ الضهر بيجمعو طبعا اني ياكلو وجبة دسمة دسم تخليهم يقعدو مش عارفين يتنفسو بعدها يسكتو لا طبعا بيشوفو هيشربو اي وبرضو يطلبو مشاريب ما بين غازيات حاجات فيها سكريات ودي برضو بتخليهم مش قادرين يتحركو من مكانهم دا بالنسة للشخصية دي اما الشخصية التاني الي بتصحى اصلا متأخرة الساعة ٤ العصر ياا بتفكر تشوف هتفطر اي او الغدا بيكون جاهز وتلاقيهم اكلو الاكلة من هنا وممكن ينامو تاني عادي طبعا انا هنا عارفة اني طولت في حاجات ملهاش لازمة بس الي عايزة اوصلو اني الواحد هنا بيجيلو حالة في اخر اليوم انا لية بطني بتوجعني انا لية مش قادر اتنفس انا لية وشي مليان حبوب وكبير كدا انا لية بقوم كسلان وبنام كتييير انا لية جسمي شكلو كداا وحش انا لية انا لية انا لية وبيبدأ يدور على طرق لخسارة الوزن وفديوهات الglow up
المرحلة الثانية
بهجت تاني خالص
وخضار سوتية والعشا زبادي طبعا صاحبنا بدون اي تفكير ياخد اي ورقة من جنبة ويبدأ يكتب جدول خسارة الوزن الي هوا بقا الفطار كذا والغدا كذا والعشا كذا وجدول الرياضة الي هوا عبارة عن المشي صباحا وبليل طبعا نظام رياضي تاني وطبعا غير نظام النوم وانظمة تانية كتيير بيبدأ صديقنا يومة الساعة ٧ الصبح زي ما النظام قالو ويبدأ يتمشى ويرجع يفطر البضاية المسلوقة ويلاقي نفسو مش جعان وبعد كدا يتغدا صدر الفرخة المشوية والخضار السوتية ويجري يعمل النظام الرياضي بتاع بليل وياخد دوش حلو كدا ويقعد يستنى العشا في الحتة دي نركز اوووووي من الي هيحصل صاحبنا بدون اي تفكير هينشف شعرو ويقوم يجري على المطبخ زي الاسد المفترس ياكلك بقا باقي الغدا الي موجود على البسكويت الي محطوط على الجانب على حبة البيبسي الي في التلاجة على الايس كريم الي كان شايلو للفري ولو حد دخل علية في اللحظة دي ممكن يعض ذراعة عادي ولما بقا جوعة يهدا يبدأ يأنب نفسة اي الي انا عملتو منا كنت ماشي زي الفل اي الي خلاني كدا ويروح مفرتك الورقة ويخش يكمل اكل وينام ويقلك خلاص هاكل براحتي بلا نظام بلا بطيخ انا مفيش حاجة جاية معايا طبعا انا في الحتة دي نسيت اذكر شخصين مهمين اووي الي هما بيسجلو في الجيم او مع دكتور الدايت دول اللة يكون في عونهم وعون فلوسهم الي ضاعت بيدأو يروح للدكتور او الجيم زي المدرسة يحضر بس يعمل الي علية ويروح يبسط نفسة بكل الاكلات الي هوا بيحبها ويروق على نفسة
المرحلة الثالثة
مرحلة مين دول وانا مين واحنا فين
دي بالنسبة ليا اخطر مرحلة بيرجع الواحد تاني يبدأ يحس انو تعبان وجسمو تعبو وشكل جسمة مش عاجبة ويبدأ وهوا بيتصفح في الريلز انستا فيس يلاقي صور المودل يبدأ يفكر انا لية مش
زيهم ويبدأ يقارن صورهم وصور ويلاقي نفسة دخل في دوامة النصب بقا من مشاريب تخسيس هتخسسك في اسبوع ١٠٠ كيلو وتاكل الي نفسك فية المشروب عبارة عن زنجبيل ولمون وكمون وي وي وي ويبدأ يخش في داير اخطر دايرة براشيم التخسيس وابر التخسيس والتكميم وصاحبنا فاكر اني لما ياخد البراشيم دي وياكلي الي عايزو هيخس مثلا او ممكن ينتظم بس صاحبنا معهوش اصلا تمن تجديد النت بتاع الشهر الي جاي اصلا ودايرة بقاا دكاتر التخسيس الي ميعرفوش ربنا الي عايزين ريتش بس يبدأ يكلم عن رجيم الماية الي هوا ممكن يقضي على صاحبنا او ممكن يتكلم عن حاجات مفيدة اه بس مش مناسبة لصاحبنا الي عايز يخس والدكتور بيبقى عامل كدا عشان تروحلو العيادة في الاخر وطبعا صاحبنا لو مشي في اي خطوة من الخطوات دي ممكن يروح فيها لاني ممكن متنكنش مناسبة لجسمة
الخطوات التي يجب اتباعها لخسارة الوزن
الخطوة الاولى
لازم الواحد يعرف اي الي بيناسب جسمة واي الي يقد يعمله يعني في ناس لما بتبدأ تقلل اكل بتلاقي نفسها خست في ناس لما ما بتاكل العشا وبتنام خفيفة بتخس في ناس لما
بتزود البروتينات والفيتامينات في نظامها بتخس في ناس لما بتقلل دهون في اكلها بتلاقي نفسها بتخس في ناس لما بتلعب راضة بتخس في ناس لما بتبعد عن النشويات بتخس في ناس لما بتبعد عن السكريات بتخس اظن بقت واضحة شوية يعني لازم تعرف جسمك بيمشي مع اي وبيخس وتبدأ تركز على النقطة دي وتشتغل عليها مينفعش اني انتا تمشي على نظام غذائي مش مناسب مع جسمك وتزعل لما متلاقيش نتيجة فادي نقطة لازم نركز عليها
الخطوة الثانية
متفجأش جسمك يعني لما تعمل نظامك يباشا تبدأ واحدة واحدة بمعنى تقلل اكلك حبة حبة يعني مثلا بتاكل في اليوم خمس اطباق رز دا بالنسة لك اول يوم هتاكل اربع اطباق ونص وبعدو
اربعة وبعدو تلاتة ونص وبعدو تلاتة لحد ما توصل لنص طبق بتحب الحلويات اول يوم تاكل نصف قطعة شوكلاتة بعد كدا قطعة صغيرة بعد كدا هتلاقي نفسك بطلت بتحب السكر في المشاريب بتحب تحط خمس ملاعق تحط اربع بعد كدا تلاتة لحد برضو اما تقلل تبقى معلقة اومفيش خالص بتمشي كدا متفجأش الجسم لأني في اجسام لما بتفجأها بتحس بخطر وممكن متخسش فالازم منفجأش اجسامنا
الخطوة الثالثة
على حسب بقا النظام الي بدأت تمشي علية وبدأت ترتاح معاه هقولك على كام حاجة زيادة تعملهم لازم تزود البروتينات في نظامك وتاخد فيتامينات تحاول تلعب اي رياضة بتريحك لمدة ربع ساعة ا نص ساعة على قد ما تقدر وتحاول بعد الساعة عشرة متاكلش حاجة او لو عايز وجعان اوووي كل حاجة مش دسمة كل مثلا خضار او فاكهة اشرب عصير حاجات عادية ولازم تظبط نومك لاني السهر مش كويس وفي ناس بتقول انو بيسبب زيادة الوزن
في النهاية
حابب اقولك انك لازم تهتم بصحتك وجسمك انتا تلقائي اما هتلاقي نفسك شوية خسيت هتحس براحة وانك مش كسلان وهتتبسط اما تلاقي جسمك شكلو حلو وقادر تتحرك طبيعي
وتنام طبيعي ومفيش وجع في جسمك هتبقى فرحان طبعا حتى لو مش قادر تمشي على نظام خالص متأذيش نفسك ممكن تكون بتاكل كتيير عشان نفسيتك تعبانة ممكن تكون بتاكل حاجات مش صحية عشان معندكش وقت ممكن تكون بتاكل كتيير زهق لازم تاخد بالك من نفسك ومتأذيهاش وتحاول انك تريح بدنك وتشوف اي الي بيريحك عشان متكونش مكان ناس كتيير مرضو مرض السمنة المفرطة ومرض السكر والقلب وغيروو بسبب الاكل الكتيير والي مش منتظم فا احمد ربنا عشان بنحاول وفقك وخلاك تلحق نفسك قبل ما تقع في الامراض دي فالازم تشجع نفسك وتحاول تظبط نظام حياتك
انا في المقالة دي بحاول اساعد الناس في خسارة الوزن بطرق بسيطة اتمنى انكم تستفادو منها
