تجربتي الصادقة مع موقع Zoombucks: ربحت 3 دولار، ودي الحقيقة الكاملة.
تجربتي الصادقة مع موقع Zoombucks:
ربحت 3 دولار، ودي الحقيقة الكاملةمن بداية ما بدأت أبحث عن طرق للربح من الإنترنت، كان هدفي الأساسي إني أبدأ بحاجة مجانية ومضمونة، أتعلم منها وأشوف هل فعلاً ممكن أكسب من ورا الشاشة ولا لأ. ومن المواقع اللي جربتها كان موقع اسمه Zoombucks، واللي هو عبارة عن موقع بيديك فلوس مقابل إنك تجاوب على استبيانات، أو تحمل تطبيقات.وهكذا...التسجيل سهل وسريع أول حاجة شدتني في Zoombucks إنه سهل التسجيل. دخلت على الموقع، سجلت بإيميلي،وفعّلت الحساب بسرعة. بعد كده، طلبوا مني أجاوب على شوية أسئلة أساسية زي الجنس، السن، البلد... علشان يطابقوني مع الاستبيانات المناسبة.
بدأت أشتغل على الاستبيانات الموقع بيقدملك قائمة بالاستبيانات المتاحة.
أول ما بدأت، كنت متحمسة جدًا، لكن اكتشفت إن مش كل الاستبيانات بتكمل. فيه استبيانات بتبدأها، وبعد دقيقتين يقولولك إنك "مش مناسب"، وده للأسف بيضيع وقتك.رغم أن حققت حوالي 3 دولار بس بياخد وقت شويتين عشان تجمعهم مش من اول يوم بتجمعهم ، الموقع اول مابتسحل فيه بيديك 1000 نقطة دي بدولار، وهي حاجه كويسه أنه حقيقي ومجاني واكيد كل واحد هتبقى تجربته غير التاني ممكن حد يعمل دولار في شهر وممكن حد يعمله في اسبوع على حسب الاستبيانات المتاحه .
هل الموقع صادق؟أيوه، Zoombucks موقع صادق، والنقاط اللي جمعتها اتحوّلت فعلاً لفلوس، لكن الحد الأدنى للسحب مش كبير (بيكون 3 دولار ).طيب إزاي بتسحب فلوسك؟من ضمن الحاجات اللي عجبتني في Zoombucks إنك تقدر تسحب الفلوس بأكثر من طريقة، منها:PayPalبطاقات هدايا (Amazon، Google Play، إلخ)Bitcoin لبعض الدولأنا اخترت إني أسحب عن طريق PayPal، اسهل طريقه وبالفعل الفلوس اتحولت وصادق وفي أنه مجاني كويس جدا.
📸 📌 إثبات الربح منZoombucks هسيب اسكرينات اثبات السحب 3 دولار.
- مميزات Zoombucks
التسجيل مجاني وسهل.
طرق ربح متنوعة (مش بس استبيانات).في بعض الأحيان، بيكون فيه مهام سهلة جدًا زي تحميل تطبيقات.واللعب عليها العاب مسليه جدا وبتاخد قصاده نقاط.
العيوب والسلبيات (لازم أقولها بصراحة)
الاستبيانات مش دايمًا متوفرة، وده بيعتمد على الدولة والمعلومات اللي قدمتها.
الموقع بياخد وقت طويل علشان توصل للحد الأدنى للسحب، خصوصًا لو مش فاضي كل يوم.
تقريبا انا جمعت في حوالي شهرين بس مكنتش بشتغل كل يوم الصراحه يعني اكيد في حد بيعمله أقل من كده.
أحيانًا بيتوقف الاستبيان في النص، وده محبطيعني Zoombucks يعتبر خيار مناسب كبداية، لكن مش أحسن موقع على الإطلاق، ومحتاج صبر.
نصائحي للمبتدئين مع
Zoombucksخصص وقت ثابت يوميًا، حتى لو نص ساعة.جاوب على البيانات الأساسية بدقة عشان توصلك استبيانات مناسبة.ما تضيعش وقتك في المهام اللي ما بتديش نقاط كتير.
تابع العروض الجديدة كل يوم لأن أحيانًا بيظهر عروض قوية لفترة محدودة.
خلاصة
تجربتي انا جربت Zoombucks وربحت منه أول 3 دولار في حياتي على الإنترنت. المبلغ مش كبير، بس الشعور بالإنجاز كان مهم جدًا ليا. الموقع صادق فعلاً، لكنه مش سهل أو سريع، ومحتاج وقت وصبر. لو إنت جديد في مجال الربح من الإنترنت، أنصحك تبدأ بيه، بس متتوقعش أرباح ضخمة من أول أسبوع.في النهاية، هشارك معاكم صورة إثبات الربح، وأوعدكم أكتب عن كل موقع بجربه بصراحة تامة.
📌 إثبات الربح من Zoombucks:اثبات السحب اهو عن طريق الباي بال .
اثبات السحب عن طريق الميل .
اتمنى يكون المقال عجبكوا وإن شاء الله مع كل تجربه بجربها هشاركها بكل صدق وأمانه وإثبات السحب
