القمع التسويقي : ما هو القمع التسويقي وكيف تستخدمه لزيادة مبيعاتك؟
قمع المبيعات-مراحل القمع التسويقيبعد ظهور الإنترنت والتسويق الرقمي بقت الشركات كلها والأفراد كمان بيستغلوا منصات السوشيال ميديا إنهم يسوقوا لمنتجاتهم وخدماتهم بشكل مناسب، وده لأن الجمهور موجود بصورة كبيرة على السوشيال ميديا لأن كل حاجة بقت على السوشيال دلوقتي، ولكن اللي بيميز شركة عن التانية في التسويق الرقمي هو فهم رحلة العميل على السوشيال ميديا وازاي بياخد قرار الشراء، وده اللي بنسميه القمع التسويقي.
مسارات التسويق.ما هو القمع التسويقي؟
القمع التسويقي هي المراحل اللي بيمر بيها العميل من أول ما يتعرف على المنتج أو الخدمة لحد ما ياخد قرار الشراء، وكل مرحلة من مراحل العميل بيكون لها محتوى خاص بها علشان تقدر تنقله للمرحلة اللي بعدها بطريقة صحيحة، لحد ما يوصل إنه ياخد قرار الشراء، والمراحل دي بتتقسم لخمس مراحل، 3 مراحل قبل مرحلة الشراء ومرحتين بنسميهم ما بعد البيع.
مسار التسويق الكامل.مراحل القمع التسويقي
بتتقسم مراحل القمع التسويقي لخمس مراحل:
-الإنتشار.
-الإهتمام.
-القرار.
-الولاء.
-العميل المُسوق.
كُل مرحلة من المراحل دي لو تمت صح بتنقل العميل للمرحلة اللي بعديها، وأول مرحلة من المراحل دي هي مرحلة الإنتشار.
قمع المبيعات.مرحلة الوعي(الإنتشار)
دي أول مرحلة من رحلة العميل، وفي المرحلة دي العميل بيكون بين حاجتين، يا هو عارف إن عنده مشكلة ومش عارف إزاي يعالجها، زي لو هو عارف إنه تخين، فهو عارف إن دي مشكلة لكن مش عارف يحلها إزاي، وفي الحالة دي مطلوب منك كشخص Content Creator إنك توضحله ملامح المشكلة وتقوله إزاي يحلها بطريقة صحيحة، أو إنه عنده مشكلة بس هو مش عارف إن عنده مشكلة، زي شخص مثلًا شعره بيقع على طول، فهنا في مشكلة بس هو مش عارف فين المشكلة، ودورك هنا إنك تبدأ مع العميل من أول إنك تفهمه إنه عنده مشكلة أصلًا لحد ما تقوله إزاي يقدر يحلها، في المرحلة دي عمومًا مش بتتكلم عن البراند أو المنتجات والخدمات اللي بتقدمها نهائى، انت بس بتعرف العميل إنه عنده مشكلة وازاي يقدر يحلها، متجبش سيرة البراند نهائي علشان انت هتتكلم عن البراند في المرحلة التانية زي مرحلة الإهتمام.
مرحلة الإنتشار-Awareness مرحلة التحويل(الإهتمام)
بعد ما العميل يفهم المشكلة بيبدأ يهتم بالموضوع ويبدأ يفكر في شراء المنتج أو الإشتراك في الخدمة، وفي المرحلة دي بيبدأ يشوف كل الشركات اللي بتقدم نفس الخدمة، وبيبدأ يقارن بينك وبين المنافسين.وهنا بقى شكل المحتوى بيتغير، بتبدأ تتكلم عن مميزات منتجك وازاي هو افضل من باقي المنتجات، وكمان إن السعر مناسب بالنسبة لباقي المنافسين، وهنا بيكون همك كله إنك تخلي العميل يقرر الشراء من شركتك انت دونً عن باقي الشركات.
مرحلة القرار (الشراء)
وهنا بيكون العميل خلاص قرر إنه يشتري منك انت، لكن هنا بيكون محتاج تشجيع سيكا كدة علشان ياخد القرار، وده بيتم إنك بتبدأ تتكلم عن سعر مغري، بتبدأ تعمل عرض لفترة محدودة، وكأنك بتقول للعميل اهو اشتري مني انا مظبطك.
انت هنا بتكون قضيت على العميل حرفيًا، عرفته المشكلة وازاي يحلها، عرفته إن منتجك هو اللي هيقدر يحل المشكلة دي، بتقدمه المنتج بسعر مناسب وعامل عروض كمان، فطبيعي العميل هيقرر يشتري منك.
لحد هنا وبعد ال 3 مراحل بتكون تمت أول عملية بينك وبين العميل.
بس لو فاكر إن الموضوع خلص لحد هنا فأنت غلطان، لإنك بتحتاج تتواصل مع العميل وتهتم بيه اكتر علشان تبني علاقة بين العميل والبراند، وده بياخدنا للمرحلة الرابعة وهي الولاء.
مرحلة الولاء
لو العميل اشترى منك مرة مش معناه إنه بقى عميل مستمر ومش هيطلب غير منك، لا هو بكل سهولة ممكن يطلب من غيرك لإنه معندوش ولاء للشركة، والمطلوب منك في المرحلة دي إنك تتواصل مع العميل بعد ما تتم عملية الشراء وتاخد منه فيد باك عن مدى رضاه عن المنتج أو الخدمة واي ملاحظاته وتجربته مع المنتج.
وهنا بتحسس العميل إنه مهم ورأيه مهم وأننا بنسعى لتقديم أفضل خدمة، فبالتالي بيكون في ولاء من العميل للشركة وبيبقى العميل كدة في جيبك خلاص.
مرحلة العميل المُسوِّق
دي أخر مرحلة وهي مرحلة الوحش حرفيًا، وهنا اهتمامك بالعميل بيزيد جدًا وبتلعب على وتر حساس، بتحاول تخلي العميل فرد من أفراد التسويق، يعني العميل هو اللي يسوق لمنتجك😉.
وهنا مقدرش اقولك إن في قاعدة معينة بتعمل كدة، لكن انت بيكون مطلوب منك تعمل حركة شياكة مع العميل، زي إنك تبعتله اوردر مجانًا، أو تبعتله هدية مع أوردر، أو رسالة شكر.
الحاجات دي تبان صغيرة، لكن صدقني بعد ما تعمل كدة اضمنلك إن اللي انت صرفته هيرجعلك أضعاف مضاعفة، لإن بكل بساطة العميل ده هيقعد مع اصدقائه ويقولهم اللي حصل ويرشحلهم المكان، وبكدة تبقى كسبت عملاء جُدد من خلال العميل بتاعك وبقى فرد من أفراد التسويق، يعني تسويق مجانى☺️
العميل المسوق ودعوة الأخرينمصادر التعلم
المصادر
