اكسري حاجز الجدران

في الفترة الأخيرة ظهر العديد من الأفكار الكثيره للربح من عل الإنترنت خصوصا لو ست بيت قاعده في المنزل. انا واحده من الستات اللي قعدت في البيت وبعد فتره حصل ملل لان كل اللي بقوم بيه فقط الطبخ والتنظيف والأولاد ونسيت نفسي لغايه من فتره قريبه ظهر ليا فكره مشروع ومنها لمشروع اخر.

في الأول وبعد بحث عجبني فكره التطريز بالايتامين وبعدها عجبني فن لاقيت نفسي فيه وهو الصلصال الحراري أو ما يسمي polymer clay حرفيا فن وبطلع فيه كل طاقتي السلبيه وفرق معايا في معاملتي لبيتي ومع الأولاد..

خصصت اني اقدم هدايا هاند ميد مجات وميداليات صلصال حراري بأشكال مميزة وكل مااشتغل اطلع الطاقه السلبيه وبشحن بطاقه ايجابيه، ومن هنا كسرت حاجز الجدران والحبسه في البيت وكسرت الروتين اليومي لانه ساعات بيجيب طاقه سلبيه وعصبيه..

وأنتي كمان تقدري تشتغلي وتكتشفي موهبتك ومهاراتك وتستغليها في شغل يجيب ليكي عائد مادي وتكسري الروتين بتاعك واثبتي نفسك بموهبتك وشطارتك..

ممكن التعليم من خلال وسائل مختلفه على الإنترنت، فأصبح التعليم سهل من خلال الفيديوهات اجنبيه وعربيه توضح وتشرح المجال المرغوب فيه مما يسهل التعلم مهاره جديده في مجال جديد وانتي قاعده في بيتك، فيحقق ليكي الرفاهية والسهوله في اكتساب مهارات جديده...

وشغل السيدات في مجال المشغولات اليدوية هو فرصة رائعة للتعبير عن الإبداع وتحقيق الدخل في الوقت نفسه. مع إمكانية إنتاج منتجات فريدة ومصنوعة يدويًا. ويمكن لشغل المشغولات اليدوية أن يوفر مصدرًا إضافيًا للدخل، سواء كان لتحقيق الاستقلال المالي أو مساعده في احتياجات الاسره.. يقدم فرصة مثيرة ومجزية للتعبير عن الإبداع وتحقيق الدخل. من خلال الالتزام والإصرار، يمكن للسيدات بناء علامة تجارية ناجحة وتقديم منتجات فريدة تلبي احتياجات السوق بجوده عاليه أيضا..

وبالتالي المفروض نعمل علي دعم المرأة في الشغل ومساعدتها والمقال القادم نوضح طرق المساعده والدعم للمرأة لأنها اساس المجتمع ..