الحلقة العاشرة :
ج٢
مهما زاد حمل زورق آهاتنا الثكلی من طول البعاد..!
ستبقى قلوبنا علی عهد الغرام، تجدد عهدها في كل ليلة اكتمل القمر البدر فيها ليكون الشاهد الأمين على قدسية عهودنا
فداء الساهر
_______________
____________
وصلت عالبيت وقلبي كان رح يطلع من مكانه، وبجهز كلام احكيه لزوجي اللي غبت عنه اكتر من شهر بدون اي مبرر ..
مها ( بلهفة ) : شو صار ؟ ليه تاخرتوا
زياد : اتركي البنت ترتاح والحقيني
مها ( فهمت عليه ) : ...
زياد : الدنيا قايمة قاعدة يا مها، زينة بالحبس هي وفارس
مها ( بدهشة ) : كيييف ؟!
زياد : بحكيلك بس بشرط تحافظي على هدوئك وما بدي تخافي لانه كل اشي بخير باذن الله
مها ( بتهز براسها ) : حاضر حاضر بس احكيلي
زياد : ( حكالها كل القصة )
مها ( بخوف ) : يمممممة يا حبيبتي، اخوي واولاد اخوتي بالنظارة وما حدا داري عنهم، وكله من ورا هديك ال...
زياد : استغفر الله العظيم، شفتي
مها : الله يسامحه احمد بس، الله يسامحه لو من الاول ربيناها وبلغنا عنها ما وصلنا لهون
زياد : المصيبة اللي اكلها هوة ومرته، ما كان خاطر بباله ترجع تنتقم
مها : وياسمين شو حكت معها ؟
زياد : ما بعرف، بس حسيتها ارتاحت كثير، شكلها فشت غلها بكم كلمة
مها : بيني وبينك بدها وحدة متل ياسمين تسمعها كم كلمة بالعظم، المعاملة الطيبة والكويسة ما بتنفع مع اشكالها
////
بعد ما حكينا شوي انا وخواتي وفرحت قلوبنا بعد عذاب طويل، مسكت موبايلي وفتحت اشوف احمد شو بعتلي رسائل بهالكم ساعة اللي كنت فيهم بالمغفر ..
ومتل كل يوم، وكل صباح ومسا وكل وقت، بكون مشبعني كلام وترجي وسؤالات عني وعن احوالي ..
كان اخر ظهور اله قبل ساعة، يعني احتمال يكون نام، بس قلت يجرب حظي وببعتله كلمة ..
ياسمين : احمووودتي، كيفك ؟
وكانه بستنى فيي، ما تاخر ولا لحظة وفتح وقرا ..
بس ما رد باي حرف، يمكن لسا عقله ما استوعب اللي شافه، غلب توقعاتي ورن عليي مكالمة فيديو ..
حنين : وين رايحة ؟
ياسمين : على غرفة الضيوف، احمد برن عليي
حنين ( بفرح ) : بدك تردي ؟
ياسمين : انا بعتله اصلا، اكيد رح ارد
رنين : طب زبطي حالك، حطي مكياج وغيري بجامتك
ياسمين : لبكرا، هلا خليني هيك احسن
استجوبوني ولسا احمد برن، وخلصت الرنات قبل ما ارد ..
احمد ( بتأمل فيي ) : ...
ياسمين ( بتأمل فيه ) : ... كيفك ؟
احمد ( نزلوا دموعه وصوته مخنوق ) : مشتاااااق، ياااه عن صوتك معقول انا رجعت اسمعه من جديد ؟
ياسمين ( بحاول اكون قوية ) : وانا مشتقتلك اكتر حبيبي
احمد ( باستنكار ) : حبيبك ؟ متاكدة !
وكالعادة بس اولها حب وشوق، بعدين ببدا العتاب والاسئلة اللي ما بعرف كيف لفقتلها اجوبة ..
ياسمين : احمد لا تبلش، كان كتير صعب انه احكي معك بالفترة الماضية، وهي رجعت اول ما صحلي
احمد ( بدا يعصب ) : بس فهميني شو اللي كثير صعب ؟ يلا عم اسمعك
ياسمين : كنت مريضة وما حبيت تشوفني بهديك الحالة، وفوق هيك دراسة وضغط وهي الامتحانات بعد كم يوم وبتخرج ان شاءالله
احمد ( رفع حواجبه ) : طيب انتي مريضة ووضعك صعب، كل العيلة كمان وضعها متلك ؟ وما حدا قادر يحكي معي ولا يرد عليي
ياسمين : اي عيلة قصدك ؟ اهلي انا منعتهم حرام كتير كانوا يحكولي بدهم يردوا عليك
احمد : واهلي ؟، ياسمين لا تجننيني كل العيلة ما حدا بحكي معي مثل العالم والناس، الشاطر اللي بتهرب
ياسمين : وانا شو دخلني فيهم، صدقني ما بشوف حدا
احمد ( برضا مصطنع ) : ماشي، يلا كل شي بهون قدام هالعيون اللي اشتقتلها
ياسمين ( ابتسامة خجولة ) : ما يحرمني منك ومن كلامك الحلو
////
ابو عدي : الحمدلله هينا طلعناهم وكل واحد رايح على بيته
ابو امير : الله يطمن بالكم ويحفظهم من كل شر، اللي عملوه مشان بنتي ما بنسالهم اياه طول عمري والله
ابو عدي : هي بنتك لحالك ؟ بناتك بناتنا يا زياد اذا احنا ما وقفنا معكم مين يجي بدالنا
ابو امير : ما بتقصروا
ابو عدي : طمني حكت مع احمد ؟ عشان نعرف شو نحكيله اذا حكى مع واحد فينا
ابو امير : اتوقع انها حكت معه، بس ما بعرف شو حكتله بالضبط خلينا نسالها اول
ابو عدي : تمام، هسة ببلغ الشباب ما حدا يحكي
ابو امير : سلامي الهم جميعا ونراكم بخير ان شاءالله
مها : الحمدلله يارب، يا ويلي على امهاتهم ونسوانهم لو ما طلعوا اليوم
ابو امير : اه والله بقولوا ام قصي حالتها سيئة وكانه قلبها حاسسها
مها : يا قلبي عليها، وريم وديمة عرفوا ؟ الله اعلم اذا سيرين ونهى كمان عندهم خبر
ابو امير : انا سمعت عدي بتواصل مع حمزة، بس ما بعرف اذا سيرين عرفت او لا
______________________________
حمزة : الحمدلله على سلامتكم
هيثم : الله يسلمك، غلبتك معي بس بدي اروح اجيب رانيا بتكون صاحية ؟
حمزة : ولو شو هالغلبة، ورنوش حتى لو نايمة بتصحالك هههه
هيثم : خايف من اسئلتها هسة، ما فيي حيل احكي اشي
حمزة : طيب ارتاح عند اهلك الليلة والصباح رباح
هيثم : لا بدي اياها ضروري، وبدي آدم كمان
رانيا ( بدهشة ) : هيثم ؟! خلصت مناوبة حبيبي
هيثم ( بتاملني بحب ) : اشتقتلك
رانيا ( ضميته بقوة ) : وانا كمان يا عمري، ليه هيك حالتك ؟ احكيلي انه مو صاير معك اشي لا سمح الله
هيثم : بتقدري تجهزي بسرعة ونرجع على بيتنا ؟
رانيا ( هزيت راسي بتوتر ) : اكيد يلا كم دقيقة وبجهز، استنى اجيبلك آدم عشان ما يصحى عليي وانا بلبس
////
حمزة : سيرين طولي بالك صدقيني انهم بخير وماشاءالله عليهم
سيرين ( بتبكي ) : بدي اروح اشوف علاء، الله يخليك خدني لعنده
حمزة ( بشبك شعره باصابعه ) : لا حول ولا قوة الا بالله، امري لله يلا امشي بسرعة
////
سهى : وين راح ابوكي بهالليل ؟ يا ربي مو ناقصني
ريم ( بتبكي بحرقة ) : ... الله يجيبهم بالسلامة
ابو قصي : يا الله، تفضلوا يا شباب
سهى ( بلهفة ) : قصي
قصي ( ركضت لعندها وحضنتها ) : ماما حبيبتي
سهى ( حاضنتني بقوة وبتلمس شعري ووجهي ) : وين رحت يا امي ؟ هيك بتعمل فيي
علاء : احم
ابو قصي : فوت فوت عمي مالك مستحي
ريم ( حضنته بقوة ) : ....
علاء ( بصوت مخنوق ) : سامحيني
سهى : تعال خالتو
علاء : سامحينا خالتي، غصبن عنا
ريم ( بتمسح دموعها ) : يلا احكولنا وين كنتوا ؟
ابو قصي : اعملي اشي لامك تهدي اعصابها اول، ما بحكي وهي بهالحالة وانتي كمان لازم تهدي
////
عدي : مسا الخير
ديمة ( بلهفة ) : عدي؟ وينك انت ( ضمتني بقوة ) قلقت عليك حبيبي
عدي : سامحيني طولت عليكي، بس كان في شغلة صعبة ولازم اكون موجود
ديمة ( بخوف ) : شو صار ؟
مديت حالي على الكنباية وحطيت راسي على رجليها، كنت بحاجة للمسات حنونة من شريكة حياتي، حتى اخفف عن حالي حجم اللي صار بعيلتنا، وامور عرفت تفاصيلها ولسا عقلي مو مستوعبها ..
ديمة : عم اسمعك، يلا احكيلي رح يوقف قلبي
عدي ( رفعت راسي اتأملها ) : قلبي ولا قلبك، اوعي تعيدي هالكلمة، ما بعيش بلاكي انا
ديمة ( بسمة دافية بين دموع ) : بحبك
////
آيات ( ضمتني بقوة ) : الحمدلله عالسلامة، الف الحمدلله
امجد ( بجفاصة ) : اه الله يسلمك، بس منيح اللي صار هيك عشان تعرفي حالك مين مصاحبة
آيات ( حزينة ) : معك حق، بس بشو احلفلكم انه ما كنت متخيلة توصل لهون معها
منى : خلص صار اللي صار، ودرس مشان نتعلم لقدام
امجد : والله ! يلا منيح
ابو احمد : شو القصة يابا يا آيات ؟ منار ليه بتكره ياسمين لهالدرجة ووصلت معها لهون
آيات : كل اللي صار موقف واحد من لما رجعت من السعودية قعدت تحكيلي لساته اخوكي بده اياها اخطبيني بدالها، حكتلها ما بقدر يتزوج غير ياسمين ومن هالحكي وحسيتها اقتنعت، بعدين اجت ياسمين وبتحكي انه كل اغراضي معها حكتلها منار اخدتي منها كل شي حتى اخوها
منى : يووه
امجد : عاساس اخوكي لابتوب
الجميع : هههههه
ابو احمد : استغفر الله العظيم، شو هالبشر هاي على كلام فاضي بتروح بتلعب على مستوى شرف وحدة عفيفة
منى : بدي احكي لياسمين تشتكي عليها ما بصير اتضل هيك بدون حساب
امجد ( نص ضحكة ) : هي ياسمين بدها تحكي معك يعني ؟
آيات ( باستغراب ) : ليه ما حكت معك ؟
امجد : بتتخوثي انتي الثانية ؟ بعد كل شي عملته فيها وحكته عنها بدها تحكي معها ؟ خصوصا بعد ما ظهرت برائتها اللي كنا كلنا متاكدين منها ما عدا امك
منى : ...
ابو احمد : ... يلا عالنوم تاخر الوقت وعنا اشغال بكرا، الصباح رباح
امجد : تصبحوا على خير
////
عمر : اهلا بيان
بيان ( بخجل ) : اسفة عالازعاج، بس بدي .. بدي اسالك عن
عمر ( بهز راسه ) : فهمت عليكي، اتطمني منيح عدت على خير
بيان ( نزلوا دموعي ) : كان لازم اكون جنبه بهيك وقت صح ؟
عمر : امممم اتوقع بما انه انتهى كل شي بينكم فالوضع عادي مثلك مثل اي بنت ثانية
بيان : ... صح، يلا عن ازنك
عمر : الله معك
////
ابو قصي : تفضلوا مية اهلا وسهلا
حمزة : لا تواخذنا عمي ابو قصي بس عشان سيرين بدها تتطمن على اخوها
سيرين ( بلهفة ) : وين قاعدين ؟
علاء : هيني يا زعرة
سيرين ( ضمته بقوة ونزلوا دموعها ) : حبيبي الحمدلله عسلامتك، خوفتني عليك
علاء ( بحنية ) : ولك انا منيح شوفيني، لو حكيتي تلفون بكفي
حمزة : شو بكفي، مستحيل تزبط
سيرين : ريم حبيبتي الحمدلله عسلامة اخوكي و زوجك
ريم : الله يسلمك
سيرين : كيفك قصي، خالتو حبيبتي ( سلمت عليها )
قصي : هلا سيرين، الحمدلله بخير الله يسعدك يارب شكرا لجيتكم
حمزة : الله يسامحكم هاد اقل من واجبنا
سهى : الله يرضى عليك خالتو، طمني كيف رانيا ؟ شافت هيثم
حمزة : اه راح عند اهلي اخدهم ورجعوا على بيتهم المفروض
ابو قصي : الله يهدي بالهم ويسعدهم
علاء : سبحان الله لما اعطته آيات العنوان وخبرني، حكيتله بجوز كمين او مو صحيح ، واصر يروح كانه قلبه حاسه
سهى : يا ريته ما راح ولا شاف هالشوفة
ريم / سيرين : بالعكس منيح اللي راح
قصي : مشكلجيات طالعين لخالكم ههههه
حمزة : يلا تاخر الوقت، شفناكم بخير
سيرين : لسا ما قعدنا
علاء / قصي : ههههه يا ويلي عليك
سهى : صح كلامها لسا ما شفناكم وما ضيفناكم اشي
حمزة : سلامة خيركم ان شاءالله بنجتمع بظروف احسن
ريم : يا حبيبي على خالتو نهى لما تعرف
سيرين : كل ما اتزكر انه رح تعرف قلبي بوقع مني
سهى : الله بهونها، لما تشوفهم بخير وقدام عيونها بتطمن اكتر
سيرين : ما قدرت ادق على دار خالتو مها اشوف ياسمين خفت تكون مو منيحة
ابو قصي : بالعكس ماشاءالله عنها كانت اقوى وحدة، بس بكرا بتشوفيها بتكون اروق شوي
ريم : ابصر حكت مع احمد ؟
علاء : اكيد حكت، بس ما اتوقع انه حكتله اشي عن اختفائها
حمزة : الله يهون عليهم، ويجمعهم على خير
______________________________
بعد اسبوع <<
بعد فترة مو قليلة من الفتور بعلاقتنا، ومع اقتراب ذكرى زواجنا الاولى، حبيت اجدد حياتنا واعمل مفاجاة وارجع الاجواء الرومنسية اللي افتقدناها مؤخراً ..
نيمت بنتي وعملت كوب من القهوة المفضلة عندي، حبيت ابحث على مواقع بالنت عن افكار جديدة ، فاخترت اللابتوب بما انه موبايلي بالشحن ..
رزان : اشتقتلك كتير، وين كلامك الحلو اللي كنت تحكيلي اياه زمان؟ وين غزلك فيي
علاء : معلش مشغول كثير هالفترة ويادوب ملحق على شغلي وعيلتي
رزان : بس انا حبيبتك ما بصير هيك تعاملني
علاء : حقك عليي خلص بوعدك اعوضك قريبا
رزان : بدي مشوار مرتب اتدللني فيه وننسى الدنيا سوا
علاء : ولا يهمك، يلا سلام بدي اروح انام عندي دوام بكير بكرا
رزان : تصبح على خير حياتي
قرات الكلام مرات كتييير وطلعت بالمحادثة لفوق، لحد ما وصلت لاولها ..
انصدمت صدمة حياتي بالطريقة اللي دخلت فيها هالبنت حياتنا، ما بنكر انه عليي خطأ كمان باهمالي لزوجي بمشاكل تافهة؛ بس ما تخيلت انه علاء يكون من هالنوعية ، واكتشفت انه الوحدة شو ما كانت متطمنة من حب زوجها ما تتركه براحته ابدا ..
////
كنت قاعدة برتب بغرفة آدم بعد ما فارقنا غصبن عنا، بحكم انه خايفين عليه منا بعد ما عرفنا عمايل امه ..
بسمع دقات قوية لباب بيتي، لما اتطلعت من العين الساحرة وشفتها فتحت بسرعة ..
رانيا : ريم ؟! اهلا وسهلا
ريم ( معصبة وووجها ما بتفسر ) : ... تسمحيلي ادخل ؟
رانيا : اكيد تفضلي، خير حبيبتي صاير اشي معك ؟
كانت سلمى عم تتطلع بامها اللي ما قدرت تمنع دموعها، وانا محتارة وقلبي وقع مني وعقلي راح لعند آدم، خفت تكون جايبيتلي خبر عنه من عند حماتها اللي اخدته خوفا عليه ..
رانيا : ريم، طمنيني آدم منيح صح ؟
ريم ( هزت راسها ومسحت دموعها وتمالكت حالها ) : اتطمني منيح كتير، للاسف انا اللي مو منيحة وبتعرفي بسبب مين ؟
رانيا ( بتردد ) : يعني .. ايييه .. ما بعرف بس ان شاءالله تكوني انتي وعلاء بخير
ريم ( بنظرة مخيفة ) : رزان
رانيا ( بدهشة ) : اختي ؟ مالها ؟
ريم : شوفي رانيا انا بقدر اروح لعندها واشرشحها وافضحها قدام اهلك، بس ما حبيت اتصرف هيك لانه اهلك ما بستاهلوا يصير فيهم هيك، لهيك انا اجيت عندك افرجيكي اللي انا شفته وانتي الباقي عليكي
رانيا ( انخطف لوني ) : اكيد اكيد، فرجيني شو القصة عن شو قصدك ؟
فتحت ريم محادثة بين رزان وعلاء عالفيس بوك، وما قدرت اكمل قراءة ..
ريم ( نهضت حالها وحملت بنتها ) : انا رايحة هلا وبتمنى تتلملم القصة باقل خسائر ممكنة، لانه بكل بساطة انا مو متنازلة عن زوجي، وبوعدك هو كمان رح يتحاسب
رانيا : لو محلك ما بحكيله اني عرفت، وخلي الموضوع ينتهي من طرفها
ريم : وبلكي ما انتهى ؟
رانيا : ازا مو واثقة فيي ليه اجيتي عندي ؟
ريم : تمام، رح اعمل بنصيحتك وبتمنى ما انخذل
رانيا : تاملي من ربنا واكيد ما بخذلك
////
بحمد الله انه كان نهاية دوامي بالوقت اللي اجاني فيه هالاتصال، وما كانت سيرين موجودة لتسمع هيك اخبار ..
رانيا ( بتبكي ) : الحقني يا حمزة الحقني
حمزة : شو في رانيا؟ خلصيني بكفي عياط
رانيا ( بتبكي ) : رزان عاملة علاقة مع علاء ورح تخرب بيت ريم، انفضحنا يا حمزة انفضحنا وانقلت قيمتنا قدام ريم
حمزة ( بعصبية ) : شووو ؟ من وين جبتي هالحكي شو اللي صاير فهميني
ما بعرف كيف قدرت رانيا تحكيلي هيك كلام، وكيف انا قدرت اسمعه واتحمله لحد ما وصلت بسرعتي الجنونية لدار اهلي ..
ام حمزة : اهلا وسهلا يمة نورت يا حبيبي
حمزة ( معصب ) : وينها بنتك ؟
ام حمزة ( بخوف ) : ب ب بغرفتها، مالك يمة شو عاملة اختك ؟
تركت امي بتلحقني، ورحت على غرفتها وفتحت عليها الباب بقوة ..
حمزة : لا تقولي اختي، هاي البنت مو اختي اكيد
رزان ( بصدمة ) : حمزة ؟ اهلين
حمزة ( بغضب شديد وشلت الحزام عن بنطلوني ) : اهلين ! هسة بدي افرجيكي الترحيب على اصوله
ام حمزة ( بتبكي وبتشد فيي تبعدني عنها ) : لا لااا
رزان ( بتبكي ) : بعديه عني ماما مشان الله، لااا بكفي خلص
حمزة ( رميت الحزام عالارض ورفعت اصبعي بتهديد ) : لسا ما خلصت بس عشان امي رح اتركك، وانتي يمة ( وجهت كلامي لامي ) هالبنت ممنوع تطلع من هالبيت اما لدار زوجها او القبر، فهمتوني ؟
ام حمزة ( بخوف ) : حاضر حاضر، بس فهمني شو عاملة ؟
حمزة : هي عارفة منيح شو عاملة، بلاش تعرفي انتي ويصير فيكي اشي لاسمح الله انتي وابوي
رزان ( منكمشة على حالها وبتبكي ) : ...
كانت ردة فعلي اقل بكثير من الاعصار اللي بدمرني بدون رحمة، وين وجهي من نسايبي واختي رانيا بنفس الاعصار عايشة ويمكن وضعها اصعب لانها كانت بالمواجهة وانجبرت تضبط اعصابها قدام ريم ..
______________________________
هيثم : اهلا رنوشتي
رانيا ( بصوت ضعيف ) : اهلين حبيبي، اسفة عالازعاج بس بدي اطلب منك طلب
هيثم : خير مال صوتك ؟
رانيا : لا بس عشان ساكتة طول النهار هههه بدي اروح عند امي شوي
هيثم : اكيد روحي ولو، واذا حابة تنامي خليكي
رانيا : بشوف كيف الاجواء وبردلك خبر
استغربت كثير من طلب رانيا وصوتها الغريب، ما كان مطمن ابدا ..
خفت يكون صاير اشي او مشكلة مع اهلها وما بدها تخبرني، وبنفس اللحظة احتمال تكون مشتاقة لآدم ومو قادرة تعبر لاني طلبت منها تمشي الامور ونساير اختي نهى اللي خافت عليه منا ..
ما بعرف من وين جابت هالافكار، بس اوقات لما افكر بكلامها بحس انه صحيح، وفعلا وضعي النفسي بعد اللي صار مع ياسمين مو متحمل وزاده عليي منظر زينة المخزي اللي شفتها فيه ..
______________________________
كنت بتمشى بالبيت بين الغرف، ومحتار شو اعمل ووين اروح بافكاري اللي اثقلت راسي ونفسيتي ..
كان اخوي مشغول بدراسته وتحضيراته لابحاثه اللي ما بتنتهي بالماجستير ..
امجد : فوت، مالك ؟
انس ( بياس ) : ولا اشي
امجد ( بهز راسه ) : ...
انس ( تنهدت ) : يعني هيك خلص انتهينا، رح نبطل نشوف خالتي مها وانحرمنا منها
امجد ( بسخرية ) : اه، وياريت اتضب الخاتم من ايدك وتركز بدراستك اكثر
انس ( بتغابي ) : اي خاتم ؟
امجد ( ضحكوا عيونه ) : ولك مفكرني هبيلة ؟ خاتم الحلوة اللي نسيته عنا وانشقت الارض وبلعته، بس ما حدا عارف انه السبع بلعه
انس ( بحسرة ومددت نص جسمي عالتخت ) : ااخ اااخ من حظي
امجد ( بجدية ) : انس، حط عقلك براسك وكمل هالدراسة وريحنا وارتاح الله يرضى عليك انسى اشي اسمه حب من حياتك، بكفي اللي صار معي انا واحمد، نصيحتي الوحيدة الك ما تحب الا مرتك، نصيبك وبس
انس ( دمعوا عيوني ) : وحبيبتي وين اروح فيها من قلبي ؟ سكنته وتملكته وما بعرف اذا رح اقدر اطلعها منه
امجد : اتركها للزمن، كفيل انه يغير كل شي، بعدين حسستني انه بينكم اشي كبير ولا عمركم مية سنة، اقعد عاقل احسن ما افقعك قتلة احط كل قهري فيك
انس ( غمضت عيوني وسكتت ) : ...
______________________________
سهى : اهلا عمتو تفضل
عدي : اهلين فيكي، غلبناكي معنا
سهى : لا يييي غلبتكم راحة، منا طابخة طابخة وديمة مشتهيتها يا حبيبتي
عدي ( بتردد ) : عمتي
سهى ( بتضب بالاكل بالاكياس ) : نعم
عدي : امانة الله يا عمتي تشميني ( قربت منها ) الي ريحة مزعجة او لا تطاق ؟
سهى ( كاتمة ضحكتها وبتشم ) : الله يسعدك ويسعد ريحتك الحلوة، والله بتشلل
عدي ( بقهر ) : طيب مالها ديمة بتحكيلي ريحتي مو قادرة تشمها ؟
سهى : هههههههه جد
عدي : اقسم بالله يا عمتي فوق العشر مرات بتحمم باليوم
سهى : ههههههههههه شو هاد ليه ؟ ابصر شو قصتها كنها بتعمل فيك مقلب
عدي ( عصبت ) : يا ويلها اذا طلع مقلب، يلا خليني اروح عشان ما اتأخر عليها بالغدا
سهى : الله معك حبيبي سلملي عليها وابقوا تعالوا اسهروا معنا
عدي : اه ان شاءالله بنرتبها سهرة انا وعلاء من زمان حابين بس بتعرفي مع الظروف، يلا سلمي على عمي وقصي
سهى : الله يسلمك
////
سيرين : ولك الله لا يعطي شيطانك عافية
ياسمين : هههههههه متت
ديمة : بالله عليكم لا تتخوتوا جد بحكي انا
سيرين : كيف يعني قرفانة منه ؟ وين بتنيميه ولي ؟
ديمة : عادي بنام جنبي بس ممنوع يقرب، كل واحد بلف وجهه عن التاني
ياسمين : هههههاي يا حبيبي وساكتلك عادي ؟ لو احمد كان ربطني بالتخت
سيرين : وحمزة ههههه وكل الرجال اكيد، طيب حكيتي لامك او ريم ؟
ديمة : ما احلاني وانا حاكية
ياسمين : خليني استشير مهموهة اتوقع عندها اجابة عن كل التساؤلات الزوحية
ديمة / سيرين : ههههههه اوك
ديمة : بس اختصري بعض الفضايح ياسمين حبيبتي
ياسمين : ما بوعدك هيهيهي
______________________________
اليوم كان هادي وما فيه اي اشي غريب، باستثناء انه يوم جديد بعلاقتي التافهة مع رزان ..
ما تخيلت يجي عليي هيك ايام، وانحرف عن مسار اخلاقي اللي تربيت عليها، وهدفي بالحياة باني اكون زوج واب ينضرب فيهم المثل واكون قدوة لاولادي بالمستقبل مثل ما كان ابوي قدوة الي ..
علاء : السلام عليكم
فتحت باب بيتي وكان عتمة كثيييير، وما في صوت لا لريم ولا سلمى، اجاني هاجس خوف وانقبض قلبي من منظر الدار، حتى ريحتها كانت غريبة ..
مشيت وانا بفتح بالابواب واباجورات البيت المسكرة لاول مرة خلال النهار، لحد ما وصلت غرفة النوم، فتحتها بضعف وقلة حيلة وكله بسبب الخوف اللي اجتاحني من لما دخلت عالبيت ..
ريم : كل عام واحنا احلى عيلة بالدنيا وانت احلى زوج واب
انصدمت من جو غرفة النوم المزين بالشموع، واللي لفت نظري اكثر هو ريم وجمالها اللي كنت انسحر فيه ومن زمان ما شفتها هيك ..
يا الله شو كنت مشتاقلها، حتى سلمى كانت لابسة فستان حلو كثير وكانها عروس ..
بس اللي صحاني من كل هالاجواء هو كلامها، ( كل عام ) شو قصدها ؟
علاء ( بلعت ريقي ) : ما فهمت، هو اليوم عيد ميلادي ؟
ريم ( بصدمة ) : لا
علاء ( القيت نظرة سريعة على موبايلي وانتبهت عالتاريخ ) : هههههه اكيد لا، لانه ذكرى زواجنا حبيبتي كل عام وانتي احلى زوجة وام
ريم ( بتهز راسها ) : وانت بخير
برودة ردها اثبتلي اني ما قدرت امثل عليها باني متذكر، اكيد ما رح تصدق وخصوصا اني مو عامل حتى لو جزء بسيط من اللي هية عاملته مشاني ..
وزاد خجلي منها اكثر لما اعطتني صندوق كبير هدية الي، كان منظره بجنن وصابني الفضول افتحه بس استدركت حالي ..
علاء ( لفيتها من خصرها وقربتها عليي ) : انتي هديتي الاغلى والاحلى وبتكفيني، بس مع ذلك مبسوط كثير لانك بادرتي وما استنيتي المسا لاني مجهزلك مفاجاة برضو بس انتي خربتيها عليي
ريم ( ببرود ) : انا واياك واحد ولو، المهم انك تفاجات واجا دورك تفاجاني ما صار اشي يعني
علاء ( بلطف الجو ) : بس العروس الحلوة اللي بتتفرج علينا هاي بدي اكلها ( قربت من سلمى وحملتها ) يا روح بابا انتي كبرتي بسرعة بس لساتك ملاكي الصغير
ريم ( بسخرية ) : لا هية ما كبرت بسرعة، انت اللي مشغول عنها مشان هيك ما حسيت بالوقت اللي بمرق، كلهم شهرين ونص يعني
علاء : ... ( رجعتها على سريرها ) اوك رح نتغدى هون ولا تستني المفاجاة ؟
ريم : لا انا محضرة اكل، هلا بجهز وبناديك بتكون غيرت وغسلت
علاء : تمام، يسلمو
كنت حاسس حالي قد النملة ويمكن اصغر، مو غريب عليي برودها خصوصا لما تشوفني مقصر، بس تلطيش الحكي زايد عندها اليوم ..
رزان : وصلت البيت .. الووو .. وينك
علاء : اه وصلت .. لما تشوفيني تاخرت بالرد اعرفي انه صعب ارد لا اتضلي تبعتي
رزان : الحق عليي بدي اتطمن عليك
علاء : برجع احكيلك لما ما ارد اعرفي انه صعب
رزان : طيب بدي احكي معك بموضوع لما تفضى
علاء : تمام، وانا كمان عندي حكي الك
////
اكيد ما رح يتذكر اشي وعقله مشغول معها، والمصيبة انه بتصرف عادي وبمثّل بجدارة ..
بس تمثيلياتك ما عادت تمرق عليي بسهولة بعد ما كشفتك، خلينا نشوف شو رح يطلع مع رانيا وازا اختها رح اتضب حالها ولا اروح اقلب الدنيا على راسها وراس حبيبها ..
ريم : الاكل جاهز
علاء : اجيب سلمى ؟
ريم : اه حطها بكرسيها وجيبها
كان شايف سلمى ومو مصدق اليوم، من زمان كتير ما حن عليها وحملها ولاعبها بهالشكل ..
حتى هية كانت حاسة باشي جديد، وتجاوبت معه بطريقة حلوة، واستمر اللعب حتى خلال فترة الغداء ..
______________________________
مها : بتحكي جد ؟
ياسمين : اه والله يا حرام عدي، خطي شو زعلت عليه هههه
مها : خليني احكي لامها بدل ما هية مو دارية عن بنتها
ياسمين : لا اوعي حرام ديمة امنتني
مها : ولك يمكن تكون حامل وبتتوحم، يا حبيبتي عقبال عندك ما افرح فيكي
ياسمين ( مستغرب ) : هيك يعني حامل ؟
مها : شكله وحامها كره زوجها
ياسمين : وكل الحوامل هيك بصير معهم ؟
مها : لا طبعا، الوحام انواع شفتي كيف انا بصير استفرغ وما بقدر اكل ولا اعمل اشي
كنت اسمع كلام ماما ومستغربة انه ما صار معي اشي لا متلها ولا متل ديمة، وفوق هيك ما حدا فرحلي حتى زوجي ما بعرف عن ابنه اللي جاي عالطريق ..
تركت امي ورحت قعدت لحالي، وتمدد عالتخت وحطيت ايدي على بطني وحكيت مع ابني كل اللي بقلبي ..
كتير تعبانة يا ربي اجمعني مع احمد وما تفرقني عنه، وهون عليي فراقي عن اهلي ..
////
سهى : يوووه يعني كلام عدي صحيح
مها : شو حكالك ؟
سهى : بتخليه يتحمم عشر مرات باليوم ههههه ومو قادرة تشمه
مها : انا بقول اسالي امي عندها خبرة بهالحكي، يمكن يكون توقعي خطأ
سهى : بنخليها تفحص حمل احسن واضمن
مها : ما اختلفنا، بس قصدي عن وحامها احسن ما تجننه للزلمة، خلي امي تفهمه انه طبيعي
سهى : اسكتي انجن الا شحطة
////
ام ماهر : لللللليييييش
ابو ماهر : خير لمين بتزغردي
ام ماهر : ابنك بده يجيه حفيد باذن الله
ابو ماهر : الحمدلله، الله يبشرك بالخير
ام عدي ( نازلة عالصوت ) : خير خير يا مرت عمي لمين بتزغردي ؟
ام ماهر : هو انتي ما بتعرفي بعدك ؟
ام عدي : لا والله بشو بدي اعرف ؟
ام بيان ( اجت تركض ) : مين خطب ؟
ابو ماهر : ههههههه احكيلهم يا مرة لميتي العمارة وسكتي
ام ماهر : خاف الله خاف الله انها ديمة حامل
ام عدي ( بفرح ) : للللللييييييييش
ام بيان : الف الف مبروووك التمام على خير يارب
ام ماهر : عكبال عند البواكي يارب
ابو ماهر : مبارك يا عمي يا امال
ام عدي : الله يبارك فيكم، خليني ابشر ماهر
ابو ماهر : قولي لابو الكنافة يجيبلنا يحلينا
ام ماهر : اسال هيثم اول كبل ما تاكل احسن ما يزعل منك
ام بيان : بجيبوله بدون قطر هههه
ام ماهر : هداك اليوم الله ستره وهيثم فكد عكله
ام عدي : من غير شر عنكم، واحلى حلوان ان شاءالله، يمة ما احلى هالخبر
ام بيان : يلا عقبال سيرين وياسمين نفرح فيهم كمان
ابو ماهر : اه والله اكيد احمد بطقطق قلبه على هيك خبر
ام ماهر : يارب، رد عليكي ماهر ؟
ام عدي : لا والله شكله مشغول، خلص بس يجي احسن وجها لوجه
////
ديمة : مين قال ؟
ام عدي : شو مين قال ؟ ستك حكتلنا
ديمة : وستي من وين عرفت ؟ ازا انا ما بعرف يا خالتو
ام عدي : ديمة لا تجنيني انتي حامل ولا لا ؟
ديمة : والله ما بعرف خالتو شوي شوي عليي معقول اخبي عنكم يعني
ام عدي : يعني ما فحصتي ؟
ديمة : لا والله ولا ببالي اصلا، ستي من وين جابت الحكي ؟
ام عدي : يوووه، ما بعرف احنا سمعناها بتزغرد وسالنا حكت انه ديمة حامل
////
ريم : الف مبروك ولي
ديمة : على شو ؟
ريم : شو على شو ؟ امي حكتلي انك حامل، بس عيب عليكي اني اخر من يعلم
ديمة : يخرب بيت اليهود من وين بتجيبوا الاخبار انتوا ؟
ريم : بتتهبلي ؟
ديمة : ولك حماتي اتصلت عليي تباركلي قال سمعوا ستي بتزغرد عشان ديمة حامل، وانتي جاي تحكيلي مبروك امي حكتلي انك حامل، طب انا ما بعرف ولا فحصت حتى
ريم : ههههههههه نكتة الموسم، يلا بنفاول عليكي
ديمة : بدي اعرف مين اللي بطلع اشاعات عليي
ريم : يمكن جوزك
ديمة : مين جوزي ؟ مسكين انا متاكدة انه متلي متله
////
عمر ( بفرح ) : الله اكبر، رح اصير عم يعني
ام عدي : قول ان شاءالله، هاي ديمة عاملة حالها ما معها خبر بس انا فاهملها
عمر : بتستهبل علينا عشان ما تعمللنا اشياء زاكية وحلوان
ام عدي : لا ماما خلص البنت حامل وتعبانة لازم ما نغلبها، يادوب تقوم بجوزها وبيتها
عمر : خلص انا بجيب على حسابي، ابوي عرف ؟
ام عدي : لا ما رد عليي بس رنيت، هلا برجع بنخبره
عمر : يا سلام عليك يا عدي والله ورح تصير اب، خليني اباركله بما اني اخوه الوحيد
////
عدي : هلا عمورة، كيفك ؟
عمر : يا زلمة بدي اطير من الفرحة، الف الف مبروووك يا احلى واحن اب بالعالم
عدي : اخ الله يسمع منك واصير اب
عمر : يا زلمة منا قاعد بباركلك، بتستهبل علينا انت ومرتك يعني ؟
عدي : ما فهمت ؟!
عمر : ولك ديمة حامل والكل فرحان وبستنى بالحلوان، بس ولا يهمك انا بجيبه عنك
عدي : جد ؟ مرتي حامل وانا اخر من يعلم ليه ؟ معقول عامليتلي مفاجاة مثلا
عمر : انا لو مكانك بركض ركااااض عالبيت
عدي : هيني بدي اروح اشوف شو القصة
______________________________
رانيا ( بضربها وبشد شعرها ) : يعدمني اياكي يعدمني اياكي
رزان ( بتتفلت مني وبتبكي ) : فهموني شو مالكم عليي انتي واخوكي كل واحد بيجي بضربني من جهة
رانيا ( بهمس احسن ما امي تسمع ) : ولك ما لقيتي الا زلمة متزوج تحبيه، ما فكرتي بمرته وبنته الطفلة، ما حطيتي حالك محلها ؟
رزان ( متفاجاة ) : عن مين قصدك ؟
رانيا : ولك لا تتهبلي عليي، ريم شافت كلامك انتي واياه واجت عندي وفرجتني كل شي
رزان ( بانتصار ) : بالله عليكي، يعني رح تطلق منه ؟
رانيا ( ارتفع ضغطي ) : تطلق ؟ لا حبيبتي اجت تحكيلي ابعدك عنه احسن ما تفضحك لانها مو متنازلة عنه
رزان : افت ما اتقل دمها، والله علاء ما بطيقها، عايف حاله منها ورح يتزوجني ومو سائل عن اشي الشرع حلل اربعة وهو حر
رانيا : شو يعني هالحكي ؟ بدك اتضلي تحكي معه وتقبلي تتجوزيه ؟
رزان : شو اعمل ازا هو بده اياني ؟
رانيا ( هجمت عليها ودفشتها ) : بده اياكي يا كزابة يا خرابة البيوت ؟ ولك انا شفت بعيني كيف دابقتيه عينك عيني
رزان : ...
رانيا ( نبرة تهديد ) : اسمعيني رزان، قسما عظما ازا ما بتنهي هالمسخرة الا تشوفي اشي ماشفتيه مني، وصدقيني لولا خوفنا على اهلي الا هلا بحكيلهم، فحطي عقلك براسك واحسبي حساب اهلك المساكين اللي ماشيين الحيط الحيط وبقولوا يارب السترة
رزان ( انهارت عالارض ) : يعني خلص، احلامي كلها رح تروح وكل اشي تمنيته ما رح اشوفه
رانيا : اطلبيهم من ربك وبس، وما حدا باخد الا نصيبه
////
حمزة : طمنيني شو صار ؟ فهمتيها لهالحيوانة
رانيا : فهمتها، ان شاءالله تكون فهمت بس
حمزة : الله يطعمها واسمع انها لسا بتحكي معه
رانيا : انا لحد هلا مو مستوعبة، المصيبة انه ريم كمان حاقدة على زوجها
حمزة : طبعا بدها تحقد، يعني ايد وحدة ما بتزقف، رزان لولا لقت ريق حلو منه ما كملت
رانيا : ما اختلفنا، بس كتير كان يحكيلها انه ما كان قصده يحكي معها عشان علاقة وخيانة، هو كان ماخد الموضوع انه بنت حمى اخته وحكت معه وطلبت مساعدته بخصوص الجامعة بعدين وما حب يخذلها
حمزة : تقلب وجهها هي واياه، صدقيني لو اهله يعرفوا الا يعدموه حياته، يلا بدي اسكر قبل ما سيرين تحس عليي
رانيا : ماشي، سلم عليها
////
طلعت من البيت اجهز مفاجاة لريم واشتريلها هدية مميزة، وبنفس الوقت ارجع المي لمجاريها بحياتي الزوجية ..
بس قبل ما ارجع عالبيت كان لازم اعمل اشي مهم ..
علاء : اه رزان كيفك ؟
رزان ( بصوت مهزوز ) : منيحة وانت ؟
علاء ( تنهدت ) : ماشي الحال، اسمعيني بدي احكيلك شغلة مهمة وافهميني لو سمحتي
رزان : تفضل
علاء : انا يا بنت الناس ما حبيتك ولا قدرت احبك، وحاولت افهمك هالحكي اكثر من مرة وانتي اصريتي انه اعطيكي فرصة
رزان ( بتبكي ) : لا تكمل خلص
علاء : سامحيني رزان بس انا ما بقدر اكمل، انا عندي ولايا وما بدي ياخدوا خطيتك، خلينا نوقف من محل ما كنا والله يستر عليكي ان شاءالله بيجيكي نصيب احسن مني ولا تعتبريني احسن واحد بالدنيا، بكفي اني سمحت لحالي اخون مرتي وبنتي واخون زوج اختي واحكي مع اخته
رزان ( مخنوقة ) : كلهم عرفوا يا علاء، ريم شافت محادثاتنا وفرجتهم لرانيا ورانيا حكت لحمزة و..
علاء ( بصدمة ) : شووو ؟ ريم شافت ؟ ( ضربت راسي بموقد السبارة ) لاااا شو هالحظ يا ربي ليييييه
رزان : حمزة ورانيا اجو ضربوني وبهدلوني، بس انا حكتلها انك رح تتزوجني
علاء ( بغضب ) : الله لا يعطيكي العافية، اتزوجك ؟ انقلعي من حياتي خربتيها ودمرتيني، انا كيف بدي اتطلع بوجه مرتي اه فهميني ؟
رزان : هلا صار الحق عليي ؟
علاء ( بنبرة تهديد ) : اذا ريم تغيرت معي او بعدت عني الا تشوفي ايام سودا مني يا رزان، فهمتي ؟؟
رزان ( سكرت الخط ) : ...
عرقي تصبب مني، ونبضات قلبي تسارعت وانفاسي ما بتنعد ..
مبسوط على حالي اني بدي ارجع لمرتي وحبيبتي واكمل معها حياتي وطلعت بالاخر بتلمح لانها كاشفة كل اشي ..
كل كلامها الي مقصود، وفوق هيك نسيت تاريخ زواجنا ..
ما كنت عارف كيف ارجع على بيتي وانا بجر اذيال الخيبة معي، وعيني مكسورة منها ومو عارف اذا رح اقدر ارفعهم بعينها بعد اليوم ولآخر يوم بعمري ..
احمد : الو ؟
علاء ( بحزن ) : اه احمد، اسف ازعجتك
احمد : لا يا صاحبي ولو، كيف حالك مال صوتك مو عاجبني ؟ خير
علاء ( مخنوق ) : انا واحد واطي يا احمد، ريم ما بتستاهلني، يا ريتني ما تزوجتها
احمد ( بفضول ) : اكثر من اللي انا عملته يعني ؟
علاء ( بلعت ريقي ) : خنتها
احمد ( مصدوم ) : نعم ؟! كيف كيف ؟ علاء لا تتخوث
علاء : غصبن عني يا احمد، دبقتني وما قدرت اقاومها، وكنا انا وريم بوضع صعب وللاسف استسلمت من فراغي
احمد : وهي عرفت ؟
علاء : للاسف عرفت بس عاملة حالها مو عارفة وكالعادة بتتصرف طبيعي وبس بتلمح وبتسمع حكي
احمد : فهمني القصة ؟ او احكيلي كيف بقدر اساعدك
علاء : بحكيلك، بس مو مشان المساعدة، اعتبرها فضفضة وما بقدر احكيها لحدا غيرك
______________________________
ابو علاء : الله يعطيكي العافية
نهى : الله يعافيك، الحمدلله نام مسكين كتير متوجع من اسنانه
ابو علاء : ... نهى
نهى : نعم ؟
ابو علاء : هيثم حكى معي اليوم يسال عن ابنه
نهى : طيب شو يعني ؟
ابو علاء : حابب يجي يشوفه
نهى : انا ما منعته يشوفه
ابو علاء : عنده اجازة كم يوم، حابب يطلع مشوار هو ورانيا وياخدوا آدم معهم
نهى ( بنبرة حادة ) : اكيد لا، مستحييييل
ابو علاء : يا بنت الحلال حرام عليكي، معقول تشكي باخوكي ياذي ابنه ؟
نهى : انا مو شاكة بحدا، بس آدم ابني اللي ما جبته، انا خايفة من الشيطان مو منهم، بعدين معك ما بدك تفهمني انت كمان ؟
ابو علاء : استغفر الله، شو احكيله طيب ؟
نهى : نفس اللي حكتلك اياه، خلص سكر هالموضوع بدي اشوف مال خواتي عالجروب شو بحكوا
ابو علاء : براحتك
منى : ريته الف مبروك
سهى : يبارك بعمرك يارب، عقبال ما تفرحي بالحبايب
منى : الله يبارك فيكي
نهى : خير على شو بتباركوا ؟
سهى : ديمة حامل
نهى : ماشاءالله، الف مبارك الله يتمم
سهى : امين، وعقبال سيسو حبيبتي
منى : الله كريم، بكرا ما بتلاقيها الا حامل كمان
نهى : شو اخبار مها ؟ فحصت ولا بعدها ؟
سهى : ما بعرف المفروض بين من زمان البيبي
منى : لو فحصت كان حكت
نهى : خلص اللي من ربنا يا محلاه، كيف شعور ديمة ؟
سهى : بتستهبل علينا هي وعدي، قال مابعرفوا
منى / نهى : ههههههه
منى : علمته الصنعة يا ويلي عليه
سهى : بستهبل على بلد لا تخافي عليه
////
عدي : يعني شو ؟ بدنا نضلنا هيك الكل بباركلنا واحنا مو عارفين
ديمة : خلص عدي لا تجنني، خليهم يحكو اللي بدهم اياه، انا ما رح افحص الا بكرا
عدي : طيب شو بتخسري لو عملتيه هلا الاختبار ؟
ديمة : يا حبيبي كم مرة بدي افهمك الفحص لازم يكون الصبح عالريق، الهرمون بكون اعلى ما يمكن لانه وبعطي نتيجة اضمن
عدي : طيب انتي صليتي كل الشهر هاد ولا شو ؟
ديمة : ما دخل يمكن تكون متاخرة، المفروض استنى عشر ايام لتاخيرها وقتها بتكون فعلا ما رح تيجي
عدي ( بغني ) : تيجي ما تجيش انا كدا كدا راضي، حبيبي مستني وحافضل انادي
ديمة : هههههههه
عدي : ها، هي خالك برن .. اهلا يابا كيفك ؟ .. الله يبارك فيك
ديمة : ههههه
عدي ( بسكتها باصبعه ) : والله لسا مو متاكدين، بنقول ان شاءالله .. لا ولا يهمكم احلى حلوان انتوا بس ادعولنا يجي الصبح على خير .. قصدي عشان نروح نفحص .. قصدي هي تفحص .. اه اه على طول بطمنكم .. يلا سلم
////
غنى : هههههه بطل يجمع اخوي
عمر : بده يروح يفحص ههههههع
ام عدي : عيب اسكت انت واياها
ابو عدي : علي الحلال بتهبلوا علينا، شكلهم بدهم يعلموا مفاجات وحكي فاضي
عمر : يعملوا اللي بدهم اياه، المهم اصير عمو
غنى : بدك اتدلعه كتير ؟
عمر : بدي اعلمه يغني هههههه
ام عدي : يا قلبي ما احلاه، كيف بدي انام اليوم ؟
ابو عدي : خليكي صاحية استني النتيجة
عمر : خلينا نفطر كنافة
غنى : الحمدلله بكرا الجمعة، يعني ما رح يروح عليي اشي
عمر : يسعدلي اياكي انتي، قربتي تختفي اصلا، مالك صايرة هيكل عظمي ووجهك اصفر ؟
ام عدي : اه والله يا امي متغيرة
غنى : لا عشان نعسانة، يلا تصبحوا على خير
////
ياسمين : والله ما دخلني
ديمة : كيف ما دخلك ؟ ولك انفضحت بالعيلة كلها ونازلين يباركولنا وحالتهم حالة
ياسمين : المفروض تنبسطي يختي مو تزعلي
ديمة : يختي ما اختلفنا بس خليني افحص واتاكد اول
ياسمين : الله يسامحها امي مواهبها الصحفية صعب تتنازل عنها
ديمة : لو سمعتي ريم وهي تبهدل ولا مرت خالك كاني كزابة يعني
ياسمين : ههههه يا حرام خليهم يفرحوا، احمدي الله انه الك حماية بتحبك وبتتمنى رضاكي
ديمة : ... الحمدلله
ياسمين ( بغصة ) : يلا بدي اروح احمد بده يحكي معي هلا
______________________________
احمد : حسبي الله ونعم الوكيل، اخر وحدة تخيلتها تكون اخت حمزة
علاء : انا الحق عليي والله لو بستحي على دمي ما اعطيتها مجال، وكيف بدي احط عيني بعين حمزة بعد ما عرف ؟
احمد : الشيطان شاطر، وخراب البيوت شغلته وعملته
علاء : احكيلي هسة كيف اتعامل مع ريم ؟
احمد : خليك طبيعي شو بدك تعمل ؟ المفروض انه ما وصلك خبر واذا مشيت مستقيم رح ترجع علاقتكم مثل اول واحسن
علاء : بس اكيد الشك رح يسكن قلبها وما رح توثق فيي
احمد : موضوع الثقة حساس ومهم كثير، برجع الك ولشطارتك، الهدايا والحكي هاد كله ما بجيب نتيجة، الثقة بالمعاملة واهم اشي اذا صار وتواجهتوا بالموضوع تبين ندمك ومحبتك الها
علاء : اكثر اشي كاسرني محبتها الي، يا الله يا احمد شو بتحبني مسكينة، وانا شو ظلمتها وعاملتها بعكس ما هي بتستاهل
احمد : ... لا تذكرني بالظلم، الله يسامحنا بس
علاء : يارب
////
ياسمين : ما بدك تحكي معي ؟
احمد : يلا شوي وبرنلك حبيبتي بس بحكي مع صاحبي
ياسمين : اوك براحتك، بكرا عطلة وبسهر
احمد : ما احلاكي ونايمة، ما صدقت يجي الخميس
ياسمين : ههههه
الحلقة الحادية عشرة :
ج١
الحضن ليس دوماً
ذراعين
أحياناً يكون
كلمة
_______________
____________
ما كنت متخيلة انه الظروف اللي مرقنا فيها بالفترة الاخيرة رح تشغلني عن حالي، وما انتبه انه صار مارق اكتر من عشر ايام على موعدها ..
لما حكيت لعدي انه لازم استنى، صفنت بحالي ومسكت موبايلي وانتبهت انه فعلا صار مارق هيك فترة عليي ..
عدي ( حاضني ) : صباحو يا روح قلبي
ديمة ( كاتمة ضحكتي ) : لساتني نعسانة
عدي ( فاهم عليي ) : معلش عشاني
ديمة ( بدلال ) : عدوشتي خلص اكيد ما رح اخبي عليك، انت توكل على المطبخ جهز فطور وما بصير الا اللي بريحك
عدي ( نبرة جكر ) : ويا ستي مو متزحزح من مكاني قبل ما اشوف نتيجة الفحص بعيني، يلا هيني بستنى لحد ما تخلصي
بعرف انه الكل بستنى خبر تأكيد مني، بس انا كمان من حقي اني اكون انا المصدر الرئيسي والوحيد للخبر ..
انجبرت انصاع لاوامر عدي، وعملت واحد من التحاليل اللي جابهم زوجي المستعجل اللي خايف ما يزبط واحد منهم ..
عدي ( بلهفة ) : بشري حبيبتي
ديمة ( مديتله التحليل ) : تفضل
عدي : شو هاد ؟ فهميني يعني
ديمة : خط واحد يعني مو حامل
عدي ( بحزن ) : الحمدلله ( ضمني ) الله يجيب الخير بالوقت المناسب
ديمة ( حزينة ) : حبيبي ما يحرمني منك
______________________________
مرق وقت مو قليل على مشاعري اللي كل يوم بزيد لهبها، وبتحرقني بكل لحظة وانا بعيد وقريب منها ..
ما بعرف متى رح احكيلها، وشو رح تكون ردة فعلها، والاصعب من كل هاد هو؛ شو رح يكون مصير علاقنا ..
غنى : صباح الخير، قوم افطر
عمر : ... يلا
آيات : يسعد صباحك، اهلا
عمر : وصباحك، كيفك اليوم ؟
آيات ( بكسل ) : اممم لساتني ما قمت، بس لازم اروح اعمل فطور مع ماما
عمر ( برومنسية ) : بتعرفي شو نفسي ؟
آيات : شو ؟
عمر : فطور من تحت ايديكي، شو رح تعمليلي ؟
آيات : مو لتعجبك قهوتي اول ؟ كل مرة بتسمعني تعليق شكل
عمر : ولك عشان امجد كتير بتدايق بس تسالي كيف القهوة
آيات : ما تجيبلي سيرته على هالصبح
عمر : لسا ما بتحكي معه ؟
آيات : قصدك هو اللي قالب خلقته بوجهنا، كاني انا اللي صورتها وعملت العمايل فيها
عمر ( تنهدت ) : الله يفرجها، صدقيني اني كل يوم بحكي معه وبحاول اقنعه انك ما الك دخل، بس هو مو قصة متهمك، بس متدايق كثير من عمتي وانها ما حاولت تعتذر من ياسمين واهلها
آيات : اااخ عمر، شو بدي احكي انا والله مسكينة عشان ياسمين سمعتها كلام لما كانوا بالشرطة، فانه هيك هيك ما رح تسامحها
عمر : ماشي خلص بنكمل بعدين، خليني افطر قبل الصلاة
آيات : اوك، يلا سلام
ما كان الي نفس لاشي، من جهة حبي لآيات ومن جهة تانية لا تقل اهمية هو ياسمين ..
حرقتني بكلمتها وما فهمت شو كان سببها، غير اني ما قدرت اقطع علاقتي بآيات تضامنا معها، عكس ما كانت متوقعة مني ..
وهية تحالفت مع امجد اللي وقف ضد امه واخته مع ياسمين، وساعدها ودخل السجن فداها ..
يمكن هالتفاصيل مبالغ فيها، بس مشاعري المكبوتة عم تعميني وتغير كل افكاري اللي طول عمري بآمن فيها ..
ام عدي : مال عدي وديمة ما حدا فيهم برد ؟
ابو عدي : يا صباح يا عليم، اتركيهم براحتهم
غنى : والله انا متوترة كيف امي
ام عدي : ما شاف حاله مبارح كيف نط من الفرحة
عمر ( سحبت كرسي وقعدت عالسفرة ) : صباح الخير
الجميع : صباح النور
عمر : شو الاخبار ؟ طلعت النتيجة ههههه
غنى : لسا مختفيين
عمر : خلص افهموا لحالكم، حلوا عنهم
ام عدي ( مو عاجبها ) : حلينا، ولا رح احكي مع حدا توبة
ابو عدي : استغفر الله العظيم، بتقربي لخواتي ؟
عمر / غنى : ههههههه مرت اخوهم
______________________________
بعد ليلة كلها تمثيل، صحينا على اتصال من امي ..
علاء : صباح الخير
نهى : صباح الورد، كيف اصبحتم ؟
علاء : الحمدلله، بكفي صحيت على صوتك
نهى : الله يرضى عليك، صحيتكم يعني ؟
علاء : احلى صحوة
نهى : مبارك يوم زواجكم، كيف كان مبارح انبسطتوا ؟
كان هالسؤال مثل كف صفعني، واتوجهت انظاري عليها وهي عم تلبس بدلع وبتقرب مني بكل حب ..
ما بعرف لمتى رح اتضل تمثل قدامي، رغم نظرات العتاب بين كل فترة وفترة وانا عامل حالي على اساس مو فاهم ..
نهى : يلا بستناكم
علاء : ان شاءالله
سكرت الخط، وبلعت ريقي لما سمعت اسمه ..
ما كان عندي الشجاعة اني التقي بعد اقل من ٢٤ ساعة من الفضيحة اللي صارت ..
ريم ( بين ايدي ) : شو القصة حبيبي ؟
علاء ( بلعب بشعرها ) : عزمتنا عالغدا مع دار سيرين، عشان حمزة معطل اليوم
ريم : امممم يلا منيح، باخدلهم من الحلو اللي عملته مبارح
علاء ( بتردد ) : شو رايك بلا ما نروح، خلينا نقضي اليوم سوا
ريم ( بفضول ) : ليه ؟ النا زمان ما رحنا وشفنا سيرين وحمزة
كلامها مقصود مليون بالمية، كانها بتستنى بالمواجهة وتشوف شو رح نتصرف ..
هدفها من ابلاغ رانيا كان لذكاء وحنكة كبيرة ومو غريب عنها هالاشي، انا حافظها لريم ..
لذلك لازم اتعامل بنفس اسلوبها، وما احسسها باشي ..
////
سيرين ( بدلع ) : صباح الحب
حمزة ( عيوني بتتاملها ) : يا صباح الجمال والدلع كله، يسلملي النشيط انا
سيرين : الفطور جاهز يلا ما ضل وقت للصلاة
حمزة : اه والله تاخرت بالنوم
سيرين : كانك ما نمت منيح مبارح ؟
حمزة ( تنهدت ) : ما بعرف، يمكن عشان شربت قهوة او جسمي متعود عالسهر
سيرين : الله يكون بعونك، ماما رنت عليي
حمزة : اه ؟
سيرين : عزمتنا عالغدا، قال عشان يوم زواج علاء وريم كان مبارح حابة نجتمع وعاملة اشياء وحفلة مفاجاة
حمزة ( بحيرة من امري ) : والله ما بعرف، شو رايك بلاها نروح احنا، يعني عشان ريم تاخد راحتها
سيرين ( بدهشة ) : يعني ما فيها اشي مو اول مرة نلتقي، بعدين لازم نتعود بتعرف اهلي ما الهم غيرنا ازا ما اجتمعنا سوا ما رح ينبسطوا
حمزة ( بتردد ) : بنشوف بعد الصلاة شو بصير معي، لا تردي خبر
كمان ذكرى زواجه الاخ كاين مبارح، ما بعرف كيف قدر يمثل على مرته المسكينة اللي عملت حرب مشان ما تخسره وهو بكل بساطة بخونها ..
نفسي افهم كيف قدرت رزان تجذبه وعنده زوجة مثل ريم ؟، شخصية ولا اروع ومو ناقصها لا جمال ولا غيره من مواصفات الزوجة اللي بحلم فيها كل رجل ..
______________________________
انام واصحى على دفا صوتها وجنون ضحكتها اللي باخدني لعالم الاحلام، اكبر امنياتي كان بهالدنيا ..
ياسمين : ههههه بكفي بدي افطر ميتة جوع
احمد : وانا المسكين اضل بدون فطور
ياسمين : مو انت قلت اني بكفي وبوفي
احمد : بدل ما تحزني عليي ؟ حطيتي ايديكي واجريكي بمي باردة واركنتي يعني
ياسمين : هههههه استغفر الله العظيم، خالتك رح تفطر علينا اليوم استنى شوي
احمد : بحبك وبحب خالتي وبحب اليوم اللي حملت فيكي واليوم اللي جابتلي اياكي على هالدنيا
مها ( فتحت الباب فجاة ) : خلصونا ياا، الدنيا ظهر صارت
ياسمين / احمد : هههههههه
مها : اه هاد اللي شاطرين فيه ( بتقلد فينا ) ههههه صهونة وضحك، اعتقها خليها تاكل وتقدر تدرس كلمتين
احمد : صعب
ياسمين : والله هو اللي دابقني
احمد : بدي اعوض الشهر يا خالتي ولا بدك تشتغلي عليي شغل حماوات
ياسمين / مها : ههههههه
مها : ما عاش اللي بده يشتغل عليك حبيبي الله يسعدكم ويهنيكم احب ما على قلبي اشوفكم مبسوطين وبتحكوا
ياسمين : ما يغرك مبارح زعلني عشان هيك صبح يصالحني
احمد : لا تردي عليها، هاي بنتك بتتهرب من الرومنسية دايما
مها : يلا الله يرضى عليك قوم عالصلاة بلا كسل
احمد : يلا بصلي وبرجع اكمل ههههه
ياسمين : اوك ههههه
مها : يا فرحته زياد بهالبنت اللي رح تنشف دمه قبل ما تتخرج
احمد : سلامة قلبه زياد، لا تخافي بتتخرج واحلى تخرج كمان، كثفوا التصويت بس انتو قصدي الدعاء ههههه
ياسمين : ماشي يا احمد، اوعى ترجع ترن
احمد : ها شفتي
مها : هههههههه
______________________________
ما كان وضعها عاجبني، من لما رجعت من عند اهلها وطول الليل ولحد هسة وهية بعالم آخر ..
هيثم ( حضنتها بقوة ) : ...
رانيا ( بتتهرب مني ) : ...
هيثم ( تنهدت ) : بس فهميني شو صاير ؟ والله مو ناقصني ارحميني شوي
رانيا ( نزلوا دموعها ) : ... انا منيحة بس اتركني شوي ارتاح مع حالي
هيثم ( قربت منها ومسكت ايديها بحنية ) : مستحيل اتركك بهالحالة، ما بتعرفي شو بصير فيي لما اشوفك هيك، ليه ما بتفضفضيلي مثل ما انا بحكيلك كل شي ؟ شو مخبية رانيا احكيلي
ما كان بايدها غير ترجع اتضمني بكل قوتها، وتبكي بطريقة هستيرية ..
وقع قلبي من منظرها، حملتها بين ايديي وقعدت على الكنباية اهدي فيها وامسحلها دموعها وامسح على شعرها ..
////
اني احكيله كل اللي صار صعب كتير، خصوصا القصة فيها اختي وسمعة عيلتي ..
بس كمان الاصعب هو اني اضل ساكتة، وعدم مقدرتي على اعطاء اي حجة للحالة اللي انا فيها ..
ما كنت متاكدة ازا رزان تركت علاء ولا بعدها، لانها ما اعطتني اي جواب شافي ياكدلي موقفها ..
هيثم ( مصدوم ) : علاء !
رانيا : ما دخله صدقني
هيثم ( بعصبية ) : شو اللي ما دخله ؟ هالواطي كيف بتجرأ يجرح ريم بهالطريقة ؟ كيف بقدر يضحك على بنت ويأملها بالزواج ؟!
رانيا : لا هيثم ما املها، هي اللي تأملت وعم تعمل جهدها حتى تحصل عليه
هيثم : مقطوع وصفه يعني ؟ حسبي الله ونعم الوكيل، وريم كيف حالتها كانت ؟ انا خايف عليها رانيا خايف كثير هالبنت جدا حساسة وكتومة
رانيا : ...
هيثم ( بهز راسه ومعصب كتير ) : ...
////
علاء : اهلا، زمان هالقمر ما بان
هيثم : ... شكلك مخربط بالقمر
علاء : شو قصدك ؟
انبسطت لما حكى معي هيثم وطلب يشوفني بعد الصلاة، اجا عندي عالبيت وطلب نقعد سوا لحالنا ..
هيثم ( ضربني كف ) : واطي
علاء ( ايدي على وجهي ) : هيثم ؟!
هيثم ( بعصبية وبهز باكتافي ) : كيف تجرات ؟ لا تحكيلي شيطان وبطيخ
علاء ( بخجل ) : معك حق، بس انتهى كل اشي مبارح، واذا اجيت بس عشان تاخذ حق بنت اختك فانا مسامحك، بس كمان انا من حقي ابرر اللي عملته
هيثم : الخيانة ما الها مبرر، ما بدي اسمع اشي منك، ولك انا زينة كانت عاملة عمايل فيي كنت انام واصحى بعذاب الضمير عشان بس بفكر بغيرها مجرد تفكير، احكيلي ريم شو ناقصها حتى تلفت نظرك بنت مثل رزان ؟
علاء ( عصبت ) : هسة بحكيلك ريم شو ناقصها بس انت احكيلي مالها رزان ؟ شو ناقصها كمان لتتزوج وتعيش الحب مثلها مثل باقي البنات ؟
هيثم : اخص عليك
علاء ( تمالكت حالي ) : مرتي نسيتني ونسيت وجودي عالاخر، لدرجة انها ما انتبهت اني بحكي مع غيرها غير لما فتحت اللابتوب وشافت المحادثة، كل النسوان بفتشوا ورا ازواجهم، او بكون عندهم فضول يعرفوا اسرارهم وليه ماسكين التلفون او اللابتوب وما بتركوه، الا مرتي المصونة اللي اصلا ناسية انها متزوجة
هيثم : ما اقنعتني
علاء : انت حر، انا بالنسبة الي ما عملت هداك الغلط اللي استاهل عليه هيك كف منك، ولا كلامك القاسي، انا ما حكيت معها اي كلام مخل للاداب والتزمت حدودي وخط الرجعة لانه فعلا ما كنت احبها وهي اللي اعترفتلي، ما حبيت اكسر بخاطرها مرة وحدة
هيثم ( بسخرية ) : حبيت تتدرج بالانسحاب التكتيكي
علاء ( ماسك اعصابي ) : انت مو شايف ولا عارف انا كيف عايش، ولا كيف مرتي مقصرة بحقي وهمها انها تنكد عيشتي وتنتقم مني بكل كلمة او تصرف بعمله
////
وقفت ورا الباب اسمع كلامهم، استغربت من زيارة خالي السرية وخفت يكون صاير اشي بالعيلة بعد اللي مرقنا فيه ..
بس ما تخيلت تكون رانيا حاكيلته السر، يعني اكتر اشي وصلتله بتوقعاتي انه علاء يعرف من خلال هديك اللي ما بتتسمى ..
اتدايقت كتير، ما حبيت يظهر علاء بهيك موقف قدام حدا من العيلة مين ما كان، فكيف لو كان شخص اكتر من صاحبه ..
علاء ( فتح الباب فجاة ) : ريم ؟!
ريم ( خجلت ) : ...
هيثم : ...
علاء ( نظرة عتب ) : شو بتعملي ورا الباب ؟
ريم ( بتأتأ ) : أ أ أنا اجيت بس عشان احكيلكم القهوة جاهزة
هيثم : يسلمو ايديكي حبيبتي يلا بشربها وبطلع عشان رانيا بتستناني
ريم : تفضلوا معنا عند خالتو عاملة غدا النا ولدار حمزة
هيثم : والله حكتلي بس اليوم رايحين على العقبة عندي اجازة كم يوم، ورانيا من زمان حابة تروح
ريم : امممم حلو كتير تتهنوا
علاء ( بلع ريقه ) : تروحوا وترجعوا بالسلامة
هيثم ( شرب فناجنه ورجعه ) : دايمة عالقهوة، قهوتك مميزة يا بنت كيف بتعمليها
ريم ( بغرور ) : سر المهنة ههههه
هيثم : كل شي منك مميز وحلو، نيال علاء فيكي ( عيونه عليه )
علاء : ... اكيد ولو انا اللي نيالي
يا الله كلمته شو جرحتني، مقصودة انا متاكدة ..
ريم : تسلم حبيبي
هيثم : الله يديم المودة، يلا سلموا ( انخنق صوته ) ابعثولي اشياء لآدم صور وفيديو وهيك اشي ولسلمى كمان
ريم : ولا يهمك بس مو تسكر موبايلك بالاجازة هههه
هيثم : هوة انا بقدر اسكره منتي عارفة شغلي
علاء : يعطيك العافية
لما طلع خالو على طول حكيت مع علاء ..
ريم : صدقني ما كنت اتسمع حبيبي انت فهمتني غلط
علاء : ... بسيطة، يلا اجهزي خلينا نطلع
ريم : اوك، بس ليه هيك وجهك احمر ؟
علاء : كان يحكني وحكيته
ريم : سلامتك ( اعطيته بوسة على نفس المكان ) ريته انا ولا انت
علاء : مو محرزة، بس انتي كيف بتعزمي من راسك ؟
ريم : معلش عشان ابنه انت اب كمان، المفروض تحس فيه
علاء ( بنبرة حادة ) : ولو، ما بصير تحرجي امي وتعزمي على بيتها بدون رايها
ريم ( مصدومة ) : اسفة، الحمدلله اللي ما وافق وطلع اصلا امك عازمته
علاء : طيب معناها ثاني مرة لا تتصرفي بدون تفكير
ريم : ...
الله يسامحها رانيا بس، اللي عمله خالو معه قلب علاء معي ورجع متل اول وازود، بعد ما كان حاسس بالذنب ورجع اهتمامه فيي ..
______________________________
قصي : يا خسارة ئي، هيك انكسفنا الله يسامحكم بس
ابو قصي : يلا خير
سهى : غريب امرها هالبنت، رح تجنني
ابو قصي : والله ما هي عاملة اشي بس انتوا كبرتوها
قصي : حوينة زغرودة ستي ههههه، وضعهم صعب دار خالي بحكيلي عمر امه بترن عليهم من الصبح ما بردوا وحلفت ما تحكي معهم اذا همة ما حكوا
سهى : كان ناقصني حماتها تحقد عليها، الله يستر منها آمال ازا حقدت
ابو قصي : اه والله مو قليلة، بس ديمة دبلوماسية بتقدر ترضيها
قصي : المهم زوجها ترضيه اهم من كل الناس، انا هيك رايي
سهى : بتمهد للمستقبل ولا شو ؟
قصي : لا بمهد ولا عبالي، ما بحب اخوض باشي قبل اوانه
ابو قصي : الله يفرحنا فيك ونشوفك احسن رجال
////
ام بيان : يييي شو هالكسفة
ام عدي : شفتي بالله، عامليتنا طراطير عندها
غنى : حرام عليكي ماما البنت ما عملت اشي، بعدين فحص البيت مو اكيد، اصبري عليها بس تفحص دم احسن
بيان : اه حرام اكيد بتكون اكتر وحدة نفسها تحمل
ام عدي : بنات سهى قويات، شفتي كيف ريم عملت مفاجاة لدار حماها
غنى : يا عيني عليكي يعني احتمال تكون محضرتلنا مفاجاة كمان
ام بيان : ان شاءالله، دخلك شو صار مع ام احمد وياسمين لساتهم ما تصالحوا ؟
ام عدي : ولا حدا بجيب سيرتهم يختي، شكلها ياسمين كشرت عن انيابها واخيرا وبدات بدور الكنة
ام بيان : الحمدلله الف الحمدلله انه بيان تركت امجد، لو صار فيها اللي صار بياسمين ما بسامحها منى وبقلب الدنيا فوق راسها وما بسال
بيان : ماما !
غنى : شو مالك حبيبتي ؟ انتي بتتحملي ؟ اي ياسمين القوية ما تحملت
ام بيان : الاهم من كل اللي صار انه زينة انكشفت على حقيقتها
ام عدي : يا لطيف، كان خربت سمعة بنات العيلة لو ضلت
بيان : ليه ؟ سمعتها على حالها
غنى : انسي، تعي نقوم نتبلى على عمر يطلعنا مشوار
بيان : فكرة جيدة رغم اكوام الدراسة علينا ههههه
ام بيان ( بهمس ) : دخلك لسا آيات صحبة مع عمر ؟
ام عدي ( بهمس ) : ما بجيب سيرتها من زمان، بس يا من تراه ماسك هالتلفون وبكتب، الله اعلم بحكي معها ولا مع غيرها
ام بيان ( بخبث ) : دقدقسي عليه ليكون معلقته ومبلي فيها مو ناقصك هيك كنة
ام عدي : على جثتي تصير كنة الي
______________________________
نهى : يعني طلعت مو حامل ؟
ريم : لا والله
نهى : غريبة، طيب تفحص عند دكتورة ليكون عندها تكيس مبايض ازا فايتيتها وما في حمل
ريم : بحكيلها، شو سيرين متى جاية ؟
نهى : المفروض عالطريق، شوفي كيف سلمى بتطلع على سيدها ههههه
ريم : اه صرت احس انها بتنتبه عالاصوات، مع انه بكير
نهى : اسم الله عليها مبينة ذكية من صغرتها
ريم : خالو هيثم اجا عنا اليوم، يا حرام طلب مني اصور آدم وابعتله
نهى : ... قال بده ياخده معه عالعقبة، مفكرني مجنونة اامن عليه
ريم : طولي بالك خالتو مو لهالدرجة
نهى : لا يا خالتو لهالدرجة واكتر، انا ما بحرم طفل من اهله بس ضروري يبعد هالفترة عنهم
ريم : انتي ادرى اكيد
////
سيرين ( بحزن ) : خليني احكي لماما
حمزة : يا ريت بلا ما يستنونا اكثر
سيرين ( محرقة كتير وبدي ابكي ) : بس فهمني ليه ليه ؟
حمزة ( بعصبية ونبرة حادة ) : بكفي عاد، حكيت ما بدي، بتسمعي كلامي وبسسس بدون نقاش
سيرين ( مصدومة من عصبيته ) : ...
كان بحالة غريبة، ما تخيلته هيك عصبي وقبض قلبي منه ..
تسطح عالتخت وغمض عيونه، ضليت واقفة اتفرج عليه كم دقيقة بس حتى استوعب شو اللي صار من شوي ..
////
علاء : يلا حطوا الغدا
نهى : غريبة مالهم ؟ والله زمان ما اجت يا حبيبتي
ريم : ابصر شو قصتهم
ابو علاء : الغايب عذره معه، احنا عملنا اللي علينا
علاء ( عينه عليي ) : قولتك، بس امي يا حرام مغلبة حالها وعاملة اصناف وعندها طفل وبعز حركته، منيح اللي قادرة تفوت المطبخ، وغير عن شغل البيت وزوجها موجود اطال الله في عمره
ريم : ...
نهى : عندي اشياء مفرزنة وما اخدت وقت بالطبخ لا تخاف عليي، عبي صحنك وسمي بالله
ابو علاء : ههههه لا حول ولا قوة الا بالله
ريم : عادي عمو تعودت على تلميحاته، رح يجي يوم يعرف قيمتي فيها، في رب شايف وعارف
علاء : فعلا الله شايف وعارف
ما قدرت آكل من سمة البدن، كان نفسي اقلب السفرة عليه وافضحه قدام اهله حتى لو بدي اخسر زواجي بعد هالعملة ..
بس لكل مقام مقال، ورح يجي يوم واخليك تركع عند رجليي بدك رضاي ..
////
تجمدت بمكانها، وبقدر احكي انها شبه فاقدة الوعي بهاللحظة ..
معها حق عصبيتي وصوتي اللي رفعته عليها ما كان الها ذنب فيه، مو بكفي حرمتها الروحة عند اهلها وبعرف انها مشتاقتلهم ..
بس صعب كثير اني اتواجه مع علاء، واحط عيني بعين ريم بعد عمايل اختي فيها ..
سيرين ( بتحاول تفتح بباب الغرفة ) : مين مسكر الباب ؟
حمزة ( عامل حالي نايم ) : ...
سيرين ( بتدور عالمفتاح ) : وين حطيته ( بدات تنفعل ) لا تعمل حالك مو سامع، افتحلي الباب بدي اطلع من الغرفة
لما تمددت عالتخت وضلت تتطلع عليي لدقايق، بعدها دخلت على الحمام الماستر، استغليت الموقف وقمت سكرت باب الغرفة بالمفتاح وخبيته حتى امنعها تطلع واتضل عندي ..
كنت عارف انها رح تحرد وما تمشيلي اللي عملته، فكانت احسن طريقة اراضيها فيها ..
حمزة ( عين مفتحة وعين مغمضة ) : دوري منيح، بارد بارد
سيرين ( كانت تفتش بالخزانة وقربت مني وبدها تفتش بجيبتي ) : ...
حمزة ( مسكت ايديها ورفعتها عليي ) : حامي، بس شو بدك بالمفتاح وانا هون ؟
سيرين ( بتتهرب مني ) : ...
حمزة ( ضميتها وبوستها كتير ) : حقك عليي بس انفعلت فجاة
سيرين : قصدك حسيت بالذنب لانك منعتني ومو ملاقي جواب
حمزة : سامحيني بس مو قادر اروح، وما بحب اكون بمكان وانا مو مبسوط
سيرين : انت زعلان منهم يعني ؟
حمزة ( حاضنها وغمرت راسها بصدري وبلعب بشعرها ) : مستحيل ازعل منهم هدول اهلي مثل ما همة اهلك، بس انا متدايق من اشي وما بدي اروح وانا مزعوج
سيرين ( بتهز راسها ) : متل ما بدك، بس احكيلي شو زاعجك ؟ صاير معك مشكلة لاسمح الله
حمزة : مشكلة صارت معي وحليتها، بس لساتني معصب، انسي خلينا مبسوطين هيك
سيرين : ... اوك
______________________________
انس : اشتقتلها يا امجد
امجد ( نص ضحكة ) : ما صدقت عالله وتعرف اني كاشفك عشان تيجي تشكيلي
انس : احكي اللي بدك اياه، انا بدي اشوفها هسة بكفي غياب
امجد : كانه مو ضايل اشي للامتحانات ؟
انس : بعرف، وعشان هيك بقلك بدي اشوفها مو قادر ادرس ولا اركز باشي
امجد : طيب اعطيني شوي افكر بحل، الله يعيني عليك
على اساس انا قادر اعيش بدون بيان، وبالعافية مسيطر على حالي ..
انبليت باخوي المسكين، اللي مصيره بتحدد خلال هالشهر ..
ياسمين : اهلا
امجد : ازعجتك ؟
ياسمين : لا عادي ماخدة استراحة
امجد : بدي ادخل بالموضوع بسرعة، صراحة حابب احكي معك بموضوع، في مجال تطلعي من البيت ؟
ياسمين : قصدك نلتقي ؟
امجد : شو رايك ببيت سيدي وبالصدفة يعني تكون ؟
ياسمين : فكرة منيحة، احتمال امي تروح اليوم اصلا بروح معها
امجد : يعني كلكم رايحين ؟
ياسمين : عالاغلب امي بتاخد اسيل وفرح عشان امير، واحنا ندرس بالبيت بس بدحش حالي هههه
امجد : طيب اكديلي بالله مين ومين رايح، عشان يكون الجو مناسب لو قعدنا وحكينا
ياسمين : هههه فهمت عليك، خلص ولا يهمك
واجا دور افكر بشو بدي احكي مع ياسمين عاساس بدي التقي معها ههههه ..
بلكي بلتقي ببيان بالصدفة كمان، وتكمل معي انا واخوي ..
////
مها : خليكي ادرسي مع خواتك
ياسمين : دايق خلقي واشتقت لسيدي وستي بالله عليكي خديني احسن ما تغلبي بابا يرجع يجيبك
مها : مين قلك ابوكي مو رايح ؟
ياسمين : بالله ؟ طيب منيح الي وسع بالسيارة بكل الاحوال، يلا فايتة البس
مها : الله يعيني عليكي وينتعك لعند جوزك بالسلامة
ياسمين : اميييين يارب، بس اوعي تشتاقيلي مهمومة اتفقنا ؟
مها : ...
مسكينة امي بتتورط معي، وبعرف انها بتغص لما تتزكر اني رح اسافر ..
الله يستر شو رح يحكي معي امجد، بلكي يكون بده يصالحني مع امه، خليني افش غلي واحكي اللي بقلبي عليها، واخليه يندم عالساعة اللي طلب يشوفني فيها ..
ام ماهر : اهلا وسهلا، الله يسعد هالمسا
زياد : ومساكي يا حجة، كيف حالكم ؟ طمنونا عليكم
ابو ماهر : بخير الله يرضى عليك، زمان ما اجيتوا اشتقنالكم
مها : واحنا اكتر
ام ماهر : تعالوا يا ستي، اكعدوا
ياسمين : يا حبيبتي شو اشتقتلك، شو طابخة ريحة البيت بتشهي
ابو ماهر : ما طبخت اليوم الغدا مع اخوالك بجتمعوا
ام ماهر : مالك يا ستي لحكتي تنسينا ؟ يتهنى اللي ماخد عكلك
زياد : ههههه ماخد عقلها ووقتها، ابصر كيف خلاها تطلع اليوم ؟
مها : لا ما انا نبهت عليه الصبح يتركها تدرس
ابو ماهر : الكوا عين انت واياها فوق ما بعدت عنه شهر كمان ما بدكم يحكوا
ام ماهر : يا سقا الله ورايحة عند جوزك يا حبيبتي وتعيشوا سوا
ياسمين : امين يارب
امجد : اهلها موجودين دير بالك
انس : لا تجنني، من غير اشي متوتر
امجد : هسة بخليها تعمل يانسون تروقلك اعصابك
انس : بالله عليك، شايفني بنت اشرب يانسون
امجد : ههههه ولك كل شي من تحت ايدين حبيبتك لازم تقبله
انس : يا ريتها تعرف عن هالحب
امجد : حاول ترجعلها الخاتم اذا معك، احسن ما اتضل تصفن فيه
انس : اكيد معي، وما رح ارجعه لسا بكير
ابو ماهر : شوفي مين اللي اجا عالباب يا سيدي
اسيل : يلا هلا بفتح، مين ؟
انس ( ضحكته من الدان للدان ) : انا .. قصدي احنا
امجد : ها، شو هالمفاجاة ؟
اسيل : ... تفضلوا
////
فرحتي بشوفتها كانت كبيرة، بس للاسف هي قلبت وجهها لما شافتنا ..
ياااه لهالدرجة الحقد، الله يسامحها امي بس ..
الجميع : اهلا وسهلا
امجد : اهلين فيكم، اسفين عالازعاج بس انس زهقان طلعته يغير جو وقلنا بنسلم على دار سيدي
مها : لا ازعاج ولا اشي خالتو، كيف حالك يا انوس اشتقنالك
انس ( بسلم عليها ) : وانا اشتقتلك اكثر
زياد : كيف دراستك ؟
انس : الحمدلله، بس ملل الفصل الصيفي
ياسمين : لا ما بدنا هالحركات، يا ويلك ازا بتنزل عن الاول بدنا اعلى
اسيل : لا تخافي عليه شغل تمويه بس ردة عين
امجد : ههههه شوفوا القوية، يلا عقبال ما تموهينا يا نيردة انتي
انس : كيف التاسع معك ؟
اسيل : صعب صعب والله، انت شو رايك فيه ؟ مو كنت تحكي انه اسهل صف
ياسمين : ولك مالك عالصبي جاوبي منيح
انس : اتركيها متعود على لسانها
زياد : بالله ؟
امجد : تاريخك حافل عند انس، اعقلي من هون ليخلص توجيهي خليه يتفاجا فيكي بعد اختفاؤه
اسيل : ياااي، اوك اي اوامر اخرى ؟
زياد : اسيييييل ؟!
انس : ... يلا امجد الظاهر جد ازعجناهم لبنات خالتك، واحنا اللي صفحتنا سودا عندهم للاسف
ام ماهر : ... هاي اخرتها يا اولاد بناتي ؟ بس الحك مو عليكم الحك على امهاتكم
مها : ...
ياسمين : طولي بالك ستي، كانه مو احنا اللي غلطنا وما اعتزرنا حتى ولا حاولنا نصلح اللي عملناه ؟ ولا شو رايك يا سيدي ؟
امجد : صحيح، حقك علينا كلنا المفروض بنفس اللحظة بس شفتي كيف دخلنا النظارة وكلشي صار بسرعة
ياسمين : انت بالزات موقفك معي ما بنساه طول حياتي، فضلك على راسي من فوق انت وقصي وعلاء وخالو هيثم اولكم، اثبتوا انكم اخوة واعز
ابو ماهر : تنسكر وما تنعاد، التسامح حلو وفضيلة ومن الاخلاق العفو عند المقدرة، اللي بدك اياه يا سيدي احنا جاهزين بجيبلك العيلة كلها تستسمح منك
ياسمين : لا ياسيدي ما بدي حدا يجي عندي ولا اروح عند حدا، بدي اجتمع مع زوجي واحكيله اللي صار ووقتها هو اللي بقرر
مها : رح يقرر تسامحي امه، بتعرفي احمد اكتر منا
ياسمين : ... بصير خير
////
يااااا الله شو اشتقتله، ما بعرف كيف قدرت اتحمل نظراته الي قدام الكل ..
كان بتأملني بطريقة ملفتة، وخفت من اهلي، وصرت اجاكر فيه غصبن عني مع انه ما بستاهل حرام ..
لما بدا نقاش ياسمين مع الكبار، انسحبت من مكاني ورحت عالمطبخ ..
انس : ليه هيك بتعملي ؟
اسيل ( رجفت وكانت رح توقع الكاسة مني ) : خوفتني، شو بدك ؟
انس ( بنبرة حزينة ) : احنا مو ذنبنا يا اسيل، صدقيني انا وامجد وحتى آيات وقفنا بصف ياسمين من اول يوم
اسيل : ما دخلني انس، اطلع من هون احسن ما حدا يشوفك
انس ( باستغراب ) : ليه شو بعمل انا ؟
اسيل ( احمروا خدودي ) : مو هيك قصدي، بس بتعرف بابا
انس : لقيتي خاتمك ؟
اسيل : لا تزكرني نشفت عليه، لا ما لقيته
انس : يلا بلكي ليوم بتلاقيه
اسيل : يا رييييييت، شكرا على سؤالك
ما بعرف كم مرق من الوقت واحنا بنطلع ببعض، كانوا عيونا بتحكي عن شوق كبير، اما قلبي طلع من مكانه وراح لعنده ..
////
امجد : خالتي، انا لو مكان احمد ما بجبر مرتي تسامح امي
مها : كل واحد عقله شكل بهالدنيا، مو ضروري تكون متل اخوك
ياسمين : هو بحكي عن منطق معين ما بقارن
زياد : صحيح
مها : بكرا بدوب التلج وببان المرج
ياسمين : بالزبط
////
امجد : منووووور
انس : هههه
امجد : حكيتوا ؟
انس : اه شوي، بس كانت اهدى من لما كنا قاعدين
امجد : وحليانة ها
انس : من يوم يومها قمر
امجد : يا سييييييدي، قمر وجكرة
انس : اختها ياسمين، الله يصبرني مثل ما صبر احمد
امجد : ولك رووح نيالك انت واياه، بس اعرفوا قيمة هالكنوز، الله يجعلها من نصيبك يا قادر يا كريم والله انكم لابقين لبعض
انس : يااارب من ثمك لباب السما
الحلقة الحادية عشرة :
ج٢
نحن لا نقابل الناس
صدفة
بل من المقدر لهم أن يعبروا طريقنا
ويسكنوا حياتنا
لسبب ما
_______________
____________
عمر : انبسطتوا ؟
غنى / بيان : كتييير
غنى : ما يحرمنا منك عمورة حبيبي
عمر : ولا منك، يلا هي بدل حلوان ابن اخوكي
بيان : ههههه يا ويلي عليكم
غنى : لا عادي اصلا ما صارلهم شهرين متزوجين، بكير عالحمل
عمر : دق الحديد وهو حامي
بيان : كل شي نصيب، الله يطعم كل مشتهي وعقبال ما نفرح فيك عمر
عمر : تسلمي اجمعين، يلا هي وصلنا، حاولوا ما تنشروا كل اشي بنعمله اوك ؟
غنى : من مين خايف ؟
عمر ( عصب ) : مو خايف، بس عشان الحسد
بيان : ههههه ماشي ماشي، يلا اطلعوا شوي شوي عشان الحسد
غنى : هههههه فضايح
عمر : توبة اطلعكم
بيان / غنى : لاااا
عمر : هشششش
////
ابو ماهر : حس مين اللي عالدرج ؟
ام ماهر : والله ما بعرف
زياد : يلا خلينا نقوم احنا تاخرنا عالبنات
مها : اه حرام خليني اعشيهم وهي امير نعس كمان
ام ماهر : جيبوهم معكم المرة الجاي
ياسمين : تعالي معنا يا ستي زمان ما اجيتي
ابو ماهر : لو حكيتي قبل ما يروح خالك هيثم عالعقبة، كان رحت معهم وتركتها عندكم
مها ( متفاجأة ) : والله هيثم ورانيا بالعقبة ؟
زياد : بدهم شمة هوا بعد اللي صار
ام ماهر : وابنه عند اختك وما كبلت تعطيه اياه يروح معهم، فاكد عكله يا حبيبي
ابو ماهر : هيك اضمنله، انا بصف نهى
مها : معك حق حسيته شوي تعبان، ورانيا قد ما تكون بتضل مرت ابوه
ياسمين : حرام عليكي ماما رانيا عمرها ما رح تكون مرت اب لآدم، والايام بيناتنا
زياد : لساتك بتوثقي بالناس يابا ؟ الله يرضى عليكي ما اطيب قلبك
ياسمين ( خجلت ) : ...
مها : يلا تصبحوا على خير
////
ابو عدي : وين كاينين ؟
غنى : غيرنا جو شوي
عمر : شكله في حدا تحت ؟
ام عدي : ما بنعرف، ما شفنا ولا حدا اجا عنا
غنى : انا بدي ادرس شوي وانام، تصبحوا على خير
الجميع : تلاقي خير
ام عدي ( بفضول ) : شو اخبار دار عمتك منى ؟ بتشوف حدا فيهم ؟
عمر ( متفاجأ ) : اه عادي، ليه ؟
ام عدي : بسال، طيب شو قصتهم ما بدهم يتصالحوا مع ياسمين ؟
عمر : والله ما بتدخل بهيك خصوصيات، كل واحد يعمل اللي بشوفه مناسب، انا علاقتي بصاحبي بامورنا الخاصة
ابو عدي ( عيونه على ام عدي ) : الله يرضى عليك، من تدخل فيما لا يعنيه لقي ما لا يرضيه
ام عدي : احنا بدنا نتطمن عليهم، والله حرام كانوا ما احلاهم
عمر : ورح يرجعوا ان شاءالله، ياسمين ما في احسن منها وعمتي قلبها احلى من العسل ما بتهون عليها بنت اختها اللي وقفت معها ضد ابنها وما سامحته على طلاقه الها
ام عدي : الله يهدي بالهم وبالنا، وآيات ما بيجيها عرسان ؟ مالها طولت وما خطبت قلنا هالبنت بتخطب على طول
عمر ( متجاكر ) : شو بدك فيها كمان ؟ ترمي حالها على مين ما كان يعني بس عشان ينحكى عنها خطبت ؟ ان شاءالله بتتزوج احسن واحد
ابو عدي : ان شاءالله هي وغنى وبيان الله يفرحنا فيهم وبنات مها
ام عدي ( مو عاجبها ) : امين
////
ام بيان : طولتوا
بيان : شو بعرفني عنه بحب يلفلف بالشوارع
ابو بيان : هي اخر مرة بتطلعي معه خلص ، لحدا يفكرك خطيبته ولا بينكم اشي
ام بيان : ان شاءالله بتخطب عن قريب
بيان ( مصدومة ) : ... ليه ؟
ام بيان : شو ليه ؟ بدنا نخللك يعني
ابو بيان : انتي الثانية لا تخلطي الامور ببعضها، انا بحكي باشي وانتي نطيتي على اشي ثاني، المهم بابا مفهوم اللي حكيته ؟
بيان ( بحزن ) : مفهوم بابا، تصبحوا على خير نعسانة
قلبي وجعني كتير من الكلام اللي حكوه اهلي، وما تحملت اضل قاعدة واسمعهم شو بحكوا وشو بدعوا، انا لسا ما طلعت من صدمة انفصالي عن امجد ..
معقول بفكر فيي ولا كرهني ؟ يا ترى لو خطبت شو رح يعمل ؟ ومين رح يخطب قبل انا او هو ؟
_______________________________
منى : تاخرتوا
آيات : ماخدين راحتهم بدوني
امجد : اخوكي عايف حاله اعتقيه مشان ربك
انس : ... بسلموا عليكي ستي وسيدي
منى : الله يسلمهم، راحيين عندهم ؟
امجد ( بزور فيه ) : كنا قريبين قلنا بنمر شوي نسلم عليهم
منى : عندهم حدا ؟
انس : ...
امجد : اه
آيات ( بفضول ) : مين ؟
امجد : الاعداء
ابو احمد : هههههه
منى : شو اللي بضحك ؟
ابو احمد : كلامه، وتحقيقكم كانهم ناس غريبين يا بنت الناس هدول اهلك مالك ؟
منى : شو شايفني عاملة يعني ؟ منا اول مبارح كنت عندهم
ابو احمد : طيب
انس : خالتي كبران بطنها ومتغيرة ههههه اشتقتلها من زمان ما شفتها
منى : ... الله يقومها بالسلامة
آيات : شفتوا حدا من العمارة ؟
امجد : لا
آيات : غريبة وصلت هناك وما شفت عمر ؟
امجد : ما غريب الا الشيطان، سلمي عليه بالنيابة عني
ابو احمد : نعم ؟ ليه تسلم عليه شو بتحكي معه بعدك ؟
آيات ( بخوف ) : انه .. عادي يعني زي زمان
منى : مهي ياسمين علمتها الصنعة وتجوزت وحلقت للكل
ابو احمد : لا يابا الله يرضى عليكي ما بدي اسمع او اعرف انك بتحكي مع حدا مين ما يكون، خليكي بالسليم بكفينا اللي صار وشفتي كيف الدنيا ما فيها امان
امجد ( عيوني على امي ) : صحيح، حتى من اقرب الناس النا يا خسارة
انس ( برجاء ) : يمة شو رايك تروحي عند خالتي وتحكي معهم وتستسمحي، صدقيني ياسمين طيبة وما بتهوني عليها كثير بتحبك حرام
منى : ... خليك بدراستك انت، انا بعرف المناسب وبعمله
ابو احمد : اتركها يابا، بكرا بس حبيبها احمد يعرف وتشوف شو رح يعمل بتصحى على حالها
امجد : قولتك، وقد اعذر من انذر
آيات ( بعصبية ) : بكفي بكفي، مالكم عليها ؟ ارحموها شوي حسوا فيها ( بتبكي ) كمان هية انسانة وكلنا بنغلط، وكلامها مزبوط ياسمين حكت معه واعطته مجال ولو من الاول دارت بالها ما كانت وصلت لهون
امجد ( مسكتها من شعرها وشديتها لعندي ) : بتخفيه لصوتك احسن ما اخفيلك اياه، انتي آآآآآخر وحدة تحكي هون، فهمتتتتتتي ؟
منى ( بتبكي بشدة ) : ...
ابو احمد ( مصدوم وببعدني عنها ) : اتركها يابا، برضو حقها خايفة على امها وما حدا بوقف مع الام الا بنتها
امجد ( بتنفس بسرعة ومعصب ) : رح اتركها، وما بدي احكي معها ولا بدي تحكي معي
آيات ( بتبكي ) : بالناقص منك
امجد ( رجعت لعندها بدي امسكها وانس وقف بيناتنا ) : ولسا بتطولي لسان ؟
انس : مشان الله، حرام عليكم بكفي
امجد ( بهز راسي وكملت طريقي لغرفتي ) : ... بصير خير
_______________________________
سيرين : ليه اعتزرت من اهلك كمان ؟
حمزة : مو جاي عبالي اشوف حدا اليوم، والله يخليكي لا تنقي احسن ما نتزاعل مرة ثانية
سيرين : حاضر
حمزة : بكرا معطل كمان، بنطلع انا واياكي وبنقضي خاطرنا بدل اليوم
سيرين ( بفرح ) : جد ؟ فكرتك مداوم، يلا منيح زمان ما طلعنا سوا من ايام عطلة العرس
حمزة : اه والله اشتقت لجنانك بالطشات هههههه
سيرين ( متجاكرة ) : شكرا
حمزة : ههههههه هبولة بدل ما تنبسطي
سيرين : انبسطت ولو حياتي
حمزة ( برومنسية ) : بحبك
سيرين ( بخجل ) : وانا كمان
////
ريم : يلا تصبحوا على خير، تفضلوا عنا
نهى : وانتي بخير، انتوا اخف منا تعالوا كل يوم
علاء : مين قلك اخف ؟ والله ما بلحق ارجع من الجامعة الا ثاني يوم جاي ما بعرف كيف الوقت بمرق
ابو علاء : الحال من بعضه، وزيادة آدم صرنا اذا بدنا نطلع مكان نخاف عليه
نهى : ... المهم يكون بامان وانا مبسوطة
ريم : حبيبتي خالتو الله يقويكي ويهدي البال
علاء : مرتي المرضية الله يحميكي ويديمك ذخر لهالعيلة المعطاءة
ابو علاء : هههههه الله عليك يا ابني، ولك متى بدك تكبر انت ؟
علاء : هههههه بس يجيني الصبي على خير
ريم : قريبا ان شاءالله، بيجي من هون وانت بتتزوج عليي من هون، لانه بوحدة يا دوب عاجبك اني مشغولة
نهى : يسترجي يعملها
علاء : والله ! ليه من مين بدي اخاف مثلا ؟
ريم ( متدايقة ) : ...
نهى : قصدي اللي عنده عيلة ومو ناقصه اشي ماشاءالله ما في داعي يتزوج
علاء : والله احنا الرجال لو ورانا مية ولد ما بربطونا، لما ننوي بننوي ولا شو رايك بابا ؟
ابو علاء ( مزعوج ) : رايي تتوكل عالبيت انت وعيلتك لانه مرتك زهقت وهي واقفة تستنى فيك وبنتك على ايديها
علاء ( متجاكر ) : يلا رايح، سلام
نهى : الله يهديك
ابو علاء : رح يجنني هالولد
نهى : الله يصبر ريم عليه
ابو علاء : اذا هيك قدامنا كيف بيناتهم ؟ شفتي كيف وجهها صار بالالوان قدامنا مسكينة
نهى : ... بصير خير
_______________________________
عدي : انتي منيحة حبيبتي ؟
ديمة ( بتبعد عنه ) : اه اه منيحة، بس ما تقرب
عدي (ماسك اعصابه ) : هيني بعدت، يعني بسوق انا مو هداك القرب اللي مقربه، خفي عليي ديمة بعدين معك ؟ وفوق هيك طلعتي مو حامل
ديمة ( مقهورة منه ) : شو قصدك ؟ بتحملني جميلة اني مو حامل ؟
عدي ( مسح وجهه بايده ) : اسف، فهمتيني غلط المهم، شو رايك نروح نسهر عند عمتي مها بما انه قريبين منهم ؟
ديمة ( بفرح ) : جد ؟ اه بروح وعند سيرين كمان استنى شوي ابعتلهم اسالهم ازا بالبيت
عدي ( رفع حواجبه ) : يا سلام عالحماس، اما بترجى فيكي نروح عند اهلي ما قبلتي
ديمة : انت عارف ليه ما قبلت صح ؟ لانه حتى عند اهلي ما رحت كمان
عدي : طيب خلصيني اساليهم قربنا كثير لانه
////
ياسمين : ماما عدي وديمة قريبين حابين يشربوا فنجان قهوة عنا
مها : اهلا وسهلا، خبري خواتك بسرعة
ياسمين : يلا بس اردلها
////
سيرين : ديمة وعدي بدهم يمروا عند خالتو مها شوي ويشوفونا، احكيلهم اهلا وسهلا ؟
حمزة ( تنهد ) : سيرين، لو سمحتي شايفة مزاجي كيف، احكيلهم طالعين
سيرين : وسيارتك اللي بالشارع
حمزة : طيب نايم لاني مداوم بكرا
سيرين : ... متل ما بدك، بس عادي اروح عند خالتو اشوف ديمة وياسمين ؟
حمزة : اكيد ولو
سيرين : يسلمو حبيبي، يلا هي اعتزرت منها
////
ديمة : هيهم بستنونا، حمزة نايم مداوم بكرا
عدي : ول صار نايم ؟
ديمة : ما بعرف عنه، بس سيسو رح تنزل تقعد معنا
عدي : ... براحته
ديمة : عادي لا اتدقق
عدي : قولتك
_______________________________
ريم : خلينا نروح عند سيرين نشوف شو مالها ما اجت ؟
علاء ( مستغرب ) : شو بدك فيها بهالليل ؟ هي حرة خلص ما دخلنا
ريم : كتير اشتقتلها، زمان ما شفتها
علاء : لا تخافي عليها بتشوفيها، ما صدقنا تتجوز وتنضب ببيت
ريم : اوف ؟ اللي بسمعك بقول بنت فلتانة لا سمح الله، منيح ما سمعوك اهلك
علاء ( بعصبية وبضرب بمقود السيارة ) : ريم اعتقيني بكفي برادة وحكي بلا طعمة، اختي وحر فيها بحكي اللي بدي اياه خليكي برا انتي
ريم ( ببرود ) : اعصابك، مو مستاهلة عم نتساير ليه بتقلب فجاة ؟
علاء : لانك بايخة، ضروري ترمي كلام وتحكي تتجوز عليي ؟ يعني شو الداعي لكلامك فهميني غير مشاكل ما الها داعي
ريم : كنت امزح عفكرة، ليه هو انت على طول بدك تتجوز، وما زعلت من كلامك لانه كان صح، فعلا اللي بده يعمل اشي ما بسال عن حدا
علاء : ... طيب، يلا انزلي
ريم : وانت ؟
علاء : لاحقك، بدي اروح اشتري دخان وبرجع
ريم ( بهز براسي ) : ...
////
مو طبيعي محاولاتها لاستفزازي، بدها تعمل المستحيل حتى تجمعني مع حمزة ..
احمد : اهلا بابو سلمى
علاء : هلا فيك، مشغول ؟
احمد : لا فاضي، مرتي كانت عند دار سيدي زيارة عائلية
علاء : كويس، ما معي وقت كثير بس بدي احكيلك شو صار اليوم
ما صدقت احكي معه واخبره عن اللي عمله هيثم معي، وكله بسبب مرته اللي ما خلت الفولة تنبل بثمها اكثر من ٢٤ ساعة ..
احمد ( بعصبية ) : شو شو شو ؟
علاء : والله يا صاحبي هاد اللي صار
احمد ( مقهور ) : ماشاءالله عليه محامي الدفاع عن حقوق الانثى، كيف يعني بيجي بضربك بنص بيتك ؟ ولك كيف سكتله
علاء : قلبي حاسسني انها ريم كانت ورا الباب تتسمع وعرفت، اقسم بالله يا احمد اشتهيت اقتله واروح اكمل على مرته
احمد : قهرتني والله ما تخيلتها هيك، يعني ريم سترت على اختها وخبرتها بدون فضايح بتروح تحكي لجوزها ؟! اما عيلة
علاء : لو تشوف بنت خالتك بدها بالطول والعرض تجمعني مع حمزة هلكتني، كل شوي يلا نروح عندهم يلا كذا وليه ما اجو وما بعرف شو
احمد : ههههه بدها تصور اللقاء الحماسي، بس بهاي ما تزعل مني معها حق
علاء : اخرتني اتجوز عليها وافرجيك فيها، هي اللي جابت الدب لكرمها
احمد : لا يا رجل
علاء : ولك خالتي مها طول عمرها وراها عر اولاد عمري ما شفتها مقصرة بالعكس جوزها بكون بلحقها مثل الولد الصغير وما قدر يتجوز عليها وامه ماتت وهي نفسها تشوفله ولد
احمد : انداري، نسوان هالايام غير شكله هههه
علاء : انا تعبان يا احمد، تعبان فوق ما تتخيل قلبي مو مرتاح بالمرة، كانت رزان مخففة عني كثير افضفضلها واحكيلها
احمد ( قاطعني ) : بكفي، لا تجيب سيرتها ارحم حالك انت اللي متعب قلبك، انت ومرتك لازم تكونوا ايد وحدة مو هيك عاملين احزاب
علاء : هي اللي عملت مو انا، اللي قاهرني كل العيلة بصفها، بموتوا عليها حتى اهلي شو عاملتلهم نفسي افهم
احمد : مشان هيك بحكيلك انت متعب قلبك، ليه ما تشوف انه هي صح وانت خطا يمكن ترتاح بدل ما انت مفكر حالك صح ؟
علاء : انا ما حكيت هيك، بس كمان لما احس انه ولا حدا بصفي غصب بصير اجاكر خليهم ينفعوها
احمد : طول بالك الحياة قصيرة، شوف ياسمين كيف كانت تجاكر بعدين استسلمت لانه اكتشفت انها خسرانة
علاء : اتركها بهمها، بكفي غيابك عنها، يا الله شو كسرها مسكينة
احمد ( بحزن ) : يا قلبي عليها، هانت هااانت
علاء : هههه نيالكم لسا عرسان، يلا انا وصلت البيت بنتاحكى ان شاءالله
احمد : ماشي، تصبح على خير
نيالك يا احمد، بكفي انك متغرب وبعيد عن كل العيلة، بس يا ترى شو رح تعمل بس تعرف اللي صار مع مرتك ؟ كيف رح تتحمل تشوف صور بعمرك ما تخيلت تشوفهم مع حبيبة قلبك ؟
ريم : وين الدخان ؟
علاء ( بلعت ريقي ) : ما لقيت ولا محل فاتح قريب وما حبيت ابعد عشان ما اتاخر عليكي
ريم ( مو مصدقة ) : اااه، يلا بسيطة، الله يعينك من هون لبكرا رح تنقطع
علاء : لا عندي بكيتين يمكن
ريم ( بنبرة حادة ) : قصدك كروزين سيد علاء
علاء : نعم ؟
ريم : مع مين كنت تحكي ؟ شو كنت تعمل بالسيارة بعد ما نزلتني وخلصت مني
علاء ( بمسخرة ) : مع حبيبتي اللي بدي اتجوزها بس تجيبي الولد
ريم : والله ؟! يعني جاهزة
علاء ( بخبث ) : تقريبا، ضل اجربها اذا بتخلف او لا هههههه
ريم ( ببرود ) : يلا ابقى طمني عليها، بس ان شاءالله تكون بنت بالاول
علاء ( مصدوم ) : شو قصدك ؟
ريم ( بجكر ) : يعني وحدة بتسمح بالتجربة بتكون ما في اشي عندها تخسره، عدم المؤاخذة
علاء ( رفعت حواجبي ) : وانتي متاكدة اني بجرب يعني ؟
ريم : شو ناقصك لتجرب ؟ مو دايما بتحكوا انه مدام البنت موافقة ما بترفضوا ! نسيت لما كنت تترجاني اجي عالشقة هون واحنا خاطبين وارفض ؟
علاء : شو دخل هاي بهاي ؟
ريم : لانك كنت تختبر فيي طبعا
علاء : ههههههههه ضحكتيني، ليه اختبرك ؟
ريم : ...
علاء : شكلك نعستي يا بنت قومي نامي تعبتي قد ما حكيتي اليوم مع حماتك، ناقصني هسة تقعدي تخبصي ونعلق من اول وجديد
ريم : انه عاساس فكينا حتى نعلق ؟ بس بفرجها الله فيك
قامت من مكانها ومرقت من جنبي عشان تروح على غرفة النوم، سحبتها من ايدها بقوة ورجعتها تقعد بس هالمرة جنبي اجت ..
ريم : اتركني
علاء : لا مو تاركك لحتى افهم كيف الله بده يفرجها ؟ تفضلي بسمعك
ريم ( رفعت عيونها بعيوني وكانت معصبة ) : بكررررهك، انا بكرهك صدقني عايشة معك غصبن عني
علاء ( بلعت ريقي وبدني كله برجف ) : ...
ريم : خلينا ننفصل، بكفينا تعزيب ببعض ونعزب هالبنت معنا شو ذنبها ؟
الكهربا اللي مشيت بكل جسمي بعد ما سمعت كلامها، نفضتني ورجعتني سنتين لورا ..
ليوم ما رحت خطبتها وكنت طاير والدنيا مو واسعتني؛ لانه هالبنت رح تصير الي واحبها بالحلال واعيش معها طول عمري ..
شو اللي عملته فيها وفي حالي ؟ ولوين وصلنا بعد سنة بالضبط من هالزواج ؟ ..
ريم ( رمت مخدة وغطا على الكنباية ) : يا ريت تفكر على مهلك
رفعت راسي اراقبها شو بتعمل، ما حسيت عليها متى قامت من جنبي، وما قدرت افتح تمي بكلمة اجاوبها ..
كانت كتير صارمة بكلامها، وما شفت اي دمعة نازلة من عينها ..
يعني خيانتي الها اعطتها قوة وما كسرتها، واللي انكسر وخسر هو انا وبس ..
_______________________________
مها : يا مية اهلا وسهلا بالحلوين، اي هيك ها خلونا نشوفكم
عدي : يسعد قلبك، يلا هي استقرينا الحمدلله وبنروح وبنيجي بدون ما نهكل هم
ابو امير : بتشرفوا باي وقت، كيفك عمو ديمة ؟
ديمة : الحمدلله بالف خير، شو خالتو ما فحصتي ؟ عنا فضول نعرف البيبي شو
مها : لما تفحصي اول انتي، شو قصتك ولي ؟
عدي ( كاتم ضحكته ) : فحصت والله بس للاسف اشاعات طلعت
ابو امير : لعله خير عمي، لساتكم عرسان انبسطوا بحياتكم
ياسمين ( بتغير الموضوع ) : تاخرت سيرين، خليني انادي عليها
ابو امير : علي صوتك عشان تسمعك منيح
ديمة : هههههه وينك يا احمد
مها : هيها اجت، بنت حلال
سيرين : عندكم شك ؟ السلام عليكم
ديمة / ياسمين : هههههه وعليكم السلام
عدي : الله ستر ونزلتي قبل ما يجي احمد هرولة من جدة لعمان يلحق مرته
ابو امير : منورة جارتنا، وين هالغيبة زمان ما شفناكي
سيرين : يسعدك عمو، بس والله مو ملحقة دوام مدرسة وشغل حمزة متقلب ما بتهنى
عدي : عاد حابين نشوفه، لحق ينام ؟
ديمة : كنتوا عند اهلك اليوم صح ؟
سيرين : لا والله ما رحنا، بس دار علاء راحوا
مها : ليه ؟
سيرين : ...
ياسمين : اييييه مالكم نازلين بالبنت تحقيق من لما فاتت، اقعدي اشربي عصير وروقي
ابو امير : يلا اجتمعوا قد ما بتقدروا قبل ما تسافر ياسمينتكم
مها : بالسلامة يارب
ديمة : بنرتاح منها واخيرا
سيرين : اه والله بكفيها ٢٣ سنة كابسة على نفسنا، خلينا نتنفس شوي
ياسمين : ههههه ماشي انتي واياها، يلا امشوا وراي اكبس على نفسكم
عدي : الله يستر من اجتماعاتكم
سيرين : احلى ياسمين
ديمة : مسكين امجد هو وانس اجت الفشة فيهم
ياسمين : عالفاضي مو طالع بايدهم اشي
حنين : مين قلك ؟ امجد بطلع بايده كل شي بس هو قرف
رنين : بعد ما تركته بيان كتير تغير
سيرين : يمة شو نفسي اعرف ليه تركته ؟ الفضول رح ياكلني
حنين : انسي، نصيبهم انقطع وخلص
ياسمين : ما اقواكي انتي اكيد بتعرفي، ليه ما بدك تحكيلنا ؟
حنين : قصة غبية لانها
ديمة : ستي، بكرا بتشوفيها خطبت ابن خالها واحكي ديمة حكت
ياسمين : اه والله قلبي حاسسني انه امها ضغطت عليها
حنين : ... ابصر
سيرين : وانتي ولي شو قصة الحمل خضيتي العيلة عليكي ؟
ديمة : عشان تاني مرة يحرموا يطلعوا اشاعات عليي، ناقصني فضايح انا، مو ضايل غير يعدوا عليي كم يوم فاتتني
ياسمين : يعني حامل ولا شو ؟
_______________________________
احمد : طول اليوم غايبة عني ملاحظة ؟
ياسمين : ( حكتله كل اللي صار اليوم )
احمد : يلا اشبعي من العيلة قد ما بتقدري
ياسمين : لا تخوفني احمد مو ناقصني
احمد : ليه اخوفك، عفكرة الغربة الها ايجابيات كثير، بس تيجي لحالك رح تكتشفيهم
ياسمين : يلا منيح خليني انام وانا افكر بهالايجابيات
احمد : مو بكفي رح نعيش مع بعض وبدون تدخلات ولو شو ما يصير بيانتنا ما حدا يعرف عنا ؟
ياسمين : ... صح
احمد : اهم اشي هاد، والباقي لحالك رح تشوفيه
ياسمين : امممم تمام
احمد : صحيح كنت بدي اسالك، بتروحي عند اهلي ؟
ياسمين ( متلبكة ) : ليه ؟
احمد : شو ليه ؟ بتروحي ولا لا ؟
ياسمين : والله يا احمد بتعرف فترة دراسة وانس توجيهي وامي تعبانة يعني بيوم العطلة بساعد امي وبدرس فالايام بتمر وهمة عادي بعرفوا الظروف، وبنشوفهم باغلب الاوقات عند دار سيدي
احمد : معلش، خلص روحي بكرا بخبرهم انا انك جاية عالغدا
ياسمين : لا لا صعب كتير صدقني اليوم راح ويا دوب درست
احمد : ادرسي عندهم انتي وآيات، بتلفي الشرق والغرب ما وقفت على كم ساعة عند دار حماكي
ياسمين : ...
احمد : المهم بتلبسي اشي مناسب وبتحافظي على ركازتك ما بدي تسميع حكي وطوش انتي وحدا
ياسمين : ... متل ما بدك
////
آيات ( بتبكي بهستيريا ) : ماما مامااااا ردي عليي
ابو احمد ( بخوف ) : يلا وصلنا يا منى وصلنا يا عمري شدي حيلك
آيات ( منهارة ) : الله ياخدني انا السبب، الله ياااااخدني
منى ( فاقدة الوعي ) : ...
ابو احمد : طمنا دكتور
الطبيب : شو صاير معها ؟ في مشاكل بحياتها ؟
آيات ( بتبكي ) : ...
ابو احمد : شو صايبها ؟ ليه بتسال هيك اسالة
الطبيب : ارتفاع ضغط وسكري للاسف وواصلة مستويات عالية
آيات ( بتضرب حالها ) : يااا ربي
الطبيب : لازم تكونوا قويين حتى تساعدوها بالحمية وتقبل العلاج، صعب عليها تاخد ادوية لامراض مزمنة يعني تصاحبها لاخر يوم بعمرها
ابو احمد ( بغصة ) : الله يشفيها ويخفف عنها وعنا
آيات ( منهارة وبتضرب راسها بالحيط ) : يا حبيبتي يا امي، سامحينا احنا السبب
ابو احمد ( حضنها ) : استهدي بالله، قضاء وقدر والحمدلله اجت على هيك، يلا امسحي دموعك احسن ما امك تشوفك بهالحالة
انس ( ببكي ) : شو صار مع امي ؟
آيات : ضغط وسكري، مستوى عالي وهيهم بحاولوا يسيطروا عليهم
انس ( منهار ) : مرة وحدة ؟ يا الله دخيلك
آيات : لا تحكي لاخوانك، ما بدي شفقة منهم
انس : حرام عليكي آيات، امنا كلنا
آيات : بتعمل متل ما بحكيلك
احمد : مالكم ما حدا برد
امجد : ما بعرف انا بالغرفة نايم، في اشي ؟
احمد : مالك !
امجد : ...
احمد : طيب احكي لامي تحكي مع ياسمين تيجي بكرا عندكم، لاني حكتلها تروح شكلها مو جاية من زمان
امجد ( متفاجأ ) : وياسمين وافقت ؟
احمد ( مستغرب ) : وليه ما توافق يعني ؟ في اشي انا ما بعرفه
امجد ( تلبك ) : لا لا قصدي انه موافقة تيجي ولا لسا امي تسالها ؟
احمد : انت احكي لامي وما عليك، شكلك نعسان ومسطل
امجد : اه ؟ ماشي ماشي هسة بحكيلها
انس : ما بعرف
امجد : شو ما بتعرف، ما في حدا بالبيت وين راحوا باقل من ساعة؟
انس ( نزلوا دموعه ) : ...
امجد : مالك وله ؟ احكي بسرعة شو صاير ( بهز فيه ) امي فيها اشي ؟
انس : ... بس تيجي بتعرف انا مثلي مثلك
ابو احمد ( ساندها ) : شوي شوي على مهلك حبيبتي
منى : انا منيحة مالكم ؟ بقدر امشي
آيات : معلش ماما لسا جسمك تعبان
امجد ( بلهفة ) : يمة ؟ مالك وين كاينين ؟
ابو احمد ( مطنش ) : على طول عالغرفة يابا يا آيات
آيات ( بتزور فيي ) : حاضر بابا
امجد ( بضرب راسي بايديي ) : ... اخ اخ بس الله لا يسامح اللي كان السبب
ابو احمد ( بغضب ) : شو الفايدة، هي مرضتوها وحطيتوا فيها علة انت واختك، الله سترها ونجاها من جلطة ولا من اشي وين بدي اروح في حالي انا ؟ مين الي من بعدها
امجد : ...
انس ( ببكي وببوس بايديها ) : سلامتك يمة سلامتك يا حبيبتي
منى : الله يسلمك ويرضى عليك، لا تخاف يا امي انا منيحة عادي كل البلد معها ضغط وسكري شو يعني ؟
آيات : ...
منى : ما بدي اشي ياثر على دراستك، خليك متل ما بدي واحسن وهيك برتاح انا
انس : بوعدك بوعدك اني ارضيكي وما ازعلك طول عمري، يمة سامحيني ( ببوسها ) سامحيني وارضي عليي
ابو احمد : واحمد شو قصته صار بده يجيبها عنا لست الحسن ؟
امجد : ... ما بعرف، قلبه حاسه يمكن
ابو احمد : بدي احكيله وخليها تبلط البحر مرته
امجد ( برجاء ) : لا يابا احنا ما دخلنا، بالنهاية الموضوع بخصها هي
ابو احمد : حسبنا الله ونعم الوكيل بس، حسبنا الله
////
نهى ( بتبكي ) : يا حبيبتي يختي الف سلامة عليكي، شو اللي صار فجاة ؟
منى : الله يسلمك ويبعد عنك كل مكروه، انا منيحة منيحة الحمدلله عكل حال
نهى : يا حسرتي شو اللي صار فينا ؟ لوين بدها توصلنا المشاكل والهموم كمان ؟
منى : ...
نهى : ديري بالك واعملي كل شي حكالك اياه الدكتور وما تتهاوني، مو تقولي صرت منيحة وما تاخدي ادوية، لازم تاخدي وما تتاخري ما فيهم لعبة هالامراض
منى : بازن الله
نهى : انا بكرا من الصبح باجي اشوفك، خبرتي حدا ؟
منى : لا تخبري حدا عادي ما في اشي مهم، وانتي اهلا وسهلا فيكي
////
مها : وبعدين معك ؟ خبريه وارتاحي واللي بده يصير يصير
ياسمين ( مقهورة ) : يا الله شو هالحظ اللي الي ؟ رح افقع
مها : استغفر الله العظيم على هالليلة، برضاي عليكي ما تعملي بحالك هيك والله بخاف عليكي
ياسمين ( بتبكي ) : يا حسرتي على حالي وحياتي اللي ما شفت فيها ايام حلوة قد ما شفت البشع
مها ( حضنتني ) : احمدي ربك وتوكلي عليه، شايف وعارف وادرى بحالنا ووحده قادر يفرجها علينا
ياسمين : يااا رب ما الي غيرك
////
احمد : يعني شو ؟
امجد : يعني صعب مشغولين كثير بكرا، خلص لما تتخرج بفرجها الله
احمد : انتوا طبيعين ولا شو ؟ امجد احكي
امجد : انا تعبان كثير يا احمد وبدي انام وارتاح، معلش سامحني بدي اسكر
احمد : ... سلام
////
احمد : انا اسف حبيبتي بس اهلي بكرا مشغولين
ياسمين ( بفرح ) : يعني ما اروح ؟
احمد ( مستغرب ) : لا، خلص بس تتخرجي على خير بتروحي قد ما بدك
ياسمين : اكيد اكيد، حبيبي ما تدايق عادي انا مو زعلانة
احمد : منا شايفك بتنطي من الفرحة، وما صدقتي ويعتذروا كانك كاينة تدعي
ياسمين : انا ؟
احمد : ياسمين، تصبحي على خير
ياسمين : ... وانت بخير
قلبي ناقزني ومو مرتاح، من جهة ياسمين ومن جهة اهلي حاسس انه في اشياء مخبية ورا الكواليس وما حدا بده يخبرني فيهم ..
واللي عمله هيثم بعلاء زاد من قهري وتوتري، وما بدي احكي معه وهو باجازة مع مرته لانه اكيد رح يحكيلها كل شي بما انهم مع بعض ..
يتبع ..
عن الكاتب
وعد السعيد
كاتبة قصصية
بدات رحلتي منذ عام ٢٠١٧ حيث وجدت نفسي مطالعة جيدة للكتب والقصص، استهليت مسيرتي بقصتين قصيرتين بطابع اجتماعي، ثم رواية رومنسية درامية، بعدها انتقلت للطابع الكوميدي ونشرت اول موسم لقصة ( نهفات عيلتنا ) في نهاية عام ٢٠١٧ وبعد ان لاقت نجاحا واسعا واصرارا على اكمالها تابعت كتابتها حتى اصبحت مسلسلا اجتماعيا عاطفيا محافظا بطابع كوميدي تم انهاءه في ٢٠٢١ .. ***********^^^^^^^************ لكل اللي كان يقول الحلم ما بصير حقيقة والمستحيل صعب إنجازه، بحب اقلكم اسمعوا قصتنا وتاكدوا انه ما ضل اشي بالدنيا الا صار معنا .. هاي العيلة جزء صغير بمدينة صغيرة بهالعالم الكبير، عيلتنا عاشت لحظات من كتر الضحك كان يوقف قلبهم، ومن كتر الحزن كانت تنحرق روحهم .. عيلتنا #سلسلة_ياسمينة_الروح مستحيل تقراوها وتملوا .. بكل حلقة فيها اشي مختلف واشي بشدكم واشي بخليكم تحسوا حالكم شخصية من الشخصيات بتنزل دموعكم بمشاهد الحزن وبتعلى ضحكاتكم بمشاهد الكوميديا مسلسل بعبر عن كل شي جواتي وبحلم فيه .. كل واحد فيهم بمثلني .. كل اللي بقلبي وقناعاتي ومبادئي وصفتها بكلمات خفيفة لطيفة على قلوب اللي بقراوه ... اتمنى لكم قراءة شيقة ومفيدة وان اترك لكم اثرا طيبا