ج١ :
عندما تتذوق الصعوبات في حياتك ..
يصبح عقلك اكبر من عمرك بكثير ..
فكل أذى هو مستوى جديد من النضج ..
من لا يتألم لا يتعلم ..
____________
__________
ابو قصي : الله يرضى عليك يا ابني، تصبحوا على خير
علاء / ريم : وانتوا بخير
سهى : نراكم ان شاءالله، حاولي نيمي بنتك ماما
علاء : ههههه اكبر حلم بحلم فيه في الوقت الحالي انها تنام لانه حاسس حالي رح اغفى على باب البيت
ريم : طيب يلا خلينا نلحق نفوتك على البيت ههههه
قصي : ههههه يلا سلام
ما لحقت اوصل بيتنا واصف سيارتي، الا تلفوني برن ..
علاء ( مستغرب ) : هاي امي !
ريم : طيب رد شو بتستنى
علاء ( بهز راسي ) : احم .. اه يا امي
نهى : اسفة عالازعاج، بس ازا ما وصلت البيت تعال عنا
علاء ( بقلق ) : انتوا بخير ؟
نهى : ... لا، تعال هيني بستناك
ريم ( بخوف ) : قلبي هبط برجليي يا علاء بسرعة روح
علاء ( ماسك حالي بالعافية ) : طيب شورايك تنزلي انتي وسلمى، وانا اذا تاخرت بطلع من عندهم على دوامي
ريم : رجعني عند اهلي بطريقك
علاء : ... ماشي، بس لا تجيبي سيرة اشي
مع اني كنت خايف من خالتي تقلق بدون ما نعرف لسا شو الموضوع، بس بضل قلبي متطمن على عيلتي ..
////
سيرين ( رفعت راسي المدفون بين رجليي ) : شو حكالك ؟
نهى ( بصوت مخنوق ) : هيو جاي، يمكن ريم تيجي معه
سيرين : عادي تيجي
نهى : بعرف عادي، بس قصدي انه الظاهر بعدهم ما وصلوا البيت، خليني اشوف ابوكي
ابو علاء ( معصب ) : خليكي عند بنتك ليه تيجي عندي ؟
نهى ( بتحاول تكون هادية ) : الله يسامحك، ليه انا بقدر اتخلى عنك ؟ او بوقف بصف حدا ضد حدا ؟
ابو علاء : ... لنشوف
نهى ( مسكت ايده ) : اهدى، كل اشي بنحل بس بالرواق، والله بخاف يصيرلك اشي لا سمح الله وقتها ما بنفعنا لا حمزة ولا غيره
ابو علاء : ... لا تخافي انا منيح
////
سهى ( متفاجاة ) : ريم !!
ريم ( مبتسمة ) : عادي انام عندكم اليوم ؟
ابو قصي ( بقلق ) : خير خير بابا ان شاءالله اموركم تمام ؟
ريم : ههههه الحمدلله كله تمام، بس راح عند اهله
قصي ( باهتمام ) : سيرين منيحة ؟
ريم ( بحزن ) : صراحة ما بعرف، بس انتوا خلص لا تقلقوا
سهى : نشفتي دمنا قال لا تقلقوا، فوتي نيمي هالبنت يا ويلي عليها عيونها رح يطلعوا من النعس
قصي : هههههه منيح ما اجا امجد ينام عنا اليوم
ريم : هههههه تخيل
ابو قصي : ارتاحي يا حبيبتي وبوصلك انا الصبح عالمدرسة
ريم : يسلمو بابا
////
منى : مال آيات وعمر كانهم ما بحكوا مع بعض ؟
انس ( بلعت ريقي ) : لا لا .. عادي قصدي
منى ( زورتني ) : شو اللي عادي ؟ مبين عليهم احكيلي شو صاير بينهم ؟
انس ( مسكت ايدها ) : يمة شو بدك بهالقصص، انسي كل اشي وارتاحي والله ما في اشي محرز تفكري فيه
منى ( بتلمس وجهي بايدها ) : يا حبيبي، الله يريح بالك ويوفقك ويطمن بالي عليك قبل ما اموت
انس ( نزلوا دموعي ) : تموتي ؟ من غير شر عنك شو جاب هالسيرة هسة ؟
ابو احمد ( اجا فجاة ) : نمتي ... مالكم ؟ انتي منيحة ؟
منى ( بتمسح دموعي ) : الحمدلله، لا تخاف يلا هيني بدي انام وانت ماما ارتاح بكرا عندك دوام من الصبح
انس : ...
ابو احمد ( بربت على كتفي وبمزح ) : متى رح تكبر يا ولد ؟ خلص صرت دكتور ولساتك بتعيط على امك
منى : حبيبي انوس، الحق عليي انا بكيته
ابو احمد : الله يعيني عليكي، بكفي احمد زهقنا اسئلة
////
عمر : بحكي معك ليه ما بتردي ؟
آيات : ...
عمر ( بدا يعصب ) : بس احكي معك بتطلعي فيي وبتجاوبي
آيات ( لافة وجهي عنه ) : ما بدي اجاوب ولا بدي تحكي معي
عمر : والله ! ( مسك وجهي ولفه ) اتطلعي عليي
آيات ( نزلت ايده بقوة ) : اوعى تلمسني، الكلام انتهى عمر اللي عندي حكتلك اياه قدام الكل روح فكر على مهلك واعرف ليه انا زعلانة
عمر ( صغر عيونه ) : قدام الكل ؟ كثير شاطرة لانك
آيات : اه شاطرة طبعا، واشطر منك بمراااحل
عمر ( رفع حواجبه ) : ماشاءالله نيالي، طيب يا شاطرة انا رايح هسة ولما اخلص تفكير بنبقى نتواصل
ما اهتميت لكلامه، وضليت قاعدة بمحلي وحاطة رجل على رجل وبمرجح رجلي، وهو طلع من البيت وعينه عليي ..
امجد : ما ابيخك
آيات : مو ابيخ منك ومن صاحبك
امجد : بس تكوني غلطانة بصير صاحبي وببطل خطيبك سبحان الله
آيات : هيهيهي
طنشت تعليقاته وكملت طريقي لغرفتي حتى اغير ملابسي وارجع اشوف امي؛ اللي اكيد عقلها عندي انا وعمر، والف تساؤل في نظراتها النا ..
___________
_________
عمر : الله يقدرني واسد باقي الديون بسهولة مثل ما تيسرت فلوسك يا عمي
ابو بيان : امين، وهيني برجع اذكرك باي وقت بدك خذ وكلنا ايدنا بايدك
ابو عدي : ما قصرتوا، ربنا يرزقك ويوسعها عليك يا ابني ويرضى عليك وعلى اخوتك
آيات : امين خالو، ضلك ارضى عليه وما بدنا اشي، وهي انا ايدي بايده وان شاءالله ما بنحتاح حدا
ام بيان : ...
ابو احمد : وهون بيجي دور الزوجة ومعدنها ببان بهيك ظروف
عمر : بس انا بدي اياها تترك الشغل بعد العرس
آيات ( بصدمة ) : ليه ؟
عمر : عشان انا هيك بدي، وسكري عالموضوع هسة
آيات ( عصبت ) : شو انت هيك بدك ؟ انا ما عندي راي ولا شخصية يعني
امجد ( بنبرة حادة ) : آيات !
عدي : لا صح كلامها، مثل ما هو قرر انه يعتبر الفلوس دين وبده يسدهم باول حياته، هي من حقها انه تعمل اللي بناسبها كمان
عمر ( بلع ريقه وعيونه عليي ) : انا بس فترة ما اسد الديون بعدين بخليها تشتغل مثل ما بدها
ابو احمد : بس هيك انت بتظلم حالك، شايف كيف المعيشة غالية ويادوب راتبك يكفي ما فيها اشي لو تساعدتوا
ام بيان : هو حط على حاله كل هالديون مشانها، لازم تساعده اصلا
عمر : وانا مسامحها بهالمساعدة، شكرا لآراؤكم غلبناكم معنا
آيات ( مقهورة ) : ...
ياسمين ( ماسكة ايدي بتهديني ) : انا برايي تتركوا الامور عالتساهيل، وبينك وبين خطيبتك بتتفق
ابو احمد : صحيح
هيثم : شادد على حالك زيادة عن اللزوم والله يا عمي، الحياة ابسط من هيك، واسمها شريكة حياتك يعني بكل اشي انتوا متشاركين
عمر ( بانفعال ) : الا هاد الموضوع، مستحيل اخليها تتحمل اي قرش، انا المسؤول وبسسسس، ولو سمحتوا ما حدا يرجع يناقشني
علاء : سكتنا، خذلك هالسيجارة هدي ابو الشباب
آيات : يسلمو، ما بدخن
عمر : صرتي ابو الشباب حضرتك ؟
آيات ( ضاربة بوز ) : انا واياك واحد
علاء : ههههه اول مرة اشوف آيات هيك، شو عامل فيها وله ؟ تاثيرك قوي
عمر : هيك اشي
قصي : الله يسامحكم، هيك طلعتوه عن موده
امجد : هسة بغنيله شوي برجع للوضع الطبيعي
البنات : انت بالذات لا تغني
عمر : ههههههههههه ليه ؟
امجد : ها شفتوا، طلع تاثيري اقوى ولا لا يا علاء ؟
علاء : اه ماشاءالله عليك، منور المنطقة
الجميع : هههههههه
___________
_________
انس : امي بتسال عنكم، بدك تحكيليها اشي ؟
آيات : اشي متل شو ؟
انس : قصدي عنك وعن عمر، شو مالك !!
آيات : عادي خليها تعرف عن كلامه، بس مو ضروري تكبروا القصة وتبينوا انه في مشكلة
انس : يعني تصالحتوا ؟
آيات : ... خلص انس ما بعرف، يلا رايحة اشوف ماما قبل ما تنام
انس : طيب
منى : لساتك صاحية ؟
آيات : انا ولا انتي ؟
منى : مال وجهك ؟ في حدا مزعلك
ابو احمد : ...
آيات : لا تعبانة شوي بكرا رح اعطل عشان اضل معك
منى : والله منيحة ماما ما في داعي، الا ازا تعبانة وحابة تعطلي
ابو احمد : لا خليها معك، بنتطمن اكثر
منى : طيب متل ما بدكم، زمان ما افطرت معك على رواق
آيات ( مبتسمة ) : اه والله، يلا معناها تصبحوا على خير
////
علاء : السلام عليكم
نهى : وعليكم السلام، سامحني ماما ازعجتك بوق..
علاء ( قاطعتها ) : شو صاير ؟ نشفتي دمي من منظرك
نهى : اختك
علاء ( بقلق ) : مالها
ابو علاء ( اجا فجاة ) : ما بدها تتطلق
انصدمت بكلام اهلي عن سيرين، والمستجدات الفجائية اللي صارت اليوم معها ..
علاء ( بحاول احافظ على هدوئي ) : شو اللي صار اليوم بالذات حتى تغيري رايك ؟
سيرين : ... مو ضروري يكون صاير اشي، بالنهاية انا ما بدي اخرب بيتي
علاء ( بضرب الطاولة بعصبية ) : ولك اي بيت ؟ مو انتي حكيتي ما بدك تشوفيه، وما بدك اياااه
كانت موجوعة وجرح قلبها عميق، حسيت فيها بس ما قدرت الا اني اذكرها بقرارها قبل اقل من شهرين ..
سيرين ( بترجف ) : بس .. بس انا .. أ أنا بحب...
علاء ( قاطعتها ) : وليه هيك صار بينكم ؟ وين محبتك اله لما ضربك ؟ نسي انك كنت تدعي ليل نهار تلتقي فيه ؟
سيرين ( بتبكي ) : ساعة شيطان انا متاكدة، لانه بنفس اللحظة تغير ورجع لطبيعته
نهى ( منهارة ) : ...
ما كنت عارف مين اللي وجعها اكبر، امي اللي خايفة على بنتها الوحيدة وشافتها باصعب الظروف ومع ذلك ما بدها خراب بيتها ..
ولا دموع اختي اللي بتجرح وجهها وبتحرقه من حرارتها، على حبها اللي بتحاول تتمسك فيه وتدعس على كرامتها مشانه ..
علاء ( اخذت نفس ) : سيرين انا عارف وفاهم كل اشي بتفكري فيه، بس احنا صعب نتقبل رجوعك بهالبساطة، ابوكي رافض تماما الفكرة وقلبه مو متطمن من ناحيتهم
سيرين ( مسحت دموعها باصرار ) : اكيد ما رح ارجع الا بشروط فكرت فيهم كتير منيح، ما تخافوا عليي مو لهالدرجة انا غبية وبفكر بقلبي بس
نهى : شو همة ؟
تغيرت نفسيتها لمجرد انها حست بشوية امل لرجوعها اله، تركتها مع حالها وتسطحت على تختي ..
ما اجاني نوم بهالليلة، وكل ما اغمض عيوني اتذكر الماضي واحساس الذنب ما فارقني ..
////
ريم : شو الاخبار ؟
علاء ( تنهد ) : مو منيحة، بدها ترجعله
ريم ( شعور مختلط ) : جد ؟
علاء : كسرت قلب ابوي عليها، انا خايف عليه كثير
ريم : لا من غير شر عنه، اكيد ما بهونلها فيه ورح ترضيه
علاء : ان شاءالله
ريم ( بفضول ) : وانت شو رايك ؟ موافق
علاء : ... ما بعرف، صدقيني صعب القرار
ريم : علاء حبيبي، برجع ازكرك انه هاي حياتها الخاصة، وبالنهاية لو ما كان في بيبي بالموضوع كان ضلت القصة بينهم وما حدا عرف فيها، مو اول زلمة بضرب مرته
علاء : يعني عادي يضربها ؟
ريم : اكيد لا، بس المشاكل الزوحية ما بتنتهي ازا صار في تدخلات خارجية
علاء : صحيح .. كمان الخيانة صعبة اكثر من الضرب وانتي كلامك عن تجربة
ريم : ... انا ما حكيت هيك عشان افتح ماضينا احنا سكرناه وانتهى
علاء : انتهى لانه ضل بيناتنا تقريبا
ريم : برضو انا ندمانة اني حكيت لرانيا وما حسبت حساب انه حمزة زوج اختك، وحملت خطية سيرين انها انحرمت من اهلها بسبب عدم مقدرتكم على المواجهة بهديك الفترة
علاء : ... ستي، الله يجيب العواقب سليمة
ريم : امين، يلا تصبح على خير
علاء : وانتي بخير
////
تاكدت انها غفيت، وفتحت موبايلها ..
كان عندي فضول اعرف شو اللي كانت مشغولة فيه، لما اجيت اخذتها من عند مها وانادي عليها وما ترد ..
حمزة : بكل جدارة قدرت امسك ايدها، كانت ماشية جنب ابوها ومرقت ومديت ايدي بسرعة شبكنا اصابعنا لمدة ثواني بعد غياب شهر يا رانيا، متخيلة !
رانيا ( بدهشة ) : ابوها ما شافكم ؟ وهية عادي استجابتلك ؟
حمزة : صدقيني ما بهمني ابوها، بس اللي قهرني هية بعدت حالها بسرعة وكاني حدا غريب عنها
ضليت اقرا بهالجملتين اكثر من عشر مرات حتى قدرت استوعب اللي عمله، سكرت موبايلها ورجعته لمكانه ..
هيثم : الو مسا الخير
سيرين ( بصوت مخنوق ) : مسا النور، اهلين خالو
هيثم : ازعجتك ؟
سيرين : لا عادي صاحية
هيثم : انتي منيحة حبيبتي ؟ صوتك مو طالع
سيرين ( بدات تبكي ) : ...
هيثم : وقفي، بكفيكي لهون انا حسيت انك مو بخير وحكيت معك
سيرين ( بقهر ) : ليه هيك صار معي ؟ شو ذنبي خالو بس فهمني انا بشو غلطت لحتى انحرم من حمزة ومن اني اكون ام لاولادنا انا واياه، انا بحبه كتير وكنت اعمل كل اشي مشان ارضي اهله، بس للاسف ما الي حظ
هيثم ( بغصة ) : ما بستاهلوكي، الله يبعثلك نصيب احسن منه
سيرين ( مصدومة ) : بس انا ما بفكر في الانفصال
انا كنت بدي اوصل لهون، ومتاكد انه اللي عمله حمزة اليوم هو سبب كلامها هاد ..
هيثم : لا تخلي الحب يدمرك، مو لهالدرجة اتضحي بحالك اهلك ما رح يسامحوه بهالسهولة
سيرين : بس اخرتهم يسامحوه، حمزة انا بعرفه مستحيل يعمل هيك فيي لولا حدا ماثر عليه، وبوعدك خالو رح اكشف هالسر
هيثم : ما انتي عارفة انها امه
سيرين : لا لا خالتو كتير بتحبني وبعرف انها ما بتريد لاولادها خراب البيت، في اشي اعمق من هيك
هيثم : ... مو بعيد، طيب بشو بقدر اساعدك انا ؟
سيرين : حبيبي خالو رح اطلب منك المساعدة وقت ما بحتاجها، ما يحرمني منك
كانت مكالمة صعبة ومهمة بيني وبينها؛ حتى اعرف قلبها شو صار فيه بعد اقل من شهرين ..
المشاكل اولها بتكون نار وبتحرق كل اشي حواليها، ولما تبرد ما حدا بقدر يرمم الرماد اللي تركته ..
////
اتخذت قراري بالرجعة، بس الرجوع رح يكون حتى ابني حياة جديدة واهدافها مرسومة، لانه زمان اول حول ..
حمزة : سيرين !
سيرين ( بجمود ) : ان شاءالله ما اكون ازعجتك
حمزة : انا ما بنزعج منك انتي بتعرفي، بس كيف خطرنا على بالك ؟
سيرين : سيبنا من هالكلام وخلينا بالمفيد
حمزة ( تنهد ) : بتؤمري، شو المفيد ؟
سيرين : مصير زواجنا
حمزة ( انفعل ) : بايدك
سيرين ( بهدوء ) : تمام، اكيد بتعرف انه اهلي ناويين يطلقوني
حمزة ( قاطعني ) : على جثتي، مستحييييل اوافق انا بدي اياكي متمسك فيكي سيرين انا بحبك ...
سيرين ( قاطعته ) : كلام الحب هلا ما بنفعني، انا كمان ما بدي اخرب بيتي، ورح اعتبر اللي صار محنة ومرقت علينا، بس عندي شروط للرجعة
حمزة ( برجاء ) : حكتلك من البداية حطي الشروط اللي بدك اياها وما عندي مانع، المهم نرجع لبعض وبوعدك كل اشي يتغير
سيرين ( بدهاء ) : اوك، رح احكي اللي عندي وانت فكر على مهلك
كتبتله شروطي وودعته ..
بعرف انها شروط تعجيزية، واحتفظت فيها لنفسي وما حكيتها لاهلي ..
حابة اشوف ردة فعل حمزة الها، وشو ممكن يعمل مشاني ؟ ..
////
وصلنا البيت، وما كان الي نفس لاي اشي ..
نظراته غريبة، ومزاجه معكر وما برد عليي باي كلمة ..
ديمة : تصبح على خير
عدي : ...
انخنقت من اسلوبه، وما اجاني نوم من كتر التفكير ..
كيف ممكن اتغير حتى تنتهي هالمشاكل بيناتنا ؟ ..
قعدت على الكنباية في صالة القعدة، مديت رجليي التعبانات والمتنفخات من الحمل ..
////
حسيت فيها لما انسحبت من جنبي، لحقتها بدون ما تحس وتاملتها بالعتمة المكسورة بنور الاباجورة الخافت ..
كنت مفكر رح تفهم عليي، وتعرف تتعامل معي بعد كل هالفترة بيناتنا ..
بس ديمة الظاهر انها صعب تتغير، ولسا تفكيرها محدود وخارج اطار العلاقات الزوجية ..
ما قدرت اخفي زعلي لما اقترحت تنام عند اهلها، وكانه اشي عادي تترك زوجها وتعيش حياتها كانها لسا بنت مو متزوجة وما عندها مسؤوليات وواجبات ..
ديمة ( بتحكي مع حالها ) : لنشوف كم رح اتضلك زعلان هالمرة يا زوجي العزيز، وهي قعدة ها
مدت رجليها ومسكت موبايلها، وانا لسا واقف بتفرج من بعيد ..
كثير خطر ببالي اروح انكشها مثل ما بعمل دايما، بس هالمرة قاومت حالي ورجعت اجر اذيال الخيبة لغرفة النوم الباردة ..
////
ياسمين ( بحزن ) : طيب شو اعمل اكتر من هيك ؟ نفسي اخبره عن مرضها بس خايفة يزعلوا مني، وهو مُصر اني بعرف شو مخبيين اهله وبده اياني احكي
حنين : لا تخبري ولا عبالك، خلص خليه بزعل شوي وبكرا برضى لحاله
رنين : نفسي افهم شو دخلك انتي ؟
ياسمين : كانت تحكي عني، وبتطلب من الله يسامحها ويغفرلها، بس اوعوا حدا يحكي هالكلام
حنين : اتطمني ما بنحكي، المهم هو واهله يفتصلوا اول عن آخر رح يعرف متل ما عرف عن المصيبة اللي صارت معك
ياسمين : قولتك، اخرته يعرف ويرضى بالامر الواقع، نص البلد ازا مو كلها مصابين بالضغط والسكري شو الجديد يعني ؟
رنين : طبعا والعمر اله دور كمان، خالتو مو صغيرة
ياسمين : بالضبط، يا ستي الله يشفيها ويهون على عيلتها
حنين : امين
كان احساس الذنب ملاحقني بهالليلة العصيبة، وبعد احمد عني والحالة السيئة اللي ملازمته من وقت ما اغمي على امه، شد الحبل اكتر على رقبتي ..
سندت ظهري على مخدة، وقعدت افكر مع حالي وابحث عن نهاية معقولة لكل اللي بصير معنا ..
////
طلعت من غرفتي اشرب مي، لمحت ضو خافت من تحت باب غرفتها ..
كان الباب مو مسكر عالاخر، وقفت وراه وقدرت المحها وهية قاعدة على تختها ومنكمشة على حالها ..
شعرها الحريري الطويل كان مغطي نص جسمها، ورجفتها وهي تبكي واضحة ..
نحيبها بذكرني بصوت ريم لما كنا نتمشكل، وتكون قاعدة بهالوضعية ..
ما قدرت احكي اي كلمة معها، رجعت اكمل محاولات نومي للكم ساعة اللي ضلوا قبل ما يجي موعد دوامي بالجامعة ..
////
اول مرة من تاريخ ارتباطنا بتصير هيك مشكلة بيناتنا، وبتعاملني بهالقسوة ..
بعرف انه كلامي مو منطقي، بس اللي مو منطقي اكثر هوة اني اخليها تسد ديوني من تعبها وهية ما الها اي ذنب فيها ..
يمكن ذنبها او ذنبي كمان انه حبينا بعض، وسمحنا لعواطفنا تجتاح عقولنا، ومشينا بمغامرتنا بدون اي تفكير بالمستقبل ..
الله وحده بس بعرف التعب والشقى اللي عايش فيه، وعدد الساعات المحدود اللي بنام فيهم، ويمكن يكون معدوم في بعض الايام ..
تحدي الدخان كان اكبر من كل اشي، بهيك اوقات كانت سيجارتي رفيقتي وبدخن بدون وعي ..
اما اليوم انا انسان ثاني، والتفكير اله طعم خاص ..
////
حرام اللي بصير معي، انا ليه هون بعيد عن اهلي وعيلتي اللي بحبها ؟ ..
ليه دايما بحس انه في سر مخبينه عني، ومتكتمين عليه ؟ ..
لمتى رح يستمر هالتكتم ؟، وانا لمتى رح اضل بعيد هيك ؟ ..
كل هالاسئلة واكثر كانت محور تفكيري، وعقلي رح يجن عالاخر اذا ما عرفت اجوبتهم ..
وياسمين مثل العادة هية الضحية لسكوتي ووحدتي، وعدم مقدرتي عالفصل بين حياتي معها وعلاقتي باهلي واسرارهم اللي ما بعرف اذا ياسمين بتعرف اشي عنهم او لا ..
_______________________________
بعد مرور ١٠ ايام <<
حمزة ( بعصبية ) : انت بتقبل بهيك شروط ؟ احكييييييي
هيثم ( بنبرة حادة ) : لما اعمل بمرتي اللي انت عملته وقتها بقدر اجاوبك، بعدين ليه معصب ؟ مو انت حكتلها حطي الشروط اللي بدك اياها بس ارجعيلي
حمزة ( بقهر ) : بس مو هيك ! ما في زلمة بقبل بهالحكي
رانيا : طيب طيب خلص اهدوا انتوا التنين، انا برايي تروح تحكي مع اهلها واحنا بنروح معك وبنطيب خاطرها وبنتفق على شروط تانية تناسب الجميع
حمزة : انا كان قصدي مثلا تطلب تغيير في البيت او اشياء خاصة فيها انا ما كنت موافق عليها زمان، اكيد فاهمة عليي
هيثم : قصدك تسمحلها تزور خالتها اللي بينكم وبينها شاحطين درج بعد ما منعتها
حمزة ( بلع ريقه ) : ...
هيثم ( متابع ) : اعمل اللي حكتلك عليه اختك لعل وعسى تقدروا تلاقوا حل وسط احسن ما انت مبسوط على الخراب اللي عملته ببيتك وتجبر قلبها بعد ما كسرتلها اياه
رانيا ( عيونها على حمزة ) : انا بحكي مع اهلي وانت حبيبي الله يخليك لازم تيجي معنا
هيثم ( بالم ) : هو المفروض ما اجي بس عشان خاطر المسكينة اللي مو عارفة شو تعمل حتى ترمم عمايل زوجها قدام اهلها
حمزة : ...
رانيا : يا رب تهديكم ويصلح ذات بينكم ونشوفكم مع بعض من جديد وباحسن حال
حمزة ( تنهد ) : اميييين، الله يسمع منك يختي ويرضى عليكي
////
علاء : ما فهمت ؟
هيثم : بحكيلك بدهم يجوا يتفاهموا عالشروط اللي حطتها اختك عشان ترجع
علاء : اي شروط ؟
هيثم : ما بتعرف انها اتفقت معه على كم شغلة ؟ بس طبعا تعجيزيات هههه
علاء ( باستنكار ) : متواصلة معه يعني ؟
هيثم ( مستغرب ) : نعم ؟ علااااء شو قصتك هاد زوجها بعده واذا حردانة يعني
علاء : اتطق جوزة حلقه ان شاءالله وارتاح منه هالنذل، خلي يجي عشان اكسر رجليه واحمله اياهم
هيثم ( عصب ) : لا انا برايي انت لا تيجي، السلام عليكم
ريم ( بقلق ) : مالك معصب ؟ خوفتني بس رميت الموبايل
علاء : ... اتركيني شوي
ريم : حاضر
______________
في اليوم التالي ( الخميس ) <<
سهى : اي ساعة موعدك ؟
ديمة : وقت ما بناسبك بنطلع
سهى : طيب خليني اكمل الطبخة وبطلع عندك على طول
ديمة : اوك بستناكي
عدي ( بجمود ) : اليوم موعدك عند الدكتورة صح ؟
ديمة : اه، رايحة انا وماما
عدي : ...
النا اكتر من اسبوع على هالحال، لا هوة بادر بالحكي ولا انا نكشته ..
مليت من هالوضع ووصلت لذروتي من التحمل، نفسي افهم شو عملت حتى هيك زعل ؟ هي اول مرة بتستمر بيناتنا مشكلة كل هالفترة ..
////
نهى : عندك اشي اليوم عالستة المسا ؟
ابو علاء : لا ليه ؟
نهى : رانيا حكت معي عشان تيجي هي وهيثم ومعهم اهلها وحمزة
ابو علاء ( زورها ) : ما بدي اسمع اسمه
نهى : بس سيرين ما بدها تنفصل وحطت شروط لرجعتها، خليهم يتفاهموا وان شاءالله الماضي ما بتكرر
ابو علاء : ما بعرف .. اعملي المناسب
نهى : ازا ما بدك ما بردلهم خبر
ابو علاء : اذا هيثم جاي بستقبلهم، اما همة مو طايق اسمع سيرة اي حدا فيهم
كنت اسمع حوارهم وايدي على قلبي من اللي رح يصير ازا اهلي رح يستقبلوهم او لا، وشو ممكن يصير لما نتواجه ؟ واعرف راي حمزة بكلامي بعد ما اختفى كل الاسبوع الماضي على عكس عادته من لما اجيت عند اهلي، كل يوم ببعتلي وبسال عني ..
////
ياسمين : الله يجيب اللي فيه الخير
سيرين : امين ... انا كتير تعبانة نفسي ارتاح، يمكن الطلاق خير الي الله اعلم
ياسمين : من غير شر عنك، ان شاءالله بترجعوا لبعض وبتعيشي الحياة اللي نفسك فيها وبنشوف على ايدك بيبي السنة الجاي
سيرين ( بحزن ) : اي بيبي هاد اللي بحلم فيه ؟ عمري ما تخيلت اعيش هيك ظروف، يا الله الزواج شو صعب
ياسمين : هههههه يرحم ايام الامتحانات
سيرين : يا ريت كل حياتنا دراسة وامتحانات اهون من اللي بنعيشه
ياسمين : ااااخ، الحمدلله .. دخلك ديمة شو اخبارها ؟ كانه مختفية
سيرين : من الهموم اللي عايشة فيها ما لاحظت، بس فعلا زمان ما بعتتلي اشي كانت كل يوم تسال عني
ياسمين : يا ريتها ريم ما جابت سيرة عزومة ولا زيارة، احنا لابقلنا بطيخ بوجهنا
سيرين : بعين الله، سامحينا ياسمين استقبلناكي بمشاكلنا
ياسمين : وانا كيف حالتي على اساس ما عندي اشي، بتصدقي احمد ما بحكي معي الا رسائل عالواتس ؟
سيرين ( مصدومة ) : اوف ! ليه ؟
ياسمين : شكله مو طايق يسمع صوتي ولا يشوفني، او بقضي وقته يحكي مع امه ويتطمن عليها
سيرين : امه ؟ كانها خالتك ياسمين صح ؟
ياسمين ( ببكي ) : ... خالتي اه خالتي اللي كانت اغلى اشي عندي، اللي كانت تحن عليي وتوقف جنبي حتى ضد ابنها، بس وين هاد كله راااح ؟ فهمييييني ويييين
سيرين ( بصوت مخنوق ) : برجع انا متاكدة، انتي قربتي تصيري ام ورح تفهمي اللي عملته كتير منيح، يمكن ما تفهميه وتحكي انا مو متلها وما بعمل هيك اشي، بس كمان الكمال لله وكلنا بنغلط
ياسمين : انا تعبت من هالكلمات، كل ما اشوف حدا بالعيلة بحكيلي اياهم، هية بني ادمة بتغلط وانا ملاك لازم ما ازعل واسامح على طول، طب انا كمان بني ادمة وبزعل ويمكن من النوع اللي ما بسامح صح ؟ ولا تعودتوا على ياسمين تنسى وتسامح وتمشي وكانه شيئا لم يكن
سيرين : سامحتي احمد
ياسمين : ما طعن بشرفي، واتهمني .. احمد بطلعله اسامحه لانه خبى عليي من خوفه ومن محبته الي، ولو سمحتي سكري عالموضوع
سيرين : سكرته، وبعتزر ازا دايقتك .. ادعيلي
////
منى : هيك سمعنا
احمد : شفقان على حمزة، والله بحبها هالمسكين شو اللي صار بينهم وخلاهم يوصلوا هيك ؟
منى : والله السر عندك ومخبيه عنا، طيب احكيلي عشان اعرف ازا بستحق تشفق عليه
احمد : ... انسي، شو اخبار اخواني وين ما ببينوا؟
منى : ملتهيين بدراستهم، امجد ما بنشوفه واليوم رايح عند خالتك سهى وبده ينام عند قصي
احمد : له له مسكينة يا خالتي، الله يعينها عليهم اليوم
منى : ههههه شايف، قال هية اصرت عليه
احمد : اكيد تحت التهديد وافقت
منى : ... شو اخبار ياسمين ؟ دخلت بشهرها صح
احمد : كويسة، اه دخلت الها من اول شهر ١٢ ( كانون الاول )
منى : بالسلامة يارب يطمن بالك وبالنا عليها
احمد : امين
ما قدرت احكي لامي اني ما شفتها ولا سمعت صوتها من هداك اليوم، خايف تحس بالذنب انها السبب ..
لسا ما بعرف امي شو مخبية عني، بس قربت اعرف ..
////
المراسل : مهندس عدي هاي الك تفضل
التفتت على المراسل ولقيت بايده باقة ورد كبيرة، لمعوا عيونها من جمالها ..
اخذتها وشكرته، انتبهت على البطاقة المعلقة فيها ..
فتحتها بلهفة وقراتها، كانت جملة بسيطة بس فيها معاني كبيرة ..
( You miss I ) Deema
رنيت عليها وبسرعة ردت ..
عدي ( برومنسية ) : وانا اشتقتلك اكثر، انا بحبك .. بحبك كثييير
ديمة ( بخجل ) : وانا كمان بحبك وبموت فيك، سامحني حبيبي
عدي : وانتي كمان سامحيني، رجعتي من الدكتورة
ديمة : اه زمان وبابا رجعني عالبيت
عدي : يسلم ايديه، طيب جهزي حالك عشان قربت اخلص شغل خلينا نطلع سوا مشوار ونتغدى بمكان رايق
ديمة : تمام، حلو كتير زمان ما طلعنا
عدي : بعرف، يلا خدي وقتك
ما احلاكي دمدومتي، يا الله شو انبسطت بحركتها وحسيت انها جد بتحبني ومو قادرة تعيش بدوني اكثر من هيك ..
حتى انا تعبت من بُعدها، وكل يوم بستناها تقرب مني ..
////
وبينا معاد لو احنا بعاد
اكيد راجع ولو بيني وبينه بلاد
لو احنا بعاد وبينا معاد
اكيد راجع ولو بيني وبينه بلاد
قصاد عيني في كل مكان
في يوم هنعود
ده بينا وعود
و في غيابه اكيد لسه الأمل موجود
في يوم هنعود
ده بينا وعود
و في غيابه اكيد لسه الأمل موجود
قصاد عيني في كل مكان
قصاد عيني في كل مكان
ومن تاني اكيد راجعين
أنا دايب وكلي حنين
ولا عمري أبيع لو مين
قصاد عيني
ومش قادر على الأيام
ولا يوصف هويا كلام
وطول ليلي ولما بنام
قصاد عيني
قصاد عيني في كل مكان
علاقتنا تغيرت بعد اخر مناقشة صارت بيناتنا، والظاهر انها عنيدة اكثر مني ومو فارق معها كل اشي بعمله مشانها ..
حاولت اوصللها كلام مع امجد، بس ما تجاوبت ولا حتى كلفت خاطرها ترن وتسال عليي او تبعثلي رسالة اعرف من خلالها انه كلامي وصللها ..
ما تخيلت اني بهون عليها لهالدرجة ؟ معقول ما بتحبني ؟ ..
قصي : كيفك ابو عمير شو اخبارك يا رجل ما حدا بشوفك
عمر : والله مشتاق، كيفك انت ؟ شو عامل اليوم بالخميس الونيس
قصي : امجد جاي عنا، انت رايح تسهر عند آيات اليوم ولا بنقدر نخطفك منها شوي ؟
عمر : لا بتقدروا طبعا، ولو انتوا عظام الرقبة
قصي : طيب شرف عالغدا، كم بدك ؟
عمر : نص ساعة منيح ؟
قصي : نص ساعة وخمس دقايق ما بنفتحلك هيهيهي
عمر : بوابة ابراج نيويورك مهو باب بيتكم، انقشع
قصي : هههههه يلا سلام
////
انس : مع مين كنتي تحكي ؟
منى : مع احمد، احطلك غدا ولا تستنى آيات
انس : بستناها اكيد، بكفي امجد مو موجود
منى : ليه ما رحت معه، بتتسلى معهم
انس : بدي اروح اكيد بس بالليل، مع اني خايف على حالي هههه
آيات ( اجت فجاة ) : السلام عليكم
منى / انس : وعليكم السلام
كل ما تيجي عيني بعين آيات بتضحك، وكانها بتزكرني انها كشفت السر، وانا لا شعوريا بضحك وامي مو فاهمة اشي علينا ..
_________
_______
الاحد الماضي <<
انس ( برعب ) : الو امجد وين انت طلعت من البيت ؟
امجد ( بقلق ) : اه طلعت، شو مالك مرعوب ؟ نسيت اشي
انس ( بياس ) : ياااااا الله على هالحظ
امجد : ولك احكي شو في ؟
انس : نسيت خاتم اسيل ببنطلوني اللي كنت لابسه مبارح، وحطيته بالغسيل اكيد امي اليوم رح تشوفه اذا فتشت فيه
امجد : ههههههههههه يحرق حريشك، طيب اهدى هسة بحللك هالمصيبة مع انه نفسي امي تعرف بس حرام مشانك
انس : كيف رح تساعدني ؟
امجد : بس اخلص برجعلك، يلا سلام
////
آيات ( عيوني مغمضة ) : نايمة طبعا
امجد : طيب قومي بسرعة عالحمام
آيات ( فتحت عيوني مستغربة ) : شو في بالحمام ؟
امجد : في بنطلون انس اللي كان لابسه مبارح، اتوقع جينز اسود، فتشي بجيابه بتلاقي شغلة خبيها عندك قبل ما امي توصلها قبلك
آيات : هيني وصلت وعم بفتش، شو هاد ( بنظرة تاملية ) خاتم مين ؟
امجد : خاتم اسيل، خبيه وادفني هالسر معك وارجعي كملي نومتك
آيات : ههههههه يمة ما اقواكم، والبنت ميتة لتلاقيه حرام عليكم
امجد : حلي عني انا شو دخلني ؟ يلا سلام خليني اطمنه قبل ما يصير فيه اشي من الخوف
ما عرفت افرح ولا ازعل على اخوي، وعلى حظه ..
المسكين عشقانها وما حدا حاسس فيه، والتاني امجد بساعده بدل ما يوعيه ..
////
كل اشي بقدر عليه عملته بس مشان خاطره ما ينكسر، لانه لو امي عرفت رح تمرض بزيادة وتتعذب لانها رح تكون سبب من اسباب عذاب ابنها ..
امجد : مشي الحال اتطمن، بس ترجع عالبيت بتاخده من آيات
انس ( تنهد بقوة ) : الحمدلله، يكثر خيرك ما بنسالك هالمساعدة بحياتي
امجد ( بوجع مخفي ) : الله يحقق اللي ببالك وما بدي اشي، دير بالك مرة ثانية اليوم عشان آيات معطلة قدرنا نلملم القصة
انس : بس وقعتني بلسانها، يا دوب خالص من لسانك ههههه
امجد : ههههه بتستاهل، يلا دير بالك سلام
انس : الله معك
على طول تغيرت نبرة صوته، وكانه رجعتله الحياة ..
////
آيات ( نص ضحكة ) : والله بطلع منك انوووس
انس ( بخجل ) : ما خبرتي حدا صح ؟
آيات ( بمزح ) : بس صورته وبعتت اسال ياسمين عنه، حكتلها مع انس اتطمنوا ههههه
انس ( معصب ) : بتمزحي صح ؟
آيات : ههههههه طبعا بمزح، مع انه خطرتلي الفكرة بس بعدين تراجعت
انس ( برجاء ) : حلفتك بالله ما تخبري حدا عنه، انا بعطيها اياه بالوقت المناسب
آيات ( بحزن ) : شو مصيركم يا ترى ؟ انس حبيبي والله ما بدي اشوفك بتتعزب انت كمان متل اخوانك ومتلي، مع الايام اكيد رح تلتقي ببنت تنسيك اياها انت هلا حاول ما تفكر فيها كتير واعطيني ارجعلها الخاتم
انس ( برجف وشادد قبضة ايده عالخاتم ) : مستحيييل، لو بدي اموت من العذاب ما بتخلى عنها بعدين لا تستبقي الاحداث تفائلي
تركني قبل ما ارد عليه، رغم اني مو ملاقية كلام احكيه اكتر من اللي حكيته ..
واضح انه متمسك فيها وبحبها حب حقيقي، متل ما عمر بحبني وانا هلا واقفة ضده وعاملة مشكلة معه وبستنى يلين عقله شوي ونقدر نتفاهم ..
_________
_______
منى : متى رح يجي عمر ؟
آيات ( غصّت بالاكل ) : ما بعرف، بس احتمال ما يجي اليوم
انس : ليكون رايح مع امجد
آيات : ما بعرف
منى ( مستغربة ) : شو اللي ما بتعرفيه ؟ ليه اسمك خطيبته ؟ معقول ما حكالك ولا متفقين على سهرة ولا اشي
آيات ( حبست نفسها ورجعت تنهدت بقوة ) : ... انا شبعت، يسلمو ايديكي
اتطلعت فيي امي هديك التطليعة اللي قصدها فيها شو مخبيين عني ؟ ..
انس ( بتهرب ) : ما تطلعي فيي، انا ما بعرف اشي ولا بدي اعرف
منى : طيب يا اولادي ضلوا خبوا عني
انس : استغفر الله، همة هيك اولادك بخبصوا وما بتموني الا عليي، احكيلك من الاخر
منى ( باهتمام ) : اه ؟
انس ( بدهاء ) : لا تركضي ورا حدا وتعرفي شو مخبي، اخرته كل اشي يبين انتي لا تشغلي بالك بس
منى ( مو عاجبها ) : اقنعتني صراحة، تصطفلوا حرين لما تحتاجوني رح تيجوا لعندي
انس : يا عيني عليكي
////
ابو حمزة : يا جماعة احنا جايين اليوم ومتأملين من ربنا انه يتم الصلح ويعمر بيتهم من جديد، وبالنسبة لبنتكم انا من لما عرفتها وانا بعتبرها وحدة من بناتي ويشهد الله على كلامي
ابو علاء : اذا كلامك صحيح كيف قدرتوا تعذبوها وتفتروا عليها كلام ما صار وتحكوا باطل على لسانها ؟؟!
ام حمزة : الله يلعن الشيطان ويسامحني، هي القصة كلها داخلة ببعضها ويوم عن يوم كبرت
نهى : لاحظت، هاد اللي مستغربة منه حتى سيرين حاسة انه في اشي غلط بتقلي يا ماما خالتو ام حمزة ما في منها بتحبني وبتدعلينا بالخير دايما
ام حمزة ( بفرح ) : الله يرضى عليها، اه والله بحبها من كل قلبي
حمزة : طيب وينها سيرين، خليها تيجي حتى افهمها وجهة نظرنا من شروطها
علاء ( بنادي بسخرية ) : يا سيرين، تعالي اتحفي مسامعنا بشروطك اللي مغلبة الجماعة فيهم
هيثم ( من بين اسنانه ) : خليك عاقل مو ناقصهم اهلك
علاء ( مو عاجبه ) : توكل عالله انت بس وما بتكون الا راضي
سيرين ( بثقة ) : مسا الخير
الجميع : مسا النور
////
احمد : في اجتماع عند دار حماك، لحق حالك
عدي ( مستغرب ) : اجتماع شو ؟
احمد : عزومة واشياء زاكية وهيك قصص، ويمكن سهرة رومنسية برعاية الفنان الموهوب اخوك هيهيهي
عدي : اوف اوف كل هاد واحنا ما معنا خبر، هاي خيانة عظمى
احمد : منا حكيت بخبركم بلكي تلحقوا شوي من قاع الطنجرة
عدي : المشكلة علاء مشغول اليوم، ابصر يقدر يجي ولا لا مسكين
احمد : اكيد رح يجي، ما بفوت هيك سهرات عديلك
عدي : هههههه يلا انا سابقه، مع اني هسة تغديت بمطعم
احمد : صحتيييين ابو ماهر، يلا دير بالك خلي عيونك مفتوحة عليهم هههههع
ديمة : بدنا نروح عند اهلي يعني ؟
عدي : اه اليوم بنروح عندهم وبكرا عند اهلي صح ؟
ديمة : متل ما بدك المهم تكون انت راضي يا عمري وحياتي ريته ما يبلى المروق
عدي : هههههه يسعدك، شو هاليوم الحلو الله يتم علينا
ديمة : يارب ويهدي بال سيرين، عقلي عندها
عدي : مسكينة، الله يعوض عليها ويختارلها الافضل
////
سهى : اهلين بالشباب، نورتوا يا حبايبي
امجد : حبيبتي خالتو ما يحرمنا منك، ايوا هيك خلينا نشوفك برواق ونستمتع باطباقك الشهية
قصي : وتحلي عيونك بشوفتي هيهيهي
امجد ( بمسخرة ) : عيوني هلكوني وهمة يطلبوا شوفتك، اخر اشي حكتلهم الخميس بنشوفه ولا يهمكم
سهى : هههههه يسعد هالعيون ما احلاهم
قصي : ايوا كبري براسه، يلا هي اجا ابن اخوكي ديري بالك تستمري بالغزل
عمر : السلام عليكم، الحمدلله البوابة مفتوحة ربي بحبني يا جماعة
امجد / سهى : وعليكم السلام
قصي : يا حبيبي يا مرضي
////
مها : تعبت من المشي، خليني اشتري هالشغلة لخالتك وامرق اعطيها اياها ونضل مروحين عالدار
ياسمين : يلا، امير نعس اصلا شكله رح ينام بالسيارة
اسيل : ماما خلص مو ضروري نمرق عند خالتو اليوم
مها : لا حرام مستعجلة عليها
////
هيثم ( بقلق ) : شو ؟ متاكدة
رانيا ( بالم ) : كتييير موجوعة الحقني هيثم
هيثم : يلا هينا قربنا، معك شنتة المستشفى ؟
رانيا ( مو قادرة تحكي ) : لا
هيثم : بسيطة، بس اتطمن عليكي بالمستشفى بروح اجيبها، المهم خلي نفسك منتظم
رانيا ( بتهز راسها ) : ...
نهى : يييي عنجد، هيك فجاة ؟
هيثم : شايفة، هيني بالطريق للمستشفى بس لا تخبري حدا لحد ما نتاكد اذا ولادة او لا
نهى : ولا يهمك، بس مو تنسى ترجع تحكي معي
هيثم : لا لا بحكي ان شاءالله، يلا دعواتكم
////
علاء : هيني قربت
عدي : صرتوا مخلصين ؟
علاء : هههههه لا تذكرني دخيل قلبك، بس اشوفك بحكيلك شو صار
عدي : الله يستر، بانتظاركم
ريم : الله يهديهم بس ليه هيك عملوا ؟
علاء : من كل عقلك في واحد بقبل اهله ما بفوتوا بيته ابدا ؟ يعني هية ما تروح عندهم مقبولة نوعا ما عادي هالايام
ريم : ما بعرف عنها، يعني هية لما اشترطت هيك بناءا على كلامهم عنها انه شايفة حالها وبتعاملهم بتكبر
علاء : هية منطقية بس حمزة مسكين من النوع القديم جدا
ريم : وخالتو انصدمت لما عرفت عن شرط الحمل
علاء : ههههههههههه ضحكتني، الله عليكي يا اختي اكيد ياسمين مساعدتيها بانتقاء الشروط ومو بعيدة ديمة كمان تكون معطية رايها
ريم ( بطرف عينها ) : والله ! كان سالتها عشان تقطع الشك باليقين حبيبي
علاء ( مسكت ايدها وبستها بنعومة ) : يسعدلي اياها حبيبتي العاقلة، حاولي تفكري بشروط ثانية وتحكيلها اياهم بلكي بزبطوا اكثر
ريم : يسعدلي الواثق بمرته، هلا بفكر بكم شغلة وبكتبهم بلكي بنروق على سهرة الشباب هههههه
علاء : ههههه الله عليك يا ابو حميد، يا ريتك معنا
ريم : هيو بشارك عن بعد ههههه
////
منى : رني على ياسمين وافتحي سبيكر خليني اسمع صوتها
آيات ( تنهدت ) : يلا، هي برن
انس ( قاطعنا ) : يمة انا طالع بدك اشي ؟
منى : سلم عليهم، وازا تاخرت نام عندهم
انس : لا ماخذ سيارة ابوي، بعدين بتعرفيني عندي جدول دراسة صعب اخربه
منى : ان شاءالله، دير بالك وانت تسوق
ياسمين ( معجوقة ) : الو
آيات ( عيوني على امي ) : اه ياسمين حبيبتي كيفك ؟
ياسمين : هلا يا عمري، مشتاقة
آيات : وانا اكتر، كانه صوتك مو بالبيت
ياسمين : اه والله نزلنا عالسوق شوي انا وماما واطفالها هههه واسيل طبعا وفرح مرافقين للاطفال
منى ( كاتمة ضحكتها ) : ...
آيات : ههههههه موتيني، طيب منيح شو بدك احلى من هيك اجواء اكيد مشتاقة
ياسمين : اه طبعا مشتاقة، بكفي اني الشوفير الرسمي حاليا لمها خانوم، كيفكم انتوا كيف خالتو ؟
منى ( مبسوطة ) : ...
آيات : الحمدلله كلنا بخير، هينا مكنكنين بهالبرد
ياسمين : اه والله كتير برد، بس كان لازمني شوية شغلات قبل الولادة بتعرفي وقلت بكسب الوقت من بكير
آيات : يلا ماشي ياسمينتي ازا بدك اشي احكيلي بجيبلك، غير عن اللي جبتهم طبعا
ياسمين : تسلمي ان شاءالله بخبرك، برجع احكي معك بعدين
آيات : اوك يلا سلام
منى : هههههههه ما بتتغير
آيات : ههههههه مها واطفالها، بتخيل شكلها بكرا هي وامها واولادهم هههههه
منى : على خير يارب، الله يقومها بالسلامة
آيات : امين، ويفرح قلبنا بشوفة الغالي احمد يا الله شو اشتقناله
منى : حبيبي الله يرضى عليه وعليكم جميعا، كل يوم بسالني شو نفسك اجيبلك، وشو ناقص آيات ومن هالحكي
آيات : مهو بسالني كمان، انا عارفة بجيب بدون ما نطلب بس حرام مو ناقصه تكاليف خليه يخلص بيته ويصيروا يقعدوا فيه باجازتهم
منى : اه الحمدلله مو ضايل اشي، اقنعته يفصل المطبخ لما يجي ومن هون للصيف بكون جهز وتركب وبنحطله في البيت كم قطعة اثاث على قدهم
آيات : على خير الله يهنيهم
////
سهى : يا ريتني حكيت لانس يجي، نسيته من لخمتي بمشوار ديمة
امجد : هاي ديمة لا متجوزة ولا عزابية خلصانين من غلبتها، مشااان الله حلي
سهى : شايف بالله
عمر / قصي : نعم ؟
قصي : بتشدي على ايده بدل ما تخرسيه بكلمتين، شو دخلك وله باختي ؟
امجد : لا اله الا الله، الحق عليي حاسس بامك مو مثلك مبلد
سهى : ههههه طولوا بالكم، شكله وصل انس دقيقة خالتو
عدي / ديمة : مرحباااا
امجد / عمر / قصي ( بصدمة ) : يخرب بيت اليهود شو جابهم ؟
عدي : ماشاءالله ما شاءالله جمعة طيبة يا حبايب قلبي، شو سيد عمر منيح اللي شفناك ؟ عاساس الخميس سهرتك مع الحب وما بتفضى
امجد : اه انت جاي مع سبق الاصرار والترصد يعني ؟
قصي : كمين لعمر بمعنى آخر
عمر ( بتباكي ) : اهئ اهئ
ديمة ( بنبرة حادة ) : ليه الجلي مكوم عالمجلى ؟ ما تقوم تجلي منك اله ولا مستنيين امي تجلي مثلا ؟
امجد : لا مستنيينك تيجي تردحيلنا اول، شو دخلك انتي اه ؟ ولا مقهورة عشان راح عليكي الاكل
عدي : ايوا تعالوا اضربوا بعض شو رايكم ؟
عمر : هدوا يا جماعة، ها هي الجرس برن
قصي ( بعيط ) : ...
الجميع : ههههههه
سهى : يييي اهلا وسهلا شو هالمفاجاة
مها : حبيبتي اهلين فيكي
ياسمين / اسيل / فرح : مرحباااا
ديمة : هااااي
امجد / عمر / قصي : هااااي اهئ اهئ اهئ
مها : شكلنا قطعنا عليكم سهرتكم يا شباب سامحونا شوي وبنروح
عدي : لا الله يسامحك، حتى انا اجيت صدفة ( برقص بحواجبه ) ويا محااااسن الصدف
ديمة : رب صدفة خير من الف ميعاد حبيبي شو نسيت
عدي : لا ييي شو انسى
ياسمين : ههههههه
سهى : تفضلوا ليه واقفين ؟ زارتنا البركة شو هاليوم الحلو هاد
امجد : على مهلك خالتي عشان صحتك بس
عمر / قصي : هههههههه
مها : وين ابو قصي ؟
سهى : نزل عالقهوة يسهر قال خلي الشباب تاخد راحتها
مها : يعني اخد راحتي لاني انخنقت تقريبا
امجد : الف مرة حكينالكم يا نسوااان لما يطلع شعركم من الحجاب ورجليكم توجعكم
ياسمين ( مقاطعة ) : واولادكم تنكد عليكم
قصي : روحووووو من السوووق
مها : روحنا هينا
عدي ( بجكر ) : يا ريت خبرنا دار ابو سلمى
قصي : انا بقول نزل بوست عالفيس واللي بحب يتفضل مهي خربانة خربانة
ديمة : بدون ما ننزل هي ابصر مين اجا
سهى : افتحي ماما بكون انس وصل
مها : ييي وانس منضم للشلة كمان ؟
انس ( بصدمة ) : بسم الله
عدي : شايف جني وله
انس ( ضحكوا عيونه ) : قصدي السلام عليكم
عمر ( بغني ) : قلبي عشقها والعيون .. هويتا واهلا ما يرضون
امجد / قصي : وانا كل ما اشتقت ليها .. اروح واسال عليها عليها
عمر : تجاوبني عينيها .. تجاوبني عينيها
امجد / عمر / قصي : ارحل يا حبيبي حبيبي اهلي ما يرضووووون
انس ( زورنا بعيونه ) : ...
مها : والله نورت، شو خالتو ليكون مخربين اخلاقك هدول ؟
عمر ( باستغباء ) : هدول ؟ تحولنا لنكرة يا شباب
امجد : هاي اخرة اللي بصاحب اشكالك ههههه
عمر : يا حوينة شهادة ميلادي المخبية بالشنتة السودا اللي اعطاها سيدي لابوي ومخبيها باخر رف بالخزانة من فوق ومحطوط عليها كومة اواعي عشان اذا دخل حرامي ما يشوفها
عدي : ههههههههههه يقطع شرك
ريم ( فجاة ) : ليه متركين الباب مفتوح ؟
امجد / عمر / قصي ( باستياء ) : كممممممملت
علاء ( بخبث وعيونه على عدي ) : ماشاءالله مجتمعين عند النبي ياا رب .. بس شكلنا ازعجانكم
عدي : بالعكس اجيت والله جابك، لسا قاعد بحكي يا ريتك تيجي
علاء : بقول مال قلبي دق فجاة وحسيت انه من الضروري ان آتي الى هنا
سهى / مها : هههههههه
ياسمين : بس شكلها في اخبارية عليكم مبينة الشغلة
علاء : يسعدها سنفور مفكر، اعترفي انتي اللي حاكية لسيرين عن الشروط اللي حطتها لحمزة ؟
ديمة / ياسمين : صحيح شو صاااار ؟
علاء ( بسخرية ) : واحد صفق والثاني طاااار
الجميع : هههههه
سهى : لا جد خالتو طمنا
علاء : يا بنت الحلال هاي اشكال ناس بدها تتصالح ؟ اجا يعمل علينا زلمة واخر اشي سحب حاله هو واهله وطلعوا، وسيرين لسا صافنة فيهم
مها : لا ؟ شو هالهبل هاد
ريم : بس اللي فهمناه انها امه مو واعية على حالها كانت ومتل مو قايلتله سيرين يوم المشكلة انه في حدا وازز براسك عليي
علاء ( زورها بعيونه ) : ...
مها : ايوااا، مع انه مو فاهمين شو المشكلة بس هي عرفنا طرف الخيط
امجد : هي جهزت البكرة خالتي انتي اسحبي خيوط وانا بلف وراكي
البنات : هههههههه
عمر : هيهيهي قومي اجلي انتي واياها يلا هي لقينالكم شغل
ياسمين ( بخبث ) : وين ختشيبتك عنك ؟ هيك بتسهر بدونها يا خاين ملكش امان فعلا
عمر : ختشيبتي ببيتها مو مثلك من لما وصلتي ما قعدتي ببيتك
ديمة ( شهقت ) : يمممممة، ما انتوا حسدوتنا هو احنا تهنينا عليها هي تاني مرة بشوفها انا اصلا من هداك اليوم
قصي : هو كان يوم مو معدي سبحان الله
عمر ( بغني ) : كل يوم بعدي بتزيد غلاوتك عندي واشتقلك واحبك تسوى ايه الدنيا مهما كانت حلوة في ثانية اعيشها جنبك
سيرين ( تسجيل صوتي ) : مو ناقصني ديمة لا تبعتيلي اشي
عمر : الله يسامحك بس
امجد ( بنبرة حادة ) : بعدين معك، يا زلمة خذ منها هالتلفون احسن ما اجي اكسره الف شقفة
عدي ( بسخرية ) : شو رايك تيجي تضربها بالمرة ؟
انس : له له من متى احنا بنمد ايدينا على بنات ؟
ياسمين : يسعد قلبه العاقل المؤدب، مو متل بعض ناس
ريم : قصي قاعد على الطاولة، لسا بتستنى بباقي الاشياء الزاكية ؟
قصي ( بلهجة مصرية ) : اخواني واخواتي بحييكوا وبحب اقلكوا اني جمعتكوا النهارده وكلي امل
ياسمين / ديمة : امل ماتت من زمااان
الجميع : هههههههه
قصي ( بضرب عالطاولة ) : محدش يقاطعني
عمر ( شهقة ) : يقطعني
امجد : انا لسا بستنى بالامل يجي
سيرين ( تسجيل صوتي ) : امل انتحرت من وراكم، اتركوها بحالها
ابو قصي ( اجا فجاة ) : السلام عليكم
ج٢ :
قصي : دقيقة بابا لو سمحت
امجد : مهموهة يرضى عليكي تستري
مها : يلا هيني لبست
ابو قصي : في حدا غير خواتك ؟
عمر : انت احكي في حدا ما اجا لسا ههههه
ابو قصي ( متفاجأ ) : يا هلا يا هلا حيالله بالجميع
الجميع : اهلين فيك ههههه
ابو قصي : شو هالزيارة المباركة عمي ياسمين والله زمان
ياسمين ( بسبل عيوني ) : تسلم عمو يبارك في عمرك يارب
ديمة : نيالها ياسمين بابا
سهى : علقت بلسان دلوعتك
ابو قصي ( حضن ديمة ) : بطلعلها دمدومتي، بس ما لحقتي ترجعي على بيتك بابا ؟
ديمة ( بدلع ) : عدوشتي عزمني على الغدا بمطعم فاخر وبعدين قلنا بنيجي بنكمل السهرة معكم اشتاقلكم يؤبر البي
عدي ( كاتم ضحكته ) : دخيل دلعك انا
قصي ( بمسخرة ) : لحقوه قبل ما ينصهر
امجد : حطولنا الف خط احمر تحت مطعم فاخر
ابو قصي : وهي امير البطل عنا، شميت ريحة سلمى يا... ولحقتها ؟
الجميع : ههههه
مها : لا هالمرة احنا اجينا قبل، اكيد هي اللي شمت ريحته
امجد : يا عيني عليك يا امير خليك هيك شخصية مثل ابن خالتك امجد كل البنات بلحقوه
البنات ( بمسخرة ) : يييييييي
امير : ماما اعطيني تلفونك اتصور سيلفي مع سوسو
علاء : لا حبيبي خذ تلفوني انا ناقصني بنتي تنتشر صورها لكل البلد
مها ( بنبرة حادة ) : شو قصدك سيد علاء ؟ انا بدي انشر صورها يعني ؟
ريم ( بتاشر بايديها ) : لا خالتو حرام عليكي مو قصده
ياسمين ( بغرور وكاتمة ضحكتي ) : لا حبيبتي زوجك غلط بحقنا واحنا زعلنا خلص، خلوا بنتكم عندكم وابنا الف بنت بتتمناه
الشباب ( بمسخرة ) : اهئ اهئ لا يا ياسمين دخيلك لا تفرقيهم
ابو قصي : هههههههه لا حول ولا قوة الا بالله ( حمل سلمى ) شايفة يا جدو كل هالافلام بس عشانك
ديمة : بابا احكيلهم طالعة بتشبه مين ؟
ابو قصي : بتشبه خالتها طبعا وامها
سهى : كلها لستها نهى من وين جبت خالتها ئي
علاء : هههههه
ديمة : بالله ؟ نسيتي لما كانت تشبهني وحكالنا بابا
قصي : اول ما انولدت زمان بس هسة تغيرت
مها : يصحلها تطلع لستها نهى
علاء : المهم العقل لمين تطلع فيه يا خالتي
ديمة : شو قصدك ؟
انس : استغفر الله العظيم، كالعادة مستحيل حدا يسكت للثاني مشان ربكم بدنا نعرف نقعد بدون مشاكل مرة وحدة بحياتنا
عدي : وجعتلي راسي بس ساكت احسن ما تحكوا دايما بزعلها ( عيونه عليها ) وفوق هيك اليوم فاجأتني بباقة ورد عالشغل بعتتلي اياها
ديمة ( بتسبل عيونها ) : يا عمري انت
عمر ( بغني ) : حبيبي انت .. وروحي انت .. لا حد قبلك ولا بعدك انت
سهى : الله يهنيكم ويبعد عنكم المشاكل ووجعة القلب
مها ( برن موبايلها ) : ييي هاد زياد الله يستر يكون وصل البيت
ابو قصي : خلي يتفضل بالله
فرح : طيب فرصة تردي
مها ( بدلع وقامت لغرفة تانية ) : الو مرحبا حبيبي
الشباب : اعطيهااااا
سهى ( زورتهم ) : هششششش
////
زياد : اهلين حبيبتي كيفك ؟ رجعتي عالبيت ولا لسا
مها : خلصنا من السوق ومرقت عند ام قصي اعطيها غرض وهلا بنروح
زياد : اه سمعت اصوات حواليكي استغربت فكرتك عند اهلك
مها : ييي اجينا صدفة ولقينا الكل هون وابو قصي هلا فات البيت، شو رايك تيجي سال عنك
زياد : ما بعرف بس عشان السيارة ومعكم سيارة وين نروح فيها ؟
مها : مو مشكلة بتتدبر حبيبي بتسوق انت واياها ورا بعض
زياد : طيب يلا هي غيرت الطريق عشانك، اتدللي
مها : يخليلي اياك
علاء ( بضحك ) : بشري خالتي
مها ( مبتسمة ) : هيو عالطريق جاي
ابو قصي : يا مية اهلا وسهلا، يلا يا شباب جهزوا دق الطاولة خلينا نغلبكم انا وعديلي
ياسمين : حنين ورنين ضلوا لحالهم حرام ماما
قصي : طيب ليه ما يجيبهم ويجي ؟
مها : يمكن صار بعيد عنهم
اسيل ( متنكدة ) : ورح يروح علينا المسلسل، مشان ربك ماما شو هالعملة هاي ؟
انس : اي مسلسل ؟
اسيل : حب للايجار
امجد : هيهيهي ام عرق ونص اقعدي
عمر : لقينالك لقب بدل عصاية طقي
ديمة : ما ازنخكم ما صدقنا نجتمع، هلا بنحضروا كلنا هون ما احلاه ورايح عليي
انس : اسماء العيلة المميزة ابطاله ههههه
اسيل ( برومنسية ) : خصوصا عمر
عمر : بس انا احلى طبعا
ريم : ااااه اكيد ولو ههههه
انس ( بلا مبالاة ) : اروح اجيب البنات خالتي ؟
سهى : انت معك سيارة ؟
انس : اه سيارة ابوي
امجد ( بتباكي ) : استولى عالسيارة اخوي، يا حبيبي يا بابي اهئ هئ
قصي ( بصححله ) : يا دادي
عمر : ما حدا قدك دكتور انس
انس ( بجكر ) : اه طبعا ولا شو مفكرني ؟
علاء / عدي : ههههههههه
ياسمين : طيب كيف اقنعتي بابا ؟ غريبة
مها : شكله مروق، والزلمة لما يكون مروق لازم تستغليه باسلوبك الخاص
علاء ( بضحك وبلف عيونه علينا ) : هاي الدرس الاول
عمر : الحمدلله ختشيبتي غايبة اليوم
سهى : هههههههه يا عليكم
ريم : ايوا هيك خالتو خلي جلساتك مفيدة بس بينا وبينك مو عالملأ
مها : حبيبتي الرجال بعرفوا كل اشي اصلا همة بعلموا نسوانهم بس الشاطرة اللي بتتعلم
احمد ( صوت ) : دكتوراه بالحياة الزوحية مهموتي
ياسمين ( بحرقة ) : احمد
عدي : اله ساعة ساكت هسة نطق نسيبك
علاء : حماتك بتخوف يا احمد دير بالك ها
احمد : احلى حماية
////
شو غريب انه لا خالتي ولا بنتها انبسطت باحمد او تفاعلت معه، واضح انه في اشياء مخفية وما حدا بعرف عنها ..
امجد : يا زلمة فكنا منك، بكفينا الجمهور اللي قاعد
عمر : مهو لما ياسمين تحكي في اخبارية علينا معناها في اخبارية
قصي : صدقت يا صديقي
احمد : هههههه ياسمين ام الحاسة المشمشية كل اشي بتتوقعوا صحيح
ياسمين ( حزينة ) : ...
اسيل : عاش من سمع صوتك صهري
احمد : اهلين اسولة، كيفك ؟
اسيل : ماشي حالي داحلة بصعوبة
ابو قصي ( بلطف الجو ) : تفضل عالسهرة عمي، هي نسيبك عالطريق تعال خليه يغلبك بدق طاولة
احمد : يا ريت والله بس هانت ان شاءالله قريبا بنسهر احلى سهرة، كيف صحتك ؟
ابو قصي : نحمده على كل حال، الله يرضى عليك ونشوفك ونشوف ابنك باحسن صحة ان شاءالله
الجميع : امين
حتى ما حكى لياسمين كيفك، او اي كلمة بتبين انهم متزوجين او في علاقة بينهم ..
الكل كان مستغرب وعيونهم اكلت ياسمين، والفضول ذبحنا واحد واحد ..
قصي ( بهمس ) : شو قصتهم ؟
امجد ( بهمس ) : الله اعلم، بس شكله الوضع عاصف بينهم
انس ( بهمس ) : الله يسامحك يا احمد على قد ما بتزعلها، ان شاءالله ما يكون بسبب امي
عمر : ... مو بعيد، الله يستر
////
هيثم ( بخوف ) : دكتورة طمنيني ؟
الطبيبة : لا تخاف وضعها منيح، بس اجراءات الولادة وما قبلها وكمان بكرية فبدك تصبر شوي وتروق
هيثم ( تنهدت بعمق ) : يارب
الطبيبة : الله يهون عليها، بطمنك اول باول ولا يهمك
هيثم : تسلمي، يعطيكي الف عافية
نهى : شو الاخبار وين ما رجعت حكيت ؟
هيثم : دخلت غرفة الولادة، بس لسا
نهى : الله يهون عليها ويقومها بالسلامة
هيثم : سيرين شو اخبارها ؟
نهى : منيحة منيحة لا تقلق، خبرت اهلها صحيح ؟
هيثم : يييي نسيت هههه يلا هسة بخبرهم
بس كان لازم احكي مع شخص قبل ما اخبر اي حدا قبله ..
////
ابو عدي : تمرقي عند ام احمد يمة ؟
ام ماهر : اه والله يا ريت اذا كريبين عليها
غنى : زمان ما شفنا آيات وعمر، يمكن يكون عندهم
ابو عدي : بيتهم مضوي بس ولا سيارة موجودة غريب !
غنى : انزل دق عليهم وشوف
ام ماهر : هينا بنستناك هون
منى ( مبتسمة ) : يييي اهلا وسهلا لحالك ؟
ابو عدي : معي امي وغنى، استني اناديهم
آيات : عالحظ عشان عمر مو هون، اديه بكون نفسه يشوفه يا حرام
منى : ستي، بدبروا حالهم
ام ماهر : يمسكيي بالخير يا حبيبتي ازعجناكي جينا بلا ميعاد
منى ( بتسلم ) : والله ازعجتيني كتير، اي فوتي ما صدقت حالي انكم جايين وين ابوي ؟
ابو عدي : بالبيت
غنى ( بتسلم ) : كيفكم شو اخباركم ؟
آيات : مشتاقين، شو طاشة لحالك ههههه
ام ماهر : رحت افصل نظارات
منى : اه قلتي بدك تفصلي، يلا مبارك
غنى : اخو صاحبتي عنده محل ودلتني عليه وكتير شاطرين ومحلهم مرتب
ابو عدي : اه والله ممتازين، كيفك يا توتو شو هالحلاوة يا خالي ؟
منى ( عيونها عليي ) : تسلم، حلاوة الحب ههههه
آيات ( بخجل ) : الحمدلله
غنى : الله يخليكم لبعض، بس ليه مو عندك اليوم ؟
منى : مجتمعين عند قصي، عزمهم عالغدا هو وامجد والعيلة بالليلة راحت صدفة وكبسوا عليهم ههههه
ام ماهر : مين ومين يعني ؟ حكوا معك
منى : لا والله ما حدا حكى، بس هالبنات ببعتوا صور وفيدو وشفناهم وشفنا ابداعاتهم
ابو عدي : يلا الله يبسطهم، وين ابو احمد ؟ سيارته مو هون كمان
منى : هلا بيجي من صلاة العشاء، سيارته مع انس لحق اخوه عالسهرة وانصدم
غنى ( مبسوطة ) : جد انس صار يسوق منيح يعني ؟ ماشاءالله
ام ماهر : خليه يدير باله يمة، بعده صغير وعوده طري
آيات : هههههه ستي وين علمك فيه ؟ قال عوده طري
غنى : لسا بدي احكي كل هالعضلات اسم الله عليه
ابو عدي : يعني اولادي الثنين عند عمتهم هسة
منى : ودار علاء طبعا، ومها واطفالها هههههه وبناتها
ابو عدي : اوف هاي عمرانة من ورانا
منى : هههه شايف، ضلت نهى مسكينة عشان بنتها
ابو عدي : سيرين يا بي شو قلبي واجعني عليها هالبنت، ما بتستاهل اللي بصير فيها
ام ماهر : ابوك نار وبتغلي جواته عشانها، مو عارف شو بده يعمل
منى ( تنهدت ) : بعين الله، نصيبها وبدها تاخده
////
نهى : ارتاح بالك هلا ؟
سيرين : من اي ناحية ارتاح ؟
نهى ( بقهر ) : في وحدة بدها تتصالح مع زوجها بتحط هيك شروط ؟ معقول انتي بنت ناضجة، صراحة ما اظن
سيرين ( بهدوء ) : اتطمني ناضجة الحمدلله وبعرف انه شروطي ما رح يوافق عليها، بس كنت حابة العب باعصابه شوي، يعني متل ما بقولوا حرب باردة
نهى : هي هيك الحرب الباردة ؟ لا شاطرة اسم الله
سيرين : حمزة انا بعرفه اكتر وحدة، وبعرف انه متمسك فيي وما رح يطلق متل ما بابا بده، ازا بدكم اياني اتطلق هيك شروط رح تخليه يكرهني ويتخلص مني وازا ما بدكم برضو انا بعرف كيف ارجع الكرة لملعبي
نهى ( بجدية ) : انتي اللي شو بدك مو احنا، يا ماما يا حبيبتي الله يهديكي ويصلحك ما انتي حكيتي ما بدك الطلاق وبدك ترجعي بشروطك والزلمة ميت على رجعتك عنده، ليه ما خليتينا نساعدك ونكون كلنا ايد وحدة، هي ابوكي واخوكي هلا اقتنعوا انك بتلعبي باعصابهم وما بدك ترجعي
سيرين : ما توقعت يكونوا اهله بصفي، هو هاد اللي قهره
نهى : ... وانا انصدمت فيهم
سيرين ( بغصة قوية وصوت مخنوق ) : لسا السر ما انكشف، وقتها متاكدة انه كلنا رح ننصدم
نهى : اااخ يا رب اكشفلنا هالسر خلي بالنا يرتاح
ما بعرف ليه قلبي قابضني، وكل ما اتخيل انه فعلا في سر قوي ورا اللي صار بيني وبين حمزة بدخل بنوبة هستيرية وببكي وما بقدر اوقف ..
////
رزان : يعني ما رجعت ؟
ام حمزة : و شايفة اخوكي معنا ؟ روحي من وجهي كان ناقصني انتي
رزان ( بخبث ) : عشان تعرفي انه كلامي صحيح
ام حمزة : فشرتي والله سيرين ما في منها، يلعن الساعة اللي سمعت فيها كلامك وصدقته
كنت متسطح بغرفة قريبة من مكان ما امي ورزان قاعدين، وقدرت اسمع حديثهم اللي كان بدايته ممل وموجع بنفس الوقت ..
بس لما سمعت امي شو حكت اخر اشي، نطيت من مكاني ووقفت قدام رزان مثل عزرائيل ..
حمزة ( بعصبية ) : شو الكلام اللي حكتلك اياه يمة ؟
ام حمزة ( خافت ) : اه ؟
رزان ( نشف دمها ) : ... م م ما حكيت اشي ا أ انا
حمزة ( مسكتها بقوة ) : بدك تحكي ولا الم عليكي الجيران والحي كله ؟
ام حمزة ( وقفت بوجهي ) : حلفتك بالله لا تمد ايدك عليها، لا ترد الغلط بالغلط
حمزة ( بلعت ريقي بعصبية ) : فهميني شو حكتلك عن سيرين ؟
ما قدرت امي تتمالك حالها، وعيونها اكلت رزان ونظرات العتب واللوم كانت واضحة مثل الشمس ..
ام حمزة ( بتبكي ) : انا الحق عليي اللي رخيتلها داني وصدقت كلامها، لما كانت تحكيلي اكيد هالبنت ما بتخلف مشان هيك اهلها جوزوها لواحد مثل ابنك مستواه اقل من مستواهم، ولولاها هيك ما بتستر عليها خالتها وبضربوا صحبة معك عشان يضحكوا عليك ويقنعوك فيها وتسكت بدون ما تكشف سرها، غير عن اسلوبها في استقبالنا واتيكيتها بالاكل والشرب اللي بتتعمد تعمله وتمشي عليه بس لما نيجي نزوركم، ودلال اهلها الك واهتمامهم الزايد فيك كله
كانت امي بتسرد نفس كلامها اللي حكتلي اياه بالمكالمة بعد ولادة ريان ابن خالة سيرين، وانا وقتها بدات افكر اقطع علاقتنا فيهم حتى اكتشف اذا الكلام صح او لا ..
بس ما تخيلت تكون هالخرافات كلها من نسج خيال اختي المريضة، اللي متاكد انها عم تنتقم مني ومن علاء عن طريق الحلقة المشتركة بيناتنا ( سيرين ) ..
حمزة ( غمضت عيوني ) : لا تكملي يمة
قمت من مكاني وعيوني بتضوي شرار من حقدي على رزان، اللي كانت واقفة بتسمعنا وبتاكل باصابعها من كيدها ..
قبل ما احكي اي كلمة معها، رن موبايلي ..
وكانت مفاجاة النا ولادة اختي رانيا، وباسرع من البرق طلعنا من البيت للمستشفى عندها ..
////
ابو امير : مسا الخير جميعا، منورين ماشاءالله
امير ( ركض عليه ) : بابااااا
ابو قصي : يا مسا الخيرات لاحلى عديل، والله منيح اللي اجيت يا زلمة المسؤولية كثرت عليي اليوم هههههه كلهم بدهم يلعبوا معي ويغلبوني
ابو امير : له ما عاش اللي بده يغلبك، جماعة برشلونة عمرهم ما بغلبوا
الشباب : هههههههه
امجد / عمر : بتمووونوا
علاء : هي اول قذيفة هههه
سهى : تفضل عالعشا، جهزنالك السفرة بما انه اجيتنا من الشغل على طول
مها ( ايدها على تمها وكاتمة ضحكتها ) : يييي والله نسيت الموضوع كله
ابو امير : شايفة اختك وعمايلها، عكل حال يسلم ايديكي دبرت حالي لا تغلبي حالك
ياسمين ( بخبث ) : ااااه عشان هيك مروق، ابصر مع مين متغدي ؟
ابو امير : هههه اكيد مع حدا من الجنس اللطيف
مها ( صدقت ) : شو شو شو ؟؟ بتحكي جد من كل عقلك
ابو امير ( رفع حواجبه ) : الي بالعادة اكذب ؟
علاء : خالتي اي حردة هيك او هيك بوجهك لعند هيثم، اقعدي على قلب مرته خليها تولد هههه
ريم : شكلها قربت اصلا كانت تعبانة اليوم
مها ( قلبت وجهها ) : شكله هيك
ياسمين : بابا مو ناقصنا الله يرضى عليك اعترف مع مين اكلت ؟
ابو امير : هههههه يا بابا وين بدي آكل يعني ؟ رحت عالبيت وخواتك الله يرضى عليهم غدوني وقعدت شوي استطولتكم قلت برن اتطمن عليكم، والباقي بتعرفوه
ابو قصي : الله لا يجيب زعل، كلها لقمة اكل ما حدا بموت من الجوع، بس كان جبت البنات معك
ابو امير : ييي ما صدقوا يرتاحوا مني عشان يحضروا المسلسلات على كيفهم
الجميع : هههههههه
علاء : سامحيه خالتي مبين بريء
امجد : عاساس حماتك مسكينة، مهي طول نهارها عندك وعند عديلك بتركض ورا بناتها ئي، اوعى تجيب سيرة خالتي مها علسانك
ديمة : مقهور من بناتها انت، مسكين وضعك صعب ههههه
ابو امير : وهي حنين تتصل بي .. السلام عليكم بابا .. اكيد وصلت .. شو هالحكي ؟ معقول يخطفني شوفير التكسي مثلا .. خلص حقك عليي سامحيني اخر مرة .. الله يسلمك
الجميع : هههههه انت جاي بتكسي ؟
ابو امير : اه طبعا، كيف بدنا نروح سيارتين
ياسمين : يلا منيح طلعت افكارك متقاربة مع افكار مرتك
مها : شو رايك تسكتي ام لسان
البنات : هههههه
////
غمزتني اختي وقمت معها على المطبخ ..
سهى : مو على بعضك لا انتي ولا بنتك، شو مال احمد مزعلكم ؟
مها : ... لا تجيبيلي سيرته
سهى : والله حسيت انك مو طايقتيه، طيب شو عامل ؟
مها ( بغصة ) : ولا اشي بس حضرته بده يعرف اهله شو مخبيين عنه وياسمين حكتله ما بعرف وما بقدر احكيلك، حكالها ما بدي اشوفك ولا احكي معك وانتي حرة
سهى ( مستغربة ) : يا سلااام !!
مها : وبنتي ( نزلوا دموعي ) لا اكل ولا شرب ونفسيتها اسوا من هيك ما في
سهى ( عصبت ) : شو دخل الاكل والشرب ؟؟ بعدين معها دايما نفس الموال بتعمل، شو ذنبكم انتوا لتلعب باعصابكم
مها : المصيبة ابوها ما بعرف، وكل يوم بجيبلي كومة اكل ونازل تواصي فيها وانا بهز براسي وساكتة، مو مسترجية احكي احسن ما اولعها حرب بينه وبين احمد
سهى : لا زودها كتير احمد واهله زودوها اكتر، مو عيشة صراحة لو محلك بحكي لمنى واتدبر راسها مع ابنها، شو ما حدا مرض غيرها ئي
مها : ... لنشوف بس يجي حضرته شو رح يعمل بس يعرف، بس امانة لا تجيبي سيرة حتى لبناتك لانه ياسمين بتزعل، هي مو حابة مشاكلها مع زوجها تطلع لبرا انا حكتلي حنين لما حسيت انها فعلا ما عم تاكل منيح
سهى : ولا يهمك، انتي التانية قالبة على نصك شو هاد ؟
مها : الحمدلله على كل حال
لفينا وجهنا وبدنا نطلع، تفاجأنا بشخص ..
سهى / مها : انس !!
انس : ... سامحينا يا خالتي احنا سبب عذاب ياسمين وعذابكم معها، بس الله بعلم انه مو متوقعين منه هيك يعمل، ما بعرف ماله متغير معها بعد كل الحب اللي بحبها اياه
سهى : ما دخلكم حبيبي الله يرضى عليك والله ما في متلك
مها : هو يمكن من كتر ما بحبها ومتعشم منها تحكيله وتوقف معه، ما تخيل انها بتخبي عليه
انس : هي حكتله يعني ؟
مها : حكتله حتى لو كان في اشي ما بقدر احكيلك، لانه مامنيني على اسرارهم فهيك زاد تاكيده
سهى : صح، ما كان لازم تلمح بهالطريقة
انس : مهو يا خالتي اخرته يعرف، كل هالتخباية ما الها داعي
مها : ... الله يهديكم
انس ( بهز راسه ) : امين، وسامحينا مرة ثانية ان شاءالله كل اشي بتصلح عن قريب
////
ريم : لما اجينا عند خالتو مها نسلم على ياسمين، قال بحكيله متجوز ريم ولا اهلها ؟ دايما معك بالسيارة
الجميع : هههههه
امجد : ماشي انتي واياها، كنت ناوي اجلي الجلي عن خالتي اليوم بس رح اخليلكم اياه جكر
قصي : ناقصني كمان يضلهم بوجهنا لنصاص الليالي، انا بجلي اقعد ساكت بس
عدي : مستقلع منا عالاخر وله ؟ شو قصتك اليوم جامع الشلة وما بدك حدا معك ؟! فتحوا عيونكم عليهم
ياسمين : دايما نواياكم سيئة، عاساس انت وشلتك المصونة ما بتجتمعوا لحالكم ؟ عشنا وشفناكم متزوجين وبتهربوا من نسوانكم، خلينا ساكتين سيد عدي انت وعلاء
علاء ( بضحك ) : معلش يا جماعة احنا بنتبهدل
قصي : تحية لياسمين يا شباب
عمر / امجد / قصي ( بصفقوا وبصفروا ) : هييييي تعيييييش ياسمين
الجميع : ههههههه
علاء ( باستياء ) : الله يسامحك يا احمد بس
عدي : اه والله، قال ما رح يفترقوا مرة ثانية عند اول مطب بعثها لحالها هههههه
مها ( اجت من المطبخ ) : هيهيهيهي فاهمين الافتراق غلط والله يا حبايبي
البنات : ههههههههاي
ابو امير : بدكم اياها صراحة، قال عند اول مطب !، ما احلاه حفيدي يجي وبنتي لحالها بغربة وما حدا معها
ابو قصي : الله يخليكم لبعض، خير ما عملتي عمي ياسمين الاهل بضلوا دايما سند شو ما كانت الظروف
ياسمين : اه والله يا عمو، ربي يطول عمركم واتضلوا سند
ديمة : يا حبيبي بابا ما احنّك، اليوم وصلني عالبيت مع انه مروح من المدرسة وتعبان وعنده لسا دوام بالخصوصي
ريم : ام غلبة، معه حق امجد هههههه
امجد : هههههههه شفتي
ديمة ( زورتها ) : عاساس انتي بالمرة ما بتغلبي
ياسمين : هههههه ايوا محراك الشر هاي شغلتك انبسط يلا
امجد ( رافع ايديه ) : انا شو دخلني همة علقوا لحالهم من غيرتهم من بعض
علاء : انا مرتي بحب اطمنك هرمون الغيرة عندها صفر، عينها شبعانة
عدي : شو قصدك ؟ ههههه خلينا نعلق احنا كمان
قصي : بقلكم خربانة خربانة ما حدا برد عليي عشان لساتني عبد فقير لله
عمر / امجد : هيهيهيهي الله يرزقك ويرزقنا
////
ابو احمد : خلونا احنا كمان نكبس عليهم بما انها الحجة معنا
ابو عدي : مثل ما بدكم، يلا توكلنا
آيات ( بتردد ) : انا ما بدي اروح
منى : لا روحي بلكي بقدر اشوف ياسمين واحكي معها، ان شاءالله اقدر
ام ماهر : يا رب، حني عليها يمة بتضل مثل بنتك وام احفادك، وما اغلى من الولد الا ولد الولد
ابو احمد : ما بدها حدا يوصيها، محبتها كبيرة عند خالتها بس الشيطان شاطر لعنة الله عليه
ابو عدي : امشوا نكمل السهرة ونصفي النفوس
////
ابو قصي : شو اخبار الحج والحجة، زمان ما شفناهم ؟
سهى : لازم رحنا سهرنا عندهم اليوم، بطلنا نجتمع متل زمان
ابو امير : طيب ما صار اشي بكرا بنروح
عدي : بعد الغدا ولا قبل ؟
علاء : بنخبر الكل هسة وبنتفق، واذا بتحبوا بنجيب غدا جاهز احسن
مها : لا شو جاهز واحنا مالنا ليه ما نطبخ احسن
ياسمين : لازم ماما تتعب، مو من بريستيجها
اسيل : ههههه زكرتيني بايام التعزيل قال شو اجيب خدامة وعندي خمس بنات بدك الناس تحكي عن بناتي مايلات
الجميع : هههههههه
فرح ( باستياء ) : اااخ الله يعين بابا المسكين عليها
ابو قصي : ههههه نيالك يا ابو امير بناتك بصفك دايما
ديمة : الله يسامحك بابا
امجد : هسة شو قررتوا بدنا نتغدى منسف بكرا ولا اكمل نومتي بعد الصلاة ؟
قصي : لا خلوها سهرة بدون غدا
ياسمين : يا عليي خايف تجلي ؟
البنات : ههههههه
بوسط هالسهرة الكبيرة، بنصدم بمكالمة ما تخيلت اسمعها ..
ياسمين ( ماسكة الموبايل ) : خالو هيثم برن عليي
مها ( مستغربة ) : طيب ردي مالك ؟
ياسمين ( بقلق ) : اهلين خالو
هيثم ( حزين ) : ياسمين .. رانيا عم تولد هسة
ياسمين ( مقاطعته ) : جد !
هيثم ( بكمل ) : وصتني احكيلك تسامحيها مع انه هية ما دخلها باللي عمله حمزة وبتحبك كثيييير
ياسمين ( دمعوا عيوني وانخنق صوتي ) : ... وانا كمان بحبها
الجميع ( مستغربين ) : شو القصة ؟
////
احمد : لسا خالتي مها موجودة ؟
عدي : اه
احمد : طيب عرفت شو صار مع سيرين ؟
عدي : ما فهمت بالضبط بس حكى علاء انه جاي يتخوث ومو شكل واحد يرجع مرته
احمد ( مستغرب ) : شو هالحكي ؟ مستحيل اكيد في غلط بالموضوع
عدي : انت بتتواصل مع حمزة ؟
احمد ( بتردد ) : اه .. لا قصدي عادي مو كثير
عدي : ... سيدي يا خبر بفلوس بكرا ببلاش، اخرته يبين على حقيقته واذا فعلا متمسك فيها او لا
احمد : الله يجيب العواقب سليمة، انا متاكد انه خالتي نهى مستحيل تقبل بالطلاق بسهولة وتخرب بيت بنتها
عدي : شو هالبيت اللي ما لحق يعمر الا صاير فيه قصة مبهمة وما حدا عارف راسها من رجليها، المهم انت شو قصتك كانه في مشكلة بينك وبين دار خالتك ؟
ما عرفت شو اجاوبه، وفضلت السكوت والانسحاب ..
فعلا ما بعرف شو اللي صار فجاة بيني وبين ياسمين، وانقلبت حياتنا من اول سفرها ..
___________
_________
احمد : انتي بتعرفي اشي عن امي ؟
ياسمين : اشي متل شو ؟
احمد ( بنبرة حادة ) : ياسمييييين
ياسمين ( بلعت ريقها ) : ...
احمد : ما تستهبلي عليي، انا متاكد انه اهلي مخبيين عليي اشي بخص امي، ومتاكد اكثر انك بتعرفي هالاشي، فارجوكي خبريني لانه اخرتني رح اعرف ووقتها رح تنعدم ثقتي فيكي واعتبرك حدا غريب عني
ياسمين ( بترجف ) : شو دخل الثقة بالنص ؟ ازا اهلك مامنيني على سرهم اخونهم عشان ترضى ؟
احمد ( بعصبية ) : على اساس بتحبيهم كثيييير وخايفة تخسريهم
ياسمين ( بعصبية ) : لا انا بكرهم وبكرهك كمان
احمد ( بكره ) : معناها حاولي ما تفرجيني وجهك ولا تسمعيني صوتك لانه انا كمان بلشت اكرهك
ياسمين ( بقرف ) : بالناقص منك
___________
_________
اشتقتلها قد الكون، ومو قادر لا اشوفها ولا اسمع صوتها بكل بساطة لاني منعتها تحكي معي ..
بس بعض الاحيان بنحكي عالواتس كم كلمة اذا كانت محتاجة اشي او بدها تخبرني عن شغلة ..
عدي : الووو وين رحت
احمد : ... يلا سلام انا طالع مع اصحابي
عدي : ؟؟؟ براحتك
////
سكرت الخط، وقعدت عالكنباية بتثاقل ..
ما بعرف ليه فجاة تعبت وحسيت كاني رح اولد، تزكرت كيف كنت انا ورانيا صاحبات وكتير علاقتنا حلوة ..
فجاة قمت وسط تساؤلات الكل حواليي ..
ياسمين : انا رايحة عندها
مها ( بعصبية ) : ولك عن مين بتحكي فهمينا ؟
ياسمين ( نزلوا دموعي ) : رانيا عم تولد وبحاجتي
الجميع : بتولد ؟؟
ابو امير ( بقلق ) : وانتي رايحة لحالك ؟ شو مالك بابا نسيتي انك حامل انتي الثانية ؟
ياسمين ( بحيرة ) : طيب شو اعمل لازم اروح
ابو قصي : اهدي يا عمي بتروحي مع حدا مو معقول هيك تطلعي بهالوقت كمان، بدك تخوفينا عليكي
ياسمين : طيب حدا يوصلني
سهى : ليه ما حكالنا هيثم ؟ ليه حاسة الجو مكهرب زيادة عن اللزوم
ريم : فعلا، غريبة هلا كنا قاعدين مع بعض ما كان مبين عليها الولادة
قصي : مو هسة حكيتي كانت تعبانة ؟
علاء : تعبانة اشي وبتولد اشي ثاني، خليك ساكت احسن ما افقعك بوكس
ابو امير : علاء مع حالات الولادة بصير يفقع بوكسات لا شعورياً
الجميع : هههههه
ياسمين : علاء لو سمحت بتقدر توصلني ؟
علاء : اكيد ولو، يلا ريم قومي
ريم ( بتوتر ) : وسلمى ؟
سهى : هيها بحضنك، شو رح يصير عليها او اتركيها ما عندي مشكلة
علاء : لا خليها معنا خالتي مو ناقصك، يلا تفضلي ام يحيى
ياسمين : تفضلت
////
ام حمزة ( بقلق ) : وين بنتي حبيبتي ؟ خلوني اشوفها
هيثم ( ماسكها وبهديها ) : على مهلك خالتي لا تخافي كل امورها بخير، كمان شوي بتفوت غرفة الولادة وبروح اشوفها
حمزة : شو هالتطورات ؟ قبل شوي كنا قاعدين ما كان فيها اشي
هيثم : وانا مثلي مثلك والله يا حمزة، يلا الحمدلله كنا بالسيارة وقدرت اجي عالمستشفى
ام حمزة : طيب آدم وين ؟
هيثم : هيو مع الممرضات خليته يقعد، وبتفقده كل شوي
حمزة : بتحب اوديه لعند حدا ؟
هيثم : لا بسيطة خليه هون وانا بس تولد بدبره مع حدا من خواتي يلا انا رح اشوفها وبرجعلكم
ام حمزة : يااا رب تقومها بالسلامة، لا تتاخر علينا يا ابني
////
ابو احمد : تفضلوا هي سيارتي موجودة وانا لا
آيات / غنى : هههههه يا حرام
منى : يا حبيبي الله يحميه ويبعد عنه عيون الناس
ابو عدي : امين، والله بستاهل كل خير هالولد ماشاءالله عليه
ابو احمد : تسلم واولادك برفعوا الراس وما في مثلهم، وانا اشهد
منى : اكيد بدك تشهد مبسوط بنسيبك هههههه
ام ماهر : يلا ياستي ساعديني انزل
غنى : هاتي ايدك
علاء ( عيونه على ياسمين بالمراية ) : شو هالمعجزة ؟
كنا قبل لحظات راكبين السيارة، ولسا ما شغلها علاء الا خالتو منى بتنزل من سيارة خالي ومعها زوجها وستي وخالي وبنته وآيات ..
كانت عيون ياسمين معلقة عليها، وبتتأملها ..
تعمد علاء يضل واقف لحتى اختفوا عن انظارنا، وياسمين مسحت دموعها قبل ما حدا يشوفهم رغم انّا حسينا فيهم ..
علاء ( تنهد ) : متى اخر مرة شفيتها ؟
ياسمين ( بصوت مخنوق ) : ... بالمغفر
صفّر تصفيرة طولية، وضحك بسخرية ..
علاء ( بسخرية ) : يا للهول، مدة تاريخية صراحة
ريم ( بلطف الجو ) : ليه ؟ مهية لو مسافرة برضو نفس الاشي ما رح تشوفها
ياسمين : ... اريح، مرتاحة منهم اصلا
اتطلعنا بوجوه بعض انا وعلاء بصدمة، وكانه حدا ضربنا كف ..
اخر اشي تخيلناه نسمع من ياسمين هيك كلام، لانه مستحيل يطلع منها ابدا ..
////
عمر : هي منسف بكرا تحول لعقيقة يا جماعة انبسطوا
قصي : ان شاءالله ما يتحول لديك رومي عشان راس السنة عالابواب
امجد ( باستهبال ) : ديك رومي حكيتلي ؟ ماشاءالله من اي ملة حضرتك جاي !!
قصي : خليني افتح الباب اشوف شو اخرة هالليلة اللي مو راضية تعدي وبرجع افهمك من اي ملة
ابو عدي : السلاااام عليكم، شميت ريحة خيانة بس كذبت انفي
عدي ( بضحك ) : انفك لا يخطئ
قصي ( بتباكي ) : يا حبايبي انتوا اهلا وسهلا اهلا وسهلا
سهى : زارتنا البركة، تزكرناكم وكنا ناويين نعمل لمة بكرا بس مو زابطة الهيئة
ابو قصي : طيب خليهم يفوتوا اول، تفضلوا يا جماعة نورتوا السهرة
ابو احمد / منى / ام ماهر : السلام عليكم
سهى / مها ( بتطلعوا ببعض ) : منى !
امجد ( بغني ) : ماما زمنها جاية .. جاية بعد شوية .. جايبة معاها حاجات .. جايبة معاها تيتا وغنى وتوتو الحلوة ومعهم خالي كمان
ابو احمد ( بغني ) : شايف الواد اللي اسمه امجد طالع سهرة ويا اخوه .. وانس واخد سيارة بابا وترك بابا يبكي عليه
الجميع : هههههههه
عمر ( بغني ) : ومين حبيب بابا .. انا .. مين روح بابا .. انا .. على شان خاطر مين بابا بيتعب مية سنة
ابو عدي : ماشاء الله، كان خبرتونا طيب ؟
مها : والله كله بالصدفة صار
منى : دايما بالصدفة تعودنا
ابو احمد : شو اخباركم ؟
////
شو هالسهرة اللي جمعتنا، وتقابلت عيونّا من جديد ..
فرحتي فيها اخذتني لعالم بعيد، ولا شعورياً قطعت كلام اللي حواليي لما سلمت عليي وكانت بتتهرب مني، بس انا ما قدرت اتحمل وغنيتلها ..
عمر ( بغني ) :
اللى بينى وبينك
مش لمسه ايد بتسلم كدا
او شوق لعيونا اتكلم كدا
وبيحكى عليك بيحكى عليك بيحكى عليك وعليا
اللى بينى وبينك
مش نظرة عين بتداوى كدا
ولا ليل بقى دايما غاوى كدا
يسهر لعنيك يسهر لعنيك يسهر لعنيك وعنيا
والله دايب فيك انا
مع ان شوف من كام سنه
غاوي الغنا ومليش غنا عن اني اغنيلك انا
آيات ( مبتسمة بخجل ) : لازم الفضايح يعني ههه
ديمة : يا ويلي عالخطوبة ورومنسيتها
امجد : استغفر الله العظيم، خليكي ساكتة احسن ما تولدي هسة
غنى ( غمضت عيونها بفرح ) : يااا ريت تولد نفسي اصير عمة بسرعة
عدي : بدي اشوف شو رح تعملي بس تصيري عمة ؟
قصي : بتعلمهم الهبل
انس : عاد خالهم قصي مو بحاجة للتعليم
اسيل : ههههههه فعلا
قصي : نعم ؟
ابو امير : بابا اسيل شو مالك ؟
اسيل ( كاتمة ضحكتها ) : اسفة
قصي : ماشي يا اسيل، وانت سيد انس بتحمل حالك وبتروح مع اهلك
انس ( برقص بحواجبه ) : بالعكس انبسطت كثير انه ابوي اجا عشان ياخذ السيارة، لانه عجبتني القعدة معكم وتشجعت للنومة مع اخوي حبيبي
امجد : هسة صرت حبيبك ؟
عمر ( بتخوث ) : بس يا شباب .. معلش يا جماعة اولاد حماي اليوم مو متفقين
الجميع : هههههههه
منى : عجبتني اولاد حماي
سحبتها من ايدها بسرعة واخذتها عالمطبخ وسكرت الباب، ووقفت انا واياها قبال بعض ..
آيات : شو بالنسبة لهالحركات ؟
عمر ( رفعت حواجبي ) : اشتقتلك، ما اشتقتيلي ؟
آيات : بستنى فيك تخلص تفكير
عمر ( كتفت ايدي وسحبت نفس ) : بعدين معك ؟ ما انتي عارفة انه قراري لا رجعة فيه
آيات : انت عم اتدمر حياتنا بهالعناد
ما تحملت اكثر، شديتها من خصرها لعندي بقوة ..
////
افتقدت عمر وآيات وخفت يكون صاير اشي بينهم، رحت ادور عليهم لقيت باب المطبخ مسكر، فتحته بعد ما دقيته دقة سريعة ..
شفتهم عم ببوسوا بعض بقوة، رجعت سكرت الباب وصرت الطم ..
عمر ( فتح الباب ) : شو بدك ؟
قصي ( بين اسناني ) : ولك شو بتسوي ؟ افرض حدا شافكم
عمر : هههههه ضحكتني، وما يشوفونا يعني شو فيها ؟
قصي : سد بوزك وروح اقعد احسن ما الم عليك العيلة هسة
عمر : هههههه برضو ضحكتني، لا تحاول ما رح تعكر مزاجي بعد ما زبط
////
تمنيت الارض تنشق وتبلعني قبل ما يشوفنا قصي بهالموقف ..
كتير قاومته لعمر بس شوقنا لبعض كان اكبر من اي مقاومة ممكنة، واستسلمت بكل جوارحي ..
امجد ( اجا فجاة ) : ليه ما حكتيلي انكم جايين ؟ هسة هسة طلعت ياسمين
آيات : ما توقعنا، بعدين انا حكيت خليها عالتساهيل
امجد : كان ما خليتها تطلع، الله يسامحك ما صدقنا وامي تتجرأ شوي
آيات ( تنهدت ) : يلا لعله خير، بس وين راحت لحالها ؟
////
غنى : وين ريم ؟
منى : صحيح وين دار علاء كانوا موجودين كانهم ؟
مها : اه والله اخدوا ياسمين لعند رانيا
سهى : عم تولد الله يقومها بالسلامة
ام ماهر / منى : بتولد ؟؟
ابو عدي : وليه ما حدا خبرنا ؟
ديمة : ما حدا بعرف، لولا خالو هيثم حكى مع ياسمين بالصدفة
منى : ومتى طلعوا ؟
مها ( بجكر ) : سبحان الله همة نزلوا من هون وانتوا اجيتوا من هون
ابو احمد : يا خسارة، ما النا بالطيب نصيب ان شاءالله المرة الجاي بتشوفيها ما تتدايقي
منى ( بتهز راسها ) : ان شاءالله
سهى ( بفضول ) : انتي جاية تشوفيها خصوصي ؟
منى : ... يعني .. اه
ابو امير : ...
مها : ...
////
معاذ : انت بالبيت ؟
انس : لا عند دار خالتي، وينك انت؟
معاذ : يييي عاد جايبلك الكتاب معي وقربت اوصل بيتكم
انس : طيب بسيطة قريبين منا همة، هسة ببعتلك الموقع عالواتس وبدلك عالبيت
معاذ : تمام
سهى : افتحوا الباب يا اولاد
فرح : انا بفتح خالتو .. مين انت ؟
معاذ ( مستغرب ) : هون بيت ابو قصي ؟
قصي : ارجعي هيك، اه تفضل
معاذ : بدي انس لو سمحت
فرح : بس هاد مو بيت انس
معاذ : انتي شو دخلك ؟
انس : اجا معاذ ؟ تفضل غلبتك معي
قصي : هاد صاحبك ؟
فرح : اكيد صاحبه مو شايفه عم يسال عنه ! شه
قصي ( زورها ) : ...
معاذ / انس : هههههه
قصي ( معصب ) : انتي ليه تفتحي ؟
فرح : والله شفت حالي فاضية قلت بعمل اشي مفيد مو متلك قاعد للمسخرة والهبل
انس : ههههههه عيب عليكي فرح
قصي ( معصب ) : اه اضحكلها كمان، ولك هاي بدها قتلة وقص لسان هالفصعونة
فرح ( بصوت عالي ) : بابااااااا قصي بده يضربني
ابو قصي ( بنبرة حادة ) : قصي !
قصي ( مصدوم ) : لا لا مو صحيح هالحكي
انس : هههههههه
فرح ( بترقص حواجبها وكاتمة ضحكتها ) : ...
قصي ( بين اسنانه ) : بفرجيكي
سهى ( اجت عالصوت ) : شو قصتكم انتوا ؟ فرح تعالي خالتو لا تعلقي معهم
فرح ( بتباكي ) : خالتو ابنك ما بطيقني وبده يضربني ما عملتله اشي
قصي : يخرب بيتك
انس : هههههههه
قصي ( ضربه على كتفه ) : بكفي ضحك انت
فرح : شايفة حتى انس المسكين مو خالص من لسانه، يا حرام انس
اسيل ( اجت فجاة ) : وين رحتوا ؟ لبه قصي بده يضربك
فرح : اجا صاحب انس وقصي مو عاجبه اني فتحتله الباب، مفكرني دابحة حالي اشوف هيك اشكال ما اتقل دمه لو بعرف مين اللي عالباب ما فتحت
انس ( مصدوم ) : حرام عليكي معاذ كتير شب لطيف وخلوق
اسيل ( بتسبل بعيونها ) : اكيد رح يكون متلك، لا تاخد بكلامها هية اللي تقيلة دم
فرح : ييييي عاساس انتي المهضومة ماشاءالله
قصي : حسبي الله ونعم الوكيل، قال بدي اضربها اي بتضرب عشرة مثلي
سهى ( واقفة بتتفرج ومصدومة ) : يا لطيف من هالجيل، تعالي يا مها افزعي
فرح ( بخوف ) : لا خالتو شو بدك بماما ؟ خلص هينا رايحين
عمر : شو قصتك وله ؟ بدك تضرب بنت صغيرة
انس : هههههههههههه فرطت
قصي : يخرب بيتها طلعت عليي اشاعة وانتوا ما صدقتوا
امجد : يمة ما اقواها عن كل بنات خالتي الخمسة
قصي : لو شفتها وهي تردح لاسيل
انس : والله اسيل ما في منها هي وياسمين
عمر ( بغمز لامجد ) : اااه صح
امجد ( بغني ) : يا اهل الهوى .. ايه العمل .. ياللي هويتا عمري عطيتا وهية الامل
قصي : بلا هويتا بلا بطيخ
عمر ( بغني ) : طبيب جراااح .. قلوب الناس اداويها .. ويا ما جراااح .. سهرت الليل اداريها ..
////
كان جواتي هاجس اني رح افقد ياسمينتي اذا استمرت القطيعة بيني وبينها اكثر من هيك، وقررت اكسر كبريائي واحكي معها اتصال عالاقل اسمع نفسها ..
احمد : وين ياسمين ؟
عدي : طلعت
احمد : وين ؟ احكي شو مالك بسحب منك الكلام
عدي : انا ولا انت ؟ لسا قبل شوي حكيتلي طالع مع اصحابك
احمد : عدي مشااااان الله اللي فيي مكفيني، احكيلي وينها ؟
عدي : مرت هيثم عم تولد وطلبتها
احمد : جد ؟ طيب كيف راحت لحالها ؟؟!
عدي : مع علاء وريم
احمد : طيب ماشي يسلمو حبيبي عدي ولا تاخذني اذا زعلتك بدون قصد
عدي : بسيطة
////
على قد ما فرحت بشوفة اسمه على موبايلي برن بعد هالايام السودا اللي مرقت علينا، على قد ما كنت مستصعبة احكي معه ..
ضل يرن ويرن ويرن كتيييير، وانا بس بشوف اسمه وبتامل حروفه ( احمودتي الغالي ) بدون ما ارد ..
لحد ما بعتلي رسالة وطلب مني ارد عليه ضروي، وقتها بجد خفت يكون صايرله اشي لاسمح الله ..
احمد ( بلهفة ) : ليه ما بتردي ؟ خوفتيني
ياسمين ( مستغربة ) : انت اللي خوفتني، ليه بدك ارد ضروري ؟ صاير معك اشي ؟!
احمد ( مخنوق ) : اه صاير
ياسمين ( بقلق ) : خير يارب ؟
احمد : اشتقتلك وبدي اسمع صوتك، حاسس حالي رح اموت اذا بعدنا عن بعض اكثر من هيك
ياسمين ( بقهر ) : لا كله ولا تموت ولو، الجارية ياسمين تحت امرك اعتبرها اسطوانة اكسجين
احمد ( عصب ) : مو عاجبك صح ؟ بطلعلك والله
ياسمين : طبعا بطلعلي، روح من وجهي احمد ما بدي احكي معك
احمد : والله حلو شكلك مرتاحة عالاخر، وين اللي كانت اتضل بلا اكل وتنهار وتفوت مستشفيات اذا احمد بعد عنها
ياسمين ( مقهورة ونفسي اضربه ) : كاااانت هلا كل اشي تغير وازيدك من الشعر بيت انا ما رح ارجعلك .. عم تفهم .. ط ل ق ن ي
احمد ( تجمد ) : ... شو ؟
ياسمين : متل ما سمعت، يلا باي هلا مو فاضيتلك عندي امور اهم من حياتك المهددة بالهلاك
احمد : ماشي
رجعت على غرفة رانيا اشوفها، واتطمن عليها قبل ما ارجع على البيت، لانه كان بدني عم يرجف ومو قادرة اوقف على رجليي ..
ما بعرف هالكلام كيف طلع مني، وكيف قدرت احكيله اياه ..
المهم اني هلا بحرب كبيرة كل نتائجها رح تكون ضدي، وما بعرف اذا رح اقدر اتجاوزها متل زمان او لا ..
يتبع ..
عن الكاتب
وعد السعيد
كاتبة قصصية
بدات رحلتي منذ عام ٢٠١٧ حيث وجدت نفسي مطالعة جيدة للكتب والقصص، استهليت مسيرتي بقصتين قصيرتين بطابع اجتماعي، ثم رواية رومنسية درامية، بعدها انتقلت للطابع الكوميدي ونشرت اول موسم لقصة ( نهفات عيلتنا ) في نهاية عام ٢٠١٧ وبعد ان لاقت نجاحا واسعا واصرارا على اكمالها تابعت كتابتها حتى اصبحت مسلسلا اجتماعيا عاطفيا محافظا بطابع كوميدي تم انهاءه في ٢٠٢١ .. ***********^^^^^^^************ لكل اللي كان يقول الحلم ما بصير حقيقة والمستحيل صعب إنجازه، بحب اقلكم اسمعوا قصتنا وتاكدوا انه ما ضل اشي بالدنيا الا صار معنا .. هاي العيلة جزء صغير بمدينة صغيرة بهالعالم الكبير، عيلتنا عاشت لحظات من كتر الضحك كان يوقف قلبهم، ومن كتر الحزن كانت تنحرق روحهم .. عيلتنا #سلسلة_ياسمينة_الروح مستحيل تقراوها وتملوا .. بكل حلقة فيها اشي مختلف واشي بشدكم واشي بخليكم تحسوا حالكم شخصية من الشخصيات بتنزل دموعكم بمشاهد الحزن وبتعلى ضحكاتكم بمشاهد الكوميديا مسلسل بعبر عن كل شي جواتي وبحلم فيه .. كل واحد فيهم بمثلني .. كل اللي بقلبي وقناعاتي ومبادئي وصفتها بكلمات خفيفة لطيفة على قلوب اللي بقراوه ... اتمنى لكم قراءة شيقة ومفيدة وان اترك لكم اثرا طيبا