1
كان الحلم صغير بس بالقلب كان كبير. مشي بطريق ما كان سهل، تعب كتير، وقع أكتر من مرة، وسمع كلام ما بيشجِع أبداً من ناس كان مفكّر هني أول مين رح يشجعو. بس ما وقف. كان كل ما يوقع، يشدّ حاله ويكمّل. تعلّم من الغلط، وصبر عالإيام الصعبة، وما خان حلمه. ومع الوقت، صار التعب إنجاز، والخوف قوّة.
وبالنهار اللي وصل فيه، فهم إنو النجاح مش ضربة حظ… النجاح قرار، وصبر، وإيمان بالنفس وإنّو ربنا بالوقت الصحّ رح يحقق كِل شي و يبعت يلّي نحنا بحاجتو مِش يلّي بدنا ياه وبس لأنو بيحبنا وبسّ.
كِل الحب إلكم ❤️
2
وُلد الحلم هادي، متل همسة بالقلب، بس كان عنيد وما رضي يموت. كبر مع الأيام، وتغذّى من الصبر، ومشي درب طويل ما كان مضوّي. لياليه كانت مليانة أسئلة، وخطواته أوقات كانت ترتجف، بس عيونه ضلّت معلّقة بنقطة ضو بعيدة.
تعب… وتكسّر… وخسر أشياء كان مفكّرها ثوابت. بس كل خسارة تركت أثر، وكل وجع نقش داخله قوّة جديدة. ما كان الطريق رحيم، ولا العالم كان دايمًا مشجّع، بس كان في شي جواته يرفض الاستسلام. كان يعرف إنو الأحلام ما بتحب المتردّدين، بتحب اللي بيكمّلوا ولو بقلوب موجوعة.
مع الوقت، صار الصمت حكمة، والتعب صار لغة، والخوف تحوّل لرفيق طريق بدل ما يكون عدو. تعلّم إنو النجاح مش صوت عالي ولا تصفيق… النجاح لحظة صادقة بينك وبين نفسك، لما تقول: أنا ما خذلت حالي.
وباللحظة اللي وصل فيها، ما صرخ فرح، بس ابتسم. لأنو عرف إنو الوصول ما كان نهاية الحكاية، بل بدايتها الحقيقية. وإنو الحلم اللي صبر عليه كل هالوقت… أخيرًا صار حقيقة بتشبهو.❤️
عن الكاتب
Yara Khabbaz
كاتبة وصانعة محتوى + كاتبة أغاني
يلّي بقلبكُم عَ راس قلم كِتاباتي..❤️