ثقف نفسك فى علاقاتك الحياتيه (حب الشهوه)
قم بتسجيل الدخول للقيام بالتعليق
تسجيل الدخول✓حب الشهوهـ (désir d'amour)
أمتا أعرف أنى فى علاقة حب صحيحة ؟!!
بنحب علشان ( علاقة الحب ) دي تعيش معانا العمر كله ..
بس أوقات مبتكملش لخلل فى احد الطرفين ..
°أمتا أعرف أنى فى علاقة حب .. هتكمل ؟!!
علاقة الحب .. بيكون فيه (harmonie أنسجام ) ..
بيكون فيها تبادل (أهتمام / حب / عشق / تقدير / ثقة / مساندة / طموح / أمان /سعادة ) ..
تباااادل .. لو محصلش تبادل هتبقى في علاقة غلط ..
أغلب ( علاقات الحب ) أو خاااصة ( الجواز عن حب )
بينتهى بعد فترة تظول أوتقصر .. بـ( الأنفصال )
لية ؟!!
°فى حاجة أسمها الـ (luxure أو الشـهـوهـ ) ..
مثلا قابلت شخص .. أول حاجة جذبتنى ليه .. شكله جميلة عيونة ملونة وشعره أشقر .. وحسيت اني مجذوبة له وهو كمان .. وفعلا مع الأيام ( أتجوزنا ) ..
بعد ما أتجوزنا عن (love story ) .. حصل أنطفاء .. حصل بينا اعتياد .. حصل بينا برود .. مبقتش حاسة أنى حباه زى الأول .. في حاجات كتير بينا ناقصة .. مش بيفهمنى .. مش بيتواصل معايا .. مش بيحسسني بالأمان .. مش بحس أني مرتاحة معاه زي الاول .. مبيقدرنيش .. ( حب حد غيرى )
•لــيــه ؟!!
دة بيحصل لأن ( الحب أتبنى على luxure شهوهـ .. )
أنا أشتهيت فيك شكلك .. جاذبيتك .. أشتهيت مالك ..
اشتهيت شكلك فـ بعد أول وتانى وتالت (relation sexuelle) أو ( علاقة جنسية ) .. حصل أنطفاء للرغبة .. حصل شبع .. حصل أنى حصلت على اللى أنا عايزة .. شغف ( العلاقة ) قبل الجواز كان أقوى وكان عندى حافز أنى أحصل على ( الشخص دة .. وجسده ) .. وبعد ما أمتلاكته .. حسيت أنى زهدته .. زي بالظبط ما بتاكل أكلة ( كل يوم بالرغم من حبك ليها هتحس أنك زهدتها .. أنا بحب أكل " جمبرى " فأكلته كل يوم حصلى زهد .. عايزة أغير علشان طعمة بقي مش شيق بالنسبة لي زى الأول ..
بيكون عندك دافع لحصولك علي الشئ وبمجرد ما يحصل بتحس أنه بقي ملكك وتبدأ تبحث عن جديد فى العلاقة
لذلك أول ما بتلاقى في طريقك بعد ( الجواز / الخطوبة / الأرتباط ) ..
في البداية بيكون فى شغف لأن كل طرف عنده فضول يعرف أكتر معلومات عن الشريك ودة بيخلى ( البدايات أحلي )
ليه ؟!
علشان بيكون فيه (تواصل أكتر / كلام كتير / مفيش عتاب ولوم / مفيش نكد / فيه أنسجام اكتر / سعادة )
أول ما تبرز كل ورقك للطرف التانى .. ويعتاد عليك هيحاول يبحث عن جديد يعيد اليه الشغف ..
طيب دة معناهـ أن الـ (relation sexuelle العلاقة الجنسية ) هى السبب .. ولو معني كدا اية دخل المرتبطين والمخطوبين ؟!!
الـ relation sexuelle دي مرتبطة بس بالمتزوجين .. ودة كان مثال عن (حب الشهوة )
*أنا أتجوزت شخص علشان شكلة حلو (بعد أول أو تانى او تالت علاقة أو بعد فترة ) هزهدهـ وهتفجأ بشخصيتة ..
حصل لا قدر الله حادث ( أتشوه ) حصله ( مرض ) .. الشريك اللى أخده علشان شكله هيسيبه فى أول طريق .. وهيحسسة أنه عاله عليه
*أنا أتجوزت واحد علشان ( غنى جدا ) مع أول ( ركود مادى ) .. هتلاقي العلاقة بينهم أتوترت جدا ومبقاش فية نقاش .. ظهر الوش الحقيقي مبقاش في حب .. لأن من البداية مكنش فيه حب غير ( حب شهوة )
*أنا أتجوزت واحد علشان ( شخصية مرموقة ) .. أو ( مظهر أجتماعى ) أول ما يحصل للشخص دة تدرج في الوظيفة تنازلى .. مش هيلاقيني جنبة
ليه ؟!!
علشان كل دة اللي فوق ☝☝☝ (حب شهوهـ)..
شهوتي خلصت خلاص مبقتش بحب .. أو أتفجأت أن الشخص اللي قصادى اللى أتجوزته علشان ( شكله ) (معندهوش شخصية ../ فيه برود في مواقف محتاجة منه ريأكشن / معندهوش ثقافة / صامت / مش بيفهمني / مش بيحتويني )
** أسوأ نوع اللي يستغلك علشان حاجة وبعدين يسيبك زي بالظبط شجار بين زوجين فيه الزوج غلطان .. طريقة صلحة للموضوع بتكون (relation sexuelle) وبعدها بيرجع أسوأ من الأول .. هو معملش كدا علشان يصالح .. لاء عمل كدا علشان نفسة ( شخص أناني ) لأن بعد العلاقة الأمر بيتأزم والطرف التاني بيحس أنة كان مجرد ( سلعة / لعبة ) لوقت معين وأترمى .. ودة بيربي عنده ( نقص / أنعدام ثقة بالنفس / عزلة / شعور بالوحدة/ بيربى كره مع الأيام )
** اي أرتباط أتبني علي ( شهوهـ ) .. مسيرة للفشل ..
لأن بمجرد الحصول علي الشهوة هيبقى أنتهت ( المصلحة ) فهفضل ليه مع الشخص طالما مصلحتي خلصت ..
دول ناس (مصاصين طاقة ).. لا يمطوا للحب بصلة .. أشخاص أستغلاليين .. بيستزفوا الطاقة والوقت والجهد ..
لذلك بتكون صدمة الشريك كبيرة ( أنا أتجوزت / أرتبطت / أتخطبت ) عن حب .. ومتقدرتش ..
اللي مكملش معاك دة كان داخل حياتك مجرد (وقت / مصلحة) خلص دوره وطلع من حياتك دة مش حب ❌
أمتا أعرف أني فى علاقة حب حقيقية ❤ وهتكمل
1_ البداية تكون بسيطة وعادية وبالوقت يحصل ( حب ) لو حصل حب سريعا افهم أن الشريك دة داخل حياتك يا أما ( علشان مصلحة / يا أنا ينسى بيك حد ) easy come easy go
2_ لو حبيت الشخص اللي قصادي هحافظ عليه علشان .. طريقنا يتكلل بالتكمله .. لو اثناء الخطوبة او الأرتباط ( حصل تجاوز ) أعرف أنها مش هتكمل حتي لو كملت للجواز مش هيحصل تكافئ .. ومش هتدوم .. لأن دة شخص داخل ( فقط للـ relation sexuelle) مش حب فيك ..
3_ لو مرتبطين أو مخطوبين أتخيل الحياة معاه بعد relation sexuelle خلص شغف ( الحب ) .. وبقينا أحنا الأتنين قصاد حياة كاملة .. وأعباء ومشاكل هل هنقدر نواجه ولا هنهرب .. ؟!! ومش هنتحمل لأن مش كل الحياة الزوجية ( سعادة ) في أوقات صعبة
4_ تخيل لو شريكك حصلة ( مرض / فقد فلوسة / حصلة تشوه / عنده عيب معين مش هيخلف ) هل هقدر أكمل معاه ولا لاء ؟!!!! .. هل هكون بنفس الحب والشغف .. هل هفضل أحبه دايما .. هغفرله ذلاته ؟!!
** كل ما بنكبر بالعمر بيقل الحب الجسدي .. بيقل الـ (relation sexuelle) .. بنكون محتاجين ( حب حقيقي ) سند .. قوة .. شخص يقدر يقف في ضهري .. يساعدني ويعين علي الحياة .. لو فى ( مصيبة ) في حياتي .. يهونها عليا .. يشاركني التفاصيل .. يحل معايا المشاكل .. يدافع عني ..
أتسند عليه أما نكبر .. بعد ما ولادنا يكبروا .. وكل واحد يبقي فى بيته .. ومحدش يسأل فينا يكون هو السند والحب والألفه والدفئ .. الحضن اللي مش هيسيبني مهما كان .. اللي هيشوفني وأنا ( مريضة / مهمله في نفسى / تخنت / خسيت / مرضت / عصبية / ساكتة ) ..
اللي هيقدرني .. وأنا كمان هقدره وأكون في خدمته .. مش عيب أخدم حبيبى وشريكى وهو كمان ونعيش كل يوم في ( حب حقيقى ) ..
علشان كدا متلومش أبدا على (شخص كبر عمره واتجوز وأنفصل أو شريكة اتوفي ) .. وأتجوز
ليه ؟!
علشان مش كل الجواز قائم على( العلاقة الجنسية)
فى ناس محتاجة سند .. رفيق درب .. ونس للوحدة .. شخص مريح .. يعرف يكون أهل للثقة ويحتوى الشريك
الحب الحقيقي ❤ مش بيسيبك الا للموت وبس .. لأن الشخص حبك علشانك مش علشان حاجة فيك .. مستحيل (حب الروح يروح أو يحل محلة شخص تانى )