اهم 5 مهارات لتعلمها

المهارات وما ادراك ما المهارات بحر واسع تأخذك فيه امواج الفيديوهات وتتوه وتبحث عن مهارات ذات اهمية قوية تساعدك في انجاز عملك وللأسف هذه المهارات لا نتعلمها من التعليم الاكاديمي ويطالبونا في الاخر اننا نعمل بريزنتيشن واحنا مش عارفين يعني إيه كمبيوتر.

فديه اقدر اقولك اكتر خمس مهارات هتفيدك لو عمرك من 7 سنين إلى 50سنة

1- مهارة الكتابة دون النظر (Touch Typing)

احد اقوى المهارات دون منازع وتعتبر من اكتر المهارات المفيدة لقدرتها على:

1- جعلك تنجز اعمالك بسرعة مهما كنت (كاتب - صاحب قناة - مبرمج - مصمم - إلخ..) فالمهارة ديه لوحدها قادرة تخلي انتجاجيتك تضرب في السما.

2- تبان فيها cool وانت بتكتب من ما تبص على الكيبورد والي هيشوفك هيحترمك ويشوفك جامد

-إزاي اتعلمها؟

عندك مواقع هتساعدك في ده جداً وهتعلمك من إزاي تحط ايدك على الكيبورد لحد ما تحترف الكتابة وتوصل لسرعات عالية

1- Typing club

ا لموقع ده عظمة جداً بيعلمك ازاي تكتب بالإنجليزي بسرعة وينقسم إلى 685 مستوى (انت محتاج بس 100 مستوى عشان تكون اتعودت) وبيعلمك إزاي تحط إيدك والصباع المناسب لكل زرار وبيعودك على كتابة الحروف الكابيتال بإستخدام الشفت وكمان الارقام والرموز وعليه فيديوهات إرشادية ممتعة بس عيبه الوحيد انه بيعلم إنجليزي بس مبيعلمش الكتابة بالعربي.

اللينك: https://www.typingclub.com/

2- طباعة (Typaa)

الموقع ده بقا هو بيعلمك الكتابة السريعة بالعربي وعليه اختبارات لحد 5 دقائق ويعتبر اونلاين تقدر تتنافس مع الناس وتقدر تكتب عليه مقال الناس تعمل إختبار عليه والموضوعات إلي في المقالات بتكون حلوة وبتتناول قضايا حلوة زي ان الشهادة الجامعية مش كل حاجة.

اللينك: https://www.tybaa.com/

3- Monkey type

موقع جامد بتقدر تعمل عليه اختبارات سرعة لكتابتك بالإنجليزي وتقدر من خلالة تحدد مدة التحدي او ممكن تخليه كلام بدال وقت وتقدر تغير براحتك في الاختبار ده هل عاوزة برموز ولا حروف بس او بأرقام او بحروف كابيتال او من غير.

اللينك: https://monkeytype.com/

2- Soft Skills

المهارة ديه هي مفتاح ادمغة الناس هي البنزة (الزرادية بلهجات اخرى) والمهارة ديه فعلا فعلا هتفييييدك لأنها:

1- تقدر توفر عليك وقت المجادلات الطويل لو بتتجادل مع حد

2- بتعلمك ازاي تتعامل مع مديرك مش بس صباح الخير بل هي يمكن تخلي مديرك يعجب بيك وتخليك تهرب من مواقف باااااااااااايخة

مثال: مديرك طلب منك شغلانة وديه مش شغلانتك ومعليهاش مكافأة في 3 حلول

1- تقول لمديرك لأ والعواقب هتكون وخيمة

2- تقوله نعم وتجني على نفسك وتتعب نفسك على الفاضي

3- تقوله لأ بس بشياكة بمعنى إنك تقنعه بأنها مش مسئوليتك بطريقة تخليه ميتعصبش ولا يوبخك وفي الاخر تقنعه وتكون انت الكسبان

المصادر:

3- Office Programs

المهارة ديه تندرج تحت مسمى ICDL كورس وهو كورس كامل بيعلمك ازاي تتعامل مع الكمبيوتر والبرامج زي الوورد والباوربوينت والإكسل والاكسس وأساسيات الكمبيوتر وحاجات كتير بس كلامنا الاساسي على الحاجة الصعبة الجزء العملي في كورس ICDL والا وهو برامج الاوفس.

برامج الاوفس هي تقريبا كل حاجة حالياً لو موظف هتحتاجها في ترتيب البيانات ولو مهندس هتحتاجها بردوا في ترتيب البيانات ولو حتى فريلانسر فبرامج الاوفس هي شيء اساسي ليك وحتى لو في مجال آخر تماماً لأن البرامج ديه هتنفعك اوي لو مش لاقي شغل في مجالك هتشتغل مؤقتاً في الكتابة مثلا او تنظيم البيانات.

ولو انت لسه طالب جامعي هيطلب منك لو انت في جامعة إيه لو جامعة تحت بير السلم برضوا هيطلب منكم بريزنتيشنز او ابحاث وكما توقعت عزيزي القارئ إيه البرنامجين إلي بيعملوا الكلام ده في البريزنيشنز عندك الباور بوينت والابحاث الوورد (انا متكلمتش عن برامج جوجل عشان برامج الاوفس اشمل) فأياً كانت شغلتك او مرحلتك الدراسية هتحتاج تتعلم المهارة ديه بالذات.

4- تعلم كيف تتعلم

اه زي ما قريت بالظبط المهارة ديه قوية بتخليك تتعلم إزاي تواجه مشاكل التعلم وتحلها وتخليها شيء من الماضي وبتعلمك إستراتيجيات عظيمة ازاي تحل المشكلات ديه.

الميزة ديه في كفة وديه في كفة تانية خالص لو انت في الثانوية العامة فإنك تتعلم المهارة ديه هيساعدك على تنظيم وقتك، المذاكرة بفاعلية، تعلم تركات تساعدك ايام الإمتحانات.

المصادر:

5- الإنتاجية الشخصية Personal productivity

الانتاجية الشخصية هي شيء جبار ينظم لك حياتك كلها معرفتك ازاي تكتب to - do list بتاعتك هتفرق معاك جداً ومعرفتك بإلاستراتيجيات حاجة قوية جداً هتدعمك في جميع مجالات الحياة فبغض النظر عن شغلك مهندس دكتور عامل حتى لو عامل نظافة معرفتك بإنتاجيتك الشخصية وقدرتك على ترتيبها هتكون حاجة عظيمة جداً

ملخص سريع

1️⃣ الكتابة دون النظر (Touch Typing)

تُعد من أقوى المهارات التي يمكن اكتسابها، حيث تساعد على:

2️⃣ المهارات الشخصية (Soft Skills)

وهي مفتاح التعامل الذكي مع الآخرين، وتساعد على:

3️⃣ برامج الأوفيس (Office Programs)

أصبحت من المتطلبات الأساسية في معظم المجالات، حيث تُستخدم في:

4️⃣ مهارة "تعلم كيف تتعلم"

هذه المهارة تغيّر طريقة التعلم نفسها، وتساعد على:

5️⃣ الإنتاجية الشخصية (Personal Productivity)

تنظيم الحياة والمهام اليومية من خلال:

الخلاصة

هذه المهارات ليست رفاهية، بل أدوات أساسية لأي شخص يسعى للتطور والنجاح. فالعالم اليوم لا يعتمد فقط على الشهادة، بل على القدرة على التعلم المستمر والعمل بذكاء.

والسلام عليكم ورحمة الله وبركاته

عن الكاتب

moon moon