أحيانا ما بدي حكي , ما بدي دعم, ما بدي تبرير , ولا حتى حدا يفهمني.
كل اللي بديه .. لحظة هدوء .
لحظة ما حدا يسألني فيها "ليش ساكتة ؟"
و لا حدا يحكم على تعبي , ولا يربطني بشي ما بيشبهني .
"تعب ما بينشاف
بتجي أيام , بحس فيها أنو صوتي داخلي عم يضعف , كأني تعبت حتى من التعب .
بتصير أبسط الأمور عبء .. وردة , كلمة, حتى ضحكة بوجهي ما بتحرك فيني شي .
ما عم قول أني يائسة , بس في شي جواتي صاير ثقيل و كل ما حاولت فسره ..بيطلع أعمق من الكلمات .
في لحظات معينة , مابدي أكون القوية , ولا المثالية , ولا البنت يلي دايما واقفة .
بدي أكون أنسانة طبيعية .. تتعب , تسكت , ترتاح , وتكمل بطريقتها الخاصة .
يمكن العالم حوالبنا ينسى أنو في قلوب بتتعب بدون صوت , بس نحنا ما لازم ننسى حالنا.
كل وجع مر علينا , علمنا شي.
وكل صمت سكتنا فيه , بنى فينا طبقة عمق جديدة.
مو ضروري نفهم كل شي ..أحيانا بس نترك الألم يمر , ونوسع مساحة الراحة جواتنا شوي شوي , بدون استعجال , بدون جلد الذات .
"أنا مو ضعيفة , أنا بس أنسانة"
أحيانا بتمنى بس ارتاح
مو نوم .. راحة نفس
راحة من التفكير , من التوقع , من الصدمات الصغيرة يلي صارت عادية .
"بتمنى أرجع أنا .."
قبل ما أكبر فجأة , قبل ما أتحمل أشياء ما كانت ألي , قبل ما أحس أني مضطرة كون قوية حتو لما بكون مكسورة .
بس يمكن حتى التعب جزء من الشفاء ..
يمكن الهدوء يلي عم يوجعني , هوي اللي رح يرجع يرميني من جديد.
"التعب ما بينقص من قيمتي "
يمكن اليوم صوتي خافت , بس قلبي لسه عم يدق , ولسه فيني رغبة بالحياة .
أنا مو منيحة كل يوم , بس عم حاول كل يوم أرجع أقرب من نفسي , خطوة صغيرة ..بدون ضغط , وبدون تظاهر .
## لماذا نحتاج أحيانا ألى الصمت؟؟
الصمت ليس ضعفا , بل طريقة لحماية أنفسنا من الانهيار.
## كيف نمنح أنفسنا لحظة راحة حقيقية ؟؟
من خلال التوقف عن التبرير , و عن محاولة أرضاء الجميع
"صمت من النوع الشجاع"
لهيك , رح أسكت شوي , ورح أعطي لحالي فرصة تلتقط نفسها .. يمكن مو اليوم , يمكن مو بكرا , بس أكيد , أنا رح أرجع .
مصدر خارجي للصورة المناسبة:
https://unsplash.com/s/photos/silent-girl
للأطلاع على أثر النفسي :
https://www.psychologytoday.com/us/blog/pieces-mind/202003/the-healing-power-silence
للتعرف على استراتيجيات استعادة الطاقة النفسية:
https://psychcentral.com/health/recharging-your-mental-health
مثال اقتباس : في بعض الأيام , كل ما نحتاجه هو أن تترك بسلام , لأن الصمت أحيانا أصدق من ألف كلمة
خذ استراحة من التواصل