المقال التانى: من منقرع لرمسيس التانى
(ملوك صنعوا مجد الفراعنه)
مصر القديمة ما كانتش بس الأهرامات والتماثيل دى كانت حضارة فيها ملوك عباقرة قدروا يخلوا اسم الفراعنة يعيش ألاف السنين هيا بنا نكمل رحلتنا ونتعرف على خمس ملوك عظماء خلدوا اسمهم فى التاريخ !
الملك منقرع -صاحب الهرم الأصغر لكن الأثر الأكبر !
الملك منقرع هو ابن الملك خفرع ومن ملوك الأسرة الرابعة الناس دايما بتقول (الهرم الأصغر )بس الحقيقة إن منقرع ساب بصمة ضخمة جدا في تاريخ أهرامات الجيزة الهرم بتاعه رغم إنه أصغر من أهرامات أبوه وجده لكنه أدق وأجمل من حيث التصميم في عصره كانت مصر فى قمة الرخاء والناس عاشت في أمان وعدل
# الملك منقرع # الهرم الأصغر #أهرامات الجيزة #ملوك الفراعنة #تاريخ مصر القديمة#
الملك منتوحتب التاني (موحد مصر من جديد)
بعد فترات طويلة من الانقسام جه الملك منتوحتب التانى من الأسرة الحادية عشرة الراجل ده رجع لمصر قوتها ووحدها من تانى بعد ما كانت متفرقة بنى مقبرته العظيمة فى الدير البحرى بالأقصر وده المكان اللى بقى بعدين فيه معبد حتشبسوت المشهور منتوحتب كان قائد عسكري قوى وملك حكيم والناس كانت بتحبه جدا
#الملك منتوحتب الثاني # توحيد مصر #الدير البحري #ملوك طيبة # تاريخ مصر الفرعونية #
الملك أحمس الأول (بطل طرد الهكسوس)
لما احتل‘ الهكسوس ‘مصر محدش قدر يطردهم غير الملك أحمس الأول مؤسس الأسرة الثامنة عشرة الراجل ده فعلا يستحق لقب
(بطل التحرير) جمع جيشه وقاد معارك شرسة لحد ما طرد الهكسوس برا مصر خالص بعد النصر العظيم بدأ عصر الدولة الحديثة اللي فيها مصر وصلت لقمة مجدها العسكر والحضارى.
#الملك أحمس الأول # طرد الهكسوس # بطل مصر القديمة # الأسرة الثامنة عشرة # بداية الدولة الحديثة #
الملكة حتشبسوت (ست بميت راجل)
أما الملكة حتشبسوت فهى واحدة من أعظم حكام مصر عبر التاريخ ! كانت زوجة الملك تحتمس الثاني ولما مات مسكت الحكم باسمها ولبست زى الملوك عشان تحكم بقوة وهيبة قامت ببناء معبد الدير البحرى اللى بيعتبر تحفة معمارية لحد النهارده فى عهدها حصلت رحلة بلاد بونت التجارية اللي جابت لمصر الخير والرخاء الملكة دى كانت رمز للحكمة والذكاء وأثبتت إن الست المصرية دايما قوية $ #الملكة حتشبسوت # معبد الدير البحري # رحلة بلاد بونت # ملكة الفراعنة # تاريخ مصر القديمة#
الملك رمسيس التانى!
(أعظم ملوك مصر عبر العصور)
نختم بمين طبعا رمسيس التاني،اللى بيعتبروه أعظم ملوك مصر الفرعونية حكم أكتر من ٦٦ سنة وبنى معابد وتماثيل ضخمة زى معبد أبو سمبل ومعبد الرمسيوم في الأقصر قاد معركة قادش ضد الحيثيين وحقق فيها أول اتفاق سلام في التاريخ رمسيس الثانى كان مشهور بقوته وعدله وحبه للبناء عصره كان مليان مجد وده السبب اللى خلى اسمه يتكتب في كل كتب تاريخ الفراعنة!
#الملك رمسيس الثاني #معركة قادش # معبد أبو سمبل # ملوك الأسرة التاسعة عشرة # أعظم ملوك الفراعنة#
خلاصة المقال من منقرع اللي أبدع في بناء الهرم، لحد رمسيس التاني اللي ساب ورث عظيم في كل ركن من مصر الملوك دول خلدوا اسمهم مش بس فى كتب التاريخ لكن كمان في وجدان كل مصرى فخور بحضارته تاريخ الفراعنة مش مجرد ماضي ده جزء من هويتنا اللي لازم نحافظ عليها ونفخر بيها دايما.
تحيا مصر