الحلقة الثالثة و العشرون :
إن أحببت شخصاً بشدّة ، فاتركه لله ..
فإن عاد اليك ، فهو قدرك الذي قدّره الله لك ..
و إن لم يعد إليك هو لم يكن نصيبك من البداية ..
فانتظر العوض من الله ..
________________
______________
نهى : صباح الخير
هيثم : صباح النور ، صاحية اجيكي ؟
نهى : و الله نمنا عند دار علاء ، تعال بنقعد بغرفة الضيوف لحالنا
هيثم : ... طيب ، لولاي بحاجتك ما ازعجتك هيك و الله
نهى : لا ، لا ازعاج و لا اشي بستناك يلا
ابو علاء : ماله هالزلمة ؟ بين يوم و ليلة انقلب
نهى : ما بعرف و الله تعبت من صوته ، اهم اشي ما تحكي قدام علاء
سيرين : ماما صحيتوا ؟
نهى : اه صحيوا دار اخوكي ؟
سيرين : ما بعرف ، بس انا انعزمت عند آيات اليوم
علاء : صباح الخير
ابو علاء : صباح النور ، ليه صحيتوا خليك مرتاح احنا بس بنقوم بدري
علاء : صحيت على تلفون عدي ، رايح يخطب ديمة اليوم
سيرين / نهى : بالله ! وافقت ؟
علاء : اه وافقت ، و عزمتهم خالتي عالفطور و اتصلت على ريم تساعدها بكم طبخة و انتو معزومين كمان
نهى : يلا التمام على خير
ابو علاء : الحمدلله ، خالك هيثم جاي شوي يشوف امك ، كان بده يجي على بيتنا بس حكتله احنا عندك
علاء : شو ماله على هالصبح ؟ كنا رايحين نباركله عاد ، و احمد من مبارح بخطط
نهى : ...
سيرين : خليني احكي مع ديمة اباركلها و اعتزر
علاء : عشو تعتذري
سيرين : انعزمت عند دار خالتو منى اليوم
علاء : اه ضل همة ما قدستيهم لسا ، ضروري بركاتك بهالشر الفضيل
ابو علاء : هههههه
سيرين : مقهورين من الملكة ههههه
علاء : روحي رتبي الدار طيب قبل ما يجي خالك احسن ما اكسرلك هالواجهة ، بتوافقوا عليه العريس خلص بكفيها دلال خليها تركز
سيرين : هئ بدي اضل قاعدة مدللة انت شو دخلك ؟ خليني اتهنى بحياتي بعد ما جوزتك و ارتحت منك
علاء : بفرجيكي ولي
نهى : الله يهديكم بس
_________________________________
آيات : ماما اليوم سيرين رح تفطر عنا ، عزمتها
منى : اهلا وسهلا ، عرفوا انه ريم حامل ؟
آيات : اه مبسوطين كتير ، بس تيجي بتحكيلنا التفاصيل ههه
منى : الله يهنيهم فرحتلهم ، ااخ عقبال ما اشوفلك انتي و اخوانك يا الله عن قريب
انس : اه و الله كنت دايما احلم اصير عم او خال ، رح نكيف صح آيات
آيات : ان شاءالله حبيبي ، ليه صاحي مالك ؟
انس : بدي اروح عالمركز في حصة اليوم ، و انا مروح بميل اجيب الدوسية من الست رنين بدل ما حاجزتها عالفاضي
منى : لو قلتنا كان جبناها مبارح
انس : مش مشكلة بالمرة بسلم على خالتي مها و ياسمين
آيات ( بتلمح ) : بس ياسمين ؟
انس : هيهيهي ما ازنخك ، قومي اطبخي للسوسة صاحبتك اللي جاية اليوم
احمد ( صحي من النوم هلا ) : صباح الخير ، اصطبحوا انت و اياها
منى : صباح النور ، مالك صحيت بدري
احمد : رن عليي عدي قال رايح يطلب ديمة اليوم
منى / آيات : ديمة وافقت ؟
احمد : اه ، و كنا بدنا نروح نبارك لهيثم بس شكله مشغول ، ببعثله ما برد
منى : اليوم رح يطلعوها من المستشفى بكونوا معجوقين ، خليها لما يروقوا
احمد : ماشي ، مالكم مين عازمين انتوا ؟
انس : سيرين معزومة عنا
احمد : اهلا و سهلا ، كان عزمتي ياسمين كمان
منى / آيات ( بتطلعوا ببعض ) : ...
منى : يمكن مو مناسب ماما خلص خليها لما ابوها شوي يهدا
احمد ( تنهد ) : قصدك بس اسافر
منى ( بتغير الموضوع ) : صحي امجد و ابوكي عشان يستعدوا للصلاة
انس : انا طالع ، سلام
_________________________________
مها : الله يتمم على خير يا رب ، و يفرحنا فيهم جميعا
ابو عدي : الله يبارك فيكي ، عقبال بناتك ، بعد الفطور تعالوا عالتحلاية بنستناكم بدار العروس
مها : ان شاءالله بنيجي ، سلم على امال ، مع السلامة
ابو امير : مين صبح ران عليكي ، يا بي حتى يوم الجمعة صرت مشتهي انام فيه
مها ( بنبرة حادة ) : بكفيك نوم الك اسبوع بتنام براحتك اليوم بس اجيت صرت مشتهي تنام
ابو امير : اصطبحي مها
مها : ... ، اليوم عدي رايح يطلب ديمة ، و في تحلاية بعد الفطور بدار العروس
ابو امير : اوف اوف شو هالتطورات ، لسا مبارح العروس و اهلها كانو عنا ما حدا جاب سيرة ، حتى العريس كان
مها : شو بعرفني ، يمكن ما كانوا مقررين انه اليوم
ابو امير : يلا التمام على خير ، لا تخبري البنات هسة بلاش ياسمين ترجع تنتكس
مها : على شو تنتكس ، هيها مكيفة احمد كان مبارح معها و جايبلها ورد كمان ، نامت و هية حاضنة الباقة
ابو امير : لا حول ولا قوة الا بالله ، شو بده يصير بهالبنت بعدين و الله كل ما اشوفها هيك بموت و برجع
مها ( بحزن ) : بعيد الشر عنك حبيبي ، الله بصبر عباده ، الحمدلله عكل حال ، يلا قوم قربت الصلاة
_________________________________
شو كانت حلوة هالليلة ، نمت و انا بتخيل احمد معي ..
متل كل يوم ، بس هالمرة قلبي كان حاسسني انه حلمي قرب يتحقق ..
كنا مبارح متل عصافير الحب ، و ارواحنا تعانقت من جديد ..
يا ربي ما تحرمني منه ، ما فيي اتخيل حياتي بلاه ..
حنين : صباحو
ياسمين : صباح الخير
حنين : مالك بتتبسمي ؟ شفتي الملائكة هههه
ياسمين : لا شفت وجهك حبيبتي ههههه ااخ قال ليه بتتسمي ، بكفي نمت بعد ما شفت احمد
حنين : طب قومي عالتعزيل خلصيني ، امك جدولها طويل هالمرة
ياسمين : استغفر االله العظيم يا ربي ، و لكم خلوني شوي احلم
حنين : احنا ما بنحب الاوهام ، واقعيين يا حياتي
كان اليوم كله عجقة ، بين تعزيل و تحضير للكعك ، و تجهيزات للعيد ..
بس هالمرة يا حبيبي امير كبر ، و صار يمشي ، و غلبته كترت ..
مها : فرح امسكي امير بلاش يتزحلق من المي
فرح : و الله انهلكت وراه ، رح اتزحلق انا
رنين : ييي الباب بدق ، وين بابا ؟
مها : حطي على راسك يا اسيل و افتحي ، ابوكي ما رجع لسا
انس : مرحبا
اسيل ( بخجل ) : اهلين انس ، تفضل
انس ( مستغرب ) : انتي تحجبتي ؟
اسيل : اه ماشفتني كيف كنت البس بالعزايم
انس : بفكر بس بالطلعة ، يلا مبارك ، الله يثبتك
اسيل : شكرا ، شو جاي لحالك ؟
مها : انس ؟! اهلين خالتو تفضل
رنين : شكله جاي ياخد الدوسية ههههه
حنين : يعدمني اياكي ، انقلعي اعطيه اياها قبل ما يفوت يشوفنا بهالمناظر
ياسمين : هههههه تزكرت يوم ما اجا عليي احمد و انا بشتغل بالحمام
حنين : انطمي انتي مو وقت ذكرياتك
ياسمين : انطميت
مها : يا بنات وينكم ؟
رنين : هيني ماما ، اهلين انووس كيفك ؟
انس : اهلين انووس ، هيك الواحد بستعير ؟ الها شهر عندك منا حكتلك صوريها و رجعيها
رنين : و الله ما صحلي ، بس درست عنها شوي ، خلص بعدين ببقى اصورها
مها : دوسية شو ؟
اسيل : فيزياء صح ؟
انس : عليي الحلال اسيل درست منها اكثر منك
رنين ( بمسخرة ) : اه اكيد بتقربلك مهي
مها : الله يكبر عقولكم
انس : وين ياسمين سلامتها
رنين : ياااسمييين ، تعي شوفي انس بده يسلم عليكي
حنين : هههه كملت
ياسمين : عادي ولك ، استني شوي اغسل ايدي
مها : بعملوا بالكعك ، خليك افطر عنا خالتو
انس : يعطيكي العافية ، ان شاءالله بالافراح ، اشتقتلك و الله يا خالتي ليه هيك قطعتي فينا بطلتي تيجي عنا كتير ؟
اسيل : من ورا عمايل اخوك
انس ( زورها ) : انتي ما حدا حكى معك
مها : قومي من هون
انس : لا لا خليها ، انا بسكتها ما عليكي
ياسمين : اهلا وسهلا بانووس ، كيفك ؟
انس ( مبتسم ) : هلا هلا ياسمين ، سلامتك و الله ما عليكي شر
ياسمين : الله يسلمك ، كيفك انت و كيف دراستك ؟ طلعتك الست رنين بعز الشوب يا عليي
انس : الحمدلله ، لا عندي حصة بالمركز كان و مرقت عليكم ، اليوم سيرين جاي تفطر عنا تعالي انتي كمان
ياسمين ( فتحت عيوني ) : حكولك تعزمني يعني ؟
انس : صراحة احمد حابب انك تيجي ، تعالي مشانه ، يا خالتي خلي ياسمين تيجي و اذا بدك خلي وحدة من البنات يجوا معها
مها : وحدة متل مين يعني ؟
اسيل : انا بروح معك
انس : اه هي اسيل بتروح ، يلا امشوا باخدكم معي
رنين : ما شاءالله عليك ، انت التوجيهي و لا الصيام مأثر عليك ؟ ، استنى اناديلك حنين
انس : لا لا بدون حنين ، خلص مثل ما بدكم
ياسمين ( محششة ضحك ) : و الله انه كتير مشغولين اليوم ، مو شايفنا متل السرلنكيات منظرنا ، حتى امير مو ملحقين عليه
انس ( عيونه على اسيل ) : بالعكس حلوين ، انتو دايما حلوين ، امير تيجي معي ؟
مها ( انتبهت عليه ) : هههههه قوم خالتو عنا شغل ، او ساعدنا
انس ( نزل امير عالارض و زعل ) : خلص قايم يلا سلام
بعد ما طلع ، امي وقعت من الضحك ..
و عيونها عليي ، عارفة اني فاهمة عليها ..
ياسمين : هههههه وراكي وراكي
مها : منيح اللي ابوكي مو هون ، الله بحبني من عالي سماه
ياسمين : كان عيدتي عند دار اهلك السنة
مها : انا و اياكم ، و بجيب وحدة تانية بدالي
ياسمين : ههههه ما بعملها اتطمني
مها : ما احلاه و عاملها ، اي لما شفتوا بالمستشفى نشف دمي على منظره خفت يكون رايح يخطب
حنين : عن شو بتحكوا انتوا ؟ خلصوني يلا
رنين : يبي انس بخاف منك
ياسمين : كل العيلة بتخاف منها
حنين : بس مع ذلك صعبة المنال للجميع ، هه ناقصني
مها : الله يرضى عليكي ، ما بنخاف عليكي ابدا صراحة
ياسمين : مو طالعة هبلة لاختك الكبيرة
مها : ازا وقفت على اختها الكبيرة بسيطة ما تكون في حدا تاني متلها و بعمل نفس عمايلها فينا
رنين : باكدلك انه ما في متل ياسمين
_________________________________
علاء : اهلااا اهلاا ، يا مبروك احلى بابا هيثم بالعالم
هيثم ( بصوت مخنوق ) : الله يبارك فيك عقبالك حبيبي
علاء : عقبالك حبيبي ؟! مالك يا زلمة ؟ فوت امي بتستناك حسابك بعدين صاير تسِر لامي بدالي
هيثم : ...
نهى : اهلين ، كيف حالك ؟
هيثم ( ضميت نهى بقوة ) : تعباااان
نهى : سلامة روحك ، اقعد اشوف ، احكيلي شو اللي متعبك هيك و الله كنت منيح مبارح
هيثم : انا من زمان ما كنت منيح ، من ست سنوات و انا بالعذاب يا نهى
نهى : يا لطيف ! عذاب شو ؟
هيثم : انا مشان هيك اجيت لعندك انتي بالذات ، لانك الوحيدة اللي بتعرفي قصتي كلها
نهى ( بلعت ريقها ) : ...
هيثم : بتتذكريها ؟
نهى ( مصدومة ) : بعدك متزكرها ؟ شو جابها على بالك
هيثم : ما نسيتها و الله ، بحبها و كل يوم بدور عليها و ما يأست ، انا بكرهها لزينة خلص مو قادر اضل معها اكثر من هيك
نهى : بعد ما صار بينكم ولد جاي تحكي هالحكي ، حط عقلك براسك يخي ، هاي خيانة اسمها
هيثم : اااخ خيانة ؟ و عمايلها شو ؟ عينك عيني بتغازله قدامي و بتهتم فيه ، و فوق هيك بدها تجوزه وحدة على كيفها
نهى : استغفر الله العظيم ، لا تحكي هيك بتضل مرتك ، انت متوتر شوي من تصرفاتها بس بكرا بتروق ، انسالي الماضي من بالك البنت راحت بحال سبيلها و تركتك و ما قبلت تستناك سنة
هيثم : لا مو متوتر ، انا واعي منيح على كلامي ، خايف احمد يصير فيه مثل ما صار معي ، قلتله ما تسافر ما رد عليي
نهى : يوووه ، شو دخل احمد ؟
هيثم : ياسمين و احمد قصة حبهم مثلي انا و رانيا
نهى : انا لحد هلا مو فاهمة انت لما رجعت تسال عنها شو حكولك ؟
هيثم : الله لا يسامحهم بس ، ولا وحدة من صحباتها رضيت تعطيني رقمها الجديد ، و حكولي خطبت و نسيتك زمان
نهى : يعني خطبت ؟
هيثم : ما بعرف ! ، بس عندي احساس قوي انها لسا بتستناني
نهى : لا حول و لا قوة الا بالله ، من وين بدنا نجيبلك اياها ؟ ناقصهم اهلي هلا يسمعوا هيك اخبار ؟ ما صدقنا نجوزك و نفرح فيك
هيثم : فرحتوا فيي ؟ و انا نفسي مو مبسوط بهالجوازة
ضميت راسي بين ايدي ، و نزلت دموعي اللي حبستهم ..
قد ما امثل اني قوي ، بضل الحب نقطة ضعفي بهالحياة ..
جابتلي اختي فاين ، و مسحتلي دموعي ، و ضمتني كاني ابنها الصغير ..
تحركت حركة غلط ، و وقعت من جيبة بنطلوني صورة ..
نهى : شو اللي وقع ؟
تلبكت و ما عرفت كيف اطولها ..
سبقتني و مسكتها ، تاملتني انا و رانيا بالصورة ..
كنت لسا باواخر العشرينات ، و وجهي كله حياة و الحب مسيطر على نظرة عيوني ..
نهى : حلوة كتير ، معك حق تتعلق فيها
هيثم : كنت احب عيونها ، احكيلها بس اشوفك كاني بغابة كلها شجر اخضر
نهى : الله عالذكريات ، ان شاءالله بترجعوا تلتقوا شي يوم
_________________________________
علاء : شغلتك و عملتك هاي
سيرين : ههههه انت شو دخلك
علاء : انصرفي ولي ، ما بتستحي
سيرين : عامل حالك مو نفسك تعرف شو بحكوا ؟
ريم : ههههههه يا ربي دخيلك
ابو علاء : لا اله الا الله ، يابا اعقلي شوي ، و لا تجسسوا
سيرين : ما سمعت اشي ئي
علاء ( بقهر ) : بس قدرتي تسمعي انه بدنا نروح عالعقبة !!
ريم : هههههههههههه موتوني
سيرين : هههههههههه يوم لا ينسى
نهى : خير ؟
علاء : ها و هي خلص الاجتماع ، يا زلمة تعال خلينا نقعد نشوفك ، هات فرجينا الصور شو رح تسميه ؟
هيثم : يلا
ريم : الباب عم يدق
علاء : هاد احمد ، فوتوا البسي انتي و اياها
سيرين : يلا منيح اللي اجا عشان اروح معه
علاء : هيهيهي فوتي خلصيني
نهى : اهلين خالتو كيفك ؟
احمد : الحمدلله ، شو بتعملوا هون ؟
علاء : ناموا عنا ، تعال هيثم لسا هون
احمد : منيح اللي لقطناك و الله
هيثم : شو فار عندك انت و اياه
سيرين : ههههه شايف بالله خالو
ريم : اهلا و سهلا احمد
احمد : اهلين فيكي ، مبروك الحمل عقبال سلامتك
ريم ( بخجل و استغراب ) : الله يبارك فيك
ابو علاء : كيف صحة الولد ؟
هيثم : تمام ، نشكر الله
ابو علاء : قال بدك تسميه احمد ؟
علاء ( عيونه على احمد و بغمزه ) : اذا سميته احمد معناها بتحبه اكثر منا
هيثم : لا ما بدي احمد ، احتمال يوسف
احمد ( مصدوم ) : شو يوسف ؟ لا لا انا و ياسمين متفقين نسمي يحيى و يوسف اولادنا
علاء : هههههه لا يا ، اولادكم ؟
نهى : ان شاءالله بنفرح فيكم و بنشوف اولادكم
ريم / سيرين : ههههههه
هيثم : طيب بلاش يوسف
علاء ( بطلع على هيثم بدهشة ) : يا شيخ !
احمد : اه شو مالك ؟ سمي اي اسم ثاني اذا بدك يمان مثلا
هيثم : لا بدي من اسماء الانبياء
نهى : محمد
علاء : آدم
ريم : حلو
علاء ( بحكي بمسخرة و بلف بعيونه عالجميع ) : يعني بضل بحرف الاف كمان و اهم اشي بنحطله مدة ، عشان لاسمح الله لو بيوم من الايام حدا عايره انت بحرف الالف و تعتبر لا من الحروف و لا من الارقام ، يسكته بالمدة
الجميع : هههههههه
نهى : يا بي ما احلى كلامها هالزعرة
هيثم : يلا انا لازم اروح
علاء : طيب متى بنقدر نشوفه ؟
احمد : خبرنا اول باول ، بتعرف ما ضل عندي وقت كثير
نهى : لسا مُصِر تسافر ؟
احمد : هههه خالتي ، خفوا عليي و الله مبارح ما كنت قادر اتطلع بعيون ياسمين
ابو علاء : هييي الله يصبرها
سيرين : احمد ازا راجع على بيتكم بدي اجي معك
احمد : يلا قومي
نهى : بكير لسا
سيرين : لا يا دوب نخلص حكي ههههه
علاء : احمد فتح عيونك منيح ، اي حركة هيك او هيك بس رن و افصل عليي
احمد : ههههه لا سيرين عاقلة ما بتعمل اشي
علاء : اه كثيييير
سيرين : انا جاهزة يلا
احمد : يلا سلام ، و باركوا لدار خالتي
نهى : لا الكل جاي بعد الفطور ، اهلك معهم خبر كمان
_________________________________
انبسطت كثير بشوفة هيثم ، كان وضعه صعب و مبين صاير معه اشي ، ما ارتحت لملامح وجهه ..
و علاء اخد مني رقم حمزة ، و حكالي بده يحكليه اشي مهم ..
منيح اللي سيرين اجت معي ، بتسلى معها بالحكي ..
احمد : كانها ريم زعلت لما باركتلها ؟
سيرين : لا هي هيك خجولة من كل كلمة ، هاي سيارة عمو ؟
احمد : اه ، مبسوط لعدي و ديمة كثير ، الله يهنيهم
سيرين : و اخيرا رح يخطبوا ، احمد دخيلك اخطبها لياسمين قبل ما تسافر ، و الله مبارح قطعت قلوبنا عليها
احمد ( بحسرة ) : و الله لو يطلع بايدي بتزوجها على طول بدون خطبة ، بس شايفة الوضع كيف
سيرين : عكل حال آيات سالتها ازا رح تستناك
احمد ( باهتمام ) : اه و شو قالت ؟
سيرين : عاساس مو عارف الجواب ، طبعا بتستناك لاخر عمرها
احمد : ما يحرمني منها و لا من طيبة قلبها
سيرين : معك حق ، بتصدق كل ما حدا يحكليها انه الك فلوس عند احمد كتير بتعصب و بتوصل للبكى ، بتقول حرام عليكم حسوا فيه ، انا مستحيل اخد منه اشي
احمد : و الله مو ناسي انا و حاطهم على جنب من حق السيارة ، اااخ يا سيرين لو تعرفي كم ندمان ، عمري ما كنت هيك بحياتي كلها
سيرين : ...
احمد : صحيح بدي اسالك
سيرين : تفضل
احمد : انتي لما انعزمتي عند دار خالتي مها ، قابلتي حدا بطريقك او... ؟
سيرين ( في نفسها : شو هالسؤال هاد ليكون ياسمين حاكيتله اشي ) : ... لا ليه بتسال
احمد ( مو مصدق ) : تذكري ، يعني يمكن تكوني لمحتي حدا ، او حدا لمحك هههه
سيرين ( متدايقة ) : احمد شوهالحكي مين بدي المح ، يا حسرة عليي جفاااف
احمد ( رفع حواجبه و بضحك ) : جفاف ! قصدك اني بلمح على شب ؟ انا ما كان قصدي شب ، يعني ما حددت مين شفتي
سيرين ( بنفسها : يمة ما اقواك ) : لا ما شفت حدا ، و انا قصدت جفاف لاني ما شفت اي حدا سواء شب او بنت
احمد : ههههه تمام هي وصلنا ، اسمعي بدي اوصيكي ما تبالغي بالشرح و التفاصيل عن علاء وريم لانه امي وضعها تعبان من وراي مو ناقصها
سيرين : اكيد و لا يهمك مجبورين نتحملك و نرقع من ورا عمايلك
احمد : هههههه
_________________________________
حمزة : الو
علاء : الو حمزة ، كيف حالك ؟
حمزة : الحمدلله ، مين معي ؟
علاء : له له مبارح كنا سهرانين سوا ، انا علاء يا زلمة
حمزة : هههه اهلا اهلا صوتك متغير عالتلفون
علاء : تمويه هههه المهم ازعجتك او لا ؟ لاني بدي احكي معك ضروري
حمزة ( مستغرب ) : لا ولو ، خير شو الموضوع ؟
علاء : هو ما بنحكى عالتلفون ، في مجال اشوفك ؟
حمزة : اكيد تعال على بيتي ، اهلا وسهلا
علاء : بلاش بيوت استناني بالشارع
حمزة : طيب يلا هسة ببعتلك العنوان
كان لازم اقابل حمزة ، و اشرحله التفاصيل ..
علاء : حمزة انا بدي احكيلك شغلة مبارح ما كان عندي الجراة اني اخبرك اياها
حمزة : خير علاء ، عم بسمعك
علاء : بدي توعدني ما تزعل ، و تفهم تصرفي
حمزة : ... ماشي
علاء : سيرين بتكون اختي
حمزة ( انصدم ) : اختك ؟!
علاء : اه ، و انا خبيت عنك لاني كنت بدي اوصل اذا هية عاملة اشي غلط او لا بس هالاشي أنبني ضميري عليه ، ما كان لازم اختبرها بهالاسلوب قدامك لانه بيوم من الايام رح تحكي عني اني ما كنت واثق فيها
حمزة ( تبسم ) : شكرا لانك خبرتني ، صراحة لو اكتشفت هالحكي بعدين كنت رح اخد موقف منك و من الشباب
علاء : بس ما تبين انك بتعرفنا لما تيجوا عنا
حمزة ( بياس ) : طيب خلونا نيجي عندكم اول ههه
علاء : و الله بعد ما عرفتك تمنيت لو امي قبلت تيجوا مبارح ، بس حتى اليوم خطبة عدي على اخت قصي ، و هيني رايح عندهم
حمزة : الف مبروك ، الله يهنيه مبين عليه شب ابضاي و معدل
علاء : تسلم ، بعض ما عندك ، و غير عن هم سفر احمد اللي لحد هسة ما حدا قادر يستوعبه
حمزة : اذا انا اللي بعرفه من يومين زعلت ، كيف انتوا الله يعين اهله
علاء : تسلم ، ان شاءالله باقرب فرصة بخلي امي تحدد موعد ، بس بدك الصراحة سيرين شوي رافضة عشان في فرق بينكم ٩ سنين
حمزة : ههههه لا اقنعها انت خلص انا معتمد عليك من هالناحية
علاء : ههههه و لا يهمك
بعد ما حكتلي ريم عن سر سيرين ، قلبي وجعني عليها ..
كمان هية بشر و حقها تحب و تنحب ، و حمزة شب مبين عليه انه ما بتعوض ..
ما نمت و انا افكر كيف رح اشرح لحمزة ، بس طلع الموضوع اسهل من ما توقعت ..
و حمزة اله دور كبير انه حسسني بالهدوء ، و قدرت اوصله المعلومة بشكل بسيط ..
_________________________________
حنين : انا اعلنت عنوستي
ياسمين : هههههه تعلمي من اسيل بلكي تقدري تزبطي واحد
رنين : يحرء حريشها شو هاد ، ما قام عيونه عنها
حنين : و بكرا ازا درس طب ، بتصير مرت الدكتور ، راحت عليكي يا ياسمين
ياسمين : شو هالحكي ليه في طبقات بيناتنا ، بعدين احب ما على قلبي اجوزكم احسن جيزات يا خواتي
رنين : اااخ عقبال عندي ما يحس عليي عمر
حنين : لا تزكريني ، قال امجد بده يزبطلي اياه ، ناقصني زنخين
ياسمين : زنخين ؟ ، ههههههه حرام عليكي و الله دمه صبابا
رنين : انا بالغرام انا دايبة صبابا
حنين : الله يشفيكي ، شوفيلك واحد محرز اكتر ، بدل هاد شوفير فرشة
ياسمين : يا حرام اول مرة بقعد هيك بدون شغل ، بستنى بالشهادة تطلع
رنين : اكيد اجا الوقت اللي يشتغل بشهادته ، طيب انا شو اعمل حتى يحس فيي ؟
ياسمين : لا تعملي اشي ، اللي كاتبه الله بصير
_________________________________
آيات : اهلا و سهلا بالعمة سيرين
سيرين ( بسبل بعيوني ) : اهلين بالخالة آيات ههههه
منى : هاتي لنشوف احكيلنا شو عملت ريم مفاجاة ؟
سيرين : انتوا كنتوا عارفين ؟
آيات : لا عرفنا منك ، مو انتي حكتيلي الصبح انه ريم عمتلكم مفاجاة
سيرين ( بعدم اهتمام ) : اه صح تزكرت ، لا عادي شوية بالونات و هيك حكي فاضي ، المهم المضمون
منى : يلا الله يقومها بالسلامة
سيرين : امين ، هي امي بلشت توصيات و نصائح طبية عليها من مبارح
آيات : ههههه حبيبتي خالتو ، خليها تشتغل شغل حماوات
منى : ممرضات قصدك
سيرين : المهم شو طبختولي ؟
كان لسا عقلي بكلام احمد ، و اسئلته الغريبة ..
شو ممكن يكون بعرف ، انا ما حكيت الا لياسمين و ريم و ديمة ..
سمعت امجد بنادي على آيات اللي كانت معجوقة بتحضير الاكل ، رحت ارد عليه انا ..
امجد : يا آياااات
سيرين : نعم ؟
امجد ( قام عن تخته بخوف و لزق باحمد / حركة هبل ) : يمة مين انتي ؟ متى اجيتي ؟
احمد : هههههههه مين انتي ؟ هههههه
سيرين : ما ازنخك احكي شو بدك آيات مشغولة
امجد : لا ما بدي انتي شريرة ، خلص روحي
سيرين : افففففت ما ابيخك
امجد : اللهم اني صائم
احمد : ههههههه
رجعت لعند آيات و خالتي عالمطبخ ، و قعدت اساعدهم ..
شوي الا صوت امجد طالع بنادي عليي ..
امجد : سيريييين
سيرين : روحي ردي عليه ما بدي اشوفه
منى : ههههه بلشنا
آيات : هيني رايحة ، نعم
امجد ( عاد حركة الهبل اللي عملها اول مرة ) : يمة ، مين انتي ؟
احمد : بنادي على ايات بتطلع سيرين ، بنادي على سيرين بتطلع ايات مالكم ؟
آيات : احنا اللي مالنا و لا انتوا ؟ احكي شو بدك ؟
امجد : شو طابخين ؟
آيات ( بعصبية ) : اكل ، شو بدك كمان ؟
احمد : ههههه مالك معصبة ؟
سيرين : من بياخة السيد امجد ، مو شايفنا مشغولين
امجد ( عينه على احمد و بحرك بحواجبه ) : انتي ليش اجيتي عنا اليوم ؟ مطولة لتتجوزي و نخلص منك ؟
سيرين : مال الكل بده يخلص مني ؟ علاء من مبارح بوز باهلي يوافقوا عالعريس اللي بده يجي بعد العيد
امجد : الله اكبر ! في عريس كمان ؟ مشااان الله وافقي يا يا
آيات : ما حكتيلي عريس شو ؟
سيرين : ما بعرف رنت امه على رقمي و قالت ابنها ممرض و عمره ٣١ سنة و عنده بيت وسيارة
احمد : خلص ممتاز وافقي
سيرين : حاسسته كبير شو رايكم ؟
امجد : يا دوب يقدرلك ههههه
احمد : يمكن بس تشوفيه تغيري رايك
سيرين : ليه يعني ؟
امجد : تخيلي يطلع اشقر و عيونه خضر
احمد : و مفتول عضلات متلي ( نفخ عضلاته قدامها )
آيات : يا سلام ، لو اكبر منك بمية سنة وافقي
سيرين : قولتك !
احمد : اكيد طبعا لازم توافقي ، و يمكن يكون حبك من اول نظرة متل الافلام
سيرين : خبراء الحب و الغرام ، شو كمان اعمل ؟
امجد : حاليا هيك بكفي ، انتي وافقي و بعدين بنعلمك كيف تحتفظين بالعريس من الطفشان
آيات : ههههه عفكرة غلطانين انتوا سيرين كتير عاقلة وما عندها اي نوايا للتطفيش
امجد : اااه صح عاااقلة كثيييير
انس ( دخل فجاة عالغرفة ) : آيات ردي على امي بسرررعة
امجد / آيات / سيرين : خيييير ؟
انس : ما بعرف روحي شوفي
ابو احمد : سيرين لحالها جاي عنا ؟
منى : اه مين بده يجي كمان ؟
ابو احمد : ياسمين مثلا ! خلي هالولد يشوفها بكرا بسافر و بنحرموا من بعض
منى : خليها تتعود على غيابه ، بعدين مبارح شافها و بالعيد بشوفها كمان
ابو احمد ( طنشها و مسك تلفونه ) : لا لا انا بدبر الموضوع هسة ، الو السلام عليكم .. كيف حالك يا ابو امير اشتقنالكم يا زلمة .. بالله عليك تسامحنا على اللي صار و الله ما الي عين اشوفك
منى ( بتاشر بايدها ) : لا تحكيله عن قصة المول
ابو احمد ( بهزلها براسه ) : بدي اطلب منك طلب ، و الله خجلان منك بس بجوز عرفت انه احمد بده يسافر برا البلد ، و طلبي منك تسمح لياسمين تيجي تفطر عنا اليوم و هي بنت خالتهم سيرين موجودة و ياسمين و خواتها و انتوا تعالوا .. انا باجي اخذهم .. الله يجبر بخاطرك .. حبيبي يا زياد .. الله معك
منى : وافق ؟
ابو احمد : بقدر ما يوافق ؟ زياد اكثر واحد فاهمني ، المهم ياسمين و اختها جايات اليوم احسبي حسابهم
منى ( بفرح ) : الله يخليلنا اياك ، لا تحكي لاحمد خليها مفاجاة
ابو احمد : طيب ، براحتك
منى : يا انس نادي على آيات تيجي شوي
آيات : نعم ماما ؟
منى ( بهمس ) : ابوكي عزم ياسمين و بده يروح يجيبها لا تحكي لحدا مفاجاة بدي اعملها لاحمد
آيات : واااو ، طيب الحمدلله فرحتيني
منى : المهم وصي ياسمين ما تجيب سيرة المستشفى قدام ابوكي ، احكيلها انه ما بعرف شو صار معك
سيرين : شو القصة ؟
آيات ( بتضحك ) : مفاجأة
_________________________________
مها : مع مين كنت تحكي ؟
ابو امير ( تنهد ) : ابو احمد ، بده يعزمنا عنده عشان احمد يشوف ياسمين قبل ما يسافر
مها : قصده يشبع منها
ابو امير : هيك اشي
مها : و بدنا نروح ؟
ابو امير : بس ياسمين و خلي وحدة من خواتها تروح ، سيرين عندهم كمان
مها : اه بعرف ، ماشي هلا بخبرها ، الله يسعدك متل ما اسعدته
ابو امير : ليه شو طالع بايدي اعمل ، استحيت اكسفه ، حاسس بوجع قلبه على سفر احمد
مها : الله يعينا ، ازا احنا تاثرنا كيف اهله
ابو امير : ابوه متعلق كثير فيه ، عنده احمد فوق الكل ، من لما كان صغير دايما يحكيلي هالحكي
مها : الله يحميلهم اياه ، يلا خليني اخبرها ، رح اتطير هلا ههههه
ابو امير : ههههه ، جيبيلي امير لعندي
_________________________________
اليوم ما كنت حابة امرقه على خير مع امجد ، و تقلت العيار عليه كتير ..
سيرين ( موجهة كلامي لآيات على سمع امجد ) : يييي دريتي انه بيان جاييها عريس غير شكل
آيات : مبروك
سيرين : الله يبارك فيكي ، اما شو عريس بقول للقمر زيح زيييح لاقعد مكانك ( بحرك بايدي و بمثل )
امجد ( حشر حاله على طول ) : و انتي ليه غيرانة منها ، مهي جايكي عريس
سيرين : مو غيرانة عادي ، بس هية عريسها مضمون ، و مبين عليها موافقة
امجد ( بذهول ) : موافقة ؟
آيات : انت شو دخلك ؟ روح من هون
امجد : اسكتي ، كملي سيرين شو بتعرفي كمان ؟
وصلت الكرة لملعبي ، و اخدت راحتي فيها ..
سيرين ( بسبل بعيوني ) : الصراحة ما حكتلي كتير معلومات ، انا عرفت عن طريق غنى انه شب ولا كل الشباب ، و فوق هيك ماشاءالله لا قوة الا بالله قل اعوذ برب الفلق
امجد : ماله ؟
سيرين : غني و اهله واصلين كتير يا امجد
امجد : احلفي ؟
سيرين ( بغرور ) : انا ما بحب احلف على امور تافهة ، بس على هوا ما سمعت الهدايا كانت تقالة كتير
امجد : اي هدايا ؟
آيات ( بتنادي بصوت عالي عشان تشوش ) : يا احمد احمد
سيرين ( فهمت عليها ) : هدايا الها و لاهلها ، تخيل قديه نفسهم بهيك عروس ، صراحة معهم حق ربنا الله انك يا بيان حلوة ،( غمضت عيوني و بحرك بايدي ) لو عندي اخ غير علاء مستحيييل اخليها تروح منا
احمد : الله ستر انه ما عندك اخ
سيرين ( فتحت عيوني لقيت قدامي احمد ، خفت منه ) : يا خسارة ، يا ريت عندي بدل الاخ عشرة ، بس هيك حظي شو اعمل
احمد : برجع احكيلك منيح ما عندك اخ
سيرين : شو مالكم ؟ عم نمزح شه
امجد : عم تمزحي ؟ بدي امسح فيكي الارض اذا بتمزحي مرة ثانية
سيرين : هههههه اعصابك لك يا خيي منّا مستاهلة
احمد : لا تحكي لبناني قدامي ، صراحة مو حلو عليكي
منى : مالكم بتتهاوشوا ؟
امجد : قيميلي هالسوسة من وجهي
منى : هههههه الله يهديكم
_________________________________
مها : ياسمين وينك
ياسمين : نعم ماما هيني بالمطبخ
مها : عمك ابو احمد عزمك عالفطور عندهم
كانت ايدي مشغولين بالكعك ، و عقلي بعالم آخر ، بفكر كيف رح تكون العزومة ، سيرين هناك و انا لا ..
بسمع امي بتحكيلي انه عمي عزمني شخصياً ، و قعت من ايدي الحبة اللي كنت اشتغل فيها ..
ياسمين ( بذهول ) : بتحكي جد ؟ و عادي اروح يعني ؟
مها : ابوكي وافق و خدي وحدة من خواتك
اسيل : انا طبعا عزمني انس لانه عيب لازم اروح
حنين / رنين : متى عزمك ؟
فرح : انا ياسمين خديني مشان الله كتير نفسي اروح
ياسمين : افت شو صارلكم ؟ حسستوني رايحة عالقصر الملكي ، خلص انا بروح لحالي
مها : ما حزرتي ، خدي حنين معك
حنين : اعوذ بالله ، خلص رنين روحي بلكي انس درسك كلمتين
رنين ( بتجاكر اسيل ) : اه و الله قولتك بروح و بستفيد و بالمرة بتسلى مع البنات
اسيل ( بحزن ) : الله يسامحك ياسمين ، مشان الله خديني
ياسمين : مالك قاتلة حالك عالروحة ؟ شو بدك تعملي ما حدا من جيلك هناك ، خلص رنين بتروح
غمزنا بعض انا و خواتي ، و جنناها لاسيل المسكينة ..
خلصت الشغل اللي بايدي بسرعة ، و رحت جهزت حالي ..
اكيد اكيد بدون مخالفات ، رايحين ننبسط احنا ئي ، يؤبر قلبي بكون بستناني على نار هلا ..
مها : رنين قومي البسي
رنين : لا ما الي نفس خلص ، خلي اسيل تروح على كل الاحوال مو مستفيدين منها باشي
حنين : ههههه خدوا امير معكم
مها : لا ما برضى ابوكي
رنين : ليه ما يرضى ، ياسمين بتدير بالها عليه منيح ، اصلا بسكت معها اكتر اشي
مها : طيب هلا بحكيلها
بعد ما انهيت لمساتي الاخيرة على رونق بشرتي ، و كويت لبستي ..
بتفاجا انه ماما بدها اياني اخد امير معي ، و رنين غيرت رأيها و بدها اسيل تيجي بدالها ..
ياسمين : ماما لا ما بدي ، خلي ابنك بحضنك احسن
مها : معلش خديه اليوم ، حتى نقدر نكمل الكعك و ننجز بسرعة قبل العشاء
ياسمين : امري لله ، حطي كل الاشياء اللازمة
اسيل : ماما شو البس ؟ بتحكيلي حنين هاي البلوزة قصيرة عالبنطلون ، ما عندي اشي البسه يا الله حجبتوني قبل ما تشترولي اواعي
ياسمين : خلص ماشي حالها اليوم ، يلا بسرعة قرب يوصل عمو
_________________________________
ابو ماهر : شو هاليوم الحلو هاد ، الله يفرحني فيكم يا سيدي
عمر : حبيب قلبي ، يلا يلا هي الكل جاهز
ام ماهر : اخوك اجا من شغله يا ستي ؟
عمر : شغل شو ؟ اخوي اليوم خارج التغطية ، من الصبح و هو يحلق و يكوي و يلبس و يشلح ، عرييييس
بيان : مرحبا ، جاهزين ؟
عمر : اوووه شوفوا مين عنا ؟ اكيد جاهزين المهم انتي جاهزة ؟
بيان : اه طبعا ، يلا هي اهلي نازلين كمان
ام ماهر : الله يحميكي ، حوطتك بالله يا حبيبتي عكبال ما افرح فيكي
بيان ( خجلانة ) : امين بوجودك يا ستي
عمر : العرسان طوابير عليها ، بس عاد هية توافق
بيان : لسا بكير ، تخصصي صعب خليني اتخرج اول
عمر :عمي هيثم رح يجي ؟
ابو ماهر : ما بنعرف اشي عنه ، الله يهدي باله
غنى : يلا جاهزين بحكيلكم بابا ؟ بيان شو هالحلاوة كتير بتجنني
بيان : تسلمي ، اه جاهزين ، هي اهلي نزلوا
ابو ماهر : يلا افتحولنا هالسيارة
_________________________________
بعد ما شكيت همومي لاختي نهى ، طلعت من عندها للمستشفى ..
تاخرت على زينة و ابني ، اللي ما لحقت افرح فيه و اتهنى بولادته ، بسبب عمايلها ..
هيثم : شو في هون ؟
ام زينة : سلامتك و الله ، بس اجينا ناخد بنتنا لعنا
هيثم : شو المناسبة ؟ عندها بيت بتتنفس فيه ، و انتي اهلا و سهلا فيكي البيت بيتك
ام زينة : بعد اللي عملته ببنتي ما بخليلك اياها دقيقة
هيثم : انا شو عملت ؟
زينة ( بتباكي ) : خلص ماما لا تحكي و لا عبالك ما رح يحس ، عديم احساس زوجي و ابو ابني
ام زينة : لو بعرفه هيك ما رميتك هالرمية
هيثم ( شبكت شعري باصابعي و كتير معصب ) : ممكن افهم شو الموضوع ؟ شو عم تحكي انتي و امك ؟
زينة : انا رايحة عند اهلي ، و لما بدك تشوف ابنك تعال هناك ، على بيتك ما الي رجعة الا لما ترد اعتباري
هيثم : اعتبار شو ست زينة ؟
ام زينة : عصبت عليها و رفعت صوتك بنص المستشفى ، و فوق هيك بتتركها لحالها بدون ما تسال ازا بدها اشي او صارلها اشي بعد عمايلك ؟
هيثم ( بلا مبالاة ) : يا حرام و شو صار فيكي ؟
زينة ( انقهرت ) : امشي ماما يلا انا ما بدي اضل مع هاد المخلوق اكتر من هيك
هيثم ( بغضب ) : زيييينة ، احترمي حالك و امشي معي عالبيت حتى نتفاهم ، من متى بتطلعي مشاكلنا للناس ؟
ام زينة : انا امها يا حضرة الدكتور ولا نسيت ؟ بنتي بدها تيجي معي يعني بدها تيجي ، خليك انت ببيتك و ارتاح منها
هيثم ( رفع اصبعه و بهدد ) : اذا بتروحي لمكان ما الك رجعة عندي ، فهمتي ؟
كانت امها كثير مصرة عليها انها تاخدها معها ، بس لما زينة سمعت كلامي ..
و لانها بتعرفني منيح ، و ما بتردد بتنفيذ كلامي اللي بحكيه ..
تراجعت و تركت ايد امها ، نزلت راسها ، و ما عرفت شو بدها تحكي ..
هيثم : ارجعي لسريرك ، خليني اخلص اجراءات الخروج و برجعلك
زينة : ...
طلعت من عندهم ، و ما التفتت لحدا ..
كانت الفرصة جاييتني على طبق من فضة ، حتى اخلص من زينة ..
بس قلبي ما طاوعني ، على البيبي اللي عمره اقل من ٢٤ ساعة ..
ام زينة : ما رح افوت بيتك ، فهمتي ؟
زينة ( بتبكي ) : مشان الله ماما بدك اياني اخرب بيتي ، خلص سوء تفاهم و انحل
ام زينة : تصطفلي ، خلي حماتك تقوم فيكي ، انا هيني مروحة مع ابوكي
زينة ( بتبكي ) : الله يخليكي ما تتركيني ، صدقيني هيثم منيح كتير نسيتي شو عمل اشياء مشانكم
ام زينة : ... سلام
لمحت امها طالعة من الغرفة ، و راحت ، فكرتها بدها تجيبلها اشي ..
خلصت الاجراءات ، و رجعت لعندها ، كانت منهارة من البكى ، و الولد ببكي معها ،،
هيثم : هاتيه عنك
زينة ( بتبكي ) : ماما راحت زعلانة ، ما رح تيجي عندي عالبيت
هيثم : ... امشي معي يلا ، كل اشي بنحل لا تبكي ، شوفي كيف الولد حالته
نزلتها و ركبنا بسيارتي ، و رجعنا عالبيت ..
كنت ناوي اجهزلها اياه و ازينه ، بس نسيت ..
فاتت و كانت مصدومة انه حالته سيئة ، و مو متل ما كانت بدها ..
زينة : ليه هيك البيت ؟
هيثم : ما لحقت ، خلص اليوم بزبطه
زيمة : و من مبارح مختفي وين حضرتك ؟ في اكل ؟
هيثم : اه ؟ ما بعرف استني اشوف
تركتها ترتاح بغرفة النوم ، و مسكت التلفون و صرت متل المصروع احكي تلفونات مع خواتي ، و خبرت نهى بكل اشي صار ..
نهى : بسيطة هلا ببعتلك احسن اكل ، انت روق
هيثم : يا ريتني خليتها تروح و ارتحت منها
نهى : انت عملت باصلك ، و تصرفك هو الصح ، امها انا بتفاهم معها
هيثم : انسي لا توجعي قلبك معها ، يلا استعجلي بالاكل يختي الله يسعدك
_________________________________
سهى : طلعيلي طنجرة خليني اعمل لزينة
ديمة : خير ؟ شو جاب سيرتها
سهى : انا عارف ، خلص هاتي اشوف كيس الفريكة ، انقعي هدول
ديمة : ناقصني عجقة ، لسا ما جهزت حالي عفكرة ماما
سهى : يلا بسرعة هلا بطنجرة الضغط بعملها ، طولي كيس لحمة سوحيه بالمايكرويف
ديمة : يا قصي .. قصي
قصي : صرعتيني مالك بتصرخي ؟
ديمة : تعال ضبضب المطبخ انا بدي اروح البس خلص ، مو ضايل وقت
قصي : طيب روحي ، مالك ماما ؟
سهى ( بتبكي ) : خليها عالله
قصي : يا ستير ، خير ؟ ديمة زعلتك
سهى ( بتبكي ) : لا ، خلص اسكت مو قادرة احكي
_________________________________
ابو احمد : اهلين عمو
ياسمين ( بخجل ) : يسملو كتير عمي ، ما يحرمني منك
اسيل : شكرا عمو عالعزومة
ابو احمد : العفو ، هي كمان امير بيك جاي لعنا ، شو هالحلاوة ؟ ما شاءالله اسم على مسمى
ياسمين : حبيبي يلا سلم على عمو ، احمد رجع من الشغل ؟
ابو احمد ( انصدم بس استدرك حاله ) : اه اه اجا طبعا ، قرب المغرب عمو شو مالك ؟
ياسمين : الله يعطيه العافية
كنت قاعدة و مبسوطة ، و بفكر شو رح نحكي انا و احمد اليوم ..
و شو رح نعمل اشياء ، انا وسيرين و آيات ..
_________________________________
احمد : وين راح ابوي ؟
منى ( مطنشة ) : انداري عنه ، بجوز راح يجيب اشي
احمد : هيثم كان عند دار علاء اليوم اجا يشوف خالتي نهى ، حكتلك سيرين ؟
منى : لا و الله ما حكت ، شو بده منها ؟
احمد : بدك الصراحة ما كان عاجبني منظره ، هيئته تعبان و الله يمة
منى : الله يكون بعونه
سيرين : وين رحتي خالتو ؟ ماما بترن عليكي ما بتردي
منى : وين تلفوني و الله ما شفته اليوم
سيرين : هيو ، اه ماما هي خالتو خدي
منى : الو .. طولي بالك .. استغفر الله العظيم .. طيب هلا بشوف شو في عندي و ببعتلهم .. يلا
احمد : مالنا ؟
سيرين : مالك خالتو ؟
منى ( حزينة ) : هيثم ( تنهدت ) بدنا نبعتله اكل ، تزاعل هو و حماته و حلفت ما تروح عند بنتها
احمد : الله اكبر ، شو هالناس هاي ، بقلك تعبان كان
سيرين : انا ما رضيت احكيلك خالتو حتى ما ازعلك ، بس من مبارح حكى مع امي و طلب منها ما تخبر حدا بحالته
احمد : شاطرة انتي ، بتخبي الاشي المهم
أنس : اجا ابوي
ياسمين : السلام عليكم
احمد ( وقف متفاجا و بضحك ) : و عليكم السلام
منى ( عيونها على احمد و بتضحك ) : اهلا و سهلا
سيرين / امجد : شو هالمفاجاة
امجد : امير امير يلا تعااال
احمد : لا رح يجي عليي انا ، تفضلوا
سيرين : ينعن امها مفاجآتك انتي ههههه
ياسمين : حبيبتي هاي مفاجآت عمو ، تفضلوا هاد كعك اليوم عملناه
انس : لما حكتلكم تعالوا معي ما قبلتوا ، امك قلعتني
احمد : شو قلعتك ؟ انت كاين عندهم
اسيل ( بدلع ) : حرام عليك ما كان قصدها ، كان عنا شغل بالبيت ، بس هلا لما قالت ماما لياسمين حكتلهم انا بدي اروح عشان انس عزمني
امجد ( عيونه على احمد و بغمزه ) : منيح اللي اجيتي و الله
ياسمين : كيفك خالتو ؟ مالك متدايقة ؟
منى : لا بالعكس انبسطت فيكي ، بس خالك هيثم تعبان
ابو احمد : ايوا ، اجا دوره يعني ؟
سيرين : الله يجبر عليه ، واحد مبلي بزينة اكيد بده يكون تعبان و عايف حاله
امجد : لنشوف شو رح يصير باللي بده ينبلي فيكي انتي
الجميع : ههههه
سيرين : ياسمين تعي شوي
احمد : لا تروحي ممنوع ( بمد لسانه و بضحك )
_________________________________
لسا ما لحقت اوصل ، و اتهنى بشوفة الغالي ..
سيرين سحبتني على جنب ، و سالتني ..
سيرين : انتي ما حكيتي عن هداك الشب لآيات او احمد ، صح ؟
ياسمين : انو شب ولي هبلة ؟ كيف احكي يعني
سيرين : ولك احمد بلمحلي طول اليوم انه مين شفتي و انتي رايحة عند دار خالتي مها ؟ ما قابلتي حدا او اشي متل هيك ، و فوق كل هاد بحكوا عن العريس اللي جايني اشقر و عيونه خضر
ياسمين ( رفعت حواجبي ) : اتصلوا ؟
سيرين : مين ؟
ياسمين : قصدي جاييكي عريس ؟ حدا متصل فيكي ؟
سيرين : اه مبارح بس اعتزرنا منهم
ياسمين : لييييش ؟
سيرين ( مصدومة ) : لبعد العيد مالك ؟
ياسمين ( تنهدت ) : ايوا منيح يلا ، لا اتطمني ما حكيت اشي لحدا انا
شلشتني سيرين بهالخبريات ، و احمد ماله بسأل هيك اسئلة ..
معقول رجع رن على حمزة ، و حكاله السر ؟ ..
احمد : وين سرحان الحلو ؟
ياسمين ( بسبل بعيوني ) : بجمالك حبيبي
احمد ( غمزني ) : تعالي معي
ياسمين : هههه يلا
يا ويلي انا ، بس ما ينسى حاله انه مو خاطبين ..
احمد : و الله اهلين بحبيبتي
ياسمين ( بخجل ) : اهلين بحبيبي
احمد : كيف سمحلك ابوكي ؟
ياسمين : عمو طلب منه ، و وافق
احمد : ابوي ؟ ما حدا حكالي غريب
ياسمين : لانك كنت بالشغل اكيد ، كيف شغلك برمضان ؟
احمد ( بلع ريقه ) : اه يمكن ، منيح ماشي حاله
كنا قاعدين كل واحد على كنباية ، و عيوننا بتحكي احلى غزل ..
دايبين ببعض ، و ناسيين العالم حوالينا ..
بعدين خطرلي اساله ، و تاكد ازا التقى بحمزة او لا ..
ياسمين : شو قصتك مع سيرين بتسالها اسئلة غريبة ؟
احمد : اسئلة متل شو ؟
ياسمين : انه شايفها حدا او شايفة حدا و مو عارفة شو
احمد : و يا ترى انتي كمان مو فاهمة عن شو بحكي ؟
ياسمين ( انصدمت ) : عن شو بتحكي ؟
احمد : عن الشب اللي حكيتي معي من تلفونه
ياسمين ( فقعت اصابعي و بان عليي التوتر ) : اي شب ؟
احمد : نفسه اللي اعطيتيه رقم سيرين لانه بدور عليها
ياسمين ( بصدمة ) : حمزة !
احمد : هو بعينه ، لحقتي تنسيه يا فاعلة الخير
ياسمين ( بخوف ) : ك ك كيف عرفت ؟
احمد ( بخبث ) : له نسيتي مين بكون احمد بهالسرعة ؟ ما حبيتها منك يا روحي
ياسمين : احمد .. اكيد ما زعلت مني صح ؟
احمد : لا ليه ازعل ، او اغار مثلا انه حبيبتي و خطيبتي السابقة بتحكي مع شب غريب و ماخدة راحتها معه
ياسمين ( بثقة ) : اه ليه تغار ، يعني و ازا اشقر و عيونه ملونيين ، و مفتول العضلات ( بتطلع على عضلاته و بسبل بعيوني )
احمد : اكيد مهو انا حمار ، يا اما بغار يا اما حمار
ياسمين : ههههه ليه هيك بتحكي عن حالك ؟ ولك انت بتعرف اني ما بشوف غيرك بالدنيا كلها ، بعدين انت حلو يعني مستقل بحالك ؟
احمد : لا مو مستقل بحالي ، انا بس بذكرك فيي لانه شكلك نسيتيني
ياسمين : بحبك انا
احمد ( رفع حواجبه و عيونه كلها حب ) : و انا بعشقك انتي و جنانك ، بس ما فهمت هي سيرين حكتلك عنه ؟
ياسمين : اه طبعا ، بس امانة ما تبين هالشي قدامها
احمد : بتعرفي انه انا و علاء و كل الشباب مبارح كنا معه قبل ما نيجي عندكم
ياسمين ( خبيت وجهي بايدي ) : احلف ؟ لا مستحيل لحقتوا ؟
احمد : طبعا ، اللي عليك عليك
ياسمين : طيب انت كيف قابلته ، رجعت رنيت على رقمه ؟
احمد ( بغرور ) : ما دخلك ههه
ياسمين ( عصبت ) : ماشي يا احمد ، اخدت مني كل المعلومات و بعدين بتقلي ما دخلك
احمد ( بغمزني ) : لانك هبولة ههههه
_________________________________
حنين : كيف وافق بابا ؟
مها : ...
رنين : ماما بنحكي معك ، ليه بعتوا ياسمين لعند احمد ؟
مها ( بصوت مخنوق ) : بكرا بسافر و بتبطل تشوفه
حنين ( وقعت من ايدها معلقة ) : يسافر !
رنين ( مصدومة و صابتها غصة ) : شوو ؟ لوين رح يسافر ؟ يا ويلي
مها : شغل بالسعودية ، الله يوفقه
حنين : شغل ؟ ياسمين فكر فيها ؟ شو رح يصير ببنتك ؟ ردي عليي ؟
رنين : اكيد رح ترجع تنتكس
حنين ( بتبكي ) : ما رح اسامحك يا احمد ازا صار باختي اشي ، ما رح اسامحك
بناتي كلهم بعزوا احمد ، و بعتبروه اخ غالي عليهم ..
خبر سفره ما كان هين علينا كلنا ، و زاد حملنا قدام ياسمين ..
شو رح تعمل لما تعرف انه خبينا عليها ، الله يسترك يا بنتي ..
_________________________________
هيثم : شكرا الك
علاء : العفو ، طمني عنك ؟ انت منيح
هيثم ( بهز براسه و بتنهد ) : منيح منيح ، بحكي معكم بس اروق
علاء : احكي معي باي وقت ، دير بالك
هيثم : ان شاءالله ، تسلم
_________________________________
منى : يلا بسرعة خلونا نفطر و نجهز حالنا
ياسمين : ليه ؟
سيرين : ما بتعرفي ؟
آيات : معقول ما عزموكم ؟
منى : لا امبلا حكى للكل خالك
اسيل : فهمونا طيب
سيرين : ديمة و عدي طلبتهم اليوم
ياسمين ( مصدومة ) : معقول ؟ الف مبروك طيب مبارح ما حكوا
آيات : يمكن ما كانوا مقررين ، ابصر شو صار ؟
انصدمت كتير بس سمعت الخبر ، و رحت اسال احمد ..
احمد : اه مبارح ديمة ردتله خبر مع علاء ، بس ما قالوا في طلبة ، الصبح كان مقرر هو و اهله و خبرنا
ياسمين : طيب و احنا ليه ما حكولنا ؟
احمد : ما بعرف ، يمكن حكوا لامك و نسيت تخبركم
ياسمين : طيب انا و اسيل و امير كيف رح نروح ؟ بتوصلنا على بيتنا اول
احمد : اكيد لا ، كلنا مع بعض بنروح
ياسمين : بحكي مع ماما اسالها احسن اشي
رنيت لماما سالتها ، و حكتلي انها نسيت تخبرني ، و روحي مع دار خالتك ..
ياسمين : يعني انا شو استفدت اليوم ؟ تحولت القعدة لدار خالتو سهى
امجد : مالهم يعني مو عاجبينك ؟ الحق عليه قصي جابلك مبارح ورد
احمد ( زور امجد ) : ...
ياسمين : ورد شو ؟ قصدك الباقة اللي من احمد ؟
امجد ( استدرك حاله ) : لا وحدة ثانية ، ما كان عارف انه احمد جايب ، ف ما حب يضارب عليه ، خلاها بالسيارة باقته
سيرين : يا حرام كتير خجول قصي ، عادي لو نزلها ما فيها اشي
آيات : ههههه بالمرة
اسيل : احمد كتير حلوة باقتك ، بس ليه ما جبتها احمر ؟
احمد ( بعد اهتمام ) : مو مناسب
_________________________________
ابو قصي : اهلا و سهلا ، شرفتونا
ابو ماهر : يا اهلا فيك ، غلبناكم اليوم
سهى : اهلا اهلا ، نورتوا ، فوتوا وينكم ؟
ام ماهر : بصفوا بالسيارة ، هي بيان اجت معنا
بيان : مرحبا عمتو ، يعطيكم العافية
قصي : اهلا ببنت عم العريس
ما في احلى من هاللمة ، و سفرة كلها حب و فرح ..
مع انه القلوب فيها غصات ، و العقول تعبانة من التفكير ..
ابو عدي : منورة يا عروس
ابو بيان : الله يسعدك يا خالي ، دمدومتنا المرحة البشوشة
عمر : صبرتي و نلتي ، الك نصيب اكون عم اولادك
قصي : هههههه يا رب تستر اولاد اختي من جيناتك
علاء : ...
ابو قصي : الله يحميكم جميعا ، عقبال عندك يا عمر
عمر : بوجودك عمي ، و الله شايف هاليوم قريب باذن الله
قصي : اقرب من يوم العيد ؟
الجميع : ههههههه
عدي ( بهمس لعلاء ) : شو القصة ؟
علاء ( بهمس ) : بعدين بحكيلك
ابو عدي : شو وين الربع مطولين ؟
سهى : و الله ما بعرف ، مها حكتلي طلعوا يمكن على وصول
ابو بيان : هيثم وين اراضيه ، بلعب مع الببو
ام بيان : لسا ما سموه ؟
ابو علاء : النية آدم ، اقترحوا عليه علاء و احمد اليوم
ريم : كان بده يسمي يوسف ، بس احمد اعترض قال اسماء اولاده هو و ياسمين متفقين يحيى و يوسف
ابو ماهر : لا حول و لا قوة الا بالله ، كمان مسميين اولادهم
ام ماهر : لو ردوا علينا و تجوزوا و سكنوا ببيتنا كان احسنلهم ، بس الثنين اعند من بعض الله يهديهم
بيان : خلص ستي نصيبهم
قصي : عقبال عندك يا بيان
ابو بيان : لما تتخرج
ام عدي : مو قلتوا اجا ابن خالها و بده يخطبها ؟
ام بيان : ابوها مو موافق ، قال بس تتخرج و كبير عليها
نهى : مين ابن خالها ؟ اللي بالامارات ؟
عمر ( بهمس لقصي ) : الللعب ، وينك يا امجد ؟
قصي ( بهمس ) : اوعى تحكيله ، بقلبلنا القعدة هسة
عمر : هههههه
ابو بيان : بنتي الوحيدة و اغربها ، لو الملك ما بعطيها
ابو ماهر : شو هالحكي ، ان كان كل واحد بنته الوحيدة ما غربها ما حدا بتجوز
ابو علاء : مهي كل البلد متغربة يا ابن الحلال ، تقطع بنصيب البنت حرام عليك
ديمة : طيب لحظة البنت شو رايها ؟
ريم : و كم في فرق بينهم ؟ و شو مواصفات العريس ؟
علاء : بالله ؟
ريم : اه طبعا ، يعني متغربة و متغربة تكون لواحد محرز ، اله مستقبل
علاء ( بعصبية ) : ما تتدخلي ، الها اهل بجوزوها ، كلام فاضي ما بدها الشغلة ، النسوان عقلهم بالمصاري
ريم ( مخنوقة ) : انا ما حكيت مصاري
نهى : شو مالك ماما ؟ ما حكت اشي و كلامها صحيح مرتك ، يعني فوق الفقر ضمة قبر كمان ، متغربة و بعيدة عن اهلها ، و تعيش حياة الذل
بيان : تسمحولي احكي ؟
ابو عدي : احكي يا عمي
بيان : انا مو موافقة ، وبس ، خلص ما حدا يناقشني
ام بيان : و الله ! لا مو على كيفك لساتك صغيرة و مو عارفة مصلحتك منيح
سهى : خليها تخطبها لحدا من اهلها اريح
نهى : البنت مو موافقة شوفيها
سهى : ما دخلنا ، يصطفلوا
_________________________________
منى : معقول دار زياد وصلوا ؟
ابو احمد : يمكن ، يلا رنوا الجرس
انس ( حامل امير ) : يلا اسيل ، امير ما بدك تنام حبيبي
قصي : اهلا وسهلا
ابو احمد : السلام عليكم
الجميع : و عليكم السلام
منى : مباارك يارب ، التمام على خير
سهى : شو اسيل و امير معكم ، تعال خالتو
نهى : وين سيرين ؟
ابو ماهر : وين اولادك يابا ؟
انس : كلهم بسيارة امجد
قصي : مين و مين ؟
اسيل : احمد و امجد و ياسمين و سيرين و آيات
عمر : المقطورة الملكية
علاء / عدي : هههههههه
ديمة : احط الحلو هلا ؟ ولا نستنى
عمر : حطي طبعا ، الله اعلم هدول متى يجو
قصي : سكتيلي هاد
اسيل : قصي ، وين باقة الورد اللي جبتها لياسمين ؟
قصي : اي باقة
عمر ( بده ينقذ قصي ) : يا زلمة وين اللي حكتلي بدك تفرجيني اياه تعال يلا قبل ما يحطوا الحلو و نطلع من المولد بلا حمص اليوم
قصي : اه اه يلا اسبقني
_________________________________
اول ما اسيل سالت قصي ، عرفت انه حدا جايب سيرة اللي صار مبارح ..
اتداركت الموقف بسرعة ، لحد ما يجي امجد و افهم منه ..
عمر : بدي اسالك سؤال و جاوبني عليه بصراحة ، ترا انا طول الليل ما نمت
قصي : يا لطيف ، خير ؟
عمر : هسة بنشوف اذا خير او لا ، انت مرة حكيتلي انك بتحب بنت اكبر منك صح ؟
قصي : صح هههه بعدك متذكر
عمر : ينساني الموت اذا بنسى انا ، المهم هالبنت مو ياسمين صح ؟
قصي ( مصدوم ) : لا ؟ شو ياسمين يا زلمة حبيبتي اسمها سعاد
عمر ( بمسخرة ) : نفسها حبيبة كاظم الساهر ؟
قصي : هههه ما ازنخك ، لا معي بالجامعة اكبر مني بسنة
عمر : يخرب بيت اليهود ، ولك شو اكبر منك ؟ هبيلة انت
قصي : لا مو هبيلة عادي شو فيها ؟
عمر : طيب اغرب من وجهي ، حسابك بعدين ، هي اجو البقية تعال
قصي : امشي
هيك بكون اتطمنت على قصي ، لانه هالولد دايما بفاجأني بعمايله ..
الله يستر مين تكون هاي سعاد ، بقصف عمرك يا قصي اذا طلعت مو حلوة ، قال اكبر منه بسنة كمان ..
يا فرحتها عمتي بابنها الوحداني ..
_________________________________
مها : يا عيني اجينا سوا
ابو امير : وين اخوكي يابا ؟
ياسمين : مع انس و اسيل بسيارة عمو سبقونا
احمد / امجد : كيفك عمي ؟ كيفكم يا بنات
حنين / رنين / فرح : الحمدلله
ابو امير : اهلين عمي ، الحمدلله ، يلا تفضلوا تأخرنا عالجماعة
سيرين : يسلمو عالكعكات خالتو بشهوو
مها : صحتين
آيات : كانه الصحن جاي النا ، يعني لازم انا اللي اشكرها
سيرين : مهو بدي ازكرها عشان تعطينا صحن كمان
امجد : استغفر الله ، ما في امل منها هاي
حنين : الله يشفيكي يا سيرين ههههه
ياسمين : هههههه و الله حكتلها لماما هاتي صحن لدار خالتو نهى اعطيه للمفجوعة سيرين ، بس حكتلي عيب لازم لبيتهم نوديه
آيات : يا ريتك جبتيلها و سكتيها
رنين : انا عملته
حنين : اه صح كله رنين ، ما قعدت عالتلفزيون و لا حضرت اي ملسلسل
ياسمين : ههههه بلشنا فضايح
آيات : انا ما حضرت اليوم اي اشي من ورا الست سيرين و طلباتها عالاكل
سيرين : ماشي انتي و اياها ، خلوني بس ابارك لديمة و انا مروقة بعدين بنتحاسب
احمد : ياسمين ، زبطي شالتك شعرك طالع من الجوانب
ياسمين ( بتزبط بالقمطة و الشال ) : يييي مو منتبهة
ابو امير ( بتطلع عليهم و ساكت ) : ...
مها : يلا رنوا الجرس
_________________________________
سهى : هي وصلوا
قصي : انا بفتح خليكم ، اهلا و سهلا
امجد : اخو العروس المتحمس
ابو امير : السلام عليكم
الجميع : و عليكم السلام
مها : للللليييييششش
ابو امير ( منصدم ) : اسم الله عليكي
الجميع : هههههه
ابو قصي : تسلمي يختي ، عقبال عند الباقيين يارب
ابو امير : مبروك عمو ديمة ، مبروك يا عريس
احمد : العريس عاقل اليوم شو قصته ؟
عدي : بستنى فيك انفعل
امجد : ديمة واخيرا خلصنا منك ، عقبال اللي بعدك يارب
ديمة : يارب ، و عقبال ما نخلص منك
ابو قصي : ههههه
امجد : و الله يا عدي تتهنى بدمدوم ، و لسانها
عدي : و هي كمان تتهنى فيي
ديمة ( بخجل مصطنع ) : يخليلي اياك يا رب
عمر : ولك ما قدر يصبر لبعد العيد ، توقيتها مناسب عشان تكسب العيدية
حنين : انت تفكيرك على قدك ، خليك ساكت
قصي : ههههه بلشت حنين قصف
امجد : يمة ، اعطوني الخوذة
علاء : يلا يا عروس حطي هالحلوان خلينا نقوم عالصلاة
ريم ( متجاكرة من علاء ) : انا بحط ، خليكي
سهى : ارتاحي ماما هي البنات بساعدوها
مها : ريته الف مبروك حبيبتي ريم ، الله يتمملك
ام بيان : ريم حامل ؟
نهى ( مبتسمة ) : الحمدلله ، جديد لسا
ابو عدي : و الله الف مبروك ، يا عيني هي الاحفاد بلشوا
ابو علاء / ابو قصي : الله يبارك فيك
ابو احمد / منى : ...
ابو امير / مها : ...
الحلقة الرابعة و العشرون :
من أصعب اللحظات التي نمر بها هي عندما نعجز عن وصف احساسنا ، عندما يصعب علينا أن نصف ما يدور بداخلنا ، عندما نشعر بأن كل من حولنا لا يفهمونا ، كلماتنا بهذا الوقت ، تعجز تماماً عن وصف ما بداخلنا فلنلجأ الى الصمت ..
________________
_______________
ابو ماهر : يلا عالصلاة ، اخر ايام الشهر ، الله يجعلكم من العايدين
الجميع : و اياكم
ابو علاء : بدك تروحي عالمسجد ؟
نهى : و الله حابة ، بشوف ازا حدا بده يروح معي
سيرين : ماما روحي انتي و خالاتي ، هي احنا هون بنضل
حنين : لا انا بدي اروح طبعا ، ما بروحها عليي
عمر : صلاة المراة في بيتها ، و لا وحدة تروح من البنات
حنين : ما حدا طلب رايك انت ، احنا حرين بنروح و بنيجي بكيفنا
ام ماهر : خلص كلنا بنضل بالبيت بس روحوا انتوا
يا لطيف ما اقواكي ، الواحد مو عارف يحكي كلمتين معها ..
على شو امجد ذابح حاله يزبطلي اياكي ، و يبليني فيكي ، ناقصني و الله ..
حدا ببدل غزلانه بقروده ، حبيبتي آيات ما في منها ، لا قبلها و لا بعدها ..
قصي : لا تعلق معها
عمر : شايفني ميت فيها يعني ، انا حكيت بشكل عام مو الها اصلا
قصي : ههههه ذكرتني يوم ما رحنا مشوار وقت عزومة هيثم ، بس اتطاوشت مع آيات ركبت معي ، بتحكي ليكون اخوها الامير ويليام
عمر : هاها من قلة ما يصحلها
امجد : على مين بتنموا ؟
عمر : و لا حدا سيبك ، مش مستاهلين نخسر حسنات عشانهم
عدي : هههههه اكيد حنين
احمد : عاد حكيت عمر بصير عديلي بيوم من الايام
عمر : اعوذ بالله
قصي : هشش وطي صوتك ولك ليسمعك ابوهم
عمر : يسمع ، مهو عارف بناته كل وحدة اقوى من الثانية
احمد / علاء : و الله عيب عليكم هالحكي ، خلص امشوا
عدي : زعلت من هيثم ، ليه ما اجا ؟
علاء : بعد الصلاة بحكيلك كل اشي
احمد : وديتله الاكل
علاء : اه و انت ؟
امجد : انا رحت عشان صاحبك يقعد مع حبيبته
الشباب : ههههه
__________________________________
ام حمزة : معطل اليوم كمان يمة ؟
حمزة : لا بالليل دوامي
حسين : يييي كان رحنا سوا عالقيام بليلة القدر
حمزة : بصلي بالمستشفى ان شاءالله ، الشغل بالليل اخف
رانيا : ادعيلنا حبيبي
حمزة ( بغصة ) : ان شاءالله ، ربنا بستجيب من عباده جميعهم
رزان : بس بحس دعواتك مستجابة ، ماشاءالله
حمزة : ههههه ضحكتوني ، زاكي هالاكل يسلمو ايديكم
ابو حمزة : صحتين ، انت ما اكلت كثير بالبيت السنة ، كل يوم امك تقعد و تتحسر عليك
حمزة ( عيونه على امه و بضحك ) : الله يطول بعمرها ، مين النا غيرها يفكر فينا و يحن علينا
ام حمزة : سقا الله و جاي هالعيد و ارجع احكي مع اهل البنت ، قلبي بطقطق يشوفها
حمزة : احكي معهم عادي ، روحي زيارة انتي و البنات لحالكم ، قعدة نسوان يعني
رانيا : صح ، كنت رح احكيلك ، متل ما رحنا على دار جيرانك ، بنشوفها بلا حجاب كمان ، و بنحكيلك
حمزة : خلص احكوا معهم بكرا او اليوم
ام حمزة : بنحكي
__________________________________
ريم : لا اتضلي تعلقي مع حدا نصيحة مني
ديمة : بفكروكي قوية ، عاد مو عارفين انك احسن منهم اصلا
حنين : ما بهموني ، يحكوا اللي بدهم اياه
ياسمين : ااخ منك ، مو اعند مني الا انتي
بيان : بس عمر منيح ما كان قصده اللي فهمتيه
سيرين : شوفوا محامية الدفاع ، اه يا عمي صاحب حبيب القلب
بيان : يا حسرة عليي و على حبي ، طار بالهوا
البنات : لييييه ؟
غنى : ابن خالها من الامارات خطبها و امها موافقة
آيات ( عيونها على سيرين ) : يعني طلعتي ما بتمزحي ست سيرين
سيرين : اقسم بالله كنت امزح ، معقول هالحكي صح ؟
بيان ( دمعوا عيونها ) : مو موافقة عليه ، انا بحبه لامجد
آيات : رح يزعل كتير ، بموت عليكي لانه
ياسمين : خالو موافق ؟
غنى : لا ، و حكت قدام الكل بيان انها مو موافقة بس امها سكتتها
ديمة : و علقوا ريم و علاء بسبب هالقصة
بيان : سامحيني ريم ، علاء عصب عليكي بسببي
سيرين : دقيقية دقيقة ، ماله علاء كمان ؟
ريم ( انسحبت من الجلسة ) : قايمة اصلي
ديمة : المهم يا خاينات ، شو اكلتوا اليوم ؟
آيات : و الله اكيد انتي اكلاتك ازكى ، بس عملنا اللي بنقدر عليه
سيرين ( عيونها على ياسمين ) : اموتها انا و لا انتي ؟
ياسمين : لا هاي عمة اولادي اتركيها
ديمة : اولادك ؟ يحيى و يوسف قصدك
ياسمين : كيف عرفتي ؟
بيان : هههههه احمد اليوم ما خلى عمو هيثم يسمي يوسف عشان الاسم محجوز الكم
البنات ( عيونهم على ياسمين ) : ...
ياسمين ( بعيون بتلمع ) : حبيبي ، ان شاءالله بجيبله اياهم بيوم من الايام
حنين ( دمعوا عيونها و بلعت ريقها ) : ان شاءالله
__________________________________
ام عدي : شو قصته هيثم ؟ تفاجأنا انه ما اجا
ام بيان : مهو طلعها من المستشفى اليوم ، اكيد مشغولين بالبيبي
نهى : ... امها ما روحت عندها و الله و صعب يتركها
ام عدي : يوووه ، شو القصة ؟ مبارح كانت تحكي بدي اروح اقعد عندها
ام بيان : ليكون بدها مرت عمي تقعد معها ؟ يا دوب قادرة تقوم بحالها
منى : الله يقويها ، بس اكيد صعب تقعد معها ، الله يهدي البال و يعين اخوي
ام عدي : شو صار لما رحتوا عندهم اشي يعني ؟
مها : شو قصدك بدنا نكون زعلناها ؟
ام بيان : لا لا اكيد ، بس زينة الها بالعادة تتحسس
سهى : لا ياستي جابت صاحبتها جمانة ، و ما بحط بذمتي انها صدفة
ام عدي : يييي شو جابها ؟
منى : عشان ارجع اشوفها ، و تحكي قدامي انه الولد بشبه احمد و بدها تسميه احمد
ام بيان : استغفر الله العظيم ، كيف بشبهوا ولد عمره ساعات ما بعرف
نهى : هههههه فراسة
مها : جكر قصدك ، مهي مها موجودة لازم تقهرها
منى : فشرت ، ليه احمد معبرها اصلا و لا سائل فيها و بصاحبتها
ام ماهر : يا حبيبي ، كيف بده يدبر حاله اخوكن ؟ يا حسرتي على هالولد
سهى : عملتلهم شوربة فريكة بلحمة ، و سكبتلهم من اللي عملته عالفطور
مها : و انا عملت شوربة رز، كان عندي باقي حشوة محاشي ، و قليت كبة من الفريزر و صحن سلطة فرمته حنين عالسريع
نهى : و ريم كانت عاملة معكرونة بالبشاميل مبارح ، و باقي منها كمية منيحة برضو بعتتلهم
ام بيان : الله يجزيكم الخير ، بكرا احنا بنعمللهم
ام عدي : لو حكيتوا اليوم كمان كان عملنا
ام ماهر : الله يرضى عليكن يمة ، و يجبر بخاطره
__________________________________
بعد ما صلوا التراويح :
نهى : عجبتني شوربة الفطر اليوم ، ديمة عاملتها صح ؟
سهى : اه و الله ديمة عملت معظم الاشياء ، يا حبيبتي و اخيرا شفتها فرحانة
مها : الله يسعدها ، و يهنيها و الله عدي بجنن
نهى : اه و الله
منى : كيف اكل ريم زاكي ؟
نهى : اه ماشاءالله عليها ، شايفة علاء نصحان شوي ههههه
سهى : من الدلال هههه
مها : لازم تريح حالها شوي ، نبهتيها يبعدوا عن بعض هالفترة ؟
سهى : انتي التانية مهي الدنيا رمضان هيك هيك بعاد
مها : شو دخل رمضان ؟ هي احنا عادي و لا كانه رمضان عنا
منى : هههههه تصالحتوا ؟
مها : طبعا يختي ، خايفة على مهموهة يصالحها زياد
نهى : هههههه نهفة ، يلا جيبلك اخ لامير
منى / سهى ( بصوت واحد ) : يييييييي
مها : ههههه مالكم ؟ عادي بقدر اجيب ، و كنت مفكرة و الله ، بس خايفة اجيب بنت
منى : بالله تسكتي ، و الله بهالكم ساعة اللي اجاهم عنا ما قعدوا و همة يركضوا وراه اسم الله عليه
نهى : ليه ياسمين كانت عندكم تفاجانا و الله
منى ( بنظرة انتصار ) : يحيى جابها ، بده احمد يقعد معها قبل ما يسافر
سهى : بتشجعوا عالانحراف انتي و جوزك ههههه ، المهم قعدوا ؟
مها : اكيد ، لو شفتيهم عالدرج ، قال بنبهها تزبط شالتها شعرها مبين
نهى : يا ويلي عليه ، فجاة انحرم منها ، و الله كان بس يشوفها يزغللوا عيونه من حلاوتها
مها : كانت تتفنن باللبس و التزبيط ، غير عن المفاجات اللي يجي يشوفها على طبيعتها يقلي يا خالتي بحب ياسمين متل ما هي ، بكل اشكالها
سهى / نهى : ...
منى : ... الله يسامحه و يسامحها
ام ماهر : يا ستي جيبيلي كاسة مي عطشت
فرح : حاضر ، ماما امسكي امير شوي
منى : و انس مبسوط على اسيل انها تحجبت ، بقلي ماما شوفي ما احلى الحجاب عليها
مها : هههههه لو شفتي بس اجا عنا
سهى : كمان انس ماشي طريق اخوه هههه
منى : بتقله بدي اقص شعري ، انهبل اوعي تقصيه
مها : هههههه يمة يا زياد لو تعرف
سهى : الله يعينه عليكم ، بشفق عليه و الله
نهى : هههههه
سيرين : مالكم محششات ؟
منى : و هاي التانية عجبت هي و امجد ، ناقر و نقير
آيات : ابنك عاقل كتير لانه
سهى : كيف حالك ؟ محمد وين ايامه بطلتي تجيبي سيرته متل اول ؟
آيات ( بلعت ريقها ) : منيح ، برمضان ما بنحكي كتير اوقاتنا كتير مختلفة و صعبة
نهى : شو هالحكي ، شغله صعب يعني ؟ و ما بقدر يسهر
منى : ... يمكن
آيات : انا بحس انه الخطبة بتمر بمرحلة فتور ، بس بترجع تتجدد العلاقة
سيرين : امممم ممكن
ياسمين : انا حاليا بحالة الغليان هههههه
منى : يا حبيبتي ، انبسطت كتير لانك اجيتي ، احلى يوم برمضان كان
سيرين : انا عمريني خالتو ، شكرا الك
ديمة : يخرب بيت يهودك ولك ارحميها لخالتك جننتيها
آيات : لو تشوفي عمايلها على صحن الكعك اللي جابتلنا اياه ياسمين
ديمة : عملتوا كعك ؟ طيب و احنا ليه ما جبتولنا ؟
ياسمين / آيات : خدلك ههههههه
مها : ييييي و الله حطيت الصحن و نسيت احمله من لخمتي
سيرين : هلا بنروح عندكم بنجيبه
البنات : يمممممة ههههههه
نهى : ولك ما احنا عملنا كعك يا نورية
سيرين : عادي ، لازم ندوق من الجميع
ياسمين : مفجوعة هههه الله يعينه العريس اللي جاي ديري بالك تنفجعي قدامه
منى : شو قصته العريس طول اليوم بتحكوا عنه
نهى : انو عريس ؟
سيرين : اللي اتصلت امه عليي
مها : يارب يفرحنا فيكم كلكم ، تخرجتي انتي صح ؟
سيرين : اه الحمدلله الصيفي اخر فصل كان
نهى : بنتي ما حدا من شباب العيلة عجبته
سيرين : ماما شو هالحكي ؟ بعدين انا مودي عالشقر و العيون الملونين
ياسمين : معك حق و لا واحد فيهم بهيك مواصفات
ديمة : بس حلوين شبابنا
حنين : انا مودي متل سيرين ، بدي واحد عيونه زرق جيبولي
آيات : لو خالو محمود اجاه ولد كان اجا متل مواصفاتك ، بس ما الهم نصيب
بيان : لسوء حظي ضليت وحيدة طول حياتي
غنى : لا اتضلي تحكي وحيدة ، احنا كمان وحدانيات
سيرين : ييي قربت تخلص الصلاة و احنا بعدنا ما نمينا عليهم ، شفتي العريس شو لابس ؟
البنات : ههههههه
ديمة : دخيله انا شو بجنن بالبدلة ، كتير لابقتله
سهى ( عيونها على ام عدي ) : يا عيني غزل من اولها
ام عدي ( مبتسمة ) : بلبقلهم
ام ماهر : يا حبيبي ما راح على شغله اليوم هههه عمر بعلك عليه بكلي يا ستي اخوي عريس بشلح و بلبس ههههه
ياسمين : ههههه يا حرام
حنين : كان ناقصه يعلق بلسان عمر
مها : اوعي اسمعك بتجاوبي حدا ، خلص اعملي حالك مو سامعة ، ناقصني انام على بهدلة من ابوكي اليوم
منى / نهى / سهى : هههههههه
ام بيان : هو بسترجي ، خلص داب عفراقك ، ناقصه تزعلي على وجه هالعيد
ياسمين : دبنا عغيابك دبنا
رنين : و مرضنا و التعن تاريخنا الاولاني
منى : رنين انس بده ينجن منك كان اليوم ههههه
آيات : ههههه صاحبته اسيل و بس
اسيل ( خجلانة و عيون الكل عليها ) : ... عادي
__________________________________
ابو امير : باي منطقة شغلك ؟
احمد : جدة
ابو عدي : كويسة قريبة من مكة
ابو احمد : اه الحمدلله
ابو بيان : هيثم كان بالرياض ، يا دوب تصحله عمرة بالسنة
عدي : بس عالاقل اسمها سعودية ، عمرة وحج بضل اهون من ثاني بلد
امجد : ما في مقارنة ، بس كمان اسمها غربة
احمد : الحمدلله
ابو احمد : مالك يا ابو علاء ؟
ابو علاء : اتدايقت على اسلوب ابني مع مرته بالنقاش قدام الناس ، ما حبيتها منه
ابو قصي : علاء معصب اليوم ، صاير اشي معه ؟
احمد : يمكن عشان هيثم ، زعلان عشانه ، او منه ، الله اعلم
قصي : و هيو ماشي لحاله كمان ، ( لف وجهه ) بحكي تلفون
ابو امير : المشاكل الزوجية ما بتخلص
ابو احمد : كيف رجعت ام امير ؟
ابو بيان : هددها يتجوز عليها ركضت ههههه
ابو ماهر : عديلك اجا حكى معها
ابو امير : مين ؟
ابو قصي : لا هي كانت ضابة اغراضها و بدها تروح لحالها
ابو امير : و انا كنت جاي اخذها بنفس اللحظة ، بس نسيت اجيبلها ورد ، مبارح بس احمد جاب ورد لياسمين تذكرت و استخطيت حالي
الشباب : هههههههه
قصي : اذا بدك بنعمللها مفاجاة عالعيد ، بنبعتلها باقة منك خليها تتفاجأ
عمر : المسلسلات ماثرة عليك
امجد : خربانة اخلاقك و الله يا صاحبي
عمر : العشق بخرب
ابو قصي ( عيونه على قصي ) : عشق شو ؟
عمر ( استدرك حاله ) : قصدي الرومنسية المسيطرة عالاجواء ، خلتنا نصير رومنسيين لا ارادياً
امجد : يلا وصلنا ، بدكم تروحوا ؟
احمد : اكيد ، يلا نادي على امي و آيات
__________________________________
آيات : يلا ماما ، بابا و اخواني بدهم يروحوا
ياسمين : خدوني معكم ، ما شبعت لسا
سيرين / ديمة : ههههههه
نهى : بكرا بدي اروح احمم ابن هيثم انا و امي ، تيجوا ؟
مها : انا لسا ما خلصت البيت ، خلص للعيد بنشوفه
سهى : لاقيلنا حل لقصته ، اهلي مو ناقصهم وجع قلب
نهى : بصير خير
__________________________________
مع انه ما كان في وقت طويل بجمعنا ، بس انبسطت كتير بشوفته ..
كان صعب اني اتقبل موضوع اخطب حدا غيره ، و مو متخيلة موقفه بس يعرف ..
سيرين : وين صرتي ؟
بيان : سيرين الله يوفقك ساعديني ، مو متخيلة امجد شو رح يصير فيه ازا عرف عن ابن خالي
سيرين : يا عليي ، جد زعلت كتير ، بيان حاولي جهدك ترفضي و توقفي قدام اهلك
بيان : ماما كتير موافقة ، ما بعرف شو قصتها
سيرين : ما في حل الا انه يتقدملك
بيان : احكي لاهلي انه بنحب بعض ؟
سيرين : شو فيها ؟ بعدين امجد ابوكي بحبه ، و مو ناقصه اشي مهندس متلك متله ، و كمان رح يكون عنده بيت متل احمد فوق اهله ، و سمعت انه رح يسجل ماجستير
بيان : يعني احكي لامجد يطلبني
سيرين : جربي ، و انا بساعدك
__________________________________
امجد : ما تهنيت على بيان اليوم ، كثير مشتاقلها
عمر / قصي ( بتطلعوا ببعض ) : ...
عمر ( بلع ريقه ) : امجد انت جد بتحبها ؟ يعني صعب تتخلى عنها ؟
امجد : انتي اللي جاي تحكيلي هيك ؟ بتعرف اني بتمناها كل يوم اكثر من اللي قبله ، نفسي نرتبط
قصي : اهلك بوافقوا لو طلبت منهم يطلبولك اياها ؟
امجد : اااخ على اهلي ، امي قال ما بدها قرايب بعد قصة احمد ، بس انا ما فقدت الامل ، انتوا ليه هيك بتحكوا ؟
عمر : حاول ترجع تحكي مع اهلك ، لانه..
امجد : لانه شو ؟ ليه سكتوا
قصي : طالبها ابن خالها اللي بالامارات ، و امها شبه موافقة
امجد ( ضرب على السيارة ) : شوووو ؟ يعني سيرين ما كانت تمزح
عمر : شو دخل سيرين ؟
امجد : نادولي سيرين ، و ينها ؟ استني ارن عليها احسن .. الو سيرين انا عند سيارتي ضروري اشوفك فاهمة
.. بستناكي
قصي : ماشاءالله عليك ، يشوفكم اخوها هسة
عمر : يشوفهم حمزة هههه
امجد : سد حلقك انت و اياه ، خليكم هون راقبولي الجو
عمر : اسد حلقي و اراقبلك الجو ؟
قصي : هههه معلش سامحه مو بوعيه
__________________________________
ديمة : وين رايحة سلمي بالاول
سيرين : هلا برجع ، امجد بده اياني ضروري
آيات : الله يستر
شكلها الخبرية وصلت امجد ، و ناداني للتحقيق ، حضرة المحقق ..
سيرين ( بتلهث ) : شو في ؟ قطعت نفسي
امجد : فوتي عالسيارة اشوف ، شو قصة بيان ؟
سيرين ( بتغابى ) : شو قصتها ؟
امجد ( بغضب ) : سيرييين لا تجننيني انتي عارفة على شو بسال ، احكيلي كل اشي بتعرفيه
سيرين ( بهز براسي ) : امجد و الله قبل شوي كنت احكيلها انها ترفض و تخبر اهلها بحبكم ، بس كمان انت لازم تقدم خطوة من عندك
امجد : شو اعمل ؟
سيرين ( بثقة ) : اخطبها طبعا
امجد ( بيأس ) : احب ما على قلبي ، بس اهلي معارضين بالوقت الحالي
سيرين : ارجع حاول ، خصوصا انه البنت رح تخطب بالغصب ، هية مو موافقة بس كمان اهلها بقدروا يقنعوها شفت شو صار مع ديمة و عدي
طال محفظته و فتحها ، طال منها خمسين دينار شقفة وحدة ، و مد ايده ..
امجد ( بحزن ) : هاي اخر ما املك ، خديهم و اعملي اللي بتقدري عليه مشاني انا و بيان ، و معروفك اكيد ما بتقدر بثمن
اجا على بالي اوقع من الضحك ، شكله ضربوا فيوزاته ابن خالتي المسكين ..
بس مسكت حالي ، و اخدت الموضوع بجدية ، قلت تسلي شوي يا بنت ..
سيرين ( بجدية مصطنعة ) : امجد هدول ما بجيبوا خاتم دهب هالايام
امجد ( مصدقني ) : شو اعمل ، هاد اللي معي ، مشان الله خديهم ، و كل ما يصحلي كمان بعطيكي
لا جد شكله خارج التغطية صار ..
سيرين ( بلعت ضحكتي ) : خلص خلص ، انت توكل عالله و كل شي بصير تمام ، الليلة ليلة قدر ضلك ادعي
امجد : هيني بدي اروح عالمسجد اضل اصلي و ادعي ، و انتي كمان امانة ادعيلي
سيرين : ان شاءالله ما بدي توصاية ، يلا لازم اطلع انا ، اهلك اجو
احمد : شو بتسووا ؟ قلبت الدنيا عليك
امجد : سيرين خطفتني
سيرين : امجد ؟
امجد : بمزح بمزح ، احنا اصدقاء طبعا
سيرين : اكيد ، خليك عاقل بس
احمد : فهموني معلش ؟
امجد : ما في اشي شوية صفقات مشتركة
سيرين : يلا سي يو، بالعيد
امجد : الى اللقاء صديقتي
رح اموت من كتر ما حبست ضحك ، شو رح اعمل هلا ..
نهى : وين كنتي ؟
سيرين ( تفاجات باهلي كاينين يدوروا عليي ) : انا ؟ اه هيني
ابو علاء : يلا امشوا عالبيت
قعدت بهالسيارة و سرحانة بهالخمسين دينار ، شو بدي اعمل فيهم ؟ ..
_________________________________
احمد : احنا بنوصل ياسمين و اسيل و امير
ابو امير : ما بدنا نغلبكم ، تسلموا
ياسمين ( عيونها عليي ) : يلا دوبك تروح عالمسجد ، ازا بدك تلحق الصف الاول
احمد ( تبسم ) : ماشي ، يلا بنشوفكم عخير
مها : تصبحوا على خير جميعا
ابو امير : وين ابو احمد ؟
امجد : سبقونا ، يلا سلام
شو كان نفسي اوصلها ، لسا ما شبعت من شوفتها ، ما عم اشبع اصلا ..
احمد : شو كنت تحكي انت و سيرين ؟
امجد : و لا اشي
احمد : كيف يعني و لا اشي ، و لا شو كنتوا تسووا ؟
امجد : بنتصالح ، مش انا زعلتها صالحتها
احمد : اها ، طيب
__________________________________
ابو احمد : زياد متاثر على سفر احمد
منى : بالله ؟ عشان هيك قبل يبعت ياسمين
آيات : كتير انبسط احمد ، بس في خبر مو حلو ابدا
ابو احمد : خير يابا ؟
آيات : بيان ، طالبها ابن خالها و امها موافقة كتير
منى : ييييي ، ان شاءالله امجد ما يعرف
ابو احمد : شو بدنا نعمله يعني ؟ نصيب الشغلة
منى ( بقهر ) : يقطع حظهم اولادي
ابو احمد : استغفري ربك ، كله خير الحمدلله
منى : ااخ الحمدلله
__________________________________
ابو ماهر : شو يا عريس بدك اتضل عند عروستك اليوم ؟
عدي : خلينا نتفاهم على امور الخطبة ، يا دوب
سهى : ههههه خليهم
ابو بيان : انا بدي اروح ، اذا بتحبي يا بيان اتضلك عند عمتك خليكي بترجعي مع دار عمك
ديمة : اه خليها
ابو ماهر : طيب يلا بنروح احنا معهم كمان
كأنه عمي كان عم يتهرب ، او ما بعرف شو قصته ..
المهم انه ما كان على طبيعته ، و في اشي غريب بصير ، الله يستر ..
__________________________________
ليلى : ليه خليت بيان ؟
محمود : خليها دايما بعيدة عن الكل ، لازم نخف شوي عليها
ليلى : قولتك بتاثر على حدا قصة خطبتها ؟
محمود : بتمنى يحسوا فينا شوي ، كلها شقفة هالبنت اللي ربنا اعطانا اياها ، و ما حدا سائل عنها
ليلى ( بقهر ) : و احلى وحدة فيهم
محمود ( بغصة ) : الحلاوة حلاوة الروح ، و هي ماشاءالله عنها مو ناقصها اشي ، حرام لو واحد من هالشباب حبها و تعلق فيها ؟!
ليلى : مو انت شاكك بامجد ؟ بتقول دايما بحوم حواليها و بتقرب منك كتير ؟
محمود : مجرد شك ، يعني انا بتمنى يكون بده اياها ، بس يمكن هو تفكيره مختلف عني
ليلى : او عمر مثلا ، و الله دايما بحكي معها و بضحكوا ، بحس انه مهتم فيها
محمود : اي واحد المهم يحبها لذاتها ، و انا شو ما كان وضعه بساعده ، كل مالي و حلالي الها
ليلى : الفلوس بتروح و بتيجي بس الرجال الكويس معدن اصيل ما بنجاب بسهولة
محمود : بالضبط ، و انا هيك بفكر
__________________________________
ابو ماهر : يلا امشي نروح يابا
ماهر : يلا يا امال ، بيتكم عامر يختي و التمام على خير
ابو قصي : شرفتونا ، الله يهنيهم و الحلوان الجاي باذن الله بنجاح غنى
ماهر : ان شاءالله ، بترفع راسنا و بتجيب علامة كويسة
عمر : ديمة قطعت فيها شوي ، بس ما بنخاف عليها
ديمة : شو دخلني انا ، حطها فيي
علاء : امشي روح نعست شكلك
عدي : هههههه بعد الساعة ١١ بفصل
الجميع : ههههه
قصي : خليك عمر انا بوصلك
عمر : لا باخد سيارة عدي ، و انت بوصلك نسيبك
علاء : انت روح و ما عليك
ام ماهر : يلا تصبحوا على خير ، امشي ياستي هاتي ايدك
بيان : يلا ، سلااام
ديمة / ريم : الله معكم
__________________________________
آمال : بكرا بدك تروحي مع نهى تحمموا الولد ؟
ام ماهر : ان شاءالله ، بده يروح عمك ياذنله
ماهر : لازم يسميه و يذبح عقيقة عالاسبوع ، ذكروه
بيان : خلونا نروح نشوفه
غنى : اه و الله كتير حابة
ام ماهر : يا حبيب قلبي يا احمد ، صحابه اجاهم اولاد و هو بعده
ماهر : لاحق عالهم ، خليه يستقر اول
آمال : هي ياسمين كانت عندهم اليوم ، اختك و جوزها بهيأولهم جو لقاءات ، كله عشان بده يسافر
ام ماهر / ابو ماهر ( مصدومين ) : وين يسافر ؟
ماهر : انتوا ما بتعرفوا ؟
بيان / غنى : يييي
ابو ماهر : احمد وين بده يسافر ؟ ، احكوا
ابو عدي : الله يسامحه
بيان : مغطي عالخبر عشان ياسمين ما تعرف
__________________________________
علاء : يلا اودعناكم ، جاهزة ريم ؟
سهى ( متلبكة و بتفرك بايديها ) : شكلها نامت ، وحامها نوم يا حبيبتي مبين
ديمة ( بترقع مع امها ) : تعبت معنا كتير اليوم ، خلص علاء انت رح تروح عالمسجد اصلا خليها نايمة و بترجعلها بعد السحور
ابو قصي ( بنبرة حادة ) : شو هالحكي ، صحوها خليها تروح مع زوجها
علاء ( فهم عليهم ) : ... ماشي ، خلص بعد السحور بكمل نومتي و هي بس تصحى بترجع عالبيت مو مشكلة
كنت عارف انها ريم ما رح تمرقلي اللي صار على خير ، و رح تعمل من الحبة قبة ..
اختصرت على حالي قدام اهلها و عدي ، و طلعت باقل نقاش ممكن ..
__________________________________
ريم : راح ؟
سهى ( تنهدت ) : راح ، و ابوكي عرف انك بتكزبي ، و زعل منك
ريم : ليه يزعل ؟ بدل ما يوقف معي بنته تبهدلت قدام الكل
سهى : ما تبهدلت ، كبري عقلك بلا خراب بيوت ، انا الحرد كله ما بطيقة
ريم : ...
سهى : عمايل خالتك مها ما بدي اياها عندي ، بتتفاهمي انتي و اياه عكل اشي ، اقعدوا و تصارحوا ، اما احرد و يركض وراي و هالحكي كله ما بدخل مخي
ريم : شكرا
سهى : عفوا .. يلا كملي نومتك
__________________________________
عدي : و اخيراا لحالنا
ديمة ( بخجل ) : ... هههه
عدي : الله يسامحك لو خبرتيني من زمان كان عملت اليوم كتب كتاب
ديمة : انا قررت فجأة
عدي : كيف غيرتي رايك ؟
ديمة : ما انبسطت ؟
عدي : بالعكس من كتر الفرحة ما صدقت حالي ، بس انه متأكدة انك بدك اياني ؟
ديمة ( بغرور ) : ازا بدك بغير رايي ، يا باباا...
عدي ( بهمس ) : ولك اسكتي بلا هبل ، بمزح معك شه ، بطلتي تمزحي هلا
ديمة : ههههه طيب
نظرة من عيونها كفيلة ترفعني لسابع سما ، و تشعرني باسمى معناي الحب ..
كل الاشعار و القصائد ، ما بتعبر عن سعادتنا اليوم ..
مرقت بايام صعبة كثير ، بس الحمدلله اجا هاليوم و نساني كل الاوجاع و العذاب ..
الحلقة الخامسة و العشرون :
التقدم ليس بمحاولة تحسين الماضي، بل بالعزيمة و الإصرار على التخلي عنه و التقدم نحو ما سيكون بكل طاقة و ايجابية ..
_______________
______________
آمال : مو على بعضك ، ليكون زعلت عشان هيثم ما اجا على طلبة عدي ؟
ماهر : لا بالعكس ، حكى معي و اعتذر ، بس في اشي ثاني في بالي
آمال : خير ؟!
ماهر : ليه بيان رافضة ابن خالها اللي متقدملها ؟ و بشدة
آمال : مهي بعدها سنة ثالثة بدها تصير
ماهر : لا لا اشي اقوى من هيك ، يعني احتمال انها تكون بدها واحد ثاني
آمال : شو قصدك ؟ البنت بتحب واحد و بتستناه
ماهر : هو اخوي ما رح يقبل هيك اشي ، بس انا ببالي انه هالبنت حلوة كثير و حرام تطلع لغريب وعندها ابن عم
آمال ( فتحت تمها ) : نعم ؟
ماهر : شو مالك ؟ مو شايفتيها كيف تعال يا عمر اخبزلنا و تعال خدني عالمشوار الفلاني ، و تعال و اعمل و من هالحكي ؟
آمال : معقول ؟ لا لا عمر دايما بحكيلها يختي و بعتبرها مثل غنى
ماهر : انتي ليه معترضة ، انا بحكي معه و بساله ، و بنشوف شو رح يحكي
آمال : هلا نايم الولد ، بس يصحى احكي معه
__________________________________
ابو قصي : بس تصحى ريم احكيلها تلبس ، عشان ارجعها على بيتها
سهى : طلعت من زمان ، ما نامت اصلا
ابو قصي : شو هاد ؟ كيف طلعت لحالها ؟ هاي بنتك العاقلة هيك بتعمل فينا
سهى : حكيت معها ، كان صوتها منيح ، ان شاءالله تكون منيحة
ابو قصي : الله يهديها ، و يهديه ، ما اختلفنا انه غلط ، بس الوحدة بدها تساير زوجها و تتحمله مثل ما بتحملها
سهى : الحياة اخد و عطاء غير هيك بطلت حياة اسمها
__________________________________
علاء : اهلين بالست ريم
ريم ( مو عاجبها ) : ...
علاء : مالك القط اكل لسانك ليكون؟
ريم : ...
علاء : طيب نامي ، فقستيلي نومتي عالفاضي
ريم : ...
صحيح رجعت على البيت ، بس لسا الزعل باين عليها ..
حتى انا لما ما قبلت تروح معي مبارح ، اخدت على خاطري ..
حتى لو كنت انا الغلطان ، معلش تاخد على حالها شوي و تسايرني قدام اهلها ..
و لما نرجع عالبيت تكسر عيني ، و انا عمري ما تعمدت اهينها اصلا ..
المفروض تكون ضمنيا فاهمة ، اني ما بعمل هيك اشي متقصد ..
__________________________________
ام حمزة : خليني احكي مع البنت نشوف اذا في مجال نيجي اليوم
رانيا : احكيلها ساعة زمن انا و خواته
رزان : يا رب تقبل
ام حمزة : الو السلام عليكم .. ام علاء .. اهلين فيكي .. تذكرتيني .. تسلمي بخير الحمدلله .. مستحية منك يختي بس ابني مستعجل ههه ، في مجال نيجي انا و خواته التنتين ساعة زمن بعد الفطور .. الله يسعدك .. غلبناكم .. مع السلامة .. اه ابعتيلي اياه .. شكرا الك
رزان : شوو ؟
ام حمزة : وافقت الحمدلله
رانيا : و اخيرا ، بقلكم هالولد دعواته مستجابة هههه
ام حمزة : خليني اروح ابشره
رانيا : بس يصحى ، حرام تفقسي نومته هلا اتطيري النعس من عيونه على هالخبرية
رزان : هههههههه
__________________________________
سيرين : ماما ليه هيك عملتي ؟
نهى : و الله استحيت منها ، جايين ساعة زمن بعد الفطور هي و بناتها
سيرين : يعني العريس مو معهم ؟
نهى : لا
سيرين : مع انه منظري مو حضاري لاستقبال حدا ، بس بدبر حالي
نهى : يلا انا طالعة مع ابوكي بدي اخد ستك و نروح عند هيثم ، ديري بالك ، شوفي شو حابة نفطر و بلشي حضري و لا تنسي البيت
سيرين : حاضر ، يلا سلمي على خالو
__________________________________
هيثم : يا زينة الله يرضى عليكي امسكي هالولد ، رضعيه يمكن يسكت
زينة ( بعصبية ) : ما بدي اياه ، مو ابني هاد ، ما في حليب اصلا
هيثم : لا حول و لا قوة الا بالله ، كيف بدها تيجي امي تشوفك بهالحالة ، رح تجننيني انتي
زينة : اعطيهم اياه ، هاد ابنهم همة مو ابني
حملت ابني و طلعت فيه بكل بكاؤه عالصيدلية القريبة من بيتي ، جبت حليب مناسب ، و قنينة ..
رجعت عالبيت و كان نايم من كتر ما بكي ، بسرعة بسرعة كنت معقم القنينة ، و غليت مي لتحضير الحليب ..
زينة كانت بحالة صعبة ، و عالاغلب اللي بفكر فيه رح يصيبها ..
نهى : السلام عليكم ، يا روحي ليه هيك حالتك ؟
ام ماهر : يمة شو صاير معك ؟ وين الولد و امه ؟
هيثم ( بحسرة ) : تفضلوا ، غلبتكم معي ، آدم نام بس اكيد رح يصحى لانه جوعان ، و زينة لا تسألوا عنها انسوها
ام ماهر : بنحممه بسرعة و بنعطيها اياه ترضعه
هيثم : جبتله حليب من الصيدلية ، يلا هي اغراضه تفضلوا
اختي نهى اكثر وحدة فهمت عليي ، و اكيد عرفت شو اللي صاب زينة ..
اعتنت بإبني كانه قطعة منها ، و حتى هو لما كان معها هدي و حس بالحنان و الطمأنينة ..
ام ماهر : اليوم الاكل من نسوان اخوتك ، قالتلي ليلى العصر بكون جاهز
هيثم : يسلم ايديهم ، ضل اكل من مبارح ، هيني بحاول اطعميها
نهى : يمكن عليه بداية صفار ، افحصه و اعرف كم نسبته
هيثم : باخده عالمستشفى اليوم ، بس بدي اجيب دكتور يشوف حالة زينة
ام ماهر : يا حبيب قلبي ، شو اللي جرالها مرتك ، كانت كويسة و ما احلاها ، امها بعدها زعلانة ؟
هيثم : كل البلاوي من تحت راسها ، الله كبير بس
نهى : طول بالك ، المهم الولد ، بس تروح مكان او انشغلت جيبلي آدم و انا بحطه بعيوني
هيثم : يخليلي اياكي ، و الله لولاكم شو كان رح يصير فينا ، لو شفتي مبارح كيف كانت حالتنا
ام ماهر : لا حول و لا قوة الا بالله ، كال و ابوك بده يجي ياذنله
هيثم : اليوم بجيبله اياه ، بشوف شو بصير معي
نهى : ان شاءالله ، هي ابو علاء وصل ، سلام
__________________________________
مها : يلا يا بنات بكفي نوم ، اذن الظهر
حنين : خلينا كمان شوي ، كل جسمي متكسر مو قادرة اقوم
مها : طيب يلا عشر دقايق و بصحيكم
ياسمين ( من تحت الغطا ) : هههههههه
حنين : صاحية ؟!
ياسمين : من اصواتكم ، خلص قومي يلا انفقست النومة ، بدي اعمل شوي كعك بطحين لاحمد ، خالتو مو عاملة لانها و سالني ازا بعرف اعمله
حنين : و انتي طبعا تبرعتي على طول ، مو عارف حضرته انه كله بطلع من ظهري
ياسمين ( رميتلها بوسة ) : لا لازم اتعلم اليوم منيح ، يلا هيني سابقتك
اي طاقة ايجابية اللي ملازمتني اليوم ..
كل هاد لانه احمد طلب مني اعمله كعك ، و لاني كنت معه مبارح ، و لا لانه الاوضاع بيناتنا كتير حلوة و رايقة ..
مها : شو بدك تعملي ؟
ياسمين : كعك بطحين ، عنا يانسون و شومر صح ؟
مها : ناقصني عجقة ، لما نكمل السميد اول ، الفستق الحلبي لسا ما عملناه
ياسمين : شوية لاحمد طلب مني
مها ( متفاجاة ) : احمد بده ؟ ما حكالي
ياسمين : حكالي انا ، اقتنعتي ولا احكي معه تسالي ؟
حنين : يلا خلصوني ما بدي اضل متل مبارح للمغرب و احنا بنشتغل
مها : يلا صلوا الظهر و بلشوا ماما
__________________________________
ديمة : صباحو
عدي : مساؤو ، الظهر اله ساعة ماذن حبيبتي
ديمة : اي انا هلا صحيت ، كيفك ؟
عدي : خطيبتي الكسولة ، مشتاقلك كتير ، شو رح نروح اليوم عالسوق ؟
ديمة : مو لنتفق متى الحفلة ؟
عدي : حكيت مع الصالة اليوم و رح اميل اشوفهم بس اخلص شغلي ، انتي اي يوم بناسبك اكتر ؟
ديمة : كمان شوي ببعتلك خبر عالاكيد ، المهم اني الاقي بدلة و توابعها
عدي : تمام ، بدي تكوني مبسوطة اي اشي نفسك فيه احكيلي دمدوم بدي تكوني اسعد حدا بهالعالم
ديمة ( بخجل ) : يخليلي اياك ، انا معك و بس بكون مبسوطة
عدي : اااخ شو بحبك انا ، مو مصدق انه انا و اياكي لبعض صرنا ، كل شوي بقرص حالي حتى اصدق
ديمة : هههههه زكرني بس نكتب الكتاب اقرصك ، شاطرة كتير فيه انا
عدي : هههه و انا رح اعضك كتير
__________________________________
منى : كيفك ؟ طمنيني كيف هيثم ؟ .. حسبنا الله .. يا حبيبي .. و لا اشي قاعدة بكمل تعزيل .. يلا منيح ان شاءالله خير .. سلمي عليها
آيات : شو الاخبار ؟
منى : جايبله حليب صناعي مو قابلة ترضعه و لا تحمله
احمد : يا حرام ، شو ذنبه هالطفل ؟
منى : الله يهديها ، شكلها مكتأبة من اللي عملته امها فيها و انصدمت
امجد : طيب شو رح يعمل اخوكي هسة ؟ البيبي مين بده يدير باله عليه ؟
منى : و الله منا عارفة ، هينا بنعمل اللي علينا ، نهى قالتله جيبه عندي باي وقت ، و التانية مو فاضية
آيات : اكيد الكل معجوق بالعيد
منى : لا جاية ام العريس و خواته يشوفوا سيرين اليوم
احمد / امجد ( بتطلعوا ببعض و بضحكوا ) : العب يا سمك ههههه
آيات : الله يجيبلها اللي فيه الخير ، كتير دعينالها
احمد : امين يا رب ، بتستاهل كل خير
__________________________________
الله يسامحك يا امجد ، شو بدي اعمل هلا انا بهالفلوس اللي اعطيتني اياهم ؟ ..
يا حبيبي لو بيان تعرف انه امجد مدخلني جاسوسة عليها ، و دافعلي رعبون كمان هههه ..
سيرين : كيفك يا حلوة ؟
بيان : اهلين سوسو ، الحمدلله ، شو عاملة ؟
سيرين : بالي عندك ، طمنيني شو صار مع اهلك لسا معندين ؟
بيان ( تنهدت ) : و الله ما بعرف ، لحد هلا الموضوع ما انفتح من مبارح ، يا رب يكونوا حسوا فيي و يخلوني انا اقرر
سيرين : ان شاءالله ، بالله اي اشي بصير معك خبريني فيه خلينا نشوف شو بنقدر نعمل ، احنا معك و جنبك بيان لا تخافي
بيان : تسلمولي يارب
افففت وينك يا ياسمين ، اتقاسم معك المبلغ مو مشكلة ..
المهم انه نلاقي وسيلة نقنع فيها دار خالك ، ما يجوزوا بنتهم ..
بدل ما انا حاطة هالخمسين دينار بجيبة بنطلوني ، و كل شوي اطولها و اتفقدها ، و ارجعها لمكانها ..
سيرين : الو امجد
امجد : هلا بالعميلة السرية ، ام السووس
سيرين ( كاتمة ضحكتها ) : اهلين فيك ، بس حبيت اطمنك انه الوضع متل ما هو لا زيادة و لا نقصان
امجد : شو اللي بطمن بالموضوع ما فهمته عفوا ؟
سيرين : كتير شاطر حضرتك ، فرجيني وجهك لو حكتلك انه اهلها اجبروها
امجد : لا يستر على عرضك ، الا هالخبر
سيرين : معناها اتطمن
امجد : الله يطمن بالك و يسعدك و يجوزك اللي بدك اياه يا قادر يا كريم
سيرين : تسلم تسلم ، يلا شريك عن ازنك بدي اكمل تعزيل
__________________________________
هيثم : يا زينة الله يرضى عليكي امسكي هالولد ، رضعيه يمكن يسكت
زينة ( بعصبية ) : ما بدي اياه ، مو ابني هاد ، ما في حليب اصلا
هيثم : لا حول و لا قوة الا بالله ، كيف بدها تيجي امي تشوفك بهالحالة ، رح تجننيني انتي
زينة : اعطيهم اياه ، هاد ابنهم همة مو ابني
حملت ابني و طلعت فيه بكل بكاؤه عالصيدلية القريبة من بيتي ، جبت حليب مناسب ، و قنينة ..
رجعت عالبيت و كان نايم من كتر ما بكي ، بسرعة بسرعة كنت معقم القنينة ، و غليت مي لتحضير الحليب ..
زينة كانت بحالة صعبة ، و عالاغلب اللي بفكر فيه رح يصيبها ..
نهى : السلام عليكم ، يا روحي ليه هيك حالتك ؟
ام ماهر : يمة شو صاير معك ؟ وين الولد و امه ؟
هيثم ( بحسرة ) : تفضلوا ، غلبتكم معي ، آدم نام بس اكيد رح يصحى لانه جوعان ، و زينة لا تسألوا عنها انسوها
ام ماهر : بنحممه بسرعة و بنعطيها اياه ترضعه
هيثم : جبتله حليب من الصيدلية ، يلا هي اغراضه تفضلوا
اختي نهى اكثر وحدة فهمت عليي ، و اكيد عرفت شو اللي صاب زينة ..
اعتنت بإبني كانه قطعة منها ، و حتى هو لما كان معها هدي و حس بالحنان و الطمأنينة ..
ام ماهر : اليوم الاكل من نسوان اخوتك ، قالتلي ليلى العصر بكون جاهز
هيثم : يسلم ايديهم ، ضل اكل من مبارح ، هيني بحاول اطعميها
نهى : يمكن عليه بداية صفار ، افحصه و اعرف كم نسبته
هيثم : باخده عالمستشفى اليوم ، بس بدي اجيب دكتور يشوف حالة زينة
ام ماهر : يا حبيب قلبي ، شو اللي جرالها مرتك ، كانت كويسة و ما احلاها ، امها بعدها زعلانة ؟
هيثم : كل البلاوي من تحت راسها ، الله كبير بس
نهى : طول بالك ، المهم الولد ، بس تروح مكان او انشغلت جيبلي آدم و انا بحطه بعيوني
هيثم : يخليلي اياكي ، و الله لولاكم شو كان رح يصير فينا ، لو شفتي مبارح كيف كانت حالتنا
ام ماهر : لا حول و لا قوة الا بالله ، كال و ابوك بده يجي ياذنله
هيثم : اليوم بجيبله اياه ، بشوف شو بصير معي
نهى : ان شاءالله ، هي ابو علاء وصل ، سلام
__________________________________
مها : يلا يا بنات بكفي نوم ، اذن الظهر
حنين : خلينا كمان شوي ، كل جسمي متكسر مو قادرة اقوم
مها : طيب يلا عشر دقايق و بصحيكم
ياسمين ( من تحت الغطا ) : هههههههه
حنين : صاحية ؟!
ياسمين : من اصواتكم ، خلص قومي يلا انفقست النومة ، بدي اعمل شوي كعك بطحين لاحمد ، خالتو مو عاملة لانها و سالني ازا بعرف اعمله
حنين : و انتي طبعا تبرعتي على طول ، مو عارف حضرته انه كله بطلع من ظهري
ياسمين ( رميتلها بوسة ) : لا لازم اتعلم اليوم منيح ، يلا هيني سابقتك
اي طاقة ايجابية اللي ملازمتني اليوم ..
كل هاد لانه احمد طلب مني اعمله كعك ، و لاني كنت معه مبارح ، و لا لانه الاوضاع بيناتنا كتير حلوة و رايقة ..
مها : شو بدك تعملي ؟
ياسمين : كعك بطحين ، عنا يانسون و شومر صح ؟
مها : ناقصني عجقة ، لما نكمل السميد اول ، الفستق الحلبي لسا ما عملناه
ياسمين : شوية لاحمد طلب مني
مها ( متفاجاة ) : احمد بده ؟ ما حكالي
ياسمين : حكالي انا ، اقتنعتي ولا احكي معه تسالي ؟
حنين : يلا خلصوني ما بدي اضل متل مبارح للمغرب و احنا بنشتغل
مها : يلا صلوا الظهر و بلشوا ماما
__________________________________
ديمة : صباحو
عدي : مساؤو ، الظهر اله ساعة ماذن حبيبتي
ديمة : اي انا هلا صحيت ، كيفك ؟
عدي : خطيبتي الكسولة ، مشتاقلك كتير ، شو رح نروح اليوم عالسوق ؟
ديمة : مو لنتفق متى الحفلة ؟
عدي : حكيت مع الصالة اليوم و رح اميل اشوفهم بس اخلص شغلي ، انتي اي يوم بناسبك اكتر ؟
ديمة : كمان شوي ببعتلك خبر عالاكيد ، المهم اني الاقي بدلة و توابعها
عدي : تمام ، بدي تكوني مبسوطة اي اشي نفسك فيه احكيلي دمدوم بدي تكوني اسعد حدا بهالعالم
ديمة ( بخجل ) : يخليلي اياك ، انا معك و بس بكون مبسوطة
عدي : اااخ شو بحبك انا ، مو مصدق انه انا و اياكي لبعض صرنا ، كل شوي بقرص حالي حتى اصدق
ديمة : هههههه زكرني بس نكتب الكتاب اقرصك ، شاطرة كتير فيه انا
عدي : هههه و انا رح اعضك كتير
__________________________________
منى : كيفك ؟ طمنيني كيف هيثم ؟ .. حسبنا الله .. يا حبيبي .. و لا اشي قاعدة بكمل تعزيل .. يلا منيح ان شاءالله خير .. سلمي عليها
آيات : شو الاخبار ؟
منى : جايبله حليب صناعي مو قابلة ترضعه و لا تحمله
احمد : يا حرام ، شو ذنبه هالطفل ؟
منى : الله يهديها ، شكلها مكتأبة من اللي عملته امها فيها و انصدمت
امجد : طيب شو رح يعمل اخوكي هسة ؟ البيبي مين بده يدير باله عليه ؟
منى : و الله منا عارفة ، هينا بنعمل اللي علينا ، نهى قالتله جيبه عندي باي وقت ، و التانية مو فاضية
آيات : اكيد الكل معجوق بالعيد
منى : لا جاية ام العريس و خواته يشوفوا سيرين اليوم
احمد / امجد ( بتطلعوا ببعض و بضحكوا ) : العب يا سمك ههههه
آيات : الله يجيبلها اللي فيه الخير ، كتير دعينالها
احمد : امين يا رب ، بتستاهل كل خير
__________________________________
الله يسامحك يا امجد ، شو بدي اعمل هلا انا بهالفلوس اللي اعطيتني اياهم ؟ ..
يا حبيبي لو بيان تعرف انه امجد مدخلني جاسوسة عليها ، و دافعلي رعبون كمان هههه ..
سيرين : كيفك يا حلوة ؟
بيان : اهلين سوسو ، الحمدلله ، شو عاملة ؟
سيرين : بالي عندك ، طمنيني شو صار مع اهلك لسا معندين ؟
بيان ( تنهدت ) : و الله ما بعرف ، لحد هلا الموضوع ما انفتح من مبارح ، يا رب يكونوا حسوا فيي و يخلوني انا اقرر
سيرين : ان شاءالله ، بالله اي اشي بصير معك خبريني فيه خلينا نشوف شو بنقدر نعمل ، احنا معك و جنبك بيان لا تخافي
بيان : تسلمولي يارب
افففت وينك يا ياسمين ، اتقاسم معك المبلغ مو مشكلة ..
المهم انه نلاقي وسيلة نقنع فيها دار خالك ، ما يجوزوا بنتهم ..
بدل ما انا حاطة هالخمسين دينار بجيبة بنطلوني ، و كل شوي اطولها و اتفقدها ، و ارجعها لمكانها ..
سيرين : الو امجد
امجد : هلا بالعميلة السرية ، ام السووس
سيرين ( كاتمة ضحكتها ) : اهلين فيك ، بس حبيت اطمنك انه الوضع متل ما هو لا زيادة و لا نقصان
امجد : شو اللي بطمن بالموضوع ما فهمته عفوا ؟
سيرين : كتير شاطر حضرتك ، فرجيني وجهك لو حكتلك انه اهلها اجبروها
امجد : لا يستر على عرضك ، الا هالخبر
سيرين : معناها اتطمن
امجد : الله يطمن بالك و يسعدك و يجوزك اللي بدك اياه يا قادر يا كريم
سيرين : تسلم تسلم ، يلا شريك عن ازنك بدي اكمل تعزيل
__________________________________
عمر ( بدهشة ) : انا ؟ لا لا مستحيل
ابو عدي : شو المستحيل ؟ ابن العم بنزل عن الفرس ، انت اولى الناس فيها
عمر : صلي عالنبي يابا ، و الله هالبنت ما بعتبرها الا اخت الي ، انت روق شوي ، و ما الك الا تطلع راضي ، اترك الموضوع عليي
ام عدي ( عيونها على ابو عدي ) : قلتلك ما رديت
عمر : اه صح هي امي اكتر وحدة بتعرف ، و الله بجيبلها حبة الشوكولا مثلها مثل غنى اختي ، لو عندي ادنى مشاعر تجاهها انا على طول بعترف ، بس صدقني انه ما في
ابو عدي ( بهز براسه و مستسلم لكلامه ) : ماشي ، لنشوف شو رح يطلع بايدك انا واثق انك مخبي اشي
عمر ( بحك بشعري و بعمل حالي عادي ) : اه ؟ لا شو بدي اكون مخبي يعني ، خلص انا بدي اروح اودي الاكل لعمي هيثم ، بلكي يصحلي اشوف آدم
ام عدي : الله يرضى عليك ، دير بالك
ما صدقت و اهرب من قدام ابوي ، انصدمت و ما عرفت شو احكي ، لما عرض عليي فكرة خطبة بيان ..
عليم الله امجد بعلق مشنقتي بدون رحمة ، و بفكرني بحبها من مية سنة و مخبي عليه ..
عمر : كيفك ؟
امجد : الحمدلله ، انت طالع ؟
عمر : رايح اودي الاكل لعمي هيثم ، بدي امرق اخدك بنتسلى مع بعض
امجد : تعال بستناك
اذا ضلينا متخبيين ورا الواقع الاليم ، ما حدا فينا بحقق حلمه ..
امجد لازم يواجه ، حتى يقدر يحصل عاللي بتمناه ..
امجد : هلا ابو عمير
عمر : هلا فيك ، منيح اللي اجيت
امجد : اه باجي ، و هي امي قلبها على اخوها ، حكتلي روح شوفه
عمر : في موضوع مهم بدي احكيلك اياه ، اسمعني للآخر
امجد : شو صار ؟
عمر : انت لازم تواجه عمي محمود بحبك لبيان ، خليه يحس انك زلمة و رايدها بالحلال ، و اطلب منه يصبر عليك لحد ما تتخرج بنته ، بتكون انت ان شاءالله خلصت ماستر و اكيد مامن شغل
امجد : اااخ قلبي مثل النار عليها ، يا ريت اقدر احكي اللي انت حكيته هسة
عمر : لازم تحكي ، كل ما تاخرت مو لصالحك الوضع ، عمي اكيد بحب يفرح ببنته الوحيدة ، و انا متاكد انه تفكيره مو مادي
امجد : قولتك بوافق عليي ؟
عمر : بده يلاقي احسن منك لبنته ؟ ، و الله ما اتوقع ، و التجربة ما رح تخسرك اشي ، انت حاولت مع اهلك و مو غلط تحاول مع اهلها ، خلي الكل يحس انك بتحب صح و ما بتلعب
امجد : خلص بحكيله ، لاني اذا شفتها تجوزت غيري بجوز ارتكب جريمة
عمر : من غير شر ، يلا هي وصلنا
__________________________________
زياد : مو حكيتي ما بدك تعملي كعك بطحين ؟
مها ( بهمس ) : ياسمين عملته لاحمد ، طلب منها
زياد ( فتح عيونه ) : يا سلام ، بشوفها صايرة مطيعة اكثر من امها ، انتحرت و انا احكيلك اعمليلي و ما قبلتي
مها ( مو عاجبها ) : هداك بده يسافر ، و بعدين بتدلل عليها خليه ، انت بعملك بعد العيد
زياد : لا شكرا ، بس خليني اسافر بلكي بتحني عليي
مها : استغفر الله العظيم
زياد : ههههه
ياسمين : امممم يا سلام ما احلى الريحة ، عالحظ و لا وحدة مفطرة اتدوق
حنين : بده يجي ياخدهم اليوم ؟
ياسمين : ما اتوقع ، للعيد يمكن باخدهم
حنين : لا احسن اليوم ، احسن ما ناكلهم احنا
رنين : اه و الله ، بابا بهجم عليهم ههههه
ياسمين : اوعوا تحكوا انه لاحمد
حنين : ولا وين راحوا ؟ اكلهم العو
رنين : ههههه
ياسمين : ناديلي ماما انبه عليها
حنين : يمكن صارت حاكية ، خصوصا انه بابا شم الريحة ههههه
ياسمين : ياااا ربي ، خليني ارن عليه يجي ، الو مرحبا
__________________________________
ياسمينتي ، ما بعرف شو اللي خلاني اطلب منها تعمل الكعك ..
بس كانت كتير مهتمة فيي مبارح ، و حاسسها عايشة بالاحلام الوردية ..
اكثر اشي موجع قلبي ، اني مخبي عليها موضوع سفرتي ..
لما شفت كيف حالتها متحسنة ، بوجودي جنبها ، بتزيد رهبتي بالمواجهة ، و بخاف عليها لابعد الحدود ..
احمد : مرحبتين ، كيفك ؟
ياسمين : الحمدلله ، هي خلصت الكعك ، بتحب تيجي تاخدهم هلا ولا بعد الفطور ؟
احمد : يا سلام ، شو هالسرعة ؟ لحالك عملتيهم
ياسمين : يعني اهم اشي المكونات انا حطيتهم ، و الباقي اكيد مساعدة خصوصا ماما لما عرفت انهم الك اهتمت كتير بانهم يكونوا كويسين
احمد : يسلموا ايديكي حبيبتي ، غلبتك فيهم
ياسمين ( بدلع ) : و لو بدنا خدمة تحرز احموودتي
احمد : رح اوصي امجد يجيبهم ، لانه طالع
ياسمين ( مكسوفة ) : ماشي ، يلا سلام
كنت خجلان اروح ، اكثر من هيك ما عندي مبرر ..
امجد : الو
احمد : بس تروح من عند هيثم ، ميل عند خالتي مها ، في اشي بدها تعطيك اياه ياسمين الي
امجد : اشي مثل شو يعني ؟
احمد : عيديتي هههه
امجد : نيالك ، ماشي خبرها طيب
احمد : بتعرف ، يلا سلام
اما منظرهم مجرد ما اتخيله ، وقعت من ضحكي عليهم ..
امجد و عمر رح يجيبوا الكعك و همة صايمين ، يعني رح يفقدوا عقلهم من عملتي فيهم ..
__________________________________
عمر : يا روحي انا ، ولك طار عقلي عالولد الصغير، النا زمان ما شفنا بيبيات
امجد : اه و الله ، من لما اجا امير
عمر : سبحان الله فعلا بشبه احمد ههههه
امجد : ههههه يقطع هبلك ، ولا اله دخل فيه بشبه هيثم
عمر : منا بتخوث ، انه جد هالمخلوقة شو اللي بتعمله بحالها و في زوجها ، معقول في نسوان هيك بفكروا ؟
امجد : اكيد في ، هيها زينة اكبر مثال قدامك ، امشي من طريق خالتي مها ، لا تنسى
عمر : لنشوف شو هالعيدية ، ما حدا قده اخوك العشقان
امجد : ااخ ، مسكين و الله بشفق عليهم
عمر : معك حق ، يلا انزل ، خذها من الباب و ارجع بسرعة
امجد : يلا اطلع
عمر : شو هاد ؟
امجد : كعك يا حبيبي
عمر ( مصدوم ) : يخرب بيت اليهود ، ماشي يا احمد
امجد : مقصودة ، انا بفرجيك يا احمد ، هسة بسحب عليه فيلم ابن كلب اخليه يفقد عقله
عمر : هيهيهيهي شو رح تعمل ؟
امجد : ئي شو نسيت اني بدي اروح اخطب حبيبتي ، يلا بوجهك على بيتكم ، رايح افطر عند ستي حبيبتي عزمتني و حلفت يمين الا انام بحضنها اليوم ، يا حبيبتي يا ستي
عمر : هههههههه ، معلم من يومك
امجد : استنى ارن على امي هيهيهي
__________________________________
ياسمين : هههههه احمد
حنين : يمة ما اقواه هههههع بستاهلوا
مها : لو شفتي منظره بس فتح الكيس وشاف العلبة فيها كعك
رنين : شطت ريالته يا حرام
ياسمين : هههههه اكيد احمد رح يطعميهم
مها : الله اعلم ، هاد احمد ما بنحزر عليه طلع
حنين : اه و الله بطلع منه ههههه انبسطت فش غلي من عمر و امجد صراحة
ياسمين : يؤبر ألبي
مها ( عيونها عالبنات بحزن على ياسمين ) : ...
حنين : ...
__________________________________
ابو علاء : شو عمل ابنك و مرته مبارح ؟
نهى : يييي و الله نسيتهم ، حتى ما حكيت مع سهى اتطمن
ابو علاء : ان شاءالله يكونوا مناح ، و ما بدنا اشي
سيرين : خلص لا توجعوا راسكم فيهم ، كل المتزوجين بتصير بينهم خلافات ، حرين يدبروا راسهم
نهى : قولتك و الله الهم راكبني لفوق راسي ، كيف بدي استقبل الجماعة هلا مو عارفة
ابو علاء : باينتهم بعرفوها لسيرين ، مستعجلين كثير
نهى ( صفنت في سيرين ) : من وين بدهم يعرفوها ؟
سيرين : ...
__________________________________
منى : اه ماما ، تاخرتوا
امجد : مهو ابنك وداني على دار حماه السابقين ، و بعدين عمر حلف عليي يمين عظيم الا اروح افطر معهم ، و منه بندوق العيدية اللي بعتتله اياها خطيبته السابقة
منى : يحرم عليي فهمت اشي
امجد : هههههه اسمعي انا رايح افطر عند دار سيدي ، باجيكم بعد التراويح
منى : طيب ، سلم عليهم
احمد : مفكر حاله شاطر ، هسة بفرجيكي فيه
آيات / انس : ههههههه يا بتلحق يا ما بتلحق
احمد : رح الحق طبعا ، اما جوز فاضيين اشغال الله باليني فيهم
منى : هههههه حسبوها صح ، حكولك ودانا نجيب الكعكات و احنا صايمين
احمد : مهمة على اسمي انعملوا ، ما ابيخ وجوههم
آيات : طول بالك ، اكيد ما رح يخلصوهم كلهم
احمد : البنت و اهلها غلبوا حالهم عشاني ئي
منى : ههههه صحتين ، ياا رب العيد الجاي تكون انت و اياها و تعمل الك و توزعولنا
احمد : امين يمة ، بالله اتضلي تدعيلي ، قلبي تعب من هالفراق
__________________________________
ام ماهر : اهلا و سهلا ، خير ياستي مالك زعلان ؟
امجد ( متظاهر بالزعل ) : اااخ يا ستي ، خليها بالقلب تجرح و لا تطلع لبرا و تفضح
ابو ماهر : يا ستير ، خير ؟
امجد ( تنهد ) : امي قال زهقتها حكتلي روح من وجهي ( بتباكي ) و انا ما الي غيرك يا ستي اهئ اهئ
ام ماهر ( صدقت ) : يا حبيب ستك ، يكطع قلب اليهود يا منى كيف بتعملي هيك بابنك ؟
ابو ماهر : و انتي صدقتي على طول هال... شوفي هداك صاحبه كيف بضحك عليه
عمر : ههههههه انكشفنا ، طلعت فاشل بالتمثيل
امجد : انا و لا انت ؟ لا جد يا ستي انا اشتقتلك بدي اتطعميني بايديكي اليوم
عدي : بسم الله ، شو جابك انت ؟
عمر : هيهيهيهي
امجد : انت شو دخلك ؟ انا جاي عند الناس الرايقة اللي بتضحك على طول
عدي : بالله ، شو هاي العلبة ؟
عمر / امجد ( بنفس اللحظة ) : اوووعى تقرررب ، دونت تاتش
عدي ( مصدوم ) : كنز علاء الدين مثلا ؟
عمر : لا كنز ياسمين مثلا
امجد : و لا يقدر بثمن
احمد : خصوصا انه الي
عمر / امجد ( مو متوقعين ) : بسم الله ، دستوور
احمد : منكم يا مفاجيع ، يا سراقين يا حرامية
ابو ماهر : اوف اوف شو مسويين هالهمل ؟
احمد : سرقولي الكنز يا سيدي ، بدهم يستولوا عليه لحالهم ، بس على مين ؟
عدي : على احمد ، و ما ادراك ما احمد ههههه
احمد : يا عيني عليك ، منور يا عريس هات بوسة يسعد هالخلقة ما احلاها
عدي : حبيبي
عمر : اللي ما اله حظ لا يتعب و لا يشقى ، الحمدلله دائما وابدا
امجد : الله يسامحك يمة ، حرام تخبي اشي عليك يعني ، دايما متفقين عالبطل
احمد : حسابكم بعدين ، خليتوني اطلع و اجيب اكلنا معنا لانه جايين وقت الفطور فجاة ، يلا روحوا جيبوهم من السيارة
عمر : حبيبتي عمتي ، كم طنجرة جايب ههههه ؟
احمد : روح جيب و اعرف لحالك
عمر : من عيوني، بس كان جبت ايات و انس معك ، عشان تخلوا الجو لاهلك
امجد : الف مرة حكتلك ما تجيب سيرة اهلي
عمر : ههههه كذاب مغرور
__________________________________
علاء : بكفيكي زعل صح ؟ كانه من لما صحينا و انا براضي فيكي ، خفي علينا
ريم ( بثقة ) : ما بدي اخف ، خلص لا تراضي و لا عبالك ، انا ما بحب هالاسلوب اصلا ، حدا يضل يغلط فيي و يرجع يصالح و حالته حالة
علاء : يعني شو افهم من هالحكي ؟ نضل نراكم زعل بقلوبنا لمتى ؟ حكتلك ما كنت بوعيي ، فاقد صوابي ، منجن عالاخر انتي ليه ما بتفهميني ؟
ريم ( بمسخرة ) : لاني ما بفهم ، عقلي مادي يمكن
علاء : استغفر الله العظيم
ريم : احسن اشي ، عن ازنك بدي اجهز السفرة هلا بادن
علاء : كثير الي نفس اكل لانه
ريم ( بجكر ) : تصطفل ، انا حامل و لازمني تغذية
علاء : اه انا لستين داهية طبعا ، لاني غلطت غلطة عمري مبارح ، و ارتكبت جريمة بحق الانسانية
ريم ( مطنشة ) : ...
علاء : خدي راحتك ، سلام
ما ضل الي نفس لاشي ، تركتلها البيت و طلعت ..
و لوين بدي اروح ، ما بعرف ..
ما استفدت من روحتي لعند هيثم مبارح ، الا هالمشكلة مع ريم ..
علاء : هاي سيارة امجد هون ، معقول جاي لحاله ؟ .. السلام عليكم
ام ماهر : و عليكم السلام ، فوتوا يا ستي اهلا و سهلا
علاء : لحالي جاي
ابو ماهر : مالك يا سيدي ، وين مرتك ؟
علاء : ... شو مين في هون ؟
ام ماهر : احمد و امجد ، بس راحوا عالمسجد اقعد ياستي بلاش تطلع هلكيت
ابو ماهر : الله يهدي بالكم يا سيدي ، هيك الحياة بدها مسايرة ، الزعل و الحرد ما بعمل نتيجة
علاء : الله بعين يا سيدي
ام ماهر : بعدها زعلانة عاللي صار مبارح ؟ عهوى قصة بيان
علاء : اه و الله ، زعلانة و مو قابلة ترضى
ام ماهر : ميلة تميلها ، شو دخلكم فيهم انتوا ؟ ، فخار اللي يكسر بعضه
ابو ماهر : مال هالبنات كل وحدة بتعمل فصل شكل
ام ماهر : مش عارفات كيمة هالشباب اللي مثل الورد بين ايديهن ، خليهن بكرا بعضن اصابعهن ندم
علاء : ههههه و الله صحيح ، شو بدنا نعمل الحمدلله
__________________________________
ام حمزة : يلا خلينا نكون سريعين بعد الفطور ، و نطلع لانه بيتهم بعيد
رانيا : ماشاءالله ساكنين ب... ، ابصر شو بشتغل ابوها ؟
حسين : شو ما كان ، المهم البنت تكون ادمية
رانيا : قلبي كتير مرتاح ، بيتله استخارة عالفجر اليوم
ام حمزة : الله يسر اموره ، و يفرح قلبه
__________________________________
ديمة : خلص لا تبكي هي اجينا
قصي ( بغضب ) : بفرجيكي فيه ، كيف هيك بعمل فيكي ؟
ريم ( بتبكي ) : بدون ما يسال ، طلع و تركني لحالي
ديمة : طيب فهميني شو صار ؟ تفاهمتوا ؟
ريم : ما بدي اتفاهم معه ، مو بسهولة رح اسامحه
ديمة ( مصدومة ) : ليه هيك ؟ شو دخلك انتي و اياه لحتى تخسروا بعض كم يوم بسبب موضوع انتوا ما دخلكم فيه اصلا
قصي : معقول ريم هيك بتفكري ؟ الله يهديكي صدمتيني
ريم : خلص انتوا كمان ، جايين توقفوا معي او معه ؟
ديمة : اهدي طيب ، ماما قالت بالحمل ما بصير تعصبي كله باثر
ريم : يا ريتني مو حامل ، خسارة فيه
قصي : استغفري ربك طيب ، خلص يلا هي اذن ، قوموا ناكل اندبحنا من الجوع
__________________________________
احمد : شوفوا مين هون ههههه
عدي : شو جابهم ؟
عمر : هي الكل مجتمع ، ( بهمس لامجد ) هي عمي لزق فيه ، و استغل اي فرصة و احكي معه
امجد ( بهز براسه ) : يلا الله يسهل ، بسم الله
عمر : ههههه
علاء : لا تسال
احمد : طيب ، بس وجهك لا يطمئن
علاء : لا تطلع عليه
احمد : يسلم ايديكم ، اسفين ازعجناكم اليوم
ام عدي : لا ولو ، و انتو جايبين اكل يا عيب الشوم
ام بيان : منى و بتعرفيها ، ما بتحب اتقل على حدا
ام ماهر : الله يرضى عليها و يفرحها باولادها
ابو عدي : كيف هيثم ؟ شفتوا الولد
عمر : اه حكالي رح يجيبه اليوم عنا ، و يودي مرته عند اهلها
ابو ماهر : قلبي بده يطير ليشوف هالولد
امجد : اما شو يا سيدي ، هيثم النسخة المصغرة
ام بيان : انت شفته ؟
امجد : اه رحت مع عمر ، ما بمشى خطوة بدوني
ابو بيان : احلى صحاب ، عقبال ما تشتغلوا بس
امجد ( متحمس ) : ان شاءالله رح اسجل ماستر بعد العيد ، و بقدم على شغل بالجامعة
بيان : عنا ؟
امجد ( بغمزها ) : بدك اسجل عندك ؟ بتوصى فيكي ها
بيان ( انحرجت ) : لا شو دخلني انا بالعمارة و انت ميكانيك
ابو بيان ( عيونوا بلمعوا ) : كلها كلية وحدة بابا شو مالك ؟
احمد : على مهلك ، عاساس انقبلت و لقيت شغل كمان ههههه
عمر : احنا بنتفائل بس
عدي : صحيح ، مو غلط يلا ان شاءالله بتتوفقوا
بيان : و انت عمر شو رح تعمل ؟
عمر : هيني بشتغل بالناس لحد ما الله يفرجها
غنى : هههههه ابدعت
__________________________________
نهى : يلا بسرعة ، البسي و اتركي انا بضب
سيرين : ماشي بخلص بسرعة و باجي
ابو علاء : يسلم ايديكي ، ربي يديمها من نعمة
نهى : صحتين و عوافي ، اكيد اللي رح يوصلهم رح يضل حوالين المكان
ابو علاء : اه اساليهم ، بنروح عالتراويح انا و اياه
نهى : بس مو العريس ، لانه ممرض و عنده دوام
__________________________________
ام حمزة : وين بدك تروح ؟
ابو حمزة : هيني بالمسجد ، احسن اشي
رانيا : يعني لبعد التراويح رح نضل ؟
رزان : شو مالك رح يادن هلا العشا ، يا دوب ساعة التراويح مهي ، يلا رني عليهم تاكدي من البيت
رانيا : ماشاءالله البيوت ما احلاهم
ام حمزة : يلا دقي .. السلام عليكم
نهى : و عليكم السلام ، يا اهلا وسهلا
رانيا : مسا الخير خالتو
نهى ( ايديها بايد رانيا و عيونها بتتأملها ) : م مسا الخير ، تفضلوا
ام حمزة : اسفين عالازعاج ، كيف حالكم ؟
نهى ( عيونها على رانيا ) : لا و لو ، الحمدلله ، ما تعرفنا عالصبايا ؟
ام حمزة : بناتي ، الكبيرة رانيا و هاي الصغير رزان اخر العنقود هههه
نهى : ماشاءالله عليهم ، العريس اكبر واحد ؟
رانيا : اه اكبر مني بتلات سنوات ، و في واحد تاني اكبر من رزان بسنتين
نهى : الله يخليكم ، انتي يعني ٢٨ سنة
ام حمزة : اه
رزان : و انا ٢٤
نهى : العمر كله ، عندك اولاد ؟
رانيا ( بخجل ) : مو متزوجة
نهى ( ضحكت عيونها ) : بالله ؟ عاد سبحان الله ما احلاكي ، ان شاءالله ربنا ببعتلك اللي بيستاهلك
ام حمزة : لسا ما اجا نصيبهم ، الحمدلله
نهى : ...
رانيا : شو وين سيرين ؟
نهى : اه يلا هلا بناديها
الحلقة السادسة و العشرون :
سيرين : كيف منظري ؟
نهى ( شاردة الفكر ) : منيحة ، يلا لا اتطولي ما في وقت اصلا
سيرين : شو مالك ؟ حكوا اشي دايقك ؟ ازا ما ارتحتيلهم احكيلي
نهى : لا لا مناح ، يلا سابقتك
اخدت نفس ، و دخلت على غرفة الضيوف اللي قاعدين فيها ..
سيرين : مسا الخير
عيونهم تعلقت عليي ، و ردوا بصوت واحد : مسا النور
استقبلوني بابتسامة ، و انا بادلتهم نفس الابتسامة ..
ام حمزة : منورة يا سيرين ، كم عمرك حبيبتي ؟
سيرين : ٢٢
رانيا : درستي جامعة ؟
سيرين : اه الحمدلله ، الفصل هاد خلصت رياضيات
رزان : حلو ، معلمة رياضيات يعني ؟
نهى : اه ان شاءالله بس تاخد شهاداتها بتقدم
ام حمزة ( بنظرة تأملية و حاطة ايدها على فكها ) : انتي كم طولك بدون كعب ؟
نهى : يعني اقل من ١٦٠ بشوي
رانيا : ههههه ماما ، قصدها انه العريس طويل اسم الله بتبين جنبه قصيرة
نهى : لا عادي هي ابني نفس الاشي طويل و مرته اطول من سيرين بشوي
رزان : ههههههه
كان الحكي مو عاجبني ، بس مع هيك ضليت قاعدة ..
اكيد رح اضل بعد ما شفت اخته عيونها خضر و شقرا ، و اخته التانية بيضا و عيونها اسود ..
سميت بالله ، و تفائلت يطلع العريس حلو متل ما بحلم ..
سيرين ( بسبل بعيوني ) : كيف استعدادكم للعيد ؟
رزان : حلو ، مع انه رح نضل قاعدين بالبيت
سيرين : ههه متلنا
نهى : شو اسمه العريس ؟
رانيا : حمزة
نهى : عاشت الاسامي ، وين رح يسكن ؟
ام حمزة : اشترى شقة الحمدلله
رزان : بس بال...
نهى : اه حلوة ، الله يهينه ، يشوف على وجهها الخير
رانيا : تسلمي يارب ، يا الله خالتو شو وجهك مألوف ، و كلامك لطيف
ام حمزة : حاسة كاني شايفها من زمان ، كنتي تشتغلي ؟
نهى : اه و الله انا ممرضة ، بس من تمن سنوات قعدت
رزان : يا عيني انتي كمان ممرضة ، ليه ما درستي متل امك سيرين ؟
سيرين ( ما عرفت شو بدي ارد ) : ...
نهى : و الله درست الي طلعلها ، ابوها من النوع اللي ما بحب يضغط على اولاده
ام حمزة : اه و الله الواحد يدرس رغبته ، اهم اشي انهم بدرسوا و يكونوا مثقفين و فهمانين
نهى : اكيد العلم سلاح سواء للشب او البنت
رانيا : شو بشتغل عمو ابو علاء ؟
سيرين : دكتور في جامعة ... كلية التربية
ام حمزة و بناتها : ماشاءالله ، الله يخليلكم اياه
نهى : تسلموا
__________________________________
بعد ما افطرنا و قبل ما نروح على صلاة التراويح ..
امجد : خالي
ابو بيان : نعم ؟
امجد : حابب احكي بموضوع خاص ، في مجال نقعد شوي على انفراد
ابو بيان ( مستغرب ) : اكيد ، طمني خالي صاير معك اشي ؟ بدك اشي ؟
امجد : لا لا اتطمن انا بس بدي اصارحك بشغلة ، و بدي رايك بصراحة و خليك متطمن من ناحيتي لاني رح اكون متل ما بتؤمرني و اكثر
ابو بيان : ما يؤمر عليك ظالم ، انت مثل ابني و الله ، و كلكم اولادنا ، احكي
امجد : بصراحة يا خال انا من مبارح ما دقت الراحة ، و عقلي مشغول بالموضوع اللي انتشر على لسانات كل العيلة
ابو بيان : اي موضوع ؟
امجد : انه في واحد متقدم يخطب المحروسة بنتك ، و انتوا موافقين
ابو بيان ( بانت علامات الفرحة على وجهه ) : ااااه ؟؟
امجد ( بخجل ) : انا .. احم .. انا بدي اطلبها منك على سنة الله و رسوله ، بس ..
ابو بيان ( مبسوط بس بحاول ما يظهر ) : بس شو ؟
امجد : يعني بتعرف الوضع ، و اني لسا ما كونت حالي ولا امنت مستقبلي الا بهالشهادة اللي اخذتها السنة ، بس بوعدك احاول قد ما اقدر
ابو بيان : حكيت لاهلك ؟
امجد ( بثقة ) : صراحة اه ، بس ما بعرفوا اني رح احكيلك
ابو بيان ( ضرب على كتف امجد ) : انت كبرت بعيني كثير يا امجد ، اذا بيان وافقت عليك ما رح تكون الا الك باذن الله
امجد ( بلهفة ) : حبيبي يا خال و الله فضلت على راسي ، بستنى ردك باقرب وقت
ابو بيان : و لا يهمك هههه
ردة فعله كانت مثل ما توقعها عمر ، يا الله معروفه معي ما بنساله اياه ..
اعطاني الفكرة و شجعني عليها ، و كانت بمحلها ..
و انا ابدعت بترتيب كلامي ، يا سلام عليك يا امجد ..
المجد لك ، و العلياء ، لا البيان من وين اجت علياء ..
خليني ارن على سيرين اطمنها ، مالها ما بترد ؟ ..
خلص ببعتلها عالواتس ، و بتشوف لما تخلص جلي مسكينة هههه ..
احمد : بتحكي مع حالك وله ؟
امجد : لا مع التلفون ، يلا طالعين عالصلاة ؟
علاء : انا مروح على بيتي على طول بعد الصلاة
احمد : خليك بنشوف هيثم ، يمكن يجي هسة
علاء : لا تركت ريم لحالها ، لازم اروح
امجد : الله يعينها عليك يا زلمة
احمد : هششش وله
علاء : …
__________________________________
ابو علاء : مالك يا حج ، كانك بتستنى حدا ؟
ابو حمزة : و الله العيلة جايين ضيوف عند جماعة بهالشارع ، و النية بعد الصلاة يطلعوا ، تاخروا عليي ابصر مالهم ؟
ابو علاء : ههههه النسوان كلهم هيك ، تفضل خلينا نكسبك
ابو حمزة : تسلم ، لا الا ما يطلعوا هسة ، هاد البيت اللي فاتوا عليه
ابو علاء ( تفاجأ ) : انت ابو العريس يعني ؟
ابو حمزة : و كيف عرفتني ؟
ابو علاء : هههه هاد بيتي تفضل اهلا و سهلا
نهى : ابو علاء ، رجعت ؟
ابو علاء : اه سكروا الباب ، معي الرجال اللي جاي مع الجماعة اللي عندك
نهى : اهلا و سهلا ، يلا تفضل
ام حمزة : صارت مخلصة الصلاة ؟
نهى : اه هي ابو علاء لقى زوجك و اجا معه
رانيا : نسينا بابا يا حرام هههه بكون بستنى فينا
سيرين : خليني احطله ضيافة ، عن ازنكم
رزان : كلك زوء يا عسل
رانيا : اه و الله عسل الله يحميها ، كتير حبيناكم يا خالتو
نهى : حبيبتي و احنا كمان ، الله يجيب اللي فيه الخير
ام حمزة : بدك الصراحة يا ام علاء
نهى : تفضلي
ام حمزة : ابني شافها و الا بده اياها ، و ضل وراها لجاب رقمها ، بس من وين جابه ما بعرف
نهى ( مستغربة و مبسوطة ) : سبحان الله ، ياستي ان شاءالله بيجي بعد العيد و بشوفها و بقعدوا و بتفاهموا ، و احنا ما علينا الا ندعيلهم
رانيا : اه و الله كلامك درر ، الدنيا قسمة و نصيب ما حدا بعرف نصيبه وين
نهى ( عيونها على رانيا بحسرة ) : يا حبيبتي
ام حمزة : ازعجناكم و اخدنا من وقتك بهالايام
نهى ( بغصة و مترددة تحكي او لا ) : و الله انا ما عندي اشي ، لولا اخوي ان شاءالله يارب عقبال اولادك اجاه ولد اول مبارح ، و التهينا فيه و مرته تعبانة شوي
ام حمزة : يا ستي الف مبروك و الحمدلله عسلامتها
سيرين : عمو مستعجل ، بقلكم استعدوا
ام حمزة : يلا ، كل عام و انتوا بخير
رانيا : فرصة سعيدة ، ان شاءالله بناخد موعد احنا و العريس على فضاوتكم
نهى : بردلكم خبر بعد العيد على طول
ابو علاء : مالك ؟
نهى : الحقني عالغرفة
ابو علاء : خير ؟ ليه بترجفي ؟
نهى ( قعدت على طرف التخت بتثاقل و شبكت ايديها ) : شفت البنت اللي كانت ماشية جنب امها ؟
ابو علاء : لا ما انتبهت كثير ، مالها طيب ؟
نهى : بدي احكيلك القصة لانه قلبي مو متحمل لحاله يحمل
ابو علاء : احكي لنشوف ، نشفتي ريقي
__________________________________
ياسمين : زاكي الكعك ؟
احمد : بششششهي ، طلعتي معدلة يا بنت
ياسمين ( بخجل ) : عشان تعرف ياسمينة روحك مو قليلة
احمد : انتي دقتيه ؟
ياسمين : اه بعد الادان على طول اكلت ، بدي اتطمن
احمد : اممم صايمة يعني ؟
ياسمين : نعم ؟ شو رايك ؟
احمد : عادي احتمال تكوني مفطرة مثلا
ياسمين : لا اتطمن صايمة ، شكلي حامل ههههه
احمد ( بغضب ) : ولي
ياسمين : ههههه بمزح مالك
احمد : ما بحب هالمزح انا ، لو حدا سمعك بصدق
ياسمين : طيب ، المهم بدي احدد موعد الفحص ، بس حابة تكون معي شو رايك ؟
احمد : اه انا اللي بكون ، حددي اي وقت عادي باجي
ياسمين : و شغلك ؟ كيف رح تطلع
احمد : انتي ما تهكلي هم ، ديبك انا
ياسمين : يا روحي ، كنت حابة انك تيجي اليوم و اشوفك ، بس ما الي نصيب
احمد : جهزي حالك للعيد ، محضرلك عيدية بتجنن
ياسمين : يا سلام ، مفاجأة يعني ؟
احمد : هيك اشي
__________________________________
ابو علاء : لا لا ما بصدق ، لهالدرجة الصدف قوية تجمعه فيها
نهى : شو رح تعمل بس تعرف انه اخوي ؟ من لما عرفتها و انا افكر بس بهيثم و ردة فعله لما يرجع يلتقي فيها من جديد ، في حال صار نصيب لسيرين
ابو علاء : خصوصا انه قاعد بدور عليها ، على حسب ما حكالك
نهى : بس هلا انشغل بزينة و اللي عملته بحالها
ابو علاء : يعني صايبها اكتئاب بعد الولادة
نهى : الله يسترها ، لو شفت ابنها بقطع القلب ، امي ما نشفت دمعتها
ابو علاء : قلبي تقطع عليهم ، و الله هيثم بعتبره مثل علاء
نهى : هالبنت ما احسنها ، شو كان صار لو كانت بدل زينة ؟ يا الله حظه
ابو علاء : ما بتعرفي ربك شو كاتب
نهى : اللي كاتبه الله بصير ، خليني اشوف سيرين ، شكلها عجبتهم و حكولي انه .. انه
ابو علاء : انه شو ؟
نهى ( متلبكة مع ضحكة تخفي توترها ) : ههه انهم حبونا كتير
ابو علاء : ان شاء بطلع ابن حلال و بنتطمن على هالبنت
__________________________________
ديمة : حلو هاد اللون عدي ؟
عدي : عليكي كل اشي بجنن ، المهم انتي تكوني مرتاحة بالموديل
سهى : هههههه لا رح نخلص اليوم
عدي : انا حابب تلبس اشي مميز ، يعني ما تكرري اللي لبسوه بنات العيلة من قبل
ديمة : اممم معك حق ، خليني اتزكر كيف كانت بدلاتهم
سهى : شوفي هاي ؟
عدي : لونها خرااافي ، جربيها حبيبتي
ديمة ( زورته و عضت على شفايفها ) : يلا يلا
سهى ( كاتمة ضحكتها ) : يا حبيبي يا عمتو سامحني لاني ظلمتك من قبل ، و الله كل يوم بدعي ربنا يسامحني لاني كسرت بخاطرك انت و اياها
عدي ( شدها بايده من كتفها و ضمها ) : شو هالحكي هاد ؟ انسي الماضي احنا اولاد اليوم و الله كاتب قدر و لازم يصير ، و هي الحمدلله كل اشي متل ما تمنينا و احلى
سهى : الله يرضى عليك ، و يخليكم لبعض
__________________________________
كل شوي اتطلع عالباب ، و اتخيل علاء رجع لعندي ..
بعد ما طلع ، و حكيت مع اهلي ، عاساس انه هو الغلطان ..
اجو عندي بعد الفطور ماما و بابا ، و عرفوني غلطي ..
و بنفس الوقت مو منكرين غلط علاء ، بس فرصتي بانه يكون معي الحق ضيعتها من ايدي ..
كان لازم اشغل عقلي خلال النقاش ، خصوصا انه كان على مستوى افراد كبيرة ..
يعني كلمتي محسوبة ، و بتعطي نظرة عني و عن تفكيري ..
علاء : السلام عليكم
ريم ( بلهفة ) : و عليكم السلام ، وين كنت قلقتني عليك كتير
ردة فعلي فاجأته ، لانه ما توقع اكون الا زعلانة ..
علاء ( بحب ) : سامحيني ، طلعت حتى ما اعصب اكثر و اغلط
ريم ( ببكي ) : و انت كمان سامحني
علاء ( مسح دموعي و ضمني ) : لا تبكي ، خلص اللي صار صار ، طمنيني كيفك ؟ افطرتي منيح
ريم ( بهز براسي ) : غصبن عني طعمتني ديمة ، ما كنت قادرة اكل
علاء : حكيتي لاهلك يعني ؟
ريم : حكيت مع قصي و ديمة يجوا يفطروا عندي ، كنت خايفة
علاء : تمام ، يلا تعالي ارتاحي خلص انا معك حبيبتي
__________________________________
ياسمين : بدي ارن على سيرين اتطمن
حنين : عشان العريس
ياسمين : يس يس ، الو
سيرين : هلا ، كيفك ؟
ياسمين : الحمدلله ، انتي شو صار معك اجوا الجماعة ؟
سيرين : ولك اااخ شكله رح يكون حلو متل هداك الشب اللي شفته
ياسمين : شو عرفك ههههه
سيرين : اخته عيونها متل عيونه ، و شقرا كمان ، و اخته التانية كمان بيضا و حلوة
ياسمين : و انتي هبلة و بشعة هههه
سيرين : ههههه تضربي ، المهم احزري شو صار معي مبارح ؟
ياسمين : شو صار كمان ؟
حكتلي سيرين كل اللي صار بينها و بين امجد ..
ياسمين ( بدهشة ) : يمة عالنصب يمة ، و من مبارح كانّة على خمسين دينار لحالك و ما بتخبري
سيرين : هههههههه هاد اللي هامك انتي
ياسمين : المهم عملتيله حجاب بهالمبلغ ؟
سيرين : حجاب شو ولك هههه ، اسكتي راح طلبها من ابوها اليوم
ياسمين : امااانة ؟! و وافق خالو ؟
سيرين : حكاله ازا وافقت بيان ما رح تكون الا الك
ياسمين : يا حبيبي ، و الله و لعب معك الزهر يا امجد
سيرين : شفتي شفتي
ياسمين : انا اليوم عملت كعك بطحين لاحموودتي
سيرين : يا عيني ، يعطيكي العافية
ياسمين : و اجا امجد اخده هو وعمر كانوا عند خالو هيثم ، انهبل امجد بس شاف انه كعك ههههه
سيرين : ههههه يا حرام عشنهم صايمين رح يتشهونوا
ياسمين : المهم راح عند دار سيدي مع عمر عاساس ياخدوا الكعكات ، بس احمد لحقهم
سيرين : ههههه شرطة و حرامية
ياسمين : بالزبط هههه و اجا علاء كمان بس بدون ريم ، كانه بعدهم متزاعلين
سيرين : احلفي ؟ يييي و الله بابا طول اليوم بفكر فيهم كتير زعلان
ياسمين : طمنيني ازا عرفتي اخبار
__________________________________
منى : احكيلي اجا هيثم ؟
احمد : للاسف ما قدر ، زينة حالتها صعبة ، و ما قدر يتركها ، و الولد حطه عند امها لحد ما ترتاح شوي ، مو قادرة تتقبله او تسمع صوته
منى ( بتضرب بكفوف ايديها ) : يا ربي دخيلك ، ارحم هالولد و ارعاه ، الله احسن من الكل
احمد : اه و الله و علاء كمان كان كثير متدايق
منى : يييي شو مالهم الله يهديهم ، التانية تكبر عقلها مو مستاهلة
آيات : ليه ما هو يحترمها قدام اهلها و قرايبهم ، عيب عليه
امجد ( اجا من مكان ثاني و فاجاهم ): موضوع تافه ، ما كان في داعي ينفتح اصلا
منى : انت بتعرف ؟
امجد ( بثقة ) : اكيد بعرف ، ليه في اشي بيتخبى ، المهم انسوا القصة ما في اشي رح يصير
احمد : شو هالثقة ؟
امجد : طلبت ايدها من خالي اليوم وانبسط كثير ، كبرت بعينه
منى ( عيونها على احمد و آيات ) : بتحكي جد انت ؟
امجد : يا حبيبتي اكيد فرحتي لابنك انه كبر و رح تفرحي فيه و تشوفيه مع عروس مثل بيان
احمد : هيهيهي لا ما فرحت
امجد : انا ما حكيت بكرا العرس ، بس عملت اللي ما قدرتوا انتوا تعملوه ، يعني باختصار حجزتها
منى : يا رب تصبرني ، الله يعينك يا يحيى على هالخلفة اللي عندك
امجد : مالك عصبتي ؟ دوقي كعكات بنت اختك بتروقي
منى : الله يسلم ايديها ، اه و الله بشهوا
آيات : هههههه
امجد ( متجاكر من امه و آيات ) : ... سوسة ولي ، ليه بتضحكي ؟
آيات ( بترفع حواجبها بجكر ) : سلامتك يا عريس هههههه
__________________________________
ابو بيان : مو قلتلك انه امجد بده اياها
ام بيان : يا الله ، و اخيرا رح اشوفها مع حدا رايدها
ابو بيان : الحمدلله ، المهم هسة نسالها و نشوف شو ردة فعلها ، حتى اعطيه جواب
ام بيان : انا بسالها احسن ، حتى ما تنحرج معك
بيان : نعم ماما ؟
ام بيان : ماما حبيبتي انا عارفة انك ماخدة على خاطرك شوي مني ، بس بوعدك كل اشي يكون متل ما بدك بتعرفي ما النا غيرك بهالدنيا
بيان : ماما شو هالحكي ، انتوا اهلي و بتعرفوا مصلحتي احسن مني
ام بيان : يا روحي ، صار اشي اليوم ما كنت متوقعته ، امجد ابن عمتك طلب ايدك من ابوكي
بيان ( مصدومة مع ابتسامة ) : امجد ؟
ام بيان : انبسطتي ؟
بيان ( خجلت ) : لا عادي بس انصدمت منه
ام بيان : ابوكي بده جوابك ، هو بكير عالموضوع بس حابب يحجزك يعني ، و مبين عليه رايدك
بيان : و انتي شو رح تحكي لدار خالي ؟
ام بيان : اساسا هلا ما رح يصير اشي رسمي بينك و بين امجد الا لما تتخرجي على خير ، ف بنحكيلهم انه ما بدي اغربك و لسا بدي تكملي دراستك
بيان : الله يخليلي اياكي يا ماما ، انا موافقة على امجد ازا انتوا موافقين
ام بيان : بهالسرعة ؟ طيب فكري
بيان ( صحيت على حالها شو حكت ) : قصدي رح استخير و افكر كتير ان شاءالله
__________________________________
نهى : اتطلعي عليي ، انتي بتعرفيه للشب اللي اجوا اهله ؟
سيرين ( بدهشة ) : انا ؟ من وين بدي اعرفه يا حسرة
نهى : ولا من وين جاب رقمك ؟ اشمعنى هالعريس بالزات رقمك انتي مو انا اللي حكوا علي
سيرين ( بلعت ريقي ) : و انا شو بعرفني ، يمكن وحدة من صحباتي اللي داليتهم
نهى : بتستهبلي ؟ امه حكتلي انه شافك و ضل وراكي لجاب رقمك
سيرين ( فتحت عيونها ) : الله اكبر ، معقول ؟ الحمدلله يا ربي في حدا شافني و ضل وراي لجاب رقمي لللووووييييششش هههه ماما اوعي تحكي هالحكي قدام علاء او بابا بلاش يصدقوا متلك
نهى : طيب ، اخرتنا نعرف من وين اجا
سيرين : سمعتي اخر الاخبار ؟
حكيت لماما كل اشي سمعته من ياسمين ..
نهى : ييييي لو يعرف ابوكي
سيرين : برايي بلا ما يعرف خلص ، انا هلا برن عليه و بحكيله عن الجماعة ، و بدقدقس عنه
نهى : و ياسمين المعدلة عاملة الكعك يا ويلي عليها ، السيد احمد بتشهون قبل ما يسافر و ينحرم
سيرين : يا حبيبتي ، على شحطة كنت رح احكيلها الله ستر
نهى : لا اوعي بلاش يزعل احمد ، رني على علاء و افتحي سبيكر خليني اسمع صوته
سيرين : يلا .. عم برن .. الو كيفك علووئتي
علاء : اهلين ، كيفك انتي ؟ طمنيني
سيرين : الحمدلله تمام ، اجو الجماعة و انبسطنا
علاء : انبسطتوا ؟!
سيرين : هههه لك ايييه يعني القعدة حلوة و مريحة
علاء : يعني رح نخلص منك ؟
سيرين : ان شاءالله ، ( نهى : بتاشر حتى ادخل بالموضوع ) ، المهم كيف ريم ؟ شو عم تعملوا ؟
علاء : الحمدلله هينا قاعدين عقلها بالكعك نفسها تعمل قال
سيرين ( نهى : بتحرك باصبعها لا لا ) ، لا شو بدها بالحكي هاد هي احنا عملنا النا و الكم و دار خالتو سهى كمان ، و بتجيوا جاهز
علاء : حكتلها ، خلص شكلي رح اضل فوق راسها لحد ما تبطل تنق لانها تعبانة شوي حاسسها احكي لامي انها بتحس بدوخة
سيرين ( نهى مبتسمة و بتهمس : عادي عادي ) ، يييي هاي الشغلات طبيعية بتحكيلك
علاء : الحمدلله ، يلا سلمي على الجميع
سيرين : الله يسلمك ، تصبحوا على خير
نهى : صوته منيح
سيرين : ههههه دخيلها اللي بتفهم عالصوت
نهى : هاد ابني و بعرفه ، الله يهدي بالهم
__________________________________
ابو احمد : نفسي افهم مالكم زعلانين ؟ انا مو شايف انه عمل اشي خطا
منى : لا ابدا بس حطنا تحت الامر الواقع
ابو احمد : لا احنا كنا معارضين لانه كان بعده بدرس ، هسة تخرج و صار مسؤول من نفسه يدبر راسه
احمد : لا انا ما بدي بيان
ابو احمد : شو هالحكي ؟ انت بدك تتجوزها و لا هو ؟
احمد : هو ، يعني اخوي ، و مصلحة اخوي بتهمني ، يمكن تطلع ما بتخلف متل امها
منى ( مصدومة ) : مين قال انه امها ما بتخلف ؟
احمد : طول عمري بسمع انه من مرت خالي ليلى عندها مشاكل كانت
منى : لا يا حرام هية حكت هالحكي عشان بتحب خالك ، حطت العلة فيها ، المشكلة لا فيه و لا فيها بس نصيبهم هيك الحمدلله
احمد ( انصدم ) : ...
آيات : يعني خلص موافقين عليها كلكم ؟
ابو احمد : اي هو بنلاقي احسن منها و من اهلها ، عال و الله
منى : ... تسلم
احمد : تتهنوا
آيات : امجد وينه ؟
احمد : ما بعرف ، تصبحوا على خير رايح المسجد انا
__________________________________
حسين : رقم عشرة يعني بطلعوا
رانيا : هههه امي نسيت حالها و سالتها كم طولك بدون كعب
حسين / رزان : هههههه
رزان : يا حرام امها جاوبت عنها
رانيا : بس حلوة كتير ها ، زوقه حلو هالحمزة
ام حمزة : بتشبه ياسمين ( صفنت شوي ) ايواااا بقول وين شايفين امها ، يا بي شو بتشبه ام امير جارة حمزة
رانيا : فعلا سبحان الله كأنهم خوات ، حتى ياسمين لما حكينا عنها لحمزة قال نفس المواصفات بس اقصر و املا شوي
رزان : شو املى متل العودة البنت ، كتير عجبوني كسماتها و شعر...
حسين : خلص انا قايم ، خدوا راحتكم
رانيا : يعدمني اياكي نازلة توصفي قدامه
رزان : نسيت هههه
__________________________________
مها : شو حكى احمد عالكعك ؟
ياسمين : كتير عجبه يا حبيبي ، بسلم عليكي و بتشكرك
مها : الله يسلمه ، ماما ما بصير اتضلي تحكي هالحكي شو حبيبي و حياتي ، نسيتي انه بطل خطيبك
ياسمين : بس لسا بنحب بعض
مها : حرام هالحكي يا امي ، انتي هيك صرتي متل باقي البنات اللي بعملوا علاقات قبل الزواج ، معقول احمد برضى هالكلام ؟
ياسمين : ... عادي ماما لا اتضلي تكبري الاشياء انتي ، بحكيلك بنحب بعض افهميني
مها : ازا انتي هيك بتحكي ، شو خليتي للبنات اللي مو متلك ، زعلتيني منك
ياسمين : الله يوفقك لا تزعلي ، خلص ببطل احكي ، المهم حكتله يكون معي بفحص السواقة و وافق
مها : طيب بحكي لابوكي
ياسمين : اموووواه ، ما يحرمني منك يا نبع الحنان انتي
__________________________________
ام عدي : هات اشوف صورة الفستان
غنى : كتير حلو ، مبارك يارب
عدي : حبيبتي عقبال ما افرح فيكي ، يلا يا دوب تلحقي تجيبي اشي
غنى : مفكرة اجيب فستان يناسب حفلة نجاحي كمان
ابو عدي : جيبي اللي بدك اياه يابا انتي اخت العريس الوحيدة ، و احكوا لبيان كمان
ام عدي : و لا يهمك ، بدنا نفرح على وجه هالعيد بكفينا اللي مر علينا
ابو عدي : الذهب شريتوه ؟
ام عدي : لا لبكرا انا و اياهم رايحين ، سهى ما قبلت الا اكون موجودة و انا اليوم كنت مشغولة
ابو عدي : احسن اشي جيبليها ، ااخ بس نطمن على هيثم و كل اشي بهون
عدي : قال رح يجي اليوم عاد
ام عدي : زينة تعبانة و الولد عند اهلها
غنى : يا الله شو عم بصير معه عمو ، ليه هيك حظه معتر
ابو عدي : نصيبه يابا ، نصيبه ، الله يفرجها عليه بجاه هالليالي المباركة
عدي : ما بعد الديق الا الفرج باذن الله
__________________________________
نهى : ييي هيثم برن ، يا ستير ، الو
هيثم ( بصوت مخنوق ) : نهى ، سامحيني عالازعاج ، بس
نهى : ليه هيك صوتك ، صاير اشي ؟
هيثم : زينة حالتها سيئة كثير ، و ابني عند اهلها ، بس انا ما بدي اياه يضل عندهم ، كرهتهم كل اشي صار بسبب امها
نهى : يا حبيبي هالطفل من لما انولد و هو بالعذاب ، شو بدك تعمل ؟
هيثم : سامحيني بس بعد العيد رح اجيبلك اياه ، انا ما حكتلهم
نهى : كتير لبعد العيد جيبه بكرا
هيثم : لا لا انتي شو ذنبك ، ما بدي اثقل عليكم ، و بيت اهلها قريب علينا بمر بشوفه لاني
نهى : طيب شو صار ؟
هيثم : شافها الدكتور حكالي اكتئاب ، للاسف
نهى : لا حول و لا قوة الا بالله ، ربي يشفيها و يعينك ، احنا كلنا جاهزين هيثم ما تتردد و انا بحكي بلسان الكل
هيثم : ما يحرمني منكم احلى عيلة و الله ، لو تعرفوا شو مخففين عليي ، احكي لعلاء يسامحني لاني عصبت عليه و ما خليته يشوف آدم
نهى ( فهمت ) : لا لا مسامحك اكيد ، انت غالي عليه و العتب عقد المحبة بس مقدرين ظروفك ، طمني حبيبي
هيثم : ان شاءالله ، يلا سلمي و اسف عالازعاج
ابو علاء : يا لطيف ! شو مال لونك انخطف ؟
نهى ( مصدومة ) : زينة مكتئبة و حالتها صعبة و بعد العيد بده يجيب ابنه عندي ما بده يخليه عند اهلها
ابو علاء : بعيوننا ، شو في كمان ؟
نهى : معصب على علاء و مو مخليه يشوف الولد و مزعله ، بحكيلي اعتذري منه عني
ابو علاء : استغفر الله ، و المسكينة ريم شو دخلها يصب غضبه عليها ؟
نهى : هاد اللي قهرني ، بس فهمت هلا شو ماله كان
__________________________________
ما صدقت على الله و ينتهي دوامي ، و ارجع اسال امي عن سيرين ..
حمزة : ايوا احكولي شو صار
رانيا ( بتتغامز مع رزان و عاملين حالهم زعلانين ) : صراحة ما توقعناك هيك يا حمزة
حمزة ( بخوف ) : شو ؟
رزان : ما بعرف اسال امي
حمزة : رانيا احكي مالكم ؟ ما عجبت امي ؟ الجماعة رفضوا ؟ احكوا مالكم ساكتين
رانيا ( كاتمة ضحكتها ) : الله اعلم ، من مبارح و هي ساكتة شكلها مصدومة
رزان : يا حرام ماما ، كل شوي تفوت عالحمام قد ما شربت مي و عصير
حمزة ( بحزن ) : يعني شو ؟
رانيا / رزان ( انفجروا من الضحك ) : ههههههههه مو معقول
حمزة : ما ازنخكم ئي
رانيا : انه على شو ما تعجبها ؟ انا متت عليها و على امها يا الله ما اطيبها و صاحبة دين بتجنن
رزان : اه و الله و ابوها لقى بابا بالجامع و دخله عالبيت
رانيا : اما شو بيت يا حمزة ، قل اعوذ برب الفلق ، تقول قصر
حمزة : ماشاءالله
رزان : صراحة منيح اللي شريت شقة بمنطقة راقية ، لانه لو بمكان تاني يمكن يرفضوك لانه امها سالت وين شقتك مكانها
حمزة : طيب يلا الحمدلله
بعد المقلب اللي اكلته من خواتي ، و الحكي اللي سمعته عن اهلها ، مسكت موبايلي و رنيت على رقم ..
حمزة : سلام عليكم ابو حميد
احمد : هلا حمزة وعليكم السلام ، يسعد هالصوت اشتقتلك
حمزة : حبيبي و انا اكثر ، كيف حالك ؟
احمد : تمام نحمد الله ، شو الاخبار ؟ راحوا اهلك مبارح صح ؟
حمزة : مين حكالك ؟
احمد : هيهييي كل العيلة مطبولة بالعريس السري ههههه
حمزة : اه و الله راحوا و انا قلت بحكي معك و بسالك عن كم شغلة
احمد : اه تفضل ولو بالخدمة انا
حمزة : تسلم ، حكولي اهلها ماشاءالله وضعهم منيح ، و بدققوا عالسكن عاد ما حسيت علاء من هديك الطبقة
احمد : ههههههه ضحكتني و الله ، لا يا زلمة دار خالتي ابدا ما بفكروا هيك ، بس الله منعم و مفضل عليهم و ما عندهم اولاد كثير ، ف قبل اكثر من عشر سنين شروا بيتهم
حمزة : ايوا ، يلا الله يديم عليهم و يطعمنا و اياهم
احمد : امين يارب ، متى رح تشوفها انت ؟
حمزة : عالاغلب بعد العيد ، بشوف اي يوم بكون معطل فيه و بناخد موعد
احمد : ان شاءالله بنفرح فيكم ، من هسة بدي اوصيك عليها سيرين غالية و مثل اختي يا حمزة دير بالك عليها و حطها بعيونك
حمزة : ههههه ان شاءالله ، حمستني اتعرف عليها عن قرب
الحلقة السابعة و العشرون :
علامات النضج عند المراة هي ان تتعلم القوة، تتعلم كيفية الإنفراد، تتعلم التبسُّم و تتعلم كيفية التخلي عن المشاعر التي لا تستحق الاهتمام ..
________________
_______________
أوقات لما نفتح عيونّا ، بعد نوم عميق ، بتتولد براسنا اسئلة كتيرة ، اهمها ليه صحانا ربنا بعد هالسبات ؟ ..
لسا رسالتنا بهالحياة ما انتهت ، و لسا مطلوب منا نعمل اشياء ، و واجبات ..
اليوم اول يوم عيد الفطر المبارك ، بعد شهر كامل من الصوم و العبادة ..
ربنا بفرح عباده فيه ، لانه العيد مفهومه كبير ، و لسا الطاعات مستمرة و ما لازم تنقطع ..
كان شهر رمضان كله احداث مهمة بالنسبة الي ، و لمعظم افراد عيلتنا الكبيرة ..
بس اهم حدث رح يصير ، اني رح اترك عيلتي اللي بحبها ، و ابعد عنهم فترة ما بعرف كم مقدارها ..
مجرد ما اتذكر لحظة سفري ، اللي اجبرت نفسي عليه ، و فضلته على اني اشوف ياسمين بعيدة عني ..
بتيجني رغبة بالاستسلام للواقع ، و اضل مع ياسمين اللي ما بعرف شو رح يصير فيها لما تعرف اني مو بس تركتها ، لا تركت البلد و كل مكان بجمعنا ..
امجد / انس / آيات : كل عام و انت بخير
احمد : و انتوا بخير
انس ( بحزن ) : العيد الجاي رح نعيدك عالتلفون
لاخواني حكاية ثانية ، و لاهلي اكبر غصة ..
اهلي اللي ربوني و تعبوا عليي ، و بتمنوا بكل لحظة انهم يشوفوا فيي الشخص اللي بحلموا فيه ..
اخواني اللي بعتبروني قدوتهم ، و بستمدوا قوتهم مني ، و وجودي بحياتهم مهم مثل الاكسجين ..
بس بالنهاية ، ربنا بعطي الصبر للانسان ، و الابتلاءات درجات ، و ربنا ابتلاني بالغربة و ابتلاهم بفراقي ..
ابو احمد : يلا يا شباب اعمامكم بستنوا فينا
احمد : جاهزين
آيات : ما اجوا علينا طيب ؟
ابو احمد : ما في وقت خلص للمسا بنجتمع
انس : الله يرحمك يا ستي ، ماتت و العيد ما عاد اله بهجة بعيلتنا من بعدها
امجد : اه و الله ، كانت تقول العيد للحبايب ، ما في قلوب مفترقة عندها عيد
ابو احمد : ... يلا
اهل ابوي عكس اهل امي ، رغم انه حاول معهم كثير ..
بس نسوان اعمامي غير ، و غيروا ازواجهم ..
و المثل بقول ، البعيد عن العين بعيد عن القلب ..
__________________________________
ليالي عصيبة مرقت فيها ، خلتني احس بكمية الذنب اللي ارتكبته بحق حالي ، و حق طفلي الرضيع ..
مرضت بسبب اقرب الناس الها ، و راح ضحية هالتكبر و العناد ، طفل ما اله ذنب ..
بغض النظر اني ما بحبها ، لكن واجبي كزوج اني ارعاها ، و اهتم فيها بهيك ظرف ..
انا من البداية ظلمتها لما وافقت اتزوجها و انا قلبي و مشاعري مع غيرها ، لكني حاولت بشتى الطرق اني اغيرها ، و حافظت على زواجنا ، و كان عندي رغبة شديدة بالانجاب و تكوين الاسرة ..
ام زينة : نايم
هيثم : طيب شو يعني ، بدي اشوفه
ام زينة : اه طبعا مو انت اللي سهران عليه و طلعت عيونك لحتى ينام
هيثم : ... سلام
مستحيل اخليه عندها ، رح تخلص اجازتي ثالث يوم العيد و بعدها ما بقعد دقيقة معها ..
زينة بتاخد ادوية ، و رح تتحسن بعد فترة ، و لوقتها خواتي بهتموا فيه ..
خليها تعرف العيلة اللي منها زوجها كيف بتعاملها ، لانه الناس بتبين معادنها عند الضيق مو البسط ..
__________________________________
حمزة : كل عام و انتم بخير
الجميع : و انت بخير
ابو حمزة : الله يرضى عليكم و يفرحني فيكم ، الحمدلله انك معنا اليوم
ام حمزة : اه و الله ، اشتهيت اعملك سفرة الفطور و اشوفك قاعد و متهني
حسين : يا حبيبي احنا ما حدا سائل فينا ، كله لحمزة ئي
رانيا : هههههه الله بعين ، اخرته يتجوز و نخلص منه
حمزة : ههههه بصير انا و مرتي نتدلل نانانا
ام حمزة : الله يجعلها من نصيبك ، و الله هالبنت باينتها عاقلة و بنت عالم و ناس
رزان : و صوتها كتير ناعم و حلو
حمزة : اه بعرف سمعت صوتها هههه
حسين : يا سيدي
رانيا : حسين جهز حالك بعده
ابو حمزة : خلونا بحمزة ، و بعدين لكل حادث حديث
ام حمزة : و البنات يارب ، يستر عليكم و يبعتلكم اولاد حلال
ابو حمزة : آمين ، الله يطمن بالنا عليكم
__________________________________
يوم جديد ، و فرحة العيد معطيته هيبة لهاليوم ..
العيد اللي كنت مفكرة ما رح يكون اله طعمة بدون ما يكون احمد خطيبي ، سبحان الله اعطاه طعمته الخاصة و فرحته المميزة ..
ياسمين : دخيل قلبه الامير الكبران اللي رح يصير ملك لما يكبر
مها : كتير حلوين اواعيه ، اسم الله فكرتهم رح يكونوا صغار
حنين : لا حبيبي صحته ممتازة ، يلا اتطلع عليي ، امييير سمايل
فرح : صوريني معه
اسيل : ههههه بشدلك شعرك
فرح : معلش ، امير اتطلع عالكميرا على حنو
حنين : و لا صورة واضحة
رنين : اعمليله حركات بايدك ينتبهلك
عيدنا الحلو باميرنا ، و وجوده هو عزوتنا ، و وجودنا عزوته ..
اسيل : اجوا سيدي و اخوالي
مها : وينهم ؟
اسيل : شفتهم من الشباك ، صفوا السيارة ، عمر و عدي معهم ، يييي نفسي اطلع بشعري
رنين : بلا هبل روحي البسي حكتلك رح يجوا
فرح : انا و امير بنفتح
عدي : ههههه امير بدك تفتحلنا تعال لهون دخيله الحلو
اخوالي اول بيت بيجوا عليه احنا ، مع انه امي اصغر وحدة بس بحبوا يعيدوها ، و يشوفونا ..
ابو ماهر : بيت الوردات و الحناين
عمر : و الشمعة امير ، يسعده ، اعطيني اواعيك
حنين ( بهمس ) : بلشنا زناخة
رنين : ههههههه
ابو بيان : يا عيني شو هالحلاوة هاي ؟
عمر : اسيل خلص تحجبتي ههههه
اسيل ( بخجل ) : اه الحمدلله
ابو عدي : كتروا العرايس يا مها
مها : شايف هههه ، شو اخبار العروس عندكم ؟ حددتوا الحفلة
ياسمين : تفضل خالو
ابو عدي ( بتناول الكعك و برد على مها ) : اه ان شاءالله بعد العيد بيومين
عدي : بصالة ... موعدها بكير من ال٥ حجزت
حنين : لانه موسم اعراس منيح اللي لقيت
عمر : اعطيني من الكعك اللي عملتيه لاحمد
ياسمين ( انصدمت ) : هيهيهي ما ضل كله اله اصلا
عدي : كعك شو ؟ ان شاءالله الكنز اللي حكيتوا عنه
عمر : هو بذاته
ابو ماهر : ما حدا قدك يا احمد ، عشان هيك اجا يركض و بقول يا سراقين يا حرامية
حنين ( بهمس لرنين ) : فضااايح هههه
مها : ههههه اه و الله طلب منها شوية كعك و عملتله
ابو بيان : ان شاءالله يا خالي العيد الجاي بناكل كعكاتك ببيتك انتي و اياه
ياسمين ( بخجل ) : امين يارب ، بوجودك
__________________________________
نهى : ما احلا هالعيد ، مع انك ببيت لحالك بس فوتّك عليي انت و عيلتك بتسوى الدنيا
علاء : دخيل قلبك يا حنونة ، شو هالحلاوة هاي ، و صابغة اشقر
سيرين : ههههه المفروض انه اشقر شوكولاته ، بس من الشيب طلع اشقر مايونيز
ريم : هههههه نعيما ، متل ماما كل يوم بتكتشف انه في شيبة مو مغطية ، بتبعت قصي يجيبلها علبة ، و هداك بجيب كل علبة درجة شكل
ابو علاء : هههههه جاييكي الدور ، اما اذا الولد طلع عاقل لابوه رح يطول دورك
سيرين : او بنت عاقلة و امورة متل عمتها ، عمرها ما رح تشيب
علاء : اااه وقتها انا رح اصبغ بدالها ههههه الله يستر
سيرين : بابا شوف علاء
نهى : بلشنا ، شو ما بدكم تطلعوا ؟
ابو علاء : يلا بس بدهم يجوا اخوتي يعيدوا عليكم
ريم : خالو ماهر برن عليي
علاء : يييي نسيت انه مرتي من العيلة ، خلص احكيلهم يخلوكي اخر وحدة ، انا و اياكي بنكون
سيرين : هههههه
نهى : ان شاءالله السنة الجاي كل الصبايا بكونوا ببيوتهم و بيجي دورهم
علاء : يارب ، الله يهدي البال
__________________________________
سهى : اخوالك بدهم يجو ؟
ديمة : و ليه ما يجو يعني ؟
سهى : قصي و ابوكي صاروا طالعين ، استعجلوا
ديمة : لفتهم طويلة ، افت مو جاي عبالي اعزم كل العيلة على خطبتي
سهى : هاد اللي ضايل تفضحينا ، بكفي عرس ريم لولا السهرة اللي عملناها
ديمة : عرسها بفندق كان ، انا عالعرس بعزمهم و خلص خايفة ينقوا عليي
سهى : ليه ما بدك تعملي بفندق انتي ؟
ديمة : شو بعرفني ، انا ما بطلب ، همة حرين يحجزوا اللي بناسبهم
سهى : ما عرفتك يا عاقلة ، بسم الله الله اكبر
ديمة : هههههه هي وصلوا
دخيله العريس اللي جايبلي ورد ، يمة عالخجلة قدام سيدي و اخوالي ، و لسان عمر ..
ابو ماهر : كل عام و انتم بخير
سهى : و انت بخير ، الله يطوللنا بعمرك و ما يحرمنا منك
ابو عدي ( بسلم على ديمة ) : حبيبتي ، يسعدها القمر المصور
ديمة ( بخجل ) : شكرا خالو خجلتني
عدي ( بهمس برومنسية ) : كل عام و انتي حبيبتي
ديمة : و انت بخير ههه
عمر : بلشنا ، زيحولي خليني امرق بعدين حبوا بعض
سهى : ههههه فضيحة انت
عمر : معلش بطلعلي ، كيف حالك يا عمتي ، جمالك
سهى : ههههه مرسي هيدا من زوئك ، من بعد جمالك
ابو بيان : هاي الكل قالب لبناني بعد رمضان
عمر : الله يخليلنا نادين نجيم و ماغي بو غصن علمتهم
ديمة : نسيت سيرين عبد النور
ابو عدي : بطل باب الحارة يعبي عينهم
سهى : لا ما بنستغني لك اخي ، يووه
عدي : ههههه
__________________________________
امجد : العيد معك احلى حبيبتي
بيان : يا روحي ، لو تعرف اديه مبسوطة فيك ، و شايفة حالي بحبك
امجد : بحبك بجنون ، انبسطت لما خالي ردلي خبر بموافقتك السريعة ههههه
بيان : حتى همة انصدموا ، امجد انا خايفة يكونوا حاسين علينا ، خلينا نضل متل ما احنا احسن
امجد : شو هالحكي ، عاساس انه عاملين جريمة ، مهو لو ما بحبك ما بطلبك ، و انتي لو ما بتحبيني ما بتوافقي ، شو رايك انتي ؟
بيان : معك حق ، رح شوفك اليوم ؟
امجد : بعمل المستحيل حتى اشوفك ، طبعا جايين بس نخلص لفتنا
بيان : بانتظارك
__________________________________
ابو ماهر : بنتك عند دار حماها ، قلنا بنعيد عليها اول
ديمة : اه اجت سلمت علينا و راحوا
ابو عدي : اصطلحوا ؟
سهى : انا عارفة عنهم ، اصطلحوا اكيد ، بدهم يضلوا متزاعلين ؟
ابو بيان : الحق علينا و الله ، موضوع تافه ، ما كان لازم ينفتح قدام الجميع
ابو ماهر : شو صار بالبنت يابا ؟ بدكم تخطبوها ؟
ابو بيان : لا لا سكرنا عالموضوع ، خليها تتخرج اول و لكل حادث حديث
سهى : يا عيني عليك ، دوق من الكعك هاد
عمر : ديمة ليه ما عملتي كعك خص نص لخطيبك ، ياسمين احسن منك عملت كعك لاحمد و بعتته بالبريد الصوتي
عدي : بالحمام الزاجل ههههه
ديمة : مين قلك ما عملت ، الكعك كله انا عملته
عمر : بمزح يا هبولة
سهى : هاد احمد بتدلل قبل ما يسافر
ابو ماهر : يا حسرتي عليهم ، و الله هالبنت ما بتنصفط
سهى : نصيب ، الله يكتبلهم اللي فيه الخير
ابو بيان : احسن اشي ، لانه ما حدا باكل الا نصيبه
عدي : ديمة جبيبي الذهب ابوي حابب يشوفه قد ما حكينا عنه
ابو عدي : بلاش اذا مضبوب
ديمة : لا بجيبه ، يلا
سهى : يسلم ايديك عالهدية ، انبسطت فيها يا حبيبتي
ديمة : المحبس مخبى بالخزنة هههه
عمر : يا سيدي عاللي بلبس الماس
ابو عدي : ماشاءالله عليها بتستاهل اكثر
ابو ماهر : الله يهنيكم يا سيدي ، الحمدلله اللي اجا اليوم اللي شفناكم فيه مع بعض و فرحنا فيكم
ابو بيان : ماشاءالله قطع حلوة كثير و مميزة ، مباركين خالو
ابو عدي : كان شريتي التلبيسة كلها سوليتير مثل آيات ، عجبتني الفكرة
سهى : لا ما بحب ، هاي دهب لازوردي جابته كمان حلو و مصنوعيته غالية
ابو ماهر : كله حكي فاضي ، لو جابت مثل ذهب ستها افيدلها
سهى : عاد بنات هالايام مو متلي و متل ستها ههههه
ابو بيان : الذهب الحقيقي السعادة بين الزوجين ، كلها مظاهر و ما الها اي معنى بدون حب و حلاوة
ديمة : صحيح و انا هيك تفكيري كمان
عمر : يسعدهاا المرضية ، لولا السوابق اللي عليكي بحلف مية يمين ما انتي ديمة
عدي : هههههه شوالين سكر بشوال مي
سهى : ههههههههه اوعى توديها على محل كنافة
ديمة : بالله ؟ ببطل عاقلة هلا
__________________________________
آيات : محمد بسلم عليكي ، بقلك كل عام و انتي احلى حماية
منى : نياالي ، ما كلف خاطره يحكي هاتي اسمع صوتها
آيات : مو معطل ، يا دوب حكى معي شوي و راح
منى : الله يعطيه العافية ، اهله جايين اليوم ؟
آيات : اه حكتلي مرت عمي رح يمرقوا المسا ، قال جهزي حالك باي لحظة بنيجي لانه عنا كتير مشاوير
منى : احكيلها لا تغلبي حالك ، بلاها هالجية
آيات : شو مالك ؟
منى : سلامتك ، انا اليوم بعرف كيف اتصرف
آيات : امانة ماما لا تعملي مشاكل و الله محمد منيح
منى : معقول طول رمضان ما كلفوا خاطرهم يعزموكي ؟ ابوكي كل يوم كان ينق عليي اعزمهم ، و احكيله مدام همة ما بينوا احنا ليه نجبرهم ؟
آيات : ...
__________________________________
ابو ماهر : هي الحماية و الكنة مجتمعات
نهى : ههههه اهلا و سهلا ، كيف حالكم ؟
ابو عدي : الحمدلله ، شو اخبارك يا ريم ، هيك بتعملي فينا ؟
ريم : لا و الله خالو مو قصدي ، بس علاء كمان حابب يكون موجود لما تيجوا
سيرين : كيفك عدي ؟
عدي : تمام ، طمنينا شو صار بعريس الهنا
عمر : يا قادر يا كريم نرتاح منك يا سيرين
الجميع : هههههه
ابو عدي : شو بدك فيها ؟ خليها تعيش حياتها
سيرين : تعودناااا خالو ، و امجد يوم ما رحت عندهم اكل راسي و هو يقنعني اوافق ، خليهم اخرتهم ينبلوا بنسوان
ريم : ههههه قوية
سيرين : اه طبعا ، على راي ياسمين ازا اجاني ولد طالع لعمه امجد بدي اتبرى منه
ابو بيان : يصحلها ، ماله امجد شخصية و عقله بوزن بلد
عمر : و انا صاحب الكاريزما و الحضور القوي
سيرين : بس بلاش
عدي : هههههههه
نهى : الله يحميكم يا عمتي ، كلكم بتجننوا
ابو ماهر : بدنا نميل عند هيثم ، لازم اشوفه
ابو عدي : بلاش يكون مو مناسب يابا خليه عراحته
ابو بيان : اشتقناله ، و بدنا نشوف هالولد ، مشتهي احمله
نهى : ... الله يهدي باله ، و يشفي مرته
ابو ماهر : مالها مرته ؟
ريم : منيحة سيدي ، بس شوي تعبانة بعد الولادة
سيرين : زاكي الكعك ؟
عدي : اه يسلمو ايديكي
عمر : دقتي كعكات ياسمين ؟
سيرين : لا و الله ، بس نشوف احمد بنسرقلنا كم حبة
نهى : حرام خلوله اياهم
ابو بيان : اما شغلتهم شغلة هدول
نهى : رحتوا عند منى ؟
عمر : لا هسة رايحين ، ضلت هية و عمي هيثم ، يلا شدوا الرحال
ريم : المسا بتيجوا عنا ؟
ابو ماهر : بدي اجيب ستك و اجي ، ان شاءالله
سيرين : يا عيني ، البركات كلها عند دار اخوي ، تمام يعني السهرة عندكم لانه حاسة كل العيلة نفسها تيجي
نهى : اكيد ، الحمدلله و عقبال ما نلف على باقي الشباب و الصبايا في بيوتهم
عدي : حبيبتي يا عمتي الله يطول بعمرك ، صحيح الخطبة تحددت ب ....
ريم : بنعرف ، شو نسيت اني بنت حماك ههههه
عمر : ههههه نسينا ينساني الموت الهي
سيرين : يمة ، الله يستر من خلفتها ديمة
عمر : ماشي بفرجيكي انتي يا شريرة ، ما الك عيدية
سيرين : على كيفك لانه ، عيدية و انت بتضحك و تلعب
عدي : تروحوا عالملاهي نلعب ؟
ريم : انا ممنوع عشان الحمل
سيرين : احنا شو دخلنا ئي ، اه موافقة عدي يلا رتبولنا طشة حلوة خلي احمد و ياسمين يودعوا بعض بمشوار يضل ذكرى بينهم
عدي : حطيتيها بظهر احمد و ياسمين ، انتي المسكينة العاقلة
سيرين : ههههع
ابو ماهر : خلصونا يا سيدي تاخرنا ، بعدين بتتفاهموا
عمر : عصب علينا سيدك من ورا لسانك اللي ما بدخل حلقك ، سلام
نهى : بتخططي و بترسمي ، طيب اسالي اهلك ، ما بتبطليها هالعادة
سيرين : ليه عصبتي ؟ اكيد ما رح اطلع بدون ازنكم
ريم : انا حاسة علاء صاير شديد عليكي و بدقق ، شو ماله ؟
سيرين : من زمان حبيبتي ، بس زاد لانه حس بابا تاركني على راحتي عاد انا مسكينة
نهى : يبي عليكي
__________________________________
احمد : شو يابا وين بدنا نروح هسة ؟ خلصنا صح
ابو احمد : ضل ستك ام ماهر ، و خالاتك بدكم تروحوا عليهم ؟
امجد : عمر بعثلي بحكيلي انه المسا كلهم رح يجتمعوا بدار علاء ، عشان مرة وحدة نعيد عليهم ، و بكرا اكيد امي و خالاتي بروحوا من الصبح على دار سيدي احنا و اياهم طبعا
ابو احمد : طيب بس خلينا نميل نعيد على ستك ، يلا روح من هناك
انس : خلينا نروح عند خالتو مها
احمد : فكرة حلوة ههههه
امجد : هيهيهي لا يا حبيبي ، شو نروح نعمل بيت كله بنات بنروح احنا و امي احسن
انس : ما ازنخك
ابو احمد : بس يا شباب مالكم ؟
احمد : هههههه الله يكبر عقلك يا امجد
امجد : شكرا
__________________________________
منى : اهلا و سهلا تاخرتوا
ابو ماهر : عشان نقعد عندك براحتنا
آيات : كل عام و انتوا بخير
عمر : و انتي بخير يا احلى آيات
ابو عدي : يا عيني البنات ما احلاهم ، الله يسعدك يا خالي
ابو بيان : وين الخناشير اولادك هههه
منى : هههه بالطريق لعند امي ، هلا حكيت معهم
ابو ماهر : الله يحفظهم ، شو اخبارك يابا كيف استعداد ابنك للسفر ؟
منى ( بحزن ) : الحمدلله ، هينا بنجهزله ما خليتله اشي الا حطيتله اياه
ابو عدي : لا ابو حميد ما بنخاف عليه ، رح نفتقده شيخ الشباب
عدي : اه و الله ، الله يهون عليه غربته و يجمعنا فيه باقرب وقت
عمر : آيات جيبي كعك من كعكات ياسمين
عدي : ههههه يخرب شيطانك يا زلمة ما خلى بيت الا جاب سيرة هالكعكات
منى : مخبيات ، حلفني ما حدا يصيبهم
ابو بيان : كنز الغالية
منى : الله يسعدها ، يا حبيبتي كل ما اتخيل انها تعرف عن سفر احمد بتنزل دمعتي عليها
عمر : خلص ماشي ، بطلعله اصلا
عدي : رح نطلع على ملاهي ، آيات بتيجي طبعا بنحكي لاخوانك
آيات : اليوم لاء بس بعدين عادي
عمر : اليوم السهرة عند دار علاء ، ما رح تيجوا ؟
منى : جايين دار حماها ، ازا روحوا بكير و كنتوا عندهم بنلحقكم
عمر ( غص ) : اه ، يلا منيح
__________________________________
مساءا في بيت علاء و ريم <<
سيرين : عمر ما بده يعيدنا قال
ديمة : حرام عليكي الشب ما بشتغل ، مو مجبور
ياسمين : و امجد كمان ؟
سيرين : خطرتلي فكرة
ياسمين : بس ما يكون متل ما بفكر
ديمة : خلصوني احكوا
حكينا لديمة عن الفلوس اللي اعطاهم امجد لسيرين ..
ديمة : و الله ست سيرين ، ضاحكة على عالزلمة و لاهطة الخمسين الها ، و انا بقول وين اختفيتي ؟
سيرين : يا لطيف ، خمسة و خميسة من عينيك
ياسمين : خلص هي اجوا دار خالتو ، تعي نسحب عليه
آيات : سلام ، كل عام و انتوا بخير
البنات : و انتي بخير ، طولتوا
آيات : بس روحوا دار عمي اجينا على طول
ديمة : شو عايدوكي ؟
آيات ( رفعت ايدها ) : هاي الاسوارة
سيرين : مباركة ، اجو اخوانك ؟
آيات : اكيد ، تعالوا بدي اسلم لسا ما شفت حدا
بعد ما سلمنا على خالتو منى ، و احموودتي طبعا اللي جاي مشتاقلي بعد غياب اكتر من يومين ..
و آيات سلمت عالكل ، و قعدنا كلنا جنب بعض ..
ياسمين : امجد
امجد : نعم ؟
ياسمين : مو عارفة شو احكي بس جد يسلمو عالعيدية ما كان في داعي و الله
الشباب ( مصدومين و عيونهم على امجد ) : اي عيدية ؟
ديمة : الله يرضى عليك يا ابن خالتي ، هو مو بعيد عنك هالاشي بس احنا البنات حساسات و كل اشي باثر علينا
امجد : ولك اي عيدية ؟
قصي : العب هههه
طلع محفظته ، و فتحها ..
امجد : و الله مفلس يا جماعة ، هدول بسحبوا عليي فيلم اكيد
سيرين : له ، نسيت الخمسين دينار اللي اعطيتني اياها و حكيتلي هاي عيدية الك و للصبايا وزعيهم بمعرفتك
آيات : يييييي و انا وين حصتي ؟
سيرين ( طلعت عشر دنانير مجهزتهم مسبقا ) : تفضلي هي عشرتك انتي لانك اخته الك عشرة ، و احنا خمسات
ديمة : بعين الحسود يارب
امجد : يا حنونة يا فهمانة
ريم : طيب انا وين خمستي ؟
علاء : هههههههه يا حبيبي
قصي : انا مع مين عيديتي ؟
عمر : يخرب بيتك ، ان شاءالله هاي الخمسين اللي اعطيتك اياها ؟
الجميع : هههههههه
امجد : لا ولك هاي خمسين كانت معي من زمان مبروزها الله وكيلك بس لطشتها مني هالنصابة ، قال بدها تعمل سحر بجلب الرزق
الكل عيونه صارت على سيرين ، و صدقوا كلام امجد ..
ابو علاء : مين مين اللي بده يعمل سحر ؟
سيرين : لا و الله بابا ما في اشي من هالحكي
احمد : طولوا بالكم ، امجد بمزح اكيد
امجد : كيف يعني بمزح ؟ ، انت مو سالتني عن سيرين ليه قاعدة معي بالسيارة كانت ؟
سيرين ( وقفت بعصبية ) : لا امجد زودتها ، هلا بحكي الخمير و الفطير و عليي و على اعدائي ، بتعرفني ما برحم انا
ياسمين ( مسكتها من ايدها و شديتها تقعد ) : خلص انت و اياها مكتوب علينا نجتمع نتطاوش دايما ، كنا نمزح معك بس الظاهر مبطل تتحاكى حضرتك ، خد هي خمسينتك ، وصلى الله و بارك
ابو احمد : و الله يا عمي انك فهمانة ، اختصريه هاد مبطل يتحاكى فعلا
ابو امير : هههههه له له
قصي : ياسمين العاقلة سبحان اللي خلقها ، بسم الله ماشاءالله
عمر : خصوصا بعد ما عملت الكعك لاحمد و ما طعمت حدا منه ، مشغلة عقلها مزبوط ، و بعتته معنا و احنا صايمين
احمد ( انصدم ) : عمر !!
ابو امير : صحتين و عافية ، ان شاءالله ربنا ببعتلكم بنات معدلات يعملولكم اللي بدكم اياه ، انعمل على اسمه اكيد هو اللي بطلعله يقرر مين يطعمي ، حتى انا ما اكلت منه
مها : ييييي طعميتك نسيت ؟
حنين : ما بيجي منهم غير المشاكل هدول التنين
عمر : لا تسمعيني حسك انتي
حنين : خوفتني و الله ، الك عين تحكي كمان ؟
عدي : بس يا عمر ، اختصر خلصنا عاد
علاء : طولوا بالكم ، هاتي قهوة سادة خليهم يروقوا
ريم : ههههههه يلا
يعني عمر و امجد اثبتوا انهم محراكين للشر ، بجدارة ..
اخر اشي توقعته ، ينحكى عن الكعك قدام الكل ، و خصوصا بابا اللي ما عرف كيف يرقع الموضوع ..
اشرلي احمد انه ما اتدايق ، و رح يفرجيني فيهم ..
بس مو مهم خلص ، اللي صار صار ..
ديمة : تعالوا نقعد جوا
سيرين : امشي ، اصلا ما ضل الي نفس اشوف حدا
آيات : اسفة عن امجد ، جد بايخ و زودها
ياسمين : لا تعتزري عن حدا ، انسي ، المهم سيسو شو لبستي لما اجوا الجماعة ؟
سيرين : شو بدي البس يعني ، بنطلون جينز و بلوزة
آيات : يا الله ما احسنك ، جد فضلتي عليهم ههههه
بيان : بس يجي العريس شو رح تلبسي ؟
سيرين : ماما ما بترضى الا جلباب البس ، بس بدي احاول معها هالمرة البس تنورة و بلوزة
حنين : اه ما تلبسي جلباب
ديمة : المهم العريس يطلع منيح
ياسمين : يارب
سيرين : ما بتتخيلي شو اخته بتشبه هداك الشب اللي حكتلكم عنه
ديمة : بالله عليكي ؟ لسا متزكرتيه
بيان : اي شب ؟
ياسمين : معجب سري ههههه
آيات : تخيلي يطلع هو نفسه
سيرين : ولك نسخة عنه ، عيونها نفس عيونه
ياسمين : ...
آيات : عاد عدي حكالي رح نروح عالملاهي ، ابصر يضلوا موافقين او يغيروا رايهم ؟
ديمة : عدي ؟
سيرين : اه بس اجا عنا حكالي شو رايكم نروح
ديمة : غريبة ليه ما حكالي ؟
بيان : انتي التانية بكون نسي ، اكيد ما بروح بلاكي هههه
ديمة : اكيد بعرف ، يلا منيح بنتسلى
ياسمين : بدي العب انا و احمد كل الالعاب
كانت عيون البنات نظراتها حزينة ، حتى خواتي حنين و رنين كانوا متلهم ..
ياسمين : مالكم ؟ حزنانين عليي هههه معكم حق عنست بينكم
سيرين : طيب اسكتي عاساس انا وراي عشر اولاد
البنات : ههههه
__________________________________
منى : شو هالوقاحة هاي ؟
ام ماهر ( بتبكي ) : حسبي الله فيها
ابو عدي : خلص يمة لا تعيطي و لا عبالك ، اخرتها ترميلنا اياه
نهى : مهو بده يجيبلي اياه بعد العيد ، لما تخلص اجازته
مها : بس ما بطلعلها هيك تعمل ، جده و اعمامه بدهم يشوفوا حفيدهم ، كيف بتمنعهم ؟
ابو علاء : اللي بتعمل ببنتها اكتئاب بطلع منها كل اشي
ابو قصي : شو الحل مع هيك ناس ؟ بدكم اتضلوا تتفرجوا على هيثم و هو بعاني منهم
ابو احمد : لا و الله ما بجوز من الله هالحكي
ابو امير : من اول يوم راحوا زاروها و حكوا عن عمايلها ، ما ارتحت و عرفت رح يصير مشاكل بعدين
ام بيان : انا ما بحب احكي ، بس و الله من تاريخ ما عرفناهم كان قلبي حاسسني انهم هيك
ام عدي : اه و الله حكتيلي ، بس ما حبينا نتدخل احسن ما يقولوا غيرة سلفات
منى : سلفات شو انتي و اياها ؟ مهو هيثم تربى بين اولادنا
ابو بيان : ترجيتها ، بقلها ابوي ختيار واقفين على بابك بدنا نشوف ابنا ، قالت ما دخلني متحمم و بخاف يلتفح
ام ماهر : ان شاءالله لفحة هوا اللي تكصف رقبتها
سهى : لا ما تدعي يا امي ، قولي حسبي الله و بس
الشباب ( نظرات مليانة حزن لبعض ) : ... حسبي الله و نعم الوكيل
__________________________________
رنين : عم بحكوا عن حماة خالو هيثم
سيرين : لا تزكريني ، امي كتير تعبانة و كل يوم بتقعد تعيط
ياسمين : يا حرام خالتو ، شو بايدنا نعمل احنا ؟
ديمة : يا ريت بنقدر نعمل اشي ، بس الاحسن ما نتدخل
سيرين : رح يجيبلنا اياه خالو ، بده ماما اتدير بالها عليه
آيات : يا الله ، تخيلوا الموقف كيف ، الولد ينحرم من امه باول حياته ، كتير شفقانة عليه
حنين : الله لا يدوقها لحدا ، معها اكتئاب بعد الولادة كانها ؟
بيان : اه ، و امها كتير قاسية و منشفة دم عمو هيثم
غنى : بابا اجا معصب كتير اليوم ، و متدايق عشان سيدي ما خلته يشوفوه و كانوا يترجوا فيها
البنات : يييييي
بيان : ما بتعرفوا ؟
ديمة : ما حدا حكالنا ، لا حول ولا قوة الا بالله
ياسمين : فعلا ربنا وحده بعرف كل اللي بقلوبنا و بقوينا بقوته
__________________________________
ثالث يوم العيد ، في مدينة الملاهي <<
عمر : صبايا احنا بنعتذر عن اي مشكلة سببنالكم اياها
امجد : جد عرفنا غلطنا و ما رح نعيدها
قصي : بارك الله فيكم
البنات : هههههه
ياسمين : طيب امشوا يلا ، شو رح نلعب اول اشي
احمد : عجقة كثير ، خلينا جنب بعض
اسيل : يا ريت جبنا امير
فرح : لا رح ناخده على مول نلعبه احسن من هون
انس : اسيل شو تلعبي ؟
قصي : كلنا مع بعض بنفوت
ياسمين : بدي السيارات اول عشان عندي فحص الرخصة ولازم اتدرب
عمر : بلشنا ههههه
احمد : يلا فرجينا شطارتك
كانت مدينة الملاهي مليانة ناس ، و خصوصا شباب ..
ضل احمد ملازمني ، و خايف عليي من كل اشي ..
لعبنا بكل الالعاب متل ما تمنيت ، و لما ركبنا سفينة القراصنة ، قعدنا شباب لحال و بنات لحال ، مواجهين بعض ..
آيات ( بتصرخ و نزلوا دموعها ، خلال اللعبة ) : احمد رح يساااافر
ياسمين ( بتصرخ ) : ماااا سمعععت
ديمة ( بتصرخ ) : عدددددي بحببببك
سيرين ( بتصرخ ) : ماماااااا
رنين ( بتصرخ ) : عمممممرررر
كل وحدة فينا كانت تصرخ ، و تنادي ، بس ما حدا سامع التاني ..
ضحكنا كتير ، و قضينا احلى الاوقات ..
و لما صار موعد ترويحتنا ، مشيت انا و احمد لحالنا ، حتى يحكي معي ..
احمد : اجا وقت المفاجاة
ياسمين ( مبتسمة ) : يلا شو هية ؟
احمد ( طلع علبة صغيرة من جيبته ) : تفضلي هي عيديتك
ياسمين ( اخدتها و فتحتها ) : وااااو كتير حلو
احمد ( بعيون كلها حب ) : عجبك ؟
ياسمين ( نفس النظرات ) : اكيييد ، يسلمو ايديك
احمد : وين حبيبي ؟
ياسمين ( بخجل و تردد ) : حبيبي
احمد : بدي البسك اياه انا ، بس بالسيارة احسن
ياسمين : تمام ، يلا
كان سنسال دهب طويل نوعا ما ، تعليقته اسمي و اسمه بالعربي ، مشلبكين ببعض على شكل قلب حب ..
ياسمين : ما كان في داعي ، جد حبيبي انت بحاجة لكل قرش هلا
احمد : بزعل منك اذا بتجيبي سيرة الفلوس
ياسمين : انا و اياك واحد ، ليه تزعل ؟ ازا انا ما فكرت فيك مين رح يفكر
احمد : بعرف يا روحي ، و لانك انتي هيك انا بحب اقدرك و اعطيكي قد ما اقدر
__________________________________
بعد العيد بيوم <<
حمزة : ردوا خبر ؟
ام حمزة : اه اليوم قالت تفضلوا ، حكيت منيح لانك معطل
رانيا : يلا احكيلي شو رح تلبس حتى اجهزلك
حمزة : يسلم ايديكي ، شوفي هدول مناح ؟
رزان : اه ممتازين ، يلا يا دوب حكولنا عالمغرب نكون عندهم
//////
سيرين : يا ماما خليني البس هدول
نهى : لا يعني لا ، انتي من متى بتبيني على ناس غرب بدون جلباب ؟ ازا سالك بتبلبسي او لا ؟ و حكتيله اه بلبس رح يسال حاله انه ليه ما لبستي اليوم ؟ خليكي ماشية صح و احتسبي كل اشي لوجه الله
سيرين : حاضر ، رح البس جلبابي العيد ، يلا بس رح حط شوي ميك اب
نهى : ما في داعي ، خليكي طبيعية قد ما بتقدري
سيرين : حكيتي لعلاء ؟
نهى : اه ، يمكن ما يجي ما بعرف ، المهم خالك يجي يجيبلي الولد قبل ما يجو
__________________________________
هيثم : جهزيلي آدم رح اجي اخده كمان شوي ، و زينة رح اتضل عندكم فترة دوامي
ام زينة : جاهز ، بس تعال خده وجعني راسي من بكاه
هيثم : اتطمني رح ترتاحي منه ، يلا مسافة الطريق و جايين
شو الحل مع هيك بشر ما بعرف ، المهم ابني يكون بين ايدي امينة و بكفيني بالوقت الحاضر عالاقل ..
نهى : يلا متى رح توصل
هيثم : اقل من خمس دقايق بكون عندك
نهى : يلا بانتظارك عشان جايين جماعة يشوفوا سيرين
حطيت زينة عند امها ، اللي ما كانت تكلف خاطرها تيجي تطمن عليها ، الا عالتلفون ..
اخدت ابني و اغراضه ، و وصلت بيت اختي ام علاء ..
هيثم : آدم بأمانتكم
ابو علاء : بعيونا ، انت لا تهكل هم ابدا ، بدنا نشوفك مرتاح و بس
نهى : يا روحي شو هالحلاوة ، كبران حبيبي
سيرين : و اخيرا شفته ، خالو مبارك يتربى بعزك
هيثم : ماشاءالله عليكي شو هالجمال ، الله يخليكي عقبال ما اشوفلك
سيرين ( بخجل ) : بوجودك خالو حبيبي
هيثم : يلا عن اذنكم ، انا لازم اروح
ابو علاء : الله يعطيك العافية
نهى : دير بالك
__________________________________
ابو علاء : هي وصلوا
نهى : سبحان الله ، لو سبقوا كم دقيقة كان هيثم شافهم
ابو علاء : خلص اهدي و خليكي رايقة ، لا تفكري باشياء وهمية
سيرين : يلا افتحوا الباب ، عن شو عم تحكوا ؟
ام حمزة : السلام عليكم
نهى : و عليكم السلام ، اهلين تفضلوا
حمزة : السلام عليكم ، كل عام و انتوا بخير
ابو علاء ( مبتسم ) : و انت بخير يا ابني ، تفضلوا
كل توتر العالم كان فيي ، كاني اول مرة بتعرض لهالموقف ..
قلبي كتير برجف ، و خيالي سارح لبعيد ..
قطع تفكيري ، علاء اللي لما اجا ، عليت اصوات الترحيب ، و حسيت انه في احاديث مشتركة بينهم ..
نهى : يلا فوتي ، سالوا عنك
سيرين : كيف الوضع ؟
نهى ( بتضحك ) : بجنن متل ما بدك ، اشقر و عيون ملونة
سيرين : يا سلام هههه يلا لاحقتك
اخدت امي صينية الضيافة ، وانا حملت بايدي صحون ، و مشيت وراها ..
نهى : تفضلوا ، فوتي ماما
رفعت راسي ، قال يعني اني واثقة بحالي و مشيت ، و اول ما اجت عيني عالشب ، و بدي احكي السلام عليكم ..
رميت الصحون على اول طاولة بوجهي ، و طلعت ..
علاء : وين رحتي ؟
حمزة : هههه شكلها خافت مني
رانيا : شو مالها ؟
نهى ( خجلت ) : ما بعرف هلا بشوفها
ركضت على غرفتي ، مسكت موبايلي و رنيت على ياسمين ..
ياسمين : يعدمني اياكي ليه بترني
سيرين ( بترجف ) : ي ي ياسمين ، احزري مين العريس ؟
ياسمين : هههه مين ؟
سيرين : هداك الشب ما غيره ، تخيلي
ياسمين : احلفي ؟ سبحان الله شو هالصدفة
نهى : ولك وين رحتي ؟
سيرين : يلا باي ، ماما اسفة
نهى : انصرفي روحي فضحتينا فكروكي خايفة منه
رجعت و امي ضلت ماسكة ايدي ، خافت ارجع اهرب ..
بس هالمرة فتت و انا منزلة راسي ، و ما استرجيت احكي حرف ..
ام حمزة : مالك يا حبيبتي ، بدنا نسلم عليكي ، شو هالحلاوة هاي ؟
رزان : كل عام و انتي بخير
سيرين ( بخجل ) : و انتو بخير ، اسفة تزكرت شغلة و تلبكت
رانيا ( عيونها على حمزة ) : سيرين بعرفك على اخوي ، حمزة
حمزة ( عيونه بتلمع ) : كيفك ؟ سيرين
سيرين ( بلعت ريقي ) : الحمدلله
علاء ( بهمس ) : شكلها عرفتك
حمزة ( بهمس ) : اكيد عرفتني عشان هيك هربت
قعدت اكتر من عشر دقايق ، تخللهم اسئلة عامة منه ، و استفسارات منا ، و انسحبت من المكان ، على نداء آدم اللي صحي من النوم ..
ما كنت مصدقة اللي صار ، يا ترى وجوده ببيتنا صدفة ؟ ، او فعلا متل ما حكت امه ضل وراي لجاب رقمي ؟ ..
رانيا : عندكم بيبي ؟
ابو علاء : ابن خالها لسيرين ، عمره ايام لسا
ام حمزة ( بقلق ) : خير ، وين امه ؟
علاء : تعبانة شوي
ابو علاء : و ابوه دكتور ، و خلصت اجازته ، حطه عند اخته اتدير بالها عليه
رانيا : ماشاءالله عليها خالتو ام علاء حنونة و طيبة
نهى : تسلمي
ابو علاء : سيرين بابا جيبي آدم خليه يتعرف على هالوجوه الطيبة
حمزة : تسلم يا عم ، و الله من بعدكم
حملت آدم ، و معه قنينة الحليب ، و فتت فيه عالغرفة ..
ابو علاء : اعطيه للآنسة رانيا ، تشوفه
اتطلعت بامي ، اللي كان وجهها بالالوان ، و عيونها متعلقة على بابا ..
ومألي بابا براسه ، و عملت متل ما بده ..
رانيا ( بحنية ) : يا عمري انا ، ماشاءالله عليه اسمك آدم يا حلو
ابو علاء : و ابوه هيثم اسمه
كانت رانيا ماسكة القنينة و بدها تشربه ، رجفت ايدها فجاة ، و وقعت منها ..
ام حمزة : انتبهي يمة
رانيا : اسفة
حمزة : الله يحميه ، عقبال ما تشوف لعلاء
نهى : الله يخليك
ام حمزة : و نشوفلك يمة
رزان ( بتكز عاسنانها ) : ههههه ماما مو قدامهم
ابو علاء : خليها تاخد راحتها ، ام و بدها تفرح بابنها
علاء : بابا من انصار الاهل
حمزة : ماشاءالله عليه ، لا شك بانه تربوي و قدير الله يطول بعمره
سيرين ( مبتسمة ) : كلك زوء
حمزة ( مبستم ) : في مجال نقعد شوي ؟
علاء : اه طبعا خدوا راحتكم ، تعالوا عالصالة هون
تفاجات بطلبه المستعجل ، المفروض اول مرة بنشوف بعض ما نقعد ، بس الاخ مستعجل يتعرف ..
حمزة : عرفتيني ؟
سيرين : لا ، كيف بدي اعرفك و انا اول مرة بشوفك
حمزة : شكلها ذاكرتك على قدك ، عاد تخصصك رياضيات المفروض تكوني لماحة و ذكية
سيرين : هههههههه
ما قدرت امسك حالي ، و التمثيل ما جاب نتيجة معه ..
حمزة : ايوا هيك خليكي طبيعية ، ولا بس شاطرة تبهدليني لاني خفت عليكي
سيرين : كيف وصلت لبيتي ؟
حمزة : اللي بده اشي بوصله لو كان بآخر الدنيا
سيرين : اكيد ، بس جد عندي فضول
حمزة : امممم بتقدري تحكي فاعلة خير
شو فاعلة خير يعني ؟ ، لا مستحيل تكون اللي ببالي ..
سيرين : يلا ان شاءالله نكون خير لبعض
حمزة : بتمنى ، لاني جد تعبت لحد ما وصلت هون
سيرين : سلامتك ههههه
نسيت برستيجي ، و كل قوانين الاتيكيت لما قعدت معه ..
يا الله شو لطيف ، و فعلا انا كنت واقعة فيه من اول نظرة ..
ما سهروا كتير ، قعدنا اقل من ساعة و حكالي عن حاله بشكل بسيط ، و قال رح يجي المرة الجاي نقعد اكتر ..
علاء : كيف شفتوا الشب ؟
ابو علاء : ماشاءالله عليه
نهى ( معصبة ) : تعال شوي عاوزك
ابو علاء : طيب ، شوي و باجي
نهى ( بنبرة حادة ) لا هلا تعال
ماما كانت كتير معصبة ، مع بابا اول مرة هيك بشوفها ، بس بابا كان عكسها ، و هادي لابعد الحدود ..
تركوني انا و علاء ، و انفرد فيي ..
علاء : بست ، شو رايك ؟
سيرين ( صفنانة ) : بجنن ، هاد هو فارس احلامي
علاء : و الله !
سيرين ( صحيت على حالي ) : قصدي منيح منيح ، اسال عنه و احكيلي رايك
علاء : بشوف غيرتي رايك
سيرين : لا ما كان قصدي ، بس انه مقبول كجلسة اولى
علاء : ههه ماشي ، يلا انا بدي اروح تاخرت على ريم
سيرين : اوك سلم عليها
__________________________________
حمزة : شو صارلك مو كل واحد اسمه هيثم بكون هو
رانيا : بعرف
حسين : كيف البنت ؟
حمزة : تمام ، ما قعدنا كتير ، المرة الجاي بنقعد اكثر
حسين : ان شاءالله
لما شفت هالطفل ، قلبي لهفله بشكل غريب ..
شميت ريحته ، و ضميته ، كانه قطعة مني ..
بس ما بعرف ليه رجفت لما سمعت انه ابوه اسمه هيثم ..
انا من لما شفت ام علاء ، و مشبهة عليها على هيثم ، بس كمان يكون البيبي فيه شبه منه ، و يطلع ابوه نفس الاسم ، لا لا مستحيل ، اكيد اللي بفكر فيه مو صح ..
__________________________________
ابو علاء : مكبرة الموضوع ، انا كان قصدي اشوف ردة فعلها
نهى : ... انا شفقانة عليها ، مفكرني مبسوطة اشوف بنت تحمل ابن حبيبها ، و تكتشف انه متزوج و عايش حياته ، و هي لسا بتستناه
ابو علاء : ليه فرضتي انها بتستناه ، البنت ما اجا نصيبها و بس
نهى : ما بصدق بنت بجمالها الف شب بتمنى نظرة منها، شو جابرها توصل لهالعمر بدون ما تتزوج ، مو ناقصها اشي
ابو علاء : الله اعلم ، خلينا نفكر ببنتنا هسة ، شو رايك ؟
نهى : اسالها هي شو رايها ، لسا عملتها ما نسيتها
ابو علاء : ههههه ضحكتني هالبنت ، فعلا انها مثل ياسمين و ديمة ، كانهم توام
نهى : هههههه الله يهديهم و يصلحهم
الحلقة الثامنة و العشرون :
توجد في حياة الإنسان لحظة غريبة، لا يعرف كيف يفسرها و لا يدرك سرها ابدا، لكنها تصنع كل شيء في حياته القادمة، فقط ثق بأنها فترة مؤقتة ستنقضي سريعا لتبدأ أجمل أيامك ..
______________
_____________
اليوم كان مفصلي في حياتي ، و وضعني امام اصعب قرار بالحياة ..
القرار اللي بعتمد على موازنة العقل القلب ، و عدم ظلم اي منهما ..
نهى : شو بدك تنامي بدون ما نحكي ؟
سيرين ( متفاجاة ) : لا ما نمت
ابو علاء : شو هاد اللي عملتيه قدام الناس ، بصير هالحركات ؟
سيرين ( خجلانة ) : اسفة ، تلبكت بس شفته
نهى : عمرك تقابلتي معه ؟
ابو علاء : الظاهر انه جاي و متاكد منك ، انا هيك حسيت
سيرين ( مو عارفة شو احكي ) : ما بعرف ، يمكن شايفني بمكان ، بس انا ما بعرفه ابدا
نهى : بسيطة ، المهم شو رايك ، ازا اتصلوا مرة تانية نعطيهم موعد ؟
سيرين : اه اكيد ، لسا ما قعدت منيح معه حتى اقرر شو رايي ، و علاء كمان رح يقعد معه اكتر ، و حتى انتوا
ابو علاء : بصير خير ، المهم انك تفكري منيح و اعرفي كيف تحكي و شو بدك تساليه و ما تخلي اشي ببالك الا اعرفي عنه
نهى : آدم صحي ، يلا قومي شوفي رضاعات ازا بدهم تعقيم ، و جهزي مي للحليب
سيرين : يلا قايمة ، بخليه معي و لا يهمك ، يا حرام كانه فاهم انه بعيد عن اهله
ابو علاء : الطفل ما بعرف الا امه باول حياته ، بس للاسف حظه هيك
__________________________________
لقائي مع البنت اللي دخلت قلبي ، و حركت مشاعري من اول لقاء ، كان مميز اليوم ..
طلعت من عندهم و انا لسا ما اشبعت حواسي منها ، تعلقت فيها بزيادة ، و حاسس مع الايام رح اتعلق اكثر و اكثر ..
يااه شو هالشعور اللي احتل كياني ، و زلزل قوتي ..
حسين : حمزة
حمزة : ...
حسين : حممممزة
حمزة : ...
حسين ( بصوت عالي كثير ) : حممممزة
حمزة ( بفزع ) : نعم !
حسين : نعم الله عليك يا حبيبي ، وين وصلت ؟
حمزة : ههههه هيني ، شو بدك ؟
حسين : ولا اشي بدي اتطمن عليك ، شفتك سرحان حكيت بقطع عليك سرحانك هيهيهي
حمزة : انت اذا اجتمعت مع امجد و عمر بتعملوا مصيبة بالبلد
حسين ( مستغرب ) : مين امجد و عمر هدول ؟
حمزة : رح يجي يوم و تعرفهم ، يلا تصبح على خير لازم انام انا
حسين : تلاقي خير ، الله يجبر عليها امي ، كان لها ولد و تزوج
حمزة : لا تسمعني حسك
لفيت وجهي للجهة الثانية ، و قبل ما اغمض عيوني رن موبايلي ..
مسكته بتكاسل ، بس لما شفت الاسم نهضت حالي ،و طلعت من الغرفة ، و فتحت خط ..
احمد : كيفو عريسنا ؟
حمزة : و الله اهلين ، الحمدلله كيفك انت ؟
احمد : اهلين فيك ، شو الاخبار ، طمني ؟
حمزة : كله تمام ، ماشاءالله عليهم دار خالتك ، كلكم من اروع ما يكون
احمد : تسلم ، متى بدك ترجع مرة ثانية ؟
حمزة : ما بعرف لسا ما حددنا ، بس ان شاءالله قريبا
احمد : انا قرب سفري ، بعد بكرا خطبة عدي ، و بده يعزمك ، و انا سفري بعد الحفلة بثلاث ايام ، يعني بكل البلد ضايل خمس ايام
حمزة : الله يهنيه و يباركله ، ما بعرف اذا رح اقدر اجي عالخطبة بس اتوقع مو مناسب لانه رح يعرفني ابو علاء و ابو امير ، شو رايك انت ؟
احمد : امممم ما فكرت فيها هاي ،طيب بدي اشوفك متى بناسبك ؟
حمزة : خلص بنحدد يوم هالاسبوع و بردلك خبر ، انت دايما فاضي ؟
احمد : دايما ههههه لا عندي يوم رح اروح مع ياسمين على فحص الرخصة ، بس بكون الصبح عالاغلب
حمزة : يلا بالتوفيق ، لا انا الصبح ما بكون معي مجال ، خلص بردلك خبر
احمد : ماشي حبيب ، تصبح على خير
حمزة : و انت من اهله
__________________________________
ريم : ههههههههههههه مو معقولة
علاء : هاي سيرين و عمايلها
ريم : طيب ليه ؟
علاء : اساليها ، منا حكتلك عشان تعرفي منها و تحكيلي بدي اعرف مالها
ريم : اممم ، و ازا اشي صعب احكيه ؟
علاء ( قرب عليها و حاوطها بايديه ) : ما في اشي صعب على غزالتي
ريم ( بتتهرب منه ) : لا لا ما بقدر اكون جاسوسة ، لا تنسى لو انت كنت مكاني ما رح تحكي اسرار اصحابك
علاء : بس هاي اختي
ريم : و صاحبتي ، و بيناتنا اسرار صعب احكيها
علاء ( بحك في شعره من الخلف ) : ماشي ، براحتك ، المهم كيف استعدادكم لخطبة ديمة ؟ ناقصكم اشي ؟ اسالي سيرين لانه اكيد رح تنشغل مع آدم و ما تفضى لحالها
ريم : يا روحي ، نفسي اشوفه
علاء : تواصلي مع امي و شوفي شو تخطيطاتها
ريم : بتوقع اول اشي رح تفرجيه لسيدي
علاء : و الله انك فهمانة يا بنت ، فعلا هيك حكت اليوم ، ولك يسعدها الماما المستقبلية ، يلا خديلك كم درس على آدم عشان يكون عندك خبرة
ريم : هههههه ماشي ، يلا خلص نعسنا ، لازم اصحى بكير و اروح عند ديمة بدها اياني
علاء : تمام ، يلا الى السرير يا زوجتي الجميلة
ريم : هههههههه
__________________________________
ديمة : متأكدة انه نفسه ؟
ياسمين : و لك نفسه تخيلي
ديمة : يا ويلي ، شو هالبنت كاينة تدعي ليل نهار برمضان ، سبحان الله
ياسمين : كتير انبسطتلها ، الله يتمملها على خير و نفرح فيها
ديمة : و نفرح فيكي يارب حبيبتي ياسمين
ياسمين : تسلمي ، كيف استعدادك ؟ عدي كيف وضعه لكتب الكتاب
ديمة : يبي لا تزكريني ، حاسة رح ياكلني ههههه
ياسمين : صحتين على قلبه هههههه
ديمة : حكيتي لآيات ؟
ياسمين : لا لسا هلا برنلها
ديمة : فاولت عليها ، قالتها تخيلي يطلع نفسه
ياسمين : دار خالتو منى وضعهم متكركب بعد ما امجد طلب بيان
ديمة : ستي ، كل مين عنده اشي يشغله
ياسمين : فعلا ، يلا بدي احكي مع آيات قبل ما تنام ، تصبحي على خير
__________________________________
غنى : حلو هاد الفستان ؟
بيان : اه كتير حلو ، و انا كيف لبستي ؟
غنى : بتجنيني ، القالب غالب
بيان : تسلمي ، كيف عدي ؟
غنى : اوووه لا تسالي، مو بهالدنيا يا قلبي هههه
بيان : الله يهنيه ، عقبال الجميع يارب
__________________________________
ابو بيان : انا بدي احكيلكم شغلة مهمة ، لازم تعرفوها
ابو ماهر : خير ؟ صاير اشي معك ؟
ابو بيان : بالحقيقة ، مو معي ، يعني بخصوص بيان
ابو عدي : احكي
ام ماهر : خير يمة البنت مالها اشي ؟
ابو بيان : اتطمنوا كل خير ، بس امجد طلب ايدها
عدي : امجد ؟!
عمر : ...
ابو عدي ( عيونه على عمر ) : و بعدين شو صار ؟
ابو بيان : بيان وافقت ، بس ما حكينا لحدا يعني لانه ما في اشي رسمي لسا حتى اهله ما فتحوا الموضوع ، بس بعرفوا انه بده اياها
ابو عدي : ايوا ايوا ، هسة فهمت
ابو ماهر : شو هالحكي ؟ بتعطي بنتك لولد ، و بدون اهله
عمر : هسة امجد صار ولد ؟
ام ماهر : كيف بتكبل منى تخطب ابنها الصغير كبل احمد ؟ و انت كيف وافقت يمة بدون ما تشاور اهله
ابو بيان : انا شايفه زلمة ، اللي بعمل هيك اشي ، و بطلب بنت و بتحمل مسؤولة ، و بعطي موعد ، معناها زلمة
عدي : شو الموعد ؟
ابو بيان : بس تتخرج بيان بخطبها رسمي
ابو ماهر : الله يقدم اللي فيه الخير
__________________________________
قصي : شو يا عروس صاحية ؟
ديمة ( بابتسامة ) : اه و الله مو جايني نوم
قصي : كيف حاسة حالك ؟ مرتاحة ؟
ديمة : كتير ، الحمدلله
قصي : الحمدلله ، الله يبسطك كمان و كمان و يتتملك فرحك على خير
ديمة : يا روحي ، عقبال ما افرح فيك
قصي ( بلهفة ) : يارب
ديمة : كانه في بتمك حكي ؟
قصي ( توتر ) : يعني ، مو مهم خلص لبعدين بنحكي
ديمة : ليه عادي ، هينا سهرانين ، يلا قول
قصي : في حفلة معزوم عليها ، انتي و امي قصدي ، لانه العزومة من طرف اخت العريس
ديمة : ما فهمت
قصي : صراحة انا بعرف اخت العريس اللي بحكيلك عن حفلته ، و العزومة عشانكم يعني حكتلي اعزم امك و اختك
ديمة ( رافعة حواجبها ) : قصي !! شو في بينك و بين هالبنت ؟؟
قصي : لا لا ما تفهميني غلط ، خلص انتوا بتروحوا عالحفلة و بتتعرفوا عليها ، اسمها سعاد
ديمة : سعاد ؟! ، اول مرة بسمعك بتجيب سيرة لهالاسم ، من وين بتعرفها ؟
قصي : من الجامعة
ديمة : ايوا ، طيب متى الحفلة ؟
قصي : الاسبوع الجاي
ديمة : على خير
__________________________________
آيات : وااااو ، شو هالخبر الساحق
ياسمين : ههههه الفضل الك فاولتي عليها
آيات : شو انبسطت الها ، يا حبيبتي كيف بتكون هلا ؟
ياسمين : ييي انسي حكت معي كانت بترجف ، الحقيني هداك الشب عنا
آيات : هههههه فظيعة ، كيف وصللها طيب ؟ يعني ما شافها الا مرة و بسرعة معقول سال ابوكي مثلا ؟
ياسمين : امممم الله اعلم
آيات : معقول ما الك ايد بالموضوع ؟ اشك صراحة
ياسمين : ييي انتي التانية شو دخلني انا ؟
آيات : ايييه بكرا بدوب التلج و ببان المرج ، المهم احكيلي شو حكوا اهلك على عيدية احمد ؟
ياسمين : صراحة لحد هلا ما فرجيتها لحدا
آيات : ستي ، اعملي اللي بريحك ، اصلا اهلي ما شافوها كمان
ياسمين : مشان هيك انا ما فرجيت حدا ، ما بدي افتح جروحات لانه الكل رح يحكي انه لو كنتوا لسا خاطبين كان اكيد رح يعيدك هيك بس هلا ما في شي بيربطنا
آيات : اللي بيربطكم اقوى من كل هالحكي ، الله يجمعكم على خير من جديد ، ياسمين بدي منك اتضلي تحبيه لاحمد لو شو ما صار ، تأكدي انه ما بحب حدا غيرك
ياسمين : شو هالحكي ، بدي توصاية انا ؟ احمد هو قلبي و دقاته
آيات ( بصوت مخنوق على وشك تبكي ) : حبيبتي ، يلا انا لازم اروح
ياسمين : انتي منيحة ؟ ليه هيك صوتك ؟ آيات وين رحتي .. الوو
__________________________________
نهى : يلا انا جاهزة
ابو علاء : يلا امشوا ، هاتي عنك
سيرين : ماما ليه ملفحتيه الدنيا صيف
نهى : لا الطفل لازم يضل مدفى ، لسا جسمه ما تعود و بكون حساس
سيرين : انتي ادرى
ام ماهر : يا هلا يا هلا بالغالي ، يا حبيبي يا ستي شو اشتكتلك
ابو ماهر : يسعد هالوجه يا سيدي ، الله يحميك
نهى ( عيونها على ابو علاء ) : هي اجا برجليه لعندكم
ام ماهر : الله يرضى عليكي يمة انتي و جوزك ، عكبال ما نفرح باولاد اولادك
ابو علاء : بوجودك يا حجة ، ما عملنا اشي الا واجبنا
ابو ماهر : حكى معنا هيثم اليوم ، و ان شاءالله بمر علينا نشوفه
نهى : يلا منيح ، مرته عند اهلها و بتتحسن على مهلها
سيرين : وين رح نحطه بحفلة عدي و ديمة بكرا ؟
نهى : بناخده معنا عادي ، بحطله قطن باذنه و خلص
ابو علاء : بنخليه معنا بقاعة الرجال ما في اصوات صاخبة
سيرين : هههههه اتخيل شكل الشباب و همة بعملوله قنينة حليب
عمر ( دخل فجأة ) : هيهيهيهي سيرين النغشة اللي لسانها اطول منها
سيرين : يمة بسم الله شو جابك ؟
نهى : ههههههه
ابو علاء : هي ابن عمك تعال دير بالك عليه ، كل واحد بستلم شفت
عمر : صغيري الجميل ، رعاك الله
سيرين : ههههههه
ام ماهر : تعالي شوي يمة عاوزك بكلمتين
نهى : يلا جاي
عمر : شو صار بالعريس ؟
سيرين : اكل من كعكاتي و اكيد اكيد رح يرجع يخطفني عشان اعمله متلهم كمان مرة
ابو علاء : حاطتيله سحر ليكون ؟
عمر : سحر جلب العريس هههههه
سيرين : بابا الله يسامحك انت صرت متلهم كمان
عمر : سامع بنتك يا عمي ؟ احنا عاطلين لهالدرجة ، صرت اشك بحالي
ابو علاء : لا و الله على سلامتكم ، زينة الشباب الله يحميكم
سيرين : خلص خلص هلا بصدق حاله
__________________________________
ام ماهر : كولي لاختك بلاش ابنها يجننها و يعمل عمايله
نهى : شو هالقصة الجديدة ، ما خلصنا من الاول بعدنا
ام ماهر : طول مبارح ابوكي ما غمضتله عين و هو يفكر ، خايف عالبنت تتعلك بالصبي و ما يكدر يخطبها مثل ما كال لخاله
نهى : لا لا من هالناحية متاكدة انه رح يخطبها ، بس رح يضغط على اهله و عنده ماجستير كمان
ام ماهر : الله يهديه و يعين اختك و جوزها
نهى : امين ، خليني اشوف آدم ماله بعيط
ام ماهر : شو صار مع سيرين ؟
نهى : ماشاءالله عنه العريس ، بس لسا رح يجي مرة تانية يقعدوا و بعدين بنسال عنه ازا وافقت
ام ماهر : الله بيض بختها و يرزقها ابن الحلال
__________________________________
ريم : بتحكي جد ؟
سيرين : و الله ما بزل عليكي
ريم : طيب كيف وصلك ؟ سالتيه
سيرين : صراحة اه ، اول اشي تهرب بس اصريت عليه حكالي فاعلة خير
ريم : نعم ؟ شو فاعلة خير هههه
سيرين : انا شاكة انها ياسمين ، لانه ما حدا بقدر يوصله الا هية ، بس متى و كيف ما بعرف
ريم : لا لو ياسمين كان حكت ، بس هي طبيعية كانت ، انا بعرفها ما بتكزب
سيرين : يمكن عاملتلي اياها مفاجاة
ريم : ههههه ، طيب يختي يكتر خيرها ازا هية و مين ما كانت تكون
سيرين : اه و الله ، يمة يا ريم ما ازكاااه ، ولك دبت انا ، لو شفتي كيف رميت الصحون
ريم : ههههه حكالي علاء ، متت من الضحك مبارح
سيرين : ماما كانت رح تموتني
ريم : ستي الله يهنيكي و ازا كان فيه خير الله يجمعكم
سيرين : امين حبيبتي
ريم : صحيح بدي اشوف آدم وينكم ؟
سيرين : عند دار سيدي ، لو تشوفي هاجمين عالولد
ريم : و امي اجت ؟
سيرين : خلصي شغلك مع ديمة و تعالوا
ريم : هلا بنيجي
__________________________________
في اليوم التالي <<
مها : يلا خلصوني ما ضل وقت
حنين : بلشنا سيمفونية ، خليني اعرف البس و انا مروقة
مها : طيب ، بس عجلوا لانه ابوكي لازم يكون بالجاهة بدري
ياسمين : متشوقة اشوفها كيف طالعة اليوم اكيد رح تكون غير شكل
رنين : اكيد غير شكل بكفي العريس عدي
حنين : شو البس هاي الشالة و لا التانية ؟
ياسمين : لا هديك البق
اسيل : حلو منظري ؟
رنين : اه منيحة
فرح : امير لا توسخ اواعيك
حنين : ياااي ما انعمك ، انصرفي روحي امسكيه ليوسخ حاله
فرح : كل اشي عليي ، دخيل الله
ياسمين : ههههه
كنت البس ، و صافنة بحالي في المراية ، وين كنت و وين صرت ..
اليوم انا بعيدة عن احمد ، و اللي كانوا بعاد عن بعض اجتمعوا ، و رح يكونوا لبعض ..
يمكن انا كنت سبب في نصيب اكتر من حدا بعيلتنا ، و بعرف انهم بتمنولي كل خير و بحاولوا يجمعوني مع احمد ..
لكن الظروف الصعبة اللي الكل مرق فيها ، لابد اني امرق فيها انا كمان ..
فجاة وقع من ايدي السنسال ، اللي كنت احاول البسه بخفية تحت الشال ..
ياسمين ( بقلق ) : يييي وينها ؟
مها ( ماسكتها بايديها ) : شو هاي ؟
حنين ( عيونها على ياسمين ) : ...
ياسمين ( بخوف ) : ه ه هاي
مها ( بتحاول تقرا التعليقة ) : احمد - ياسمين ! ، حلو هاي جديدة صح ؟
ياسمين ( بهز راسي بالايجاب ) : ... هي سنسالها
مها : مبروكة ، ديري بالك عليها
كانت عيونها مليااانة شفقة ، بصوتها غصة كبييييرة ، و وجها لونه انعدم ، اما عيونها خانوها بنفس اللحظة و نزلت دمعتها ..
__________________________________
زياد : خلصوا بناتك ؟
مها ( بتبكي ) : ...
زياد : مها ! خير صاير اشي
مها ( بتبكي ) : ... ياسمين
زياد ( قعد جنبها ) : مالها ؟
مها : احمد جايبلها عيدية سنسال بتعليقة عليها اسمه و اسمها ، احكيلي هاي شو شعورها هلا بس تخطب ديمة و الله اعلم مين كمان يخطب بعدها ، و الامر من هاد كله احمد مسافر و الله اعلم ازا رح تسامحه
زياد ( بحزن ) : شو رح نعمل يعني ؟ هاد نصيبهم ، مفكرتيني مبسوط ، باطلة و محولة الساعة اللي حكيت فيها معه عشان السواقة
مها : شو فايدة الحكي ، كان لازم نفكر قبل ما نعمل اي اشي
زياد : تعبت و الله تعبت ، مشتهي يوم يمر عليي و انا مرتاح من بعد هداك اليوم
مها : فكر بالموضوع ازا احنا هيك حالتنا كيف هية ؟ شو رح يصير ، قلبي مقبوض يا زياد ، حاسة ما رح يصير خير
زياد : ... الله يستر
__________________________________
ريم : سبحان الله ما اجملك ، يا قلبي شو حلوة
ام عدي : الله يحميها ، حوطتك بآيات الله
سهى : الله يسعدك ، تتهنوا فيها يارب و يجعلها خير عليكم
غنى : يا روحي انتي ، الله يحميكي
ديمة : خلص خجلتوني ئي ، من غير اشي متوترة
ريم : ههههه طيب ، يلا هي وصل قصي و عمر ، لو سيارة وحدة اجو احسن
غنى : وصيته على اشياء لاني ، نسيتهم بالبيت ، انجبر يجي مسكين عجقته
ديمة : رح يفجر فيكي السيارة هلا هههه
ما كنت مصدقة اللي بصير معي ، و كل تفكيري مع عدي و ردة فعله ..
لما وصلنا الصالة ، قعدت بغرفة التصوير ، معي ريم و امي و مرت خالي و خالتي منى ..
و استنيت الجاهة لما خلصت ، و اجا عدي و خالي و بابا و قصي و عمر و عمي و خالو هيثم يشهدوا على كتب الكتاب ..
هيثم : مبارك يا عرسان
عدي / ديمة : الله يبارك فيك
سهى : الله يرضى عليك و عقبال عند آدم يارب ، الله يحميلك اياه
ديمة : ما صحلنا نباركلك خالو ، يتربى بعزك و دلالك
هيثم : حبيبتي ، واصلة و زيادة الله يهنيكم ( ضرب على كتف عدي ) بتحطها بعيونك احسن ما اقلعلك اياهم
عدي : هههه و لا يهمك بعيوني و قلبي
هيثم : ان شاءالله الحب يكون ايجابي و يبني اسرة ناجحة الكم
ديمة : امين يارب ، شكرا خالو
طلعوا كلهم ، و تركونا ، و انا تحولت لرجاج ..
عدي : مالك ؟
ديمة : و و لا شي
عدي : هههه تعالي اساعدك
ديمة : بشو ؟!
عدي : ما بدك تشيلي الغطا ؟
هاد اللي كنت خايفة منه ، اصلا ما صبر عليي اجاوب ، كان واقف وراي و مبلش ..
عدي : اللهم صل عسيدنا محمد ، الله يحميكي و يباركلي فيكي
ديمة ( خجلانة ) : ...
عدي : يلا هاتي ايدك
المصورة ( فتحت الباب فجاة ) : يلا يا عرسان القاعة بتنتظركم
عدي : يلا جاهزين
رهبة الطلة على القاعة ، و الناس ، شعور غريب و بعطي ابتسامة لا ارادية ..
كانوا كل الصبايا قاعدات و بتأملوني ، و ضحكاتهم اعطتني تفاؤل و قوة غريبة ..
__________________________________
آيات : جاييكي الدور سيرين تعلمي
سيرين : انا ما بحب التقليد
ياسمين : ههههههه
بيان : يا ويلي شو بتجنن ، سبحان الله كانها حدا تاني
ياسمين : يا هيك يا بلا ، كل ما اتزكر زمان بغمى عليي
آيات / سيرين : لا تزكرينا ييييي
بيان : اه و الله
حنين : هي لولاها حلوة ما بتطلع هيك حلوة ، بس الغبية اللي خبصتها بالمرة الاولى هية اللي خربت منظرها
بيان : فعلا
سيرين : شوفي ريم ما احلاها
ياسمين : و غنى عروس ههههه
بيان : متوترة عشان النتائج
حنين : معها حق اشي بوتر لانه
سيرين : ان شاءالله ما ينزل معدلها عن الفصل الاول بس
__________________________________
عمر : اخو العريس و ما حدا قدي
قصي : اخو العروس و يا نيالي
امجد : ابن عمة العريس و ابن خالة العروس ، و يا ارض اشتدي و ما حدا قدي
هيثم : الله يجبر عليكم و على اهاليكم
احمد / علاء : ههههههه
قصي : كان عزمتوا حمزة
احمد / علاء ( فتحوا عيونهم و عضوا على شفايفهم ) : ...
هيثم : مين حمزة ؟
عمر : صاحب علاء هههه
امجد : صاحب صاحبه
هيثم : هيهيهي ما اسقع وجهك انت و اياه ، قوموا ارقصوا
عمر : اعطوني المايك خلوني اغني
امجد : اعطني الناي و غني
هيثم : ايوا ما بدكم تحكوا مين حمزة ؟
احمد : حكالك صاحبه
علاء : ...
هيثم : ماشي ، خليكم ساكتين انا رايح اقعد عند ناس بتحكي لانه مو ناقصني نفسيات
احمد : شكرا
احمد : بعدك زعلان ؟
علاء : كثير فارقة معه يعني ؟! انسى ، شو حكالك حمزة ؟
احمد : مبسوط كثير ، بحكيلي رح يرجع يقعد معها كمان مرة
علاء : سيرين مو مصدقة حالها اصلا
احمد : هههه مسكينة ، الله يبسطها و يتمملها
علاء : تسلم ، شو حكت ياسمين عالهدية عجبتها ؟
احمد : اه ، بس اتدايقت بالاول مو حابة انها تخسرني اشي
علاء : مسكينة ، كثير هاكل همها انا ، احمد حاول تلمحلها عالموضوع قبل احسن ما اتدجها فجاة
احمد : بحاول بس مو طالع بايدي ، بتصيبني غصة و ما بقدر اكمل
__________________________________
بعد يومين <<
منى : بدك تروح مكان ؟
احمد : اه طالع مع ياسمين و عمي زياد عندها فحص الرخصة اليوم
امجد : احمد حاول تحكيلها اشي خلص بكفي تخباية
احمد : بحاول
منى : دير بالك ماما ، لا اتطول علينا خلينا نشبع منك اخر يوم
احمد ( هزيت براسي ) : ولا يهمك
////
ياسمين : متوترة كتير بابا
ابو امير : توكلي عالله ، امتحان عادي ، كوني واثقة من حالك و بس
مها : الله يوفقك ماما ، ديري بالك
ياسمين : ادعيلي امانة ، كلكم ادعولي
حنين : يارب تاخديها يارب
رنين : الله يوفقك
__________________________________
احمد : متل ما فهمتك ماشي
ياسمين : ان شاءالله ، يلا بنادوا عليي
ابو امير : اوعي تخافي
ياسمين : ههههه بحاول
قدمت الفحص ، و بفضل الله و دعوات الكل ، الله وفقني و نجحت ..
احمد : هههه ولك يا زعرة ، نجحتي
ياسمين ( بفرح ) : يس يس ، مو مصدقة
ابو امير : مباارك يا حبيبتي ، يلا هي الرخصة
ياسمين ( حضنته ) : بابا ما يحرمني منك ، وجودكم جنبي هو اللي قواني
احمد : امشي نجيب الحلوان يلا
ياسمين : ما رح ترجع على شغلك ؟
احمد ( تلبك ) : اييه ، لا طول اليوم اجازة اخدت ، شو عمي مكمل معنا ؟
ابو امير : خد ياسمين و جيبوا الحلوان ، و انا راجع على شغلي ، بشوفكم
احمد ( قرب يسلم عليه و همس ) : بدي اودعك لانه بكرا سفري
ابو امير ( ضمه بقوة ) : بكرا ! ، تروح و ترجع بالسلامة ، نشوفك على خير
ياسمين ( بعيدة و مو سامعة اشي ) : يلا شو صار معكم ؟
احمد : يلا اجيت ، تفضلي يا اميرة
ياسمين : نيالي ، بلا ما اشوف حالي هلا
احمد ( وقف جنب السيارة وجها لوجه مع ياسمين و تنهد ) : ياسمينتي ، بدي اطلب منك طلب
ياسمين : خير حبيبي ؟ بتؤمر انت
احمد : لا مو هيك قصدي ، بس .. تعالي نركب و بنحكي بالسيارة
ياسمين ( شدته و وقفته مكانه ) : لا ، احكي شو عندك انا من زمان حاسة انك مخبي عليي اشي
احمد : بدي تسامحيني ، اوعديني
ياسمين ( باستغراب ) : بس انا من زمان سامحتك ، انا بحبك احمد و اللي بحب بسامح
احمد : بعرف و انا بحبك ، بس كان قصدي على اي اشي بزعلك مني ، بدي تعرفي انه غصب عني ، و اني ما بقبل ابعد عنك بارادتي شو ما كان
ياسمين : كلامك مو مفهوم ، شو رح يصير غصب عنك ؟
احمد : ... اركبي يلا تاخرنا على خالتي
ياسمين : ...
__________________________________
مها : مع بعض همة هلا ؟
ابو امير : اه ، ودعني قبل ما يروح ، بكرا مسافر
مها ( بغصة ) : بكرا ؟؟ يا قلبي احمد رح يسافر خلص ؟
ابو امير : اوعي تبيني قدامها قبل ما تتاكدي اذا حكالها او لا
مها ( بتبكي ) : طيب ، هي الجرس برن يمكن وصلوا ، سلام
حنين : مبروووك
ياسمين : هههه الله يبارك فيكي
رنين / اسيل / فرح : ياااي اخدتيها مبرووك
احمد : هي الحلوان تفضلوا
حنين : اسفين احمد ، تفضل
احمد : لا عادي ههه
مها : اهلا و سهلا ، مبروك ماما
ياسمين ( حضنت امها ) : ماما حبيبتي اخدت الرخصة شفتي
مها ( عيونها على احمد ) : الحمدلله ، عقبال شهادتك يارب
احمد : يارب
التهيت مع خواتي ، و حطينا الحلو بدي اضيف احمد ، لقيته قاعد مع ماما لحالهم ..
__________________________________
مها ( بتبكي ) : كان حكتلها
احمد : ما قدرت ما قدرت ، نفسي الغي السفر اقسم بالله قلبي رح يضل هون بهالبيت هاد ، خالتي حلفتك بالله ما تسمحيلها تجاكرني انا خايف .. خايف تتهور و تتركني و تروح
مها : انت بشو و احنا بشو ؟ ، خليها تكون منيحة اول بعدين تعمل اللي تعمله
احمد : اذا كانت منيحة ما بتعمل اشي انا متاكد ، ياسمين بتحبني بس لسا ما بضمن عقلها شو يفكر
مها : الله يجيب العواقب سليمة ، اكتر من هيك ما بقدر احكي
ياسمين : ماما وين رحتوا ؟
مها ( مسحت دموعي بسرعة ) : هينا ماما ، فوتي
ياسمين : ليه قاعدين لحالكم ؟ بتنموا عليي
احمد : في اهم منك يعني ؟ اهلين بالشوفيرة ههههع
ياسمين : يا غيور نانانا
مها : ههههه بطلعه يغار ، خصوصا انك شاطرة بالسواقة متله
ياسمين : و يمكن اشطر كمان ، مين بيعرف ( بترفع حواجبها و بتجاكر )
احمد ( عيونه عليي ) : مين بيعرف ؟ بلشنااا
مها : يسلمو عالحلوان الزاكي متلكم ، عقبال حلوان عرسكم يارب
ياسمين ( بخجل ) : قريبا يا رب
احمد : يارب ، الله كريم
__________________________________
كان وداعي لخالتي صعب كثير ، حسيت قلبي توقف ..
اما ياسمين كانت مستغربة ، و فوق راسها الف علامة استفهام ..
كل محاولاتي فشلت ، و ما قدرت اوصللها ادنى معلومة ، سوى اني طلبت السماح منها ..
حمزة : اه احمد ، الو
احمد ( بصوت مخنوق ) : احم ، معك
حمزة ( فاهم عليه ) : هيني بستناك بنفس المكان
احمد : يلا قربت اوصل
حمزة ( بنظرة حزن ) : هون عليك ، الايام بتمرق بسرعة و ان شاءالله بترجع انت و اياها سوا
احمد ( مخنوق ) : المشكلة مو بالسفر ، المشكلة في اللي رح يصير بعد ما اسافر ، مو عارف من وين و لا من وين القاها
حمزة : يا الهي ، شو هالحالة اللي انت فيها ؟ صراحة احمد ما عمره مر عليي مثلك ، الله يكون بعونك يا صاحبي حتى انا اللي ما الي زمان بعرفك مو متخيل انك رح تسافر
احمد : بعين الله ، نصيبي من هالدنيا و بدي اخذه ، دير بالك يا حمزة ، فكر منيح و تروى قبل القرار ، و لما تتخذه حاول انك تحافظ على حياتك الجديدة قد ما تقدر
بعد وداع حار بيني وبين حمزة ، رجعت على البيت ، ولقيت كل العيلة هناك ..
منى : شو صار ؟
احمد : اخدت الرخصة الحمدلله ، مع اني خايف عليها كثير بس الله بحفظها
نهى ( بتبكي ) : ... رح نشتاقلك يا حبيبي تعال
احمد : ... و انا اكثر
سهى ( بتبكي ) : ... الله يحميك و يرجعلنا اياك بالسلامة
احمد : الله يسلمك خالتي حبيبتي و يخليلك قصي ، ان شاءالله باجي و بشوف حفيدكم على ايدكم
ام ماهر ( بتبكي ) : عكبال ما نشوفلك يا قلب ستك ، تعال اشمك
ابو ماهر : استغفر الله العظيم ، النسوان بدهم عرس يغنن فيه
علاء : في عندكم نت او وسائل اتصال ببلاد الواق واق اللي رايح عليها ؟
الجميع : ههههه
احمد : هاي شغلتي و عملتي ولو ، بمد سلك من عندكم
قصي : يستر على ولاياك تاخد لفة سلك على حسابي مو مشكلة ، المهم keep in touch please
__________________________________
ياسمين : هلا بدك تحكيلي شو كنتوا تحكوا ؟
مها : حكتلك ولا اشي شو مالك ؟
ياسمين : لا انا متاكدة انتوا مخبيين عليي اشي ، حتى هو كتير كان يلمح على شغلات ، سامحيني و ما بعرف شو
مها : ...
ياسمين : بوعدك ما اعمل اشي ، بس احكيلي ، امانة ماما احمد ما رح يخطب وحدة غيري
مها ( بتبكي ) : لا مستحيل يعملها ، هالاشي انا متاكدة منه كتير و بدي تتاكدي منه انتي كمان ، و متل ما حكالك سامحيه و بس
نمت و فرحة الرخصة ما كانت مسيطرة عليي ، لانه كل تفكيري كان مع احمد ، و الاشياء الغريبة اللي بتصير حواليي ..
حتى خواتي ما كانوا مناح ابدا ، و بتوشوشوا كتير ..
تاني يوم ، كان يوم جمعة و بعد ما صليت الظهر ، اجتني رسالة ..
مسكت موبايلي و انا لسا بملابس الصلاة ..
( ياسمينة روحي و حياتي و عمري كله ، حب طفولتي ، عشق مراهقتي ، جنون شبابي ..
سامحيني لاني لا املك الشجاعة الكافية اني اتصل فيكي و اسمع صوتك و اودعك قبل ما تقلع طيارتي ، انا هسة مسافر على جدة لوظيفتي الجديدة ، راجعلك قريبا و ان شاءالله بتكون كل اموري تمام حتى نتزوج متل ما كنا نحلم دايما من لما كنا صغار انا واياكي ..
رح اطلب منك كمان مرة تسامحيني ، و لا تنسيني من دعوات قلبك الابيض الياسميني ..
بحبك بحبك بحبك لاخر نفس و آخر نبض فيي ، قلبي تركته امانة عندك ، اوعديني تحافظي عليه ..
المخلص لكِ دائما : احمد )
قراتها الف مرة ، و كل مرة ابكي اكتر و اكتر لحد ما حفظتها ..
كيف لبست ، كيف اخدت مفتاح سيارة بابا ، كيف طنشت نداءات اهلي ، كيف ركبت السيارة و شغلتها ، و مشيت فيها لحتى وصلت بيت خالتي ، ما بعرف ، جد ما بعرف ..
__________________________________
آيات : مين صار جاي ؟
ابو احمد : افتحوا الباب عم يدق كتير
منى : خير يارب
امجد ( بصدمة ) : ياسمين ؟
اول ما فتحتلها الباب ، دفشتني بقوة ، و صارت تركض بين غرف البيت ، و تنادي ..
ياسمين ( منهارة و بتصرخ ) : احممممممد .. احمممممد .. احمد اطلع انا بعرف انك بتكزب عليي ، احمد لسا مبارح كنا سوا ، احمد شفتك انت متخبي
كنا عم نركض وراها ، و منهارين اكثر منها ، وصلت غرفتنا و ركضت على تخت احمد ..
قلبته ، حتى الفرشة رفعتها ، كانت فعلا مجنونة ..
فتحت خزانته و نكشتها ، و طلعت تيشيرت اله ، و صارت تحكي معه ..
ياسمين ( بتصرخ ) : ويييييين رحت و تركتني ، ويييييين ؟
رمت حالها على مخدته و ضمتها بقوة ، و استمرت بالبكى ..
امجد ( ببكي ) : رح يرجع
ياسمين ( بتصرخ ) : اتركوووني
طلعنا كلنا و تركناها بالغرفة لحالها ..
منى : مها بترن ، ايوا مها ؟
مها ( بتبكي ) : ياسمين اخدت سيارة ابوها و طلعت ما بنعرف وين راحت ، شكله احمد خبرها انه سافر
منى : هيها عنا ، اجت هون اتدور عليه
مها ( تنهدت ) : الحمدلله ياربي ، طيب يلا جايين
منى : معلش خليها شوي لتهدى
__________________________________
ضميت تيشيرتك و مخدتك ، و غمضت عيوني ، و انتظرت هالكابوس ينتهي و اخلص منه ..
افتح عيوني و الاقيك جنبي ، وتحكيلي كنت امزح معك حبيبتي ، انا ما بتركك و بروح ..
بعد ساعتين <<
صحيت من غفوتي ، ما بعرف بعد كم ، بس كنت مصدعة كتير ، لقيت حالي ببيت خالتي منى ، و على تخت احمد ..
اتطلعت حواليي ، لقيت الغرفة مقلوبة راس على عقب ، تزكرت شو اللي صار ..
فتحت باب الغرفة ، طلعت لقيت كل العيلة موجودة ، كبير و صغير ..
كلهم بتطلعوا عليي بشفقة ، نفس النظرات اللي كنت اشوفها بعيونهم قبل ما يجي هاليوم ..
عرفت انهم كانوا يعرفوا و مخبيين عليي ، وقفت قدامهم بقوة ما بعرف كيف اجتني ..
ياسمين ( بصوت جهوري ) : كنتوا تعرفوا صح ؟ انتوا كزابين ، ما بتحبوني
مها : بنتي
ياسمين : ابعدوا عني ، ما رح اسامحكم ، سمعتوني ؟ ما رح اسااامحكم
هيثم : تعالي معي
ياسمين : ما بدي ، ما حدا يحكي معي ، رح تحكولي ليه ما حافظتي عليه ؟ ليه ما رجعتيله لما خطبك مرة تانية ؟
الجميع : ...
ياسمين : تمام رح احكيلكم ، اجا الوقت المناسب اللي تسمعوني فيه ، لما طلقني بكل برود اعصاب و على الموبايل و بدون ما يكلف خاطره و يجي يتفاهم معي ، كان صعب عليي ارجعله لما ندم حضرته و فكر اني ميتة عليه و على طول بسمحله يرجعني وقت ما بده متل ما طلقني وقت ما بده ، كان بدي ياخد درس ، و الله اعلم ازا اخده او لا ،بس الظاهر ما اخده لانه بكل برود اعصاب بعتلي رسالة و ما كلف خاطرة بحجة انه ما عنده شجاعة يخبرني عن سفره و تبريراته ، ما كنت رح امنعه بس عالاقل كان امتصيت الصدمة يوم عن يوم و قدرت ودعه و اشبع منه قبل ما يروح
ابو ماهر : كل الحق معك يا سيدي ، و انا معك
ياسمين ( شفايفي برجفوا و كل جسمي صار يرجف ) : ما رح سامحه ، احكوله ياسمين ما رح تسامحك ، و هي بلوك رح اعمله حتى لما يصير عنده شجاعة و قوة يواجهني ، يعرف انه فات الاوان عليه
البنات : طيب احنا شو دخلنا ؟
ياسمين : ... ما بعرف ، اتركوني براحتي لو سمحتوا
منى ( بتبكي ) : و الله كنت خايفة من هاللحظة ، الله يسامحه طول عمره عنيد
ما تحملت دموع خالتي ، لاني بعرف انها بتبكي مشاني ، رميت مفتاح السيارة ، و طلعت من عندهم ..
قبل ما امشي ، لفيت وجهي ، و القيت نظرة على اللي كان رح يصير بيتي ..
شفت حيطانه عم تبكي معي ، كانها بتترجاني ما اروح و اتركهم ..
طلعت عليه من الدرج الخارجي ، و وقفت مكان ما كنا انا و احمد فيه اخر مرة ، و حملني فيها ، و سمعت صدى صوته بغنيلي ..
الله ما اكبر غلاااك .. ينبض بحبك فؤااادي ..
مين يشبهك يا ملاااك .. مين يشبهك يا ودااادي ..
سكرت ادنيي بايدي ، و نزلت باقصى سرعة ..
كانوا وافقين و بدهم اياني ، بس ما رديت على حدا ، و مشيت ..