تهت فمرة وانا صغيرة ،، وأول مالقيوني .. لقيتهم كلهم بيزعقو ،، كنتي فين ! سبتي ايد ماما ليه ! مش تمشي معانا ! ..... كله مكشر ،، اللي خد نفس عميق واللي شرب ميا ،، بس محدش فكر يطمني أو يحضني .. كله متغاظ مني ومش طايقني !!
اضطريت أنا اللي أهدي واطمن نفسي : دول خافو عليا اوي ، أعصابهم باظت ، أكيد هم بيحبوني وخافو أكون مشيت بعيد ... بس فضلت جوايا حاجة مش مطمنة نظرتي لنفسي إني طفلة مؤذية ومش كويسة وعملت حاجة غلط 💔
قررت أنهي الصراع ده واسألهم .. بابا انت بتحبني؟
= طبعا ..
_ وعشان كده خفت عليا ؟
= أكيد
_ طب ليه مقلتليش كده اول ملقتني ؟
= واحنا كنا فإيه ولا فإيه بس دي الخضة وحشة !
_ منا كمان اتخضيت وخفت وكنت هعيط ولسه خايفة💔
= ليه يبنتي بس واحنا معقولة كنا هنسيبك ❤️
_ انتو مسبتونيش بس لما لقيتوني حسيت انكو متغاظين مني ومبتحبونيش💔
= مبنحبكيش ازاي بس ده والله الواحد كان قلبه هيقف .. انتي متعرفيش احنا بنحبك ازاي انتي فاكهة البيت والضحكة الحلوة انتي أحلى حاجة فالدنيا ❤️
الحمدلله ،، أخيرا اطمنت ،، أنا مقبولة ومحبوبة ،، أنا طفلة ومن حقي أغلط عادي ،، وحقي كمان لما أتوه في الطريق الاقي حد يحتويني ويطمني ويوجهني بكل حب ❤️❤️❤️
#كلمة_ممكن_تفرق