سلسلة ياسمينة الروح- الموسم الرابع ( مذكرات عاطفية ٢ ) الحلقات ١-٥

الحلقة الأولى :

لا تزعجوا أنفسكم في البحث عن السعادة، فالطرق وعرة، والمساعي طويلة، بينما تجد السعادة في ثنيات قلبك وفي صفاء روحك ونفسك مهما كان الضجيج يتصاعد من حولك ..

_______________

____________

ياسمين ( فتحت عيوني فجأة وبلفهم حوالين المكان وانا لسا متمددة ) : وين انا ؟

احمد ( رفع حواجبه وابتسم ) : احزري ههههه

لما سمعت ضحكته، تزكرت كل شي صار بليلة مبارح وقمت من التخت بخوف ..

ياسمين ( بتباكي ) : ماما ؟ بدي امي وين راحت احمد

احمد ( شعل سيجارة واخد نفس طويل ونفخه وبتامل فيي ) : هسة بيجوا حبيبتي، بس حاولي تلبسي بسرعة قبل ما حدا يشوفك بهالمنظر

القيت نظرة سريعة على منظري، وزورته بحقد انه كيف عم يتطلع عليي ..

اجت عيني على الروب، اخدته بعصبية ولبسته ..

احمد ( بقهر ) : صباحية مباركة يا عروس

ياسمين : ... احمد

احمد ( لف وجهه عليي وحط اصبعه على تمه ) : ... انا بدي اروح اوصي على فطور وارجع قبل ما نخلي الفندق

__________________________________

صباحية عرسي، احلى يوم في حياتي، عروستي وحبيبة عمري اللي حلمنا وانتظرنا هاليوم انا واياها من سنين، عم تتصرف بغرابة ما تخيلتها ..

ادعي لربك ياسمين انه تكون عمايلك فيي، مجرد دلال احسن ما تندمي ..

احمد : الو

منى ( بفرح ) : صباح الخير يا عريس

احمد : صباح النور هلا يمة

منى : كيف حالكم طمني ؟

احمد : الحمدلله بخير، هسة صحينا وبدنا نفطر

منى : طيب متى رح تطلعوا من الفندق ؟

احمد : بعد ساعتين

امي المسكينة متحمسة، مو عارفة عن عمايل كنتها المنتظرة ..

__________________________________

ياسمين : اه ماما منيحة صدقيني كل شي متل ما بدك واحسن

مها : طيب هاتي احكي مع احمد

ياسمين ( بتوتر ) : أ أ أحمد ؟

مها : اه احمد، وينه ؟ ياسمين احكي صاير اشي ماما خوفتيني

ياسمين ( بلعت ريقي ) : لا لا بس راح يجيب فطور، هلا بنطلع من الفندق وبنشوفكم

وانا احكي مع ماما خطر ببالي للحظة انه احمد يحكيلها عن عمايلي فيه، وانا كل اللي عملته باحمد افلام لهدف معين براسي ..

احمد ( فتح باب الغرفة وسكره بقوة ) : ياسمين

ياسمين ( خفت من ضربة الباب ) : بسم الله، اجيت !

احمد ( مو عاجبه ) : لسوء حظك، ليه لحد الان مو جاهزة ؟، يلا قرب الاخلاء

كان كلامه كله بنبرة حادة، وواضح انه مقهور مني ..

وانا كاتمة ضحكتي وبهز براسي وعاملة حالي بريئة، والقط ماكل عشاي وفطوري كمان ..

__________________________________

زياد : يعني شو فهمتي منها ؟

مها ( بقلق ) : والله ما فهمت اشي، وقع قلبي من صوتها

زياد : الله يستر شو عاملة بالزلمة، يا رب جيب العواقب سليمة

حنين : ههههههه ابصر شو عاملة فيه

رنين : اهلك ميتين خوف

حنين : ما صدقوا ويستروا عليها ويجوزوها، خايفين ترجعلهم من اول ليلة

اسيل ( اجت فجاة ) : لا من غير شر، يلا بنشوفها وبنفهم منها

حنين / رنين ( مصدومين ) : انتي من متى هون ؟

اسيل : شو ممنوع اسمع اشي يعني ؟

حنين ( بنبرة حادة ) : اه ممنوع، اشياء كبار لا تحشري حالك فيها

اسيل ( مو عاجبها ) : طيب

__________________________________

منى : يلا قومي نجهز للغدا، دار اخوكي جايين كمان شوي

آيات : غدا لمين ؟ ماما مشااان الله استوعبي ابنك عريس عريييس يعني الاكل اخر همه

امجد : هههههههه يا هبلة مهو عشنه عريس بده تقوية واكل خصوصي

منى ( زورتني ) : خليك ساكت انت، يلا رتبوا الدار بسرعة

يا بي متى رح يجي دوري واصير عريس، وامي تنعجق فيي مثل ما هي معجوقة باحمد ..

بس فرحتي باحمد كبيرة لحد ما بقدر اوصفه، وبدعي الله يكملها عليه بالسعادة وراحة البال ..

آيات ( بالمطبخ مع امي ) : عندي احساس انه ياسمين عجبت على احمد

منى : لا شو هالحكي ؟! ما شفتيهم كيف طايرين وما حدا قادر يوقفهم، الله يهنيهم ويضلوا هيك دايما

آيات : آمين، يلا كمان شوي بيجوا وبنعرف

__________________________________

ياسمين ( بتسبل بعيونها وبتنعم صوتها ) : كتير زاكي الفطور، يسلمو احمودتي

احمد ( عيوني بالاكل وما عبرتها ) : صحتين

ياسمين ( قربت مني بدلال ) : على قلبك حبيبي، خد هاللقمة مني

احمد ( بطرف عيني ) : لا تغلبي حالك خلص شبعت

ياسمين ( مو عاجبها ) : صحتين

اكيد ما بده يعجبها، مفكريتني بدي اتعامل طبيعي معها بعد كل هالنكد اللي شفته منها ..

بس خليني مروق عشان اعرف كيف احفظ خط الرجعة، بالنهاية بعدنا عرسان واليوم مسافرين والمفروض انه نعيش احلى ايام؛ خصوصاً اني مسافر ..

__________________________________

قمت من جنبه وكملت لبسي، وجهزت كل اموري بسرعة، مع المحافظة على بوزي عشان يضل يتزكر انه كسفني على الفطور ..

احمد ( بلا مبالاة ) : جاهزة ؟

ياسمين : ... اه

احمد ( بتأمل في بوزي ) : وليه مبوزة هيك ؟

ياسمين : ...

طنشته وما عبرت تطليعاته التعجبية والبريئة، وكأنه مو عامل اشي ..

سلمنا الغرفة، وطلعنا بالسيارة ..

احمد ( ايديه على المقود وعيونه على زجاج السيارة ) : ياسمين، حبيبتي، الله يرضى عليكي ما بدنا مشاكل من اولها خلينا نعيش هالكم يوم بالطول والعرض مبسوطين، كل الناس فرحانين مشانا ومو مصدقين انه احنا تجوزنا

ياسمين ( ببراءة ) : ليه شو عملت انا ؟

احمد ( اتطلع عليي باستغراب ) : شو عملتي ؟ خلينا ننسى عمايلك بعد العرس مبارح عاساس انك متاثرة على اهلك وعازز عليكي طلعتك من عندهم

ياسمين : ...

احمد : بس اللي عملتيه الصبح شو ؟ لا وما بدك اياني اتدايق وبدك ترجعي تتصرفي طبيعي معي

ياسمين : ...

احمد : افردي خلقتك والله قلبي مو متحمل، بكفيني هم سفري وبعدي عنك ( دمعوا عيونه) مفكرة انه سهل عليي

ياسمين ( نزلوا دموعي ) : ... حبيبي ( مسكت ايده بقوة )

احمد ( شد على ايدي بايديه التنتين ) : ياسمينة روحي، ما بحب اشوفك هيك، انا بشوف التفاؤل بوجهك ارجوكي لا تجاكريني، انا ماخد على نفسي عهد اني اسعدك وما ازعلك، ساعديني عشان نكون اسعد زوجين بالعالم

ياسمين ( مسحت دموعي ) : بوعدك انه كل شي يتغير، سامحني

احمد ( بحب ) : مسامحك، والله مسامحك بس لا تتركي ايدي

__________________________________

ريم ( بتبكي ) : علاء ، يا علاء وينك

علاء : بسم الله شو القصة ؟

ريم ( بتبكي ) : ما بعرف، ما عم تسكت هالبنت مشان الله روح جيب ماما تشوفها

علاء : يلا هلا بجيبها، بتقدري اتدبري حالك بدوني ؟

ريم : اه اه بس روح بسرعة

من لما انولدت سلمى، وامي وخالتي ما تركونا ..

اما ليلة مبارح عشان كان عرس احمد وياسمين، الكل كان تعبان، وكانت ريم تقريبا امورها تمام معها ..

لحد ما صار وقت الظهر، وسلمى بتبكي بشدة، ومو عارفة تسكتها ولا عارفة تتصرف معها ..

سهى ( بقلق ) : يا لطيف، خير خير خالتو شو صاير ؟

علاء ( بحاول اكون هادي ) : كل شي منيح خالتي بس ريم بدها اياكي

سهى : والله كنت بدي اصلي واجي على طول، يلا منيح اجيت تاخدني، كيف سلمى اليوم ؟

علاء : اه ؟ الحمدلله منيحة بتعيط شوي وبتسكت هههه متل دايما

سهى : يا حبيبتي اشتقتلها عشان كل يوم تعودت اضل معها

علاء : هي شكلها فقدتك، يلا هسة بتشوفك وبتسكت

وصلنا البيت وكان صوت سلمى معبي العمارة، وصوت ريم بتعيط معها، وخالتي صار وجهها بالالوان وبتزور فيي على هدوء اعصابي ..

ما صبرت تستنى المصعد، وطلعت تركض عالدرج ..

ريم ( بلهفة ) : ماما الحقيني

سهى ( اخدت سلمى ) : يا روحي، اسم الله عليكي بسم الله حولك وحواليكي، ولك شو عاملة بهالبنت ؟

ريم : ما بعرف ما عم تقبل ترضع، وكل شي عملته غيرتلها ودشيتها وكل شي يا ماما

سهى : استغفر الله العظيم، استني اشوف ازا منفوخة ولا لا

علاء : هي دوا النفخة خالتي، اعطيها

ريم : اعطيتها كتير منه، ما سكتت

__________________________________

سيرين : مالك بتركضي ؟

نهى : بدي اخلص الطبخة واروح اشوف ريم تركناها لحالها مبارح ابصر شو عملت سلمى فيها

ابو علاء : ههههه والله حالة، يعني ممنوع اتضل هي وبنتها لحالها

سيرين : خايفة على حفيدتها تستفرد فيها ههههه

نهى ( معصبة ) : بدل ما تقومي تساعديني

سيرين : انا عروس ماما ولا نسيتي ؟

ابو علاء ( عيونه على سيرين ) : شو بده يصير بهالبيت بس تطلعي منه يا بابا، رح يفضى علينا انا وامك

سيرين ( دمعوا عيونها ) : يا حبيبي يا بابا والله ما بترككم انا، ان شاءالله بكرا بتعبى هالبيت احفاد وبتفرحوا فيهم جميعا

نهى : الله كريم، يلا امشوا خلينا نتطمن عليها شوي وبعدين نروح نشوف دار احمد قبل ما يسافروا

سيرين : اه والله ضروري نشوف ياسمين

__________________________________

منى : للللللليييييش، اهلا اهلا بالعرسان نورتوا

احمد : اهلا فيكي، كيف حالكم ؟

منى ( بتبوس فيه ) : الحمدلله اللي اجا هاليوم، الله يرضى عليك وما يحرمني من شوفتكم

ياسمين ( بخجل ) : وما يحرمنا منك خالتو

منى ( ضمتني بقوة ) : حبيبتي الغالية مبارك، نورتي بيتك ومطرحك

ابو احمد : خليلنا مجال يا مرة نسلم همة حصتك لحال

امجد : ههههه خليها تشبع منه حبيبها

احمد : هههههه الله يسامحكم، كيف حالك يابا؟

ابو احمد ( ضمه بقوة ) : مبسوط بشوفتك، الله يهنيك ويسعدك

آيات / انس : اهلا وسهلا، مبارك يا عرسان

احمد / ياسمين : الله يبارك فيكم

__________________________________

مها : يلا يلا استعجلوا ام احمد بتستنى فينا

ابو امير : شو بدنا نروح نعمل ؟

مها ( بطرف عينها ) : ولا اشي بس بقولوا العروس بنتك

حنين / رنين : هههههه

ابو امير ( حك شعره ) : ماشي، يلا قوموا هيني بستناكم

مها ( نزلوا دموعها ) : يا حبيبتي يا ياسمين اجا اليوم اللي تركتي فيه هالبيت، وصرتي ست بيت لحالك

ابو امير : الحمدلله، وعقبال عند كل البنات

مها ( بتبكي ) : كيف بدي اشوفها هلا وامسك حالي

ابو امير : ايواا، اياكي تعيطي قدامها خليكي قوية عشان تقدر تعيش هالكم يوم مع زوجها وهمة مبسوطين، وضعهم اصعب منك

مها ( مسحت دموعها ) : اه والله سنة الحياة وبدها تمشي ليه البكاء والدموع، لازم نكون مبسوطين

__________________________________

ديمة : ههههههه يعني قولتك عاملة عمايل فيه

آيات : انا قلبي حاسسني انه في اشي، لانهم من لما فاتوا ماسكين بايدين بعض ومو مخليها تقوم من جنبه

ديمة : صراحة ملاحظاتك مهمة، شو دخل هاي بهاي مو فاهمة ؟

آيات : هههههه هاد اللي اجاكي، المهم يلا الدور الجاي عليكي تعالي تعلمي من ياسمين

ديمة : اتعلم شو ؟ انا بس اتزكر الموقف بدفن حالي تحت الحرام

آيات : كلك خجل يا مسكينة، طيب يختي لا تتعلمي

ديمة : اسكتي والله سلمى مجننة ريم واجا علاء اخد ماما

آيات : يييي شو مالها ؟

ديمة : ما بعرف كمان شوي بروح اشوفهم، وبلكي بنيجي كلنا عندكم نودع العرسان

آيات : اهلا وسهلا، طمنونا عنها

ديمة : ان شاءالله، يلا سلمي

__________________________________

اليوم شعور حلو بنساب بين ارواح عيلتنا، كبيرنا وصغيرنا ..

بين الحقيقة والخيال، احمد وياسمين تزوجوا واخيرا، وريحوا قلوبنا وارتاحوا ..

هيثم : متى طيارتكم ؟

احمد : عال١٠ بالليل

هيثم : يلا بالسلامة، بحاول اشوفكم قد ما اقدر

احمد : رح نضل عند اهلي اذا صحلك امرق

هيثم : كيف ياسمين؟

احمد ( تنهد ) : الحمدلله، ماشي حالها

هيثم : زعلانة على اهلها ؟

احمد : اكيد

هيثم : هههههه ماشي بتتعود شوي شوي كل البدايات صعبة

كنت متوقع جوابه، ياسمين مو اي بنت وانا اكثر واحد بعرفها ..

ياسمين وردة رقيقة وحساسة، ومن نسمة الهواء بتتاثر ..

رانيا : شو الاخبار ؟

هيثم : كل شي تمام، طيارتهم بالليل

رانيا : بنلحق نشوفهم ؟

هيثم : ما بعرف انا رايح اخد آدم لعند زينة وبرجع بسرعة

رانيا ( متفاجأة ) : ليه ؟! مو عاساس رح يضل عنا هالاسبوع ؟

هيثم : بعتتلي رسالة الصبح وطلبت اجيبلها اياه

رانيا ( بحزن ) : اها، ماشي يلا خليني اجهزله اغراضه

هيثم : تمام، وبس ارجع بنروح عند اهلي عشان اذا بدنا نتجمع ببيت اختي ام احمد

رغم انه لقائاتي مع زينة بدون اي اهتمام مني، وباسرع من البرق بكون منهي هالمهمة اللي بتطلبها مني ..

الا انه لسا رانيا متعلقة بآدم، وهاجس خوفها من زينة عم بزيد بكل لقاء بيني وبينها ..

__________________________________

نهى : الحمدلله ما في اشي بخوف، لا تبكي خالتو باثر على حليبك

ريم ( بهز براسي ) : الحمدلله

علاء : كان بدل ما تعيطي معها اعمليلها مساج لبطنها ورجليها بالزيت متل ما عملولها، خليها ترتاح

ريم : ليه انا كنت قادرة اسيطر عليها، متت خوف

سهى : بسيطة ماما عدت على خير، يمكن لما كنتي تغيريلها كان مجرى هواء وانتفخت

نهى : لساتها حساسة بدها حذر والجو بعده براد

علاء : غلبناكم، معلش مبتدئين هههههه

ريم ( مزعوجة ) : ...

متل هيك زلمة شو لازم اجاوبه ما بعرف ؟!، مفكر حاله بخفف دم وفهيم زمانه، ولما احكيله احملها بعمل حاله حساس وبخاف يأذيها ..

علاء : شو اخبار العرسان؟

سهى : ما بعرف النية جايين عند اهله اليوم عشان يوصلوهم المطار

نهى : سيرين بدها تشوفها

ريم : وينها صحيح ؟

نهى : رنت عليها ديمة بالطريق وراحت عليها وحكوا بلحقونا

علاء : رية وسكينة بس يلتقوا هاتي يخلص كلامهم

ديمة : رني الجرس يلا

سيرين : رني انتي بخاف علاء هلا يعلق عليي مو ناقصته

ديمة : طيب هي رنيت

ريم : افتح الباب، شكله رية وسكينة اجوا

علاء : اهلا وسهلا، اشرقت وانورت بعروسات نيسان

ديمة / سيرين : هههههه مرسي

علاء : هيهيهي فوتي خلصيني، الجلي بستناكم اله يومين

سهى : ههههههه هدول عرايس هلا انا بجلي

نهى : طولتوا

ديمة : اجا بابا وحطيتله اكل

__________________________________

ابو احمد : اهلا بنسايبنا الغوالي

ابو امير : هلا فيك، ان شاءالله عقبال فرحتك بالباقيين

منى : تفضلوا، هي العرسان بغرفة الضيوف

حنين : عاملينهم ضيوف ههههه

مها : ياسمين وينك ماما

كنت قاعدة انا واحمد وباقي اخوانه بغرفة الضيوف، وبنضحك وبنتزكر العرس، واذ بسمع صوت ماما ..

ياسمين : اجوا اهلي ؟

آيات : اكيد حكنالهم يجوا يتغدوا معكم

احمد : مالك ؟ ما بدك تشوفيهم ؟!

مها ( ركضت عليي وحضنتني ) : يا حبيبتي الف مبروك الله يسعدك ويهنيكي

ياسمين ( بخجل ) : الله يبارك فيكي

ابو امير : ياسمينتنا منورة واحمودتها شيخ الشباب مفتح

الجميع : ههههههه

احمد : الله يخليك يا عمي، بوجودك الكل منور

طبعا مها ما بتعرف تقعد ساكتة، بفطرتها الانسانية لازم تفتح موضوع يحشرني بالزاوية ويعجز لساني عن الاجابة والكلام ..

مها : شو كيف الفطور ؟ اتصلت على ياسمين حكتلي احمد راح يجيب فطور

احمد ( عيونه عليي وكاتم ضحكته ) : اه والله زاكي اشتهيناكم

منى : المفروض انا اعمللكم فطور بس الفنادق بتحبوها اكتر

مها : ما بتقصري، بس مال ياسمين كان صوتها تعبان الصبح ؟

ابو حمد ( عيونه على بابا وغمزله ) : يمكن قاطع راس القط من اولها

ياسمين ( مصدومة ) : ...

امجد : هههههه ما اتوقع

منى : لا ماشاءالله عليهم، بس تعب العرس وتحضيراته اكيد كله ببدا يبان هلا

ابو امير : ان شاءالله كل ايامكم افراح

ياسمين : تسلم بابا

احمد لا شعورياً لما يسمع خالته الحبيبة بتحكي بالالغاز، بصير الفار يلعب بعبه، وبسحبني عالناعم حتى يتأكد اني مو عاملة خبصة من وراه ..

احمد ( بهمس ) : شو حاكية لخالتي ؟

ياسمين : ولا اشي شو بدي احكي يعني؟

احمد ( بكز على اسنانه ) : اكيد ما رح تحكيلها عن عمايلك

ياسمين : اكيد انت ما رح تحكيلها كمان

احمد ( عض على شفايفه وحط ايديه على دقني ) : اذا بتوعديني تعوضيني بقدر احكيلك انه رح اشطب اللي عملتيه من ذاكرتي للابد

كالعادة كل واحد بده مصلحته، وانا مصلحتي احافظ على زواجي وحياتي الجديدة، وبنفس الوقت ثقة زوجي فيي تزيد وابدا حياة جديدة انا واياه ..

ياسمين ( بهز براسي بخجل ) : بوعدك حبيبي

__________________________________

ابو ماهر : مال هيثم تاخر قال بده يجي يتغدى معنا

ام ماهر : راح يودي الولد لامه، طلبته من الصبح

ام عدي : الله يكون بعونها رانيا كل يوم والتاني رايح يشوفها

ابو عدي : لو شافها كل دقيقة ما بتهز فيه شعرة، لا تخافي

ابو ماهر : الله يهدي بالهم، خايف اموت وابني بعده ما ارتاح بحياته

ام ماهر ( ضربت على صدرها وشهقت ) : يا كشيلي لا تفاول على حالك يا حج

ابو عدي : الله يطول بعمركم

ام عدي : وين دار محمود ما بينوا اليوم ؟

ابو عدي : واولادك كمان

ام عدي : هدلاك نايمين ولا واحد قادر يفتح عيونه لبعد الفجر لما ناموا

ام ماهر : الله يكثر الافراح، الحمدلله اسبوع زمان بنفرح بعدي

فتحت عيوني بعد نوم عميق، وتذكرت سهرة مبارح وفرحتنا بزواج أحمد وياسمين، وفرحتي مضاعفة لانه عرسي بعد اسبوع من اليوم ..

فرحتي انا وديمة رح تكون اسطورية، لانه كمان حبنا رح يتوج واخيرا وارتباطنا تشهد عليه كل الناس ..

عدي : السلام عليكم

الجميع : وعليكم السلام

ابو عدي : هاي العريس صحي

عدي : ههههه من الجوع

ام ماهر : خسى الجوع يا حبيبي هي الاكل جاهز بستناكم

عمر ( فتح الباب فجاة وبتثاوب ) : صباحوو

ابو عدي : ئي

الجميع : هههههه

عدي : متى صحيت ؟

عمر ( مكشر ) : طيب ردوا عليي الصباح ولا المساء، اي اشي يحسسني اني بني آدم، عكل حال بدي آكل في اكل ؟

ام عدي : ههههه اه بس يجي عمك هيثم اول

عمر ( سحب كرسي وقعد ) : وهي قعدة لحد ما يجي الفرج

__________________________________

كانت الاجواء كلها عن احداث العرس، وتجهيزاتنا للسفر وشو نعمل بشهر العسل، بما انه رحلتنا سريعة ومختصرة على ( اسطنبول / تركيا ) ..

اقتنعت فيها بعد ما حكولي شو رح اشوف هناك، وتحمست بس عرفت اني رح ازور قصر حريم السلطان واشوف فساتينهم واكسسواراتهم خصوصا السلطانة هيام، انا هون ضعفت و فورا وافقت، وباريس بيوم بخلي حدا يروح قدام برج ايفل ويكتبلي ورقة ( برج ايفل يشتاق لكِ ياسمين )،

بلكي بقتنع احمودتي انه باريس لازم نروح عليها ..

احمد ( بهمس ) : وين سرحان الحلو؟

ياسمين ( بهمس ) : فيك طبعا

احمد ( رفع حواجبه وبانت السعادة على عيونه ) : نيالي انا فيكي، طيب تعالي نرتاح شوي قبل السفر، حاسس حالي نعسان

ياسمين ( بخجل ) : لا ما بصير نتركهم ونقوم رح يعلقوا علينا

احمد : لا ما حدا بعلق اتطمني كلهم متجوزين ومجربين هههه

ياسمين ( زورته ) : وطي صوتك

الجميع : مالكم ؟

احمد : بقلها تعالي ...

ياسمين ( قاطعته بسرعة ) : مفكرني نعسانة حكتله لا مصحصة

منى : فوتوا ارتاحوا شوي بغرفتي ماما لسا ما حدا رح يجي هلا

احمد ( عيونه عليي وبغمزني ) : تروحي ؟

ابو احمد : قومي يا عمي خدوا راحتكم

ياسمين ( بخجل ) : لا عمو صدقني مو نعسانة، بعدين بدنا نقعد معكم قبل ما نسافر

مها ( فهمت عليي ) : خلص اتركوهم براحتهم

كان نفسي اقوم اكبّر وابوسها قدام الكل، بس اكتفيت بابتسامة خجولة وسبلت عيوني تسبيلة الانتصار لاحمودتي ..

__________________________________

هيثم : السلام عليكم

الجميع : وعليكم السلام

عمر : اجا الفرج الحمدلله، نورتوا يا مية اهلا وسهلا

ابو عدي : بلشنا، الجوع عامله عمايله فيك

هيثم : ههههه سامحونا عالتاخير، كيف حالكم ؟ مصحصين بشوف

ام ماهر : مشتاكينلك يمة، بس لو جبت آدم ما تهنينا عليه مبارح مثل الخلق

رانيا ( باستياء ) : امه طلبته حنت عليه فجأة

هيثم ( عيونه على رانيا ) : بجيبه بكرا بس اليوم عندها مناسبة وحابين يشوفوا ابنها

ام عدي ( بتلطف الجو ) : يلا يا جماعة الغدا جاهز تفضلوا

ابو ماهر : يزيد فضلك، نادوا على دار محمود

عدي : نادينا شكلهم مو بالبيت

عمر : يلا انا قعدت يا بتلحقوا يا ما بتلحقوا

هيثم : وانا كمان وهي بسم الله، تعالي حبيبتي

رانيا : ...

__________________________________

بيان : شو ماما رح نضل هون لمتى ؟

ام بيان : ما بعرف هينا كلنا قاعدين شو بدك انتي ؟

بيان : مو عاساس نروح كلنا عند دار عمتو منى نبارك لاحمد وياسمين

ام بيان : لا يمكن ما يصحلنا، بنشوفهم لما يرجعوا

كان اليوم بحمل اشي غريب باحداثه، وصول دار خالي من الامارات فجاة واجازتهم غير متوقعة لكل عيلة امي، أثار فضول الكل، واجتمعنا نسلم عليهم ..

امجد : فكرتك رح تيجي

بيان : آسفة حبيبي صحينا على اتصالهم ورحنا من قبل الظهر عندهم

امجد : يلا الحمدلله عسلامتهم، بشوفك بالجامعة الاحد ان شاءالله

بيان : اوك، يلا سلم عليهم

__________________________________

نهى : منيح الي جبت الاكل معي

علاء : رح تموتي من الجوع عنا يعني ؟

سهى : هههههه لا قصدها ما صحلها ترجع عالبيت

نهى ( بتمزح ) : مع اني زمان ما اكلت من طبخك ماما بس مسامحتك هالفترة

ريم / ديمة / سيرين : هههههههه

علاء : خلصتوا ؟

ريم : ههههه زعلت ؟ عم نمزح

علاء : شو رايك ؟

سيرين : ما بتحمل مزح طبعا اما هو يقلب الواحد مسخرة عادي

ديمة : وحدوا الله يا جماعة

سيرين : لا اله الا الله، شخصياً انا جاهزة للانطلاق

ديمة : وانا كمان، بس خلينا نضبضب المطبخ عالسريع، ريم جاية معنا ؟

علاء : اكيد لا

ريم ( باستغراب ) : ليه ؟

علاء ( بنبرة حادة ) : شو ليه؟ نسيتي انك نفساء بعدك، بكفي رحتي عالعرس مبارح، معك طفلة احسبي حسابها بتفكيرك

ريم : ...

نهى : عادي ماما بتدفي حالها وبتطلع تشم شوية هوا منيح تغيير الجو للولدانة عشان الاكتئابات

سهى ( بلعت ريقها ) : متل ما بده جوزك، تفاهمي انتي واياه واحنا جاهزين

ديمة / سيرين ( عيونهم على بعض ) : ...

__________________________________

حمزة : كيف حالها حبيبتي المشغولة عني اليوم ؟

سيرين ( بدلع ) : والله مشتاقة وبعرف انك مداوم فعشان هيك مختصرة

حمزة ( بخبث ) : مشتاقة ؟ معناها لو حكتلك بدي اشوفك ما بتمانعي

سيرين : هو احنا رايحين نشوف العرسان متل ما بتعرف، وبما انه العريس حصتك فاكيد حابب تشوفه انت كمان

حمزة ( كاتم ضحكته ) : حصتي ؟ هو من جهة حصتي معك حق بس انا كمان بدي اشوفك لحالك يا حصتي

سيرين : ههههههه موافقة

حمزة : معناها بشوفك يا حصتي كمان ساعتين بمر عدار خالتك ام احمد، اجيبلك اشي معي ؟

سيرين : تيجي بالسلامة حبيبي وما بدي اشي

حمزة : الله يسلملي اياكي هاتي بوسة قبل ما اسكر

سيرين : يييي هلا صعب عشان عند دار علاء، خلص بس اشوفك بوسة حقيقة احلى

حمزة : امري ل الله، حظي وبعرفه اصلا ههههه

اروح بحالي وين انا من هالرومنسية، يارب تمملي على خير ومضيلي هالكم يوم اللي باقيين بسرعة، واجمعني مع حب حياتي بهداة بال ..

بس ريم وعلاء وضعهم ما بطمن، ما عم يتفقوا على شي هالايام ودايما مشاكسات بينهم، وقدام الكل ..

__________________________________

قفلت باب البيت على حالي انا وبنتي، كانت غاطة بالنوم ومو عارفة شو عم بصير حواليها ..

وقفت قدام المراية وتمعنت بوجهي الشاحب، ولفيت حالي كم لفة وراقبت معالم جسمي المتغيرة وآثار الحمل اللي لازالت موجودة ..

رفعت ايدي اللي لمحت عليهم لون مناكيري الفاتح اللي حطيته بحفلة مبارح، وما بعرف كم مرق من الوقت وانا بتزكر صدى صوت زوجي قبل ما يطلع من البيت ..

قبل ربع ساعة <<

ريم ( بعصبية ) : ليه بتعاملني بهالاسلوب ؟

علاء : اسلوب شو ؟

ريم : كاني طفلة وما بقدر اخد قرار من نفسي، وفوق هيك من لما ولدت كل شي فوق راسي بخصوص بنتنا، سمعتني هي بنتنا انا واياك مو بس انا اللي بتحمل مسؤوليتها

علاء : ريم وطي صوتك واسمعيني، انا ما بعمل اشي من اللي حكيتيه من باب العمد او قاصد، بس انتي حساسة زيادة عن اللزوم صرتي بعد الولادة وكل شي بتفهميه وبتفسريه على مزاجك، وانا هاد الوضع ما بتحمله ( ضرب على الطاولة ) فهمتي ؟

ريم ( بصدمة ) : ...

علاء ( بنبرة حادة ) : وهسة رح اروح اوصلهم واغيب ساعة زمن، اقعدي مع حالك شوي وان شاءالله عقلك يقدر يستوعب اللي حكيناه

رجعت لوعيي، رفعت عيني مرة جديدة عالمراية، وانصدمت من منظر شلالات الدموع المنهارة على خدودي ..

مسحتهم بعشوائية وعصبية مليانة تحدي، وقرارات جديدة ما بعرف ازا رح تكون لصالحي او العكس ..

المهم انه ريم تتغير، وترجّع الانثى اللي ضيعها منها الزواج ..

الزواج، كلمة سهلة وحلم لكل حدا، تحقيقه سهل ممتنع ..

اما اهدافه واستمراريته والمحافظة عليه فهي من اصعب التحديات اللي ممكن نواجهها في حياتنا ..

لانهم بعتمدوا على اتخاذ قرارات مصيرية، واتخاذ القرار مسؤولية لا يستهان بها ..

__________________________________

آيات : هي خالاتي عالطريق، بدون ازواجهم موصلهم علاء

منى : اهلا وسهلا، رني على ستك شوفيهم مطولين ؟

ابو احمد : بدون ما ترني هي في صوت سيارة

انس ( بتفرج من الشباك ) : خالو هيثم معه ستي وسيدي

ياسمين : بدون رانيا ؟

انس : امبلا معه

ابو ماهر / هيثم : السلام عليكم

هيثم : يا عيني عالعريس مصمود ههههه

احمد : ههههه بطلعلك تعلق من هون لعشر ايام بعدين بتصير تترجاني اعبرك

هيثم : عارف حالك

ابو احمد : يا اهلا وسهلا تفضلوا

ابو ماهر : بس يخلصوا تعليقات الخال وابن اخته

رانيا ( بتسلم على ياسمين ) : مبارك يا حلوة زواجة الدهر يارب

ياسمين : الله يبارك فيكي حبيبتي رانيا

هيثم : عقبال عند العزابية والعايزين واللي بحب يثني كمان

رانيا : او يزيد عالتانية

ابو امير : لا توبة اللي بجربها مرة بتوب

مها : حافظ الدرس شطور

الجميع : هههههه

منى : شو وين البقية ؟

ام ماهر : لاحقين، بس لتجهز غنى تاخرت بالنومة

هيثم : بشمهندس امجد، اخبار خالك محمود عندك، طمنا عن الموجز

ياسمين / آيات : ههههههه احلى خالو

امجد ( باستياء ) : الله يسامحك، ما لقيت غير قدام هدول تعلق عليي

احمد : ما علق اشي عادي كلامه

من لما وصلوا وملامح وجهها ما كانت مريحة، القلق مغطيها بشكل واضح ..

رغم محاولاتها بابعاد نظراتنا عنها، الا انها كانت محط انظار الجميع ..

انس ( من نفس الشباك ) : وصل علاء واللي معه

آيات : وظيفتك اليوم مميزة انوس

انس ( بغرور ) : بكل مكان مميز اخوكي

اسيل : ناقصه شوفة حال بتنفخي فيه ههه

مها ( زورتها بعيوني ) : ...

ديمة / سيرين / غنى : مرحباااا

الجميع : اهلااا

البنات : هههههه

ياسمين : تاخرتوا كانه ؟

ديمة : فكرناكم مشغولين

احمد ( عيونه على ياسمين ) : المفروض نكون مشغولين بس بنفضالكم خصوصي

عدي / علاء : السلام عليكم

الجميع : وعليكم السلام

هيثم : بقول مالكم تاخرتوا

علاء : مسكين ابن اخوك مو عارف شو ناطره ههههه

سهى : ناطره العز كله، ولا عندك كلام تاني ؟

علاء ( رفع ايديه لفوق علامة الاستسلام ) : لا ابدا الله يسامحك

نهى : السلام عليكم، مبارك يا عرسان وعقبال عند امجد والباقيين يارب

امجد : حبيبتي يا خالتي يا حنونة

آيات : لا حول ولا قوة الا بالله

عمر : بعدولي هيك، كيف حالكم يا قوم ؟

امجد : مشتاقون

عمر ( بمسخرة وبقلب نظره بين الشباب ) : يا جماعة كان عندي صاحب اهئ اهئ اهئ يا بي ما احسنه كنت احبه كثير وهو يحبني ودايما سوا سوا، بس فجأة قرا فاتحته على بنت اهئ ( بشهق ) واختفت اخباره وبطلت اعرف اشي عنه، قولتكم النسوان بتغير ولا الفرس من الفارس ؟

الجميع : الفرس من الفارس هههه

امجد ( بمسخرة ) : اهئ اهئ خبرت عنه البحث الجنائي ؟

يا حبيبي يا عمر ( قرب منه وضمه ) يمة الغيرة يمة، العزوبية هالكتك والله يا صاحبي، الله يطلق نصيبك عاجلاً غير آجل

علاء : عليك بسحر فك العزوبية

الشباب : هههههههه

احمد : اقعدوا خلصوني من لما وصلتوا وانتوا واقفين بكفيكم تعب مبارح يا حبايبي

هيثم : يا حنون يا مؤدب يا عاقل، بسم الله ماشاءالله شوفوا اللي بتزوج كيف بصير

الشباب : واللي بيسمع كلمة مرته شو بنقله ؟

البنات ( بدون ياسمين ) : شاطر شاطر ههههه

عمر : بسم الله الله اكبر، ياسمين وين لسانك؟ ولك عبرينا شوي بطلتي تعرفينا ؟

ياسمين : شو احكي يعني ؟

احمد : ولا اشي طبعا، انسي

آيات : قصي وينه طيب ؟

ديمة : مشغول والله ما انتي ست العارفات بوضعه الفصل هاد

ياسمين : الله يوفقه يارب

احمد : امين

__________________________________

من لما فاتت على بيت خالتي، وانا عيوني بتراقبها ..

كانت كتير كئيبة، والتعاسة مسيطرة على مزاجها ..

وصل الكل، بس من الكل ما كان ماخد عقلي الا انه اعرف شو صايبها ..

طلبت منها نروح نقعد بمكان لحالنا، وقبل ما حدا يحس علينا ..

ياسمين : وينه آدم ؟

رانيا ( الدمعة بعيونها ) : ... معها

ياسمين : اليوم اخدته ؟

رانيا : راح وصللها اياه اليوم و بكرا برجعه

ياسمين : اوك، بس انه شو صارلك كانه اول مرة بروح ؟

رانيا : لا ... ياسمين ( برجاء ) في اشي عم بصير وانا مو قادرة اقرر ازا اللي بفكر فيه صح او لا؟

ياسمين ( باهتمام ) : احكيلي طيب

رانيا : آدم

البنات ( اجوا فجأة ) : وين رحتي بدنا نشوفك

ياسمين : يلا هلا باجي

آيات : رنوش كأنه من لما اجيتي مو على بعضك؟!

سيرين : خفت اسالك تتدايقي ما حبيت احشر حالي

رانيا : لا الله يسامحك، بس جد لازم احكي لانه الموضوع شاغلني كتير وبدي حل جذري

البنات : احكي

رانيا ( متمالكة اعصابها ) : آدم مو منيح

البنات : مريض ؟؟!

رانيا : لا من غير شر، بس انا شاكة بزينة انه عم تأذيه او تستخدمه للانتقام من هيثم ومني

سيرين : بس رانيا هاد ابنها بضل يعني مو معقول ام تأذي ابنها

حنين ( عيونها على سيرين ) : لو ما بنعرف زينة بقلك كلامك صحيح، بس لاتنسي مين زينة

ياسمين : طيب فهمينا اكتر شو بتحسي اعراض؟ او شي غريب بصير معه

__________________________________

بعد ما حكيت اللي بقلبي للبنات، ووكلت امري لربنا ثم ياسمين انها تساعدني عن طريق احمد وتأثيره على هيثم ..

ودعناهم، ورجعنا مع دار عمي ووصلناهم وكملنا طريقنا للبيت ..

هيثم : طول اليوم ما عجبتيني، سكتت لاني عارف شو مالك، بس زودتيها

رانيا : ...

هيثم : لهالدرجة ! آدم اهم مني صار؟ ما حكيتي معي ابدا وكل ما اتقرب منك تبعدي

رانيا ( بغصة ) : .. لا لا مو قصة اهم منك، بس انا مشغول بالي بشغلة وبفكر فيها

هيثم ( مسك ايدي ) : طيب شاركيني همومك، مو احنا سوا بكل اشي، عالمرة قبل الحلوة

رانيا ( هزيت راسي وبلعت ريقي ) : اكيد، رح تعرف كلشي بالوقت المناسب

هيثم : براحتك

ما كان عندي اشي احكيه، وقلبي برجف وبدعي بكل نبضة انه يكون آدم بخير ..

قبل ما نوصل عالبيت، حسيت بلعية واجتني رغبة بالاستفراغ ..

اشرت لهيثم اللي كانت عيونه عليي بانه يوقف السيارة، فتحت الباب بسرعة وما لحقت انزل ..

هيثم ( بخوف ) : خير خير حبيبتي

رانيا ( بتعب ) : ما بعرف يمكن اخدت برد عشان خففت لبسي فجاة

هيثم : يلا هسة بنوصل وبدفيكي، هي مي اشربي شوي غير طعمة تمك

رانيا ( باشر بايدي ) : ما بدي مو قادرة، خدني عالبيت بسرعة

__________________________________

ديمة : هههههه الله يستر شو تعمل

سهى : شو بدها تعمل يعني ؟

سيرين : ههههههه انتي ما سمعتيها وهية تحكي ما بدنا نوم ابدا، بدنا نضل صاحيين ونلف الدنيا

علاء : يا ويلي عليك يا احمد

نهى : هههههه ضحكتوني، مو شايفة اشي غريب انا

ديمة : عم نمزح خالتو ولو

سهى : قلبي عند ريم ان شاءالله تكون سوسو نامت وهديت

علاء : يلا هي وصلنا شوفوها، انا رايح عند الشباب شوي عدي وحمزة سبقوني

سيرين : حمزة افندي قال بدي اشوفك وبدي اشوفك آخر اشي بس التقى فيكم نسيني ونسي حاله

ديمة : احتسبي عند الله، حالنا كلنا للاسف

علاء ( عيونه بالمراية ) : ادعوا دعاء سيدنا يونس لما كان في بطن الحوت بلكي ربنا يفرجها عليكم

ديمة / سيرين : ها ها ها

نهى / سهى : هههههههه

////

ريم ( بلهفة ) : اجيت واخي... وين علاء ؟

الجميع : ...

سهى : احم، راح مشوار وبرجع

ريم ( تركت ايد الباب ولفت وجهها ومشيت ) : تفضلوا

نهى ( عيونها على سهى والبنات ) : قال رح يجيب كم غرض للبيت ويرجع، بس حبينا نتطمن عليكي ونطلع احنا

ريم : لا لا مو هيك قصدي، بس استغربت لاني ما طلبت اشي منه، صحيح كيفهم العرسان ؟

ديمة : بسيطة، بسلموا عليكي جميعا

سيرين : ماشاءالله عليهم، الله يهنيهم

ريم : يلا عقبالكم عن قريب

ديمة : تسلمي

نهى ( بهمس لسيرين ) : ابعتي لعلاء بسرعة يجيب كم شغلة معه وهو راجع

سيرين : ماشي هلا بخبره

__________________________________

منى / مها : ديروا بالكم على بعض

احمد : ولا يهمكم، ادعولنا

ابو امير : انبسطوا قد ما بتقدروا، انسوا العالم من حولكم

امجد : هههههه

ابو احمد : مو عاجبه الاخ

احمد : هههههه اكيد ما رح يعجبوا

انس : اهم اشي قبل ما ترجعوا تذكرونا باشياء زاكية خصوصا الي عشان توجيهي

رنين : انا كمان ياريت

ياسمين : تكرموا مين النا غيركم ندللكم اصلا، يلا سلام

ودعناهم وكملنا اجراءات المطار، ووصلنا الطيارة ..

كانت لحظات غريبة، انا وياسمين مسافرين وتاركين الناس ورانا ..

وكمان كم شهر رح نعيش كل العمر مع بعض باذن الله، وما رح اسمح لاي اشي بالدنيا يفرقنا، حتى جكرها ..

ياسمين : كتير مبسوطة

احمد ( مبتسم ) : الحمدلله، ان شاءالله بشوفك دايما مبسوطة، هيك ها مو عياط ونكد

ياسمين ( قلب شفايفها ) : بنكد عليك هلا، خليك ساكت

احمد ( كتمت ضحكتي ) : استرجي !

ياسمين : خايفة منك مثلا ؟

احمد ( تنهدت ) : استغفرك ربي

ياسمين : هههههههه خلص خلص

__________________________________

اصعب موقف ممكن اني اتحداه، كان هالسر اللي حكتلنا اياه رانيا، وعلقت الآمال فيي بانه أساعدها من خلال ( زوجي ) ..

بس قبل أي خطوة، لازم اتمالك نفسي واتزكر انه احمد مو باقيله معي كتير من الوقت لنقضيه سوا ..

مها : ما بدي اوصيكي يا امي، حطيه بعيونك واكسبيه رح يحطك على راسه طول العمر

ياسمين : ان شاءالله ربنا بقدرني وبكون زوجة صالحة

مها : انا متأكدة انك بتقدري بس اعقدي النية

امي كلامها بمحله، وانا فعلا مقتنعة فيه، وبحاجة اله ..

لذلك قررت اني اعيش هالايام بسعادة مطلقة بكل لحظة فيهم، واعمل منهم ذكريات ما الها مثيل بالدنيا ..

احمد : مستعدة للرحلة ؟

ياسمين ( بلهفة ) : اكيد مستعدة وبنقول بسم الله

احمد ( غمزني ) : الى الطائرة يا زوجتي الجميلة

مسكلي ايدي، ومشينا متل كانه ما حدا غيرنا بالمكان ..

كنا لافتين نظر الكل بتصرفاتنا وضحكاتنا، حتى احمد اليوم ما كان بشبه حاله ابدا ..

شخصيته الراكزة تحولت لمنفعلة وعاش باللاوعي متلي، يمكن لاول مرة بحياتي بشوف احمد هيك ..

الحلقة الثانية :

والله قادراً على أن يزهر قلبك ويمطر عليه من بعد الجفاف، فقط ثق بالله وتدبريه وعظمته ..

_______________

____________

احلامي كبيرة، طموحاتي عظيمة، نظرتي للامور مختلفة عن الكل حواليي ..

ما بقدر اسيطر على حجم هالارادة اللي ربنا خلقها جواتي، وكل يوم بتكبر اكتر واكتر ..

اسمي غنى، بابا سماني، بعد ما اختلف مع امي على كتير اسماء وما كانوا عارفين اني رح ابقى بنتهم الوحيدة ..

ام عدي : يلا ماما شدي ايدك خلينا نخلص الطبخة بسرعة

غنى : شو اعمل اكتر من هيك انهلكت

ام عدي : معلش ماما يسلم ايديك، عشان عمك الله يفرجها عليه

غنى : امين يارب بهالايام الفضيلة

هدول الاوقات كانوا اصعب ما شفناه السنة، عمي هيثم وابنه اللي من اول ما انولد شاف حياة تعيسة ..

عمر : يلا شو صار بالاكل ؟

غنى : هيو جاهز، عمر دير بالك امسكه من تحت عشان ما ينكب منه اشي

عمر : ماشي، مرت عمي شو عملت ؟

ام عدي : كلشي حطيناه بالاكياس، سلم على هيثم

////

من رحمة ربنا علينا انه الايام الصعبة بتروح وبتيجي مكانها الحلوة، واليوم بكون كملت ١٢ سنة بمرحلتي المدرسية، ونجحت بتفوق ومعدل، كنت اتمنى اكتر منه بس الحمدلله راضية فيه ..

ابو عدي ( بلهفة ) : الف الحمدلله على نجاحك يا حبيبتنا، رفعتي راسي مبارك مباارك

غنى ( بفرح ) : الله يبارك فيك يا احن اب، لولاكم انا ما قدرت اجيب هالمعدل

عدي ( ضمني وحملني ) : لولاكي قدها ما بتوصلي لهون، غسلتي الحزن عن قلوبنا بهالفرحة

ام عدي ( بتبكي من الفرح ) : يا وحيدتي المدللة ربي باركلي فيكي عن عشر بنات الله يرضى عليكي

عمر ( بمسخرة ) : اذا خلصتوا من الدراما ردولي خبر خليني اباركلها لفصعونتي اللي كبرت فجاة

غنى : ههههههه بطلعلك وخصوصا انك دعمتني بالاشياء الزاكية طول السنة

تربيت مع اخواني الاكبر مني، عدي وعمر ..

بقدر اوصفهم بكل ثقة بانهم احن واجمل اخوة بالعالم، ورزقة من ربي انه انولدت بهيك عيلة ..

////

شعور الوحدة ما كان ملازمني لانه عندي بنت عم وحيدة ( بيان )، وبنات عماتنا بلا استثناء همة اكتر من خوات النا ..

بيان : شو عم تعملي كتير ملانة امشي نطلع مشوار

غنى : طيب اتركيلي مجال ارد ههههه شه

بيان : تؤ، خديني مشوار يلا

غنى : امري لله، هلا بشوفلي شي شغلة امسكها على عمر وبخليه يطلعنا مشوار عشان اسكت

بيان : ولك يسعدلي اللي بتشغل مخها

صداقتي المقربة كانت مع بيان وحنين ورنين، والنا احاديثنا الخاصة ..

بيان : طيب شو رايك نحكي لحنين ورنين يطعلوا معنا

غنى : بنجرب ليه لا

ما كان يتردد حدا من اخواني لما يكونوا فاضيين وفي مجال عندهم، بأنهم يفسحونا ويلبوا طلباتي اللي كنت انتقيها بذكاء حتى ما اتحول لشخصية مملة وانانية، ويضل الكل يحبني ويحترمني ..

عمر : ساعة وبرجعلكم

بيان : اكيد بتمزح

عمر ( رفع حواجبه ونزلهم ورفع اصبعه يهدد وعيونه بتتقلب علينا ) : عمايل هيك او هيك ما بدي، سامعات؟!، اربطوا بعضكم بحبل وضلوا ماسكين ايدين بعض، لانه لو وحدة فيكم ضاعت ما بتعب حالي ادور عليها

البنات : ههههههه اتطمن ما رح نضيع

عمر : متطمن بما انه ولا وحدة من الرباعي الخطر معكم، بس حبيت انبهكم من باب التذكير

كانت العيلة تتعقد من ( ياسمين / ديمة / سيرين / آيات )، ومطلقين عليهم لقب الرباعي الخطر ..

بينما همة كانوا مسميات ( أحمد / علاء / عدي )، مثلث برمودا ..

وقبل فترة قصيرة ياسمين عملت حالها ضايعة بمول وحكت مع احمد حتى يجي يلاقيها، ولحد هلا ابوها ما بعرف عن هالقصة ..

ومن يومها تشددت الحراسة على البنات كلها ..

////

بعد النتائج بفترة وجيزة، طلعت قبولات الجامعة للطلاب الجدد، و الحمدلله تم قبولي بجامعة حكومية، بس تخصص هندسة صناعية واخواني رفضوا بشدة اني ادرس هندسة خصوصا، وسجلوني بجامعة خاصة تخصص صيدلة، برايهم انه لابقلي اكتر ..

انا شخصيا ما كنت معارضة وبحب الصيدلية، وحسيتها اشي حلو، وتوكلت على ربنا ..

ياسمين / آيات : مبارك لزميلتنا الجديدة

غنى : الله يبارك فيكم، خبولي اشيائكم

ياسمين : مخبيين بالحفظ والصون

آيات : تتهني فيهم هههه

بما اني بجامعة خاصة، فبتكون مواصلاتي مأمنة من مكان معين بناسب بيتي للجامعة ..

داومت أول فصل بنشاط، وكل حياتي تغيرت بهالعالم الجديد اللي اسمه ( جامعة ) ..

حاولت اهتم بدراستي قد ما اقدر، وبنفس الوقت انبسط مع صاحباتي اللي منهم كان معي بنفس المدرسة بس دخلوا تخصصات مختلفة عني بالجامعة ..

لحد ما بدأ الفصل التاني، ومحاضراتي صارت اكتر وعندي مختبرات لبعض المواد، وتعرفت على بنات من نفس تخصصي ..

والطلعة الصبح عالجامعة صار الها نكهة خاصة عندي، واستمتع بمراقبة شخص معين ..

__________________________________

ديمة : الله يستر، ان شاءالله ما يتاخر

سيرين : وضعهم لا يطمئن

ديمة : خليني ابعت لقصي يتواصل معه ويجي هو واياه

سيرين : لا لا ما تكبري القصة خلص انا فهمته شو يعمل

كنت متفق انا والشباب نطلع طلعة توديع عزوبية؛ بما انه اعراسهم قربت ..

حمزة : هاي خيانة لاحمد اجتمعنا بلاه

علاء : ههههه لا تخاف عليه تجوز والعين تحرسه اخد حبيبته وريح راسنا من قصصهم

عدي : علوااه نخلص من قصصهم شوي

امجد : هيك يعني صار اخوي مثقل عليكم، يا حيف بس

عمر ( ضرب امجد على رقبته ) : مو بايدك، ثقيل دم مجبورين نتحملك

الشباب : هههههههه

يا دوب وصلت وحكينا كلمتين، بتوصلني رسالة من اختي، مضمونها انه ارجع عالبيت واجيب معي كم شغلة عاساس اني رحت اشتريهم ..

استغربت من كلامها، رجعت الموبايل لجيبتي وبدون ما ارد باشي ..

__________________________________

قعدنا على الكراسي، وربطنا الاحزمة، واستعدينا للاقلاع ..

احمد : كيف احساسك لاول مرة ؟

ياسمين ( مبتسمة ) : وانت جنبي ما بحس الا بالامان، ضروري اتضل تتاكد من هالشي يعني ؟

احمد : هههه بحب اذكرك اني دايما جنبك، واني مستحيل افارقك

ضمني لصدره، وغمضت عيوني ..

كانت حنيته ظاهرة، بكل لمسة وكلمة ونظرة منه ..

كان نفسي اوقف واحكي بأعلى صوت عندي اني ( بحبه )، وما بقدر اتنفس بدونه ..

احمد : نمتي ؟

ياسمين ( فتحت عيوني ) : لا

نهضت حالي وقعدت منيح، واقلعت الطيارة ..

تركز نظري عالشباك والمناظر اللي عم شوفها منه، لاول مرة بشوف هيك مشاهد ..

احمد : السفر بالليل اله متعة خاصة

ياسمين : بس بخوف، خصوصا لما نوصل الغيوم

احمد : بس منظر المدن وهية مضوية الها سحر خاص

ياسمين ( عيوني عليه ورسمت ضحكة خفيفة ) : بس سحر عيونك اقوى شي بالنسبة الي

غمزني بغرور، وكتم ضحكته ..

هو الوحيد اللي بفهم عليي شو بقصد، وغروره نابع من محبته الي؛ انه ما حدا بفهم هالسحر اللي فيهم غيري ..

__________________________________

كل جكرها تحول لرومنسية، اللهم لا حسد ..

مو مصدق اني معها ورح اسافر انا واياها، اصلا موضوع انه تزوجنا لحد هسة مو متخيل انه فعلا صار حقيقة ..

احمد : ياسمين

ياسمين : نعم حبيبي ؟

احمد : بحبك، انا بحبك بجنون بس عندي مشكلة

ياسمين ( بتضحك ) : وانا بحبك كمان، بموت فيك بس شو مشكلتك ؟

احمد : بدي الدنيا كلها تعرف هالاشي، كيف ؟؟

ياسمين : مو مهم الدنيا كلها تعرف، المهم انا مصدقتك وواثقة فيك وانت كمان مصدقني وواثق بمحبتي الك، انا واياك عن الدنيا كلها

هزيتلها براسي، ورجعته على الكرسي وغمضت عيوني وشديت على ايدها المشبوكة بايدي من ساعات طويلة ..

_________

_______

في العرس <<

ياسمين : جهز حالك للرقص ما بدي اتضل واقف

احمد : كم مرة لازم اشرحلك اني ما بلحق عليكي خلص ارقصي وانا بزقفلك

ياسمين : تؤ، بدك ترقص معي او ما برقص ابدا وخلي الناس تحكي علينا

احمد ( بمسح عرق جبينه ) : الله يمضي هاليوم على خير، يلا تفضلي اشوف

كنت عارف اني رح اكون مبسوط، بس مو لدرجة تخليني اهز خصري وما ضل عندي هيبة ولا ما يحزنون ..

حسيتها من كتر الانفعال، رح تشيل الطرحة عنها وتلفها على خصري وخصرها ونرقص سوا ..

ياسمين ( قربت مني واحنا نرقص وهمستلي ) : برافو عليك

احمد ( ماسك اعصابي ) : كملي شغلك وانتي ساكتة

ياسمين : هههههه

_________

_______

اجتني الضحكة وما قدرت امسك حالي لما تذكرت هالمقطع، لفت وجهها عليي بعد ما كانت تتامل بالجو من الشباك ..

ياسمين : شو مضحكك ؟

احمد ( بهز براسي ) : ولا شي تذكرت شغلة بتضحك

ياسمين : هههه بتصير معي دايما وبفرط وما حدا بقدر يلمني

احمد : ههههههه

الله ستر ما ضلت تنق لتعرف شو هي، بس اللي خايف منه النسوان يتذكروني ويحكوا للشباب عن هالشغلة بالذات ..

__________________________________

قصي : شو الموضوع فهموني ؟

ديمة : موضوع شو ؟

قصي : انتي وامي ليه مخطوف لونكم وبتلطموا ؟ ريم فيها اشي او بنتها لاسمح الله

سهى : من غير شر لا تفاول، خلص ما في اشي حكنالك، لا تنق مو ناقصني

ابو قصي : لا اله الا الله، خلص عاد زهقتونا خلونا نعرف نسهر، طمنونا كيف هالعرسان؟ وكيف كان عرسهم مبارح

ديمة : بجننوا الله يهنيهم، عرسهم لا يوصف خصوصا عمايلها باحمد

قصي : ههههه شو عملت ؟

سهى : قول شو ما عملت، حتى هز خلته يهز خصره ويخلع، كل شوي اتطلع بمنى الاقيها بتضحك

ابو قصي : له له يا ابو حميد، بس يلا الواحد اذا ما رقص بعرسه بعرس مين يرقص

قصي : ههههههههع ورقصني دخلك يا حبيبي

ديمة : خليني حدك يا حبيبي

سهى : فرجينا شطارتك انتي يلا الدورعليكي انتي وسيسو

ابو قصي : عدي ما بده توصاية من هسة بشوفه بهز

قصي : لو تشوف تدريبات عمر عشان السهرة

سهى : بطلعلهم الله يفرح قلوبهم وقلوبنا كمان وكمان

ديمة : عقبال تدريباتنا لتخريجك وعرسك يارب

قصي ( بترجي ) : ياااا رب يا الله حقق اللي ببالي

__________________________________

ابو علاء : يا لطيف، مالك قالبة وجهك ؟

نهى : ...

سيرين : خلص بابا، مو قادرة تحكي خليها تهدى وتروق

ابو علاء : لا حول ولا قوة الا بالله، الله يهدي البال

نهى : امين، لانه بس ربنا قادر يغير هالحال لاحسن منها

سيرين : ماما حكتلك اياها مرة وبرجع اعيدلك اياها، لا توجعي راسك بمشاكل حدا كل مين عنده عقل بقدر يحل مشاكله لحاله، مرات التدخل بزيد الامر سوء بدل ما يحسنها

ابو علاء : كلام صحيح، بس حسب المشكلة يمكن نكون اوعى من اصحاب المشكلة نفسها ويكون عنا نصيحة نقدر نقدملهم اياها بدون تدخلنا بشكل مباشر

نهى : بفرجها ربنا، لكل حادث حديث لما اشوفه، انا روحت قبل ما يجي لاني مو طايقة احكي معه

سيرين : ...

__________________________________

رانيا ( بصوت ضعيف ) : ما تخاف عليي انا منيحة حبيبي

هيثم ( بخوف ) : كيف يعني منيحة ؟ مو شايفة حالتك

رانيا ( بتسعل واعراض المرض ظاهرة عليها ) : بقلك اخدت برد، الحمدلله اجت على هيك، بس خايفة اعدي آدم

هيثم ( باستياء ) : الله يعيني عليكي، قومي وانتي لابسة اخدك عالمستشفى، ما رح اتطمن عليكي الا اذا اخدتك

رانيا ( بتهز براسها ) : امرك، ما بدي اعارضك حتى ما تقلي بعدين ما رديتي عليي

الحمدلله انها وافقت تروح المستشفى، لانه تقريبا اعصابي تلفت من منظرها بهالحالة ..

كانت يا دوب قادرة تمشي، وقبل ما نطلع من البيت رجعت استفرغت مرة تانية ..

هيثم : طمني دكتور؟

الطبيب : بسيطة ان شاءالله، في حمل او رضاعة ؟ عشان بدي اكتبلك ادوية للعلاج

هيثم / رانيا ( عيونا على بعض ) : ما بنعرف

الطبيب ( بكتب ) : معناها اعملي هاد التحليل والنتيجة بتطلع خلال ساعة وبنتاكد

اخدت منه الورقة، وكنت رح اطير من التفاؤل اللي اجتاحني فجاة، انه كيف ما خطر ببالي موضوع الحمل ؟، بس لما اتطلعت عليها كانت بتمشي ببطئ وكانها مو مبسوطة ..

هيثم ( ايدي على خصرها وساندها ) : يلا رنوش شدي حيلك شوي

رانيا : هيثم انا مو حامل ما في داعي للفحص

هيثم ( رفعت حواجبي ) : وشو هالتاكيد اللي عندك؟ بلكي طلعتي حامل مثلا

رانيا : ... الله اعلم

هيثم ( غمزتها ) : ليكون خايفة من الابرة؟

رانيا : ههههه

هيثم : ايوا هيك، يخليلي هالضحكة

__________________________________

مها : يارب تهديها وتسمع كلامي

ابو امير : امين، يس انتي لا تنقي وكل الامور بتمشي بخير وسلامة

مها ( مو عاجبها ) : نعم ؟ مالني انا شو عاملة ؟

ابو امير : ههههه سلامتك، اقعدي بمزح معك

اسيل ( اجت فجاة ) : ماما شفتي خاتمي اللي كنت لابسته اليوم ؟

مها : لا اي واحد ؟

اسيل : الفضة اللي عليه قلبين حب داخلين ببعض

مها : طيب ابعتي لايات اتدورلك عليه، يمكن يكون واقع منك هناك

اسيل : ماشي

__________________________________

منى : يا الله مو قادرة افتح عيوني من النعس، خلص طفيت

ابو احمد : مين سمعك، قومي خلينا نحط راسنا ونرتاح بعد هالتعب

انس ( واقف بغسل : لمين هاد الخاتم يمكن وحدة من بنات خالتي مها نسيته بالغلط )

امجد : مالك واقف صافن بالمغسلة ؟

انس ( حركت راسي يمين وشمال وسكرت ايدي عالخاتم ) : لا بغسل ايدي عمالي

امجد : شو هاد اللي بايدك؟

انس : ولا شي صابون، بدك تنام ؟

امجد : المفروض عندي دراسة بس بدي اريح ساعة زمن

انس : انا بدي ادرس كمان، بس انعس بصحيك وانا بنام

آيات : ماما شفتي خاتم فضة ؟

منى : لا ما شفت اشي، لمين ؟

آيات : لاسيل فاقدة خاتمها، قالت ازا لقيتوه خبوه

متل ما توقعت، هالخاتم الحلو للحلوة اسيل، خبيته بجيبتي وتوجهت لغرفتي ..

فتحت الكتب واستعديت للدراسة اللي تراكمت عليي بسبب عرس احمد، وسميت بالله ..

بعد ساعة <<

مرقت ساعة عليي وانا بقلب بهالصفحات، وعقلي مشغول بعالم آخر ..

وايدي مشغولات بالخاتم اللي لقيته، ولسا محتار اذا ارجعلها اياه او اخليه معي كنوع من الاحتفاظ باشي منها ..

امجد : انس !! انس .. انس ( رفع صوته )

سمعت صوته جاي من باب غرفتي اللي بدرس فيها وارتبكت بمكاني، اخفيت الخاتم قبل ما يلمحه، والتفتت عليه ..

انس : صحيت !

امجد : والله ! لا بعدني نايم بس بعتت روحي تطمن عليك

انس : افت

امجد : يا ... الي ساعة واقف وبنادي عليه مثل الكلب بنبح وانت ولا بهالدنيا، وين سرحان وله ؟

انس : ههههه بدرس

امجد ( بمسخرة ) : بتدرس ؟! ماشاءالله على هيك دراسة بتحولك خارج التغطية، خلص قوم نام

انس ( هزيت براسي ) : اه نعست، يلا تصبح على خير اطفي الضو من عندك بالله

كلشي عملته ما بمرق على امجد بهالسهولة، بس مرقلي اياها لانه صاحي من النوم وواضح انه مسطل ومو بوعيه، طفى الضو وسكر الباب عليي وراح ..

تركني بعالمي واحلامي، طموحاتي اللي رسمتها مع جدران غرفتي اللي شهدت على تعبي ودراستي وسهري ..

وحتى على اشتياقي الها بكل يوم غابت عني فيه، وانقطع تواصلي فيها ..

__________________________________

اسيل ( بتبكي ) : ...

حنين : خلصينا عاد بكفي عياط متل الصغار، مين قلك تشلحيه وترميه

اسيل ( بتبكي ) : والله ما رميته، ما بعرف كيف اختفى؟ انا متاكدة كان بايدي

رنين : خلص ان شاءالله بنلاقيه، ضلي ادعي

حنين : فرح قومي نامي من متى بتسهري هيك ؟ يلا خلصوني كل وحدة على تختها

مها ( اجت فجاة ) : يا حبيبي لسا مبارح ياسمين تجوزت لحقتي تاخدي العرش ؟

البنات : هههههههه

حنين : تعالي سكتي بنتك اللي فاتحة مناحة على خاتمها

مها : ييي بشتريلك احلى منه

اسيل : لا هاد كتير بحبه، جابلي اياه بابا لما تحجبت هدية لسا ما اله سنة عندي

مها : يا حبيبتي

__________________________________

ابو عدي : والله اهلا وسهلا، خليكم سهرانين برا الفندق لسا ما سكر

عدي / عمر : هههههه

ابو عدي : سد حلقك انت واياه، شو هالسهرة اللي ما بتخلص ؟

عمر : مالك يابا بنودع بالعريس فتح غمض بتصير تشوفه بالمناسبات

ابو عدي : واذا ؟ بعده عندي بالبيت وبده يمشي على قوانيني، بس يصير ببيته يعمل اللي بريحه

ام عدي : طول بالك يا زلمة بعدها الساعة ما صارت ٢

عدي : هههه خلص حقك علينا يابا

ام عدي : انتوا ومين كنتوا ؟

عمر : حمزة وعلاء وكان امجد قعد شوي

ابو عدي : علاء ؟! تارك مرته وبنته وبسهر لهالوقت ؟ شو هالمسخرة هاي

ام عدي : اه والله غلط، مرته بعدها نفساء

ابو عدي : وعنده طفلة، افرض احتاجت اشي مرته بهالليل ؟

عدي ( عيونه على عمر ) : ما بنعرف

ابو عدي : والله يا ويلكم اذا بتعملوا هالعمايل بيوم من الايام انت واياه بس تتزوجوا على خير و يصير عندكم عيلة

عمر : جوزني يابا، انت بس جوزني وشوف عمر كيف بده يصير غير شكل، مضرب مثل للرجال كلها

ابو عدي : بعد اخوك ان شاءالله بس تمشي بشغلك منيح وتركز

عدي : ما حدا قدك، واكيد العروس جاهزة

ام عدي : هههههه هي اخوك فاهملك

عمر : والله اني مسكين، يا حسرة عليي بس، خليني اروح انام وانا مبسوط قبل ما تنكدوا عليي

__________________________________

رميت راسي على مخدتي بثقل، ودموعي محتارات ينزلوا ولا يبقوا محبوسات بسجن عيوني، لاني وعدته اني ما ابكي ابدا ..

بس شو رح يصير فينا لما يعرف شو اللي صار اليوم، والاحداث بتمشي عكس تخيلاتنا ..

ام بيان ( فتحت باب غرفتي فجاة ) : نمتي ؟

بيان : ...

ام بيان : بكفي تعملي هيك بحالك، اتطمني امجد ما رح يعرف عن اشي

بيان ( قمت بعصبية ) : مين قلك خايفة من امجد ؟ او برايك رح ياثر باشي على علاقتنا ؟

ام بيان : معناها ما في داعي للعصبية والزعل

بيان ( مشيت باتجاهها ) : ماما انا زعلانة عالمبدأ، لانه طلبني ورفضناه، وهلا اسمي على اسم امجد، والكل بعرف اني انخطبت وما بجوز من الله انه انخطب لغيره، خصوصا اني ما بدي غيره

ام بيان ( متفاجاة ) : ما بدك غيره ؟؟ يعني كاين في اشي بينكم قبل الخطبة ! عشان هيك اجا خطبك بسرعة بس حكينا انه ابن خالك ناوي يخطبك

بيان ( بارتباك ) : لا تفهمي الموضوع من هالناحية، ق ق قصدي انه

ام بيان : تصبحي على خير

وهي تورطت مع ماما وزلق لساني قدامها، الله يستر ما تروح تحكي لبابا وتكبر القصة ..

ياربي شو هالليلة هاي، والتاني امجد ماله ما برد ..

امجد : الووو

بيان ( بعصبية ) : والله منيح اللي رديت حضرتك

امجد ( مو عاجبه ) : نعم ؟!

بيان ( صحيت على حالي ) : قصدي وينك كتير رنيت عليك

امجد : لو شو ما كان اوعي اسمعك بتحكي بهاللهجة معي، كنت نايم وهسة صحيت ادرس، انتي اللي طول اليوم مو فاضية ومو معبرة حدا

بيان : بعتزر منك مو قصدي بس متوترة شوي

امجد : لا بسيطة، خير شو صاير معك ؟

بيان : لا بس عشان ما اجيت عندكم وروحنا متاخرين عالبيت تنكدت

امجد : ولا يهمك، بس اشتقتلك كثيييير والله طول اليوم حاسس في اشي ناقص بحياتي

بيان : يا عمري وانا ما بتكتمل سعادتي الا بوجدك، اخ متى رح نكون سوا

امجد ( تنهد ) : هانت، راح الكثير وضل القليل ان شاءالله

بعد ما حكينا شوي واتطمنا على بعض، تركته يدرس ورجعت لمحاولات النوم ..

__________________________________

وصلت على بيتي بعد ما تاخرت بسهرتي، وبدون ما انتبه للوقت، اكتشفت انه الساعة صارت ١ونص بالليل ..

كان البيت كله عتمة، وما في صوت لا للام ولا لبنتها ..

علاء ( تمددت جنبها وبحاول اصحيها ) : ريم .. يا ريم

ريم : ...

كانت سلمى نايمة بحضنها بنص التخت، حملتها ونيمتها بسريرها ..

غيرت اواعيي، ونمت مكاني، وعيوني لسا على ريم اللي ما تحركت من مكانها ..

علاء ( ايدي في شعرها وايدي الثانية على خصرها ) : ريمو، ردي عليي طمنيني انك منيحة حبيبتي وما بدي اشي

ريم : ...

من النعس غفيت بسرعة خيالية، وما بعرف شو بستناني منها ..

__________________________________

سيرين : اه حبي، رجعت ؟

حمزة : قبل شوي وصلت البيت

سيرين : اوف، وليه لهلا ؟ مو عندك دوام الصيح

حمزة : والله اخدنا الحكي ونسينا حالنا

سيرين : انت ومين اخر شي ضليتوا ؟

حمزة : انا وعلاء وعدي وعمر

سيرين : والله !! اه يلا خلص ارتاح وبنحكي، كم يوم وبتبدا اجازتك عشان تستعد برضو لاخر تجهيزات البيت

حمزة : مال نبرتك تغيرت ؟

سيرين ( بارتباك ) : انا ؟ لا عادي بس انه متوترة عشان عرسنا قرب

حمزة : متدايقة من اشي حبيبي ؟؟

سيرين ( بلعت ريقها ) : صراحة حمزة انا هالكلام بعد الزواج ما بريحني، اوك اسهر انت واصحابك ما بخنقك عشان انت بالمقابل ما تخنقني وتتركلي مساحة حرية مع صحباتي بس مو لدرجة ...

حمزة ( قاطعتها ) : اه قصدك عن علاء؟ كنت حاسس انه في اشي متغير فيكم اليوم

سيرين : والله ماما كتير تعبانة، وهاكلة همهم خايفة من خالتو ام قصي تزعل

حمزة : لا حول ولا قوة الا بالله، معها حق مسكينة بتحب تشوف دار ابنها مبسوطين اكيد وخصوصا صاروا عيلة

سيرين ( بصوت مخنوق ) : الله يفرجها، انا ما بدي اشي ياثر على صحتها بخاف عليها كتير يا حمزة

حمزة : من غير شر عنها حبيبتي، اتطمني هي ظروف بمرق فيها الواحد وبعدها بتتغير وكانها ما كانت

سيرين : يارب

حمزة : كل الامهات هيك بخافوا، لو تشوفي امي كيف هاكلة هم رانيا وبتخاف عليها كانها بنت صغيرة، وانا نازلة فيي تواصي صرت افكرك بنتها ههههه

سيرين : هههههه حبيبتي خالتو الله يخليلنا اياها

بكذب على حالي اذا قدرت انام بهالليلة من التفكير بكلام سيرين، وبوضع الشباب بشكل عام بعد الزواج ..

فعلا مو اي شب بقدر يتحكم بحاله ويفرق بين حياته وهو عزابي ولما يتزوج ..

الله يقدرني اكون زوج متل ما بتحلم سيرين، واسعدها ونفادى المشاكل قد ما نقدر نجاوزها قبل ما تكبر وتوصل لاي حدا خارج بيتنا ..

__________________________________

بكل برود عملت حالي نايمة، لدرجة اني ما رمشت ..

ما عندي اي كلام احكيه، او اتناقش فيه ..

هو كله مفهومية، وواعي وناضج، متل ما هو بده اياني ما اكون الا متل ما بده كمان انا الي الحق انه يكون متل ما بدي عالاقل يحترم وجودي ووضعي ..

صباحا <<

كنت قاعدة بتختي برضع بسلمى، وساندة راسي على راسية التخت، ومغمضة عيوني ..

علاء ( قعد جنبي وحضني وباسني على جبيني ) : صباحو

ريم ( فتحت عيوني ورجعت غمضتهم ) : صباحو

علاء : كتير حاولت اصحيكي بس شكلك كنتي مستغرقة عالاخر

ريم : اي ساعة ؟

علاء ( حك شعره من ورا ) : يمكن ١٢ ونص وحدة

ريم : لا بهالوقت كنت صاحية انا، يمكن بعد الوحدة وحدة ونص تنتين

علاء ( بغير الموضوع ) : يلا هي نامت، حطيها وبكون جهزتلك فطور وعملت قهوتي

ريم : لا نعسانة بدي كمل نوم، خلص افطر انت وانا بس اقوم باكل لقمة

كانت الساعة قريب ال١٠، استغرب انه بعدني نعسانة ..

كمل طريقه للمطبخ، وغاب ربع ساعة ورجع معه صينية فطور ..

علاء ( ماسك لقمة بايده ) : افتحيلي تمك الحلو يلا اشوف بدون اعتراضات

ريم ( مو عاجبني ) : شو المناسبة ؟

علاء ( رفع اكتافه ) : هيك، بدون مناسبة

ريم ( دفنت حالي تحت الغطا ) : مو جاي عبالي اكل، نفسي انام وبس

بهاللحظة اجا على بالي اضربه بالصينية واللي فيها، مصدق حاله انه ممكن امرقله اياها هيك ..

بس خليني محافظة على هدوئي حتى ما تنقلب اللعبة ضدي، واخسر قبل ما ابدا ..

__________________________________

ام حمزة : الله اكبر قد ما رحتي عالسوق، بكفي يمة والله زودتيها

رزان : يعني ما بطلعلي اكون مميزة بعرس اخوي، وافرجي الناس انه اخته مو ناقصها اشي، بلكي اجاني عريس محرز من طرفهم وطلعني من هالعيشة

ام حمزة : يا عيب الشوم، احمدي ربك غيرك متمني عيشتك

رزان ( مو عاجبها ) : الحمدلله الذي لا يحمد على مكروه سواه

كان ناقصني محاضرات امي حتى تسم بدني وتنكس احلامي وامنياتي المتعلقة بهالعرس، يا رب يا كريم تفرجها عليي بواحد غني يعيشني احسن عيشة ..

ام حمزة : وين تلفوني اشوف اختك كيف حالها، الها يومين ما بتسال

رزان : اختي صارت من مستوى عالي بطلنا من اهتماماتها

ام حمزة ( بعصبية ) : والله ان وصلتلك الا اقبرك بمكانك، اوعي اسمعك تحكي هالحكي عنها

رزان : طيب طيب رني واحكي مع اللي بدك اياه خليني اعرف انسق وافكر على مهلي، اشوف بكرا كنتك شو رح يصير فيها بس تنصدم بعيشتها الجديدة، اصلا هاد اللي مهون عليي بلكي بتصير تحس فيي

ام حمزة : لا اله الا الله، اتركي هالمخلوقة بحالها

اااخ شو ناقصني لو كان عندي نفس فستان آيات اللي كانت لابسته بعرس اخوها، ولا خوات ياسمين ولا باقي هالبنات كل وحدة احلى من التانية، حتى اختي رانيا كانت متل الباربي، يا حسرة عليي وعلى حظي ..

متى رح الاقي شب يحبني ويتعلق فيي، ويموت حتى يتزوجني، والاحلى من هيك يكون غني متل ما بدي ..

__________________________________

هيثم : الو، صباح الخير

مها : صباح الورد، كيفك ؟

هيثم : هلا الحمدلله، كيفكم انتوا ؟ كيف العرسان

مها : والله بخير، وصلوا وطمنونا عنهم وهلا طلعوا بجولات مع الجروب

هيثم : يلا يتهنوا ويرجعوا بالسلامة

مها : انت بالبيت ؟

هيثم : اه، مالك ليه هيك صوتك ؟

مها : لا عادي، بس بدي اتطمن على رانيا مبارح ما كانت منيحة حسيتها

هيثم ( تنهد ) : اه والله كانت زعلانة على آدم لانه مو معها، وبس روحنا تعبت واخدتها عالمسشتفى

مها ( مصدومة ) : خير ؟ شو مالها هيثم احكيلي لا تخبي عليي

هيثم : ههههه طولي بالك عليي، بس كانت ماخدة برد وفلوزت

مها : له له سلامتها، بلكي امرق عليها اشوفها ازا بدها اشي احكيلي

هيثم : تسلمي، اهلا وسهلا بأي وقت

من كثر ما كانت رانيا متدايقة، ما قدرت حتى افرح بخبر حملها أو اخبر حدا عنها ..

ما بتعرف كمية المشاعر الجياشة بداخلي، مجرد التخيل انه رح يصير بيني وبينها اطفال وعيلة مستقرة تكون هية اساسها ..

__________________________________

سهى : يلا انا رايحة، ديري بالك على ابوكي تفقديه

ديمة : توكلي عالله، مع اني شايفة روحتك مو مناسبة

سهى : خليكي بحالك، انا بعرف شو المناسب اكتر منك، يلا سلام

ديمة : شكرا، مع السلامة

علاء : مين رح يجي هسة ؟ خالتي !

سهى : اه، شو مالك شايف ضبعة ؟

علاء ( مصدوم ) : لا الله يسامحك، صباح الخير

سهى ( قالبة وجهها ) : صباح النور، وين مرتك ؟

علاء ( بلا مبالاة ) : بغرفتها، تفضلي انا هيني قاعد بالمطبخ

سهى : ريم؟

ريم ( رفعت الغطا ) : ماما، اهلا وسهلا

سهى ( قعدت على طرف التخت ) : شو القصة ؟ صار اشي ببنكم

ريم ( بخوف ) : لا لا شو بده يصير

علاء ( فتح الباب فجاة ) : تشربي قهوة ؟ خالتي

سهى : لا شربت قبل ما اجي، شكرا

ريم : افطرتي ؟

سهى : اه، شو بدك فيي هلا قومي خليني اعملك فطور ونحمم سلمى الجو منيح اليوم

ريم : يلا قايمة

علاء : لا تغلبي حالك هي الفطور بالثلاجة

سهى ( مستغربة ) : فطور شو ؟

علاء : عملتلها فطور وجبتلها اياه عالغرفة بس ما كان جاي على بالها، اكلت شوي منه وضبيت الباقي

سهى : اها، يلا يسلم ايديك

ريم ( اجت فجاة ) : علاء امسك سلمى صحيت، خليني افطر

علاء ( بخبث ) : سبحان الله كنت متوقع، لما جبتلك الفطور كان هدفي انك تاكلي بهدوء قبل ما تصحى ، انا ما بتسكت معي لانه، بس يلا هي خالتي مفطرة بتمسكها عنك

سهى : ... يلا رايحة اشوفها، اقعدي انتي

__________________________________

رانيا : الباب عم يدق

هيثم : غريب مين رح يجي معقول مها صارت جاي

رانيا : طب قوم افتح، عبن ما اغير اواعيي

هيثم : لا خليكي اوعي تقومي لساتك تعبانة

هيثم : نهى !

نهى : صباح الخير، اسفة عالازعاج

هيثم : لا بالعكس نورتي صباح النور، تفضلي

نهى : نايمين بعدكم ؟

حكيت لاختي كل شي صار معنا من مبارح، وكانت اول وحدة بتعرف عن الخبر الجديد ..

نهى : ريته الف مبارك، وعقبال سلامتها، جيتي مو مناسبة بهالوقت

هيثم : حاسس في كلام بثمك، احكي صاير اشي ؟ سيرين محتاجة اشي

نهى : لا سيرين منيحة وكل امورها تمام الحمدلله، بس انا تعبانة يا هيثم وما لقيت حالي الا على باب بيتك

هيثم : سلامتك، دقيقة احكي لرانيا انك هون لانها بتستنى مني خبر

هيثم : وهي احلى فنجان قهوة صباحي، هاتي لنشوف

نهى ( عيونها معلقات على فتجان القهوة بايديها ) : علاء

كان من الصعب عليي اني اسمع فضفضة اختي واشوف الخوف والقلق بعيونها، واملها فيي اني اقدر اقدم مساعدة باسلوبي الخاص ..

هيثم : اكثر اشي دايقني انك هاكلة هم سهى، يعني مو معقول تتزاعلوا او تتأثر علاقتكم بسبب اولادكم، بالنهاية عقلهم براسهم بعرفوا خلاصهم، لا تعطي الموضوع اكبر من حجمه

نهى : بس كمان بنتها ما بتهون عليها تشوفها بهيك حالة، والله لو شفتها مبارح كيف لما كنا جايين بدونه الدمعة تجمدت بعينها

هيثم : لا حول ولا قوة الا بالله، كل الازواج بمروا بمرحلة فتور اشي طبيعي لما شاف مرته فجاة انشغلت عنه ووضعها بغصبها تقصر بحقه خصوصا اول طفل الام ما بتكون متعودة على مسؤولية بهالجحم

نهى ( بتهز براسها ) : معك حق، الموضوع بده حكمة حتى ما نعطيه اكبر من حجمه ونكون باشي بسيط ونكبره

هيثم : صحيح، وانا متاكد انه ريم قادرة تتجاوز هيك ظروف وعلاء بحبها وما بقدر يستغني عنها

__________________________________

منى ( ماسكة الموبايل وبتقلب بصور عالواتس ) : يا حبايبي بجننوا الله يسعدهم

آيات : يا سلام عالمناظر شو حلوين، والله اسطنبول جنة

منى : المهم احنا نكون مبسوطين والدنيا كلها بتصير جنة، السعادة هي اللي بتحلي الدنيا حوالينا

امجد : يسلملي الحكيم يا ناس، جوزت ابنها وهديت اعصابها ام احمد عقبال ما تجوز الباقيين

منى : استغفر الله العظيم

امجد / آيات : ههههههههه

آيات : بعينك الله على هالكم سنة معلش تحمليه

امجد : تفي من تمك شو كم سنة؟

منى : بدك اياه يصبر سنين بدون الاميرة ديانا

امجد : يمة حرام عليكي بنت اخوكي هاي والله انها بتحبك

آيات : امجد بلا تخبيصك حد حكى انه بنكرهها، بتمزح امي قصدها عشان شقرا متل ديانا

امجد : باربيتي هاي، يمة عالخدود الزهريات بدون بلاشر

منى ( كاتمة ضحكتها ) : الله يهنيك فيها يمة، لولاك بتستاهلها ما نلتها

امجد ( حضنها ) : ايوا هي امي حبيبتي الرومنسية الشاعرية، المهم تفقدتوا العنصر اللي معتكف بغرفته

آيات : صحيح وينه انس؟ ما افطر يمكن

منى : اسم الله عليكي بدي اتركه بلا اكل لهلا، زمان عملتله فطور وفنجان قهوة وقاعد بدرس، كمان شوي طالع عنده حصة

امجد : والله ابنك حالته مو عاجبتني هالفترة

آيات : لا اله الا الله، بدينا نق عليه

امجد : خلص ما دخلني، السلام عليكم بدي اطلع شوي اشوف عمر وقصي وبرجع عالغدا الا اذا صحتلي عزومة فجائية

منى : الله معك

__________________________________

حنين ( ماسكة الموبايل وبتقلب بصور عالواتس ) : يا سلام شو هالصور الخرافية

رنين : غريبة كيف احمد سمحلها تطلع بدون جلباب

مها : هيهييي علينا، هاتي اشوف خلصيني ما تهنيت عليهم، يا حبيبتي متل القمر

اسيل : لابسة ترانشكوت ومرتب عليها، يمة ما احلا منظر البحر

حنين : اخ عقبالنا نروح هيك اماكن

مها : يا بي شو كان نفسها تروح باريس، ان شاءالله بيجي يوم تلفوا فيه العالم يا امي

البنات : اميييين

فرح : ماما خلينا نروح احنا وبابا نسافر

مها : والله يا ماما صعب هالفترة خواتك جامعة وامير وفي بيبي عالطريق، خليها عالتساهيل ان شاءالله

حنين : متى موعدك عند الدكتورة ؟

مها : اخر الاسبوع

رنين : يلا قبل عرس ديمة بتروحي تطمني

اسيل : مو مستوعبة اعراس ديمة وسيرين مواعديهم

رنين : جد ههههه قال بعد تلات ايام

حنين : عشان اجازة احمد بحضرهم وبسافر

مها : يلا كسبوا هالكم يوم عسل وبترجع عالجامعة اختك

رنين : وين رح يسكنوا صحيح ؟

مها : بدبروا حالهم، كل البيوت على حسابهم

حنين : احسن اشي عند دار سيدي، بكيفوا

__________________________________

بيان : كيفك ؟

غنى : انا منيحة انتي اللي كيفك ؟ مال عيونك منفخة

بيان : مو نايمة

غنى : خير؟ متخانقة مع امجد

بيان : لا، بس ما اجاني نوم

ام عدي ( اجت فجاة ) : هي بيان هون، كيفك خالتو وين امك ؟

بيان : الحمدلله بالبيت ماما بتشتغل

ام عدي : يلا يعطيها العافية، مالك تعبانة ؟ مريضة ليكون

بيان ( بتهز براسها يمين وشمال ) : ابدا، بس ما اجاني نوم بالليل

عمر ( اجا فجاة ) : يمة انا طالع مع... ها هي بيان هون، والله اهلين بسلفة العروس

ام عدي / غنى : هههههه

عمر : شو اخبارك يا بنت ؟ عاش من شافك

بيان : يا لطيف الي سنة غايبة كلها مبارح

عمر : ولك اليوم بسنة انتي ما بتعرفي قيمتك يا ختشيبة صاحبي

ام عدي : لا حول ولا قوة الا بالله، طيب كمل وين كنت طالع ؟

عمر : لا ولا شي بس هيك طشة خفيفة بما اني معطل اليوم، يلا سي يو سبايا

بيان / غنى : سي يو

////

امجد : يلا خلصني سنة

عمر : الحق عليي كنت بجيبلك اخبار

امجد : من مين ؟

عمر : من الحب

امجد ( بلهفة ) : شفتها ؟

عمر ( بغرور ) : كانت عنا وصبحت عليي

امجد ( ضربه على كتفه ) : ما اسقع وجهك، شو حكيتوا ؟

عمر : لا يا حبيبي بتعاملني بهالقسوة بدك تلاقي مقابل اقسى

امجد : طيب، اهم اشي حكتلها انه طالعين سوا ؟

عمر ( بعض على شفايفه ) : اخص عالرجال، لهالدرجة شايفني جاسوس ؟ ما حبيتها منك يا صاحبي

امجد : لا كفو بعرفك، بس ليطمئن قلبي، عشان اعرف شو ارد عليها بس تحقق معي

عمر : هيهيهيهي الله عليكي يا بيان

////

منى : يييي نسيت اعطي امجد ورقة الاغراض

آيات : طيب عادي

منى : شو اللي عادي! بدي اغراض للبيت شو بدنا نطبخ، رني عليه نقليه اياهم

آيات : يبي انا مو عارفة ليه عطلت اليوم ؟ يلا هي برن

منى : رد ؟

آيات : مغلق، خليني ارن على عمر يمكن يكون معه

////

عمر : حكيت لقصي انه جايين عليه

امجد : لا خليتله اياها مفاجعة عشان يتعلم يختفي فجاة

عمر : هيهيهي يمة، مال آيات بترن .. الو اهلا ..

آيات ( بنعومة ) : كيفك عمر ؟

عمر ( بفرح ) : هلا والله، تمام كيفك انتي ؟

امجد ( عيونه على عمر ومو عاجبه ) : ...

آيات : الحمدلله، بدي اسالك امجد معك؟ بدي اياه ضروري وموبايله مغلق

عمر : اه معي، يلا خدي هي رح اعطيه الموبايل

امجد ( بلا مبالاة ) : خير؟

آيات : امي نسيت تعطيك الورقة اللي عليها القائمة، سجلهم عندك بسرعة

امجد : كيف اسجلهم يعني ؟ خلص ابعتيهم برسالة عالواتس كمان شوي بشحن تلفوني وبشوف

آيات : اوك، باي

_________________________________

قصي : مال امي طلعت من الصبح ؟

ديمة : لا تسال ما عندي اجوبة

قصي ( سحب كرسي وقعد عليه بالعكس وشعل سيجارة ) : مو فاهم هو لغز ولا شو بالضبط ؟ حاس حالي غريب صرت

ديمة ( باستياء ) : قصي حبيبي الله يرضى عليك انا عرسي كمان اسبوع، والف قصة بفكر فيها والباقي عندك

قصي ( بحزن ) : مو بكفي رح تتركيني لحالي، كمان ما بدك احكي معك واستغل هالاسبوع

ديمة : ... مو هيك قصدي، بس لا تسالني عن موضوع ريم

قصي : الله يهدي بالها يارب

امجد : رن عليه بلاش يكون طالع

عمر : ما دخلني، كمل مفاجعتك

ديمة : قوم افتح الباب

قصي : مين جاي عنا ؟ فوتي على غرفتك

امجد / عمر ( بادب ) : السلام عليكم

قصي ( بغباء ) : مين انتوا ؟ ما عنا شغل الله يعطيكم

ديمة : هههههههه

عمر : العروس مبسوطة، روحي الله يبسطك كمان وكمان الهي

امجد : طيب يلا احنا مروحين عن اذنك

عمر : اهئ اهئ اهئ لا يا امجد مشان الله خلص امسحها بهاللحية وفوت عالاقل طلع حق البنزينات اللي حطيتهم للطريق

قصي : هيهيهيهي امري لله تفضلوا مع انه عندي شغل كثير

ديمة : منيح اللي امي مو هون كان دبحتك

امجد : كمان خالتي مو هون، لا هاد شكله رح يستفرد فينا، يا زلمة قوم قبل ما نصير جثث

عمر : يا حبيبتي يا عمتي وقت مشاويرك الصباحية هسة، ديمة بالله عليكي خليكي هون حوالين المنطقة للامان والاطمئنان مو اكثر

قصي : يبي ما ازنخكم انتوا الجوز الله باليني فيكم، خلصلوني اقعدوا، اعملي كاسة شاي دمدوم

////

سيرين : ههههههه مهرجين اقسم بالله

آيات : ديمة فرجينا شغلك فيهم هالثلاثي الزنخ

ديمة : هيني عملت شاي، شو اعمل كمان ؟ هههههه

سيرين : حطي فيه ملح ليمون

ديمة : وبعدين وين اهرب منهم ؟

سيرين : افكحي عند ريم ههههه

آيات : لا بلاش عدي يزعل منها ويحكي عنها ما عقلت

سيرين : يمكن ينتقم منك بليلة الدخلة

ديمة : بتسدي بوزك ولا اجي اسده بطريقتي

آيات : ههههههع مش طبيعيات

ديمة : خلص انقشعوا خليني اعرف افكر

الحلقة الثالثة :

إن الحياة التي تملأها السعادة يجب أن لا تخلو من ثلاثة أشياء؛ وهم الأمل والعمل والحب ..

فلا تتخلى عن اي منهم لتحيى في حياتك حياة سعيدة ..

_______________

____________

قصي : شو اخبار العرسان ؟

امجد : الله يهنيهم، عقبالنا

عمر : لازم يزق حاله بالنص بكل جملة بتخص العرسان هههه

امجد ( باستياء ) : ما تكون غيران عشان انت الوحيد العزابي بيناتنا

قصي : ههههههه لا لا عمر عقله اكبر من هيك

عمر ( بغرور ) : اكيد عقلي اكبر من هيك مستويات اكبر همها النسوان هاهاهاي

ديمة ( اجت فجاة ) : الشاي جاهز تفضلوا

قصي : شكرا حطي الصينية وروحي

عمر : عقبال ما نشربها ببيت عدلك الهي

امجد : هههههه الله يكون بعونها بس

ديمة : بعين الله، اللي بصبر ياسمين بصبرني

قصي / عمر : ههههههه

امجد : ماشي يا ديمة

_________________________________

ريم ( حاملة سلمى وبتبوسها ) : يا روحي انا ريتو نعيما

سهى : يلا رضعيها ونيميها

ريم : يلا، بس شوفي علاء ازا محتاج اشي

سهى : صحيح اي ساعة اجا مبارح ؟

ريم ( بارتباك ) : بعد ما طلعتوا على طول

سهى ( بتهز براسها ) : يلا منيح، الله يهديه

كنت محور الحديث بينها وبين امها، وكأني عامل جريمة بسهرتي مبارح؛ اللي من اشهر طويلة ما سهرت مثلها ..

سهى : اعملك اشي خالتو ؟

علاء ( بلا مبالاة ) : لا شكرا، كيف سلمى نامت ؟

سهى : اسم الله عليها تحممت وكانت هادية بتحب المي ههههه وهي بدها تنيمها

علاء : يلا منيح، يسلمو ايديكي، بس خلص هالكم يوم اهتمي بديمة وهي ريم بامانتي

سهى : الله يرضى عليك بس كمان انت عندك دوام ويادوب تلحق

علاء : يلا بتتدبر

_________________________________

سيرين : وين اختفيتي من الصبح ؟

نهى : عند خالك هيثم

سيرين : في اشي ؟

نهى ( بتهز راسها يمين وشمال ) : ابدا، حبيت اشرب فنجان قهوة معه

سيرين : جاب آدم ؟

نهى : لا، رانيا تعبانة خليه شوي عند امه

احترت اخبرها بالكلام اللي حكتلنا اياه رانيا مبارح او لا، خفت ازيد الامور سوء لانه لسا مو عارفين شو المشكلة، وبنستنى ياسمين شو رح تعمل هي واحمد ..

سيرين : ما حكيتي مع ريم ؟

نهى : زكرتيني فيها، بس خليني اشوف ابوكي واجهز غدا

سيرين : يا رب يكون وضعهم رواق

نهى : ولا رح اجيب سيرته، ما دخلني بحدا

_________________________________

ياسمين ( بدلال ) : احمودتي

احمد : عيونه

ياسمين : بما انه القعدة هون رواق وبالنا فاضي فكر وين رح نقعد انا واياك باقي الايام في الاردن

احمد ( رفع حواجبه باستغراب ) : مين قلك انه لسا بدي افكر، القرار محسوم من زمان

ياسمين : جد ! وين ؟

احمد ( شدني لعنده ) : نسيتي انه من السنة الماضية دار سيدي مفتوحة النا يا حبيبتي

ياسمين ( مصدومة ) : وين ؟!

احمد : ههههه مالك ؟ ما بدك يعني

ياسمين : معقولة احمد نسكن معهم ؟ احنا عرسان حبيبي لازم بيت لحالنا

احمد : من وين اجيبلك بيت لحالنا ؟ يا ريت بيتنا جاهز كان سكنا فيه اكيد

ياسمين : امممم طيب مليانة شقق مفروشة، وانت مو كتير رح تقعد بعمان يعني ما رح تكلفنا كتير

احمد : لا ما حدا قبل اعمل هيك، سيدي زعل لما قلتلهم رح اخد شقة

ياسمين : اه يعني الموضوع تم النقاش فيه وبت القرار بدون ادنى علم الي

احمد : مين الزلمة فينا ؟

ياسمين : اكيد انت بيبي شو هالسؤال

احمد : والسكن من مسؤولية مين ؟ يعني رب الاسرة مين ؟

ياسمين ( بلعت ريقي ) : تؤبر ألبي احلى رب اسرة بين الاسر كلها، مالها دار سيدي يعني اي بكفي بتصبح بكاسة شاي من ايدين ستي قبل ما اروح عالجامعة، وعمر ساكن فوقينا يعني كل شوي بيجي بتفقدنا ازا مبسوطين او لا

احمد ( عقد حواجبه ) : سكري عالسيرة خلينا نعرف نقعد هاليومين

ان شاءالله يعيد حساباته بعد ما جبت سيرة عمر قدامه، يا حبيبي على منظري عند دار سيدي اعيش وكل العيلة تعرف شو بنسوي ..

وام زكي ( عمر ) رح يشل املنا بزناخته وتعليقاته، وتلميحاته ..

_________________________________

هيثم : يا بنت الحلال ردي على هالتلفون

رانيا : هاي امي هلكتني قد ما رنت، مو قادرة ارد عليها وتسمع صوتي هيك

هيثم : نعم ؟ ناوية تخبي عن امك كمان ؟

رانيا : بالله ؟! اكيد قبل عرس حمزة ما رح احكي لحدا بدك اياهم يقعدوني عالكرسي ويربطوني

هيثم : ليه مو ناوية تقعدي ؟

رانيا ( عصبت ) : هيثم مالك عليي ؟ لما انا ادير بالي على حالي مو متل لما الكل يكون بس بده يقوم بالواجب ويعطي نصائح

هيثم ( مزعوج من عصبيتها ) : ... براحتك

رانيا : ... تمام

_________________________________

ام حمزة ( بقلق ) : اختك ما بترد يمة مالها ؟

رزان : معقول ؟ عاد بترد دايما، يمكن هيثم عندها ومو صاحلها تشوف الموبايل

ام حمزة : قولتك ؟ والله كنت ناوية ارن عليه بس خفت يكون بالمستشفى

رزان : لا ترني ولا عبالك، اكيد متل ما قلتلك توكلي عالله

ام حمزة : لعاد خليني اقوم اجهز الطبخة قبل ما يرجع ابوكي واخوانك

رزان : يلا قايمة وراكي

قلقت على اختي بعد اللي حكته امي، وبعتلها على الواتس اتطمن ..

ردت عليي بسرعة، وقالتلي انها مفلوزة وصوتها مو طالع وما بدها تقلق ماما عليها ..

صعقتني بحجتها، وحكتلها ماشي انا اقنعت امي انك مشغولة وطلع بالفعل هيثم بالبيت ..

_________________________________

آيات : ديمة وين رحتي ؟

ديمة : هيني، في اشي

آيات : طمنينا شو صار معك ؟

ديمة : ولا شي طبعا، بس صوتهم كله ضحك شكلهم مزهزين

آيات : اه يعني قاعدين بغرفة لحال

ديمة : اكيد بغرفة قصي، الحمدلله تحولت لمحششة

آيات : شو لابس عمر ؟

ديمة ( مصدومة ) : عادي تيشيرت وبنطلون جينز، ليه بتسالي ؟

آيات : لا عادي بس هيك فاضية اشغال

سيرين : بست

ديمة : يمة، ليه بتحكي عالخاص ؟

سيرين : بحاول استوعب مال آيات بتسأل عن عمر شو لابس ؟!

ديمة : صراحة انا لسا ما استوعبت كمان، مالها انجنت كنها

سيرين : والله بنتفها ازا بتفكر فيه مجرد تفكير

ديمة : لا ما اتوقع، مو زابطة عمر و آيات ههههه ضحكتيني

آيات : وين رحتي ؟

ديمة : هيني بس رحت اتفقد الاكل عالنار

آيات : خالتو عند ريم ؟

ديمة : اكيد

آيات : يلا ديري بالك، اسمعي ازا صحلك تلقطيلهم صورة لا تقصري

سيرين : شو بدك في الصورة ولي ؟

آيات : بسم الله، ولا شي بس هيك بس تعلمت من ياسمين نخبي اشي للمستقبل كله بنفع هههههع

ديمة / سيرين : واااو صايرة خطيرة

آيات : بتعرفوا فاضية اشغال وهيكا

سيرين : الله يشغلك بكل ما هو مفيد يا اختي

ياسمين : كل شي بتحشروا ياسمين فيه، مسكتكم

البنات : اهلااا بالعروس واخيرا بينتي

ياسمين : يا الله شو اشتقتلكم

البنات : صدقناااكي، اقعدي ساكتة والله مو متزكرة حدا فينا بهالاجواء اللي حوالكي

ياسمين : قربت اجي عكل حال وبنتحاسب

البنات : هههههه بتموني

سيرين : ياسمين حلفتك بالله في اشي بين آيات وعمر ؟

ياسمين : حسبي الله ونعم الوكيل، ولك هو ازا سالت عنه يعني لازم يكون في اشي مالك عالبنت ؟

سيرين : ما اقتنعت، اعطيني دلائل اقوى

ياسمين : دلائل اقوى من اي ناحية ؟ افرضي انه في اشي ضروري انا اعرف فيه مثلا ؟

سيرين : صدقيني في اشي اسئلتها مو طبيعية، ولاحظت عليها كمان مبارح بالقعدة عند دار خالتو لما اجينا نودعك

ياسمين : روحي حققي معها بدل ما توجعي راسي ببنت حماي وقصصها

سيرين : لا تخافي عليي، اصبري بس افضالها

_________________________________

مها : كيفك ؟

منى : الحمدلله، شو اخباركم انتوا ؟

مها : تمام مبسوطين

منى : الله يبسطكم ويبسطنا جميعا، طمنيني كيف وضعك ان شاءالله مو تعبانة ؟

مها : لا الحمدلله كل شي تمام، شو بتعملي ؟

منى : والله قاعدة بستنى بامجد يرجع عالبيت ويجيبلي اغراض الطبخة

مها : تفضلوا عنا بالله عليكي

منى : يزيد فضلك، بنيجي ان شاءالله

مها : اهلا وسهلا باي وقت، شو كنت بدي اسالك صحيح

منى : تفضلي

مها : عندك علم وين دار احمد بدهم يسكنوا بهالايام اللي رح يقعدها ؟

منى : ليه ما حكتلك امي انه رح يقعدوا عندهم ؟

مها : والله ! لا ما حدا حكالنا يلا طمنتيني امي بتدير بالها عليهم

منى : اه هههه حبيبها حمادة، وابوي ضل وراه وما خلاه يستاجر شقة

مها : الله يطول عمرهم، مشتاقينله مهمة بدهم اياه يضل حواليهم

منى : ستي كل البيوت على حسابهم، وين ما بحبوا يقعدوا

مها : بصير هيثم يطقس على اهلي ويعمل حاله غيران هلا

منى : هههههه بطلعله يغار

مها : لاحظتي رانيا مبارح ما كانت على بعضها

منى : يمكن عشان آدم مع زينة، بتقلي ام عدي كل ما يروح عندها بتصير هيك

مها : يا رب تريحنا من زينة وسيرتها يا قادر يا كريم

منى : بتضلها ام الولد، الله ما يحرم حدا من ضناه

مها : ... امين، اخ شو بدنا نحكي واقع ومجبورين عليه

منى : عند ربك ما بضيع اشي، ديري بالك على حالك واي اشي بتحتاجيه كلنا معاكي والله اولادي بس بدهم طلب منك

مها : ما يحرمني لا منك ولا منهم، صحيح ما لقيتي خاتم اسيل ؟

منى : لا والله دورنا عليه اليوم وهيني بدور، ماشاءالله عليها كبرت مرة وحدة الله يحميها متل القمر كانت بالحفلة

مها : تسلمي، ويحميلك آيات وتشوفيها احلى عروس عاجل غير اجل يارب

منى : الله يسمع منك، مع اني شايفتها مو سائلة عن هالموضوع والتهت بالشغل

مها : احسن مو كويس التفكير خلص عالتساهيل الواحد يترك الامور

منى : معك حق

مها : يلا سلمي عليهم كلهم، طولت عليكي

منى : الله يسلمك، بسيطة منا قاعدة بستنى بالافندي

_________________________________

عمر : يلا ما بدك تقوم ؟

قصي : قاعدين هينا ، مالكم !

امجد : أم...

عمر ( قاطعه ) : عمتي بدها اغراض تطبخ وتاخر عليها وانا جاي بسيارته

امجد ( عيونه على قصي ) : حنون طول عمره، بقلك خلينا نجوزك حنين ما بترد

قصي : ههههههههاي

عمر ( بغضب ) : اذا بتفتح هالسيرة مرة ثانية بتنساني للابد، فهمت ؟

امجد ( رفع حواجبه ) : في غيرها يعني ؟

عمر ( بمسخرة ) : اذا ما عندك مانع

قصي : طولوا بالكم شباب، كنا رايقين

عمر : الله يجيبك يا طولة البال

قصي : طب اقعد احكيلك شو عاملة ياسمين مع احمد بالعرس

امجد / عمر ( باهتمام ) : شو ؟؟

قصي : يا عيني عليكم لما تروقوا، هاد يا سيدي مخليته يرقص معها وواصلة معه مرحلة الهز والخلع

عمر : وهز يا وز

امجد : لا يا رجل مستحيل احمد هيك يعمل، انا بعرفه

قصي : والله امي وديمة حكولي، بس اوعوا تجيبوا سيرة

عمر : مستحيل شو نجيب سيرة، هو هاد موضوع بنحكى فيه ههههههه

امجد : له له يا ابو حميد، مين عرف بهالموضوع كمان ؟

قصي : مو عارف، بس المهم ما يوصله انه في حدا عرف

عمر : اهئ اهئ اهئ يا حبيبي يا حمادة، اخرتك تصير نجم في ساحات الرقص الشرقي

امجد / قصي : هههههههه

_________________________________

ام عدي ( مصدومة ) : يعني رجع طلب ايدها ؟!

ام بيان : والله انصدمنا، ومحمود زعل كتير

ام عدي : صراحة الموضوع بزعل، يعني اول اشي البنت انحكى فيها والشب ابن عمتها وبيني وبينك مبين انه رايدين بعضهم

ام بيان : هو ضل فيها بيني وبينك، مهي مبينة عينك عيني انه في اشي

ام عدي : يعني متدايقة انتي ؟

ام بيان : من شو بدي اتدايق ؟ فوق ما طلب ايدها وتحمل مسؤولية

ام عدي : والله كبر بعيونا كلنا ليه الحكي يعني، اولاد ام احمد برفعوا الراس

ام بيان : اولادكم كلكهم الله يحميهم ما في واحد بعيبه اشي

ام عدي : عقبال ما تفرحي ببيان ويصير عندك احفاد ويرفعوا راسك

ام بيان : الله يسعدك، ديري بالك بس تجيبي سيرة عن اللي صار لانه ما بدنا يوصل الموضوع لامجد واهله

ام عدي : اعوذ بالله، بس انتي روقي الجو بين اخوكي وزوجك وخلوا الامور تمشي عالنصيب وبالاخر كل شي بالغصب الا الزواج

ام بيان : بصير خير يارب يهديهم، كتير معصبين لانه وعليت اصواتهم على بعض وطلعنا زعلانين

ام عدي : لا حول ولا قوة الا بالله

_________________________________

آيات : انوس بدك اشي ؟

انس : كاسة عصير لو سمحتي

منى ( اجت فجاة ) : اعمليله سندويشة معها

آيات : مع مين كنتي تحكي ؟

منى : خالتك مها بتسال وين دار احمد بدهم يسكنوا

انس : صح وين ؟

آيات : عند دار سيدي

انس : يا سلام عالدلال

منى ( بتدور بين الاغراض ) : ما مرق عليكم خاتم اسيل ؟ رجعت سالت عنه خالتك

انس ( بارتباك ) : اه ؟ كيف شكله ؟؟

منى : والله نسيت اسالها بس كانه فضة واكيد بكون بناتي وناعم متلها

انس ( لمعوا عيونه ) : اكيد

آيات ( اجت من المطبخ ) : تفضل هي الاكل، لا دورت كتير والله

انس : يسلمو، اكيد بتكون ناسيته بمكان ثاني

عمر : بدي افوت اسلم على عمتي

امجد : عمى الدبب مبارح شفتها خلص، هي الفرجة ببلاش ؟!

عمر ( بمسخرة ) : فرجتك اه بس فرجتها اكيد بتستاهل احلى بوسة مني

منى : يارب يجيبك يا امجد

آيات : هي صوت الباب فتح

امجد ( بصوت عالي ) : يا الله، يمة وينك ؟

منى : هيني فوت

عمر : السلام عليكم

آيات ( بفرح ) : عمر معه

منى ( باستغراب ) : طيب فوتي على غرفتك خلصيني

امجد : نفوت ؟

منى : تفضلوا، مالك تاخرت يمة ؟

عمر ( بسلم على عمتي ) : والله لو معي سيارتي كان انا رحت جبتلك الاغراض بس شو جابرك عالمر الامر منه

منى : ههههه حبيبي الله يرضى عليك، هو المفروض اني ما اقطع مشواره بس محتاجة

امجد : استغفر الله، يلا قوم هي شفتها واعطيتها بوسة امشي خليني اوصلك

منى : لا والله ما بطلع بدون غدا

عمر : يا حبيبتي يا عمتي ضروري تحلفي الله يسامحك شايفة ابنك مستقلع مني، بس يلا عشان حلفتي هي قعدة، وينك يا آيات هاتي بزر مطلقات

آيات : يلا اجيت، نورت المنطقة

امجد ( رفع حواجبه بصدمة ) : بوجودك والله

كانت لابسة لبس مرتب كتير ومبين عليها انه مشاني، لانه غير عن كل مرة بتكون مثلا باواعي الصلاة ..

امجد وعمتي كانوا يتطلعوا ببعض، وبراقبوا فيي وفيها ..

عمر ( عيوني عليها ) : يسعدها اخت العريس، ما حدا قدي انا تعالي اشوف

آيات : هيني اجيت، شو اخبارك ليه طاشش ؟

امجد : عشانه هامل

عمر : سامعة اخوكي الحسود

آيات : هههههه

منى ( اجت من المطبخ ) : شو حابين تتغدوا ؟

امجد : اشي بخلص بسرعة عشان عمر ما يتاخر على اهله

آيات : مال اهلك ؟

عمر ( باللبناني ) : ما فيهن بلاي

امجد : يا دلي عليهن على هيك خلفة

منى / آيات : ههههههه يقطع شركم

آيات : شو عاملين عند قصي حكتلي ديمة معجبين

عمر : ما عنا ادنى شك بانه الاخبار بتوصل بسرعة الضوء، بس اذا بتحبي بنعيد المشاهد عشانك

امجد : يا حسرتي عليهم احمد وعدي وحمزة واللي بده ينبلي بهالبلوة اللي عنا

_________________________________

كنت سامع الاصوات ببيتنا والضحك، بس عقلي مو معي بعد ما خالتي رجعت سالت عن خاتم اسيل ..

رجعت مسكته وتأملت فيه، وحلمت احلام كبيرة ما بعرف اذا بيوم من الايام رح تتحقق ..

منى : شو جاي عبالك تتغدى ؟

انس ( مفزوع ) : ماما خوفتيني

منى : يييي مو قصدي

انس : اطبخي المناسب انا حاسس حالي مو جاي عبالي اكل اليوم

منى : لا ما بصير، بس عشانك شبعان هلا، يلا رح اعمل برياني

انس : اه زاكي كثير، يسلمو

_________________________________

امجد : شوف

احمد : مين هاي ؟

امجد : اختك المصونة

احمد : مالها يعني ؟ هيها ماشاءالله عليها حلوة

امجد : بتعرف مين عنا ؟

احمد : مين ؟

امجد : عمر

احمد : ؟؟! مو فاهم وين المشكلة ؟

امجد : يا زلمة فتح مخك شوي، عمرك شفتها لابسة هيك لبس لما يجي عنا حدا من الشباب ؟

احمد : امممم لحد ما تركتكم الصيف الماضي ما كانت هيك

من كثر ما انصدمت فيها، صورتها بدون ما تنتبه وبعثت الصورة لاحمد عالواتس ..

ما سيطرت على حالي، والافكار تزاحمت في راسي بدون وعي ..

احمد : انت شو رايك ؟

امجد : انا كلها هالصحبة ما دخلت مخي، اخ منك الحق عليك من لما تركت ياسمين العيلة كلها انقلبت

احمد : وهيني رجعت لياسمين، يلا فرجيني شطارتك

امجد : شطارة شو ؟ لا يصلح العطار ما افسده الدهر

_________________________________

كان قاعد جنبي بس عقله مو معه، ما بعرف مين كان يحكي معه وانقلب مزاجه بعد ما ترك الموبايل من ايده وبدا يدخن، وراح لعالم آخر ..

ياسمين : حبيبي

احمد : ...

حتى ما عم يسمعني، قمت من مكاني، قعدت جنبه واخدت الموبايل بطريقة عفوية وانسحبت من المكان ..

فتحت على محادثات الواتس بسرعة، كانت اخر محادثة مع امجد ..

احمد ( بنبرة حادة ) : ياااسمين !

ياسمين ( برجفة واضحة ) : ن ن نعم

احمد : وين موبايلي ؟

ياسمين : م ما بعرف، هلا بشوفلك اياه

رميت الموبايل على سرير الغرفة بطريقة عفوية، كنا لسا عم نتجهز بدنا نطلع مشوار مع الجروب ..

ياسمين : هيو حبيبي لقيته، يلا انا جاهزة

احمد : ... شكرا، امشي تاخرنا

محراك الشر امجد، ما رح اسمحلك تتدخل بحياة آيات شو ما كانت حجتك ..

هلا صار خايف عليها، ونسي حاله كيف كان يحبي ورا بيان متل الولد الصغير ومو سائل لا عن اخت ولا عن حدا ..

_________________________________

ياسمين : وينك ؟

قصي : هلا، هيني بمكاني

ياسمين : اسمعني منيح قصي ما معي وقت، احكي لعمر يتجنب آيات عالاخر هالفترة ويطنشها قد ما يقدر حتى لو هي حكت معه

قصي ( مصدوم ) : ليه ؟ عامل اشي معها ؟

ياسمين : افهم عليي، اخوانها شاكين انه في اشي بينهم والموضوع مرفوض بالنسبة الهم

قصي : وانتي كيف عرفتي بهالحكي كله ؟

ياسمين : يعني انا كزابة مثلا ؟ قصي يا اما بتساعد آيات يا اما بتنسحب وانا بلاقي غيرك يساعدها

قصي : ... ماشي

حاولت قد ما اقدر امسك اعصابي لما سمعت عن عمر وآيات وشو بفكروا اخوانها، ولو ياسمين مو حاسة انه الوضع خطير ما كانت قدمت مساعدة ..

قصي : الو عمر

عمر : يا هلا، لحقت تشتاقلي ؟

قصي : انت وين ؟

عمر : رجعت مع امجد على بيتهم

قصي : طيب روح على بيتك او تعال عندي، المهم ما اتضل هناك ولا ثانية

عمر : ما فهمت ؟ لشو كل هالحكي

قصي : بس اشوفك بفهمك، ياسمين بعثتلي كلام صعب اشرحلك اياه عالتلفون

عمر : ماشي ماشي هسة بشوف شو بقدر اعمل، يلا سلام

الحمدلله قدر يفهم عليي ويرتب المكالمة حتى ما يحسس اللي حواليه باشي ..

_________________________________

عمر : عمتي اذا بعدك ما طبختي لا تحسبي حسابي

منى : يووه، ليه ؟

آيات : لا عمر خليك

امجد : ...

عمر : سامحيني بس اجاني شغل ضروري، ان شاءالله بنعوضها بيوم ثاني، يلا سلام

الجميع : مع السلامة

معقول امجد مو حابب جيتي لعنده، وقصي حاسس عليه مشان هيك طلب مني اروح ؟! ..

لو ما كان هيك ليه ما شد عليي اضل ؟، يا ترى شو قصة ياسمين وقصي وشو صاير ؟ ..

عمر : اه قصي هيني طلعت من عندهم، بدي اخذ تكسي واروح على بيتنا اذا بتحب تيجي تعال

قصي : لا ديمة لحالها بالبيت ما بقدر اتركها، المهم يا عمر خلاصة الكلام انك تتجنب آيات قد ما تقدر

عمر : آيات ؟؟!

قصي : اه، واضح انها عم تنسى حالها معك وهالاشي مو عاجب اهلها

عمر ( بهز براسي ) : فهمت، يلا بصير خير، شكرا قصي حبيبي

قصي : العفو، ما بدي الا تكون مبسوط

كل شي توقعته الا تكون آيات الها علاقة، شو اللي عم يصير معها ؟ ..

يا رب يا آيات تكوني من نصيبي بيوم من الايام، ورح اعمل المستحيل اذا اكتشفت انك بتحبيني ..

_________________________________

احمد : شو جاب تلفوني عالسرير ؟ بتذكر كان على الطاولة محل ما كنت قاعد

ياسمين ( بارتباك ) : انا ما بعرف، كنت اجهز حالي وما انتبهت عليه

احمد ( مو مصدق ) : والله ! مو انتي كنتي قاعدة قبالي واجيتي جنبي وبعدين اخدتيه ؟

ياسمين : انا ؟

احمد : ... خلص انسي، بس حاولي ما تعيدي هالحركات، مو اني اعطيتك الرقم السري تقضيها تنبشي فيه

ياسمين ( بصوت مخنوق ) : الله يسامحك حياتي هيك يعني ؟ خلص غيره للرقم ما بدي تحكيلي اياه

اوقات النسوان بحشروا حالهم بقصص ما بتكون لسا اكتملت ملامحها، وبستبقوا الاحداث ..

وانا ما كنت حابب ياسمين تشوف كلام امجد، حتى ما تتسرع بالحكم علينا وتفكرنا خانقين اختنا، وما بنحب تكون مبسوطة بحياتها ..

بس للاسف ياسمين وبعرفها، اكيد شافت واكيد صارت راسمة خطط ويمكن بدات تنفذ فيهم ..

الله يسترنا منك ياسمين، ما بتعرفي انه ما بدي اشي الا اني اشوف اختي مرتاحة بحياتها ومع شخص يحبها ويقدرها ..

_________________________________

انقهرت كتير لما طلع، وحسيت كاني مخنوقة وما عم اقدر اتنفس منيح ..

كنت مبسوطة بقعدته والكلام معه، يمكن تعودت على وجوده بحياتي وبحس بشعور غريب لما يكون يتأمل فيي، كأنه عم يوصلي كلام بعيونه بس لحد هلا ما قدرت افهمه ..

المهم اني برتاح لنظراته، ووجوده ..

منى : قومي ساعديني مالك قاعدة ؟

آيات ( مزعوجة ) : يلا جاي

امجد ( بنبرة مسخرة ) : خليها تغير لبستها اول احسن ما يتوسخوا من المطبخ

آيات ( بتقلد صوته بمسخرة ) : اتطمن رح اغيرها اكيد، مع انه حاسستك كتير مبسوط فيها وما قمت عيونك عني

منى : استغفر الله العظيم، بكفي عاد انت واياها كل واحد واقف للتاني على نكشة

امجد ( مو عاجبه ) : بفرجها الله فيكي، والله لاربيكي من اول وجديد ولسانك هاد بدي اخليكي بايدك تقصيه

آيات : نعم ؟ سامعة ماما

منى : ...

بس امجد انقلب فجاة عليي وحتى مع عمر متغير، وما بحس انه بوثق فيه متل زمان ..

بس انا كيف بدي اهدي الامور بينهم، لانه هالاشي مو لمصلحتي ..

كنت مفكرة بالبداية انه امجد مستحيل تتغير نظرته لعمر، بس بعد ما صرنا صحاب وانضميت لشلّتهم، معاملته اختلفت خصوصا لما يكون ببيتنا ..

_________________________________

ديمة : قصي ؟

قصي : ...

ديمة : والله ؟ شو متخانق انت وسعادتك

قصي : لا لا ابدا

ديمة : احكيلي صاير معك مشكلة طيب ؟

قصي : لا ما في اشي، خلص يلا بدنا نتغدى بدها تيجي امي ولا شو ؟

ديمة : استنى بابا كمان شوي برجع وبنتغدى سوا، وامك اتركها عند بنتها

سيرين : شو القصة ؟

ديمة : ما بعرف، سمعته بحكي مع عمر بقله اطلع من عندهم ضروري

سيرين : الله اكبر ! شو ممكن يكون صاير يعني ؟

ديمة : بيني وبينك انا مو مرتاحة لآيات، خايفة تكون عم تخبص بحياتها واهلها اكيد حاسين عليها

سيرين : يا حبيبي على هالخبريات، ولك العيلة خربت عالآخر

ديمة : الله يهدي البال، اهم اشي نتطمن على ريم وعلاء يارب امورهم تكون منيحة والباقي بهون

سيرين : معك حق، حبيبتي ريم ما بتستاهل اللي بعمله اخوي فيها والله يا ديمة انه احنا واقفين بصفها

ديمة : اهم شي نكون مع الحق، برضو كل واحد فينا عنده سيئات وحسنات يعني مو معقول كل الحق على طرف واحد

سيرين : جايينا الدور حبيبتي، مفكرة في حدا قليل يعني ؟

ديمة : يييي لا تزكريني، لنشوف ياسمين شو رح يعمل فيها احمد

سيرين : لا من غير شر، يارب ايامهم عسل تكون ويهدي بالهم

_________________________________

ام عدي : وينك يمة تأخرت

عمر : ... هي رجعت

ام عدي : كانك مو مبسوط ؟ وين كاين يا حبيبي

عمر : يمة مشان الله لا تنقي ما فيي اشي احلفلك عشان تصدقي ؟

ام عدي : ... خلص اسفة

عمر ( استدرك حاله ) : انا اللي آسف، سامحيني بس مزعوج شوي، خلص فايت على غرفتي

غنى ( اجت فجاة ) : عمر، ليه اصواتكم طالعة ؟

ام عدي : لا عادي بنحكي، اعملي فنجان قهوة لاخوكي

عمر : لا ما بدي اشي، لما يجهز الغدا احكولي

اول مرة بشوف عمر بهالمزاج، كان وجهه مو مرتاح ابدا وكانه حدا خانقه ..

وامي كمان لاحظت عليه، وضلت عيونها تراقبه لحد ما اختفى من قدامها ..

غنى : شو قصته ابنك اليوم ؟

ام عدي : الله اعلم، والله ما في حدا مرتاح

غنى : حاولي ما تبيني قدام بابا اشي لانه ما بحب يشوفه هيك

ام عدي : ابوكي يا دوب ملحق على عرس اخوكي وتجهيزاته

غنى : الله يتمم على خير

_________________________________

هيثم : اهلا اهلا والله شو هالمفاجاة الحلوة

ام حمزة : هلا فيك الله يرضى عليك ويسعدك، لا تآخذنا بس قلقت على رانيا وينها ؟

هيثم : هههه معك حق، تفضلي هيها بغرفة النوم

رانيا ( اجت فجاة ) : ماما ؟ رزان ؟

رزان : تخيلي ههههه

ام حمزة : طمنيني عنك يا حبيبتي، مال وجهك هيك اصفر ومو على بعضك ؟

رانيا ( عيونها على هيثم ) : والله اخدت برد من اول مبارح وفلوزت

رزان : طيب وين آدم من غير شر ؟

هيثم : عند امه من اول مبارح

ام حمزة : وانت معطل ؟

رانيا : هههه شوي شوي علينا، شو اعمللكم ؟

رزان : اقعدي انا بعمل، ما احنا مشتاقين وانتي اختفيتي مو متعودين على غيابك

هيثم : هههههه والله زمان عنكم، انا مو معطل بس بتهرب شوي عشان دلوعتي بحاجتي هالفترة

ام حمزة : دلوعتك هههه خاف الله بنت ١٩

هيثم ( قعد جنبي وضمني ) : شو ما كانت بتضل حبيبتي ودلوعتي

رانيا ( بخجل ) : تسلملي يارب حبيبي

رزان : يلا ان شاءالله بتتحسني قبل الاعراس، ما بدي احكي عرس لانه ماشاءالله انتوا مو ملحقين

هيثم : ان شاءالله بنختمها بعرسك يارب، والله كثير ناس بسالوا عنك بتقلي امي، ونهى اعطت رقم خالتي لاكثر من وحدة

رزان ( بغرور ) : ان شاءالله يكونوا كويسين

ام حمزة : الله يبيض بخت جميع البنات

الحمدلله مرقت هالزيارة على خير، وقدرت اخبي خبر الحمل عنهم ..

_________________________________

ابو قصي ( حامل سلمى ) : يا سيدو يا حلوة انتي، ماشاءالله عليكي كبرانة

علاء : والله اهلين بعمي، اشتاقتلك سوسو

ابو قصي : وانا اشتقتلها اكثر، اصبر عليي شوي لما تخلص ريم نفاس ما بروح من عندكم

ريم : ههههه حبيبي بابا اهلا وسهلا فيك

سهى : والله وسمعناك بتلعب اولاد صغار

ابو قصي : من يوم وطالع بدنا نتدرب، الله يكثر الاحفاد

علاء : امين يارب

سهى : انبسطت انك اجيت

ابو قصي : بدي اشوف شو قصتهم، والله طول الوقت بفكر بهالبنت

سهى : الله يهديهم، اليوم ما كان منيح بس اجيت وشوي شوي تغير مزاجه الحمدلله

ابو قصي : يا ستير لهالدرجة ريم زاعجته ؟

سهى : الله اعلم، على ذمتها ما عملت اشي غلط

ديمة : طولتوا

سهى : اجا ابوكي وسهر مع علاء

قصي : كيف سوسو وريم ؟ نفسي امرق عليهم بس والله مستحي

ابو قصي : روح يابا هاي اختك حبيبتك وبنت اختك والله مثل القمر، بتشبه ديمة بصغرها

ديمة ( بفرح ) : الله على هالخبرية، انا كيف رح انام الليلة، استنى بابا عيد كلامك خليني اسجله واسمعه لعدي

سهى : هههههه وقعت بلسانها

ابو قصي : الله يجبر عليه هالشب، قربت نهايته

قصي : العد التنازلي بمشي بسرعة

ديمة : احكوا اللي بدكم اياه المهم سوسو بتشبهني

الحلقة الرابعة :

اجتهد، لكي تنجى بنفسك عن هؤلاء الذين يريدون هلاكك ..

_______________

____________

ياسمين ( باستياء ) : يا الله رح ارجع للجامعة والدراسة

احمد : يلا هانت شهر زمان بتتخرجي، ان شاءالله تقدري تعوضي اللي راح عليكي بهالكم يوم

ياسمين : لا عادي بعوض

\\\\

بعد يومين <<

رنين : برضو رح نروح عند دار خالتو بكرا ؟

مها : لا ما رح نروح مكان، هلا دورهم يزورونا

ابو امير : وليه حاسك زعلانة ؟

مها ( بحزن ) : غصبن عني بدي ازعل، كل ما اتخيل احمد سافر وترك ياسمين وراه، واتزكر شو صار فيها قلبي بنقز

حنين : لا تفاولي عليها، هالمرة غير، زوجها وبينهم تواصل وموضوع سفره معروف بالنسبة الها

رنين : وما في كتير وقت حتى يرجعوا يجتمعوا يا دوب تخلص الجامعة وتروح

ابو امير : وتخرجها ما رح تحضره ؟

حنين : الله اعلم، معقول ؟!

مها : بلكي احمد يجي يحضر تخرجها وبسافر هو واياها

ابو امير : يعني منطقيا هيك المفروض، بس ما اتوقع يصحله يجي، فمنطقيا اكثر انها رح تسافر بعد حفلة تخرجها لانه ما رح اسمحلها ما تحضرها

حنين : اه والله النا خمس سنين بنستناها

////

في اليوم التالي <<

منى : يلا قربوا يوصلوا

ابو احمد : بالسلامة يارب، ليه ما اجت ام امير ؟

منى : والله حكتلها بس شكلها بتتعب من المسافات يوم ما ودعوهم كاينة تعبانة من طريق المطار

ابو احمد : الله يقومها بالسلامة

منى : امين ( تنهدت ) الله يهون علينا يوم سفره ووداعه

ابو احمد : ...

منى : بضل اتخيل منظر ياسمين يوم ما سافر احمد وهالمرة شو رح تعمل

ابو احمد : ربك بهون، شهرين بالكثير بتكون عنده باذن الله

منى : يارب، هي في ناس عم يطلعوا

////

هيثم : مين راح يجيبهم ؟

عدي : اهله

رانيا : كان عملتوله زفة هههه

ام عدي : هههه ما بقصروا بس مو حابين يزعجوهم

ام ماهر : الله يرضى عليهم، ما في مثل هالشباب بكل الدنيا

عدي : ولا منك يا ستي

ابو عدي : ...

هيثم : شو الاخبار يا ماهر؟ مبطلين نسمع صوتك

ام عدي : عقله مشغول

ام ماهر : الله لا يشغلك بال يمة، خير ؟

ابو عدي : والله يمة هالولد بده يجيب آخرتي

هيثم : مين ؟

رانيا ( بمزح ) : ليكون انت يا عدي ؟

عدي : ...

ام عدي : لا عمر

هيثم : شو الجديد بالموضوع ؟ صاير اشي معه ؟

ابو عدي ( بحسرة ) : هو احنا عارفين نحكي معه ولا بنشوفه اصلا عشان نعرف اذا صاير اشي معه ؟

عدي : يابا مو لهالدرجة هون عليك وان شاءالله ما بكون صاير معه الا كل خير

هيثم : ومحمود مختفي كمان

ام عدي : ...

رانيا : اشتقنالها بيان زمان ما شفناها

عدي : انشغلوا بالدراسة والاعراس بموعد حرج اجوا مواعديهم فيادوب ملحقين

هيثم : الله يوفقهم، كيف غنى مع الصيدلة والجامعة مرتاحة ؟

ام عدي : اه ماشاءالله عليها، بس لسا الجد ما بدا

ابو عدي : قدها ان شاءالله

هيثم : يا سلام ابوها متشجع يشوفها دكتورة، شو بدها احلى من هيك

ام عدي ( بفرح ) : وهية متشجعة ترفع راسنا

////

آيات ( بحزن ) : ليه ما بترد عليي بس نفسي اعرف شو قصتك

عمر : ...

آيات : انا زعلتك ؟ احكيلي يمكن اكون مو قاصدة

عمر : ...

آيات ( بغضب ) : عمر ازا ما بترد عليي رح اجي هلا عندك عالبيت اشوفك، ووقتها فرجيني كيف رح تتهرب

عمر : آيات ارحميني ارجوكي، والله مو زعلان منك ولا عبالي بس خلص انا هالفترة نفسيتي تعبانة وكلي طاقة سلبية ما بدي اعديكي

آيات : وأخيرا رديت

عمر : ...

آيات : اوعدني اول ما تتغير نفسيتك نرجع متل زمان، انا ما عم اقدر افكر باشي غيرك

عمر : ولا يهمك، ديري بالك على حالك بس وما بدي اشي

__________________________________

امجد : يلا بيان ردي

بيان : ممكن ما اتضل تنق ؟

امجد : بس فهميني ليه هيك بتعامليني ؟

بيان : لانه طلباتك مرفوضة وانت مو مستوعب هالاشي

امجد : مشان ربك حسي فيي شوي، شو رح تاثر عليكي صورة يعني ؟ وامسك ايدك متل اي تنين بحبوا بعض وخاطبين قدام الناس

بيان : امجد انت مستوعب انه احنا مو مكتوب كتابنا ؟ يعني ما بصير تشوفني بلا حجاب ؟ وما بجوز تلمسني ؟

امجد : افففت، خلص اعملي اللي بريحك انا مليت اصلا

بيان : معك حق تمل لانه اشي بملل صراحة

امجد : جد ! طيب منيح طلعتي كمان انتي قرفانة

بيان : ...

ما بعرف لوين رح توصل الامور بيناتنا؛ واحنا على هاد الموال من شهور ..

ليه يتدمر حبنا بهالطلبات التعجيزية، وهو عارف اني ما رح البي اشي منها ..

__________________________________

منى ( بلهفة ) : وصلوا وصلوا

ابو احمد : الحمدلله عالسلامة

احمد : الله يسلمكم، كيف الحال ؟

ابو احمد / منى : الحمدلله، اشتقنالكم

ياسمين : واحنا اكتر، مين اجا كمان ؟

منى : بس احنا

ياسمين : ...

احمد : يلا عالسيارة لانه تعبانين

ابو احمد : هات عنك، امشي يا عمي يا ياسمين

////

آيات : وصلوا ؟

منى : الحمدلله، هينا بالطريق جهزي السفرة

آيات : حاضر، يلا بالسلامة

انس : شو صار ؟

آيات : هيهم بالطريق

انس : طب خبري دار خالتي مها يجوا

آيات ( باستغراب ) : ليه ؟!

انس : ما بدهم يجوا ؟

آيات : لا

انس ( بحزن ) : يا خسارة

آيات ( كاتمة ضحكتها ) : فعلا، يلا ادرس شوي قبل ما يجوا

__________________________________

علاء : شو اخبارك ؟

سيرين : الحمدلله مشتاقة، كيفك انت ؟

علاء : وانا اكثر، طمنيني كيف استعدادك كل شي تمام ؟

سيرين : اه الحمدلله انهينا كل شي وحمزة من بكرا بتبدا اجازته

علاء : على خير يارب، ديري بالك على حالك واحكي معي بأي وقت، ورح نيجي انا وريم نقعد عندكم من بعد عرس ديمة

سيرين : اهلا وسهلا فيكم، البيت بيتكم

علاء ( بغصة ) : يلا سلمي على اهلي

سيرين : الله يسلمك

نهى : ما سالك عني ؟

سيرين : امبلا سال، حكتله منيحة

نهى : ... شو حكيتوا كمان ؟

سيرين : قال رح يجو يناموا عنا بعد عرس ديمة

نهى : يكتر خيرهم

////

ريم : علاء !

علاء ( مكشر ) : ... خير ؟

ريم ( بخوف ) : سلامتك بس شفتك مو مرتاح قلت..

علاء ( رفع ايده بوجهها ) : لا تقولي اشي، ما بدي اسمع اشي منك اساسا لانه كل البلاوي من تحت راسك

ريم ( مصدومة ) : انا ؟

علاء : في غيرك بنشر اخبارنا واسرارنا ؟ تفضلي هي اهلي ما بسالوا عني ولا بشوفهم، اخوالي بسمعوني حكي عالطالعة والنازلة كاني عامل جريمة، غير عن اهلك اللي اصلا مو طايقين يشوفوني ولا يسمعوا صوتي

ريم ( حاطة ايدها على تمها وبتكتم دموعها ) : ... كل هاد ؟ والله ما بعرف اشي من اللي حكيتوا من وين جبت هالافكار كلها ؟

علاء ( بعصبية وصوت عالي ) : من خيالي يمكن، انتي شو رايك يا ام الافكار الجهنمية والخطيرة ؟ من وين بتتوقعي يكون خالي ماهر عارف اني سهران برا البيت ومو سائل على مرتي وبنتي المسكينات يا حرام ؟؟

ريم ( بتبكي ) : والله ما بعرف، اقسم بالله ما فتحت تمي بكلمة ولا حكيت لحدا انك يومها تاخرت اصلا

علاء ( بعصبية وصوت عالي ) : اوعي تحلفي ريم، انا خلص لهون وبس تحملت بما فيه الكفاية بس توصل لمرحلة اهلي ما يحاولوا حتى يتاكدوا اذا انا منيح او عاطل مع مرتي فهاد الاشي ما بتحمله انا

ريم : ... شو بدك يعني ؟

علاء : ما بدي اياكي

ريم ( بدهشة ) : شوووو ؟

////

ديمة : واخيرا ياسمين رجعت ارض الوطن

سهى : الله يهنيها ويهون عليها سفر زوجها

ديمة : يارب

سهى : وينها ريم اللي قالت بدها تيجي من الصبح ؟

ديمة : ما بعرف، يمكن التهت بسلمى هلا بتيجي اكيد

////

ريم : ما بعرف شو اللي وصلنا لهون بس ما بدي اياك تظلم بنتنا معنا

علاء : ...

ريم ( بغصة ) : تمام، انا رح اروح هلا عند اهلي وبتمنى بهالفترة ما توقف تفكير بكل شي مرينا فيه، وبوعدك ما يطلع اللي صار اليوم برا حيطان هالبيت

علاء ( بهز براسه ) : ...

////

سهى : اهلا وسهلا، نايمة سوسو ؟

ريم ( ابتسامة مصطنعة ) : اهلين فيكم، اه يا قلبي نامت بالطريق

ديمة ( بلهفة ) : ياسمين واحمد وصلوا

ريم : الحمدلله عسلامتهم

سهى : مالك مو على بعضك ؟ صاير اشي ماما

ريم : لا لا شو رح يصير يعني، بس نعسانة مو نايمة منيح

ديمة : طب هاتي سلمى تكمل نومتها، ونامي شوي وبنصحيكي عالغدا

ريم : اه ياريت والله

سهى ( بهمس ) : اختك مو على بعضها

ديمة : ... الله يستر

سهى : يا ربي تهدي بالهم، هالبنت عين وصابتها

ديمة : امين، توكلي على الله

__________________________________

حنين : هو امجد معطل اليوم ؟

بيان : لا

حنين : وليه ما رحتي عنده بالبريك ( الاستراحة بين المحاضرات ) ؟

بيان : ...

حنين : صاير اشي بينكم ؟

بيان ( مقهورة ) : ما عم نتفاهم الظاهر

حنين : معقول ؟ شوفي انا ما بدي اتدخل بينكم وما بدي تحكي اسراركم الخاصة بس بدي منك تفكري منيح بكل الايجابيات والسلبيات وتشوفي حالك اذا فعلا قادرة تتجاوزي سلبياته

بيان : يا حنين افهمي عليي، القصة مو ايجابيات وسلبيات، المشكلة كلها لانه خاطبين بدون كتب كتاب يعني ببساطة لا احنا خاطبين ولا مو خاطبين

حنين : اممم فهمت عليكي، يمكن لو ضليتوا بدون حكي خطبة احسن عالاقل عارفين الحدود

بيان : ااااخ منه، مو قادر يحافظ عالحدود ابدا وبدا يفقد سيطرته

حنين : استفتي قلبك، انتي بتعرفي الحلال والحرام كتير منيح وتزكري اهلك واهم اشي سمعتك

بيان ( بتهز براسها ) : اكيد، بصير خير

__________________________________

ياسمين : الله يسلمك .. كلنا بخير الحمدلله .. ولا يهمك اول ما نرتاح ان شاءالله بنيجي وبنسهر عندكم

احمد : خلينا نحط اغراضنا عند دار سيدي اول

منى : طيب مهيهم بالسيارة خليها تشوف اهلها

ابو احمد : انا بقول يتجمعوا كلهم عند دار اهلك وبشوفوا الكل

ياسمين ( مو عاجبها ) : ... عالتساهيل عمو

احمد : يمكن مو الكل فاضي يجي بتعرف بكرا في سهرة ديمة

منى : اللي بترتاحله ياسمين تعمله، المهم طمنونا كيف هالسفرة ؟

احمد : ماشاءالله مريحة وانبسطنا كثير

آيات : يلا تفضلوا عالغدا

الجميع : يسلم ايديكي

منى : انس وين ؟

آيات : يلا هلا بيجي بس اقعدوا

احمد : ليه معطلة انتي ؟

ابو احمد : تركت الشغل لانها

ياسمين : جد ؟! ليه طيب ؟

آيات : ما ارتحت، بدي اقدم للجامعة بلكي اشتغل فيها احسن

احمد : شوفي شو بناسبك، اذا حابة تكملي ماستر كمان

ابو احمد : ان شاءالله ما تحتاج، بلكي يجي نصيبها ونفرح فيها

آيات : ما بفكر بهالامور حاليا

__________________________________

ام ماهر : هي غرفة العرسان جاهزة

هيثم / عدي : هههههه

رانيا : يعطيكي العافية مرت عمي

ام ماهر : يعافي قلبك يا حبيبتي

ام عدي : هالكم يوم الله اعلم كيف رح يمضوا عليهم، الله يهون على ياسمين فراقه

ام ماهر : امين يا حبيبتي والله قلبي بتكطع عليهم

هيثم : المهم احنا ما نحسسهم بهيك شعور، خلينا نقويهم ونشجعهم

رانيا : قد ما قويناهم بضل في اشي خاص بينهم وبجمعهم وبقويهم على كل مصاعب حياتهم

عدي : ياسمين قوية وحبها لاحمد مصدر قوتها، وبنفس الوقت مصدر ضعفها

هيثم : كمان هو مثلها

ابو عدي : اي ساعة جايين ؟

ام ماهر : والله ما خبرونا يمة، احنا هينا كاعدين وبنستناهم

ابو ماهر : لقيتلك شغلة تلتهي فيها

ابو عدي ( بغمز لهيثم ) : ما الك الا تيجي تقعد عندي يا حج خليها اتدلل احفادها براحتها

هيثم : وانا هيك رايي يوم عندك ويوم عند محمود ويوم عندي، خلينا ندللك احنا كمان

ابو ماهر : الله يرضى عليكم، هسة بقوم اضب بقجتي

ام ماهر ( مصدومة ) : يا كشيلتي عليك بتغار من اولاد اولادك ؟!

ابو ماهر : عاد هاد اللي اجاكي

ام ماهر : صدق اللي كال اللي ما بغار حمار

الجميع : ههههههه

رانيا : يا حرامكم هيك عملتوا فيها

ام عدي : متعودة عليهم، ماشفتي اشي من تعليقاتهم كان همة ولا الشباب

رانيا : معهم حق الصبايا يعملوا احزاب

ام عدي : ولا بقدروا يفتلوا خيطانهم

ابو عدي : مالك قلبتي علينا ؟

عدي : ههههه بتمزح يابا مالك انت الثاني

هيثم : يلا دوبك تجوز هالاولاد وتلف انت الثاني مثل ابوي

عدي : هانت يومين والثالث بخلص من اول واحد

هيثم : والله شكلك انت اللي بدك تخلص

ابو عدي : الله يسرله، المهم ينستروا ويعرفوا كيف يفتحوا بيوت

عدي : ان شاءالله ما بنكون الا عند حسن ظنكم فينا

ام عدي : اخوك عقله عند علاء متوتر منه

هيثم : ماله ؟ ليه العيلة كلها قالبة عليه

ابو عدي : اه نسينا انه صاحبك حبيبك روح احكي معه بلكي بحط عقله براسه

هيثم : لا حول ولا قوة الا بالله، يا جماعة البيوت اسرار ما بنعرف على مين الحق

رانيا : قصدك يمكن هية اللي طفشته مثلا ؟

هيثم ( رفع حواجبه ) : مو انا زينة طفشتني مثلا ؟

ام عدي : لا شو بتقارن ريم مع زينة ؟؟ حرام عليك يا ابو آدم

ام ماهر : شو هالحكي يمة لو تسمعك اختك لتزعل منك

هيثم ( بهز براسه ) : ما حدا عم يفهم عليي، خلص كل مين يحل اموره لحاله اللي فينا مكفينا

__________________________________

ياسمين : تعالي هون انتي

آيات : انا ؟ شو في

ياسمين : لا حبيبتي انتي اللي بدك تحكيلي شو فيه ؟ شو اخبار عمر ليه مبطل يبين

آيات : وانا شو دخلني روحي اساليه حبيبتي الصحبة الاصل معك

ياسمين : والله ؟ ليه عمره كان عاطل معك مثلا ؟

آيات ( بلا مبالاة ) : ما بعرف، بس ما عمري حسيته مهتم كتير فيي لما ما تكوني انتي، يعني الاهتمام كله الك

ياسمين ( باستغراب ) : والله ؟ انتي يعني بدك يهتم فيكي بشكل خاص

آيات ( عيونها بالارض ) : ...

ياسمين ( بحنية ) : آيات حبيبتي انا بدي مصلحتك وبحبك وما بدك حدا يحكيلك هالكلام، وبنفس الوقت بخاف عليكي، بخاف على قلبك ينكسر وتنجرحي

آيات ( نزلوا دموعها ) : ... انا فاهمة عليكي، بس صدقيني ما بعرف شو مالني، وليه هيك بعمل ؟

ياسمين : تأني يا آيات وفكري منيح، الحب طريقه صعبة وعمر مو متل محمد، لا تعملي بحالك متل بيان

آيات : مين قلك انه انا بدي واحد متل محمد ؟ انا بدي بس حدا يحبني ويحترمني ويحارب الدنيا مشاني

ياسمين : طيب فهميني شو طبيعة العلاقة بينكم هالفترة ؟

آيات : بعيد كتير عني، ولما سالته شو مالك، حكالي انه حالته النفسية صعبة واول ما يتحسن رح يرجع يحكي معي

ياسمين : الله يهدي باله وبالك وازا الكم خير ببعض ربي يجمعكم

آيات ( بلهفة ) : يعني انتي شايفة انه عمر ممكن يكون بفكر فيي ؟

ياسمين ( مسكت ايديها ) : في اسرار كتير مخبية جوا قلبي يا آيات، اولها مشاعر عمر تجاهك اللي ما حدا حاسس فيها قدي

آيات : جد ؟ احكيلي شو كمان

ياسمين : لا خلص بكفيكي لهون، اعرفي الباقي بشطارتك

آيات ( مكسوفة ) : يبي منك ما بتعرفي الا تنكسي، انعديتي بسرعة بشوفك

ياسمين : هههههه يؤبرني

آيات : بعيد الشر عنكم، يلا استعدي للعد التنازلي

ياسمين ( بحزن ) : مستعدة، بس بحاول ما اظهر قدامه اشي كل ما اتزكر بروح على مكان لحالي وببكي وبرجع طبيعية عنده

آيات ( ضمتها ) : يا روحي، بكفي تتزكري انه زوجك وايام بتمرق بسرعة ورح تكملوا العمر سوا

ياسمين : يا رب

__________________________________

رانيا : انت ليه سلبي كتير

هيثم : شو قصدك ؟

رانيا : اسمعني هيثم، علاء واضح انه عليه عمايل مو مقبولة وريم عم تكتم بقلبها بس الاخبار بتنتشر بطريقة غريبة عندكم بالعيلة

هيثم : لا حبيبتي اسمحيلي الاخبار ما بتنتشر الا اذا حدا نشرها، وما حدا بنشر الاخبار قد النسوان

رانيا : هاد رايك ؟

هيثم : لحد ما الاقي ادلة جديدة

رانيا : اوك، انا بس حبيت اشرحلك وجهة نظري واكيد اهل مكة ادرى بشعابها

هيثم ( حضنها ) : ما اتدايقت منك بالعكس مبسوط لانك بتفكري ببنات العيلة وهاكلة همهم، بس بدي اياكي اتديري بالك عحالك وما تفكري كثير عشان البيبي بدي اياه يجي بصحة ممتازة وما يغلبك

__________________________________

حنين : تعالي معي عالبيت بما انك خلصتي بدري اليوم

بيان : والله تعبانة

حنين : لانك تعبانة تعالي، بنتغدى سوا وبنتسلى

بيان : تسلمي، خليني طيب اخبر ماما

ام بيان : حكيتي لامجد ؟

بيان : اه حكتله

ام بيان : طيب ما اتطولي حبيبتي، وسلمي عليهم

حنين : يلا امشي

بيان ( بتردد ) : ما خبرت امجد وكزبت على ماما

حنين : احسن ما تحكيلها متخانقين وتقلق اكتر، ابعتيله رسالة بري ذمتك منه

بيان : لا بزعل، لازم مكالمة

حنين : استغفر الله العظيم، اعملي اللي بريحك خلصيني بس

امجد : نعم ؟

بيان : ... انا رايحة عند دار عمتو مها، عزمتني حنين عالغدا

امجد : دربك خضرا

حنين : هههههه خليه يجي يدير ورانا سطل مي عشان تصير خضرا اكتر

بيان : ما ابرده، والله لادفعه ثمن كل شي عم بعمله فيي

__________________________________

ما كان الي نفس لاشي بعد عمايلها فيي، حتى اخوي اللي اجا من سفره بعد غياب ايام ما قدرت ارجع عالبيت اشوفه ..

انهيت دوامي ولفيت بسيارتي شوارع كثيرة، فكرت بكلام بيان وعلاقتنا سوا اللي تعدت السنة بكم شهر ..

منى : السلام عليكم وينك ماما

امجد : وعليكم السلام، في اشي ؟

منى : اخوك بده يروح عند خالتك عشان ياسمين تشوف اهلها، ما بدك تشوفهم قبل ما يروحوا ؟

امجد : لا خلص ما معي وقت، بمرق عليهم هناك وبشوفهم

كنت متردد لهالخطوة؛ لانه لسا ما بعرف اذا بعدها هناك او روحت ..

عمر : الو

امجد : اه عمر كيف حالك ؟

عمر : تمام والله، الحمدلله على سلامة العرسان

امجد : الله يسلمك، على سيرتهم الك ولا للذيب ؟

عمر : ابشر

امجد : احكي مع بيان شوفلي اياها وين

عمر : ماشي، طيب لما تحكيلي وين هية شو اعمل ؟

امجد : اذا كانت عند خالتي مها اعمل حالك انه رح تيجي تاخذها مشان تروحها واذا كانت بالبيت اعمل حالك بدك تطمن عليها كنت

عمر : واجي اخذها فعلا ؟

امجد : اه تعال انا رايح هناك عشان اشوف احمد

عمر : تمام، لحالك رايح يعني ؟

امجد : اه لانهم كانوا ببيت اهلي وهسة رايحين يشوفوا اهلها وبعدين على دار سيدي

عمر : ولا يهمك، يلا بحكي معها وبردلك خبر

__________________________________

الهموم كترت فوق راسي، وما برتاح من كتر ما بفكر ..

موضوع آدم لسا ما فتحته مع احمد، وقصة حب جديدة ولدت بين تنين ما كنت متخيلة تصير بينهم اي مشاعر ..

واكتر اشي مخوفني موقف رنين، اللي ما بعرف شو رح تعمل لما تعرف ؟ ..

احمد ( قعد جنبي فجاة ) : ليه قاعدة لحالك ؟

تمعنت بوجهه الحنون ونظراته المليانة رومنسية، ترددت كتير قبل ما اتجرأ اجاوب ..

ياسمين ( بتوتر ) : احمد

احمد ( باهتمام ) : في اشي ؟ صاير معك اشي ما بعرفه

ياسمين ( فركت ايدي ببعضهم بخوف ) : بدي احكي معك بموضوع لانك الوحيد اللي بتقدر تساعدنا فيه

احمد ( رفع حواجبه وعيونه على ايدي ومسكهم ) : اساعدكم ؟ ياسمين خلصيني احكي قبل ما اعصب شو صاير ؟

ياسمين ( غمضت عيوني وحكيت بسرعة ) : رانيا شاكة بزينة انها عم تئذي آدم، وما عندها اي دليل تواجه خالو فيه

احمد ( مصدوم ) : عم تحكي جد ؟

ياسمين ( هزيت راسي بالايجاب ) : ...

احمد ( ضرب عالطاولة بعصبية وكز على اسنانه ) : الله يطعمها ويكون هالحكي صح

ياسمين ( مسكت ايده ) : بس اوعدني ما حدا يعرف اشي من اللي حكيتلك اياه

احمد ( قام بسرعة وهز براسه ) : ماشي ماشي، بصير خير

ضليت قاعدة لحالي واضرب ايدي براسي حتى احاول اعرف شو رح يعمل احمد، وادعي ما يكون شك رانيا بمحله ..

__________________________________

منى : متى طالعين ؟

احمد : ...

ابو احمد : مالك يابا ؟ رد على امك، احممممد

احمد ( رفع راسه ) : نعم ؟!

منى : بسم الله، مع مين كنا نحكي، بسالك متى رح تروحوا على دار خالتك ؟

احمد : اه اه يلا يااااسمين جهزي حالك

ياسمين ( اجت من المطبخ ) : يلا جاهزة

الصدمة اللي صابتني بعد ما ياسمين خبرتني بشكوك رانيا، ما قدرت اتجاوزها بسهولة، وسرحت بتفكيري لبعيد، ويمكن شعرت بالذنب اني فرضت عليها تتخلى عن حضانة ابنها اللي المفروض تكون من حقها ..

ياسمين : ليه ساكت

احمد : ... عادي

ياسمين ( تنهدت ) : انا عندي احساس يكون كلام رانيا مو صحيح

احمد : بنقول يا رب، بس لازم اتأكد

ياسمين : كيف ؟

احمد : ... اتركي الموضوع عليي انا بعرف كيف اتصرف

__________________________________

مها : يا اهلا وسهلا

ابو امير : نورتوا يا مية هلا

احمد / ياسمين : اهلين فيكم

ابو امير : تفضلوا، الحمدلله عالسلامة

احمد : الله يسلمك، شو اخباركم اشتقنالكم والله

مها : واحنا اكتر، طمنونا كيف الرحلة ؟

ياسمين : الحمدلله، اشتهيناكم معنا

ابو امير : الله يرضى عليكي ويهنيكي بابا ما بدنا الا نشوفكم في قمة السعادة

احمد : تسلم، سعادتنا بوجود كل اللي بنحبهم حوالينا ومعنا

امجد : اه عمر، هيني صفيت السيارة

عمر : وانا قربت، الله يمضي هالليلة على خير

امجد : ريحني من نقك بس

عمر : نفسي افهم شو صار فجاة ؟

امجد : انا وصلت عالبيت سلام

عمر : ...

مها : في حدا برن

حنين : يمكن عمر اجا ياخد بيان

احمد / ياسمين : بيان هون ؟!

مها : اجت مع حنين من الجامعة وتغدوا وقعدت

احمد : وليه عمر اللي يجيبها مو امجد ؟

ياسمين : ...

امجد : السلام عليكم

حنين ( مصدومة ) : وعليكم السلام، اهلين امجد تفضل

امجد : شكرا، دار احمد وصلوا صح ؟

حنين : اه قبل شوي

امجد : طيب خديلي طريق خليني افوت ولا بدك تخليني عالباب

حنين : لا يا عيب الشوم، ماما اجا امجد

ياسمين : هههههه

احمد : ليه بتضحكي ؟

ياسمين ( كتمت ضحكتها ) : لا بس انصدمت

ابو امير : هلا عمي امجد تفضل

امجد : السلام عليكم

اسيل ( من ورا الباب ) : بيان بيان احزري مين اجا

بيان ( رفعت راسها عن المخدة ) : مين ؟!

اسيل : امجد

رنين ( متفاجاة ) : لحاله ؟

اسيل : اه لحاله، جاي يشوف دار احمد

بيان : طيب، لو سال عني احكيله روحت ماشي

رنين : طيب بلكي اجا عمر هلا ؟

بيان : هيني عم ارن عليه عشان ما يجي

اسيل : لا اهلي حكوا انك هون، يعني احمد عرف حبيبتي

بيان ( باستياء ) : يا ربي شو هالحظ

رنين : انتي ليه خايفة ؟ خلص اعتبريه مو موجود

بيان : يسلمو اسيل حبيبتي

امجد : الحمدلله عسلامتكم يا عرسان الموسم

ياسمين : الله يسلمك سلفي، عقبال ما نباركلك بشهر عسلك انت كمان

احمد ( مو مرتاح ) : ليه ما اجيت على بيت اهلي ؟

امجد : ما لحقتكم والله، كان عندي شغل كثير

مها : وين ما راح بيته ، اصلا زمان ما اجا عندي

ابو امير : هو فاضي انتي الثانية، يا دوب ملحق دراسة وشغل وخطيبة، الله يعطيه العافية

امجد : يعافي عمرك يا عمي، والله معك حق، صحيح على سيرة خطيبتي وينها ؟

مها : بغرفة البنات كانت نايمة وما صحيناها

حنين : هلا بصحيها عشان بدها تشوف ياسمين قبل ما تروح

امجد : اه صحيها خليني اشوفها كمان بما اني ما فضيتلها اليوم بالجامعة

مها : مين جاي كمان ؟

ابو امير : انا بفتح ، عن اذنكم

عمر : السلام عليكم

ابو امير ( بجمود ) : وعليكم السلام ورحمة الله، يا اهلين عمي عمر

عمر : اهلين فيك، اسف عالازعاج بدون موعد بس اجيت اخد بيان

ابو امير : لا ازعاج ولا اشي، تفضل البيت بيتك

عمر : لا والله ما معي وقت كثير احكيلها اذا جاهزة هيني بستناها بالسيارة

ابو امير : لا يا رجل اشرب فنجان قهوة وهي العرسان وصاحبك معهم

عمر ( عامل حاله متفاجئ ) : مين صاحبي ؟ اوعى تحكيلي امجد

ياسمين ( بهمس ) : اخوك وضعه مو عاجبني

احمد ( بهمس ) : ولا انا مرتاح للي بصير، بس خلينا نصبر ونشوف شو بخبصوا

ياسمين : ههههه

احمد : حاولي تمسكي حالك شوي من الضحك

امجد : الله يبسطك ياسمين، واخيرا شفناكي تضحكي من جديد

مها : الله يديم عليها سبب ضحكتها وما يحرمهم من بعض

امجد : امييين، ويرتاح راسنا شوي من قصصهم

عمر : يا عيني على الاردن اللي اشرقت وانورت بعصافير الحب

امجد : عمر !!!

عمر : بأم عينه

امجد : ولك يا خاين بتيجي زيارات بدون ما تخبرني، لا وعند خالتي مها

عمر : خسى اللي بده يخونك يا حب، بس عندي شغل خاص

احمد : ما عرفتك، صاير شوفير لخطيبة صاحبك

امجد ( عامل حاله متفاجئ ) : مين خطيبة صاحبه ؟

ياسمين : آخر علمنا قبل ما نسافر كنت صاحبه، ازا هلا بطلتوا اصحاب هاد اشي تاني

عمر : لا اتطمني بعدنا

ابو امير ( باستغراب ) : الله يديم المودة بين الجميع، يلا وين ضيافتك يا ام امير ؟

مها ( عيونها على احمد ) : احلى ضيافة للغوالي

ياسمين : ما يحرمنا منك

حنين : ما بدك تطلعي ؟

بيان : ...

رنين : انا طالعة اجس نبض وبرجعلكم بالاخبار

حنين : لا انتي خليكي هون

رنين ( مو عاجبها ) : ليه ؟ حرة انا بدي اطلع

بيان : خليها تطلع شو بدك فيها

امجد ( بهمس ) : ابعتلها خليها تطلع اشوف

عمر ( بهمس ) : بس اعرف شو اللي صاير اول

امجد ( مكشر ) : لا تدخل بخصوصيات غيرك

عمر ( بخبث ) : اوك

احمد : شو رايكم تعلوا صوتكم شوي عشان نعرف نتشارك معكم بالحديث

ياسمين : يمكن حديث خاص بينهم حبيبي لا توجع راسك فيه

ابو امير : بلش شغل النسوان عندك على بكير يابا

احمد : لا ياسمين من يوم يومها لازم تنكش عشان تعرف الاخبار كلها، فضولية حبيبتي الله يسعدها

ياسمين ( بتسبل بعيونها ) : ...

امجد : خلصتوا ؟

ابو امير : ههههه شو مالك يا عمي من لما فتت وانت مو امجد اللي بنعرفه

ياسمين : بعدين جاي يلحقنا، لو بعرف كان جبت آيات معي يا حرام كان نفسها تيجي

عمر ( لمعوا عيونه ) : اه والله ياريت اجت

ياسمين : انت بالزات ما بدي اسمع صوتك

عمر : الله يسامحك

احمد ( عيونه على ياسمين ) : ليه شو عمل ؟

ياسمين : ما بسال عن حدا، كل هالفترة بتحكيلي آيات ما حدا شافه ولا كانه كنا صحاب في يوم من الايام حتى عني ما سأل

امجد : هيك حكتلك آيات ؟

ابو امير : ...

عمر ( بتوتر ) : لا اكيد بتكون بتمزح، لانه عارفة اني كثير مشغول وبساعد عدي بتجهيزات العرس والبيت

ياسمين : والله حسيتها متدايقة وماخدة على خاطرها، احكي معها يا عمر

ابو امير : ...

احمد ( متدايق ) : شباب بطريقكم عند دار سيددي خدوا كم غرض النا خففوا عليي حمل لاني تعبان والله

امجد ( فهم عليه ) : اه يلا قايمين، بنشوفكم بكرا ان شاءالله

عمر : يلا يا بيان جاهزة ؟

مها ( اجت فجاة ) : وين قايمين ؟ حطيت العشا

امجد : الله يسلم ايديكي، بس جد ما في مجال

عمر : وانا كمان متغدي وجاي

ابو امير : طيب بس لقمتين اقضوا خاطركم، عشا من اللي بحبه قلبكم ها

بيان ( اجت فجاة ) : مرحبا، كيفكم .. انا جاهزة عمر

امجد : ...

ياسمين : صح النوم كنت فايتة اصحيكي

رنين : هههه علمك بالنومة بعد الغدا

عمر : يلا امشي تاخرنا

احمد : كان ضليتي وروحتي معنا انا وياسمين

بيان : ما كنت بعرف انه عمر رح يتاخر هيك

امجد ( عيونه عليها ) : ...

ياسمين : طيب يلا الاكل رح يبرد بدكم تاكلوا ولا تروحوا ؟

مها : بدهم ياكلوا طبعا

امجد / عمر / بيان ( بصوت واحد ) : لا لا ما بدنا

حنين : بتوفروا

رنين ( بتسبل بعيونها ) : خليك عمر والله رح تنبسط، وهي بيان ما بتحكي اشي ازا ضليت

امجد ( مصدوم ) : ...

بيان : لا خلص لغير مرة ان شاءالله

ياسمين : طيب حبيبي اعطيهم الشناتي

امجد : انتوا اجيتوا بتكسي ؟

احمد : لا ابوي وصلنا

ابو امير : ليه كل هالغلبة، مهي سيارة ياسمين معكم رح تكون بتاخدوا شناتيكم معكم

ياسمين ( بفرح ) : بابا جد بتحكي ؟ رح تعطيني السيارة

احمد : ما بتقصر بس ناوي استاجر سيارة من بكرا ان شاءالله

مها : تستاجر خالتو وفي سيارة مصفوفة، ولمرتك كمان ؟ هالفلوس شموا الهوا فيها اولى

ياسمين : ... متل ما بده احمد

احمد : شو يا بيان بلاقيكي ما سلمتي على خطيبك، للعلم انه جاي يشوفك لانه ما شافك بالجامعة اليوم

امجد ( بغضب ) : احمد !!

بيان : ...

عمر : يلا يا جماعة قرروا شو رح تعملوا لانه وراي شغل بلاوي لسا

بيان : شو رح نعمل يعني، بدنا نروح انا واياك، معقول اخليك تروح فاضي ؟!

امجد ( بمسخر ) : لا حرام خليه يحلل حق البنزين

احمد ( ماسك المعلقة وبدا بالاكل ) : انا برايي امجد اعطي حق البنزين لعمر واطلع انت مع خطيبتك، لانه هاد الحل منطقي اكثر، بما انه المشكلة مشكلة بنزين

ياسمين ( كاتمة ضحكتها ) : ...

عمر : لا ولو مو بيانتنا، بالعكس انا كلي على حسابهم روميو وجولييت

بيان : يخليلنا اياك ابن العم، بس خلص متل ما اتفقنا من الاول وبكفي حكي لانه اهلي رنوا عليي الف مرة

امجد : يلا توكلوا، وانا بروح على بيتي لاني تعبان مو خرج اروح زيارات كمان

ابو امير ( باستياء ) : لا حول ولا قوة الا بالله، الله يهديهكم ويهدي بالكم

الجميع : امين

عمر / بيان / امجد : يلا تصبحوا على خير بنشوفكم

الجميع : الله معكم

__________________________________

طلعنا من بيت عمتي، وانا على اعصابي لانه حاسس امجد كان عبارة عن قنبلة موقوتة ..

كنت خايف كثير على بيان وما بعرف شو اللي صاير بينهم بالضبط، ولا بعرف شو ممكن اتصرف بهيك وضع ..

ندمت اني اتفقت مع امجد بعد ما شفت كيف كانت تعامله قدام الكل، وكانه مو موجود، حتى لما احمد سمعها حكي طنشته وما هزلها شعرة ..

امجد ( بغضب واضح ) : يلا سلام

عمر : سلام، اطلعي انتي هي فتحت السيارة استنيني راجع

بيان ( بضعف ) : لا تروح عمر، ارجوك

كانت عيونها اللي بتلاحق امجد مليانة دموع، ورجفة شفايفها ما عم تسيطر عليهم ..

هزيتلها براسي، وركبنا بالسيارة ..

عمر ( بهدوء ) : مو مصدق اللي شفته اليوم، شو قصتكم ؟ عقلي رح يفقع من التفكير

بيان : ... ما بعرف، يمكن قربنا للنهاية

عمر ( ضربت بريك ) : نهاية شو ؟

بيان ( ايدها على تمها وبتحاول ما تبكي ) : نهايتنا

الحلقة الخامسة :

الأمر ليس بكثرتهم حولك، إنما بمن يأتيك دون أن تناديه ومن يربت على كتفك دون ان تخبره انك مثقل ..

_______________

____________

مها ( بتتنهد ) : الله يجيب العواقب سليمة

حنين ( بثقة ) : ما اظن

احمد ( عيونه بالاكل ) : ...

ابو امير ( بغير الموضوع ) : كيف لقيتوا تركيا ؟ بتشجعونا نروح عليها ؟

ياسمين : والله يا بابا اترك كل شي وراك وروح عليها، جد جد انها تستحق الزيارة

ابو امير ( بغمز لاحمد ) : يعني راضية عن شهر العسل ؟

احمد : بنقول ان شاءالله

ياسمين ( بدلال ) : يعني لحد ما تسمحلنا الفرصة نزور اوروبا

الجميع : هههههه

الكل كان بضحك ومبسوط فينا، بس انا عقلي مو معي ومشتت بأكثر من اتجاه ..

ما لحقت استوعب كلام ياسمين عن آدم، الا أمجد وبيان طلعوا بوجهي، وواضح انه في اشي قوي بستنى اخوي ..

وحاولت اتفادى التفكير بكلام ياسمين عن آيات، وردة فعل عمر لما حكتله قدامنا، المختلفة عن شخصيته اللي بنعرفها ومتعودين عليها ..

احمد : يا جماعة احنا لازم نروح نرتاح حاسس حالي رح اوقع من التعب

مها : سلامتك خالتو، اه والله ما بدنا اتطولوا بالسهر وياسمين وراها جامعة لازم تستعديلها ماما

ياسمين : مو ناسية، ان شاءالله بحاول بكرا اروح لو نص دوام

ابو امير : الله يرضى عليكي ما بدي تهاون خلينا نفرح بتخرجك ونوديكي عند زوجك واحنا متطمنين

احمد : على خير يارب، يلا السلام عليكم

ياسمين : تصبحوا على خير

الجميع : وانتوا بخير

بعد اصرار ياسمين قبلت اطلع بسيارتها، وتوجهنا لدار سيدي ..

كانوا سهرانين وبستنوا فينا، حتى هيثم ومرته؛ بس بدون آدم ..

__________________________________

ما عرفت كيف طلعت من عند اهلي بكل بساطة سلمت عليهم وركبت بالسيارة مع احمد، اللي صار زوجي وكل خطواتنا رح تكون سوا انا واياه ..

اجا اليوم اللي فارقت فيه هالبيت، وصرت اجي عليه بس زيارة ..

ابو ماهر : وصلوا العرسان، يا هلا يا هلا

الجميع : الحمدلله عالسلامة يا عرسان

احمد / ياسمين ( كاتمين ضحكتنا ) : الله يسلمكم

غمضت عيوني وشديت على قبضات ايدي، لانه اللي كنت حاسبة حسابه رح يصير كله انا متأكدة ..

هيثم : نعستونا شو بتتدللوا علينا يعني

احمد : لا ليه نتدلل بس بتعرف زيارات الاهل

عدي : والله ونورت بابو حميد

احمد : حبيبي منورة فيكم والله

رانيا : هاتي لشوف احكيلي كيف الامور بينكم

ياسمين : سمنة على عسل

رانيا : الحمدلله، اشتقتلك كتير الك وحشة

ياسمين : وانا اكتر، اول مرة ببعد عن البلد والعيلة حتى لو كم يوم

رانيا ( بحزن ) : شو رح يصير فيي بس تسافري؟

ياسمين : خليني افكر بشو رح يصير فيي بس يسافر احمد

رانيا : كل خير، بدي تكوني قوية ياسمين انتي رح ترجعي لعنده باقرب وقت، الايام بتمر بسرعة ورح تجتمعوا ويصير عندكم احلى عيلة

ياسمين ( مسحت دمعتي ) : ان شاءالله، وانتي شو اخبارك؟ آدم مو معك ؟

رانيا : لا هيثم مخليه عند امه هالفترة، عشان تعبانة شوي وخايف عليي

ياسمين : خير؟

رانيا ( مبتسمة وايدها على بطنها ) : حامل

ياسمين ( ضميتها ) : مبااارك، وليه ما حدا حكالي ؟

رانيا ( بهمس ) : لانه ما حدا بعرف الا هيثم و خالتك نهى

انبسطت كتير بالاخبار اللي سمعتها، ونستني كل شي كنت افكر فيه ..

احمد كان منسجم مع الرجال وصار في كلام وتلميحات بينهم، وكله ضحك ومسخرة ..

عمر : خليني اطلع عالسطوح اتاكد من خزانات المي اذا مليانة ولا لا

هيثم : هههههه

احمد : انا بقول تفقد خزانات دار اخوك اهم

عدي : ههههههه ممنوع حدا يقرب عليهم خزاناتي

هيثم : ليه؟

عمر : بخاف حدا يشم العطور اللي فيها ويغار ويعمل مثله

هيثم : طيب منيح اللي خبرتنا خلينا احنا كمان نحط في خزاناتنا عطور

ابو عدي ( بحزم ) : يا ويله اللي اسمعه بعلق ولا بزت حكي قدام ياسمين، الا يشوف اشي ما شافه مني

هيثم : صحيح، لسا كنت بدي احكيلكم، مو غشيمين عن حساسيتها وخجلها

عمر : لا شو غشيمين، احنا اللي بنعرفها، ولا يهمك يابا انت بس اشر باصبعك

ابو عدي ( باشر باصبعه ) : يلا كلنا نطلع خلص بكفيهم سهر تعبانين وبدهم يرتاحوا

احمد : الله يسامحك يا خال البيت بيتكم

ابو عدي : وبيتكم، خدوا راحتكم، يلا تصبحوا على خير

__________________________________

احمد : شو وينه آدم ؟

هيثم : عند امه، خليته عندها هالكم يوم عشان رانيا مشغولة

احمد : شو عاملة فيه امه؟

هيثم ( مستغرب ) : شو عاملة

احمد ( اتداركت الموقف ) : قصدي بنبسط عندها ؟ كل متى بروح ؟ وهيك يعني

هيثم : والله انا بحسه بنبسط عند رانيا اكثر، بس هي بتعمل مناحة كل ما اخذه، عاساس يعني الحنية ذابحتها

احمد ( بمسخرة ) : حنووووونة مو بايدها

هيثم ( تنهد ) : بتهون يا صاحبي، ربك شايف وعارف، ما بدي من هالدنيا الا اعيش اولادي احسن حياة وابعدهم عن كل اعداؤهم

احمد : الله يقدرك ويقدرنا، ااخ عقبال ما اصير اب انا الثاني

هيثم ( ابتسم بخبث ) : يلا شد حيلك طيب قبل ما تسافر اكسبولكم كم شهر

احمد ( باستياء ) : لا ياسمين حكتلي مستحيل

هيثم : يا سيدي كل تاخيرة فيها خيرة، ان شاءالله الايام الجاية اكثر من اللي رايحة

ودعت هيثم، وانا لسا ما قدرت الاقي اي خيط امسكه حتى اتأكد من شكوك رانيا اللي خبرتها لياسمين ..

مديت حالي عالتخت ولفيت وجهي باتجاه معاكس لياسمين، اللي كانت مشغولة بتحضيراتها للجامعة وحماسها ممزوج بالارهاق والنعس مغطي جفونها ..

احمد : انا برايي ما تروحي بكرا، خليكي اشبعي نوم عالاقل

ياسمين : يا ريت حبيبي بس قالولي صاحباتي انه ضروري اجي

احمد : ... براحتك

ياسمين : صحيح بدك توصلني الصبح ولا ما اصحيك ؟

احمد ( فتحت عيوني على وسعهم ولفيت وجهي عليهم ) : اكيد رح اوصلك

ياسمين ( رفعت حواجبها بغرور وغمزتني ) : بعرف انه اكيد بس حبيت اشوف وجهك الحلو اللي مخبي عنك

احمد ( بتكبر ) : طيب يلا اطفي الضو ونامي عشان تصحيني بس تجهزي حالك الصبح

ياسمين ( بدلع ) : متأكد انه بدك اياني انام ؟

احمد ( بخبث ) : والله انتي وضميرك عاد بتقرروا مصيري

ياسمين : هههههههههه طيب يلا هيني جاي

احمد : اهلا وسهلا

______ ممنوع من العرض _____

///

ديمة : مشان الله ريم احكيلي شو القصة والله تلفت اعصابي من منظرك

ريم ( بلا مبالاة ) : ما تخافي ما فيي اشي، انتي نامي منيح عشان بكرا تكون بشرتك مرتاحة للمكياج

ديمة ( باستياء ) : انام ؟! هاد اللي طلع معك

ريم : بكفي ديمة، اتركيني بحالي وانشغلي بامورك انا جاية اقعد معك هالكم يوم قبل ما تتزوجي على خير لا تعكري مزاجي

ديمة ( بعصبية ) : عن اي مزاج عم تحكي ؟ انتي اتطلعتي بحالك بالمراية قبل ما تحكي هالجملة ؟ اكيد ما قربتي على اي مراية او اي شي بعكس وجهك وحالتك

ريم : ...

ديمة : هلا بدك تحكيلي شو صاير معك، كل اشي احكي، فهمتي ؟! كل اشي ريم

ريم ( نزلوا دموعها ) : ... كل اشي انتهى، خلص ما عاد في علاء وريم بالحياة، انتهيناااا عرفتي شو صار ؟ سمعتي !

ديمة ( مصدومة ) : كيف يعني انتهى ؟

ريم ( مسحت دمعتها بطرف ايدها وبلعت ريقها ) : متل ما سمعتي، يلا هلا عالنوم ما بدي حدا يعرف بهالكلام، مفهوم ؟

ديمة ( هزت راسها ) : ... مفهوم

كان هالمشهد من ورا فتحة صغيرة للباب بدون انتباه منهم لوجودي، لما خطر ببالي اجي ابوس سلمى قبل ما انام ..

ما عرفت وقتها شو اعمل؟، انسحب او اضل اسمع للنهاية، واعرف اختي الكبيرة شو اللي صاير معها وخلاها تكون بهالمنظر قدامنا ومو قادرين نفتح تمنا بأي سؤال ..

ولما تشجعت ديمة وسألتها، وصلني شعور الندم اللي انتابها بعد ما سمعنا الجواب ..

////

سيرين : الو؟

آيات : كيفك ؟ ازعجتك

سيرين : ابدا بالعكس، انا منيحة كيفك انتي ؟

آيات : اممم مابعرف، بس يمكن مزعوجة شوي

سيرين : ومين اللي زاعجك ؟

آيات : ما في حدا معين، بس الظروف اللي مرقت فيها ولسا عم عاني من آثارها

سيرين : متاكدة انه بس هاد السبب ؟

آيات ( متلبكة ) : ش .. شو بدك اكتر من هيك ؟

سيرين : اممممم انا بعرف انه ما في شي بسهر قد العشق مثلا، انتي شو رايك ؟

ما كنت متخيلة انه سؤالي رح يكون سبب في بكاء قاسي، ودموع حسيت فيها كانها قدام عيوني ..

آيات ( بتبكي بشدة ) : ...

سيرين ( حزينة ) : سامحيني توتو ما كان قصدي بكيكي هيك، بس انه شو صارلك فجأة ؟

آيات ( بتبكي ) : انا يا سيرين مكتوبلي اضل بعيدة عن الحب حتى تكون حياتي سعيدة وهادية، وازا حاولت مجرد محاولة اني ادور على الحب بلاقي كل الصعوبات بطريقي

سيرين : يا قلبي مهو طريق الحب كله صعوبات، بس انتي فهميني شو قصتك بالضبط حتى اقدر ساعدك

آيات ( بتحاول تكون منيحة ) : ما في قصة ولا شي، صدقيني

سيرين : تمام مصدقتك، بس انتي روقي هلا و بس نتلاقى بنحكي بتكوني احسن وقدرتي تجمعي افكارك

آيات : ان شاءالله حبيبتي، يلا سامحيني ازعجتك وانتي مو ناقصك بكفي عجقة العرس اللي فجاة تحدد

سيرين : بزعل منك ازا بتعيدي هالكلام، المهم تكوني بخير وما بدي اشي، والعرس بمرق

ودعنا بعض ولساتني متأثرة بغصتها ودموعها اللي خانتها ..

__________________________________

ام ماهر : يسعد هالصباح يا حبيبتي، هي الفطور جاهز اكعدي كلي لكمتين كبل ما تروحي

ياسمين : وصباحك ستي، يسلمو ايديكي هيني جاي

ام ماهر : احمد بده يفطر ولا نايم ؟

ياسمين : صحيته بس رح يوصلني وبرجع بفطر معكم

ام ماهر : خلي سيدك نايم لحد ما يرجع احمد بصحيه

احمد : يلا ياسمين جاهزة ؟

ياسمين ( بلعت اللقمة بتمي وبشرب من الشاي بسرعة ) : امممم يلا يلا جاهزة

////

ابو بيان : يسعدلي صباحهم عصافير الحب

احمد / ياسمين : وصباحك خالي

ابو بيان ( بسلم علينا ) : كيف حالكم؟ الحمدلله عالسلامة

احمد : الله يسلمك، وينك مبارح ما شفناك

ابو بيان : رجعت تعبان والله يا خالي ونمت على طول

ياسمين : يعطيك العافية، اشتقنالك، كيف صحتك حاسستك مو مرتاح

بيان ( نزلت عالدرج وقاطعتنا ) : صباحو لساتك هون ؟

ياسمين : يلا هينا ماشيين، اطلعي معنا بلاش خالو يوصلك

ابو بيان : لا انتوا خدوا راحتكم عرسان وما بدنا نزعجكم

احمد : ههههه يلا حبيبتي امشي قبل الازمة

ياسمين : اوك، بنشوفكم المسا بالسهرة

يوم طويل ابتدأ، ما بنعرف شو مخبى فيه ..

واهم اشي اني ارجع اكمل طريق دراستي؛ اللي مو باقيله كتير لينتهي ..

وبعدها ارجع واخد جرعتي من حضن احمودتي، واستغل وجوده معي قد ما اقدر قبل ما يجي موعد سفره ..

__________________________________

سهى : دير بالك على حالك ماما

قصي ( بتنهد ) : انا منيح، بس انتي ديري بالك على خواتي لا تتركيهم

سهى ( فهمت عليه ) : خواتك بعيوني، ما يحرمني منكم

قصى ( بحب ) : ويلا يحرمنا منك، يلا بحاول ارجع بكير اليوم

سكرت الباب ورا قصي وسندت ظهرها عليه، غمضت عيونها وتنهدت من كل قلبها ..

قلب الام اللي ما بخيب، كان حاسس انه في اشي صعب بتمرق فيه بنتها وواجب عليها تساعدها وتوقف جنبها وتنصحها باللي فيه مصلحة الها ..

ريم : صباح الخير ماما

سهى ( متفاجاة ) : صباح النور، ليه قمتي ماما ؟

ريم : شبعت نوم وقمت افطر معك انتي وبابا قبل ما تصحى بنتي

سهى : يلا رح جهز الفطور، دفي حالك ماما في لسعة برد بالجو لسا الدنيا صبح

ريم : حاضر

ما قدرت اضل اتطلع بعيونها، ورجعت متل الطفلة لاحضن طفلتي ..

بهاللحظات انقلبت الادوار، وصار حضن بنتي هو ملاذي لاهرب اله من هالعالم الموحش ..

كيف قضى الليلة بدوني؟ فكر بكلامه ؟ غيره ولا بعده عند رايه وما بده اياني ؟ ..

__________________________________

احمد ( وقف السيارة مشان انزل ) : طمنيني عنك كل ما يصحلك

ياسمين ( مبتسمة ) : معقول افضى ثانية وما اسمع فيها صوتك

احمد ( كاتك ضحكته ) : على ما اذكر ايام خطبتنا الاولى كنتي مزهقتيني تلفونات

ياسمين : وهو كذلك، رح ارجع ازهقك من اول وجديد بما انك اخدت استراحة طويلة

احمد ( غمزني ) : ما يحرمني من اتصالاتك ويبعد عني بلوكاتك

ياسمين : ههههههههه امين

وقبل ما انزل من السيارة، بنتفاجئ باتصال لاحمد ..

احمد : السلام عليكم

علاء : وعيلكم السلام، الحمدلله عسلامتكم كيفك ؟

احمد : الله يسلمك بخير والله

ياسمين ( باشرله اني نازلة ) : ...

احمد ( بهز براسه ومركز بالمكالمة ) : اه معك حبيبي، هيني باب الجامعة وصلت ياسمين

نزلت غصبن عني، شو كان نفسي اعرف شو بحكوا ..

بس عندي اشياء اهم اعملها اليوم، اولها مجاكرة منار المكيودة اللي اجت عالعرس بدون عزومة مسبقة مني، وعزومة مجاملة من آيات ..

ياسمين ( بسبل بعيوني لمنار وبوجه الحكي لنور ) : صباحو كيفك ؟

نور : اهلا بالعروس، مشتاقين كيفك انتي ؟

منار : ... اهلين والله

ياسمين : اهلين فيكي

كان وجه منار بنقط سم، ونظراتها فيهم اشي ما فهمته ازا كان غيرة او كيد او حسد او كلهم مع بعض ..

المهم اني طنشتها وكملت يومي بسرعة مشان ارجع استعد لحفلة وداع دمدومتي ..

__________________________________

علاء : اخذت اجازة

احمد : طيب يلا مسافة الطريق بكون عندك

خير اللهم اجعله خير على هالصبح، مكالمة من علاء طلب فيها اني اجي لعنده ..

بدون تفكير وافقت، ووصلت بيته بسرعة ..

علاء : يا اهلا وسهلا بالعريس

احمد ( باستغراب ) : اهلين فيك

علاء : فوت اقعد البيت بيتك خليني احضر فطور

احمد : لا بساعدك احسن ما تنعجق لحالك، بعرفك مو معلم بالمطبخ

علاء ( ماسك ابريق الشاي ) : معلوماتك قديمة والله يا ابو شريك، صرت معلم وسيد المعلمين

احمد ( بفضول ) : طيب خبرت ريم اني هون احسن ما تصحى فجاة

علاء ( بسخرية ) : رجعت عزابي يا صاحبي

احمد ( بصدمة ) : اكيد بتمزح

علاء ( تنهد ) : ياريت بمزح، بس يلا خلينا نفطر ونحكي برواق

ما كان طالع بايدي الا استمع لكلامه بكل جوارحي حتى افهم شو اللي تغير فجأة بحياته، وقلب موازين استقرار عيلته ..

احمد ( مو مقتنع ) : كيف استنتجت انها بتنقل كلام عنك ؟ بعدين فوق ما الغلط راكبك من ساسك لراسك الك عين تزعل

علاء ( مو عاجبه ) : يعني مين بده يحكي عني غيرها ؟؟ اكيد حكت لخالتك وطبعا حماتي بدورها بتحكي لواحد واحد واهم اشي امي

احمد ( باستنكار ) : مين كان سهران معكم يومها ؟

علاء : شو مالك ؟! احمد منا حكيتلك انا وحمزة وعدي وعمر وامجد

احمد : يا سلام عليك، ليه ما فرضت انه واحد من الشباب حكى بعفوية انه كنتوا سهرانين سوا

علاء : مين بده يحكي ؟ مستحيل اصلا ما حدا بيتدخل فينا وبسهراتنا الا النسوان

احمد : ما فرضت انه حمزة يحكي لسيرين انك كنت معهم واي ساعة رجعتوا، او يمكن امجد امي سالته كم سؤال وانذكر اسمك بينهم، او اولاد خالك ابوهم سالهم مثلا مشان هيك بلمحلك وبسمعك حكي ؟! واظن انها الفرضية الاصح

علاء ( بلع لقمته ) : قصدك تحكي انه ريم ما دخلها

احمد : اكيد هاد قصدي، وانا متاكد من هالاشي

ما كان تحليلي خاطر ببال علاء، واختار خراب بيته على انه يفكر شوي قبل ما يستنتج ..

طلعت من عنده بعد ما اقنعته اكثر وشكرته على الفطور، ورجعت لدار سيدي ..

__________________________________

طلع احمد وتركني بحيرة من امري، كيف بدي اصلح اللي عملته مع مرتي بلحظة غضب، والجرح اللي اذاها واكيد صاب بنتي جزء كبير منه كيف بقدر اعالجه ..

حاولت ارن عليها ما كانت ترد، حتى الرسائل عالواتس ما تشوفهم ..

سهى : الو ؟

علاء ( بصوت ضعيف ) : كيفك خالتي ؟

سهى : منيحة، كيفك انت ؟ مال صوتك

علاء : لا بس صاحي من النوم، انا تمام، طمنيني كيف ريم وسلمى برن عليها وببعتلها ما بتشوف، شكلها مشغولة كثير

سهى ( باستغراب ) : ما بتشوف ؟ يمكن موبايلها بعيد عنها ومشغولة مع الصغيرة او مع اختها

علاء : اوك، طيب يلا سلمي عليهم واذا احتجتوا اشي خبروني انا ما داومت اليوم

سهى : ولا يهمك، بوصل

حاولت اشغل حالي بالبيت شوي، وبشغلي شوي، حتى يمرق عليي الوقت بدون ما افكر ..

لكن عبث، انا ارتكبت خطأ وما بعرف اذا رح اقدر اصلحه بسهولة خصوصا مع ريم، اللي يوم عن يوم بكتشف قوة شخصيتها وكيانها الخاص وكبريائها اللي بسمحولي اتعدى حدودي كزوج محترم ..

__________________________________

حنين : كيفك اليوم ؟

بيان ( بحزن ) : سيئة للغاية، ما عم اقدر اوقف تفكير

حنين : حاسستك معطية الموضوع اكبر من حجمه، ما اعتقد انه يطول الوقت لكتب كتابكم، وبصراحة لولاه بحبك وميت فيكي ما بطلب هيك طلبات

بيان : وانا بحبه كتيير، لو تعرفي كم بتعزب بسبب هالموضوع، بس شو اعمل ؟ زودها معي وما عم يوقف نق فوق راسي

حنين : خلص اتركي الامور للوقت احسن حل

بيان : كل يوم ببيت استخارة، ان شاءالله ربنا بختارلنا الخير

__________________________________

وصلت على دار سيدي، والكل كان مشغول بالتجهيز للسهرة ..

عمر ( نازل عن الدرج وبركض ) : الله يسامحك بس

احمد : ههههع هيني جاي اساعدك بس روق انت

عمر ( بمسخرة ) : لا يا روحي انت عريس ما بصير تتعب

احمد : لا عشان عدي كل التعب بهون

عمر : يسلم شانك يا حبيبي يا مزوق يا مقدر

احمد : هههه طيب خلص يلا كمل اللي بايدك وانا هيني لاحقك

كان منظره مشابه لامجد يوم عرسي، نفس العجقة لانه انحصرنا بوقت محدود ..

واللي عملوه مشاني عدي وحمزة ما بنساه، غيروا مواعيد اعراسهم وزادوا على حالهم الضغط بس عشان احضرهم لانه حسوا اني صعب ارجع اجازة مرة ثانية ..

ام ماهر : اجيت يا حبيبي، وين كنت ؟

احمد : عند علاء، كيف حالكم ؟

ابو ماهر : بخير، شو اخباره صاحبك مبطل حدا يشوفه

احمد ( تنهدت ) : الله يهدي باله، ادعوله

ام ماهر : الله يسعدكم ويرزقكم جميعا يا حبايبي

احمد ( هزيت راسي ) : امين، يلا خليني اشوف الشباب واساعدهم

__________________________________

ريم : ما بدي ارد عليك لا اتضل ترن

علاء : بس طمنيني عنكم ريم، انا اليوم رح اروحك عالبيت وفي كلام كثير بدنا نرجع نفكر فيه

ريم : لا ما بدي ارجع هيك رح يبين انه في اشي، المفروض اضل عشان العرس

علاء : ماشي بس اوعديني بس ابعثلك تردي عليي

ريم : ... بصير خير

////

ديمة : امانة كيف طالعة ؟

سيرين : بتشبهي كل شي الا العروس

ديمة ( دمعوا عيوني ) : بعرف، مشان هيك سالتك

سيرين ( بقلق ) : متاكدة انه ريم عندكم مشان عرسك بس ؟

ديمة ( بلعت ريقي ) : انتي شو حاسة ؟

سيرين ( عصبت ) : انا بلدت ديمة ما عاد عندي احساس اصلا، مشان الله شو عم بصير بحياتنا حرام ننبسط لو يوم بعمرنا ؟

ديمة : ... ( حكتلها شو حكتلي ريم )

سيرين ( بغصة ) : علاء هيك حكى ؟! يا خسارة لما نكون مفكرين الحب هو السعادة، ما بنكون حاسبين حساب بيوم انه هالحب رح ينطفي فجاة ويتحول لنقمة

ديمة : ... رح انجن انا، تعبت من منظرها قدامي ماسكة بنتها وكانها خايفة حدا ياخدها منها، وخايفة على ماما وبابا اكتر

سيرين ( ضربت راسها ) : لا تزكريني بامي، رح تفقد عقلها ازا عرفت

ديمة ( برجاء ) : لا لا اوعي حدا يعرف بهالكلام، بكفي زلق لساني وخبرتك، بس مو قادرة اتحمل خبيه بقلبي

////

حنين : كيف طالعة ؟

رنين : كتير ناعمة، وانا ؟

حنين : ممتازة

مها ( فتحت الباب فجاة ) : يلا حاولوا تنهوا بلا ما نتأخر

اسيل : ماما ليه هيك مكياجك ؟

حنين : ماله كتير رايق وحلو

مها : على العرس بروح على صالون، اليوم مو جاي عبالي اعمل اشي

رنين : ابصر ياسمين راحت على صالون ؟

مها : اه راحت مع غنى وبيان حجزولها معهم، يا دوب لحقت ترجع من الجامعة وركاض ركاض يا حبيبتي يمكن ما تغدت

اسيل : لا اكيد احمد بكون جابلها غدا

رنين ( بتسبل بعيونها ) : او عمر بعتلهم عالصالون اكل الهم كلهم

مها ( باستغراب ) : والله ! يلا هلا بنشوفهم وبنعرف

حنين ( بهمس ) : بعدين معك ؟ اشطبيه من تفكيرك والله مو شايلك من ارضك يا هبلة

رنين ( مو عاجبها ) : ليه يعني ؟ بحاول شو خسرانة

////

ام عدي : يلا يا بنات هي قرب يوصل

غنى : جاهزين ماما

ابو عدي : يا عيني عالعرايس الحلوات، شو هاد ؟

ياسمين : هههههه عيونك الحلوة خالو

ابو عدي : يسعدها العروس، الله يديم هالضحكة

ام عدي : شو اخبار الشباب ؟

ابو عدي : تقريبا جاهزين، وين اوديكم على دار العروس صح ؟

غنى : بابا على القاعة مو البيت

ياسمين : ابصر ديمة راحت هناك ولا بعدها ؟

كنت متلهفة اشوف ديمة والبنات بعد غيابي عنهم بشهر العسل، وخصوصا سيرين وديمة اللي تفاجأوا بتغيير مواعيد اعراسهم عشان احمد يقدر يحضرهم قبل ما يسافر ..

احمد : شو حبيبتي طمنيني ؟

ياسمين : انا منيحة قربنا نوصل القاعة

احمد : تمام، اكلتي منيح ؟

ياسمين : اه يسلمو ايديك حياتي، انت شو اكلت ؟

احمد : نفس اللي بعتنالكم اياه، بتعرفي ما في مجال حدا يطبخ اليوم وستي حرام توقف تطبخ للكل

ياسمين : اكيد، يلا صحتين، لبست اللي جهزتلك اياهم ؟

احمد : لا هيني فايت البس، يلا بشوفك ديري بالك وما تنهبلي الله يرضى عليكي

ياسمين : ولا يهمك

لازم يسمعني كلام في الصميم جوزي، وانا اللي نازلة اتغزل فيه وافرجي اهتمامي للكل ..

الله يسامحك بس يا احمد، متى رح اتغير بنظرك ؟ ..

__________________________________

هيثم ( بلبس وعيونه بالمراية ) : رنوش حبيبتي ما بدي اوصيكي اه ؟

رانيا : هههه بلشنا

هيثم : مو عاجبك هههه ماشي بس افسد عليكي فرجيني وجهك

رانيا ( بخوف ) : ما بتعملها صح ؟

هيثم ( رفع حواجبه ) : والله حسب تطبيقك لتعليماتي

رانيا ( قربت منه بدلال ) : حبي، معقول ما اطبق تعليماتك بحذافيرها يعني ؟

هيثم ( ضمني ) : ما بدي اقلق عليكي مشان هيك بوصيكي وانتي عارفة اني ما رح افسد عليكي طبعا

رانيا ( عيوني بعيونه ) : ما يحرمنا من بعض يا رب

////

رزان ( بثقة ) : شوفيني ماما كيف طالعة ؟

ام حمزة ( مصدومة ) : لا حول ولا قوة الا بالله، شو هالمنظر هاد يمة ؟

رزان ( مو عاجبها ) : شو ماله منظري ؟

ام حمزة ( بتهز براسها ) : روحي غيري الله يهديكي والله لو شافك ابوكي ولا حدا من اخوتك الا يورم جنابك بالعصا

رزان : هاد اللي طلع معك ؟ بدل ما تغازليني وتحوطيني

ام حمزة : ...

رزان : ما رح اغير اشي، انا هيك مقتنعة، خلي هالناس تشوفني

////

حمزة : طالعة بتجنني حبيبتي

سيرين : تسلملي عيونك الاحلى

حمزة : بس هيك انا رح اخاف عليكي من الحسد، بالله انك تقراي على حالك ما بتحمل يصير فيكي اشي لا سمح الله

سيرين : ههههه مو معقول، اتطمن ماما ما بتطلعني اصلا بدون ما تقرا عليي

حمزة ( بحب ) : وبس تصيري عندي باخد انا الدور

سيرين ( بدلع ) : بعشششششقك، متى رح اصير عندك ؟

حمزة : الحمدلله ايام معدودوات يا قلبي، الله يعديهم على خير وما يفرقنا من بعدهم

سيرين : يارب

__________________________________

كان شاغل تفكيري كلام علاء، وشو ممكن يكون تغير فيه من مبارح لليوم ؟! ..

قلبي تعب من التفكير، ومو قادرة اعمل اشي الا اضل سرحانة وبعالم آخر ..

منى / نهى / مها : السلام عليكم

سهى / ام عدي : وعليكم السلام، يا اهلا وسهلا

منى : وين العروس لسا ما انصمدت ؟

سهى : عم تتصور فوتوا تصوروا معها على رواق

نهى : وين ريم ؟

سهى ( اشرت عليها ) : هيها هناك

لمحت خالاتي وصلوا واكيد بسالوا عني، قمت لعندهم اسلم ..

ريم : اهلا وسهلا

نهى : اهلين حبيبتي لسا بسال عنك

ريم : انا تمام بس كنت ارضع سلمى ونيمتها

منى : نوم الهنا يارب، كيف حالك خالتو شو هالحلاوة ؟

مها : اه والله قمر، بس مال عيونك مبين مو مرتاحة بالمكياج او مو نايمة منيح

ريم ( مبتسمة ) : لا والله مو نايمة منيح بتعرفي لسا سلمى بتقلب اسابيع وبتصحى بالليل كتير

نهى : الله يهديها ويقويكي يارب، تعالي نتصور انا واياكي مع ديمة للذكرى

مها : يلا كلنا خلينا نتصور مع اني مو مزبطة حالي اليوم

سهى : ههههه والله انك رايقة

منى : المهم ما تهزي كتير خلي هالحفلة تمضى على خير

ام بيان : مع انه بحب رقصك يا مها، بس مسامحينك من هون لتولدي بالسلامة

ام عدي : لتسمعك مرت عمي ههههه

مها : يييي بخلص من توصيات زياد بتيجوني انتوا ئي

منى : مو عاجبها ست الحسن، امشي خلصيني

ديمة والبنات : يلا صورة اخيرة جماعية

المصورة : اعملوا اكتر من صف

ديمة : لا بنحب جنب بعض، بنوقف بالميل وبنلزق ببعض

المصورة : متل ما بدكم

ريم : يا خاينات، بتتصوروا جماعي بدوني ؟

البنات : ييييي نسيناكي

ياسمين : يلا ريمو تعي لعندي المتجوزات جنب بعض والخاطبات جنب بعض ههههه

آيات / حنين / بيان / غنى / رنين / اسيل / فرح : واحنا فاصل بينكم

سهى : يلا هلا دور الكبار

رانيا ( اجت فجاة ) : مرحبااا

الجميع : اهلا

رانيا ( بمزح ) : تصورتوا بدوني ؟

ياسمين : ما بنسترجي، بنخسر خالو بعدين

مها : كله ولا خالها المز

رانيا : شفتي ههههه

////

حنين : ما احلا فستان رانيا، طالعة بتسطل

بيان : اه اسم الله زوقها حلو باللبس مو متل هديك اللي ما بتتسمى

غنى : يييي بتتزكري يوم خطبة سيرين كيف كان شكلها ؟

رنين : يسم بدنها، بالله لا تيجبوا سيرتها خلينا مهيصين

سيرين ( اجت فجاة ) : صبايا شو بتعملوا يلا عالبست، اخت العريس ما بدي اشوفك قاعدة اليوم

بيان : ييي شوفوا هالشوفة

سيرين / حنين / رنين / غنى : مو معقوووول

بيان : تضرب بهالمنظر، ليه هيك لابسة ؟

حنين : سبحان الله عكس اختها

سيرين ( انخطف لونها ) : الله يجبر عليها

ياسمين : وين اهلك رانيا ؟

رانيا : مو عارفة المفروض عالطريق

ام حمزة : ريته مبارك يارب

ام عدي : يبارك بعمرك، عقبال فرحتك بالباقيين

سهى : يا مية اهلا وسهلا بام حمزة، نورتينا

ام حمزة : ربي يسعدك ويديم افراحكم

رزان : مبارك خالتو التمام على خير

ام عدي ( بنظرة تاملية ) : عقبالك

__________________________________

احمد : شو صار معك ؟

علاء : ... مثل ما احنا

احمد : استغفر الله، وبعدين ؟

علاء،: يا زلمة حكيت معها كثير بس مو قابلة تستجيب، والله عملت جهدي وحكتلها اليوم رح اروحك عالبيت ( تنهد ) ان شاءالله تقبل عالاقل تحكي معي

احمد : شايف كيف وصلت لهالمرحلة وهي مبارح كانت بتتمنى انك تحكي معها وتتحاور مو تعمل اللي عملته

علاء ( بغصة ) : معك حق، انا متسرع

امجد : مال احمد غازز راسه براس علاء؟

قصي : وانا شو بعرفني، كله على بعضه ما بهمني

امجد ( فتح عيونه ) : مين ؟!

قصي ( بغضب ) : ابن خالتك ال... بس بفرجها الله فيه لكل شي حساب

امجد ( حك شعره بغباء ) : ما فهمت اشي، بس عكل حال ربنا يهدي بالكم

قصي ( بهز راسه ) : ... امين

__________________________________

ياسمين ( بفرح ) : اهلا اهلا، نورتي

سعاد : اهلا فيكي، مبارك الزواج

ياسمين : الله يبارك فيكي، عقبالك يارب

سعاد : تسلمي

ياسمين : جاية لحالك ؟

سعاد : لا معي بنت خالتي

ريم : مين هاي ياسمين ؟

ياسمين : اي وحدة ؟

ريم : اللي كانت معك وراحت تسلم على ديمة وجايبة بوكيه ورد معها

ياسمين : امممم صاحبتنا

ريم ( رفعت حواجبها ) : شو اسمها ؟

ياسمين : خلص ريم مو وقت تحقيقاتك هلا، بعدين ديمة بتحكيلك، او احكيلك اتطلعي خالتو سهى سلمت عليها اساليها عنها، باي ههههه

ريم : ما ازنخك

ديمة : يسعدهااا اللي جاية من الزرقاء

سعاد : هههه حبيبتي مبارك

ديمة : يبارك بعمرك، انبسطت كتيييير بجيتك مفاجاة حلوة صراحة مع انك قطعتيلي الامل

سعاد : هو كان مقطوع بس عند اخر لحظة تغير كل شي

ديمة : يلا من حظي، قصي عرف ؟

سعاد : اه اكيد هههه

سهى : اهلا وسهلا فيكي، تفضلي حبيبتي

سعاد ( بخجل ) : يزيد فضلك، بس خليني اغير

سهى : اه خدي راحتك، هي ريم بنتي اجت بتساعدك

ريم : مرحبا

سهى / سعاد : اهلا

سهى : ماما ريم هي سعاد ( غمزتها ) ساعديها بدها تغير عبايتها

ريم ( باستغراب ) : سعاد ! ما غيرك حبيبته لقصي ؟!

سعاد ( خجلانة ) : ...

ريم : تفضلي من هون

مها : مين هاي اللي اجت هلا ومعها بوكيه الورد ؟

ياسمين : كنة اختك المستقبلية

منى / نهى / مها : هههههه والله

ياسمين : ليه بتضحكوا ؟ ممنوع يصيرلها كنة يعني ؟

مها : الله يسمعنا الاخبار الطيبة، بطلع منه هالقصي

منى : هلا بنشوفها عن قرب

نهى : من وين عرفها يعني ؟

ياسمين ( متلبكة ) : ما بعرف، انا تعرفت عليها عن طريق ديمة، شكلها صاحبتها كاينة

ريم : واخيرا شفتك

سعاد : وانا كمان، كتير حكالي عنك وعن سلمى الله يحميها

ريم ( مبتسمة ) : شو بحكيلك ؟

سعاد : يعني بشكل عام، انه انتي مميزة وهيك اشياء يعني

ريم : هههه ببالغ اخوي مو لهالدرجة، يلا تعالي ارقصي معنا

سعاد : يلا جاي

ياسمين : بست

آيات / سيرين : مالك ؟

ياسمين : شفتوا سعاد ؟

سيرين : مين سعاد ؟

ياسمين : هديك البنت اللي لابسة فستان ازرق

آيات : اللي شعرها طويل وفاردته؟

ياسمين : يس يس، احزروا مين هاي

سيرين : خلصيني احكي

ياسمين : حبيبته لقصي

آيات / سيرين ( اتطلعوا ببعض ورجعوا اتطلعوا فيي ) : كزابة، من متى ؟

ياسمين : يمكن الهم سنة او اكتر

سيرين : ما عرفتك يا قصي، وطلع عشقان كمان هالازعر

آيات : وعامل فيها نيرد ومو فاضي يحك راسه من الدراسة

ياسمين : ههههه

__________________________________

امجد : شو قصتك انت وعلاء تاركين الحفلة وبتبرموا ؟

احمد ( بحزم ) : سيبنا من علاء وتعال احكيلي شو صاير معك انت وبيان ؟ شو هالمسخرة اللي صارت مبارح

امجد : ... ما في اشي مثل ما حكيت مسخرة

احمد : والله ؟! في مشاكل يعني

امجد ( تنهد ) : انداااري، هدول جنس حوا ما حدا بقدر يفهمهم ولا يفك شيفرتهم

احمد : لا يا شيخ ! امجد احكي زي العالم احسن ما افقعك بوكس اعمي ضوك

امجد ( بعصبية ) : احمد اتركني بحالي مو ناقصك، اللي فيي مكفيني

احمد : ... ماشي اعمل اللي بريحك

يا ترى شو مخبي عنا يا امجد ؟ ولمتى هالحال رح يستمر معك ؟ ..

هيثم : بست، احمد .. احممممد

احمد : ايوا

هيثم : وينك ؟ تعال يلا الشباب بسالوا عنك

احمد ( بهز راسي ) : يلا يلا هيني جاي

سحبت آخر نفس من سيجارتي ومشيت لعند الشباب اشاركهم، او يمكن هربت من هيثم لاني مو قادر اتطلع بعيونه وانا مخبي عنه سر يمكن صح او خطا، الله اعلم ..

كنت محتاج ياسمين كثير بهاللحظات، من لما تزوجنا صارت ملجأ اهرب اله لما اتديق فيي الدنيا ..

فتحت صورتها على موبايلي، حتى اخذ شوية تفاؤل من ابتسامتها العفوية اللي كلها طفولة وحب صادق ..

__________________________________

سيرين : يلا ما بدك تحكيلي شو قصتك مع الحب وليه كل هالتشاؤم بكلامك ؟

آيات ( نزلت عيونها ) : انا يمكن ..

سيرين ( باهتمام ) : آه ؟؟

آيات : يعني .. هو يمكن عنده اشي تجاهي

سيرين : آيات لا تجننيني، مين هو ؟ عنده اشي تجاهك ولا بحبك ؟ ولا انتي بتحبيه ؟ فهميني

آيات ( غمضت عيونها ونزلت دمعة ) : انا بحبه لعمر وهو بحبني بس ما اعترفنا لبعض

سيرين ( حطيت ايدي على راسي بصدمة ) : مجنونة، ما لقيتي غيره

آيات : ليه ؟ شو ناقصه

سيرين : ناقصه كتييير يا آيات، لسا ما تنفس بعد الجامعة، لسا ما اسس حاله يا بنت الناس، اهلك كيف رح يعطوه فهميني ؟

آيات ( بعصبية ) : حكولك بكرا عرسنا يعني ؟ بقلك لسا ما حدا فينا حكى للتاني

سيرين : حطي عقلك براسك يا بنت قبل ما تعترفي بهيك تخبيصات، انتي وعمر مو لابقين لبعض، مو زابطة يا اختي، ازا انا مو متخيلة اهلك كيف رح يتخيلوا

آيات : عفكرة اهلي كتييير بحبوه لعمر، ويمكن كل شي بتفكري فيه هلا يطلع غلط

سيرين : بحبوه ما اختلفنا بس يا ترى لما يخطب بنتهم رح يظهر هالحب ولا يتحول لاشياء تانية ؟

آيات : ... ما بعرف

سيرين : بعدين كيف تاكدتي انه بحبك ؟ مو يمكن يكون مجرد صداقة عادية متلك متل ياسمين

آيات : ياسمين حكتلي

سيرين ( برجفة ) : ياسمين !!

الصدمة اللي صابتني لما سمعت اسم ياسمين ما قدرت اتجاوزها، وضل اسمها يرن في راسي طول الوقت ..

تركتني آيات وضليت انا بمكاني افكر بشو ممكن يصير بين عمر وآيات ؟ ويا ترى طريقهم رح يكون سهل او كله عقبات وحواجز ؟ ..

صحيت من غفلتي على فقرة حنة العروس، ولما نادوني الصبايا ..

ياسمين : كانك مو على بعضك ؟

سيرين : ...

ياسمين : سيرين ؟! بحكي معك

سيرين : ...

كيف بدي اواجهها بالموضوع ؟، واطلب منها تبعدهم عن بعض لانه آيات رح تنجرح كتير ازا اهلها رفضوه لعمر ..

ياسمين بايدها مفتاح القصة كلها، وما حدا غيرها بقدر يحلها ..

يتبع ..

عن الكاتب

وعد السعيد

كاتبة قصصية

بدات رحلتي منذ عام ٢٠١٧ حيث وجدت نفسي مطالعة جيدة للكتب والقصص، استهليت مسيرتي بقصتين قصيرتين بطابع اجتماعي، ثم رواية رومنسية درامية، بعدها انتقلت للطابع الكوميدي ونشرت اول موسم لقصة ( نهفات عيلتنا ) في نهاية عام ٢٠١٧ وبعد ان لاقت نجاحا واسعا واصرارا على اكمالها تابعت كتابتها حتى اصبحت مسلسلا اجتماعيا عاطفيا محافظا بطابع كوميدي تم انهاءه في ٢٠٢١ .. ***********^^^^^^^************ لكل اللي كان يقول الحلم ما بصير حقيقة والمستحيل صعب إنجازه، بحب اقلكم اسمعوا قصتنا وتاكدوا انه ما ضل اشي بالدنيا الا صار معنا .. هاي العيلة جزء صغير بمدينة صغيرة بهالعالم الكبير، عيلتنا عاشت لحظات من كتر الضحك كان يوقف قلبهم، ومن كتر الحزن كانت تنحرق روحهم .. عيلتنا #سلسلة_ياسمينة_الروح مستحيل تقراوها وتملوا .. بكل حلقة فيها اشي مختلف واشي بشدكم واشي بخليكم تحسوا حالكم شخصية من الشخصيات بتنزل دموعكم بمشاهد الحزن وبتعلى ضحكاتكم بمشاهد الكوميديا مسلسل بعبر عن كل شي جواتي وبحلم فيه .. كل واحد فيهم بمثلني .. كل اللي بقلبي وقناعاتي ومبادئي وصفتها بكلمات خفيفة لطيفة على قلوب اللي بقراوه ... اتمنى لكم قراءة شيقة ومفيدة وان اترك لكم اثرا طيبا