سلسلة ياسمينة الروح-الموسم الرابع( مذكرات عاطفية٢ )-الحلقة السادسة عشرة ( ج١&٢ )

وعد السعيد

كاتبة قصصية

متابعة

ج١ :

لا ترتبطي بمن يريدك ان تركضي وراءه ..

ولا بمن يركض وراءك ..

بل بمن تشعري أنكما تسيران معاً ..

____________

__________

بهديك الليلة كان مجتاحني نفس الوجع اللي صابنا يوم ما شفنا الصور، وسمعنا اتهامات بنتنا بشرفها وما طلع بايدنا وقتها الا انه ندافع عن حالنا باضعف وسيلة ..

ولما ظهرت الحقيقة اللي كنا متاكدين انها مكيدة، قلوبنا ما انغسلت، وجرحنا ضل ينزف ويمكن زاد نزيفه اكثر ..

لانه سبب هالجرح؛ ناس ما توقعنا انهم يجرحونا ويشكوا فينا بيوم من الايام ..

مها ( قربت مني بدلال ) : تأخرت عليك ؟

زياد ( رجعت للواقع ) : لا حبيبتي، كيف البنات ؟

مها : نايمات، بس اسيل كانت صاحية، قال من التعب يا حبيبتي

زياد : هالبنت محط انتباه الجميع بتعرفي ؟ بحسها رح تكون بيوم من الايام شخصية مهمة

مها ( مبتسمة ) : يارب اشوفهم كلهم من احسن الناس

زياد : صحيح، شو صار بينك وبين ام احمد اليوم ما حكتيلي تفاصيل ؟

مها ( متلبكة ) : اه ؟ عادي ضمينا بعض واعتزرت مني كتير وطلبت السماح، وسلمت عالبنات وامير كتير مشتاقيتلهم كانت

زياد ( رفعت حواجبي ) : وبعدين ؟ قصدي شو رح يصير هسة تطورات ؟

مها ( بلعت ريقها ) : ما بعرف، بس اكيد انا واياك لازم نكون متفقين مو ناقصنا مشاكل

زياد : ابو احمد انا شخصيا عتبي عليه راح لاني فهمت منه كل اشي ومتاكد انه ما بجامل او بكذب عليي خصوصا قدام العيلة لانه كان حاكيلهم من قبل نفس الحكي، بس بنفس الوقت هذا لا يعني نرجع مثل زمان عالاقل عشان بنتنا

مها : ياسمين، كانت كتير قوية اليوم، حتى احمد ما عاد يفرق عندها، هيك حسيت

زياد ( بهز راسي ) : وانا عشان هيك بحكيلك انه خلينا رسميين، لا قطيعة عالاخر ولا اختلاط زايد عن اللزوم

مها : اه منيح، يعني هالايام رح يخطبوا عمر وآيات فاكيد رح يصير في مناسبات وهيك

زياد ( فتحت عيوني ونهضت حالي ) : مين ؟؟ شو حكيتي

مها : اكيد ما حدا جاب سيرة لانه ما بدهم اهله يعرفوا

زياد : ليه اهله ما بعرفوا يعني ؟

مها ( حكتلي كل القصة ) : وحكى معي واعتزر من انه ما اجا عالمباركة

زياد : لا حول ولا قوة الا بالله، شو ناقصها البنت لحتى هيك يعترضوا ؟ زعلتيني عليها

مها ( مصدومة ) : جد ؟ يعني انت مو زعلان من آيات

زياد : يا بنت الحلال شو ازعل منها ؟ ما الها ذنب مسكينة والله قلبها طيب مثل ياسمين وهالبنات كلهم، بس عمر حظه قليل الله يكون معه

مها ( بتفرك بايديها ) : قال كاينة بدها رنين امه، بس عمر ما بعرف

زياد : هههههه ضحكتيني، ما احلاني والله، اذا عندي خمس بنات يعني استقلع منهم، كيف بدها تعيش مع واحد عقله مع وحدة غيرها ؟

مها : وانا هيك حكيت برضو، اصلا ما اهتميت للكلام

زياد : بالله عليكي يا مها انك تحكيلي اذا عمر محتاج اي اشي انتي فاهمة قصدي

مها : يا حبيبي، ما بتقصر والله، احنا على كل حال رح نوقف معهم عالاقل ازا ما قبل اشي بنقطهم اشي معدول

زياد : اه طبعا هاد اشي ثاني، بس عشان شايفة كيف حالته

مها : ولا يهمك

////

انتفضت من سؤال ماما، وكنت خايفة يكون حدا شافني وانا واقفة معه وحكى لامي ..

يا ربي شو اعمل بحالي، انا ليه هيك تغيرت فجاة وصرت افكر فيه زيادة ؟، معقول هو كمان بفكر فيي ولا بس بظهرلي اهتمامه بس يشوفني ؟

فرح : مو عارفة تنامي ؟

اسيل ( مصدومة ) : انتي صاحية ؟

فرح : لا تخافي ما حكيت لماما عنك

اسيل ( متلبكة ) : عن شو ؟

فرح : انك حكيتي مع انس لما كان يغسل بعد الغدا

اسيل ( بحاول اكون قوية ) : ما حكيت معه اشي، كان عم يحكيلي يعطيكي العافية، وحكتله صحتين

فرح ( برومنسية ) : مو مشكلة عادي، المهم خليكي طبيعية وما تبيني اهتمامك فيه لانه كتير جنتل وحلو

اسيل ( عصبت ) : نعم ؟ شو حكيتي ست فرح

فرح ( بثقة ) : عادي متله متل اي شب

اسيل : طيب نامي احسن ما اكسر اسنانك هلا، ناقصني

فرح : ههههه

////

احمد : سهرانين ؟

امجد / آيات / انس : اكيد

احمد : نيالكم انا مداوم بكرا

ياسمين : عاساس بتنام بكير حضرتك

آيات : هههههه

احمد : انتي بتسهريني

ياسمين : اه يا عليي بكوملك الجلي وبخليك تجليه كله قبل ما تنام

امجد : استغفر الله العظيم، هاي اخرته اخوي ؟ عالمجلى

احمد : سيبك منها، المهم كيف كان اليوم ؟ انبسطتوا ؟

انس : قال انبسطنا ؟ احكي روحنا غصبن عنا

امجد : يمة يا قلبي على جمالها خالتك اليوم، بحلف يمين عمك خارج التغطية كان

ياسمين : هههههههه هيني سجلت كلامك خليني اشوف شو رح يعمل فيك

انس : هههههع احمد لو شفت خالي هيثم شو عمل بامجد

احمد : شو عمل ؟

انس : رفعه من قميصه مثل الارنب ورفسه شلوط لاخر الغرفة

احمد / ياسمين / آيات : ههههههههههههه

امجد : هيهيهيهي عاساس يعني، المهم احمد بدنا نحكيلك شغلة مهمة هو ابوي رح يحكي معك بس قلنا بنعطيك خبر

احمد ( مستغرب ) : خير ؟ صاير اشي

امجد ( عيونه على آيات ) : عمر طلب ايد آيات واحنا وافقنا، بس في شغلة

ياسمين ( بفرح ) : جد ؟ الف الف مبروك

احمد ( بزور ياسمين ) : ايوا ؟ شو الشغلة

امجد : اهله او بالاحرى امه مو موافقة

ياسمين ( مقاطعة ) : مع السلامة اريح

احمد ( عصب ) : فوتي عالغرفة

ياسمين ( كاتمة ضحكتها ) : خلص سكتت

آيات ( بحزن ) : احمد والله انا ما بعرف اشي عن الموضوع، وتفاجات متلي متلكم

احمد : لحد هسة ما فهمت شو الخطبة اللي بتحكوا عنها ؟ اذا اهله مو موافقين كيف خطب ؟

امجد : اجوا اخوالك واخوه معه وطلبوها واحنا ردينا خبر، وبعد بكرا رح يجوا يتفقوا على كل اشي معنا

احمد : ابوي كيف بعطي شب بدون اهله ؟

آيات ( مصدومة ) : يعني انت مو موافق ؟

احمد : ... انتي على اي اساس بتوافقي كمان ؟ ما عمري حسيت انه في اهتمام منك تجاهه

ياسمين ( مقهورة على آيات ) : احمد !

آيات : ... صح كلامك بس كمان شو ناقصني حتى يرفضوني اهله ؟

احمد : يمكن عندهم وجهة نظر معينة تجاهك، سألتي حالك هالسؤال قبل ما تحكي شو ناقصك ؟

امجد : معلش احمد، وجهة نظرهم كلها بناءا على مشكلة امي مع ياسمين وعشان آيات هي اللي خبرت منار عن وجود ياسمين بالمستشفى حتى لو بدون ما نعرف مكايدها المخفية، العيلة كلها قلبت عليها وعلى امي

ياسمين : ... عفكرة احمد بالناقص من هيك حماية، منشفة دم ديمة خلي اختك ترتاح منها

احمد : والله ؟ يعني انتي كمان مرتاحة من حماتك اذا هيك

امجد : هي هي، دقيقة انت واياها لا تخلطوا الامور ببعضها

ياسمين ( مصدومة ) : شكرا حبيبي، يلا تصبحوا على خير

احمد ( بجمود ) : اهلين

امجد : يا زلمة شو مالك دقيت بالبنت ؟ يعني ما في مقارنة بالحماوات، امي غلطت بشرفها وبدك اياها تنسى ؟

احمد : لا تدخل انت، انا ومرتي بنتفاهم

انس ( عيونه على امجد وبومأله ينهي المكالمة ) : ...

امجد : ... ماشي، تصبح على خير ابقى تفاهم انت وابوك وصاحبة الشأن، صدق اللي قال يا داخل بين البصلة وقشرتها ما بنولك الا ريحتها

آيات ( نزلوا دموعها ) : ... احمد اعتبر حالك ما سمعت اشي ازا انت مو موافق، انا مستحيل اخطب بدون موافقتك

امجد ( مو عاجبه ) : شاطرة

احمد : يلا سلام

امجد : بدي انتف شعرك على هالكلام انتي، شو دخله احمد اذا ابوكي موافق ؟

آيات ( بتبكي ) : خلص امجد انا حظي وبعرفه، انسى الموضوع

انس : لا يا شيخة ؟ شو حظك ؟ مو شايفة اخوكي منهبل، اذا مع ياسمين هيك بحكي قدامنا ؟ صدمني اقسم بالله

امجد : الله يفرجها على هالبنت، فوق الغربة كربة

آيات : ... وكله بسببي

امجد ( عصب ) : اخرسي

انس : امجد ! مالنا ؟

امجد ( بصوت عالي ) : رجعت لنفس الموال، مدام كله بسببك ليه ما اخدتي امك غصبن عنها تعتذر منها مثل ما رحتي معها عشان تسمعي مسبتها باذنك، اه ؟؟

آيات : ...

امجد : حتى محاولة ما حاولتي، وبدكم ياسمين تنسى وتسامح بهالبساطة ؟

منى ( اجت فجاة ) : معك حق، بس ما تحكي مع اختك هالكلام احكي معي انا

الجميع : ماما !

منى : ... يمكن قلبي بتقطع من زعلها ومقاطعتها والله اعلم اذا رح تسامحني بيوم من الايام، بس انا اللي وصلت حالي لهالمرحلة، عند الغلط كنت متجراة اروح اغلط عليها وما فكرت ولا عديت حتى للعشرة بس عند المصالحة والاعتذار ما اجتني الجراة ابدا مع اني مؤمنة بانه قلبها كبير وبسامح لو عرفت اتعامل معها صح

آيات : .. احمد مو موافق على عمر بدون اهله

منى : ابوكي بحكي معه لا تخافي

انس : توكلوا على الله، بالنهاية النصيب بحكم

امجد : ... قولتك والله

منى : خلص اتركوها تنام بكرا عندها شغل من الصبح

آيات : لا عادي خليهم

امجد : نعست اصلا، تصبحوا على خير

انس : تصبحي على خير

منى ( قعدت جنبي ) : اهدي، احمد بس بحكي هيك لانه بعيد ويمكن تاخرنا لحدا ما خبرناه بس كنا مشغولين بموضوع خالتك

آيات : عادي، هو ادرى بمصلحتي

منى : لا مو ادرى، هي اقنعنا بصاحبه وخلانا نكتب الكتاب، وشفتي شو طلع منه بالاخر عشان هيك ابوكي ما خبره بما انه عمر وبنعرف وضعه فما في داعي نستشيره على كل اشي

آيات : قصدك بابا عنده نظرة تانية للموضوع

منى : بالزبط، فما تفكري كتير وخلي الامور تمشي برواق وما تهتمي بكلام حدا مدام انتي واياه بدكم بعض

آيات : وشو صار عند خالتو مها ؟

منى : كل خير الحمدلله، بس حنين ورنين مبين انهم لسا متاثرين ويا دوب سلموا عليي

آيات : اكيد، ولا شو اسمهم خوات

منى ( تنهدت ) : ... يلا تصبحي على خير نامي وارتاحي

////

احمد ( رفع الغطا عني ) : قومي اشوف

ياسمين ( رجعت غطيت حالي ) : ما بدي

احمد ( رفع الغطا ) : بدك تقومي، عنا حكي كثير قبل النوم

ياسمين ( بحقد ) : انا عندي ما في كلام، بدك تحكي احكي مع حالك، انا وحدة عديمة شرف واخلاق شو بدك فيي ؟ لو مكانك ...

احمد ( حط ايده على تمي وسكره بقوة ) : لا تكملي

ياسمين ( سكتت وما قاومت ) : ...

احمد ( نزل ايده تنهد وهرب بعيونه مني ) : ما عاش ولا كان اللي بده يجيب سيرتك، وحكيتلك هالكلمة ملايين من المرات، بس انتي بتتعمدي دايما تفتحي الموضوع، ما بدك تسامحي بكيفك انا ما بجبرك على اشي ابدا بس لا تجيبي سيرتها او تلمحي قدامي بأي كلمة عنها

ياسمين : ...

احمد ( اتطلع فيي ) : هاي امي يا ياسمين، امي، بتعرفي شو يعني ؟

ياسمين : ...

احمد : ما رح احكيلك شو يعني، لانه كم شهر ورح تصيري ام وتعرفي لحالك، وما في حدا فينا معصوم عن الخطا احنا بشر وكل بني آدم خطّاء

ياسمين : صدقني لما حكيت عن مرت خالي ما كنت قاصدة المح على اشي، بس انت حساس كتير بهالموضوع بالزات، حاول تأنى مرة تانية عشان ما توقع بدائرة الظلم واختك تاخد خطيتي

احمد ( نص ضحكة بصدمة ) : ولا يهمك

تركني وراح يجهز حاله للنوم، وانا كمان رجعت على مخدتي وعالمي الخاص ..

كنت لافة وجهي للجهة المعاكسة، وهو كالعادة نايم على ظهره، وايديه تحت راسه ..

طول اليوم واحنا مشاحنات، ومتوترين من ورا هالقصة ..

تعب قلبي وعم اوصل لحد الاستسلام، عم اتعذب كتير من هالموضوع اللي ما عم يتركني انام مرتاحة ..

حبي لاحمد عم يختلف مفهومه كتير، وكاني مو ياسمين اللي انولدت وكبرت ووعيت عليه وبموت لو بعدت عنه شوي ..

معقول الحب اختلف بعد الزواج ؟ ولا المشاكل هية اللي بتخلينا نختلف حتى عالناس اللي بنتنفس حبهم ..

////

ياسمين عم اتديق الدائرة حوالين رقبتي، وبكل مرة بنفتح فيها هالسيرة بحس حالي رح انخنق ..

تعبت يا ربي تعبت، متى رح ارتاح ؟

احمد ( عيوني عليها ) : ... تصبحي على خير

ياسمين ( ساكنة بمكانها ) : وانت بخير

احمد : طيب لفي وجهك عالاقل بس تردي

ياسمين ( لفت راسها شوي ) : وانت بخير، منيح ؟

احمد ( متفاجا، هزيت راسي وغمضت عيوني مع ابتسامة ممزوجة بقهر ) : ...

كان نفسي احكيلها بحبك واحضنها مثل كل ليلة، بس الظاهر انه هالاشي صار مستحيل ..

معقول اكون ضعيف مثل امي، لما اكون غلطان ما بقدر اواجه، وهاد الاشي اللي خلانا نوصل لهالمرحلة ؟ ..

بعد ربع ساعة <<

كنت نايم بنفس الاتجاه اللي نايمة فيه، وقربت ايدي شوي شوي على شعرها ومسكت اطرافه ..

ما كانت غافية، عرفت من رجفتها لما مسكت شعرها ..

شفت ابتسامتها حتى بالعتمة، كانت مبسوطة بحركتي حتى لو كانت بسيطة ..

احمد ( بصوت ضعيف ) : ياسمينتي

لفت حالها بسرعة، وتواجهت عيونا ..

ياسمين : نعم

احمد ( بلعت ريقي وايدي بتلعب في شعرها ) : بحبك، لو شو ما صار اعرفي اني جنبك ومعك انا مستحيل اتخلى عنك ابدا، ما بدي منك الا تستوعبيني شوي

ياسمين : ... ان شاءالله، وانت كمان لا تنسى اني لسا جواتي طفلة وبدها حدا يسايرها

قربت منها اكثر وحضنتها، كانت كلمة طفلة قليلة على وصفها ..

_______________________________

طلع الصبح عليي وانا بفكر بالخطوة اللي بدي اعملها اليوم، مع اني خايف اني اندم بس ما ضل قدامي حتى اريح ضميري واقدر انام وانا مرتاح ..

ام عدي : يلا يلا اجيت .. عمر ! ( حضنتني ) وينك يا حبيبي هيك بتغيب عنا ؟ وين رحت

عمر ( سحبت نفس عميق ) : هيني اجيت، كيف حالكم ؟

ام عدي : احنا قلبنا متل النار عليك وين اراضيك ما حدا بشوفك اختفيت بيوم وليلة

عمر : ... يمة، اسمعيني منيح انا ما بهون عليي اني اعيش بلاكم او اغضبكم لا سمح الله، انتوا اهلي ولحم اكتافي من خيركم بس ...

غنى ( اجت فجاة ) : عمووورة حبيبي واخيرا رجعت ( بتسلم عليي بلهفة ) اشتقتلك كتير

عمر : وانا اكثر، تعالي اقعدي جنب امي

ام عدي : احكي ماما شو قصتك ليه تركت البيت وما بترد على حدا فينا، حتى اخوك ما بعرف عنك ؟

عمر ( بقلب نظري بيني امي واختي ) : انا زعلان كثير وماخد على خاطري؛ لانكم حكمتوا عليي بدون ما تعطوني فرصة، طلبتوا من عدي يحكي معي قبل ما انتوا تحكولي شو في بقلبكم تجاهي، بس انا فضلت اني اجي واحكيلكم بنفسي كل اشي بدون ما ابعث حدا يوصللكم الكلام

غنى : فهموني

ام عدي : ... يعني انت تركتنا مشانها ؟

عمر : لا، انا ما حدا بعلى على مكانة اهلي عندي وانتي عارفة مين انا صح ؟

ام عدي : وهاد عشمي فيك يا امي الله يهديك حط عقلك براسك، صدقني انا بدي مصلحتك

عمر ( شبه عصبت بس تمالكت حالي ) : يمة، لا ترجعي تحكيلي مصلحتك انا مو ولد صغير، ما حدا بعرف مصلحتي قدي، يا ستي خليني اجرب واذا طلعت غلطان لا سمح الله بدفع انا الثمن مو انتوا

غنى : صح، وانا هيك وجهة نظري كمان وحكيت لبابا كتير والله

ام عدي ( مو عاجبها ) : يعني شو ؟

عمر : يعني انتوا اهلي وبالمقام الاول بحياتي، والزواج قسمة من ربنا ونصيب وبطيخة، ما حدا بعرف وين الخير ( قربت منها ومسكت ايديها بايدي الثنتين وبوستهم ) ما بدي الا رضاكم بعد رضى ربنا، جربيها بفترة الخطبة واعطيها فرصة

ام عدي ( سحبت ايديها بقسوة ونزلوا دموعها ) : ما بدك تفهم عليي، انا مو بس رافضة آيات، انا خايفة عليك من عمتك، ما الها امان، صدقني

عمر ( بصوت مهزوز ) : طيب ليه بتسحبي ايديكي مني ؟ يعني بطلت ابنك حبيبك هسة ؟

غنى ( دمعوا عيونها ) : ...

ام عدي ( بتبكي ) : ...

عمر : بس انا بحبها، شو اعمل ؟ اتزوج وحدة وامثل عليها ولا اعيش مع اللي اختارها قلبي ؟ احكيلي همة الاهل شو بدهم غير يشوفوا اولادهم مبسوطين بحياتهم ؟ شوفي ستي عمرها اتدخلت بينك وبين ابوي ؟ بين عمي هيثم وزينة ؟ كانوا يشوفوا اشكال الوان ويتركوا القرار بايد ابنهم صح ؟

ام عدي ( منهارة ) : ...

عمر ( حضنتها ومسحتلها دموعها ) : بدل ما يصير فيكي هيك، ارضي بالنصيب وانا بوعدك انه ما حدا يزعلك ولا يزعلني كمان، يعني معقول يصير اشي ابشع من اللي صار مع ياسمين ؟

ام عدي : ...

عمر : انا بجاوبك، اكيد لا، خلينا نحط حالنا باسوا الظروف شو ما صار وعمتي طلع منها اشي غلط، هي ياسمين اعطتنا الدوا وعملتنا كيف نتصرف، صح ؟

ام عدي : يعني هي القطيعة حلوة ؟ اكتر اشي بكرهه بالدنيا

عمر : يا عيني عليكي، طيب خلينا ننبسط مع بعض ونكمل هالحياة بطولها وعرضها اللي ماشية غصبن عنا كلنا واحنا بحب وحلاوة

غنى ( برجاء ) : يا ماما وافقي، والله كلامه صحيح وكله حكمة، ويمكن لو شب غيره ما سال عن اهله ولا اخد رضاهم وياما سمعنا سمعات

ام عدي : طيب شو بتفرق عنها رنين بنت مها ؟

عمر ( مصدوم ) : رنين ! شو جاب سيرتها

ام عدي : انا كنت حابة اخطبلك اياها، والله البنت واهلها ماشاءالله عنهم وعمتك مها حبيبتك وحبيبة الكل

عمر : على عيني وراسي، بس انا قلتلك بحب آيات ليه ما عم تفهمي ؟ انتي بتقبلي على بنتك يخطبها واحد جسد بدون روح ؟

ام عدي : كله كلام افلام، مع العشرة بيجي الحب

عمر ( فقدت اعصابي ) : يمة، انا بكرا طلبتي على آيات واحتمال كبير اكتب الكتاب بعد بكرا، اجيت ارضيكي لانه نفسي تفرحوا لفرحي وتوقفوا معي، واللي عندي حكيته، رقمي معكم اذا حبيتوا تغيروا رايكم انا بانتظار مكالمة منكم، سلام

ام عدي ( بتصرخ ) : عمرررر يا عمر لا تتركنا وتروووح، تعال خليك بحضني انا امك اللي بتحبك اكتر وحدة .. عمرررر .. الله ينتقم منك يا منى انتي وبنتك الله ينتقم منكم

طلعت بدون ما اتطلع وراي، رغم كلامها اللي قشعر بدني بسببه ..

ما عرفت شو ارد او احكي، لانه ستي طلعت على صوت صراخها وانجرحت من دعاويها على بنتها وحفيدتها ..

موقف لا احسد عليه واجهته اليوم، وما بعرف شو العواقب اللي رح تصيبني اكثر من اللي انا فيه ..

////

ام بيان ( بقلق ) : خير خير شو مالك ؟

ام عدي ( بتضرب على راسها وكفوف ايديها ) : راح الولد يا ليلى خلص راااح، لهفته مني الله ينتقم منها، من وينله ؟ كيف بعطوا واحد بدون اهله ؟

ام بيان ( متلبكة ) : والله والله يا آمال اني حكيتله ما يعطيه وما قبل قال ابن اخوي وما بتركه

ام عدي : حسبي الله ونعم الوكيل، بس بفرجها الله فيهم بكرا بتشوف بنتها كيف رح تتعذب، خليها تموت وترجع

غنى ( بتبكي ) : حرام عليكم، حرااام .. عندكم بنات احسبوا حسابنا بتفكيركم تزكرونا

ام عدي ( بغضب ) : انقلعي من وجهي انتي لسا حسابك ما اجا، قال حكيت لبابا، ان شاءالله بعدمك بدل ما توقفي معي ؟!

غنى : على شو اوقف معك ؟ ابنك بدل ما تفرحيله بتنبسطي انه رح يعيش بعيد عنك ؟ ليه ما تفكري انك تكسبيه بدل ما تخسريه ؟ حكالك كلام اجدع زلمة ما بحكيه، بس للاسف الحقد والكره عاميكي وعميتي بابا معك

ابو ماهر ( اجا فجاة ) : شو اللي سمعته يا ام عدي ؟ على مين بتدعي كنتي ؟

ام عدي / ام بيان : عمي !

ام ماهر : وعمى الدبب منك الها، اتفكتن على بنتي يا كليلات الاصل، ضليت طول عمري امدح فيكن واعتبركن بناتي بس يا خسارة

ام عدي ( بقهر ) : كيف بتقبل تعطي بنتها لواحد بدون اهله ؟

ابو ماهر : شو المانع ما يقبلوه ؟ الناس هالايام بتشتري زلام لبناتها، بس اللي تفكيرها على قدها مثلك ما رح تفهم هالاشي، على كل حال احفادي طول ما فيي نفس انا سندهم وما بتركهم، وماهر حسابه عندي .. امشي يا مرة

ام ماهر ( زورتهم ) : لاحكتك يا حج، حسبنا الله ونعم الوكيل باللي ما بخافن الله

ما قدرت اوقف امي وما بعرف شو رح يصير باخوي بعد اليوم، انكمشت على حالي بغرفتي وتخيلت حالي مكان آيات للحظة شو ممكن يصير فيي ؟ ..

بنفس الوقت اكيد رح يكون عندي شوية فرح؛ بانه في حدا بتحدى الدنيا بس مشان اعيش انا واياه تحت سقف واحد ..

////

ماهر : خير يابا شو القصة ؟ مالك معصب

ابو ماهر ( بغضب ) : انت اللي بدك تفهمني شو عامل بابنك انت ومرتك ؟ وليه انا اخر واحد بعرف ؟ معقول بتخبي عني انه عمر بده يخطب

ماهر ( بحزن ) : ... سامحني يابا والله ما قدرت اخبر حدا الا عدي، وما بعرف اشي عن الخطبة اللي بتحكي فيها

ام ماهر : ابنك طلب بنت اختك واهلها وافكوا وبكرا الطلبة، واخوتك واخوه واكفين معه وشادين على ظهره

ماهر : اه انا طلبت منهم

ابو ماهر : وانا وين رحت ؟ وانت شو مانعك توقف مع ابنك اه ؟ انا ربيتك تمشي على كلام النسوان ؟

ام ماهر ( بتبكي ) : اجا يراضي امه وما كبلت وراح وهي تدعي على اختك وبنتها

ماهر ( بلهفة ) : اجا ؟ متى ؟ يا الله شو مشتاق اشوفه

ابو ماهر ( بلهجة قاسية ) : هاد اللي طلع معك ؟ بكرا بتروح معنا نطلب البنت من اهلها، واذا منعتك مرتك لا انت ابني ولا انا بعرفك، فهمت ؟

ماهر ( بهز راسه ) : ...

////

منى : الله يطوللنا بعمرك يابا وما يحرمنا منك، وقفتك جنبنا ما بنساها

ابو ماهر : مع اني زعلان اني آخر من يعلم، بس الحمدلله لحقناهم قبل ما يطلبوها

منى : خاطرك على راسنا والله، احنا ما حبينا نتدخل ونخرب عليه لانه هيك بده واحنا مشينا على كلامه

ابو ماهر : مو قليل هالولد، طول عمره قوي وما حدا بقدر عليه ههههه

منى : االله يحميه، ابو احمد مبسوط كتير منه وبنفس الوقت مجروح مشانه ومو هاين عليه اللي عملوه اهله معه

ابو ماهر : ان شاءالله بنعوضه، ديري بالك على بنتك وعلى حالك وسلمي عليهم

منى : الله يسلمك بوصل

انس : يا حرام سيدي حزّت بنفسه اكيد

منى : كتير كتير متدايق، انصدم لما عرف اصلا

امجد : ههههه مسكين لساته من جماعة اللي بنصدموا

انس : بالله ؟ هاد اللي طلع معك

منى : ابوكم لسا بنصدم، اخر صدمة صابته لما عرف انه احمد اعترض

امجد : هههههههه زعلتيني والله

انس : بعين الله، بس متاكد انه احمد رح يغير رايه لما يعرف انه سيدي رح يطلبها

امجد : انت صدقت انه رافض يعني ؟ يا حبيبي عليك طلعت بدك فت خبز يا ولد هيهيهي

منى : شو يعني بمزح ؟

امجد : يا شيخة بجاكر بياسمين كان

منى : وشو دخلها يجاكرها ؟

امجد : بعدين بحكيلك، يلا انا طالع اشوف صاحبي وبرجع عالغدا

كيف امي رح تستوعب انه عمر وآيات حبوا بعض وياسمين هي اللي جمعتهم ؟، واحمد كمان كان يعرف وبستنى فيه يتحرك ويخطبها ؟ ..

اي انا يا دوب تحملت اسمع هيك قصة لما حكالي اياها احمد مبارح، وكان عقلي رح يطلع من راسي ..

قصي : اهلا، تاخرت

امجد : كنت باجتماع مغلق، طمني عنك ؟

قصي : بلا اكل الله وكيلك، امي صبحت عند ديمة تعبانة قال وانا بلاخم بهالبيت

امجد : هيهيهيهي سلامتها ام لسان رقم ٣، تعال هسة بعملك ازكى اكل المهم اسمع آخر الاخبار

قصي : مهو انا حسيت انه في اخبار مهمة من دقتك للباب

امجد ( بقلي بيض ) : لا الحاسة العاشرة شغالة صح عندك اليوم مع الجوع

قصي ( بعمل شاي ) : المهم احكي خلصني

امجد : عمر

قصي ( بقلق ) : ماله ؟ صاير اشي

امجد ( مستغرب ) : مالك خفت ؟

قصي ( استدرك حاله ) : لا لا عادي بس عشان حكيت اخبار عنه

امجد : طيب، المهم بكرا خطبته على آيات

قصي ( وقعت المعلقة من ايده وابتسم لا شعورياً ) : خطبها ؟ ( حرك راسه يمين وشمال ) قصدي مبارك يارب والتمام على خير

امجد ( رفعت حواجبي وقربت منه ومسكته من قبة بلوزته ) : نعم ؟ كنت تعرف صح ؟ ومخبي عليي وله

قصي ( بلع ريقه ) : انا ما بعرف عن شو بتحكي ؟

امجد : سخن الخبز وتعال اطعميك بعدين لحالك رح تعرف عن شو بحكي

قصي : ههههههه حبيبو لقلبي امجد، ما يحرمني منه المعدل

امجد ( مكشر ) : ولا يحرمني من لسانك اللي بنقط شاي

قصي : ههههه خلص هسة براضيك بس يلا مد ايدك

امجد : شكرا شبعان، يلا احكيلي شو بتعرف ؟

قصي ( باكل ) : هاد يا سيدي فجاة بين ليلة وضحاها لقيت وضعه متدمر وحالته حالة، ضليت احقق معه لحد ما اكتشفت انه عشقان بنت بس للاسف هالبنت كانت خاطبة ونصحته انه ينساها لحد ما شاء القدر انها تترك وهيك فضيتله الساحة وحلف ما يتركها تروح من ايده مرة ثانية

امجد ( فاتح ثمي ) : بالله ! كيف يعني عشقان وحدة خاطبة ؟ على مين بتتخوث انت واياه

قصي : اقسم برب الكعبة اني مصدوم اكثر منك كنت بهديك الايام، وحطيته تحت مراقبتي لحد ما صار الوضع امان هههه

امجد : لا صراحة ما قصرت، ولما صار الوضع امان وقضيتوها سواليف مع بزر المطلقات فلت الصمام وخربت الديار من وراكم وورى اللي بلحقكم

قصي : هههههههه

امجد : عشان اضحكك اكثر، اهله مو موافقين وجاي يخطبها لحاله

قصي ( بهز راسه وتنهد ) : بعرف، الله يكون بعونه والحمدلله ربنا عوضه فيكم، بس ما عرفت شو الاجراءات هسة ؟

امجد ( ولعت سيجارة ) : انت خلص اكل وبعدين بفهمك بالألم نشرح

قصي : يا حبيبي يا عمورة واخيرا رح اشوفك عريس

امجد : سد حلقك احسن ما ابتلى فيك اليوم

قصي : هههه غيران صح ؟

امجد ( ضربته طيارة على رقبته ) : ...

قصي : هيهيهيهي خلص ان شاءالله بنفرح فيك عن قريب يلا شد حيلك ووقعلك وحدة بسهام حبك النارية

_______________________________

مها : اهلا وسهلا، شو هالصباح الحلو هاد

سيرين : اهلين فيكي، اكيد قصدك عن مرت اخوكي انا كل يوم بوجهك

رانيا : ههههه ما اقواكي

مها : لا هي قصدها تفضيلك الساحة وتشيل الاضواء عنها

حنين : كيف كانت الليلة ؟

سيرين : حلوة

رانيا : الله يعطيكم العافية، طيب شو خليتولنا نساعدكم ؟

رنين : لا ولو ما احلانا ومخلينلك كمان، ناقصك تعب فوق الحمل

رانيا : حبيبتي كلك زوء، بس عادي الحمدلله صحتي منيحة

مها : شوفي كيف آدم وامير بلعبوا، كانهم كبار ومنسجمين

اسيل : من هلا بهيؤونا للمستقبل

مها : الله يحميهم

سيرين : كيف ريونة اليوم ؟ يمة الحلاوة اسبوع وهيك اسم الله كيف بس يكبر ؟

مها : عيونك الحلوة يا بنت خالتي، ان شاءالله بخطب بنتك

رانيا : هههههه مها بدها تخطب بنات بنات خواتها

رنين : مهمة اخواني جايين مع الاحفاد، لحقناهم تلحيق الله وكيلك

سيرين : بدها تناسبني انا واخوي خلي بالك ها، شفتي كيف اللي بده ينقي بنات ؟ هههههه

مها : ههههههه حاليا سلمى عشنها حلوة نقيناها وباقي المواصفات تبعا لاهلها وحسبها

حنين : توكلي على الله، بكرا علاء بطلع عيون ابنك ازا شافها بتحكي معه

الجميع : هههههههه

سيرين : رنت عليكي ياسمين اليوم ؟

مها : لا والله مختفية صحيح، متل هالوقت بتحكي معي بتكون تفطر

رانيا : ابصر عرفت عن آيات ؟

حنين : ازا حكوا لاحمد بحكيلها اكيد

سيرين : مهي اصلا بتحكي مع آيات يعني ليه ما تعرف ؟

رانيا : جد ؟! بفكر ما بتحكي معها

حنين ( عيونها على سيرين ) : ...

مها : لا عادي علاقتهم ما توقفت

سيرين : الله يديم المودة ويديم امهاتنا فوق راسنا، احنا صعب نفترق عن بعض

////

سهى : كيف صرتي ماما ؟

ديمة ( بصوت ضعيف ) : الحمدلله، يمكن احسن شوي

سهى : يا حبيبتي مو ناقصني يصير فيكي اشي، ديري بالك مو هيك تهلكي حالك شغل

ديمة : ... ما اشتغلت والله بس ما بعرف مالني

سهى : الله يقومك بالسلامة ويهون عليكي، هيك الحمل وهن على وهن

ديمة : لحد هلا مو متخيلة انه توام، ماما كيف رح يصير شكلي بالحمل ؟

سهى : احلى شكل لا تفكري من هالناحية، خلي تفكيرك كيف تربيهم وتهتمي فيهم وتوفقي بين اولادك وزوجك وبيتك وحياتك الخاصة، لساتك صبية باول عمرك اهتمي بنفسك وشكلك وهواياتك عشان نفسيتك اتضل مرتاحة وعودي زوجك يكون ايده على ايدك بكل وقت

ديمة : ههههه ما اسهل الحكي، يا ستي مو غلط المحاولة

كان عقلي عند آيات، يمكن قد ما بكيت عليها مبارح صبحت مريضة ونفسيتي تعبانة ..

نفسي افضفض لماما واحكيلها، بس خايفة تروح تحكي لحدا ويوصل خبر لحماتي وتخرب فرحة آيات ..

////

حمزة : وعليكم السلام هلا يمة .. لا صاحي عادي ولا يهمك .. اه الحمدلله مين حكالك ؟ .. شوفي ؟ .. وحدي الله شو هالحكي ؟ مستحيل .. طيب طيب انتي بس لا تهكلي هم وانا بعرف اتصرف .. ولا يهمك .. سلام

شو هالحكي اللي حكتلي اياه امي ؟ ما توقعت يكون تفكيرها هيك ؟ ..

بس كمان سيرين اهلها كثير شادين على ايدها وما بحسهم مهتمين للموضوع مثل اهلي، يعني كلام امي يمكن يكون صحيح ..

معقول كل وقفتهم معنا بزواجنا وموافقتهم على خطبتنا من الاول يكون لنفس السبب ؟، لا لا ما اظن ..

شو ناقصني انا حتى ما يزوجوني بنتهم ؟، لازم احقق بالموضوع حتى اتخلص من هالشكوك اللي زرعتها فيي امي ..

بس كمان فحوصاتنا ما فيهم اشي، ياربي شو هالاختبار اللي حطيتني فيه ..

شو لازم اعمل حتى اتاكد ؟ ..

_______________________________

في اليوم التالي <<

ابو احمد : يا اهلا وسهلا شرفتونا

ابو ماهر : يا حيا الله فيك، وجزاك الله كل خير على استقبالك لابنا وتفهمك لوضعه واحنا اجينا اليوم نصلح الامور حسب الاصول

ابو احمد : عمر ابني مثل ما هو ابنكم، وعمري ما اعتبرته الا هيك

ابو عدي : تسلم يا غالي، سامحني على تقصيري

منى : الله يسامحك ويهدي مرتك ويهدينا جميعا

هيثم : طيب يلا الصياد بتقلى والعصفور بتسلى، شوفوا كيف متوتر ؟ ههههه

بعد ساعتين <<

محمود : مبارك يا عرسان

عمر / آيات : الله يبارك فيك

امجد : احمد بباركلكم كمان، وياسمين

آيات : اه بعتتلي

ابو عدي : الله يجمعنا فيهم قريبا ويفرحنا بوجودهم معكم ببيتكم

منى : الله يسمع منك

ابو احمد : براحتها، اللي هية بتفصله احنا بنلبسه

ابو ماهر : ياسمين ما بتفصل الا كل خير، هالبنت منبتها من بيت اصل واخدت اللي مثلها

امجد : يطول عمرك يا غالي

عمر : مبسوطة ؟

آيات : اكتر اشي مبسوطة عليه وجود خالو معنا

عمر : اه والله، ما صدقت حالي لما شفته معهم، المهم شو رايك بكرا نكتب الكتاب ؟

آيات : ليه ما حكيت هلا قدامهم ؟

عمر : حبيت اسالك اول، يمكن مو مستعدة تكوني او صعب تاخدي اجازة

آيات : امممم تمام بسال وبردلك جواب ازا بقدر اخد اجازة لو نص دوام

////

سهى / نهى / مها : مبارك يا رب التمام على خير

منى : الله يبارك فيكم

نهى : اجا ماهر بالله ؟

منى : اه اجا، ابوي حكاله ازا ما اجيت لا انت ابني ولا بعرفك

مها : لازم نوصل لهالمرحلة يعني ؟ لا حول ولا قوة الا بالله

سهى : ستي الفرحة للعريس والجري للمتاعيس

منى : هههه قولتك، تعالي شوفي الرومنسية عنا والنظرات اللي من تحت لتحت

نهى : طلعت المي ماشية من تحت العيلة كلها

سهى : هي وقفت عليهم يعني ؟ خليهم اجا دورهم وعقبال الباقي، المهم الرجال روحوا ولا بعدهم عندكم ؟

منى : لساتهم، خليهم منسجمين

مها : يا ريتنا اجينا احنا كمان

منى : يوم كتب الكتاب ان شاءالله بعمللها لمة عائلية وبنفرحها شوي

نهى : شو رايك اعملها ببيتي، والله بنبسط كتير

منى : يييي الله يسعدك ما بتقصري

نهى : لا خلص جد بحكي الحفلة عندي وهدية مني، هلا بس يرجع ابو علاء بنسق معه ان شاءالله

منى : تسلمي، يلا خليني اشوف الشباب ازا بدهم اشي صوت ضحكهم طالع ومهيصين وبعلقوا وما خلوا حدا من شرهم

مها : هههههه سلام

////

علاء : يعني طلعت كاسة الشاي وقلاية البيض تاثيرها عليك مثل القهوة مع الشوكولا

قصي : هشششش وطي صوتك ليسمعك عمر هسة يشلني

امجد : خويفة وله، انت لازم خبرتنا واحد واحد برقم مجهول وعملت اللي عليك وكسرت الخط

عدي : هههههه افكارك يا كرافت

علاء : كيف اقنعتوا ابوك ؟

عدي : ما حكالك هيثم، سيدي حكى معه

علاء : اااه صح، يلا الحمدلله مرقت على خير

امجد : يا ريتك هون يا احمد، والله وجوده غير شكل ببيتنا

عدي : الله يرجعه بالسلامة، وان شاءالله بلاقي شغل هون وبخلص من كل الغربة

علاء : اه والله، قال اله سنة يا بي الايام

قصي : قال جاييه ولد كمان، ومرته ياسمين اللي لحقتها السنة الماضية اراضيها عشان سافر وتركها

////

احمد : الحمدلله عدت على خير

ياسمين : اه والله، يا حرام خالو ما قدر يتركه

احمد : بس عمر ما قبل اي مساعدة منه، ما بعرف شو رح يصير فيهم هدول ؟ ومتى عرسهم الله اعلم

ياسمين : معك حق، الله يفرجها عليه ويرزقه

احمد : بحكي معه ان شاءالله وبنتفاهم

ياسمين : وعمو ما قصر، ساعده بموضوع المهر كتير، فعلا الرجال ما بتنشرى بفلوس

احمد : ابوي حتى وقت محمد ما طلب اشي كل اشي عملوه كان من نفسهم

ياسمين : لا تجيب سيرته، ما بعرف كيف صار هيك نصيب كان هية ولا ديمة

احمد : الحمدلله محنة وراحت

////

بيان : مبارك

غنى : الله يبارك فيكي

بيان : انبسطت مشانهم، الله يهنيهم

غنى : وانا، الحمدلله عدت على خير

بيان : معقول يكتبوا الكتاب ؟

غنى : ما بعرف، كانه حكى رح يكتب

بيان ( بحسرة ) : نيالهم

غنى : لا تزعلي بيان، كل اشي لخير

بيان : الحمدلله، الله يبعتله بنت حلال تستاهله وتعرف قيمته

غنى : وانتي كمان الله يعوضك بحدا يحبك ويتمنى رضاكي

////

ريم : الف الحمدلله

سيرين : ...

ديمة : ايدي على قلبي كانت، تخيلت حماتي باي لحظة تكبس عليهم

سيرين : اقلبيلنا اياها فيلم انتي

ريم : ههههههه الله يثبت عليكي العقل

ديمة : هية خلت فيي عقل

سيرين : المهم اسمعيني انتي واياها، رانيا بتحاول تعرف شو سبب ترك بيان لامجد

ريم : واكيد ما حكتيلها

سيرين : اكيد، ما احلاني وحاكية

ديمة : فعلا الواحد يعمل حاله مو عارف

سيرين : ما انا حكتلها ما بعرف

ريم : اوعي يا سيرين تحكي اي اشي لرانيا

ديمة / سيرين ( باستغراب ) : ليييه ؟؟

ريم : كله بتحكيه لخالو، وهاي الامور الحساسة اللي بتخص بنات العيلة خالك بحمى عالاخير

ديمة : هههههه نشمي

سيرين : دمه حامي علينا الله يحميه

ريم : زيادة عن اللزوم

ديمة : مالك قالبة عليه حاسستك ؟

ريم : لا عادي بحكي

سيرين : ما حدا قالب غير زوجي الحمدلله

ديمة : ماله التاني ؟

سيرين : قال حس من كلام عمو زياد انه متدايق مني فخلص ما في داعي اضل رايحة جاي عندهم، ومن هالحكي

ريم : يا لطيف، احساسه فظيع اسم الله

سيرين : الله وكيلك ما سمحلي اتنفس، اعطى اوامره وراح على الشغل

ديمة : وافرضي خالتو احتاجتك ؟ طيب ما انتي قربتي اتداومي يعني همة هالكم يوم معطلة بس

سيرين : اااخ بكفيني اللي فيي من ورا امه وكمان جاييني

ريم : يا حبيبتي، الهي يكرمك بكرمه ويعوضك ويعمي عيونهم عنك

سيرين : امييين يارب، والله تعبت وخالتو مها كتير بتخفف عني مو متخيلة ما اشوفها كل يوم

ديمة : يختي ازرقي عندها هو كاشف عليكي من دوامه ؟

سيرين : مستحيل اعملها، بحس هاد

ريم : كلهم هيك والله يا ديمة، حتى لو كنتي مكانها ما رح تقدري تعملي هيك، ضميرك ما رح يريحك

سيرين : يلا فترة وبتعدي وبتخلص خالتو نفاس وبرجع الوضع طبيعي

ديمة : وينك ياسمينتي

ريم : كتير خافف كلامها ومبطلة تبين، الله اعلم شو بصير معها كمان ؟

ديمة / سيرين : خير يارب

ج٢ :

ابو قصي : يلا بيتكم عامر بالافراح دوم

ابو امير : التمام على خير عمي عمر بارك الله لكما

عمر : يبارك فيك عمي عقبال اولادك

ابو احمد : بكير يا جماعة

ابو علاء : لا يمل والله، بس احنا وانت عنا دوامات الصبح

امجد : شرفتونا والله

ابو ماهر : يلا الدور الجاي عليك، خليك زلمة مثل صاحبك

عمر / قصي / أنس : ههههههه

ابو بيان : والله ما عاش اللي يحكي عنه مو زلمة، امجد ما في منه بس الدنيا هيك قسمة ونصيب

ابو احمد : تسلم تسلم، والله يبيض بخت كل هالبنات ويهدي بالنا عليهم

هيثم : اه والله البخت الكويس بريح البال، ديروا بالكم على بعض والرضى نصف المعيشة

آيات : حاضر خالو

هيثم : الله يسعدك يا خالي ويهنيكي، لابقين لبعض صراحة

علاء : مبارك يا بنت خالتي، وانت ابو عمير بتحطها بعيونك ها

آيات : الله يبارك فيك

منى : ما بده توصاية الله يرضى عليه

ابو عدي : بارك الله فيكم جميعا، سامحونا مرة ثانية عالتقصير

ابو احمد : له الله يسامحك

ابو ماهر : استودعناكم، السلام عليكم

الجميع : تصبحوا على خير

_______________________________

ريم : رح اوقع من التعب

علاء : سلامتك حبيبتي، الله يكون بعونك

ريم : الله يسلمك، ايوا طمني كيف الوضع ؟

علاء : من احسن ما يكون، الله يتمملهم على خير

ريم : اللي عمله سيدي ما بنوصف صراحة

علاء : اي من الاول هيك، ضروري هالدراما يعني ؟

ريم : ههههه مهي خالتو مها بتحكي لازم نوصل لهيك مرحلة

علاء : انبسطت بجية ابو امير، والله انه قلبه مثل العسل هالزلمة

ريم : الحمدلله، يارب يهدي بالنا ويغير هالحال لاحسن، ديمة كانت طول اليوم على اعصابها وتعبت وامي راحت عندها ما استرجت تحكيلها اشي خوفا من انه مرت خالي تعرف بالغلط

علاء : تعبت حالها عالفاضي اختك، ابنها راح براسه وخبرها، بس الله يسامحها العتب عالنظر

ريم : انداري عنها، حاملة السلم بالعرض اخرتها تندم عندها كناين كل الحماوات بتمنوهم

علاء ( غمزتها ) : بس امي محظوظة اكثر منها يمكن ؟

ريم ( خجلت ) : ما بعرف، اسالها يمكن رايها غير

علاء ( حضنتها ) : انا متاكد من رايها بدون ما اسال

ريم : بس انا محظوظة فيها اكتر، الله يطوللنا بعمرها هي وعمو وما يحرمنا منهم

بتجنني يا احلى زوجة بالدنيا، كلام كثير نفسي احكيلك اياه بس بقلبي بحتفظ فيه لانه لساني صار عاجز عن التعبير ..

لما الانسان ينوي يعيش بسعادة، ربنا بيسرله طريقها وبمشي فيها بدون اي برتوكولات ..

ولما ينوي التعقيد، الحياة من حواليه بتصير صعبة ومهما حاول يغيرها ما بتتغير ..

////

ابو علاء : الله يجزيكي الخير، فكرة رائعة وهيك كل الاطراف بتكون راضية

نهى : انا خطر ببالي هيك بشكل عفوي قلت بعقلي بيتنا اوسع وفي مجال تنصمد عروس وبنفس الوقت بخفف على منى شوي وبفرح هالبنت

ابو علاء : لا تفكيرك بمحله من جميع النواحي، الاثنين غاليين علينا وبدنا نبسطهم

نهى : وانت غالي عالكل، الله يطول بعمرك وتفرح باحفادك يارب

ابو علاء : اااخ معقول يجي هاليوم ؟ اي سلمى لحالها ماخذة عقلي من هسة، شو بده يصير فيي بس يجي غيرها واشوف هالبيت مليان

نهى : ههههه نيالها سلمى خانوم، بطلعلها حبيبة سيدها وستها

ابو علاء : اه والله بطلعلها، يلا خبري العريس عالسريع خليه يبدا باجراءات كتب الكتاب

نهى : اه يلا هلا برنله

////

عدي : شغل افلام انتي، ما بدك تعقلي ؟

ديمة : هههههه لا

عدي : مو حرام عليكي تعمل هيك بامك ؟ وخليها تعرف امي صدقيني لو ما راح عمر انا كنت بدي اروح

ديمة : والله ؟ بس مو هيك كان الاتفاق سيد عدي ولا نسيت ؟

عدي : يا بنت الحلال والله انها زودتها، ما بصير نخلط الامور ببعض، اللي صار بين عمتي وياسمين اشي وانه عمر يخطب بنتها اشي ثاني، يعني خلينا نكون واضحين بيني وبينك، الصور لو وقعت بايد امي كان عملت اكثر من عمتي

ديمة : ...

عدي : ويمكن امك كمان، وكل النسوان هيك بتصرفوا بدون عقل

ديمة : يعني الرجال احسن ؟ نسيت عمو زياد لما احمد اجا عالمستشفى وما خلاه يشوف ياسمين ؟

عدي : شفتي كيف انتي كمان بتخلطي ؟ شو دخل هاد بهاد ؟

ديمة : هههههه شو بعرفني المهم ادافع عن النسوان كأنثى تعرضت للاتهام الجماعي

عدي : طيب نامي شو رايك ؟ بلكي بتحلمي بمحكمة وبتدافعي قد ما بدك، قال اتهام جماعي

ديمة : هههههع

عدي : لا حول ولا قوة الا بالله، الله يعيني عليكي بس

ديمة ( رمتلي بوسة بالهوا بدلع ) : بحبك عدوشتي

عدي : نيالي ههههه الهبل في دمك

الحمدلله اللي فرحنا باخوي وطمن بالنا عليه، وما بنتمنى غير الله يهديه ويلين مخه شوي ويقبل نمدله ايد المساعدة ..

لسا قلبي ناقزني ومو متطمن من هالناحية، لانه حتى لو ابوي اجا على طلبته بس قلب عمر مليان وحالف ايمان معظمة انه يتغير ويحط حدود الله وحده اعلم فيها ..

////

ابو احمد : يعني نويتوا بكرا ؟

عمر : ان شاءالله، بما انها قدرت تاخذ اجازة من الصبح بنطلع نفحص ثلاسيميا وبعدين عالمحكمة نكتب الكتاب

منى : وبعدين شو ؟

آيات : شو ؟

عمر : دقيقة عمتي نهى بترن .. هلا هلا عمتي الله يبارك فيكي .. الحمدلله بخير .. ما بتقصري .. صلي عالنبي .. معلش انا وخطيبتي متفقين عالموضوع هاد بالذات ومو ماثر علينا .. الله يجزيكي الخير ما قصرتي بس سامحيني ما بقدر .. منا حكتلك اللي مفكرين فيه ومخططينله من اول يوم .. توكلي على الله مبسوطين والحمدلله .. العرس عالتساهيل بس مو قبل ست شهور من اليوم .. امين يارب تصبحي على خير

منى ( مصدومة ) : ليه رفضت ؟

عمر : انتي بتعرفي شو حكت ؟

منى : والله اقترحت عالواتس لما باركتلي هي وعماتك، انا تشكرتها بس ما اعطيتها جواب

آيات : شو القصة عمر ؟

عمر : بدها تعمللنا حفلة خطبة بسيطة ببيتها تعبيرا عن محبتها وفرحتها فينا، وحكتلها انه احنا متفقين من البداية ما في حفلة لانه قدرتي ما بتسمح ورح نعوضه بالعرس ان شاءالله

آيات ( بغصة ) : اكيد ان شاءالله، حبيبتي خالتو نهى الله يسعدها

امجد : ...

ابو احمد : اللي بتشوفوه مناسب الكم اعملوه

منى : بس ما فيها اشي لو وافقت عمتو يعني اعتبرنا عملناها هون ببيتنا هي بس عشان بيتها اوسع

عمر : انا ما بدي عمتي لا هون ولا باي مكان، معلش اسمحيلي اكمل خطتي اللي بنيتها بالخطوات اللي بتريحني

آيات : عادي ماما وانا كمان مو جاي على بالي اعمل حفلات، العرس بكفي وبوفي اصلا

عمر : يا عيني عليكي، يلا تصبحوا على خير لازم اروح هسة وان شاءالله الصبح باجي

امجد : ما رح افطر بدونك

عمر : يا حبيبي عليك، اصحى من النوم انت اول بعدين تسابق معي

امجد : يسعدلي اياه نحّول، عشنا وشفنا

انس : هههههه لازم تختموها يعني

آيات : بدمهم ههههههه

منى : بلشنا، واضح انه معند عالاخر وحاقد ومو مخلي عنده لا عزيز ولا غالي

ابو احمد ( تنهد ) : اريح لراسه، يعني احكيلي يعمل حفلة والكل يسال وين امه ؟ شو نجاوب، خليهم مستورين احسن

منى : طيب مهي عائلية بس النا عشان نفرح هالبنت، وللعرس بفرجها الله

ابو احمد : ما بعرف، ابن اخوكي وتفاهمي معه يلا خليني انام عشان اقدر اروح مع البنت بكرا

منى : وانا بدي اروح معها كمان

انس : ماله عمر ؟ ليه هيك عمل

آيات : خلص هو حر ما بده يكون اله اشي على حدا، بكفيه اللي اتداينهم

امجد : ... المهم تكوني انتي راضية كمان

آيات : انا راضية طبعا، كلها مظاهر عالفاضي وتكاليف ما الها داعي هيني عملت حفلة وبفندق شو استفدت ؟

انس : يلا ربنا يهدي بالك

احمد : طيب عادي ما فيها اشي، هو بدا طريقه هيك وبدها تتحمل وتشاركه وتوقف معه عالمرة قبل الحلوة

امجد : يلا قولتك خليها تتعود، لسا الجاي اصعب

احمد : شو اخبار انس ؟ متى دوامه

امجد : مبسوط ما حدا قده، تصالحنا مع دار حماه هههههه والدوام مع الجامعات قربنا خلص

احمد : دار حماه ؟ من كل عقله

امجد : والله يا حبيبي هي كمان مبسوطة، اسكت راحت عليك مشاهد كثيرة

احمد : بعد الخاتم عنده ؟

امجد : ئي، ٢٤ ساعة ببوس فيه هيهيهيهي

احمد : الله يثبت علينا العقل والدين، بطلع منه هال...

امجد : اشطر مني ومنك، عالهسي الله وكيلك وبعد التوجيهي مو مخلي سواقة على شياكة على تخطيطات مستقبلية تقول كنا كاتمين على نفسه وانطلق

احمد : يلا بطلعله، الله يوفقه ويحقق اللي بحلم فيه

امجد : امين، والله بستاهل ليه الحكي ؟ حرث حراثة لحكى بكرا العيد، عقبال اولادك

احمد : ههههه واولادك، يلا سلام حان وقت النوم

امجد : سلام

_______________________________

ام بيان ( بتشرب قهوة ) : وهاد ياستي كل اللي صار

ام عدي ( حطت فنجانها عالطاولة ) : ماشي، بصير خير

ام بيان : بس ما اقواهم، محمود ولا رضي يحكيلي كم اعطاه خليت بيان تفتحلي تلفونه تشوف حسابه شكله ماخد الفين

ام عدي : عطية ولا دين ؟

ام بيان : ما بعرف

ام عدي : اكيد اخد من ابوه كمان وهيثم طبعا رح يعطيه وعمي بلا شك

ام بيان : ازا كل واحد دينه الفين بتزوج احسن جيزة

ام عدي : بس ان شاءالله يكونوا دين مو عطية

ام بيان ( مستغربة ) : ليه ؟

ام عدي ( بخبث ) : بعدين بتعرفي، تفرجي وشوفي بعينك

ام بيان ( بنفسها : يمة ما اقواكي، منيح ما خطبتي بيان كان نشفتي دمها )

ام عدي : المهم متى خطبتهم ؟

ام بيان : ما بعرف، بقلك بسحب الحكي منه سحب، يا دوب حكى هالكلمتين وحط راسه ونام

ام عدي : ووين شطارتك ياحبيبتي ؟ كيف بتخليه ينام بدون ما تعرفي الاخبار، يلا خليني اشوفك شو رح تعملي مشاني، ازا عندي غلاوة عندك

ام بيان ( بدهاء ) : لا انا ما بحب تكون علاقتنا لمصلحة، انا ومحمود كل اشي بيناتنا لحال بعيد عن الامور الخارجية

ام عدي ( مو عاجبها ) : الله يخليكم لبعض

ام بيان : امييين

////

المأذون : بارك الله لكما وبارك عليكما وجمع بينكما في خير، اوصيكم بتقوى الله وادعوه ان يرزقكما الذرية الصالحة

ابو احمد / ابو عدي / علاء / عمر / امجد / هيثم / منى / آيات : امين

هيثم : مبارك يا عرسان للمرة المليون

عمر / آيات : الله يبارك فيك

طلعنا من غرفة الكاتب في المحكمة، واول ما وصلنا باب المحكمة، تعانقوا قدامنا وكانه ما حدا بالمكان غيرهم ..

كانوا طايرين والدنيا مو واسعتهم من الفرحة، والحب اللي جمعهم اكبر من اي تحدي بواجهم ..

عمر ( برومنسية ) : بحبك، هسة بقدر احكيلك اياها وانا مرتاح

آيات ( بخجل ) : وانا بحبك، واخيرا عمر احنا سوا

عمر ( مسك ايديها ) : اوعديني آيات ادينا واراوحنا وكل جوارحنا ما تفترق

آيات ( عيونها بعيونه ) : بوعدك بكل دقة قلب اجدد عهدي معك

ما كانوا منتبهين انه احنا واقفين وراهم وسامعين كلامهم، اللي كان كفيل ينزل دموعنا ويطلق العنان لالسنتا بانه ندعيلهم بالتوفيق بحياتهم وسعة الرزق ..

ابو احمد : يلا يا جماعة كل واحد على شغه

عمر / آيات ( بصدمة ) : اه ؟ يلا

هيثم / امجد : هههههه

طلعت معه وراحوا على الصيدلية يوصلها تكمل شغلها، وهو كمان تسهل وربنا بس بعرف شو بخطط ..

هيثم : طولي بالك

منى ( بتبكي ) : قلبي ناقزني يا هيثم، والله خايفة

امجد : يمة نصيبها وبدها ترضى فيه، هي اختارت واحنا عملنا اللي علينا

علاء : والله يا خالتي كل شدة وبعدها الرخاء، كلنا عارفين الحب ما بطعمي خبز، بس كمان الحب اساس حياة حلوة واثبات على اصل الشريك انه بقدر يتحمل شريكه بكل ظروف حياته

امجد : يا سلام، هي الحكي الصح يلا عازم حالي عالغدا عندك بهالمناسبة السعيدة بما انه اختي صارت سلفة بنت حماك

هيثم / منى : هههههههههه

علاء : بدون ما اختك تصير سلفة بنت حماي تفضل عالغدا

منى : والله زمان ما زرتكم يا علاء، حقكم عليي خالتو

علاء : طيب يلا تفضلوا ما بدكم عزيمة، وعشان مرتي ما تحقد عليي بجيب غدا جاهز

هيثم : يا حرام نهى انكسفت، كان نفسها تعمل حفلة

علاء : امي من الزهق مو عارفة شو تسوي، خايف بكرا تخطّب سلمى وتعزمني عندها عشان النقوط

امجد : ههههههه مسكينة خالتي بكفيها مبلية فيك

منى : على سلامته، ان شاءالله بنشوفلك مصطفى عن قريب

هيثم : اه على طول، هاد ابن اختك مو خرج خلفة ولا بحب يعمل عيلة

علاء : الله يسامحك بس، على كل حال انا ساكت عشان راكب بسيارتك

هيثم : وانا ساكت عشان جاي اتغدى عندك هيهيهيهي

امجد : طيب خليك عاليمين عشان نجيب الغدا معنا

منى : يييييي طيب خبر مرتك خالتو

هيثم : خليها مفاجاة، مسكينة متعودة عالصدمات من كثر ما شافت منه

علاء : يا حرام حزنتني عليها

امجد : صار عنا فضول نعرف شو هالصدمات، علاء شو عامل باخت سلفة اختي ؟

منى : هههههههه يخزي شيطانكم يا اولاد بعدين معكم ؟

هيثم : حشاشين، شو كاينين اتطعموهم وهمة صغار ما بعرف الله يسامحكم يا خواتي

علاء / امجد ( بحزن ) : الله يسامحك يا ستي اهئ اهئ اهئ

هيثم : نميل نجيب قصي عشان يكتمل الفريق ولا نرتاح منه اليوم ؟

علاء : مداوم قصي، راح يزبط برنامجه

ريم ( بلخمة ) : يييي كم بدكم ؟ الله يسامحك بس الله يسامحك

علاء : طولي بالك، ما في حدا غريب انتي بس البسي عشان امجد معنا

ريم : ما انا عشان هيك بحكيلك، غاسلة كل اواعيي

علاء : استغفر الله العظيم، البسي اواعي الصلاة بكفي

ريم : ما بعرف اتحرك فيهم وعندي ضيوف، خلص هلا بكويلي شغلة وبلبسها

علاء : يلا بسرعة

هيثم : شو عملت فيها ؟ سامع عياطها من الواتس اب

علاء : ول !

امجد : هههههه بقول الحاسة العاشرة عند قصي من وين جايبها، طلع مخول

منى : الله يسعده ويسعد خاله

هيثم : حبيبة قلبي ام احمد، طبعا مرتي هسة بتكون بتطبخ هههههه تواسطيلي عندها اه ؟

علاء : يلا امجد فرجيني شغلك

امجد : انا مستقيل حاليا بسبب انشغالي في الدراسة،بخلي مرت اخوي بما انها فاضية هالايام تشتغل

علاء : ههههههه عاساس بتفرق معها فاضية ولا مشغولة

هيثم : ما اسوا نواياكم، اصلا مرتي بتحبني ومستحيل تزعل مني

امجد : اه عشان هيك بترج قاعد، تعرفت عليك اليوم ما انا تمرق عليي هالكلام

منى : ولك اسكت، شو هالحكي ؟ حدا بحكي هيك مع خاله ؟

هيثم : شايفة شايفة

منى : الحق عليك انت دلعتهم، خلص كبروا وانت كبرت كمان

علاء : يلا اسبقوني عالبيت وانا بجيب الغدا وبرجع

امجد : نازل معك استنى

هيثم : بدي اجيب حماتك محرم تفوت معنا

علاء : جيب اللي بدك اياه، سلام

////

مها : وينك غاطة انتي ؟ مبطلة تسالي ست ياسمين

ياسمين : الله يسامحك بس قلت بريحك مني شوي عشان انتي مو ملحقة ولازم تنامي قد ما تقدري

مها : طيب بس مو هيك ئي، احكيلي شو اخبارك ؟

ياسمين : عادي متل ما انا، اكل ونوم

مها : واحمد كيفو معك ؟

ياسمين : برضو متل ماهو، لا جديد

مها : يا لطيف شو هالرتابة هاي ؟ ما بتتطاوشوا يعني ؟

ياسمين : هههههه قولتك اشي بزهق، لازم نجدد حياتنا بطوشة

مها : شو حكى على خطبة اخته ؟ انبسط

ياسمين : اه انبسط، يصحله نسيب متل عمر

مها : اه والله، الله يهنيهم

ياسمين : عقبال خواتي يا رب، ما في عرسان ؟

مها : لا، مو مستعجلين انسي

ياسمين : امير شو عامل مع ريان ؟

مها : يييي كل شوي بيجي يتفقده، صار بده يحط بامبرز متله وما بعرف شو، مو ملحقين عليه اقناع

ياسمين : هههههه يا قلبي شو اشتقتله، ااخ متى رح اشوفكم انا

مها : شو وين بدك تولدي صحيح ؟ فكرتوا بالموضوع

ياسمين : لا لسا، لازم نخطط من هلا صح ؟ والله محتارة يا امي وكتير خايفة يحكيلي بده يجيب خالتي، تخيلي ؟!

مها ( بتردد ) : لو اجت يعني .. عادي

ياسمين ( باستغراب ) : لا طبعا مو عادي، من وين لوين تيجي ؟

مها : ما بعرف اعملي اللي بناسبك

ياسمين : ان شاءالله خير

مها : هي ريونة صحي، شوفي كيف بنقنق هههه

ياسمين : ههههه حبيبي، مو متخيلة كيف انا مو موجودة ؟ والله حرام

مها : بتيجي ماما، المهم انتي كمان تفكري بحالك وسلامتك تغذي يا امي ليه هيك وجهك نحيف واصفر بعده شو مالك ؟

ياسمين : لا عادي عشان ما بشوف الشمس، بالعكس كتيييير باكل اسالي احمد

مها : طيب صحتين وهنا، يلا خليني اشوف ريان وبنتحاكى

ياسمين : اوك، سلمي على خواتي وبابا

////

رانيا : تاخرت حبيبي وينك ؟

هيثم : والله علاء عزمنا على بيته نشرب قهوة وشكله القهوة صارت منسف

رانيا ( بدهشة ) : والله ! هاي خيانة بس

هيثم : حقك عليي، ما رح اكل كثير برجع اكمل معك

رانيا : لا ما طبخت اصلا كنت بدي احكيلك تجيب اكل

هيثم : طيب بجيبلك ولا يهمك، فكرتك طبختي عاد

رانيا : آدم زهقني نكد اليوم وتعبت، وما عرفت شو اطبخ

هيثم : يلا ما بطول عليكي، سايريه

رانيا : من اسنانه، طعميته وجبته ونام يا حبيبي، انا بلكي مديت حالي كمان من هون لترجع، يلا سلام

هيثم : ارتاحي مو غلط، سلام

ريم : اهلا وسهلا، زارتنا البركة مبارك لآيات وعقبال الشباب خالتو

منى : الله يبارك فيكي، تعالي اقعدي نشوفك

هيثم : خالتك الها زمان ما اجت

ريم : اشتقنالها والله، منيح اللي اجيتي

سهى : كيف العرسان ؟ ماله عمر ما قبل يعمل حفلة ؟

هيثم : يا بنت الحلال خلصيني بلا حفلة بلا بطيخ، هو بده البنت اخدها وراح الله يسهل عليهم

منى / سهى / ريم : هههههه

_______________________________

احلى يوم كان برفقة الشب اللي حبيته بدون مقدمات، وحبنا اكتمل بالحلال وما سمحنا لحد انه يفرقنا ..

كانوا ايدينا مشبوكين بطريقة صعب حدا يفهمها الا اللي جربها، ووعودنا لبعض ما الها نهاية الا بنهاية انفاسنا من هالدنيا ..

عمر ( بحب ) : مبسوطة يا قلبي ؟

آيات ( خجلانة ) : وانا معك دايما مبسوطة وبقمة سعادتي بكون

عمر ( رفع ايدي المشبوكة بايده وباسها ) : سامحيني عشان ما قبلت اعمل حفلة، بس ما حبيت اضيق على حالي اكثر من هيك

آيات : لا عادي، اصلا ما ببقل انه خالتو تتكلف مشانا شو ذنبها

عمر : بالضبط، يعني ذوقا لازم اشارك بالتكاليف حتى لو كانت عائلية، وما برضالك اشي ناقص يكون فهيك احسن وبعوضك عالعرس باذن الله حبيبتي ما تقلقي

آيات : صدقني ما بدي اشي ما تفكر كتير بالموضوع، خلينا ننبسط بوقتنا

عمر ( بغني ) :

وانا بين أديك .. تهت في مكاني

ونسيت معاك .. عمري وزماني

والوقت فات وياك ثواني

قربني ليك .. سبني أعيش أحساسي بيك

بتحدى العالم كله وانا وياك

وبقول للدنيا بحالها ان انا بهواك

وانت حبيبي وقلبي وروحي معاك

قربني ليك .. سبني اعيش احساس هواك

آيات : يا عمري، يسلملي هالصوت

عمر : يسلمك الي طول العمر، يلا وصلنا، خليكي شوي

نزل من مكانه بسرعة وفتحلي الباب ومد ايده يساعدني، ونزلت كأني اميرة ..

////

شعور بحجم الكون كنت احلم فيه من لحظة ما تغيرت مشاعري تجاهها، وحسيت بانه حب كبير اجتاحني ..

لما وصلتها على شغلها وتركتها هناك، كاني تركت قطعة مني ..

رجعت انحت بالصخر واكمل السعي وراء لقمة عيشي بعد اللي صار معي بهالايام القليلة ..

احمد : كيف حاله العريس ؟

عمر : هلا حمادة، مشتاق والله كيفك انت

احمد : تشقتلك مكة، بخير الحمدلله مبارك كتب كتابكم

عمر : الله يبارك فيك ياريتك معنا

احمد : ياريت .. عمر

عمر : اه احمد ؟

احمد : اللي عملته مشان آيات كل كلام الدنيا ما بوصفه، وانا فخور كثير فيك ومرتاح ومتطمن على اختي لانها بين ايدين زلمة جدع مثلك

عمر : تسلم على راسي ابو حميد

احمد : كل واحد فينا مرق بتجربة، واكيد تعلمنا وكبرنا وكنا قدوة لبعض باكثر من موقف، وانا مثل ما كنت بيوم من الايام مكانك اليوم انت مكاني مشان هيك بحكيلك رقبتي سدادة وان شاءالله انه احنا اكثر من اخوة و..

عمر ( قاطعته ) : الله يجزيك الخير مو غريب منك هالكلام، وانت قدوتنا وعمري ما اعتبرتك الا مثل اخوي عدي

احمد : فاهم عليك، بس كمان انت متزوج اختي يعني مو وحدة غريبة احكيلك اقطع اللقمة عنها عشان تسد ديونك

عمر : مشان هيك انا مو حابب احمّل حالي فوق طاقتي، خليني اسد اللي اخذتهم من اعمامي وابوي وسيدي وكافيها الله ما حدا فيهم قصّر

احمد : طيب انا حابب اعطي اختي يعني مو دين، رح تمنعني ؟

عمر : ... حسب شو رح تعطيها

احمد : لا هالاشي برجع الي، انا كمان عندي عقل وبعرف اتصرف واهلي كمان نفس الاشي وانتوا عندكم اخت واكيد بيوم من الايام رح تحبوا تعطوها اشي بدون مقابل، بكفي انها اختكم وشوف عماتك شو بعملوا لاخوانهم والعكس صحيح

عمر : ما بتقصروا، الله يقدرنا ونردلكم وانتوا بهداة بال وسعادة

احمد : بوجودك، دير بالك على حالك وخليك واثق انه ربنا ما رح ينساك، واحنا كلنا معك

////

قصي : ايوا ماما هيني قربت اوصل

سهى : طيب بالسلامة، انا عند ريم ازا بتحب تيجي

قصي : اه بحب، سلمى صاحية ؟

سهى : بنصحيلك اياها، يلا هي بستناك

امجد : كم بده ؟

سهى : قرب يوصل

منى : هلا بتفاجا

ريم : احنا اللي نتفاجا، طمنيني حلق وزبط حاله ؟

سهى : اه يختي عريس غير شكل

هيثم : شو قصته ابنك ؟

سهى : ولا اشي عادي كل عطلة هيك بعمل، بس خواته بعلقوا عليه

علاء : خواته مو مخليات حدا من شرهم لا همة ولا سارة ويارا وبنات الحارة

منى / سهى : ههههههههه

قصي : السلااااام علي...

الجميع : هههههه

قصي : ينعن امها الخيانة، وين العريس طيب ؟

منى : مع عروسته

قصي : الهي وانت جاهي اللي فرجاني عمر عريس يفرجيني لامي وانا عريس

ريم : شو هالدعوة اللي اقوى من صاروخ ؟ خلينا نشوفك وانت متخرج اول

قصي : لحقتي تغاري من مرتي ؟ يمة الحيايا تسسسس

هيثم : المهم حماتك ما بتحبك، خلصنا غدا يعني لا تستعجل لحد ما تلاقي حماية تحبك

قصي ( ببوس بسلمى ) : على اساس وقفت عالحماية ؟ خليها على الله اصلا ما في حدا بحبني انا اهئ اهئ

امجد : اترك البنت ما صدقنا وهي تنام، نقرت مخنا طالعة لخالها

قصي : اوعى تجيب سيرتها، بكرا بس ابن حمى اخوك يتشحتف على بوسة منها لا تيجي تتواسطله

منى / سهى / ريم : ههههههههه يا ويلي

هيثم : واحد نقر مخنا بسلفة اخت مرتك وواحد بابن حمى اخوك، شفتي خلفتك انتي واياها ؟

علاء : ههههههه

قصي : المهم طمنونا كل الامور تمام ؟ ما في اي هجمات من الاعداء او ما شابه

علاء : لا جلالتك كل الامور على ما يرام

سهى : الامن مستتب

قصي : ماشاءالله، طمنتوني صدقا كنت خايف ولولا عندي تزبيط وسحب واضافة ما بترككم بهيك محنة

امجد : متشكرين سعادتك

هيثم : حسبي الله ونعم الوكيل

منى : اي خليهم والله ببسطوا، يا ريت عمر اجا

ريم : ملحقة خالتو بكرا بتصيري ليل نهار تحششي، الفريق كله عندك

سهى : لا قصي اله لمسة خاصة

قصي : مرسي مامي، تؤبريني

امجد : بعيد الشر الف بعيد الشر يا حبيبي

هيثم : خليني اروح انا، يلا دايمة عالاكل يا ام سلمى

ريم ( بتسبل عيونها ) : تسلم خالو صحتين وهنا

امجد : حبيب قلبي خالو سلامة خيرك، عادي ولا كانه الاكل جاهز اعتبره طبيخ مرتك قصدي مرت ابن اختك

علاء : بعين الله، تعودنا قصدي تمسحنا

هيثم : هيهيهيهي طيب يلا تفضلوا علينا بالله

منى : ان شاءالله قريبا جاييك الدور

سهى : اه والله بدنا زيارة، من عيد ميلاد آدم ما اجينا

هيثم : بتشرفونا، يلا سلام

الجميع : وعليكم السلام

ريم : ريته نعيما والله

قصي : ينعم عليكي يختي عقبال عند زوجك

امجد : بحياتك

علاء : اه يا سيد امجد واخيرا شرفتنا بزيارة حلوة مثلك، شو اخبارك بالعزوبية مرتاح ؟

امجد : هوهوووو قول طااااير من الكيف، ولا جرعة كوكايين طلعت هالعزوبية

منى : اوف اوف وين اللي كان ما بتحاكى دايب بدباديب ديانا سبنسر

سهى : هههههههه منى

امجد : ريّحتك منها شو بدك احسن

علاء : بس ما عرفنا لحد هسة شو المشكلة بعلاقتكم صارت حتى تتركك هيك ؟ يعني كان واضح عليها انها بتحبك كمان

امجد ( عيونه على قصي ) : بتعرف انا نويت انسى ونسيت فعلا ومو حابب اتذكر

سهى : خير ما عملت خالتو، ان شاءالله بنفرح فيك وانت ماخد ست البنات

منى : بس على زوقه هو انا ما بخطب لحدا

قصي : عاساس رح يخليكي تخطبيله، منيح اذا بعثلكم كرت مثل اخوه

علاء : ما تجيب سيرة اخوه، هداك وضعه غير شكل والكل كان يستنى كرته

ريم : طولوا بالكم ما بدنا قصف يرضى عليكم

سهى : الله يهدي بالنا عليكم، يا سقا الله واحنا شايفينكم ببيوتكم مرتاحين وما بدنا اشي

منى : امين يارب

_______________________________

بعد شهرين <<

الوقت عم بمر بسرعة، وما ضل قدامي مجال كبير حتى اقرر مصير ولادة ياسمين ..

التفكير تعبني، وياسمين ساكتة ما بتفتح تمها ولا بتجيب سيرة الموضوع كله ..

كانها خايفة احكيلها بدي اجيب امي، لانه خالتي صعب جدا انها تيجي للاسف ..

ابو امير : كيف حالك يا نسيبنا الغالي وين هالغيبة ؟

احمد : يا هلا يا هلا عمي، والله حقك على راسي

ابو امير : يسلم راسك، ازعجتك يمكن بعدك بالشغل ؟

احمد : لا بالعكس قربت اوصل البيت

ابو امير : طيب قبل ما توصل خليني اخبرك هالخبرية، بس بدون ما يوصل خبر لياسمين

سمعته والكلام اللي طلع منه ضحكله قلبي قبل وجهي، يا الله شو فرحت وما تخيلت اخبي هيك خبر على ياسمين ..

سكرت الخط وبرسم خطط وافكار كيف امهد لياسمين المفاجاة، بدون ما احكيلها اياها بالغلط ..

ياسمين : يعطيك العافية حبيبي

احمد ( بحاول اكون طبيعي ) : يعافي قلبك، كيف حالك اليوم ؟ ليه وجهك تعبان ؟

ياسمين : ما بعرف عادي، بعدين حاطة مكياج شكله مو عاجبك

احمد : طيب يلا ناكل، عشان اخبرك هالخبر الحلو

ياسمين ( لمعوا عيونها ) : شو هو ؟

لعبت باعصابها وخليتها تحط اكل وتاكل مثل ما بدي، وكل الكمية اللي حطيتلها اياها، وكله فدى الخبر الحلو اللي بدي احكيلها اياه ..

ياسمين : خلص خلص والله انفجرت رح استفرغ هلا

احمد : اخر لقمة وخلص

ياسمين : يلا ماشي، بس احكيلي نطفت قلبي

احمد : يا عليي انا، نسيتي فنجان قهوتي اللي من تحت ايديكي

ياسمين ( تنهدت ) : امري ل الله، بس اخرتني اخد حقي منك

احمد : هههههه

بسرعة البرق جهزت احلى فنجان قهوة، وانصمدت جنبي ..

ياسمين : يلا احكيلي، ما ضللك حجة

احمد ( شعلت سيجارة وسحبت نفس منها ) : هاد يا ستي جايينا ضيوف قريبا

ياسمين : ضيوف شو ؟

احمد : من الاردن، يعني حدا جاي عمرة

ياسمين ( بفرح ) : من العيلة ؟

احمد : اه .. بس اتطمني مو من اهلي يعني عشان ما اخرب فرحتك

ياسمين : وحتى لو من اهلك البيت بيت ابنهم اهلا وسهلا

احمد : تسلمي، بس كمان انتي صاحبة البيت، المهم مين بتتوقعي ؟

ياسمين : امممم ما بعرف

احمد : عكل الاحوال ما رح احكيلك لانها مفاجاة، بس عشان اسهل عليكي رح يناموا عنا يعني رح تاخدي راحتك عالاخر وبدون حجاب كمان

ياسمين ( مبسوطة ) : معقول سيدي وستي وحدا من اخوالي معهم ؟ يارب

احمد ( مستغرب ) : حابة تشوفيهم اكثر ناس يعني ؟

ياسمين ( بياس ) : انا حابة اشوف الكل ومشتاقتلهم بس منطقيا ما حدا بنطبق عليه هالمواصفات وجيته متوقعة غيرهم

احمد ( بخبث ) : طيب بنشوف، بس اذا ربحت رح يكون في الي جائزة منك

ياسمين : مستحيل تخسر انت، الله يستر شو ناوي تاخد جائزة مني ؟

احمد ( حضنتها ) : هههههههه يا بي شو بموت فيها هالبنت، يارب يجوا اولادي اذكياء لامهم وبفهموا عالطاير

ياسمين : ههههههه عاد انا بدي اياهم يطلعوا لابوهم عشان يتزوجوا بنات متلي

احمد : اااخ، شفقان عليهم اذا رح يطلعوا مثلي بالحب، كل حياتي عذاب

ياسمين : انا اللي مرتاحة يعني ؟ الحمدلله الذي لا يحمد على مكروه سواه

احمد : ياسميييين !

ياسمين ( بجكر ) : عندك اعتراض ؟

____________

ليلا <<

احمد ( حاضنها وايدي بتمشي على شعرها ووجها ) : ياسمينتي

ياسمين ( شبه نايمة ) : اممم

احمد ( ببوس فيها بكل مكان ) : حبيبتي انا كثير خايف عليكي، وبفكر بموضوع ولادتك ومو ملاقي حل، ما بدك تساعديني بالتفكير

ياسمين : ما بعرف

احمد ( رفعت وجهها بايدي واتطلعت بعيونها ) : انا بعرف انه اتفقنا ما نفترق، بس مستحيل يكون في حل الا انك تروحي تولدي عند اهلك وانا باخد اجازة بموعد ولادتك وباجيكي

ياسمين ( بترجف ) : ... كيف يعني ؟

احمد : ما بأمن عليكي هون باي لحظة تيجيكي ساعة الولادة ويمكن اكون بالشغل، وللاسف وضع خالتي لا يسمح انها تيجي وامي مستحيل افرضها عليكي بس لمجرد انه ما تسافري

ياسمين ( نزلوا دموعها ) : احمد، انا كنت خايفة اقترح عليك هيك من الاول وتفكرني نسيت اتفاقنا

احمد ( مسحتلها دموعها ) : لا لا اوعي تفكري هيك، مصلحتك فوق كل اشي، هاي ولادة مو لعبة ولازم نفكر بعقلنا، بعدين رح اجيكي كم يوم وبعدين بتلحقيني انتي ويحيى على خير بتكوني شديتي حيلك شوي بعد الولادة

ياسمين ( هزت راسها بابتسامة ) : ان شاءالله

احمد ( بست راسها وضميتها بقوة ) : بحبك يا اغلى من روحي، لو تعرفي شو خايف عليكي

ياسمين : بعشقك بجنون، ما يحرمني من حنينك وحبك

احمد : صحيح، حاولي ما تجيبي سيرة المفاجاة لحدا يعني اعملي حالك مو عارفة اشي

ياسمين : تمام ولا يهمك

////

مها : قولتك بخبرها ولا بخليها مفاجاة

زياد : هو حكالي انه بخاف عليها من المفاجآت، رح يمهدلها بس بدون ما يحكيلها بالضبط مين

مها : يا حبيبتي، متخيلة منظرها من هلا

زياد : اشتقتلها كثيييير يا مها، اشتقت اشم ريحتها واشوف الحنية اللي بعيونها

مها : حنية ابوها كلها فيها

زياد : ههههه بس طالعة شوي شريرة لامها

مها ( زورتني ) : ماشي، الله يخليلك بنتك

زياد : ههههههههه وامها وخواتها واخوانها يارب

////

منى : مبسوطة مشان زياد

ابو احمد : اه والله، اله زمان ما راح مسكين واكيد هسة بكون طاير عشان رح يشوفها

امجد : يا ريت يصحلي انا اروح

انس : احنا شباب الكلية بخططوا يطلعوا رحلة بعطلة نصف الفصل

امجد : طيب اذا بصير انا اروح كمان سجلني اه ؟

ابو احمد : يا سلام على هالشباب ما لحقتوا تدخلوا الجامعة يابا، صرتوا مخططين رحلات مثل هيك ؟

انس : لا همة شباب الاكبر منا، واقترحوا على الجميع للي بقدر يروح

منى : ربنا يسهل اموركم ماما، احلى رحلة ممكن الواحد يروحها

امجد : اه والله، ذكرياتها مميزة

_______________________________

_______________________________

بعد اسبوعين <<

ابو ماهر : سلملنا عالحبايب، واقنعهم يرجعوا بسرعة

ابو امير : بوصل باذن الله، لا توصي حريص

الجميع : توصل بالسلامة

مها ( بتودعني ) : دير بالك على حالك، وياسمين امانة طمني عنها وشوف كيف وضعها ؟ وكل اشي كل اشي

ابو امير : ههههه على مهالك عليي شو مالك ؟ ولا يهمك كل اشي ببالك رح يصير وزيادة، بس انتي اللي بدي منك تكوني قد حالك بغيابي وان شاءالله الكل حواليكي وما بقصروا

مها ( ضمتني بقوة وبتبكي ) : يا حبيبي ترجعلنا بالسلامة، الله يهون عليي غيابك عني هالكم يوم

زياد : حبيبتي استودعتكم لله الذي لا تضيع ودائعه

البنات ( بين ايدي ) : ما بدي اوصيكم بابا، الله يرضى عليكم بدي تكونوا قد المسؤولية وما تغلبوا امكم وتساعدوها وبنفس الوقت ما تهملوا دراستكم

فرح ( بتبكي ) : بابا ما اتطول علينا، انا ما بعرف ادرس بدونك

ابو امير : بدي اشوفك كيف صرتي كبيرة وتدرسي لحالك

حنين : بابا سلملنا على ياسمين وطمنا عنها

رنين : اقنعها تيجي تولد عنا يا بابا

ابو امير : ان شاءالله بنحكي بهالموضوع وبنشوف المناسب، يلا خلوني اطلع قبل ما تروح عليي الطيارة

مها : اه يلا هيني جاهزة، اخد امير ؟

ابو امير : يا ريت كلهم تيجوا

اسيل ( بتبكي ) : ما في وسع، للرجعة ان شاءالله بنتبادل

وعلى قد ما كان الوداع صعب، كان وصولي لاداء مناسك العمرة واتمامها بفضل الله من اهون ما يكون ..

واجا دور اللقاء ورفع الغطاء عن المفاجاة ..

////

احمد : تعبانة حبيبتي ؟

ياسمين : لا عادي، يلا وينهم ؟

احمد : مين ؟ ههههه

ياسمين : ما ازنخك خلصني

احمد : يلا خدي نفس، هي وصلنا الفندق

كنت متفق انا وعمي اجيب ياسمين عنده عالفندق، ونطلع عالغرفة ..

احمد : يلا دقي عالباب

ياسمين : طيب

ابو امير ( فتح الباب ) : وصلتوا بسرعة

ياسمين ( وقعت شنتتها وحطت ايديها على تمها بدهشة ) : بابا ! ( ضمته وبتبكي ) يا حبيبي يااااا عمري انت شو اشتقتلك مو مصدقة

اكثر من عشر دقايق وهمة حاضنين بعض، وانا ماسك دموعي بالعافية، آخر اشي بعدتهم بحجة انه اجا دوري اسلم ..

اجت حضنتني انا كمان ..

ياسمين : بحبك بحبك احمد، شكرا عالمفاجاة

احمد : ههههه نيالي

ابو امير : يا عيني، ما حدا قدك يا عمي نيالك، تعالي هون اشوف، وين حفيدي ؟

احمد : هههههه رح اتدور كثير والله يا عمي

ابو امير : شو هاد بابا ؟ هاد منظر وحدة بالشهر السابع ؟ حرام عليكي والله، منيح ما امك اجت وشافتك هيك

ياسمين : بابا هاد احمد خايف عليي انصح واصير دبة حكالي بتجوز عليكي، فمنع عني الاكل الدسم

احمد : ههههههههع

ابو امير : صراحة اقنعتيني، الله يقومك بالسلامة ويطمن بالنا عليكي

احمد : يسلم عمرك، طمنا كيف هالعمرة كانت ؟

ابو امير : الحمدلله ميسرة ولا احلى منها

ياسمين : كيف رح تستقبلك ماما وانت حالق عالصفر هههههه

ابو امير : امك كل اشي عليي بتحبه، انتي خليكي بحالك بدون نكش

احمد : هههههههه بلشت ام لسان

ياسمين : المهم احكيلي كيف امير ؟ لسا متزكرني وريان ؟ مين بشبه ؟ وكيف حركاته متل امير ؟

ابو امير : اه طبعا متذكرك ما احلاه وناسي ياسمينة، وريان بجنن الله يحميه شقي مغلبنا، الله يكون بعون امك مو ملحقة مسكينة

احمد : قلبي عليكي يا خالتي، الله يقويها ويعطيها الصحة

ابو امير : امين، ويرضى عليك، طبعا ما في داعي اذكرلكم وصايا السلامات اللي حملوني اياها

احمد / ياسمين : الله يسلمهم

احمد : يلا قريبا ان شاءالله بنشوفهم

ابو امير : جد ؟ في الك اجازة يعني

ياسمين : بابا رح اجي اولد بالاردن ان شاءالله، واحمد اكيد رح يجي كم يوم

ابو امير : خبر حلو فرحتونا، يلا على خير

احمد : حجزتلها كمان اسبوعين ان شاءالله بتكون انت رجعت وارتحتوا شوي عشان تيجي ام غلبة تغلبكم

ابو امير : ما يحرمنا من غلبتها، هي تيجي وتغلبنا قد ما بدها

ياسمين : الله لا يكسف حدا بس ههههه

احمد : بتموني، اتدللي بوجود ابوكي يلا

ابو امير : اه طبعا الدلال كله الها

احمد : يلا عمي جهز اغراضك عشان نمشي، خلينا نلحق نعشيك من منسف بنتك قصدي من منسف المطعم اللي بنتك دلتني عليه

ياسمين : هههههع

احمد ( بكمل ) : جزاها الله خيرا، لولاه علينا صراحة

ابو امير : يلا توكلنا على الله، بس بدون منسف

ياسمين : بنمزح بابا، انا عاملة اكل ومجهزة كل اشي

احمد : اه والله ما قصرتي حبيبتي

////

مها : يييي وين شعراتك يا زياد ؟

حنين : هههههه زمان ما شفناه هيك

مها : يا حبيبتي ياسمين ضحكتها بتجنن بهالصورة

رنين : اه طبعا عزوتها وسندها اجاها والدلال كله الها هلا

حنين : حبيبي يا بابا يطوللنا بعمرك

مها : امين، وعقبال ما نفرح فيكم، خليني ابعت الصور عالجروب

اسيل : ابعتيه عالجروب الكبير مو بس انتي وخالاتي

مها : اه صح خلي اخوالك كمان يشوفوا

يتبع ..