انت اتخرجت | ازاى تبدأ غلط|الخوف من تكرار الفشل | اية اللى مفروض تعملة بعد التخرج عشان تنجح فى حياتك

اعزائي المشاهدين السلام عليكم ورحمة الله وبركاته .

لو انت دخلت ع المقالة دى عشان تعرف فعلا ازاى تبدأ غلط . ف انت عملت زى اللى شاف ان الباب دة مكتوب علية ممنوع دخول الفشلين ورغم كدة مدخلتش.!!

بسم الله الرحمن الرحيم. والحمد لله رب العالمين. سنرحل ويبقى الأثر. لا يتواضع الا من كان واثقا بنفسه، ولا يتكبر الا من كان عالما بنقصه، وأملك من الدنيا ما شئت، لكنك ستخرج منها كما جئت. فصلوا على الحبيب المصطفى صلى الله عليه وسلم. بعد.

البداية و الخوف من تكرار الفشل

الخوف من تكرار الفشل انا متأكد ان كل واحد فينا واجه المشكلة دى ،وبالتحديد لما تحس انك فشلت فى كل اللى عملتة وبذلتة من فكربعد اخر خسارة، بتحس كدة انا ازاى وصلت ل دة ف غالبا ان اى حد بيبقي مضغوط وف قلق وتوتر فلما بتبدأ بعد الخسارة ، بتبدأ تشك ف نفسك. يعنى مثلا لما تعمل زي كدة وتفشل فى التدوين على الموقع دى حاجة خلتنى اتردد انى اكتب وادون عشان خايف من الخسارة.ف فى اللحظة دى تفوتك صفقة مربحة،من بناء لموقع جمييل تكتب علية كل افكارك وخبرتك فتبدأ تضيع على نفسك نقطة دخول ناجحة للعمل ، فبتدايق ، وفى نفس الوقت لو فضلت ماشي بالشكل دة هتغلط غلاطات كبيرة جدا .عشان بتبالغ ف تقدير المخاطر. لازم اتعلم الصبر والتأنى واصتياد الصفقات المربحة ، وادور على شكل جديد.اذا فلازم اتعلم كل يوم حاجة جديدة ،متخليش اعتمادك ع الاخرين ،ابحث انت دور على اسباب اللى ممكن تخليك تكرر الفشل وحاول تتجنابها ف المستقبل القريب.

ما الذي تركه لنا العقل الجميل بعد وفاته لنعتبره؟

- انت اتخرجت.. انت مش عارف هتعمل اية.. انت مش عارف بتحب اية.. انت مش عارف انت عايز اية.. ولا انت عارف انت كنت بتدرس اية اصلا ، بس كل اللى انت عارفه دلوقتى انك عايز تشتغل ، كل اللى عندك فى البيت بيسألوك انت هتفضل قاعد كدة كتير ، انت اصلا مكنتش حابب الكلية اللي درست فيها ، طيب المفروض هتعمل ايه دلوقتى . انت عايز تدرس حاجه تانية ولا عايز تشتغل وخلاص ...لو انت لسه متخرج انا عارف ومتاأكد ان كل الاسئلة دى عدت على دماغك وفكرت فيها وبتحاول تلاقي ليها اجابة .

في المقالة دى هحاول اجاوبك على الاسئلة دى ونفكر فيها سوي . بص ياصديقى : اللي انت اتعلمتة فى الكلية دة حاجة واللي انت هتتعلمة على ارض الواقع حاجة تانية خالص مهما كان تخصصك ، الشهادة هتجبلك شغل اكيد .... لكن انك تعلم نفسك بنفسك (التعليم الذاتى يعنى) اللى هو Self Study هيخليك ناجح ، فتخرجك مش معناه انك خلصت تعليم بالعكس : ده الوقت اللى لازم تبدأ تتعلم فيه بنفسك وتعرف الحاجه اللى هضيف ليك .

عشان نبقي على صراحة مع بعض ، اللى انت درسته فى الكلية (معظم الكليات يعنى) موادها مش هي اللي هطبقها فى ارض الواقع ، كل اللى درسته عباره عن تشاش بس ، لكن الاهم انك تبدأ تنمي عندك المهارات والقدرات اللى نقصاك لان انت نقصك مهاره فعلا ، تاخد كورسات بقى . تاخد دورات .. تعمل حوارات فى مجالك بقي . او ف غير مجالك. المهم تعرف اية اللي هيعلى سعرك ف السوق وتعملة.

- أول 3 سنين بعد تخرجك

اول 3 سنوات بعد التخرج .. دول مرحلة اللعب والتجربة ، متسبتش ف مكان او ف شغل واحد ، اصل ده مش مفروض عليك . بالعكس اتنقل من مكان لمكان ، خد لخبرة من هنا وهنا .. وذود مهاراتك .وف اول 3 سنين دول متفكرش تحوش فلوس .. او حوش وادخر مبلغ يسندك ، بس متفكرش تحط نفسك ف التزامات، بالعكس ركز على انك تستثمر فى نفسك ، خد كورسات نمى مهاراتك .. اعتبر نفسك ف فترة تدريب . واغلط واتعلم من غلطك .. وجرب تانى ، لان دى فترة المحاوله والخطأ واللى ممكن يكون معظم محاولتك فيها منجحتش بس مش مهم عادى يعنى م انت طول عمرك فاشل هتزعل دلوقتى .

- السوشيل ميديا

فترة راحة من السوشيل ميديا ، وسائل التواصل الاجتماعى خدت من وقتك كتير جدا ايام الكلية .. بس هى اكيد عملتلك شبكت تواصل وعلاقات جامدة جدا ... بس دلوقتى بعد التخرج متحولش تديها اهتمام كبير، لانها احيانا هتديك احساس سلبى انك مش ناجح . ازاى بقى السوشيل ميديا بشكل طبيعى كدة بتخلى الناس تظهر الجانب الافضل ف حياتها ف الوقت الحالى يعنى .. مع انها اصلا للتدوين والتواصل مش للفشخرة .. ف اول م هتفتح فيس بوك او انستاجرام هتلاقى بقى اللى فتح شركة ليه واللى اشتغل ف شركة كبيرة واللى سافر ف هتحس انك متاخر ومتأخر كتير كمان ، مع ان الحقيقة على العكس تماما. كل واحد ماشى ف التراك الخاص بية .. ف ممكن حد يبقى سابق شوية بس التانى قاعد ورا بيجهز كويس وبيزود خبراته وممكن يسبق اللى سبقه ده عشان كدة متبوصش على اللى سبقك. وركز على نفسك . ده هيكون افصل ليك .ف كل الفكرة انك تاخد راحة من الميديا وقلل استهلاكك منها شوية ، وتركز اكتر على الكورسات والمهارات وتطوير نفسك وتتفرج على الفيديوهات المفيدة بالنسة ليك على اليوتيوب وركز على نفسك انت وبس ... انت انجزت اية ده السؤال الاهم فى سوق العمل ...... نادرا لما هتلاقى حد بيسألك انت تقديرك كان اية ولا اتخرجت منين , بس هيقولك ورينى انت نجزت اية ، ملفك ف خبرات اية ، الCV بتاعك ف كورسات ومهارات وخبرات اية ... اية المهارات اللى هتفرقك عن حد تانى بيقدم لنفس الشغل ... يعنى م الاخر كدة ، اية القيمه اللى هضيفها عن غيرك لصاحب الشغل او المكان اللى هتشتغل فيه .ف انا مش بقولك ان الشهادة مش مهمه .. لاء دة مهمه ومهمه جداا كمان ، واللى انت اتعلمتة ف الكلية ده مهم .. بس اللى انا بتكلم فيه ده هو الاساس اللى هتبنى عليه العماره .. اللى هى نفسك يعنى

الخاتمة

في النهاية، التخرج ليس نهاية الطريق بل هو بداية فصل جديد في حياتك، حيث تتغير التحديات والفرص. قد تشعر بالخوف من الفشل أو القلق من تكرار الأخطاء السابقة، لكن عليك أن تتذكر أن الفشل جزء من رحلة النجاح. بدلاً من أن تراه عقبة، اعتبره فرصة للتعلم والنمو. أهم شيء أن تبدأ بخطوات واثقة نحو أهدافك، وتحافظ على مرونتك في مواجهة التحديات. اعمل على تطوير مهاراتك، وابحث عن فرص جديدة، ولا تخشى اتخاذ المخاطرات المحسوبة. تذكر أن النجاح لا يأتي بالصدفة، بل هو نتاج عمل مستمر، تخطيط سليم، وإصرار على التقدم. ابدأ الآن، ولا تدع الخوف يوقفك عن بناء مستقبلك.